2000FUN論壇

標題: 誰所發的資源是你的最愛? [打印本頁]

作者: 王龍仔 時間: 11-7-31 01:33 PM 標題: 誰所發的資源是你的最愛?

其實我係想知其他人的想法同邊個好D，有咩改善的地方，八卦吓，冇咩特別意思，如果唔俾開呢D貼既話我刪除佢。
仲有，名單是常發東西的會員，依我記憶來說。

[ 本帖最後由王龍仔於 11-7-31 01:45 PM 編輯 ]

作者: 1693 時間: 11-7-31 01:53 PM

14. 冇咩所謂，邊個快下載邊個

btw專區個到死晒圖

[ 本帖最後由 1693 於 11-7-31 01:54 PM 編輯 ]

作者: zardzard0 時間: 11-7-31 01:57 PM

1.王龍仔
1.a02ymy
1.amlokv3v
1.mutoyos
2.andylaw108
3.Σ破月Ψ
3.Zero乂
3.憨憨的小任(CPU)
4.eDmoND﹏。
5.shion_rei
5.樹蛙

小弟我天天來此論壇報到...

大致上[[[排行]]]是這樣...

每位上傳者都很辛苦...讓許多人受惠...

小弟真的很感謝各位的資源...

往後也請繼續努力加油...

[ 本帖最後由 zardzard0 於 11-7-31 02:02 PM 編輯 ]

作者: 小洋少 時間: 11-7-31 02:19 PM

13. 睇結果

作者: 月夜星辰 時間: 11-7-31 02:21 PM

14. 冇咩所謂，邊個快下載邊個
不過我鍾意有得試聽果D post

廢事下載左D超難聽的歌哂時間
印象中得你D post 有時會有得試聽

作者: 王龍仔 時間: 11-7-31 02:25 PM

原帖由 月夜星辰 於 11-7-31 02:21 PM 發表
14. 冇咩所謂，邊個快下載邊個
不過我鍾意有得試聽果D post
廢事下載左D超難聽的歌哂時間
印象中得你D post 有時會有得試聽

你係指youtube個D?

作者: tyyeung123 時間: 11-7-31 04:17 PM

mutoyos大小弟跟了很久
U記,萌會,2KF都是他的足跡
那解壓密碼快能背了=.=不過通常中日歌曲名歌手名都要自己再輸入,不過沒所謂,勝在夠齊,搜尋mutoyos基本上的找到想要的
嘛,樓主的帖我也有留意
加油吧

P.S. 精華大戰的問題...主版的圖死晒=.=好壯觀=.=
不過合集的確十分方便

[ 本帖最後由 tyyeung123 於 11-7-31 04:18 PM 編輯 ]

作者: 憨憨的小任(CPU) 時間: 11-7-31 07:27 PM

小弟孤陋寡聞，只係專開key社相關帖，居然榜上有名-_-

btw，我覺得開得專題帖o既，都係非常有心，同埋對作品有愛，都值得尊敬，無話邊個特別鐘意同唔鐘意…
始終都係放便會員，唔洗計較咁多喇= =
我覺得按自己風格發帖無咩問題，唔洗話一定要跟哂最受人歡迎果個o既風格…

以上係咁1-11o既原因。
至於咁12原因…
其實唔一定係專題帖，過往曾經有好多會員、呢家都有好多會員都為此版努力，發o既未必係專題帖，而係一d普通資訊資源，我覺得同樣應該受到重視＆尊敬！

在此有少少抱怨，近排聲優版有好多新番o既專題帖，個人認為唔係唔好，只係好似變左一個競爭咁，為求精華數量而開…
同埋呢排好似無咩人開比較舊o既專題帖，（大約2000年至2006年中間果d動畫好似比較少人開…）搵資源就可能相對地難d…

其實呢個帖分類應該係交流帖，比會員交流開帖意見，我覺得版主應該會批准…

[ 本帖最後由憨憨的小任(CPU) 於 11-7-31 07:41 PM 編輯 ]

作者: misam 時間: 11-7-31 08:06 PM

一開始來這裡下的就是a02ymy,就選他啦

樹蛙那個i 媽帖,本來我覺得幾正,有曬歌
興奮下載完發現全部亂碼
基本上同冇dl過冇咩分別....

以上是一個伸手黨的小小抱怨

作者: iamlokv3v 時間: 11-7-31 09:15 PM

還記得前任版主小殺殺嗎~
果陣基本上全版都係佢發既歌
到後來佢唔係到(誤冇歌比我down- -
跟住就開始自己搵資源再發上黎

作者: 王龍仔 時間: 11-7-31 09:24 PM

原帖由 iamlokv3v 於 11-7-31 09:15 PM 發表
還記得前任版主小殺殺嗎~
果陣基本上全版都係佢發既歌
到後來佢唔係到(誤冇歌比我down- -
跟住就開始自己搵資源再發上黎

當然記得啦,不過依家佢做左第二個版既版主,以前差唔多成版都係佢個名

作者: ~~小朋友~~ 時間: 11-7-31 09:28 PM

依家咁多人上載都幾好，至少多左幾個選擇
不過唔知點解同以前小殺殺相比，歌既種類好似唔夠以前咁齊

無論如何,大家都辛苦喇,以後請繼續加油

作者: 小洋少 時間: 11-7-31 09:32 PM

原帖由 iamlokv3v 於 11-7-31 09:15 PM 發表
還記得前任版主小殺殺嗎~
果陣基本上全版都係佢發既歌
到後來佢唔係到(誤冇歌比我down- -
跟住就開始自己搵資源再發上黎

小殺同冰公以前佢地ko哂成版

可惜佢地用bango 30天死檔=[

作者: karman05 時間: 11-7-31 09:55 PM

13. 睇結果
因為大家發既資源都各有唔同~
所以冇話好同唔好~
仲之大家就繼續post歌啦!=D

原帖由 憨憨的小任(CPU) 於 11-7-31 07:27 PM 發表
在此有少少抱怨，近排聲優版有好多新番o既專題帖，個人認為唔係唔好，只係好似變左一個競爭咁，為求精華數量而開…
同埋呢排好似無咩人開比較舊o既專題帖，（大約2000年至2006年中間果d動畫好似比較少人開…）搵資源就可能相對地難d…

好有同感~有種氾濫既感覺!見到個版d色好花~_~
其實我早就想同版大反映,不過冇勇氣...
(不如開個區淨係放專題帖)
所以我post既都係舊野- -|||
而d新既就留番比其他人post-v-"
不過開專題帖真係要用好多時間...

