2000FUN論壇

標題: 晴空bbq 抽獎內幕 [打印本頁]

作者: tszyo 時間: 11-8-29 10:23 AM 標題: 晴空bbq 抽獎內幕

本帖最後由 tszyo 於 11-8-29 10:30 AM 編輯

本人昨日同屋企人去（全有玩晴空）
我地3點半去到，就開始等，我地個位有三個風扇，但無一個吹向我地，
我地無怨言咁等，之后要其它人同台，無問題。
本來五點開bbq 改六點，算，我可以同屋企自high，
到六點開始，bbq一直無乜問題，問題係遊戲同抽獎，同PR問題，
由五等獎到最尾垃圾禮物，101~199 中既只有十份，三獎以上好似一位都無，
去到中期抽獎，已經有＂好多人＂去同工作人員講，玩點全是三同四字頭？工作人員只係話：係啦，我都覺奇怪。
我要求了下個箱，搖下個箱，拎底既，係，有拎底，未中左一兩個0~199囉！
我地等到啲野抽哂，要解散，當然沖上去問題個究竟啦！
我地一直以為係黑仔，

點知原來0~199既人作人員好好心，摺左兩野，201~4xx就係甘2對摺一野，
甘樣你要我地抽獎得中有鬼啦！
摺兩野重係哂底，對摺甘輕係面，你就咁搖極都梗係係無啦！
漫畫賭博默示錄都有講啦！果陣鈍時火都爆，當然同工作人員理論！
有一位疑似市場女主管甘樣答我地：你地都攞左大會送既野（攻略本同400點等），唔滿意？
老細！點滿意呀！抽獎既機率大家應該一樣，而家佢甘摺紙搞到中獎機率大大下降，仲要覺得無問題？
二百幾三百幾份禮物101~199中得五至十份，佢地仲話，咩抽唔到？咪到幾份囉，係少啲甘解之嘛。
我地倒左個箱啲抽獎紙一睇，300~4xx得小貓三四隻，其他全是0~299，真係甘大個女未見甘＂公平＂既抽獎！
他媽的，休想我再參加你既活動！

作者: 戀棧 時間: 11-8-29 10:28 AM

直接DEL game la仲下次

作者: HopeNeverEnd 時間: 11-8-29 10:31 AM

多謝分享:smilie_:):
比大家知道何為ALTA

作者: tszyo 時間: 11-8-29 10:32 AM

考慮中，想放哂野就唔玩

作者: cpmchan 時間: 11-8-29 10:34 AM

我怕佢第1次搞活動又係最後1次搞活

作者: kenny0090 時間: 11-8-29 10:36 AM

早到準時冇獎抽,4點熱到6點鐘。
琴日有去BBQ既大家,會唔會覺得點解200號之前既號碼差唔多完全冇中過?
我琴日都有份參與晴空既BBQ,其實成個過程順暢既,而且出手都好大方。
但第1次舉辦呢D活動,缺點一定有。我相信大家一定會明。
但點解早到既,或200號之前既你,成台人OR身邊台都冇人中呢??
其實,這是一個非常不公平的抽獎

抽獎的中途已有玩家反映
抽獎中途,很多人都發覺"唔對路",黎黎去去都係3百,4百,3百,4百呢D號碼
也有人反映過,工作人員的反應:係WOR。然後沒有再反映上去。
所謂既聽完冇再理。理由係:抽獎卷入哂入面,冇理由倒番哂出黎。

滿心期待,準時早到,冇好報
成個抽獎完左,我地將抽獎箱的抽獎紙倒哂出黎,
當然如大家所料,200號之前的,全部係底。
但點解個箱攪極都係底?原因好簡單
200號之前的卷接近全部(90%以上)係對摺再對摺,姐係得番1/4面積,
而200號之後的卷,全部只摺1次,姐係1/2面積。
機率已產生一個不公平的抽獎,
再姐,"咁人地有攪個箱"一定會有人咁講。
放心,被對摺再對摺的卷(200號之前),你點攪個箱,佢一定都係係底到,
所以呢個一抽獎,200號之前的朋友,你放心,你冇份=]

事件問題被發現,工作人員:沒有不公平
我相信有心機睇呢篇意見既你,睇到已經知道有問題,
更何況我地當時係台前當面開"飛仔",
完全證明左,係一個不公平的情況下抽獎。
工作人員不單沒有覺得不公平,更回答我地
:你地入場過個燒烤包都值哂啦,仲想點姐?

200之後笑呵呵,200之前好坎坷
相信睇完呢篇野,200號之前的您,都會覺得非常不公平,
人地就滿載而歸,我地就空無一物。失望程度接近極點,
有玩家相信已刪GAME。活動明明想大家開心,
卻好心做壞事,有錯不認,不跟進。只係不停講:下次,下次會改。
咁事已發生,毫無悔意,只想盡早收工。
我地黎活動,係想開開心心。唔通真係係志在參與??

懇請希望晴空跟進事件,及給大家一個交代。

歡迎光臨 2000FUN論壇 (https://www.2000fun.com/)