2000FUN論壇

標題: 大家覺得,一隻online game,要點先可以長久? [打印本頁]

作者: 凸唯而出 時間: 11-8-11 10:35 PM 標題: 大家覺得,一隻online game,要點先可以長久?

各位同路中人,

我地大家都玩過好多online,
但係有時,
幾年之後,
就見到自己曾經玩過既online game變左死城,有d仲冇埋

但係有部分,就風光仍在

--------------------------------------------
其實大部分onilne game都係大同少異
大家都係接任>k怪>升lv>接任>k怪.............

生存戰,國戰,佔領........呢d pvp系統,大同少異
夠竟係d咩,令到一隻online game可以長久?
到呢家,我都仲未搵到ans
希望大家可以討論一下

作者: icer-power 時間: 11-8-12 12:29 AM

最易死既多數係大家見得多既做任打怪升lv傻仔olg
好多都係走唔出做任,刷副本,打怪,做裝等等...呢種game玩得多真係厭極
不過我覺得最大要處就係要買點去強化,買勁裝勁武,咁窮人就會放棄,有錢人當道
打怪做任追lv既game都有另一種壞處,就係好難同fd一齊玩到,人地升到鬼咁高lv,你就岩岩先係新手
或者一開始同fd玩,你出左陣街就高lv過你好多,咁就會令你興緻減退

其他常見因素:
代理處事速度同方式(bug,外掛果d),版本更新速度,活動數量同吸引性,經營手法,宣傳既次數同手法,代言人既理想程度,玩家信任度,朋友影響等等(真係數唔完...)

玩開FEZ既我,雖然隻olg唔係主要做任打怪升lv黎既game,不過代理衰冇宣傳,三年後都仲有咁上下多人玩,原因係咩呢
佢主要係分五個國家,百人國戰,開頭新手做少少任務打下怪升,之後就打國戰升lv
40lv為封頂,可以唔洗買點就得到道具無限轉職+洗技,唔洗買點就得到頂裝同武,玩家都能公平對戰,靠技術+戰略+合作去取勝
雖然打黎打去到係果d地圖,但係誤樂性豐富,設定多,玩法多同新鮮,好吸引人
仲有唔少得一班戰友,唔洗孤軍上陣,無論1lv同40lv都可以一齊玩(不過低lv會被踢出場既...),唔洗追得咁辛苦
講得太多唔好,要靠自己去體驗!(當係宣傳)

一個好既遊戲設定就有一個好既online game,歡迎提出意見

作者: 凸唯而出 時間: 11-8-12 10:21 AM

我都補充番少少,
有時d新手入到去
唔識玩果隻game,
但係冇老手帶/冇人解比佢知
都會有可能令佢興趣大減

作者: 乂天使仔乂 時間: 11-8-12 09:43 PM

沒外掛/沒錢商/沒bug/沒黑心商城
以上就可以活得比一般長命 hot唔hot另一回事

作者: 霉乂男 時間: 11-8-13 09:42 AM

吸引新手好多遊戲都可以做到，但留住老手係最大困難。

online game最重要當然係玩家之間既互動，
唔理係用PVP形式定合作形式，缺少哩點的話還不如去玩那些單機名作；
無數人離開一款遊戲，往往就係因為人流減少﹑或是與其他玩家關係平平，
若然有能夠交心既朋友繼續玩，或多或少都會令你留戀。

其次係開發商同代理商用心方面，
始終online game係佢地賺錢既手段，亦係營運目的，
所以好多遊戲從開發階段已經係純為短線吸金而生。

作者: 凸唯而出 時間: 11-8-13 09:47 AM

原帖由 霉乂男 於 2011-8-13 09:42 AM 發表
吸引新手好多遊戲都可以做到，但留住老手係最大困難。

online game最重要當然係玩家之間既互動，
唔理係用PVP形式定合作形式，缺少哩點的話還不如去玩那些單機名作；
無數人離開一款遊戲，往往就係因為人流減少 ...