原帖由 iamlokv3v 於 11-7-31 09:15 PM 發表
還記得前任版主小殺殺嗎~

當然記得啦~佢post左勁多歌!
而且種類都好多下...而且有d舊歌都搵唔番啦...
好似飯塚雅弓d歌,上網真係搵唔番／＿＼

原帖由 小洋少 於 11-7-31 09:32 PM 發表
小殺同冰公以前佢地ko哂成版
可惜佢地用bango 30天死檔=[

嗯,之後轉左用MF,不過我之前check到4月,都有好多MF死左檔...
另外,以前佢地整果個版主檢查線好方便,基本上都係等果度更新先down~

原帖由 月夜星辰 於 11-7-31 02:21 PM 發表
不過我鍾意有得試聽果D post

咁等我以後post歌都整試聽先~
(始終我post既係舊歌...唔多人知...)

[ 本帖最後由 karman05 於 11-7-31 10:06 PM 編輯 ]

作者: tonyccc 時間: 11-7-31 10:10 PM

為什麼沒有小殺殺0.0?

作者: iamlokv3v 時間: 11-7-31 10:11 PM

re kaman:舊歌珍貴呀!!!
我整專輯都唔會整最新新番果d~_~(雖然我得2個- -
因為已經有人發過而link還未死嘛...
整多d舊番貼啦!!

作者: 王龍仔 時間: 11-7-31 10:13 PM

原帖由 憨憨的小任(CPU) 於 11-7-31 07:27 PM 發表
在此有少少抱怨，近排聲優版有好多新番o既專題帖，個人認為唔係唔好，只係好似變左一個競爭咁，為求精華數量而開…
同埋呢排好似無咩人開比較舊o既專題帖，（大約2000年至2006年中間果d動畫好似比較少人開…）搵資源就可能相對地難d…

原帖由 karman05 於 11-7-31 09:55 PM 發表
好有同感~有種氾濫既感覺!見到個版d色好花~_~
其實我早就想同版大反映,不過冇勇氣...
(不如開個區淨係放專題帖)
...

老實講,我係為精華,但唔係完全為精華,其實我開專題貼一黎比較搶眼,二黎容易去更新,仲有方便其他人,唔洗去搵咁耐,如果大家都唔鐘意的話,我分開去上傳,好似以前咁

作者: 小洋少 時間: 11-7-31 11:23 PM

老實說我專找d舊野同埋無人po出黎既碟黎po

好多碟都唔齊都開唔到專題

作者: karman05 時間: 11-7-31 11:43 PM

原帖由 misam 於 11-7-31 08:06 PM 發表
樹蛙那個i 媽帖,本來我覺得幾正,有曬歌
興奮下載完發現全部亂碼
基本上同冇dl過冇咩分別....

講起亂碼,想問下大家覺得我post既歌有冇問題@@?
雖然我每次都會汁到好好先post出黎...(不過都係信心低呀...)
而且我post歌都有自己既"格式"......

原帖由 tyyeung123 於 11-7-31 04:17 PM 發表
mutoyos大小弟跟了很久
U記,萌會,2KF都是他的足跡

講起mutoyos...係好多地方都見到佢...
不過我唔多鐘意佢...有得揀既都唔會下佢d帖
因為佢post既link都係用黎賺錢架!!

原帖由 iamlokv3v 於 11-7-31 10:11 PM 發表
re kaman:舊歌珍貴呀!!!
我整專輯都唔會整最新新番果d~_~(雖然我得2個- -
因為已經有人發過而link還未死嘛...
整多d舊番貼啦!!

如果係整專題帖就應該暫時唔會啦...(冇咩時間>_<)
如果係專輯既有時間都會post-v-"
(不過我覺得post舊歌唔多人down-0-|||)

原帖由 王龍仔 於 11-7-31 10:13 PM 發表
老實講,我係為精華,但唔係完全為精華,其實我開專題貼一黎比較搶眼,二黎容易去更新,仲有方便其他人,唔洗去搵咁耐,如果大家都唔鐘意的話,我分開去上傳,好似以前咁

唔洗唔開咁激動._."
只不過係可以等套野完左先開,因為如果係新既歌
頭兩頁已經可以見到(應該...)
而且當一套動畫完左之後,果套動畫d專輯就會開始散...
所以唔洗咁急開@0@

原帖由 小洋少 於 11-7-31 11:23 PM 發表
老實說我專找d舊野同埋無人po出黎既碟黎po
好多碟都唔齊都開唔到專題

post舊物好呀!其實我覺得就算唔齊都可以開架.0."
因為舊動畫要搵齊d專輯真係好難-v-"
(始終係有好過冇...)

[ 本帖最後由 karman05 於 11-7-31 11:46 PM 編輯 ]

作者: shion_rei 時間: 11-7-31 11:48 PM

其實
大家所講的專題PO呢
我同左壇主講架啦

不過佢地未覆我咁解"

我想知邊4個投我。+。

作者: 大白兔 時間: 11-8-1 12:56 AM

個個都好努力所以就唔投邊個好la 不過我最重視都係音質試過download完 d聲好拆沙沙聲咁

作者: 月夜星辰 時間: 11-8-1 10:44 AM

原帖由 王龍仔 於 11-7-31 02:25 PM 發表

你係指youtube個D?

係呀.. - -

作者: misam 時間: 11-8-1 11:12 AM

講起亂碼,想問下大家覺得我post既歌有冇問題@@?
雖然我每次都會汁到好好先post出黎...(不過都係信心低呀...)
而且我post歌都有自己既"格式"......

係呀,一開始已經比小殺殺同a02my寵壞曬
收歌d格式唔同就好唔舒服xd
所以見到mutoyo果d都唔會dl了(加上賺錢link)

作者: asddsa1357 時間: 11-8-1 07:10 PM

真係要攔既話就攔mutoyos 1.更新得快 2.載點齊 3.音質好

作者: Zero乂 時間: 11-8-1 09:14 PM

我竟然被題名了 Orz
明明係呢個版一個月出聲唔多過五次的說

小殺殺嗎, 很懷念啊......
好像自從他/她不做這版的版主後, 新番D歌都無咁齊
我都少左去2kf單歌了......

