2000FUN論壇

標題: 官方無聊貼 [打印本頁]

作者: altamm 時間: 11-9-2 02:19 PM 標題: 官方無聊貼

晴空物語上左線個幾月，慶幸得到大部份玩家支持，都算係今年暑假成功其中一隻遊戲，趁今日有小小時間，以下一大堆字海，希望可以同大家分享一下官方既諗法，同回應一下近月在論壇上見到既問題：

1 唔知點解而家d人咁鐘意發放負能量，成日會見到有人大大聲話「晴空物語」好快執，成個月前就開始見到，不過好好彩，到而家就算開左學，晴空物語玩家依然好多，再次多謝大家支持。

2 外掛問題
晴空物語係有用防外掛，有時會出現「被伺服器剔除」就係防外掛既傑作。不過始終有利有弊，防得太勁會有太多誤判，導致好多正常人入唔到game，但太鬆就好易俾外掛破解，所以暫時我地都只能夠雙管齊下，防一半，再人手捉一半。暫時所見絕大部份外掛其實都係賣幣既人打錢，其實玩家們自律唔同幣商買幣，佢地冇錢搵自然就會離開架啦。

3 等級上限問題
晴空物語定位係輕鬆消閒，賣點係人物可愛，所以我地並唔太鼓勵玩家們只專注於升級，忽略左遊戲內其他內容。當然我地都明白遊戲推出初期內容不太足夠，所以每星期都盡量更新新既遊戲內容來滿足大家。可以預告一下，9-10月期間，除左戰場之外，二轉、55級上限、DOTA塔防戰等內容，都將陸續推出。

4 紅利
相信呢個係近期玩家們最多抱怨既問題，由於一開始冇留意到紅利個兌換率同台灣原廠有唔同，導致紅利商城價格唔能夠同台灣睇齊，使大家誤會香港紅利商城貴好多，呢樣確實係我地既責任，再次代表官方致歉。不過有玩家將紅利當係俾錢買既點數咁黎計算，呢種心態已經同紅利點數當初既出發點相違背，我地冇辦法可以認同。不過我地亦有留意到有朋友唔太滿意紅利商城現時既物品，希望紅利應該係提供多d獨特商品既地方作為對付費玩家既回饋，呢樣我地會盡量想辦法，希望可以做得到。

5 帳號被盜
由於晴空物語玩家眾多，有利可圖，導致近期成為騙徒既目標，我地都發覺好多人帳號都被盜。呢方面我地正落力改善客服服務，希望可以盡快幫助被盜既人可以追回損失，尋日已經公佈左新既帳號被盜處理流程，只要玩家報左案，我地會短期內幫玩家先恢復部份可追回物品等玩家可以繼續遊戲，而唔再好似以前咁要等警察調查完再做野。呢方面玩家如果有咩好既意見，歡迎提出，我地會繼續改善服務質素。

6 賺錢
我地希望同玩家保持既係一種朋友關係，而唔係敵對。官方同玩家，大家利益其實係一致既，玩家開開心心玩，我地開開心心賺錢。我地公司需要成本，買game，買server，租機房，請GM等等，樣樣都需要成本，所以我地唔會懶清高扮到唔要錢一樣，不過我地會賺得其所，賺應該賺既錢，同樣，有d玩家郁下就當自己俾左錢大晒一樣，我地都認為呢種心態唔要得，你俾錢，我地提供遊戲服務，大家各取所需，其實利益一致，並冇話邊個爭左邊個。

以上係希望同晴空玩家分享既諗法，有時間我會再上黎同大家傾下解，做下朋友。

作者: leoleo12345 時間: 11-9-2 02:23 PM

3 等級上限問題
晴空物語定位係輕鬆消閒，賣點係人物可愛，所以我地並唔太鼓勵玩家們只專注於升級，忽略左遊戲內其他內容。當然我地都明白遊戲推出初期內容不太足夠，所以每星期都盡量更新新既遊戲內容來滿足大家。可以預告一下，9-10月期間，除左戰場之外，二轉、55級上限、DOTA塔防戰等內容，都將陸續推出。

睇左咁耐乜都睇夠la=[ 玩家係要新玩法沖級

作者: 乂Jasper仔 時間: 11-9-2 02:39 PM

第一個同意：你唔鐘意玩係你O既事但係唔好拖埋人落水
第2個真係手心係肉手背又係肉 =_=
我3個我覺得lee個好緊要-_- 發覺自己最近上到去on一陣就off左 -_-耐玩性唔大真係要等下出多d新系統先唔會悶
其他唔講啦~_~

作者: 火天使 時間: 11-9-2 02:43 PM

本帖最後由火天使於 11-9-2 02:43 PM 編輯

冇人講過台灣紅利係正常

作者: ☆追魂★ 時間: 11-9-2 02:44 PM

altamm 發表於 11-9-2 02:19 PM
晴空物語上左線個幾月，慶幸得到大部份玩家支持，都算係今年暑假成功其中一隻遊戲，趁今日有小小時間，以下 ...

