2000FUN論壇

標題: 2000fun 會員摔角訓練打到上蘋果動新聞 (8-22-2011) [打印本頁]

作者: nWoTNAHogan 時間: 11-8-23 07:14 AM 標題: 2000fun 會員摔角訓練打到上蘋果動新聞 (8-22-2011)

MK打真軍　筋肉人幫唔到掌門人( 2011-08-22 )

http://hk.apple.nextmedia.com/te ... &av_id=15545034

【本報訊】「筋肉人跟虎面人在旺角對打，雙方盡施迷魂鎖、鉸剪腳等絕技……」一班摔角狂迷，近日從港產片獲啟發，將擂台移師至旺角街頭，他們戴上誇張至極的頭套表演，拳拳到肉，飛身撻落地，絕不惜身，引起圍觀巿民拍爛手掌。脫下面具，狂迷是循規蹈矩的打工族，大學研究生，他們坦言摔角運動可以滿足表演慾，在虛構世界幹盡瘋狂事。

上周五晚上，旺角西洋菜南街眾多賣藝者中，五、六名青年成功吸引途人目光，他們戴上誇張至極的頭套，包括筋肉人、虎面人等摔角界經典角色。筋肉人面對高大對手不落下風，把對方單臂鎖死，懶理石屎地亦跳起以鉸剪腳把對方扭跌，裁判亦肉緊拍地數秒。另一邊廂，虎面人用迷魂鎖緊纏敵人，對手痛極呼叫，觀眾連聲叫好。

只為摔角班做宣傳
他們落力表演，不求打賞，只為宣傳即將開設摔角班，這班香港摔角狂迷，盡是 80後。 24歲易龍，本身從事物業管理工作，過着規矩刻板的生活，與不少摔角手一樣，易龍戴上面具、化身「虎面人」後，將現實身份拋諸腦後，「摔角除咗係運動外，仲可以滿足表演慾，做一啲平日唔敢做嘅瘋狂事，破壞規則等，你做得好，觀眾會『嘩』一聲叫出來，我就係享受呢種成功感，比發洩更高層次」。
26歲的 Wyatt，碩士畢業後在中大進行基因研究工作，前途無限。文質彬彬的他，在摔角擂台卻專做大奸角。「我喺外國讀大學時迷上摔角，以洋名諧音『壞人』行走香港摔角界，專門飾演茅躉王，最經典是以真光管扑向對手，博得觀眾高呼『唔好再打啦』，證明演技騙到他們」。 Wyatt表示，摔角擂台上所有瘋狂行徑，都是事前與拍檔「夾」出來，既不傷人，亦可滿足慾望。
扮演筋肉人的鄧榮傑是本地摔角界中堅分子，傾盡全力去推廣這種另類運動，無奈經常碰壁。「起初最煩是場地，部份體育館拒絕我們訂場，直至找到使用率較低嘅美孚體育館，才總算有穩定場地，最高峯時有三、四十人參與」。數年前，鄧註冊成立香港職業摔角協會，出任會長一職，致力推廣；亦有成員在火炭租用工廈單位，搭建正式擂台練習。更幸運的，是拳賽搞手邀請他們於拳賽期間加插表演，令香港摔角界出現小陽春。

但好景不常，這群狂迷很快面對無錢交租被封館、拳賽取消摔角環節等困境，協會運作停頓；加上不少初學者因家人反對、覺得摔角太危險而放棄，目前全港活躍的摔角分子僅餘十多人。
電影《勁抽福祿壽》，以摔角為主題，大賣香港精神，鄧榮傑看這套喜劇時看到哭，亦啟發了他將摔角擂台搬至旺角街頭：「個個話打摔角冇前途，注定冇金牌冇資助。我們打摔角，無非以取悅大眾為樂，這次街頭摔角，可能係我們最後一戰，如果免費表演都冇人睇，或者摔角喺香港真係冇出路。」

作者: 緋月〥心 時間: 11-8-23 09:50 AM

從港產片獲啟發(收皮)

支持!!

作者: calvinauht 時間: 11-8-23 10:22 AM

緋月〥心發表於 11-8-23 09:50 AM
從港產片獲啟發(收皮)

支持!!

冇錯，我地係想得到你地支持。唔係一D 插我地嘅意見，特別係一D 小學雞冇料到個D，只係識得係屋企對住陪computer 唔出街on on 99 個D。
緋月〥心，我地去支持收人地皮，比D心機攪好2000fun WWE！

作者: hk0126wwe 時間: 11-8-23 04:11 PM

支持你地, 好開心見到你地打到上蘋果動新聞, 你地要加油, 其實你地都已經搞得唔錯, 希望你地冇畀 facebook 個d人抨擊搞到唔開心, 好多人為你地打氣, 唔好放棄, 加油!

作者: Napster419 時間: 11-8-23 05:31 PM

宣傳多D等多D人認識下都好啊

作者: NexusEverGiveUp 時間: 11-8-23 09:56 PM

下次搭台表演啦

作者: NexusEverGiveUp 時間: 11-8-23 10:01 PM

下次搭台做街頭表演啦

作者: alexlui4869 時間: 11-8-24 12:12 AM

要加油呀！唔好衰俾班爛坦睇

作者: therocklui 時間: 11-8-24 12:19 AM

個晚應該好正!