選了「睇結果」... 到底係邊個投我啊囧... 這裡有個數碼暴龍控嗎!?

[ 本帖最後由 Zero乂於 11-8-1 09:43 PM 編輯 ]

作者: 飛乂奧古 時間: 11-8-1 11:13 PM

其實呢.....好多時a02ymy同mutoyos 好多有我冇既歌如果要收晒成個月既歌我唔難做到但係我計過1個月全部320k既歌最少要成10gb左右
你諗下有咩好唔好姐以上人搵既資源太易搵了你試下搵幾隻碟我依嫁比個名比你
戀色空模樣廣播劇呢隻我搵左3個月都未搵到...
津田朱里-key of dreams 我有了而我知既只有一個論壇有的
白色第一版既ost 相信係最易搵
仲有e社既神採op 我記得冇錯係c78-c80會出的

作者: 憨憨的小任(CPU) 時間: 11-8-2 12:27 AM

一個殘酷的現實，我之前講過所有人都有投，因此有1票果d…

其實係我投= =

作者: karman05 時間: 11-8-2 12:38 AM

原帖由 Zero乂 於 11-8-1 09:14 PM 發表
選了「睇結果」... 到底係邊個投我啊囧... 這裡有個數碼暴龍控嗎!?

雖然唔係我投...不過我都好鐘意數碼暴龍架!!~
(除左最新果套就睇左2集...有d失望...)

作者: 憨憨的小任(CPU) 時間: 11-8-2 12:39 AM

zero兄，投你果個係我啊-_-

作者: Σ破月Ψ 時間: 11-8-2 03:18 AM

小弟當然投自己啦wwww
因為咱經常慢幾步被人開了帖先 (茶
所以免得同人搶

作者: eDmoND﹏。 時間: 11-8-2 03:28 AM

我只發了幾隻歌怎麼連我的名字也有= =''
話說我居然也有票阿!?

[ 本帖最後由 eDmoND﹏。於 11-8-2 03:30 AM 編輯 ]

作者: Zero乂 時間: 11-8-2 12:48 PM

小任... 大嫌い！！！（淚奔

作者: iamlokv3v 時間: 11-8-2 01:01 PM

讚好樓上xd唔好咁傷心

作者: 憨憨的小任(CPU) 時間: 11-8-2 05:14 PM

原帖由 Zero乂 於 11-8-2 12:48 PM 發表
小任... 大嫌い！！！（淚奔

なぜ？何がいけないんだ？

作者: iamlokv3v 時間: 11-8-2 06:39 PM

なぜ？これだよ！＞

原帖由 憨憨的小任(CPU) 於 11-8-2 12:27 AM 發表
一個殘酷的現實，我之前講過所有人都有投，因此有1票果d…

其實係我投= =

殘酷ですね～

作者: shion_rei 時間: 11-8-2 06:42 PM

我想知邊個投我…
雖則我只分享miku的歌

作者: Zero乂 時間: 11-8-3 03:37 PM

小任學會了新技能, 發卡
學習條件: 天然呆 5/5

作者: a02ymy 時間: 11-8-4 12:15 AM

多謝各位支持哦...呢排大家好有力...係咁放專題...搞到我又想放...

作者: shion_rei 時間: 11-8-4 12:31 AM

原帖由 a02ymy 於 11-8-4 12:15 AM 發表
多謝各位支持哦...呢排大家好有力...係咁放專題...搞到我又想放...

放唔緊要…
給我傾得成個分區先=M="

作者: 憨憨的小任(CPU) 時間: 11-8-4 12:59 AM

其次我未d專題帖入面都有LIVE演唱會，唔知再開多個專題帖專放演唱會好唔好…

但我又驚有呃帖之嫌-_-

作者: shion_rei 時間: 11-8-4 02:01 AM

演唱會唔好
一定一定要分開

如果唔係就真係太亂
我唔知點劃分

作者: Σ破月Ψ 時間: 11-8-4 04:29 AM

專題俾你地搞哂

作者: longNAB 時間: 11-8-4 08:56 AM

資料詳盡果D我比較中意
邊位都冇分別

作者: 夜_小_封 時間: 11-8-4 01:00 PM

13.睇結果的說

作者: 憨憨的小任(CPU) 時間: 11-8-4 04:20 PM

原帖由 shion_rei 於 11-8-4 02:01 AM 發表
演唱會唔好
一定一定要分開

如果唔係就真係太亂
我唔知點劃分

但我之前o既專題帖已經有收錄演唱會喇bo…

再開豈非重覆發帖= =？

作者: shion_rei 時間: 11-8-4 05:59 PM

我所講的唔係MP3 VER
而係可以睇得又聽得個D

作者: lemon518409 時間: 11-8-11 02:31 AM

a02ymy版主啦-.-

主要因為下載落黎既時候文件排位好

資料,bk又齊

d文件唔洗成日改~夠整齊

其他都無意見

作者: no1314 時間: 11-8-14 01:32 AM

A02唔錯 MUTO果D唔多LIKE 係就係齊但有第2個人放既話會DL第2個人既冇其他先搵佢

作者: jasonlnm 時間: 11-8-23 04:06 PM

14. 冇咩所謂，邊個快下載邊個
不過我個人鐘意用mediafire
因為唔洗等時間
下載速度又快
所以只要有人post mediafire既link我就會用

作者: 新月1的ksw 時間: 11-8-29 07:20 PM

壞電腦好耐冇上2000FUN 都來回下
小弟認為冇PW 有時大量下載要搵返真係搵死人
用BIG5 WINDOW的日文IS OK 唔洗點執歌真係好重要慳唔少時間
以上2點冇咩其他想講

作者: 牙花＊ 時間: 11-8-30 11:16 AM

這麼多個中比較喜歡是mutoyos發的資源吧
即使是精華貼也會盡力做好，連DRAMA也附上，
其實放不放上來也可，畢竟寫明是音樂區，由此...有沒有心可以看得出的

不過這兒發的都是主流動畫的歌，比較少其他類型動畫的歌
所以看到iamlokv3v發一些較偏門（在這兒）動畫的歌，像歌之王子，破刃之劍時，人家挺感動的（誤
別的壇要收錢下載阿阿阿阿（雖說別的是偷跑三天以上

作者: 越墮落越快樂 時間: 11-9-2 05:59 PM

自從王龍哥上次放上了魔乳秘剣帖的一刻我就有少少鐘E左佢 ( 抄廣告ING....