其實唔關官方事
亦都唔係你既錯
呢個係社會既錯
每隻game都會有搞事既人不用太理會佢地
BBQ有人話唔公平雖然我無親身去但留意左幾個POST
D人話上去跳下舞就有手染服裝對比左好多買點抽蛋既人唔公平
我就唔覺有咩唔公平官方搞BBQ活動出獎品都係為左吸引大家令大家開心
大家何必斤斤計教不喜歡可以離開遊戲

有人話紅利點太貴
其實同台灣果邊睇齊
香港每消費5點可得1點紅利，台灣每消費30點始得1點紅利
大家心水清計返其實大家一樣同台灣果邊
大家只係先入為主官方更新後出錯但出錯後都即時更改返
不過我唔介意紅利改返台灣既價但之前用左低價紅利買左果D
如果可以回收返就最好就可以做到公平公正公開

作者: 章魚Tako 時間: 11-9-2 02:56 PM

其實對唔追求高等級ge玩家,隻game系唔錯,
不過同意d人話BBQ送ge野對買點玩家不公之說,
同埋回應5# 我覺得買左轉蛋可能都已經抽左,點樣回收係一件好難ge事,同埋更新錯係官方需要負責,而非玩家,誰會知道他開始58紅利1粒蛋係錯?都係果句,早買ge人唯有當賺左,冇買/來不及真係冇法追討啦...

作者: ☆追魂★ 時間: 11-9-2 03:04 PM

本帖最後由 ☆追魂★ 於 11-9-2 03:07 PM 編輯

章魚Tako 發表於 11-9-2 02:56 PM
其實對唔追求高等級ge玩家,隻game系唔錯,
不過同意d人話BBQ送ge野對買點玩家不公之說,
同埋回應5# 我覺得買 ...

的確過左咁多日
要回收返真係好難除非更新後10分鐘內發覺有問題
即時停機回溯

作者: AngryBanana:-) 時間: 11-9-2 03:11 PM

但系冇55級真系冇乜動力/_\.
寵又升完.on左都只系掛餃子同賺錢打副.
活動依家又冇乜.
咁耐都未出55lv.
咁咪搞到個個停晒系50lv.
個個又系度買50武.
又台高左個價

作者: cheng0623c 時間: 11-9-2 03:27 PM

貼你有時間整官方無聊貼,就出心得活動名單啦
出個名單要等到最後先出?

作者: theeyy 時間: 11-9-2 03:30 PM

紅利商城都係岩岩開過多個幾月我估D轉蛋會變做99紅利

作者: altamm 時間: 11-9-2 03:30 PM

內容方面確係未足夠，所以台灣開發人員已經加緊做野啦。
港版方面，我地亦準備開發自己既活動，例如好快就會有既問答比賽，獎品仲會係直接送點數。

作者: cheng0623c 時間: 11-9-2 03:31 PM

吾想送件和服?

2 外掛問題
晴空物語係有用防外掛，有時會出現「被伺服器剔除」就係防外掛既傑作。不過始終有利有弊，防得太勁會有太多誤判，導致好多正常人入唔到game，但太鬆就好易俾外掛破解，所以暫時我地都只能夠雙管齊下，防一半，再人手捉一半。暫時所見絕大部份外掛其實都係賣幣既人打錢，其實玩家們自律唔同幣商買幣，佢地冇錢搵自然就會離開架啦。

笑爆,,你防外掛防得太勁???你防鬼到,,冇用外掛果d就強比被伺服器剔除,,,人地外掛一早破q左你個垃圾防外掛啦

作者: theeyy 時間: 11-9-2 03:33 PM

altamm 發表於 11-9-2 03:30 PM
內容方面確係未足夠，所以台灣開發人員已經加緊做野啦。
港版方面，我地亦準備開發自己既活動，例如好快就 ...

每次都係問答-.- (我冇記錯童話又係e樣野)

作者: altamm 時間: 11-9-2 03:39 PM

cheng0623c 發表於 11-9-2 03:31 PM
吾想送件和服?

2 外掛問題

嗯，然則上對於防外掛，你有咩高見呢？外掛其實同大家電腦入面既其他程式冇咩分別，對電腦黎講都係一堆code，要100%防係冇可能。而家普遍防外掛，都係防止一d簡單既外掛，對於電腦高手黎講，確實係冇咩用，不過如果唔用，個個上網查一查搵一搵都有一堆加速、掛機程式可以用到，咁咪仲大件事？

作者: cheng0623c 時間: 11-9-2 03:46 PM

本帖最後由 cheng0623c 於 11-9-2 03:47 PM 編輯

altamm 發表於 11-9-2 03:39 PM
嗯，然則上對於防外掛，你有咩高見呢？外掛其實同大家電腦入面既其他程式冇咩分別，對電腦黎講都係一堆co ...

問我有咩高見?
你肯認自已沒用啦?,,現家你係GM牙,,問返玩家轉頭,,你自已沒用,防吾到真正外掛,返而令普通玩家強被伺服器剔除,自已辭職啦,,請返D有用既有高見既GM啦!!

作者: Jefftang1995 時間: 11-9-2 03:49 PM

cheng0623c 發表於 11-9-2 03:46 PM
問我有咩高見?
你肯認自已沒用啦?,,現家你係GM牙,,問返玩家轉頭,,你自已沒用,防吾到真正外掛,返而令普通 ...

自己諗下問題解決既可行性先再提出問題

作者: keithhlwong 時間: 11-9-2 03:55 PM

我玩呢隻game主要都係因為開發商係台灣傳奇
佢會一路更新同出新野
除商城轉蛋外都有其他系統更新
希望唔好一出新game就擺爛
同埋希望alta可以代理得好

作者: 火天使 時間: 11-9-2 03:56 PM

altamm 發表於 11-9-2 03:39 PM
嗯，然則上對於防外掛，你有咩高見呢？外掛其實同大家電腦入面既其他程式冇咩分別，對電腦黎講都係一堆co ...

