2000FUN論壇

標題: 個game流失新玩家只係舊玩家o既錯? [打印本頁]

作者: 夢可兒 時間: 11-6-22 02:20 PM 標題: 個game流失新玩家只係舊玩家o既錯?

啲人成日話啲老手見啲新手做錯野就踢..
話佢地吾俾人地解釋..
俾名3秒後以經踢左
攪到啲新手玩吾夠一日就放棄左fez
但係其實啲新手係咪都應該去爬下文呢..
我吾係覺得係咁踢新手係應該..
但係你玩一隻game一開始係咪應該去睇下啲教學呢?
教學真係咁難搵咩?
咩教學都吾睇,,
就算真係有啲有心人教你
你都未必明佢嗡乜(吾明啲專業用字e.g.巨營,,死門....)
一係就埋怨啲人吾教你
之後就放棄左依隻game
個game流失新玩家只係單方面係舊玩家o既錯?

作者: 絕望的眼睛 時間: 11-6-22 02:25 PM

本人新手時期沒看過教學文的路過

作者: 上海． 時間: 11-6-22 02:26 PM

呢排不停有新手加入
剩係教新手任已經頭痕
BTW依家已經拍好左新手任流程
呢幾日剪左去
剩番既就係, 睇下新手會唔會有團收喇

作者: 唔知呀你呢? 時間: 11-6-22 02:27 PM

我團都有教人玩
專教D 16-20LV做完新手任係城到周圍走果堆人
不過好撚心淡,次次教完幾日之後就冇左影,
OK冇問題,最重要係佢地冇影前幾日佢地借左我把武,
跟住先消失

SOR認真左

作者: 夢可兒 時間: 11-6-22 02:28 PM

原帖由 上海． 於 11-6-22 02:26 PM 發表
呢排不停有新手加入
剩係教新手任已經頭痕
BTW依家已經拍好左新手任流程
呢幾日剪左去
剩番既就係, 睇下新手會唔會有團收喇

其實我覺得個新手任係誤導新手

作者: 薩非羅斯 時間: 11-6-22 02:28 PM

係橘子既錯

作者: 水錢 時間: 11-6-22 02:30 PM

原帖由 夢可兒 於 11-6-22 02:20 PM 發表
啲人成日話啲老手見啲新手做錯野就踢..
話佢地吾俾人地解釋..
俾名3秒後以經踢左
攪到啲新手玩吾夠一日就放棄左fez
但係其實啲新手係咪都應該去爬下文呢..
我吾係覺得係咁踢新手 ...

好細聲:你幾時見有人會為左玩隻game去睇說明書

作者: 笨~蛋~夢~ 時間: 11-6-22 02:31 PM

新手都要聽教先得...
<-教某個新手.一樣野說了好多次佢都明知故犯.仲要系度笑話「好玩」

作者: 夢可兒 時間: 11-6-22 02:32 PM

原帖由水錢於 11-6-22 02:30 PM 發表

好細聲:你幾時見有人會為左玩隻game去睇說明書

吾睇說明書冇所謂..
但係吾好玩到係咁俾人踢,,
之後話冇人教佢

作者: 不二z 時間: 11-6-22 02:33 PM

我都見到好多人踢新手 = =
旦無計有時團友話踢
都無佢地計架

唔知點講好 =.=

作者: 上海． 時間: 11-6-22 02:34 PM

原帖由 夢可兒 於 11-6-22 02:28 PM 發表

其實我覺得個新手任係誤導新手

都唔算, 新手任既原意只係教基本操作
用最後個part國戰黎做例子
如果一個無做新手任既新手
直接入國戰
禁z可以起野又唔知, 禁c制可以坐低又唔知, 可以出召都唔知, d召係用黎做乜又唔知
你會教得更辛苦
所以新手任係比一個概念新手操作既技巧
但新手任無疑有不足之處
雖然佢有將重要既國戰部份教比新手, 但係出左駐紮地之後既指示係非常唔清晰
so....加上2kf好多資料已經半過期, 好需要一班有心有力既人幫手再寫過d新既攻略

作者: 水錢 時間: 11-6-22 02:36 PM

原帖由 夢可兒 於 11-6-22 02:32 PM 發表

吾睇說明書冇所謂..
但係吾好玩到係咁俾人踢,,
之後話冇人教佢

姐係咁
如果冇人同你講
1+1=3係錯
咁你咪一直都覺得1+1=3係冇錯囉= =
而以家個問題就係一味死同佢講你錯啊你錯啊
但係又冇人同佢講佢點錯= =

作者: 夢可兒 時間: 11-6-22 02:36 PM

原帖由 笨~蛋~夢~ 於 11-6-22 02:31 PM 發表
新手都要聽教先得...