不過其實各人想要GE野不同如果你係控GAL GAME GE自然又覺得發PC GAME 個D會員比較好只控動GE 就睇速度睇資料齊全~ ( 但我一直最不爽的...是要打PW解壓...- - 我不是不喜歡那些人的資源但打PW 我總是會選到最後先DL

作者: 流星騎士X 時間: 11-9-3 10:05 AM

14. 速度第一

最重要是討厭死link帖...
絕對會令小弟對發帖人的好感度下降

作者: 花穗 時間: 11-9-14 12:06 PM

shion_rei 發表於 11-8-2 06:42 PM
我想知邊個投我…
雖則我只分享miku的歌

果個咪我,因為我淨係dl miku 既歌~
不過有d歌質素唔好要搵過~
最記得隻Voice....
Promise 妳有冇好d既版本~
好明確街機聽得正d~

每個人貼既歌都唔同咁制~
好明顯係睇下咁岩想要既歌邊個貼而決定吧~
老實說,我都想整番個貼有哂全SD既歌...
不過覺得應該會比較花時間同埋冇咩人會真係聽...
反正自己有cd既歌我都係聽Wav的...

作者: shion_rei 時間: 11-9-15 09:36 PM

Promise 我得320版本炸嘛...

不過而家變曬，以前我託你幫我找野
而家調番轉XDD

作者: 花穗 時間: 11-9-16 10:14 AM

shion_rei 發表於 11-9-15 09:36 PM
Promise 我得320版本炸嘛...

不過而家變曬，以前我託你幫我找野

唔係320版本既問題=0=
係聽落總覺得質素有d差~
妳都知啦,原本192都可以轉番做320者~

証明左妳進化左XD?
係不同既地方都搵到妳既足跡~
一向找野dl都係弱項~
因為只會真金白銀咁買-0-

作者: shion_rei 時間: 11-9-16 12:19 PM

本身192轉320的話個音質係好大分別架…
不過我聽落又無乜分別（本身唔係成日聽呢首）....

以前個個壇都唔同名
而家都費事煩一個名算數，反正我又唔係出名XDDD
其實我而家DL野都少左…不過要找的野我有心找應該唔難XD

作者: shion_rei 時間: 11-9-16 01:27 PM

原來街機版同我專帖個版本有分別....
睇來...又要執過..

作者: 花穗 時間: 11-9-16 04:49 PM

係咩? 我見妳個帖有d都唔係320 or 係假既320 =0="
我唔知隻VOiCE妳轉左版本未,之前dl果個版真係...OTL

妳都幾出名,見到妳初音都打到唔係正常人既階段了~
我仲係EX既7-8星度掙扎緊~

街版版成日都短dd~
我都唔介意係長版,其實更加想要長版,唔好咁殘忍要我又搵多次長版~
妳慢慢執,我係伸手黨~

作者: shion_rei 時間: 11-9-16 09:47 PM

嗄...我唔係好勁的炸
係得首EXT崩壞同para見得下人
始終我都係想全HARD都PER曬先煲EXT...
對於神來講，我只係一粒塵...............................................................
話說我個SKIN真係好正，大大個LEN，再加上右肩裝的LEN...
次次打親都不期然好鬼屎興奮...成個腐女LOOK出曬來XDD

4XX隻我唔會隻隻都睇下係幾320定192
不過如果係假的找人同我講聲我改過佢啦
岩岩前幾日又找到個網有好多MIKU的歌，應該會再整...不過前提我要整左個帖先
改版完之後我而家執到下下講粗口...

ps個街機版其實係之前某人貼出來我照UP的炸
不過我到今日先知佢地個分別係連我都接受唔到咁...
只係首街機版WORLD IS MINE同我自己個隻都已經好大分別啦...

你要邊首你講曬出來我執左給你先啦~~

作者: 花穗 時間: 11-9-18 10:21 AM

shion_rei 發表於 11-9-16 09:47 PM
嗄...我唔係好勁的炸
係得首EXT崩壞同para見得下人
始終我都係想全HARD都PER曬先煲EXT...

妳往往不是一個正常的人~
特別係音樂game~
hard要per 哂都好難~
最少我隻sexy 80% 都未到,唉~
ex 妳都per左幾隻啦,唔好扮野-0-
妳幾時變瘸左~

loving you 果一代既所有新歌~
同埋岩岩呢個星期出既所有新歌~
同埋加埋隻promise~ (自己dl左320音既片轉,點知轉到出黎都唔係片聽果一回事)
妳有空執下/搵下320k~

所以先要妳執~
我都有執過,之後放左大部份落mp3~
出街聽就聽到分別了,有好幾隻明顯同街機音質唔同~
我自己都接受到~
第一次聽愛言葉的確怪怪~
不過之後聽落去就入ok~~
街機版,如果冇出過的話,都係人地片度cut出黎~
除非好有心,唔係都唔會太好~
所以正常情況下,我都係支持原版~

作者: shion_rei 時間: 11-9-18 11:25 AM

sexy你講緊HARD定EXT先...
我HARD就97.4%未PER
EXT我打左一次就算，得65.21%
（興奮MODE發動）我Pane dhiria而家就94.19%，好努力推上95%
不過サイハテ我到而家都完全玩唔到，多制苦手...都係得34.88%+_+"""""""""""""""
而家差6首HARD我就可以全PER啦...

只可以講不枉我放棄曬其他音GAME同前排日日收工都要打十幾鋪去練制

而家只可以一個禮拜去打一次....（不過一次都打得好甘...）
玩就一定玩有大電視的機，貪我可以睇下由大電視導出的LEN...呵呵

loving you 個5首我係等二度找的
voice個5首應該最靚音質，因為係我個堆度執出來...
至於岩岩數多之舞個5首我重懶..係nico度剪出來...