新建舉報功能投訴後該名玩家會彈出一d 要回答既問題

如果回答成功後 1小時內被投訴都唔會彈 (以免惡意舉報)

會自己返回ALT+H 即時回答問題就需要用虛擬鍵盤回答 (因為按鍵全亂數)

作者: benvv 時間: 11-9-2 03:58 PM

咁無聊你唔去捉外掛係度發貼?

作者: akumanaeros 時間: 11-9-2 03:59 PM

紅利實在改得太貴改都唔好改到差咁遠唔係唔同意你改高d 但太高d人接受唔到
而且對d遲on既人好唔公平早on個d一早買晒平野你又唔回收返

大家都係俾錢買點咁樣好唔公平

作者: Jefftang1995 時間: 11-9-2 03:59 PM

火天使發表於 11-9-2 03:56 PM
新建舉報功能投訴後該名玩家會彈出一d 要回答既問題

如果回答成功後 1小時內被投訴都唔會彈 (以免惡 ...

set完之後過兩日
(話打緊王打唔到驗證碼個個):oh my god 打唔到問題比人封左ac

作者: 任小吻 時間: 11-9-2 04:03 PM

本帖最後由任小吻於 11-9-2 04:05 PM 編輯

我比較想知..點解要同台灣既紅利睇齊.
兩面紅利吾同又有咩問題?!
活動送百幾套藍時..台灣有.!?
台灣有一大堆會不停升新人同抽裝既台幣戰士.香港夠佢地多,?
靜系睇巴哈同2000FUN既心得比就知完全吾系個回事-_-..
點解紅利商要抽走D物品?! 同埋紅利1000點得200紅利連一隻轉蛋到買吾到囉.我買得2000點我就吾會在意你個隻值29點既紅利啦..岩吾岩呀
出返D有意義D既野放系紅利呀吾該=]
BTW 我吾介意你跟返台灣個紅利系統買30點先送1紅利..之後改返紅利物品系2倍.
前提請不要將本身玩家身上既紅利回收XP`

作者: 親愛的 時間: 11-9-2 04:08 PM

我就係希望快D出55LV同2轉

作者: 火天使 時間: 11-9-2 04:09 PM

Jefftang1995 發表於 11-9-2 03:59 PM
set完之後過兩日
(話打緊王打唔到驗證碼個個):oh my god 打唔到問題比人封左ac ...

冇講過答唔到就封

作者: naive 時間: 11-9-2 04:18 PM

不如出去d頭髮染劑

見左個幾月...有d厭

作者: Jefftang1995 時間: 11-9-2 04:21 PM

火天使發表於 11-9-2 04:09 PM
冇講過答唔到就封

ahha
其實我在諷刺那挑骨頭的傢伙

作者: WeskerTsang 時間: 11-9-2 04:28 PM

cheng0623c 發表於 11-9-2 03:46 PM
問我有咩高見?
你肯認自已沒用啦?,,現家你係GM牙,,問返玩家轉頭,,你自已沒用,防吾到真正外掛,返而令普通 ...

只係識嘈...你叻你做埋GM..唔掂唔好打機囉

作者: 流光 時間: 11-9-2 04:30 PM

本帖最後由流光於 11-9-2 04:32 PM 編輯

第1點我好同意,所以我見到e d叫晴空汁既貼我都係入去睇1睇就無視左佢
第2點,(我想問下其實可唔可以狼死d封埋d ip架)
第3點,(其實可以整d小遊戲之類既野架)
第4,5,6點,我又唔買點,又冇比人爆過ac既,skip左佢

作者: 36954217 時間: 11-9-2 04:30 PM

等緊你個二轉

作者: 三隻字 時間: 11-9-2 04:30 PM

不能同意更多,!

作者: 火天使 時間: 11-9-2 04:32 PM

Jefftang1995 發表於 11-9-2 04:21 PM
ahha
其實我在諷刺那挑骨頭的傢伙

打副本唔會彈出來

打小王應該唔洗成分幾鐘

所以d人都係為左~_~"..... 反正我就是信了

作者: 大狗狗 時間: 11-9-2 04:44 PM

成日話d game唔公平,現實本來就唔公平,又唔見你叫李xx分左副身家佢?

作者: cliffking 時間: 11-9-2 04:45 PM

任小吻發表於 11-9-2 04:03 PM
我比較想知..點解要同台灣既紅利睇齊.
兩面紅利吾同又有咩問題?!
活動送百幾套藍時..台灣有.!?

這位老大的話很準!!@@
台灣同hk o既人數比例係幾多呢,呀alta代理人^^?

作者: cation_lee 時間: 11-9-2 04:47 PM

5 帳號被盜
由於晴空物語玩家眾多，有利可圖，導致近期成為騙徒既目標，我地都發覺好多人帳號都被盜。呢方面我地正落力改善客服服務，希望可以盡快幫助被盜既人可以追回損失，尋日已經公佈左新既帳號被盜處理流程，只要玩家報左案，我地會短期內幫玩家先恢復部份可追回物品等玩家可以繼續遊戲，而唔再好似以前咁要等警察調查完再做野。呢方面玩家如果有咩好既意見，歡迎提出，我地會繼續改善服務質素。....

不如嘗試係預防方面落手, 例如台灣SER用緊既通訊鎖, 或者係你地依家用緊既密碼卡系統, 係LOGIN個時要用左先比入, 好過比人盜左先幫番佢, 我以前第二只Game都比人盜過, 跟住已經無心機玩, 點幫我都無心機,

同埋, 可以建議改善衝裝既系統, 雖然大家都知防暴石係Game公司既主要收入來源, 但同時都係通漲源頭, 變成趕客, 不如改一改, 將平民裝由+3 +4 升一升, 去到+6 +7左右, 中途件裝吾好暴住, 改做初始化, 但衝裝錢會提高D, 然後出一類拾綁既點數防暴, 避免個價升得太高太快,

愚見有錯請回覆...