我都試過,,
叫佢壙左2-3支先出騎
咁會好啲..
佢問反我儲住啲水有咩問題
我真係吾知點答佢..

作者: 上海． 時間: 11-6-22 02:38 PM

原帖由 夢可兒 於 11-6-22 02:36 PM 發表

我都試過,,
叫佢壙左2-3支先出騎
咁會好啲..
佢問反我儲住啲水有咩問題
我真係吾知點答佢..

只需要講一句, 我地團唔需要唔聽教既人

作者: 水錢 時間: 11-6-22 02:38 PM

原帖由 上海． 於 11-6-22 02:38 PM 發表

只需要講一句, 我地團唔需要唔聽教既人

錯啦
呢個時候
需要一位女生
最好少布

作者: 夢可兒 時間: 11-6-22 02:40 PM

原帖由 上海． 於 11-6-22 02:34 PM 發表

都唔算, 新手任既原意只係教基本操作
用最後個part國戰黎做例子
如果一個無做新手任既新手
直接入國戰
禁z可以起野又唔知, 禁c制可以坐低又唔知, 可以出召都唔知, d召係用黎做乜又唔知
你會教得更辛苦
所以新 ...

我明但係新手任果到啲電腦巨人炸騎有成500
攪到啲新手騎都吾出..
係主城巨營
之後出巨去炸人

作者: 水錢 時間: 11-6-22 02:41 PM

原帖由 夢可兒 於 11-6-22 02:40 PM 發表

我明但係新手任果到啲電腦巨人炸騎有成500
攪到啲新手騎都吾出..
係主城巨營
之後出巨去炸人

這個

唔比人sm過唔知坐水好
唔出過巨唔知出騎好

作者: mahoro 時間: 11-6-22 02:41 PM

除非真係25 or 有背叛既判定
如果唔係我都好少踢人

作者: icer-power 時間: 11-6-22 02:42 PM

肯教新手既人唔多,但肯聽教既新手幾乎搵唔到...

作者: 夢可兒 時間: 11-6-22 02:44 PM

原帖由 mahoro 於 11-6-22 02:41 PM 發表
除非真係25 or 有背叛既判定
如果唔係我都好少踢人

你吾踢啫,,
咁實有啲人覺得啲新手會累到人輸左場國戰
之後就踢左佢

作者: 水錢 時間: 11-6-22 02:46 PM

原帖由 夢可兒 於 11-6-22 02:44 PM 發表

你吾踢啫,,
咁實有啲人覺得啲新手會累到人輸左場國戰
之後就踢左佢

d人傻嫁
1條命晒你幾多國血
殺幾十條人命都未夠拆一支塔
咁多時間踢又唔見佢地守塔拆塔= =

作者: 夢可兒 時間: 11-6-22 02:50 PM

原帖由水錢於 11-6-22 02:46 PM 發表

d人傻嫁
1條命晒你幾多國血
殺幾十條人命都未夠拆一支塔
咁多時間踢又唔見佢地守塔拆塔= =

咁又吾係咁講..
主城巨營
起雙子果啲就
真係會累到輸...
你話叫啲老手同佢講吾好主城巨營吾好起雙子
啲新手又聽吾明..
就算聽得明
佢問點解..
你點答佢

作者: 不二z 時間: 11-6-22 02:53 PM

原帖由 笨~蛋~夢~ 於 11-6-22 02:31 PM 發表
新手都要聽教先得...