短線生產既遊戲,真係見唔少
真係一隻比一隻差

作者: p36k63 時間: 11-8-13 04:15 PM

沒有黑心代理商,沒有外掛,沒有屈點的道具,沒有小學雞

作者: 灰灰 時間: 11-8-13 06:15 PM

1) 無外掛無不法程式少bug (這是基本的再好玩既game 多外掛都玩唔落去)
2) 平衡度高 (唔會因投放金錢而變得過份逆天例如瑪奇 fez等)
3) 變化&變數 (玩一成不變既遊戲仲慘過番工所以我好少玩副本game玩得長久)
4) 遊戲特色 (如果冇自己既特色咁玩第二隻game都冇咩分別何解要留低? 好怕d game是但加d周邊系統就當特色)
5) 社交網絡 (如果online game玩到好似單機game 我不禁諗點解唔直接玩單機game 最好系統會幫助玩家組成聯盟)

[ 本帖最後由灰灰於 11-8-13 06:16 PM 編輯 ]

作者: kelvin108 時間: 11-8-13 06:38 PM

有某部分online game就好易打怪升lv打到悶，但又未至於令人唔玩，當你覺得升lv升到悶既時候，咁就自然玩pvp啦，好啦，入到pvp場，諗住同班fd玩下，點知有個封頂神手行埋黎秒殺你，咁你好自然就殺返佢啦，ok，你殺左佢，以為執到仇，點知個神手又班馬黎camp你，直到你唔想再玩pvp，咁隻game就只有升lv，但升lv係玩online game最悶既一環，到最後，pvp又係咁比人殺，升lv又辛苦，咁就要退game啦。
↑
我玩10隻online game都係咁而唔玩

作者: Mr.Shun 時間: 11-8-14 02:30 PM

原帖由 凸唯而出 於 11-8-12 10:21 AM 發表
我都補充番少少,
有時d新手入到去
唔識玩果隻game,
但係冇老手帶/冇人解比佢知
都會有可能令佢興趣大減

不同意.. 這正是相反
由於新手不懂玩, 因此他們就會更好奇去探究
或上論壇發問求助, 令遊戲、論壇有更多的討論, 遊戲亦會因而打響名堂
反而..
什麼都不用問, 只依照任務的指示去做, 單一化的打怪任務、跑來跑去交任拿經
不悶死就假了..
===============================================
一個好的遊戲都離不開以下幾點,但重點是在乎如何地做
1.打擊外掛做得完善 (沒有活人的遊戲)
2.遊戲沒有bug、或嚴厲打擊bug (太卑鄙的行為)
3.打擊幣商行為 (銀紙遊戲? 這麼不平衡的遊戲,有誰會想玩?)
4.免費遊戲, 商城賣一些實際、能吸引玩家買的物品,價錢不能太貴 (像勁舞團賣一下永久時裝給收藏也不錯)
5.取消副本或任何刷怪、刷寶物的東西 (沒有副本,也可以吸引玩家,像以前RO一樣)
6.任務不需要太多,升級也不需要太快,最重要是遊戲的趣味性 (跑來跑去,交任拿經,真的會好玩嗎?)
7.背包、倉庫欄擴大一些比較好 (撿幾下東西就塞滿了,又不想賣掉,又要開分身做倉庫?)
8.白手起家的遊戲會比較受玩家歡迎 (如果任務送的裝備已經夠好了,那麼打怪掉的寶物,還有什麼價值?)
9.遊戲平衡,盡量不要經常把東西亂調(職業/怪物/寶物) 否則會引來大規模的砍角重練的潮流,角色被改廢了,而令玩家不玩
10.取消綁定物品,促進遊戲的交易 (什麼裝備都綁了..還有什麼東西可以給我賣呢?)
==================================================
個人對免費遊戲打擊外掛的建議方法:
遊戲的目標顧客多數是學生,遊戲商就會想用"免費"的收費方式來吸引他們
但同時..一些外掛便會因此而開大量帳號 (鎖一個帳號?沒關係,我再開一個!!)
這樣除了讓管理員(GM)增加過量的工作 (外掛永無休止地開..不幹了!!)
而玩家們看見遊戲裡存在了這麼多的外掛..離開是遲早的事情..

