2000FUN論壇

標題: 淺談弓遊之我見 [打印本頁]

作者: 由莉菲亞 時間: 11-6-30 03:11 PM 標題: 淺談弓遊之我見

弓遊我覺得算係FEZ入面最難玩既職業, 準繩度要高, 落點要準, 反應又要快, 近期回流玩左幾場, 經常見到箭雨破冰之類既爭執, 純粹發表一下個人見解

還記得最初玩FEZ既時候, 我都係一隻弓遊, 而且仲係ON9破冰果隻, 當其時新入V團既我都俾人吊左好多次, 果陣既我當然係不爽, 不過事過景遷, 當自己再開戰士玩果陣, 就開始明白點解當時點解會被人吊得咁勁, 就會有另一番見解, 新手第一次接觸呢隻GAME, 好多時都會俾其他ONLINE GAME弓手比較著數既先入為主觀念導致第一隻人係玩弓遊, 然後開始碰釘, 題外話到呢度, 入番正題

點解弓遊會成日都好易破冰呢?
以前冰B既時間係6秒, 而家少左, 好多人會有錯覺係即刻破冰都冇所謂, 其實咁既諗法係絕對錯誤, 我引用例子, 當我地玩LOL, 又或者玩三國/信長, 我地會戰時必然會做既係控場, 而係FEZ入面其實都有類似既情況, 冰一隻人可以控3秒, 冰法既主要作用就係控場, 集火只係次要功能, 一個冰D放出去冰左2~3隻的話, 果3秒內敵方戰線就打少3隻, 如果冰中盾的話效果更可觀, 可能有人會覺得, 3秒姐好少, 影響唔大, 呢個情況同玩DOTA類遊戲都係一樣, 差距係由每一樣細微錯誤下(例如執兵執少左十幾蚊), 雪球效應越滾越大最後才會變成雙方實力懸殊, 最後演變成會戰一方被SM
繼續說明, 冰法放冰D既位置係會被敵人前排戰士所吸收, 於是正常情況下敵人中冰既通常都係前排戰士, 如下圖

咁同弓遊有咩關係呢? 其實就係大部份弓遊站位都係比較後, 心理作用覺得自己打得遠, 通常好自然就會企得後唔想俾人打中, 而企得後相對即係打得前, 於是好多時站位較後既弓遊箭雨落點如下

由於攻擊位置重疊, 冰d起手較慢, 於是就會有好大可能係冰法起手未冰中前, 弓遊射箭雨後剛好落在冰條上

於是就會經常出現戰士吊鬼"妖, 做乜一冰就箭雨破呀"

咁應該打去咩位置呢?
首先我地要明白fez職業相剋既道理
戰=>遊=>法=>戰
遊係專門打法師既職業, 而弓遊既最大功用就係彈幕, 落點準確既彈幕絕對可以把法師玩弄得死去活來, 而要打到後排法師, 弓遊站位就要靠前一點

咁做既好處係, 可以強迫對方法師小跳迴避箭雨, 咁自己友就可以捉佢落地打, 而且難免會有笨笨的法師被箭雨CUT技而白白損失PW, 一場國戰入面PW有限, 對方浪費PW即係我方承受既總傷害量下降

攻擊位置不同可大大降低破冰的危險性, 同時令對方法師被箭雨迫退, 咁我方戰士法師群就可以安全集火冰條

另外, 再睇番黎緊既更新, 箭雨對戰士傷害再下調, 表示箭雨打戰士既傷會好低, 開發商呢個更新既用意就係要令弓遊更傾向於打法師, 試諗下而家箭雨打戰士可能只係得6十幾傷, 而打法師最少有9十幾, 有入石的話會破百, 如果中到兩隻以上, 已經差唔多等於一個強力既傷害