都無計又要隻game 多人玩
咁佢地要玩上手先識玩

慢慢教

作者: 矇豬仔 時間: 11-6-22 02:56 PM

搵人開個新手團,招哂D新手教哂佢咪得lor

作者: 英明．神武 時間: 11-6-22 02:57 PM

係人都知係橘子改到隻GAME ON99既錯

作者: 上海． 時間: 11-6-22 02:59 PM

原帖由 夢可兒 於 11-6-22 02:50 PM 發表

咁又吾係咁講..
主城巨營
起雙子果啲就
真係會累到輸...
你話叫啲老手同佢講吾好主城巨營吾好起雙子
啲新手又聽吾明..
就算聽得明
佢問點解..
你點答佢 ?

呢d野唔係實戰先教掛

作者: 夢可兒 時間: 11-6-22 03:03 PM

原帖由 上海． 於 11-6-22 02:59 PM 發表

呢d野唔係實戰先教掛

所以咪叫佢地睇教學

作者: 懸崖俏ζ 時間: 11-6-22 03:06 PM

有邊個唔係新手變老手?
剩係睇攻略你都唔會識晒啦
對於呢隻game係新手重要d定係輸贏重要d?

作者: 夢可兒 時間: 11-6-22 03:09 PM

原帖由 懸崖俏ζ 於 11-6-22 03:06 PM 發表
有邊個唔係新手變老手?
剩係睇攻略你都唔會識晒啦
對於呢隻game係新手重要d定係輸贏重要d?

攻略都吾睇更加吾會識

作者: 絕望的眼睛 時間: 11-6-22 03:11 PM

原帖由 夢可兒 於 11-6-22 03:03 PM 發表

所以咪叫佢地睇教學

邊到睇

作者: 夢可兒 時間: 11-6-22 03:13 PM

原帖由 絕望的眼睛 於 11-6-22 03:11 PM 發表

邊到睇

巴哈大把

作者: 絕望的眼睛 時間: 11-6-22 03:16 PM

原帖由 夢可兒 於 11-6-22 03:13 PM 發表

巴哈大把

查實頂置就有

作者: 夢可兒 時間: 11-6-22 03:18 PM

原帖由 絕望的眼睛 於 11-6-22 03:16 PM 發表

查實頂置就有

知你又問

巴哈好似新啲

作者: ~友淺新恆~ 時間: 11-6-22 03:18 PM

我老啦隻手又慢!!!唔好話我呢D老人家啦!!!

作者: 櫻花幻影 時間: 11-6-22 03:19 PM

就係因為太過濫用踢人系統

打黎打去都係果班人

除左時間唔同,有唔同人之外根本無咩新意

作者: 絕望的眼睛 時間: 11-6-22 03:21 PM

原帖由 夢可兒 於 11-6-22 03:18 PM 發表

知你又問
巴哈好似新啲

分明抽緊你水

作者: 水錢 時間: 11-6-22 03:24 PM

有時有d野唔試唔知= =

作者: 懸崖俏ζ 時間: 11-6-22 03:29 PM

原帖由 夢可兒 於 11-6-22 03:09 PM 發表

攻略都吾睇更加吾會識

對我來講  睇完真係冇乜用
不如上戰場睇下d人點玩仲清楚d  哈哈
一開始QML係咩都唔知
有人變左叫人護佢  跟住佢行  到對方城爆左扣血成條血  贏左
我即刻清楚晒
其實輸贏真係咁重要?
輸一場多一個新手  你個國家咩賺多個人
而且新手始終都會變老手
何必為左贏一場而令到隻GAME少一個人玩呢?

作者: 夢可兒 時間: 11-6-22 03:40 PM

原帖由 懸崖俏ζ 於 11-6-22 03:29 PM 發表

對我來講  睇完真係冇乜用
不如上戰場睇下d人點玩仲清楚d  哈哈
一開始QML係咩都唔知
有人變左叫人護佢  跟住佢行  到對方城爆左扣血成條血  贏左
我即刻清楚晒
其實輸贏真係咁重要?
輸一場多一個新手  你個 ...

咁起野果啲呢?
重點係除左老手要教新手
新手自己都要識做..
吾好淨係話人吾教佢..

作者: 水錢 時間: 11-6-22 03:48 PM

原帖由 夢可兒 於 11-6-22 03:40 PM 發表

咁起野果啲呢?
重點係除左老手要教新手
新手自己都要識做..
吾好淨係話人吾教佢..

