原帖由 RECALL．凌 於 11-6-27 12:36 AM 發表
有點長`先說聲抱歉=.=
遊戲背景：
完全初始既世界，1開波只有3個陣營
(紅國海之堡壘[海]，中立國荒無之地[陸]，藍國天空之城[空]）
紅同藍國係敵對..
3個營陣既地圖開始一律簡陋化，NPC全部爛衫爛布。
(只有隱藏地方先係精緻既場景)
因為世界會跟住玩家既路向去進化，
每個場景變化，都係由玩家/NPC去製造 (主NPC去製造，玩家要幫手)
(如修路起屋起商店之類…甚至由一棵樹都有機會係要玩家種出黎)
甘個場景就會愈黎愈靚同多野..當然都會有個上限。
地圖，副本，由玩家黎開通…
我鐘意見到棵樹唔順眼走去搖佢2下，梗住佢會掉D果落黎搞到我-HP
梗住仲會扣榮譽值..就有個護衛話我破壞公物。
NPC設定：
全人工智能，有自我性格，會隨住時間去進化同升級(技能等都會有所不同)
進化條件：隨著時間進化(最基本)，奇遇進化(某版本更新影響/觸發條件)
NPC 50% 係企係原位等你去接任，
43%係四圍走(根據你本身人物屬性黎觸發任務)
2%係隱藏NPC(觸發幾項條件+岩岩果個時間先會見到)
NPC只有一條血，如果死左呢個NPC就會永遠消失，由佢既仔/徒弟取代。
有好感度設定，達到某條件可以追隨玩家。
技能設定：
不再分職業，所有技能都可以學，技能由書本學習，特別強大既技能要
完成某特定條件獲得，可以自創技能(符合系統條件)
怪物設定：
普通怪唔再係只係就甘殺得死，要用道具/取巧先殺得死，
有弱點攻擊，某些怪會叫同伴，甚至扮死等等。
每1隻BOSS都有第2階段，得返15%血有機率觸發2第階段，
保留第1階段某10%技能其他90%全新技能[主要是高攻技]
怪物死左有機會彈個npc出黎比你接任務。
==============================================
其他仲未諗到住..
其實講甘多野, 我都係為住一個信念" 就係我玩GAME, 而唔係GAME玩我" 黎設定...
玩甘多隻GAME好累,想搵一隻可以玩得耐既GAME,呢幾年,無1隻GAME可以過到半年甘制....睇下2KF D OLG版,差唔多果個都係死城甘..
求下D廠商唔好再將本身模組升級就叫另一隻GAME啦.呢D唔係叫GAME呀..................
唔好改下公仔改下名就以為我唔記得你係之前汁左既舊GAME先得架....
我唔明點解宜家呢個時代, 仲夠膽死拎D半成品,果D OLG出黎黑SELL炒短線.....
次次睇見大陸D GAME出黎出去都係1樣..就火滾..想點
比你吞錢唔緊要呀..但都起碼比我覺得比你吞錢係開心呀..........
宜家呢個市場已經飽和啦..需要既係創新!!!!!!!!!!!!!! 唔係COPY!!!!!!!!!!!!!!!!!!!!!!
唔想次次因為人流減少,外掛入侵,遊戲商食水深等等問題又再轉GAME..
玩GAME>被吞錢>轉GAME>無限LOOP .....硬係搵唔返之前果種打機既心情同感覺..係咪人愈大,對打機變了(?)
宜家呢個OLG市場,暫時期待既就係0.0..... 激戰2,凡人,BS,上古...九陰(有待觀察).....
小妹我承認係睇得太多網遊小說..我承認整呢隻game 要需要好高既智能+ser負荷既問題.......
或且到我死果日...有機會見到=.=
無GAME下悶到係到FF下,不喜勿插>Q< .....唔知大家有冇咩好提議加上去XD..