因為我電話入面的歌係自己DL完隻CD好聽的就入
好少可會係街機PO個度找=-="""
個度4百幾隻大大話話都幾千首歌
我唔會遂首去聽下有無問題…

最可惜係，我唔係番緊PT，而家份FT給我有好大的滿足感
想放多D心機去做...所以我執到而家都重未執完就係咁解

作者: 花穗 時間: 11-9-18 12:57 PM

shion_rei 發表於 11-9-18 11:25 AM
sexy你講緊HARD定EXT先...
我HARD就97.4%未PER
EXT我打左一次就算，得65.21%

緊係講緊hard=.="
hard我都未拎到80%~EX就算啦,好似60%都唔到~
你打一次就6x% 咪好,我第一次打到閉門~

サイハテ已經唔係我玩到既歌黎(EX)
所以算啦-0-
我好了解自己既能力上限去到邊~

呢面玩好鬼貴~$12 一場,雖然我用緊優惠$6~
不過都貴過香港打,不過有d地方冇人打,可以自己一個打2-3小時都冇人跟~
大電視,妳係新之城打吧?

妳執好哂同我講,我再dl多一次~
基本上我dl完之後都要執過d名~
其實果5隻歌之前有發佈過黎dl~ 果時比人整片既時候~

所以呢...最要執既就係電腦入面既file~
特別妳咁鬼死多,一定勁多重複~

笑,我都唔係番緊PT啦XD
星期六日就係執野既好機會~
當然仲有就係出去玩EVENT~
等住新歌出先去玩呢~

作者: shion_rei 時間: 11-9-18 02:31 PM

首歌，HAED的話唔難打...
只係個bgm太快，你打消失打20次以上應該會跟得上的啦
或者你一個鐘入面煲死首para，之後你打bgm比較快的歌就唔會有問題
因為首para，我好像打para HARD打左幾次就PER左，之後一個莫名奇妙的開關被解開了...
就怒煲EXT到而家，崩壞同Melt我只係PER到EXT再挑完P都好少掂啦...

但MSS到而家都玩唔熟

我執個堆初音野我執左兩個月都重未執完
改完版之後重要語法死曬，我粗口都爆左幾日....
攪到我而家又要重頭執過
想一個帖PO可以PO得曬出來之餘又要清楚，真係一件好難的事...

新歌我預月尾wo...海外發佈比國內遲一個禮拜，慢慢
但堆新歌我無一首話好想打...
RIN個3首我...無力（無誤）
其實，你去邊度打$12咁貴...我去荃金打都係$5
你人在柴灣，去北角打都唔駛咁貴....有3部機又係$5

我連C78到而家C80個65GB同人都未有時間執...
一開住電腦就灰到呢...

作者: 花穗 時間: 11-9-18 03:13 PM

佢d音怪怪地,我成日甩者~
消失係兩回事,消失我都玩得哂成隻...
para,我係,岩岩玩哂成隻,過唔到...ex~
妳個開闢太易開...XD
マスターオブパペッツ呢一隻,我好玩過,都係仲未過到,果一排oxoxoxox 殺左我~

好正常,因為妳仲dl埋專輯,我就淨係聽psp同街機既歌~
我都唔知改左版,更加唔知有咩唔同左~
慢慢執吧~

event去到下星期都仲有,應該上得切~
我人在新加坡~ $2 一場~ 對換率係6.3呢~
初音令到我係新加坡多左色彩~
因為呢面冇gundam 打~
人係新加坡,隻ps3 初音制仲係香港...
不過我都係淨係入多左部360係度~ 冇ps3~

鬼叫你dl咁多咩,實死~
當年執同人都執到死死下~
而家...如非必要都唔dl~

作者: shion_rei 時間: 11-9-18 04:07 PM

マスターオブパペッツ我係中間個度重未熟，去到都不自覺亂禁
其餘都無乜問題啦~~
消失最後四連個連玩唔到呀!!!!!!!!!
個個都話消失EXT好難打，但我覺得PPP重易玩個消失
而家煲PARA真係煲到癲曬咁濟（係，我重講PARA....）
越煲越HIGH...XDDD

執，唔係問題，要執到好有條理咁重要個個RAR SET PW...
而家公司又對住部腦，係屋企真係唔想對住太多

你而家係新加玻定居定點架？唔番來香港啦？

作者: 秋月之戀 時間: 11-9-18 04:33 PM

變在吹水帖?

作者: 花穗 時間: 11-9-18 07:13 PM

妳果d難打同易打我真係唔知點比較=0=
我指難打係我過都過唔到果d~XD

番工對電腦先係工常吧~
咁証明妳係公司都已經做緊自己野~所以番到屋企先唔想用電腦者~

而家係新加坡做野~ 租緊地方住囉~
仲未諗會唔會定居係度啦~
呢面買野好貴呢~都係香港買野平~
所以賺呢面錢係香港買野就更平~
一年都會番黎2-3次既~

作者: shion_rei 時間: 11-9-18 10:36 PM

唔好講到我真係好勁...我EXT 暫時P得9首...
都係個句，我只係一粒平凡的塵....
打得多D啦，再唔係對住張台拍啦XD

講到電腦，講曬啦...
我番公連想做私人野的機會都無同埋我真係好多野做...
番到屋企對多陣電腦我就頭痛，而家都盡量唔對得太多電視，電腦
老啦~"

香港就來無架啦，就來被他國入侵同河蟹架啦
你去定新加玻完居都得
不過你唔講，我一直以為你係香港
駛唔駛幫你買D野寄給你XDD

作者: 花穗 時間: 11-9-19 09:18 AM

妳同緊一個EX 得一2-3個P既人講=0=
我仲記得第一隻EX P既歌係愛言葉-3-"
我都有去nico度DL片黎拍枱架喇~

笑,我都係番工對電腦者,不過就做到下自己野~
咁快就認老?

香港買野真係平呢~
定係應該話呢面買野好貴~
我個名有話我係新加坡,妳朋友太多者~
一年番黎2-3次,應該唔洗~ 雖然呢個星期就會叫朋友寄2隻 game黎~
呢面買game 平均一隻都貴香港$100~ 所以真係寄都仲平過係度買~

其實初音有D歌係咪冇出過碟的?
我見街機歌既碟出過一隻ONLY~
PSP 第一隻都有出一隻...
PSP 第二隻,好似係NON-STOP黎..