輸一場國戰多一個人玩
國戰幾時都係到
星介幾時都有得你搵
但係人走完多數唔會再反

作者: 絕望的眼睛 時間: 11-6-22 03:48 PM

原帖由 夢可兒 於 11-6-22 03:40 PM 發表

咁起野果啲呢?
重點係除左老手要教新手
新手自己都要識做..
吾好淨係話人吾教佢..

那只是一部分的人而已

作者: 血．天使 時間: 11-6-22 03:49 PM

踢新手之前係咪應該比警告呢??
沖紅燈過馬路差佬都會比警告啦下話..

作者: 夢可兒 時間: 11-6-22 03:52 PM

原帖由 血．天使 於 11-6-22 03:49 PM 發表
踢新手之前係咪應該比警告呢??
沖紅燈過馬路差佬都會比警告啦下話..

我直程覺得吾應該踢._.

作者: 懸崖俏ζ 時間: 11-6-22 03:58 PM

原帖由 夢可兒 於 11-6-22 03:40 PM 發表

咁起野果啲呢?
重點係除左老手要教新手
新手自己都要識做..
吾好淨係話人吾教佢..

唔好話真係有人教
我最多見到就係爆粗/踢人
教果d真係買少見少講得誇張d就係1個都見唔到有
或者你見過但係我真係未見過囉
係國戰里面學到最多係咩? 咩係粗口囉

作者: spike0711 時間: 11-6-22 03:59 PM

係社會既錯

作者: 夢可兒 時間: 11-6-22 04:02 PM

原帖由 懸崖俏ζ 於 11-6-22 03:58 PM 發表

唔好話真係有人教
我最多見到就係爆粗/踢人
教果d真係買少見少講得誇張d就係1個都見唔到有
或者你見過但係我真係未見過囉
係國戰里面學到最多係咩? 咩係粗口囉

拿,,我有密佢教佢架...
但係佢吾聽教

作者: 禧尐 時間: 11-6-22 04:05 PM

其實好多新手唔爬文呢樣先煩x_x
fez新手任雖然短左但都要做半粒鐘
做完教打國戰冇團既真係好難教就算教 d人又嫌煩

作者: 懸崖俏ζ 時間: 11-6-22 04:10 PM

原帖由 夢可兒 於 11-6-22 04:02 PM 發表

拿,,我有密佢教佢架...
但係佢吾聽教

如果多d呢d玩家就好囉

不過其實有幾個原因
1就係你所講佢唔聽
2就係佢唔覺意關左聊頻睇唔到
3就係國戰太刺激佢冇時間留意聊頻
4就係佢根本唔識用聊頻

作者: 薩非羅斯 時間: 11-6-22 04:17 PM

係水錢既錯

作者: ybm002116 時間: 11-6-22 04:30 PM

原帖由 spike0711 於 2011-6-22 15:59 發表
係社會既錯

世事俾你看穿了

作者: ybm002116 時間: 11-6-22 04:32 PM

與其話新手比人踢
不如話新手比人踢入唔到其他場
俾人踢可以忍姐
不過要你等足半個幾鐘
你都熄game la

作者: 飛吧飛吧 時間: 11-6-22 04:55 PM

我岩岩玩都係唔睇教學文~但係我依家一樣玩到

作者: FNwing 時間: 11-6-22 05:05 PM

我直頭覺得唔會有新手玩啦!中手都唔會點玩!
我呢排玩返隻game見到有d新手真係唔知玩咩果d新手任又真係好唔知點咁 so 我見好多新手係好快就放棄
就算你好有心機咁搞掂d新手任之後打國戰!(我諗都無幾多個真係會走去做d任)點知又低lv!上前線先有娛樂嫁ma!
又要俾人的去坐水唔係坐幾埸喎!係由十幾lv坐到30lv!正常你真係新手玩會唔會咁玩呀!?
但係唔咁玩又唔得喎!唔係又俾人踢又會人小!大團唔洗講仲有好多玩家係見到低lv就踢諗都唔諗!
fez又咁細個名就好易臭!出左名就更加唔洗玩!真係仲邊有新手玩!