作者: chauting97 時間: 11-9-2 04:47 PM

回復 cliffking 的帖子

一個天
一個地吧:$?

作者: Jefftang1995 時間: 11-9-2 04:53 PM

cliffking 發表於 11-9-2 04:45 PM
這位老大的話很準!!@@
台灣同hk o既人數比例係幾多呢,呀alta代理人^^?

其實人數比例同紅利比率有咩關係....?
(呢個我真係唔明先問無其他意思)

作者: 任小吻 時間: 11-9-2 04:56 PM

Jefftang1995 發表於 11-9-2 04:53 PM
其實人數比例同紅利比率有咩關係....?
(呢個我真係唔明先問無其他意思)

其實點解一定要同台灣一樣-.-....本身物價同SER又吾系一樣...'`

作者: 魔使乂貓 時間: 11-9-2 05:19 PM

2果點暫時所見絕大部份外掛其實都係賣幣既人打錢，其實玩家們自律唔同幣商買幣，佢地冇錢搵自然就會離開架啦。

http://www.itembay.com.hk/ 咁e個咩黎? 2000fun都幫幣商賣廣告想冇幣商官方你去訓啦

作者: teddy13141314 時間: 11-9-2 05:19 PM

加油..支持..唔玩既好走啦..冇人會想留你地/_\

作者: altamm 時間: 11-9-2 05:21 PM

cheng0623c 發表於 11-9-2 03:46 PM
問我有咩高見?
你肯認自已沒用啦?,,現家你係GM牙,,問返玩家轉頭,,你自已沒用,防吾到真正外掛,返而令普通 ...

請你介紹邊個係真正防到外掛既GM唔該。

作者: chunyi1996 時間: 11-9-2 05:23 PM

玩家郁下就當自己俾左錢大晒一樣，我地都認為呢種心態唔要得，你俾錢，我地提供遊戲服務，大家各取所需，其實利益一致，並冇話邊個爭左邊個。
(E句講得好)

作者: altamm 時間: 11-9-2 05:26 PM

cliffking 發表於 11-9-2 04:45 PM
這位老大的話很準!!@@
台灣同hk o既人數比例係幾多呢,呀alta代理人^^?

呢個問題我都問過台灣，哈哈...
個答案係，如果香港平過台灣，佢地就會俾台灣個邊d客嘈，所以為免有問題，最好就係大家一樣...

作者: altamm 時間: 11-9-2 05:27 PM

火天使發表於 11-9-2 04:32 PM
打副本唔會彈出來

打小王應該唔洗成分幾鐘

呢個做法我地有諗過...不過諗唔到點防止d人濫用...

作者: Jefftang1995 時間: 11-9-2 05:28 PM

魔使乂貓發表於 11-9-2 05:19 PM
2果點暫時所見絕大部份外掛其實都係賣幣既人打錢，其實玩家們自律唔同幣商買幣，佢地冇錢搵自然就會離開架 ...

其實2000fun同alta係兩個個體來的

作者: altamm 時間: 11-9-2 05:30 PM

cation_lee 發表於 11-9-2 04:47 PM
5 帳號被盜
由於晴空物語玩家眾多，有利可圖，導致近期成為騙徒既目標，我地都發覺好多人帳號都被盜。呢方 ...

我地都希望盡力在預防方面著手，例如下星期更新之後，玩家發既信會有記號寫住係由玩家發出的信件，以免再成日有人扮官方發信。
至於你所講既通信鎖，密碼卡，其實晴空都有設人物第二密碼，只不過好多玩家怕麻煩冇用到，但係強制要佢地用又會有好多人嘈...

作者: Mr.KaiesT 時間: 11-9-2 05:33 PM

順路在這裡問一下官方跟版主
不知道心得活動有結果了沒有
雖然只是過了兩天的期限，也給一個小小交代吧

作者: 魔使乂貓 時間: 11-9-2 05:34 PM

Jefftang1995 發表於 11-9-2 05:28 PM
其實2000fun同alta係兩個個體來的

鬼唔知你呀媽女人咩. 你e d係咪廢人講廢野? 我講緊幣商冇可能會走 d玩家有得賺又買得起點會唔買呀?

作者: tangsiukin 時間: 11-9-2 05:35 PM

本帖最後由 tangsiukin 於 11-9-2 05:38 PM 編輯

見gm咁有心我都黎分享少少啦
當初我係因為朋友介紹
所以想試下呢隻game
點知台服鎖ip 咁無計啦
唯有準備放棄
後黎聽到其他人講
係香港黎講呢間代理算唔錯
於是我就試下玩港服啦
由公測到而家
講真除左話外掛真係多之外
我暫時都無話見到d咩大問題
更新速度d人成日話慢
我覺得可以接受
唯獨係好多裝備都綁定
搞到有少少唔慣
不過玩左一段時間都無咩野
好似gm咁講
打開門口做生意
邊個唔係為左賺錢先
只要做好本份真係無咩大問題
我要求好低既姐
淨係希望代理商唔好唔理隻game
特別係有新遊戲果陣
好多代理商都會放任舊game
有時仲會關閉添
呢樣係我最反感既
整體黎講暫時都覺得alta唔錯
比心機啦~

作者: 親愛的 時間: 11-9-2 05:37 PM

altamm 發表於 11-9-2 05:27 PM
呢個做法我地有諗過...不過諗唔到點防止d人濫用...