＊因此，我就有一個小建議＊ (雖然不知道是否可行)
就是把申請帳號收費!! (申請後是終身免費,商城收費)
(價錢20~50元左右,對於學生來說,這個價錢也不會太貴)
外掛想開新帳號? 先給錢申請吧!! 最好大量開!! (遊戲公司也能夠賺一筆了!!)
同時，GM加強打擊外掛，見一個封一個!!
外掛想再開新帳號? 沒關係，這筆生意多多都肯做!!
==========================================
以上都不是最重要, 最重要是遊戲好玩、管理員要嚴厲打擊 (魔獸今時今日的地位..)
自然會有玩家愛上而不斷玩,甚至主動介紹給朋友玩
(至今RO仙境傳說也有不少的玩家喜愛..但外掛、遊戲的改版亂調，實在...)

[ 本帖最後由 Mr.Shun 於 11-8-14 03:12 PM 編輯 ]

作者: 銀月°× 時間: 11-8-20 01:39 AM

個人認為
時下online game短命原因有三

1. 單行商城制的弊端太大
(導致HKD戰士的出現, 遊戲內強勁對比太大, 亦都有貧富懸殊的因素在內,
其實玩GAME都係想從虛擬世界得到快樂,開心, 但連玩GAME都要輸人一籌,
要同人比拼現實財才先得到小小滿足感, 窮人更加無公平可言,
單一商城制長久只會造就玩家之間更大的間隙, 而且唔少黑心代理都將本應係遊戲正常情況下
得到的物品抽起放於商城..不利遊戲發展)

2. 外掛橫行 (不用說了吧)

3. 幣商/工作室的出現 (幣值貶值, 物價騰貴, 已嚇退不少新手, 遊戲沒有新血, 何來長久?)
=======================================================
其實以上原因都與代理商有唔多唔少既關係..
最主要都係睇代理商的對待遊戲態度, 不過時下好多都係短線抄作遊戲以暴利回本,
根本沒有以遊戲本身為考慮, 只顧短期利益..很多都是代理商的問題

至於玩家質素, 姑且不談吧

題外話, 以前的舊遊戲都有以上問題, 但沒這麼嚴重的..
例如金庸,古龍,石器,RO 等等經典.. (那時還是月費制的年代)

往事不堪回首啊~~

作者: Razah 時間: 11-8-20 08:42 AM

http://www.2000fun.com/bbs/viewt ... 8809&extra=page%3D1] http://www.2000fun.com/bbs/viewt ... 8809&extra=page%3D1
這隻online符合你們要求~
只是年尾才封測~
而且暫時只有英文版~

內有系統介紹同展覽測試影片~
會不會有外掛?
我就不知,game都未出~
GW2~

不過1代打擊外掛非常強硬~
因為砍帳號的人是美國官方=3=~

作者: aaa0713 時間: 11-8-21 08:51 AM

要買點去強化= =
,買勁裝勁武,
有錢人有優

作者: momotiuy 時間: 11-8-24 11:57 PM

3大因素
第1:遊戲本身質素
第2:代理商質素
第3:玩家質素
要做都e3樣係十分難...所以e+d games好快汁

作者: toui1234 時間: 11-8-26 03:09 AM

咁耐以黎好多成功既OLG都無宜家OLG有既野.
例如.魔力.金庸.石器等.
就算有任做都只不過係轉職等.其他野都係要自己白手興家
不過最重要都係玩家同玩家之間既溝通^^