作者: shion_rei 時間: 11-9-19 06:39 PM

我第一隻EXT係ナイトメア☆パーティーナイト
其實我想第一首係崩壞=x="
愛言葉我係風車後第一粒甩個度，其他都無問題
不過呢期我想per左初戀先
話說我聽好多人講去nico睇片，我一次都無睇過...
始終我要實際拍先知自己炒乜

話說，EXT 8星world is mine唔像8星囉
岩岩玩個陣玩過1次，到前排玩番打左2次就per埋
堅唔難....或者去挑PPP都唔錯（被巴）

我個位後面就老細同大大粒同事
再隔離由幾個大粒，不過係我太多野做
同埋主要我部腦太虧啦XD上2000fun都lag

<-已經唔開msn的人...
同埋個期打OLG，ACG D FD全部都無曬聯絡啦...
幸好我男友又係FD少，所以我地成日，睇得對方好緊XDDDDDDDDDDDDDDDDDD

街機出過1隻
PSP 1代 2代夾埋都係出一隻
之後你叫我幫你找個S就無出過碟
所以咪話D音質好到呢...

作者: 花穗 時間: 11-9-20 01:09 AM

果隻好似係我第二隻~
崩壞我仲未練到收尾~
因為有d歌真係太難,我要睇一睇,唔洗到時驚惶失措~
睇完都一樣會抄啦~

果隻,我都覺得唔係8星,不過我未p啦~
PPP 就算啦~ 我未到果個lv~

估妳唔到,仲玩OLG~
都仲有論壇,就總會搵到既~
你見到嘈左咁耐上番黎就知我呢面悶到發瘋~
不過又冇咩地方比我發下言,真慘-0-"
諗住同而家D人交流一下架MA~
不知不覺又好似換左一代人~

psp1 代好似自己有隻...
音質既野交比妳,我唯一解決就係買碟~
如果佢出一隻碟,有哂街機歌,我就必入~
最衰佢又唔係...
psp 出果一隻又唔係有哂所有歌~
另一隻psp2 係non-stop黎~
唔知黎緊既psp 2.5 會唔會出番隻碟,有番d新加既歌~
另外仲有隻3ds 又唔知有咩歌~

作者: shion_rei 時間: 11-9-20 10:57 PM

崩壞我用片手打，試過好多次雙手打個腦轉唔到
而家我挑埋P，而家打活動差唔多都要打一次崩壞同melt

不過melt係我愛歌-3-"...
world is mine其實我唔記得左邊度難打
好多歌都要開始打先記得個位又會好自然咁去打左
呢D唔係叫勁，只係給人睇到你給左幾多錢入去...

新個5星今日睇曬譜，星人個首我唔fail到我都當我贏左=3="

[歷史時開mode開動]
你岩岩識我個排我咪同個X街一齊的
我同佢咪係OLG（天外）度識，個度我又有班朋友
我同你就因為SCHOOL DAYS識的，但我就唔記得係呢度識定第二度
另外個排我有個壇都有一班朋友
我想最多朋友應該就係呢段時間

不過而家全部差唔多無曬聯絡個隻="=

不過你最後一次見我個陣，
佢就係番學識的，到而家都重係同佢一齊~
呵呵~

其實，乜我同你有嘈過嗎？
點解我完全唔記得...
我只係記得上過你一次屋企，同埋你係巴士站跟蹤我
其他我都唔記得曬啦~

呵呵~~

[/歷史時開mode開動]

而家雖然係各方面都有好大壓力
但我鐘意咁樣，因為我真心滿意呢份工

PSP 1代有兩首歌一定無
PSP 2代如無意外全部都找到
PSP 2.5代出左一隻，之後佢公開個1X隻都有辦法找到，多數都係由CD 抽出來
AC 版呢個問題就大，一部份應該無~除非找到原作者抽個MP3版出來，唔係就叫可以去找高質片再抽出來
3DS暫時個3首都找到

唯一慶幸係..演唱會個D一早齊曬

真係要齊真係叫可以由影片度導出個聲出來再調整啦
不過要去到呢度我只會叫我男友幫手架啦...

作者: 花穗 時間: 11-9-20 11:44 PM

片手指單手-.-?
有好多愛歌,不過每次都玩真係冇錢囉~

新歌未睇呢,未得閒去睇,一早上nico 順好多,要dl埋除時睇番~
而呢排又日日都遲起身,冇咩時間~

放心,我記得有個咁既人,都好似好耐了吧?
好似仲見過一次,唔記得幾時~

我係呢個既sd識既~
Olg 只玩過一隻,就係起壇之game...金庸~
打錯字-0- 唔係嘈,係潛先岩~
其實妳仲有冇差我錢...XD?

D 音質交比妳了~
我真係冇咩心機搵/整~
我係伸手派~
演唱會係演場,FEEL都唔同~

作者: amp5d15 時間: 11-9-21 06:34 PM

a02ymy 版主大人的po 最喜愛!
因為MF 空間很快,而且檔又能復原

mutoyos大人的LINK 都插入廣告或轉頁的東西= = 我也盡量少到他的帖
(因為太麻煩...)
而且要密碼..往往沒記下...

作者: shion_rei 時間: 11-9-21 09:17 PM

花穗發表於 11-9-20 11:44 PM
片手指單手-.-?
有好多愛歌,不過每次都玩真係冇錢囉~

對啦，就是單手啦
有D歌一定係片手好打過雙手
但如果要去到甩蔥就係用手指，即係一隻手指hold，一隻手指再連打...

之後重有飛燕...我到而家都未學到

不過好就好在，呢度有$3，$4，$5場...
最緊要星期六同我男友食完晏之後
我男友都會給錢我去打。w。....
佢話唔想我洗咁多喎

同個個X街就真係耐啦
好像都四五年前的事，散完就同而家呢個一齊...
唯一一次見唔係唱K個陣嗎？
之後好像我同你都無見過啦....

真係呢度的SD嗎？
我記得好像重有另外一度架...

我還左部PS2給你好耐啦'
錢的話我真係唔記得左=w="...

講起錢，兩年前我係葵方交收個陣
我撞番我好耐以前識的男仔
咁傾到一半，佢同我提起番我整cosplay衫個陣問佢借過錢重未還
咁岩我男友來到，咁岩就幫我還埋錢~呵呵~

XDDDDDDD

作者: 花穗 時間: 11-9-21 09:33 PM

我都冇話特別練法~
都係將自己不斷試下咁~
甩蔥...玩到手殘~

呢面基本上價錢都唔會郁~
不過算了,有得打就好了~
而且有d場真係完全冇人打,不過我用儲值卡係某一間店打有得平d~
有d冇優惠冇特價既店,我經過,睇一睇,新歌係冇人打過的~

唱K定係某一次交收-.-? 我都唔記得了~
印象中係交收見過佢~
果時好似追妳錢追唔到丫ma,之後唔記得邊個潛鬼左~

係呢度啦,係呢度講最多sd~
得我係度攪攪陣者...之後先出去買卡,網聚~
老老實實,妳做左版主咁耐,有冇攪過d咩?