以上只屬個人見解及9UP, 不喜勿插

作者: djdennislai 時間: 11-6-30 05:44 PM

支持原創內容~~~~

作者: 無盡的雪 時間: 11-7-1 01:56 PM

淺談都咁多野學 t__t

作者: 紫色羽毛 時間: 11-7-1 04:40 PM

我好鐘意張圖解入面d人仔sosad

作者: KaI七味粉 時間: 11-7-1 04:57 PM

其實弓遊都可以好有霸氣~~~

作者: motaswecx 時間: 11-7-2 02:07 PM

點解上面無提到吉吉/擊手 sosad

作者: 紫夜乂魚 時間: 11-7-3 10:07 PM

我是來留名的

作者: §神秘人star§ 時間: 11-7-3 11:31 PM

攻方企最前戈隻人仔係咪盾黎!!!!!?

btw.我覺得弓遊都係打法c比較好

作者: 叛紫 時間: 11-7-3 11:48 PM

我好中意D人仔LOL

作者: 霉乂男 時間: 11-7-3 11:50 PM

居然有圖

作者: 笨~蛋~夢~ 時間: 11-7-4 12:41 AM

對箭雨依招技完全無好感orz(我指自己用個時

作者: 憶瞳 時間: 11-7-4 06:28 PM

d圖

:thup: :thup:

作者: s_a_v_i_o_u_r_ 時間: 11-7-5 08:35 AM

我好鐘意右下角果隻人仔

作者: djdennislai 時間: 11-7-5 01:48 PM

原帖由 s_a_v_i_o_u_r_ 於 11-7-5 08:35 AM 發表
我好鐘意右下角果隻人仔

咁你知唔知係咩職嚟?

作者: kelvinhochun 時間: 11-7-6 03:53 PM

支持

.但我諗弓遊唔應該以箭雨做起手技. 火箭+精準/強力更好玩

作者: Neko_b 時間: 11-7-7 02:53 PM

原帖由 djdennislai 於 11-7-5 01:48 PM 發表

咁你知唔知係咩職嚟?

唔通係刀遊 .__.?

作者: loka01 時間: 11-7-10 02:47 AM

咁有邊隻弓遊你覺得勁, 可以俾我地做參考呢?

作者: wai:] 時間: 11-7-12 12:39 PM

其實弓遊應該跟住戰士行,戰士保護弓遊,等弓遊打法師,不過起一堆多自私玩家既國戰,係冇可能

作者: 唔講名 時間: 11-9-30 09:43 PM

我咩職都有玩，所以知道弓遊破冰的問題。樓主講得好清晰，有埋圖解，講左好多人心聲。

作者: 明珠930 時間: 11-10-11 11:25 AM

戰士我覺得算係FEZ入面最難玩既職業, 戰場感要高, 落點要準, 反應又要快, 近期回流玩左幾場, 經常見到無腦換血之類既爭執, 純粹發表一下個人見解

還記得最初玩FEZ既時候, 我都係一隻戰士, 而且仲係ON9換命果隻, 當其時新入V團既我都俾人吊左好多次, 果陣既我當然係不爽, 不過事過景遷, 當自己再開弓玩果陣, 就開始明白點解當時點解會被人吊得咁勁, 就會有另一番見解, 新手第一次接觸呢隻GAME, 好多時都會俾其他ONLINE GAME戰士比較著數既先入為主觀念導致第一隻人係玩戰士, 然後開始碰釘, 題外話到呢度, 入番正題

點解戰士會成日都好易無命呢?
以前冰B既時間係6秒, 而家少左, 好多人會有錯覺係即刻破冰都冇所謂, 其實咁既諗法係絕對錯誤, 我引用例子, 當我地玩LOL, 又或者玩三國/信長, 我地會戰時必然會做既係控場, 而係FEZ入面其實都有類似既情況, 冰一隻人可以控3秒, 冰法既主要作用就係控場, 集火只係次要功能, 一個冰D放出去冰左2~3隻的話, 果3秒內敵方戰線就打少3隻, 如果冰中盾的話效果更可觀, 可能有人會覺得, 3秒姐好少, 影響唔大, 呢個情況同玩DOTA類遊戲都係一樣, 差距係由每一樣細微錯誤下(例如執兵執少左十幾蚊), 雪球效應越滾越大最後才會變成雙方實力懸殊, 最後演變成會戰一方被SM

歡迎光臨 2000FUN論壇 (https://www.2000fun.com/)