每個人一小時只可使用舉報1次。
可吾可以防止d人濫用。

作者: 火天使 時間: 11-9-2 05:38 PM

tangsiukin 發表於 11-9-2 05:35 PM
見gm咁有心我都黎分享少少啦
當初我係因為朋友介紹
所以想試下呢隻game

暫時紅利問題已經破壞晒形象

ps.我之前玩童話

作者: cation_lee 時間: 11-9-2 05:38 PM

回復 altamm 的帖子

如果玩家中左KEYLOGGER, Set十萬個密碼都無用, 但偏偏呢樣就好易中, 但如果有外在野跟身先得, 就中左都吾怕, 因為hacker吾會有你個部手提電話或者密碼卡係手, 點都偷吾到,
ALTA真係要唸唸改吾改呢樣, 吾係就會變成盜一個,走一個,

同埋, 問一問ALTA既人, 佢地會吾會自己開個PPS戶口,>.< 自己網頁賣番商品, 去其他網頁買好煩.....

你地可以參考下gamaniXX, 雖然佢地D Game出名昆錢, 但佢地D game好易昆到人錢,因為太易比到錢, 乜包都係官網直接買到.

作者: altamm 時間: 11-9-2 05:41 PM

唔好意思呀大家，我有其他野要做，暫時覆唔到啦。今晚番到屋企再睇下有冇時間上黎啦。

作者: SkR神o仔AuA 時間: 11-9-2 05:46 PM

本帖最後由 SkR神o仔AuA 於 11-9-2 05:47 PM 編輯

3 等級上限問題
晴空物語定位係輕鬆消閒，賣點係人物可愛，所以我地並唔太鼓勵玩家們只專注於升級，忽略左遊戲內其他內容。當然我地都明白遊戲推出初期內容不太足夠，所以每星期都盡量更新新既遊戲內容來滿足大家。可以預告一下，9-10月期間，除左戰場之外，二轉、55級上限、DOTA塔防戰等內容，都將陸續推出。

哇...晴空唔掂到要搞埋DOTA o.O?
真可悲呢...
難到我不去玩LOL來這裹玩晴空?
SOSAD= =始終還是沒有突破點

作者: naive 時間: 11-9-2 06:00 PM

好多game都會有外掛嫁啦,今日捉晒一堆,明天咪又出番一堆lo,其實係沒完沒了,你話代理一d野都唔做就話唔岩姐,但事實係有做過野嫁啵,岩唔岩先?紅利問題,的確係有問題的,不過人家都講左會努力更改下啵,係咪先?某d人成日話bbq活動唔公平,本人都無去bbq,之後得知好多抽獎問題or送野問題"話"唔公平,講真,你抽唔到係你運氣唔好,抽唔到就係咁話人呢d唔公平果d唔岩,如果你地都抽到想要既野,又會唔會係度嗌晒唔公平呢?買六合彩,都唔包你一定中啦,學下享受過程,唔好下下問結果~可能我講既野好多人會唔岩聽,我都預左比人鬧

,不過有心玩晴空既朋友,比d耐性等下,我相信"外掛""紅利"問題,佢地會盡快搞番好,盡量滿足大家既要求

關於bbq問題,都過左去啦,留待下次再出活動時,睇下有冇改進囉,日日係度嘈你地覺得真係有用?講真,如果代理係無良心,暑假呢段時間,都搵左我地唔少錢啦,而家大可以睬我地都傻,唔滿意咪唔好玩囉,洗咩比玩家們日日鬧先

大家手下留情,唔岩聽都唔好鬧得我咁勁><

作者: Jefftang1995 時間: 11-9-2 06:08 PM

回復魔使乂貓的帖子

請你諗下點樣解決到幣商
真係只有自律嫁咋
其實我唔建議買幣

作者: gtrrx7 時間: 11-9-2 06:35 PM

Jefftang1995 發表於 11-9-2 06:08 PM
回復魔使乂貓的帖子

請你諗下點樣解決到幣商

其實2KF都有得賣幣,
你知唔知0.0?
唔解決到幣商,自己又係人地個官方論壇度倒人地米,
姐係咩意思??

作者: 小龍乂 時間: 11-9-2 06:48 PM

altamm 發表於 11-9-2 03:30 PM
內容方面確係未足夠，所以台灣開發人員已經加緊做野啦。
港版方面，我地亦準備開發自己既活動，例如好快就 ...

=0=問答活動咩形式? 全部人答同樣問題?鬥高分鬥快? 鬥快d機cheap既人好慘><

作者: cliffking 時間: 11-9-2 06:53 PM

altamm 發表於 11-9-2 05:26 PM
呢個問題我都問過台灣，哈哈...
個答案係，如果香港平過台灣，佢地就會俾台灣個邊d客嘈，所以為免有問題 ...

原來慘情的事來...哈
咁真係唯有要你地爭取一下同活動方面自己出點心思了你地要@@

作者: c396437 時間: 11-9-2 07:00 PM

cheng0623c 發表於 11-9-2 03:46 PM
問我有咩高見?
你肯認自已沒用啦?,,現家你係GM牙,,問返玩家轉頭,,你自已沒用,防吾到真正外掛,返而令普通 ...

叻仔;吊完人地防掛廢啦呵?
咁吾該自己整個防掛程式出黎;呀;要防到你所講既"真正外掛"嫁;
見你可以咁話得人;你都應該覺得自己好勁嫁?
咁既野;難吾到你呱?
講到人地幾廢;如果自己連人地都不如;
咁係咪比垃圾仲垃圾既人@@?