PS2我記得,定係果次比番我時見過妳男友?
錢既話係妳d卡囉=.=" 應該仲差緊,不過唔知幾多了~

本身有一次想約妳...
不過我果時已經係珠海做野,一個月番黎一次左右~
之後番左香港個幾月就黎左新加坡~
都唔得閒比套迷糊天使妳囉~
妳仲記唔記得有咁既事...XD

作者: shion_rei 時間: 11-9-22 06:53 PM

不斷試係好事
但要小心番打打下會斷線咁…
我有時打打下突然斷左線之後閉埋店
總之就呢條路難行啦XDD

你個度有無jubeat或者dj max？
有的話你試下玩下會對你的節奏感會提高架XDDD
我而家太鼓都唔玩啦…無乜歌岩聽XDD

新加坡係無人打定點？
無人打我怕遲早機都無XDDD
之後你要番來香港打xdd

唱K佢一定係度
個次唱K對於我地來講係一大恥辱（笑）
我接受唔到唱唱下K被人趕走
佢就買部wii給我再裝wil隻唱K game給我自high= ="
而家重喪，上網dl D KTV去唱miku D歌
個個禮拜都mini content=w="
但以我絲毫記憶，個次唱K後已經無見過你
不過你追我錢已經係唱K前的事啦
我終於記得個陣我託你幫我買寒蟬的書
之後你幫我買完之後我無左件事
本書最後都無給到我
你要記得我差你幾多錢=W="
咁我先可以還到錢給你架嘛~~

你知啦，我D記憶力不嬲都好差。W。...
但我記得我差好多人同情債"
同埋相信潛個個係你
因為我一直都係度
只係我接手埋呢度先多D講野...
不過活動呢樣野，我只可以講
無能為力啦，好多野都好想攪
但樓上的都無反應，好多野都做唔到…

但約出來就免，我怕怕................................

PS2個次係MINA出來還架-0-...你都無出過來...
其實見過都唔出奇，而家多數交收佢都係度
好多人都話佢個樣好兇...
差乜野卡？

你番來香港先再約我啦"
不過你唔提起我都唔記得左ORZ

作者: 花穗 時間: 11-9-23 01:14 AM

回復 shion_rei 的帖子

應該唔會既~
我既路,自己放得低就好了~
jubeat 有,16格吧~
dj max...touch mon??? touch mon果隻有~
太鼓就算,最高好似見過第4代~
新加坡係有幾個唔同地方有~
官網都有講,唔太多野,香港行條街都係,真係...
係旺區,如旺角就多人玩~
係冇咁多人既區,好似北角~
咁就已經有兩部機可以玩成日都冇人根咁~
始終太貴了,$12一場~ 一直都冇減過價~
應該唔會所有機都離開新加坡吧?

妳真係-.-"
中毒中到咁深~
寒蟬d書-.- 好似真係仲係我度...
有幫妳買到啦,因為妳未找哂舊數未比妳吧??

我潛下因為覺得冇咩特別野要講~
點知黎到呢面,都差唔多成年了~
已經悶到要黎睇下,黎到新加坡已經放棄哂上論壇咁制~
當然仲會有時會有啦~

妳終於都明白果一種感覺了~
呢度還好啦,人流都算多~
妳睇下主版,估唔到有咁多人回~
我期待之後既進展~

我指約出黎係本身想約妳出黎比套書妳...
之前講左換書,都冇約到~
因為我黎之前大執房~好多野都唔想要了~
仲咩事咁怕我XD?

又好似係啵,因為追數追唔到~
有sd,既一套卡,幫妳買過一盒者~
我指妳果盒卡差我錢...XD

下次新年先番~
次次番黎都好鬼多野做~
好鬼多野買~
呢面買野太貴了~
呢面買一本香港漫畫/台灣漫畫要$40-$50~呢~

作者: shion_rei 時間: 11-9-25 11:49 PM

我番來啦~~

jubeat 我係一玩就覺得好得意
玩到而家其實都半放棄狀態…
dj max就麻麻地啦...玩了幾鋪就無玩到啦
太鼓都差唔多
不過日本新代會有卡，香港有的話咪買張卡支持一下=3="

香港其實唔算機多啦...
不過香港呢度打MIKU的人的有D人態度有D問題...
我都唔明佢地中二病到可以用腳來HOLD制
除了覺得佢地成班有問題都唔知可以講到D乜

所以我都怕了去旺角打，打就係去油麻地算數
雖然係多機，但好多機都有唔同程度的問題...
所以我來來去去都係去兩三間度打

但如果聽你講新加坡無乜人打的話
真係唔排除會搬走機=W="
香港都被人搬過兩三次啦...
其實香港的$1等唔等如新加坡的$1??

我唔算中毒中得深了
最深都重係戀姬...而家重要落多個坑去PRECURE度..
幸好的係我人工度我COVER到條數
加上係其他方面又洗少左....
至少得到個平衝先"

認真講...
D書你給我，其實我都係放番出去...
但卡個度我印象中只要左兩盒，我好像還曬D錢的嘛
就算係差都係差書的錢...

乜你新加坡呢度係好多野玩定係你已經無曬興趣=_=...

咁新年先再約了
不過套舞姬已經賣左給第二個-_-
其他野你不如試下賣曬出去啦xddddddddddddd

作者: 花穗 時間: 11-9-26 10:06 AM

回復 shion_rei 的帖子

我都好少玩音樂game~
初音真係比較吸引~

香港都唔叫多=0=?
妳上佢官網睇下有幾多間日店~
咪有人整左地圖show哂香港店,真係勁多囉~
我冇聊果時都整左個新加坡版~
不過都係玩野~
佢地玩到冇野好玩者~

因為人多,打到d機都short哂~
好在呢面仲有d店唔多人玩,d制仲好好地~
壞制真係好鬼灰囉~

有幾間店冇咩人玩囉~
呢面d公司大,應該冇事既~
因為間機舖有好多間分店,用卡黎玩~
有d似香港元朗咁~
新加坡$1=香港$6

我已經冇咩買野了~
之前sd 既野都入齊~
之後d抱枕攻勢太強~
算了~ 仲有2隻 cross gay 貨...OTL

哈哈,番香港時睇睇搵唔搵番出黎~
冇咩心機去放咁多野了,之前都清左好多~
有好多係送左出去~

作者: shion_rei 時間: 11-9-26 11:02 PM

我呢D玩開音game實走唔甩~
不過幸好係我玩初音比之前玩其他音game舒服...
唔駛又話要埋堆，唔玩好像斷曬六親咁
我唔鐘意咁樣...