作者: nWoTNAHogan 時間: 11-8-24 03:40 AM

其實我地幾個有份訪問既朋友, 做完訪問之後都唔係太開心, 因為個記者要求我扮 "福祿壽" 打摔角, 好多要求, 同埋個記者好似冇乜點準備個訪問內容, 搞到好多唔正常既場面出現左。

最後出黎既報導, 只係我地全部人訪問內容既 10%, 影片拍左好多摔角技, 單獨影片訪問 3 個人, 最後只係 show 我個段, 無啦啦用我個中文名, 成個訪問兩分鐘, 最後都係播講 "勁抽福祿壽" 個段。

我哋只係得閒約埋一齊係體育館既摔迷, 我哋只係學生同打工仔, 唔會做咩摔角手, 學業同份工先係最重要既野, 我哋技術只係基本野, 重點係, 一班摔迷出黎聚一聚, 唔通你去政府球場揾班 friend 打波, 跟住有人話你: "你哋班人屎波, 你哋以為自己係英超呀? 收皮啦!", 喂, 哥仔, 我自己約班 friend 打波, 關你咩事呀, 唔通我同班 friend 做乜都要經你同意咩, 你以為係邊個呢? 邊位呀你, 有咩資格話人. What the hell !

我只想講清楚一樣野, 依段報紙訪問, 出街見報變成點我哋冇辨法更正任何野, 枝筆唔係我哋到, 佢寫到 d 內容亂 q 哂我哋只可以接受, 無奈接受, 我最唔高興佢有英文名唔出要出我個中文名, 我可以點 , 希望有關人士明白事理, 唔好人生攻擊我哋幾個受訪者, 大家和和氣氣, 少 d 爭執, 上次插我哋投個 Money in the Bank breifcase 返黎, 今次見報又插我哋, 有咩意思呢, 係咪我哋全部跳樓死先至肯收手呢, 死左對你有咩好處呢 .

作者: zsavbt 時間: 11-8-24 12:57 PM

支持,夠膽咁做已經好勁,加油呀

作者: NexusEverGiveUp 時間: 11-8-24 10:30 PM

nWoTNAHogan 發表於 11-8-24 03:40 AM
其實我地幾個有份訪問既朋友, 做完訪問之後都唔係太開心, 因為個記者要求我扮 "福祿壽" 打摔角, 好多要求 ...

你地做宣傳摔角既時侯
都要做好少少準備啦
唔係話你地咁做係唔岩
但有時你比外行人睇到你地既行徑時
雖然可以令更多人認識摔角
但有D人都會覺得摔角原來就係咁?_?
所以我認為你應該將摔角更好既部份拎出黎
至少你係硬地上面做唔到

作者: 浪暉 時間: 11-8-24 10:32 PM

加油牙你地!!!!

作者: franky$$ 時間: 11-8-24 11:04 PM

nWoTNAHogan 發表於 11-8-24 03:40 AM
其實我地幾個有份訪問既朋友, 做完訪問之後都唔係太開心, 因為個記者要求我扮 "福祿壽" 打摔角, 好多要求 ...

WWE版係希望各 2000fun 會員開心討論,結識新朋友的地方
不用理會班人的評擊,,班人的評擊可能仲會換來你地的動力!!!!!!!!!! add oil

作者: potter222 時間: 11-8-24 11:20 PM

我哋只係得閒約埋一齊係體育館既摔迷, 我哋只係學生同打工仔, 唔會做咩摔角手, 學業同份工先係最重要既野, 我哋技術只係基本野, 重點係, 一班摔迷出黎聚一聚, 唔通你去政府球場揾班 friend 打波, 跟住有人話你: "你哋班人屎波, 你哋以為自己係英超呀? 收皮啦!", 喂, 哥仔, 我自己約班 friend 打波, 關你咩事呀, 唔通我同班 friend 做乜都要經你同意咩, 你以為係邊個呢? 邊位呀你, 有咩資格話人. What the hell !

不能同意更多~~樣樣運動都有人玩。如果打藍球要係NBA搵食踢足球要係英超西甲搵食先係重要既話就冇人玩喇。到最尾其實最緊要開心~~:smilie_:):

作者: 楓葉●” 時間: 11-8-24 11:59 PM

係mk打咁激..?!

作者: aaasssddd 時間: 11-8-25 12:19 AM

nWoTNAHogan 發表於 11-8-24 03:40 AM
其實我地幾個有份訪問既朋友, 做完訪問之後都唔係太開心, 因為個記者要求我扮 "福祿壽" 打摔角, 好多要求 ...

蘋果係咁仆街嫁啦
人地放上網都算唔錯
不過點都好...十分支持

作者: lok1990828 時間: 11-8-25 02:44 PM

只能說有人要做老屎忽,支持你地

作者: ★SIUHIM` 時間: 11-8-25 05:32 PM

masked kane

作者: sleep7777 時間: 11-8-26 07:24 PM

"只係識得係屋企對住陪computer 唔出街on on 99 個D" E句好"母肉"人

作者: alexlui4869 時間: 11-8-26 07:58 PM

今期新monday都有講你地喎

作者: nWoTNAHogan 時間: 11-8-26 08:22 PM

alexlui4869 發表於 11-8-26 07:58 PM
今期新monday都有講你地喎

係啊, $12 蚊本, 依個星期真係超忙, 下星期重有其他雜誌訪問, 多謝你 support 我哋 '

歡迎光臨 2000FUN論壇 (https://www.2000fun.com/)