作者: 540654454 時間: 11-8-27 10:48 AM

自己覺得好玩
有朋友
定期更新
定期活動

作者: 小艾。 時間: 11-8-28 12:18 AM

沒有黑心代理商..有一班FD/多人既公會..個個好好人..起碼叫下都有人理下先高LV唔理新手

作者: 戰心 時間: 11-8-28 09:33 PM

冇外掛，冇bug

作者: DeviKer 時間: 11-8-29 01:21 AM

非傳統玩法

即係唔再係用MOUSE控制打怪呢D ONLINE GAME實在太多龍珠啊晴空啊夢之個D

真係好悶... 呢類GAME去到最後就係點鼠標,同放技能

先唔計代理橘子既GAME其實好多都走出呢個框框

就拎龍之谷雖然佢都係升LV接任但佢既戰鬥完全唔同傳統

即時既動作好似你打中佢可以連招對方會倒地同埋多變化

點鼠標類既升LV GAME真係好悶下

佢最多只能係系統方面多變化

FEZ都係一個唔錯既遊戲模式多仲有好多優點但我唔清楚

傳統既點鼠標GAME 得3樣動作點怪攻擊放技能

所以我覺得遊戲既玩法多變係第一個長久既元素

作者: 辣椒王 時間: 11-8-29 05:44 AM

玩LOL喇無錢商無外掛全部champions, runs都可以用game錢買隨左skin skin只係外表改變
指美服:o 台版會唔會有外掛就唔知

作者: 魂俠 時間: 11-8-29 07:36 AM

我個覺得係要有極高技術玩法既ONLINE GAME  例如  龍之谷 FEZ  LOL
仲有代理外掛商城  LV 職業平均唔好一隻職玩晒
唔好比黑心代理 GAME 捉外掛  GAME要有防外掛    仲有商城只做外表靚就足夠啦如果唔係又係金錢戰士既天下    最好月費
仲有GAME 既LV  要低LV 就可以了    大約40-50LV左右
打戰場最好就好似戰鎚ONLINE

作者: ch1uu 時間: 11-9-2 05:50 PM

常更新打擊外掛咁樣就最好

作者: brianabcd2 時間: 11-9-4 03:22 AM

多活動～唔斷線～畫質靚～代理商要好～等等...

作者: johnchan1 時間: 11-9-4 06:58 PM

我認為係多活動,唔係用錢當道,畫面唔可以古怪,多人,要多更新,冇外掛.:smilie_:):

作者: 銀║少 時間: 11-9-4 08:57 PM

冇bug/唔昆錢/冇外掛/易上手/職業平衡/玩家有品,冇小學雞

作者: 希索嘉 時間: 11-9-6 01:47 AM

本帖最後由希索嘉於 11-9-6 01:48 AM 編輯

時下好多ONLINE GAME既賣點係畫面華麗, 無盡副本, 團戰國戰, 升等轉職等,
所以先令人覺得每隻GAME都差唔多咁,

試想下, 點解以前某D GAME冇華麗畫面、技能, 又冇副本, 職業又唔多甚至冇分職業, 但卻多年後依然令人回味?
其實不外乎"新鮮感"呢三隻字,
同埋ONLINE GAME興起後, 實在有太多幣商呀, 外掛呀, 呢D出黎賺錢
完全影響左遊戲既平衡同運作
再加上"終生免費"既出現, 其實反而令ONLINE GAME少左樂趣
雖然呢樣野有好有唔好, 但ONLINE GAME本身既時間換取強度既定理就被打破左,
ONLINE GAME既壽命亦因此而短左

其實, 每隻ONLINE GAME都有主線任呢樣野,
主線亦即GAME既故事, 如果一隻ONLINE GAME既故事有深度D,
劇情多D變化, 令個故事有靈魂既話, 唔再係每個人, 每個角色都跟住走
多D自由度, 甚至加入一D養成既玩法可能會挽留到玩家既心。

作者: 記憶的碎片 時間: 11-9-6 03:30 PM

類似魔獸世界OL的GAME

作者: 最愛用法師 時間: 11-9-8 09:50 AM

要點的一般是品質比較好的
自然要長久一些

作者: 941884 時間: 11-9-20 10:41 PM

有24小時國戰囉，之前有隻GAME AIKA我真係試過教都唔訓守到番學放學番黎再打過^_^FEZ都唔錯^_^衰就衰在打裝升LV升勁耐囉.....

作者: 霉乂男 時間: 11-9-20 10:54 PM

941884 發表於 11-9-20 10:41 PM
有24小時國戰囉，之前有隻GAME AIKA我真係試過教都唔訓守到番學放學番黎再打過^_^FEZ都唔錯^_^衰就衰在打裝 ...