作者: mctyrstj 時間: 11-9-2 07:01 PM

我要抽獎嫁炸XDD

作者: Jefftang1995 時間: 11-9-2 07:03 PM

gtrrx7 發表於 11-9-2 06:35 PM
其實2KF都有得賣幣,
你知唔知0.0?
唔解決到幣商,自己又係人地個官方論壇度倒人地米,

我知= =
不過2kf唔係我管理嫁...
佢地賣幣我完全控制不能

幣商真係無可能解決
正如我所講未知閣下可否找出「解決幣商」的方法?

作者: gtrrx7 時間: 11-9-2 08:16 PM

Jefftang1995 發表於 11-9-2 07:03 PM
我知= =
不過2kf唔係我管理嫁...
佢地賣幣我完全控制不能

我個重點其實係...
既然你知道2KF有賣幣,
而又係人地個論壇度叫人唔好買
會唔會過份左小小?

另外,唔一定個個賣幣既人都係用外掛打錢既...

作者: ☆追魂★ 時間: 11-9-2 08:21 PM

gtrrx7 發表於 11-9-2 08:16 PM
我個重點其實係...
既然你知道2KF有賣幣,
而又係人地個論壇度叫人唔好買

有d遊戲幣商同2000fun合作
但大家買唔買由玩家自己決定
同佢地買只會助長左幣商

作者: 雙子座Oo星 時間: 11-9-2 08:32 PM

其實呢只game個代理系全香港最好的了 - -!
我好滿意~

同GC等其他代理冇得比 = =!

作者: ☆追魂★ 時間: 11-9-2 08:33 PM

雙子座Oo星發表於 11-9-2 08:32 PM
其實呢只game個代理系全香港最好的了 - -!
我好滿意~

咁多代理呢間最好
最少好個爛橙同網龍

作者: 雙子座Oo星 時間: 11-9-2 08:41 PM

☆追魂★ 發表於 11-9-2 08:33 PM
咁多代理呢間最好
最少好個爛橙同網龍

d商城野又5叫貴
放上去商城ge野..就算你5買
對你只人ge實力都5會太差

仲有呢個代理5會當玩家系水魚
系咁搶錢

作者: ﹋＊紫鈴音＊﹌ 時間: 11-9-2 09:13 PM

其實外掛隻隻game都有,
要捉哂係冇可能嘅事,
起碼gm都叫做有做過野,
講真,哩隻game個代理係我玩咁多隻game最好嘅一個

試問有邊隻game嘅gm會成日覆帖
比著其他game,捉外掛,睬你都傻啦-,-
最多味膚衍下你

作者: Jefftang1995 時間: 11-9-2 09:25 PM

gtrrx7 發表於 11-9-2 08:16 PM
我個重點其實係...
既然你知道2KF有賣幣,
而又係人地個論壇度叫人唔好買

你鍾意買咪買
我唔會阻你~只係建議
我相信其他熱愛玩ONLINE GAME既版主都唔會建議你去買幣

作者: ok009991997 時間: 11-9-2 09:33 PM

d人好煩lo
乜都講你地唔好
我都開過帖撐你地
晴空繼續加油努力
(PS:我反而唔係好想有55LV)

作者: cool5201314 時間: 11-9-2 09:38 PM

本帖最後由 cool5201314 於 11-9-2 09:48 PM 編輯

唉...............

作者: chit501314 時間: 11-9-2 09:38 PM

好簡單..需求定律,,,,又係用寶物吸引...只要設立頭三名...送傳說座騎..開POST要玩家俾意見改善晴空的系統等等..一堆好意見出哂黎..如果好的話官方就可以試下實行..唔得咪當吸引玩家..等流失無咁高..呢個方法一定掂

作者: ka兒 時間: 11-9-2 09:43 PM

我會體諒你地的

打篇野出黎好有心

作者: chit501314 時間: 11-9-2 10:17 PM

仲有堅係要快推出新野..最緊要係多人..如果唔多人..之後有咩活動都係哂氣,,

作者: 御風剎 時間: 11-9-2 10:31 PM

chit501314 發表於 11-9-2 09:38 PM
好簡單..需求定律,,,,又係用寶物吸引...只要設立頭三名...送傳說座騎..開POST要玩家俾意見改善晴空的系統等 ...

好建議，我真係覺得唔錯。

你真係幾有諗頭！
我諗官方真係可能會搞！
（私人身份，不代表晴空版立場）

作者: k6337351 時間: 11-9-2 11:31 PM

本帖最後由 k6337351 於 11-9-2 11:33 PM 編輯

你玩天龍8部sin 叫痴線,幾千蚊,濕碎la

紅利,係好5公平,總算有ar

外掛,除左魔獸,佢捉得最勤力ga la

出新野,魔獸封頂人以萬泥計,ma 1樣甘玩 =_=

e隻game 又平,alta 都算okla,佢至少5似cso,sd 係甘屈點ar 睛空,賺5算多,e+甘樣都5錯ga la

作者: 藍流星 時間: 11-9-3 12:50 AM

講真呢個代理算真係HK代理中有良心。
玩過雲起/GC果D你就知。外掛無人理架。
GM 賣埋一份的代理都大有人在。

夠膽係論壇出POST 俾你地玩家鬧的代理有幾多間??

商城存在本身就係由玩家攪出來, 以往月費制時代,
玩家打左D寶賣真$, 教識左代理同GAME公司呢個賺更多的方法。
想賣GAME內物品賺錢, 風險一定高架啦, 蝕左就係度嘈, 同買左樓同股票跌價叫人回水果D人有咩分別??