作者: 不二z 時間: 11-6-22 05:31 PM

搵人搵D 新手教學放上2KF拉
唔識周圍搵

作者: jcchenghk 時間: 11-6-22 07:21 PM

根本就係而家d仆街大團自以為是
當隻game係佢
一見有新手就踢驚死個新手累輸成場國戰

fez呢d game唔同一般打怪刷錢升lv game
入門就難d 就算有人肯教一般人都可能捱唔住苦悶既坐水升lv過程
更莫講一黎唔知咩事就俾人踢既新手

作者: Knight_雲冷 時間: 11-6-22 07:31 PM

問心果句

你打機定番學？

一黎就要睇攻略？

自問，我搵game之前剩係會睇遊戲畫面、職業、操作系統

down緊果陣真係無野做先睇下所謂既簡介同basic攻略

攻略十篇著八篇都字海，你班老手見親自海都叫哂救命，咁班新手你覺得又會咁有心機去睇？

一入國戰就比人踢翻出黎仲要入唔到場，老手就話番城坐下hea下吹下水，咁新手呢？

無熱誠、覺得悶、覺得班老手on9，咁又邊鬼會有新手去玩去睇攻略？

好多人話密頻同個新手講左，但講到底，你又知個新手識密翻你轉頭？

再者  FEZ  同好多OLG都唔同，單係溝通性上面已經要好強

問題係好多Game既對話欄10條訊息9條都係[系統]

久而久之玩開其他game既新手習慣性無視對話

咁你班老手比d耐性叫下唔得？尤其是響新手前面既  你講野佢個mon見到架

作者: 大亂碼 時間: 11-6-22 07:38 PM

老老柒柒隻game風格唔係人人岩個ser啲人素質又唔係加埋橘子咁搞法唔汁都難

作者: 夢可兒 時間: 11-6-22 08:02 PM

原帖由 Knight_雲冷 於 11-6-22 07:31 PM 發表
問心果句

你打機定番學？

一黎就要睇攻略？

自問，我搵game之前剩係會睇遊戲畫面、職業、操作系統

down緊果陣真係無野做先睇下所謂既簡介同basic攻略

攻略十篇著八篇都字海，你班老手 ...

我知冇得控制人睇吾睇攻略
吾通真係開左個post個個都走去睇教學咩
但係吾好自己吾睇攻略做錯左野
俾人踢埋就話人咩都吾講咩都吾教就踢左你
就話係人地問題,,吾包容新手
吾識吾睇攻略都可以問人架...
又吾問又吾聽教
教完下一場又做番同樣o既野
咁人地緊係踢la
有啲新手係會覺得自己冇錯
教完佢又話我吾覺得自己錯
就算人地有心教你都要聽先得架
真係吾係話邊一個錯晒
邊個一出世識打機
但係想玩隻game可吾可以俾少少誠意..
吾係叫你背晒..睇下都好

作者: knc 時間: 11-6-22 09:18 PM

家陣隻game已經唔係新唔新手問題
係有部分玩家見自己係大團既人就係度9踢
今日先見過
佢地睇人唔順眼就踢
根本就係以踢人為樂
跟住輸左又仲學人串77講到自己岩哂
e.g今日一場:條友係度踢低lv
差d連幾個3x lv都比佢踢埋
之後話冇人出水係度講粗口
我心諗~d低lv都比你踢哂啦~仲鬼有人坐水?
輸咪又係你既錯~好意思聲大夾惡
重點係有一d人恃係大團人就9踢~唔關新唔新手事

[ 本帖最後由 knc 於 11-6-22 09:20 PM 編輯 ]

作者: 夢可兒 時間: 11-6-22 09:57 PM

原帖由 knc 於 11-6-22 09:18 PM 發表
家陣隻game已經唔係新唔新手問題
係有部分玩家見自己係大團既人就係度9踢
今日先見過
佢地睇人唔順眼就踢
根本就係以踢人為樂
跟住輸左又仲學人串77講到自己岩哂
e.g今日一場:條友係度踢低lv
差d連幾個3x lv都 ...

但係我個post吾係講踢人o既..

作者: chaushunkiu 時間: 11-6-22 10:04 PM

本人新手時期沒看過教學文
沒有新手任做

作者: 懸崖俏ζ 時間: 11-6-22 10:11 PM

原帖由 夢可兒 於 11-6-22 09:57 PM 發表

但係我個post吾係講踢人o既..