FEZ唔駛打裝吧……而且裝備同等級都無咩用

作者: aliceaishiteru 時間: 11-9-23 03:09 PM

onlinegame要想長久還是要看遊戲性
能不能讓人長久的玩下去而不厭煩
其實很多玩家離開某遊戲雖然更多是因為遊戲裡的朋友離開了
但是那些朋友又是爲什麽離開呢

作者: 『LuNg』 時間: 11-9-23 05:42 PM

多改版更新。。。多出新武出任。。唔呃太多錢。。

作者: Tsuna34416912 時間: 11-9-23 05:50 PM

本帖最後由 Tsuna34416912 於 11-9-23 06:02 PM 編輯

就我個人覺得..如果真係想一隻OLG長久..以下呢幾點真係唔可以缺少:
1.代理商有幾黑同埋效率有幾高(包括活動更新及打擊外掛同埋處理BUG)
2.隻GAME本身內容夠唔夠多元化同埋新鮮..
最重要既都係唔好過份做副本同打怪..要混合多D新既元素入去以吸引玩家之用!!
3.玩家自身的質素(會唔會有太多無品既玩BUG玩外掛同埋串咀亂挑機)
4.此GAME本身的收入渠道..如果比較少的話..就真係睇下代理商有幾黑

上面都有人提到FEZ..我都覺得FEZ真係做到以上呢四點..所以希望大家可以抽少少時間睇我以下簡短的講述=]

其實FEZ的全名係:Fantasy Earth Zero
[請注意:以下的字海只代表個人立場,如果覺得悶或者廢既可以選擇唔睇]

我自己就玩左三年多..到今日都仲玩緊冇停過..

原因好簡單..冇外掛..BUG少..遊戲平衡度較高..

畫面質素一般..唔算係太靚但係..

升LV唔係難..有心有耐性就得..一開頭可能係比較悶同埋唔知做乜..

但係過20LV之後你就開始可以領略到此GAME有趣的地方=]
-------------------------------------------------------------------------------------------------------------------------------
當然..走來走去的任務亦都係相對比其他的OLG少好多啦!!

角色裝備方面亦都唔難儲..

如果你想快D頂攻頂防又可以花些少現錢既就可以去商城花150-200HKD或者向玩家買..80-120HKD已經有交易..

如果唔想花現錢去玩可以做任務儲裝備..不過花既時間比較長..

重點係此GAME20-25LV有多些少技..已經可以同玩家一齊打交..隨時可以殺封頂40LV的玩家都唔係一件奇事..

仲有既係唔多再需要在對住D咁悶既怪黎玩!!

副本呢隻GAME就冇..咁玩乜?

玩50vs50即時戰略國戰囉..

如果想再知多D可以PM我..

不過..以上的都係公式新手上路..

跟住落黎我想講下我玩左三年既感覺..
-------------------------------------------------------------------------------------------------------------------------------本身我都玩緊其他OLG..有一日有人帶我玩呢隻GAME..當時連控制都未識...

因為我冇玩過CS果類型既技術GAME..當我岩岩上手果陣都仲係覺得有些少吃力..

但學識左之後開始覺得幾有趣未入戰場玩..由開頭唔識玩..漸漸知道各種技巧同竅門就慢慢令我喜歡呢隻GAME..

到有一班團友..成大班人齊上齊落去殺對面D玩家既時候..更令我樂而忘返..

成大班團友殺豆腐同蛋散係好玩..但係有時候都會遇上1D有實力既部隊..

來一場有系統,有策略,有組織的真正國戰..

當然..殺蛋散只係自HIGH同SM..冇乜挑戰性..但係同有質素的部隊一齊對壘就真係好玩不過!!

但係..始終都有曲終人散的一幕..部隊我開過..亦散過! 團友戰友多不勝數..但係留低既已經唔多..

如今我玩開的部隊只剩下十多人..樂趣雖然大減..但港服Fantasy Earth Zero改版將至..

所以又會番黎再自HIGH SM殺蛋散..

同埋真正既FEZ國戰對壘!!

如果有心睇哂我以上咁多野既你..又有心一齊加入一齊玩嗎?

有興趣,想玩既或者想知更多既就PM我啦

作者: 夜_小_封 時間: 11-9-23 08:16 PM

我覺得應該的野唔好出得甘快同埋的野唔好甘貴～點唔係問題最緊要的點野唔好甘貴～同埋有的野可以用GAME錢買

歡迎光臨 2000FUN論壇 (https://www.2000fun.com/)