外掛方面, 官方當初反應真係慢左少少。
一早可以有在線GM 設舉報系統, 設開ACC須多重手續。
可以減少外掛多開賺錢。

當然玩家自律係最重要。可惜人性係點相信GM們心中有數。

GM試下同台灣傾有沒有破解外掛程式方法, 就好似果D防毒咁。
當然道高一尺, 魔高一丈。往往預防都係被動。不過都可以睇睇有沒有方法。

作者: 暗夜殺機乂 時間: 11-9-3 01:06 AM

唔想玩了 88

作者: 士多啤利紅茶 時間: 11-9-3 01:10 AM

算啦0.0 投訴接受態度照舊埋怨就晒氣

作者: xyz136 時間: 11-9-3 01:29 AM

其實我係覺得紅利變左10倍太恐怖
不過快d出新系統都好
因為真係有d悶 ... 日日上去都係掛機拎餃子
同打樹海 !

作者: 古屋keita 時間: 11-9-3 02:19 AM

gtrrx7 發表於 11-9-2 08:16 PM
我個重點其實係...
既然你知道2KF有賣幣,
而又係人地個論壇度叫人唔好買

呢d就係版主要做既野
叫人唔好係人地到買
係自己個版買
呢d就係版主啦
邊有自己版既人會叫玩家去人地到買呢!?
呢方面呢到既版主就做到啦

作者: 古屋keita 時間: 11-9-3 03:10 AM

乂。零銃。乂發表於 11-9-3 03:03 AM
呢樣就係我想表達既野...
唔關HK 同 TW既價格差別問題,
係你地果日維護完開左紅利本身轉蛋58點,

呢d就係官方所指既公平!!

作者: 章魚Tako 時間: 11-9-3 03:48 AM

回復乂。零銃。乂的帖子

你咁講就真係有D問題,何解官方錯要玩家受罰?
這是你所講的公平?
其次,重點是,紅利剛開始個價有問題,官方唔講根本冇人知,去用自己紅利買野ge玩家根本冇錯...
再者,你話回收,講就易,我真係想問你要點回?
買轉蛋已經轉左點計?買世號用左又點計?
下次發言前,請認真思考下到底係邊個錯同施行ge可能性,唔好一味覺得自己泄左就要其他玩家陪葬...
何況,果時選擇唔買係你自己選擇,你覺得當時58一粒蛋冇用唔買,等到而家290一粒覺得自己賠左就鬧鬧鬧...
你咁樣輸打贏要ge行為真係唔要得囉

作者: 千草．葉 時間: 11-9-3 03:51 AM

本帖最後由千草．葉於 11-9-3 03:54 AM 編輯

咁多人不滿,,就不斷怪代理,,解決問題離唔開賠償+令自己可以得益既事
雖然我都覺得香港代理真的很多地方都做得不夠好
但我不覺得香港玩家的質素比台灣玩家的好,,
只要有上巴哈論壇既人都見到人地不滿都係講句失望同埋給予官方可以改善既意見
絕對唔會好似宜家大部份香港既玩家咁樣,,郁D就話晴空收皮,,唔公平!!
從來玩遊戲,,比錢,,心機,,付出,,都唔係有必然既回報果喎,,
就算係你宜家玩緊既人生ONLINE,,都唔係一定公平公正架啦

最後想比少少意見官方:
希望官方以後出既活動經過思考先推出:(
睇上次BBQ抽獎就知好多地方不足
同埋唔好再叫D工作人員/發佈員講果D人人有獎中既說話
如果真係唔係每個人都中獎的話,,姐係順口開河:(
咁樣會很損害你地公司既形象和貴公司與我們玩家之間既關係
也不要一直麻木送出能用點數買到的手染KUSO裝/點數/點品,,
改送一些限活動才有得到的KUSO/道具/座騎..(仲要點數買不到
咁樣又不會引起他們說的價格被拉低或者提高的問題
又不會太大影響玩家之間能力上既距離:)

另外開發方面,,我不知道你們香港代理有否參與開發項目
如果沒有我也不發表任何意見了,,因為你們都是搬他們開發的項目過來給我們玩而已
但你們都應該有留意台灣代理方面最近的情況啦,,他們改版後!
數個伺服器維修,,戰場系統停了一天又一天,,浮空系統亦有很多問題
希望你們會待他們處理好所有問題才開放給我們遊玩,,不要趕著推出新系統,,草草了事
還有就是你們更新公告方面,,不要一直COPY台灣的更新公告,,
好像有些根本沒有開放的東西就說修正/修改,,我們玩家想看到你們的努力,,不是你的馬虎
我希望你們ALTA香港代理會做得比他們更好更出色:)

作者: 抽水 時間: 11-9-3 08:26 AM

benvv 發表於 11-9-2 03:58 PM
咁無聊你唔去捉外掛係度發貼?

十分同意朋友你的言論

作者: Chancy 時間: 11-9-3 09:58 AM

你果幾點我都同意 ^^ 加油~

作者: 古x﹏x靈 時間: 11-9-3 10:01 AM

重點
你個紅利回饋搵人$姐
根本就係想搵$姐
其他地區d野可能唔洗$/平d
你試問下你地公司加貴左d野呀
你地公司既心咪係搵$ 搵$ 同搵$
點樣點樣呃我地去買點
你地收$呀
再講你地真係有心
就唔會咁多野比人講呀
你再睇真d啦
你收得佢地$
你緊係幫佢地講野架啦
試問有邊幾句係真心架呀

作者: Chancy 時間: 11-9-3 10:02 AM

altamm 發表於 11-9-2 03:39 PM
嗯，然則上對於防外掛，你有咩高見呢？外掛其實同大家電腦入面既其他程式冇咩分別，對電腦黎講都係一堆co ...