簡單一句就係某d大團開始排斥新手
雖然我未試過比人踢過
不過場場玩場場見到粗口
退線又爆　　　守塔又爆　　召騎又爆　　坐水又爆
贏左要串人　　輸左串嘴
本身覺得呢隻ｇａｍｅ幾好　　想介紹ｄ朋友一齊玩
依家我都唔敢叫朋友一齊玩

費時到時上線唔係玩ｇａｍｅ　　而係上去比人粗口問候就唔好啦

作者: 紅螞蟻 時間: 11-6-22 11:18 PM

原帖由 夢可兒 於 11-6-22 08:02 PM 發表

我知冇得控制人睇吾睇攻略
吾通真係開左個post個個都走去睇教學咩
但係吾好自己吾睇攻略做錯左野
俾人踢埋就話人咩都吾講咩都吾教就踢左你
就話係人地問題,,吾包容新手
吾識吾睇攻略都可以問人架...
又吾問又 ...

咩叫唔睇攻略做錯事?
玩game有人鐘意自己摸,有人鐘意背熟份說明書再玩
你遇著後者算你好彩,但大部份既新手其實都係前者
新手亂摸一下就俾人踢一次,摸多下就再俾人踢多次
你以為真係高登仔"百屌成材"咩,踢多幾次個新手自己都無癮刪game啦

新手唔識世界起雙子塔,黃頻就即刻有狗吠"XXX亂起OB請踢"
一個連紅綠燈係咩都唔知既人,你同佢講衝紅燈是不對的,你覺得真係有用?
你今次踢左佢,佢唔會知"亂起ob"既定義係咩,下場國戰一樣會繼續犯

隻game門檻高係事實,隻game有好多老手訂既潛規則亦係事實
新手一個"摸索學習"既動作,換黎既係老手神速投佢票
到底係新手唔肯非義務性地睇教學文既錯,定還是老手們用老玩家標準去評定新手既行為?
我覺得作為一個老手,你並冇義務去教新手,但亦冇權去抹殺新手享受一場國戰既權利

我自問真係冇咁好心 + 得閒去教新手,但起碼我會體諒佢新玩,
一兩枝雙子,死數10以上我可以當睇唔到

作者: 懸崖俏ζ 時間: 11-6-22 11:25 PM

所以話
新手流失有90%係老手造成
10%其他

作者: 8686886 時間: 11-6-22 11:58 PM

前兩日見到個5星 1lv 某大團ge人坐水 , 比人踢左
之後個大團就即刻開頻一直嘈嘈到番主城,

但係幾鐘之前 , 同樣某大團ge場 25lv以下都比人清走哂

唔好同我講d街人咁有心幫手踢低lv比其他街人入

作者: 〝童年。回憶〞 時間: 11-6-23 12:36 AM

樓主講留一樣　新手國戰聽唔聽人講都系一個問題．．

[ 本帖最後由〝童年。回憶〞於 11-6-23 12:39 AM 編輯 ]

作者: 夢可兒 時間: 11-6-23 08:09 AM

原帖由 紅螞蟻 於 11-6-22 11:18 PM 發表

咩叫唔睇攻略做錯事?
玩game有人鐘意自己摸,有人鐘意背熟份說明書再玩
你遇著後者算你好彩,但大部份既新手其實都係前者
新手亂摸一下就俾人踢一次,摸多下就再俾人踢多次
你以為真係高登仔"百屌成材"咩,踢多幾 ...

我冇話老手吾洗教佢地咩都要佢地自己睇
我吾係話要人背熟份教學..
大佬考試咩..打機都要要背定先你不如叫我去死
但係老手教之餘新手都有起碼都要識啲所謂o既專業名詞
我相信qml..ob依啲吾係個個新手都識卦
我個post原意係想講2邊都可以一齊做野
吾一定要一邊做晒...
實會有人意見吾同..我接受..
但係依啲先係我原本想講o既野

作者: 黑色百力滋 時間: 11-6-23 04:41 PM

留名跟進

歡迎光臨 2000FUN論壇 (https://www.2000fun.com/)