我重記得上年jubeat出新代個陣咁岩我辭左分工
為左打jubeat工都唔番...攪到臨走個月份糧無左成半XDD
雖然好低能，但回想起來真係好攪笑...
不過而家無呢支歌仔唱
香港多機有鬼用…
又唔係去到好普羅大眾個隻
不過可能我住葵青機鋪真係數之有少=_=...
如果我樓下有miku打我重唔日日打嗎…
個排我番工個頭有miku
日日都去貢獻飯錢...而家部機搬走先叫打少左...
個部D錢鋪會唔會好像入得多錢又送幾蚊咁？
即係好像世貿咁

其實我想，如果新加坡唔係消費高
都不實為一個居住的好地方....
我唔係話香港唔好，不過見到被蝗蟲同賓賓不斷入侵
唉...

無買野係好事來的"
不過估唔到你無新坑入~
其實你怕唔怕無左呢個習慣後會無曬朋友...？

你番來香港再聯絡我啦，我電話無轉過
最多我象徵式收番個居馬費~

作者: 花穗 時間: 11-9-27 09:45 AM

回復 shion_rei 的帖子

玩音樂game要埋堆既咩=.=?
真係唔知妳玩成點~
打機打到咁狂~
香港多機,易搵地方玩呢~
日日都去打,計下計就買部機仲好,哈哈~
有咁多人打,先有咁多部機~
我呢面係用卡玩,好似look信用卡咁~
一look就扣錢~
有時有優惠增值,入$S20 送$S20~
所以等於半價,即係HK6一場啦~
由我新年番黎之後就一直都係呢個值,冇郁過~

新加坡有好有唔好啦~
平既好平,貴既好貴~
$HK20 一定搵到一餐食~ 咩餸飯呀,燒味飯~
不過M記,kfc,最少都$HK30~ 早晨全餐要成$HK40~
不過買電器,GAME等,一定係香港平~
因為呢面有稅~

其實黎到之後...
動畫睇多了(太空閒)
漫畫買少了(太貴)
一樣都有同朋友打機啦...
拎左部XBOX黎同FD打呢~
點會冇朋友,笑~
不過呢面既朋友的確冇咩就真既~

作者: shion_rei 時間: 11-9-27 10:07 PM

呀...咁打打下機都會識到志同道合的朋友係正常不過的事...
不過而家我都盡量避免...
放得太多感情落去的話，一傷就會傷得好勁
到而家我重有心理陰影係度...
其實我都唔知點解

雖然好平，不過$6都係好貴XDD
我都係打我的$5場等啦
話說今日有新歌~

你決定左呢份工長做XD?

作者: 花穗 時間: 11-9-28 09:14 AM

回復 shion_rei 的帖子

我呢面只係見到d勁人~
早兩日去玩event,見到有個人隻一隻就p哂了~
打機落感情,又會傷? 妳經歷左d咩黎?

你睇番,由新年開始就已經$6 就覺得好平~
因為果時香港$10~
不過價錢一直都冇郁過就是了~
我應該等下次event 先打新歌~
雖然好熱愛,不過冇咁多錢打咁多~

都黎左呢面差唔多一年了~
都係長做住先~

作者: shion_rei 時間: 11-9-29 09:21 PM

P唔難，要挑P難，要所有歌都挑全P先叫神...
所以除了金錢同時間，都需要努力=w="
我證明我未有足夠時間...
尋日去打新歌 iya iya星人打到我手都痛...
但好好玩，荃金個兩部重要無人上到磅...

之前打jubeat識左班FD，之後，完啦
唔想講啦，總之而家都好避免打機識到FD啦

但你個度新加坡1蚊等如香港6蚊
要減都好像有D難度，不過澳門重貴，要8蚊一鋪…

作者: 花穗 時間: 11-9-30 02:10 PM

我覺得P都已經難~
我冇錢,冇時間,冇技術~
所以都係睇化一切~
新歌再等下~

完啦-0- 完左d咩~
講到咁黑暗咁~

應該咁講~
由新加坡開始有得玩初音,就已經係$6hkd~
由年頭到而家都冇變~
反面香港就一開始$10hkd,之後而家$4,$5 左右~減左一半~
我都想新加坡呢面減下,1/4 都好啦~

作者: shion_rei 時間: 11-10-5 11:43 AM

對於你來講可能要P真係好難
由HARD打上去先啦....

雖然我EXT唔勁
但我打HARD個陣人地見到我首首P個感覺都幾爽下XDD

由出新歌個日開始我成日都煲星人
尋日給多3秒我就可以PASS到架啦...
而家重差最後個排孖掣XDD其他歌？
係有兩首歌可以煲P之後，RAN個兩首無心機理~~

你都知我性格係點，OK就埋堆
唔OK我會愛理不理，而且我之前都鐘意去網聚..
而家我就唔想去-_-"所以我免得過都唔想攪....

你新加坡呢面睇來減價無望XDDD
我地呢邊又等減到4蚊...呵呵

幫你找到SO MUCH同PINA兩首FULL VER啦-_-...
其他我重找緊=_=

作者: 創劍仔 時間: 11-10-6 07:42 PM

shion_rei 發表於 11-7-31 11:48 PM
其實
大家所講的專題PO呢
我同左壇主講架啦

不就是專會下載你的東西的人投嗎?wwwwwwwwwwwww

作者: shion_rei 時間: 11-10-9 04:07 AM

做乜被人推左上來架！？

作者: 憨憨的小任(CPU) 時間: 11-10-23 12:58 AM

本帖最後由憨憨的小任(CPU) 於 11-10-23 12:58 AM 編輯

聲優版死左成2個半月都仲未返生= =

作者: a02ymy 時間: 11-10-23 01:10 AM

點死法@@我都唔知..

歡迎光臨 2000FUN論壇 (https://www.2000fun.com/)