真心一問?
其實"魔獸世界"果d點解可以做到冇咩外掛?
係咪佢地個防掛系統唔同?

thx~

作者: kaiser951124 時間: 11-9-3 10:34 AM

晴空D人物人個個大頭幾得意

作者: william261993 時間: 11-9-3 12:17 PM

咁耐都最出55 好冇心機玩..

作者: qqqqqqqq 時間: 11-9-3 12:32 PM

真係慘,,,咁中肯既POST,,
得到既係自私既回覆..

不過我SUPPORT你,,

作者: SkR神o仔AuA 時間: 11-9-3 01:01 PM

回復 qqqqqqqq 的帖子

依位兄台~
認真你就輸了!
明眼人一睇依個POST就係官方開黎
假仁義、假道德
反正依家跟本就係公說公有理,婆說婆有理架啦
嘈黎都晒氣~
想玩的繼續自閉玩
想走的快點瀟灑走

最後有關紅利一事送上金句- -
貴的平不了~
~平的變貴了

作者: sl6 時間: 11-9-3 03:34 PM

其實紅利方面,佢地SET返同台灣果度一樣都係情有可原..因為唔想令台灣果面D官方難做=]
"怪就怪我自己之前唔好彩未等佢改返之前無汁到平貨 XD"
不過無所謂啦,汁到平貨當係好彩,汁唔到就唔好太介意啦~
另外想提意1D意見,紅利商品,可唔可以出D得意野,
例如(特別版寵物, 特別版白字坐騎, KUSO武器 or even 有人提出過既頭髮染料 etc..) @@"

作者: alexhk1234 時間: 11-9-3 03:44 PM

再唔開放55LV
同埋再唔捉外掛就真係死得~

作者: !豆腐! 時間: 11-9-3 05:09 PM

提示: 作者被禁止或刪除內容自動屏蔽

作者: ~仔~ 時間: 11-9-3 06:00 PM

標題改一改好D-.-(心聲/回應.etc.)
吾係人地會覺得官方好無禮貌。
------------------------------------------
商城出迷你重技比較好,
學技曬錢,又吾係次次要重晒,
有時侯重置果1招半招,就晒左50金(洗水+學費)

作者: o0小流0o 時間: 11-9-3 08:36 PM

我只係想知影片評價如何

作者: sam128 時間: 11-9-3 09:59 PM

最公平係點呢? 唉
只回溯當日有用紅點買野既物品...抽到好野又係衰又係

咁又有班人出黎嘈啦
記會馬會都錯過呢d事... 小保嘉對AC 米蘭
令到 2邊點買都贏錢結果馬會接受哂當日既投注

咁啦... 果日冇用平紅點買貨既人比返D獎勵佢啦
乖既學生係唔係要獎先... 哈哈

作者: cheng0623c 時間: 11-9-3 10:44 PM

我都係為左隻晴空好先咁講
語氣差少少..SOR

作者: 三隻字 時間: 11-9-4 11:43 PM

幾時出戰場呀,,,,,,,,,,,,,,,,!

作者: 『聖騎士』 時間: 11-9-5 06:26 PM

回復乂。零銃。乂的帖子

RE: 官方應該點都有個數值係知道玩家回贈左幾多紅利同埋幾時用過,用左幾點諸如此類的~
我並無講過要玩家受罰依樣,即使唔收回一係補償返果日維護後至關閉前有紅利起身又有上線既玩家lol,
或者係全數收回之前既紅利點品,再全SER補償返D點品,因為依個係官方既錯,佢地自然要負責!!
即使唔係今次事件,上次BBQ又係,唔講抽獎,先係活動程序打擊玩家既言詞已經走左大半人...
我唔理官方想點啦,對於一個初初支持隻GAME搞落去有買點玩但官方一次又一次既錯+唔負責既行為只會令人討厭!
付出相應的資金支持得不到應有的對待,邊個會仲想支持落去?
一句對唔住就蓋過天?要玩家體諒?

1.朋友,我付出相應資金買股票,係咪會得到應有回報先?
2.遊戲GM不過只係有名無實...好多野上面阿頭唔肯點頭...佢都冇權去做...

RE: 喂一定要果個時候買的?
佢出黎個定價係58點就係58點!! 官方未唸清楚個比例就急住開SER,自己放出黎俾人買左又改番又係玩家的錯?
佢又冇事先講明個紅利點品價格,證明官方冇計劃,一味靜係識抄台灣,台灣都好D!玩家第一賺錢第二!!
香港SOSAD,賺錢第一玩家第二,炒短線賺大錢,你睇下過多一排再咁搞法隻GAME會唔會仲係咁高人氣丫拿.

你試下企係人地角度去唸件事就知人地點唸~

1.睇完你呢段我諗起好耐之前係路過超市一件事
有件貨,果時係賣係10元,但係價錢牌印錯為8元,咁個客唔知出錯...出去比錢,個收銀員「嘟」機先知錯左價
咁錯左公司到,所以會以8元賣比個客
咁照套用你講既,咁事後10元既人咪好唔低...咁咪個個可以要求要8元買?

你覺得自己蝕左,但係你又識唔識企人地角度諗?官方原本要290紅利,點知用58賣左出去
你覺得官方冇蝕?定係你覺得虛擬野,官方會冇蝕@@?

講多無謂...大部份玩家睇著人賺左,自己蝕,就會出現葡萄心理..難怪官方愛理卻不能理

歡迎光臨 2000FUN論壇 (https://www.2000fun.com/)