2000FUN論壇

標題: 我對K1的小小意見 [打印本頁]

作者: azqqww 時間: 11-7-7 07:48 PM 標題: 我對K1的小小意見

咁我見就黎又暑假,又冇咩做,所以就上吓網睇吓暑假有咩搞作,點知上上吓網見到K1個官網,就禁左入去睇吓k1 1周年有咩更新/活動,但係......
禁左入去,嘩有無搞錯,見到最後更新日期係6月17,仲要係facebook活動......(不安

)所以就開個post想講k1可以更新d咩 (刪下廢話100字)
第一樣野就應該係好多玩家想想佢更新既野:無錯就係增加技能,有玩過k1既人都知k1每個人物都係只係得5招技,而且仲要有3招技係點技,有好多新手見到:嘩得果2招,點玩啊大佬,就係咁,有好多新手都唔想只係用e2招技玩,而有d用點既玩家都因為技能太少(得果5招)所以好快就玩悶,所以呢我就想官方可以出多4招技(2招免費,2招點技,最好就有2招1Lv技),咁樣可以令一d新手可以用多2招技玩同埋可以令老手多2招同其他玩家交下手,咁可能有d人會話:『喂大佬,我有5個格仔要留番泥擺藥架,你出多4招,我擺係個屎忽到啊,我轉得技能表都比人打死左啦。』係啊,出多d技你真係要擺d野係個屎忽到架,咁樣就可以令玩家學識取捨,做出自己獨有既技能表。至於出咩技,我覺得可以1一d內功心法/軵助技能,又可以出一d原作技能(如鄭伊健在古惑仔用過既風神腿

)

第二樣就係可以出一d原著中既武器,就好似黑龍咪比碌雙截棍佢囉,又好似古惑仔d人咪出條水喉通比佢地用囉。至於要唔要用點就睇下官方啦......

第三樣就係人物,我唔知大家有無發現阿,其實龍虎門同古惑仔都有2team以上,但係龍城只係得1team,而我覺得龍城其實可能加多1-2team,組合可以係信一+AV+吉祥/大老闆+王九+龍捲風,希望可以有龍城新角色為k1 1周年慶祝。

去到e道,我都覺得打字打到好累啦,所以唔打落去(當然仲有好多野可以更新啦,如英雄列傳,主線劇情,日任,副本等),得行再打過啦

作者: matthew1977 時間: 11-7-8 11:54 AM

(1)黑龍碌雙截棍打 m1至m5打怪後都有得取
(2)通常最實用得一兩招技 ..
(3)2010年11月16日 gameone送左個公測老祖宗比我...到半年後-----------的今日....張老祖宗角色卡都仲未送比我

老實講k1 王風雷老祖宗...我估都要在2011 game show先出

[ 本帖最後由 matthew1977 於 11-7-9 01:08 AM 編輯 ]

歡迎光臨 2000FUN論壇 (https://www.2000fun.com/)