2000FUN論壇

標題: 「魔獸世界」與亞洲遊戲之分析 [打印本頁]

作者: cyw1999 時間: 11-9-18 06:21 PM 標題: 「魔獸世界」與亞洲遊戲之分析

本帖最後由 cyw1999 於 11-9-18 07:40 PM 編輯

小弟今次的分析純粹個人意見,大家若有異見都可以一齊討論一下!多謝..
全球熱門遊戲「魔獸世界」的簡介:
近年來,魔獸世界的人數只會有增無減,全球玩家人數已超過千萬關口,魔獸世界出版商「暴雪」聲稱單靠魔獸世界年賺過億,他們自設的廠房更有自己的遊戲博物館,他們的成功之道在於:
-經常處理有關外掛事宜,而且絕不留手,一經使用都被永久停權(處理外掛)
-即使遊戲畫面不能與Battlefield 3等遊戲相比,可是遊戲質素亦不比相關遊戲差
-沒有玩家提及的黑心食錢商城,但近年應玩家要求才開發商城,該商城所賣的主要是實體的紀念品,只有很小部分是虛擬道具
-更新進度適中,能夠跟隨著玩家的節奏,不像網龍的遊戲(人家才100級,就出200級的地圖和怪)
-團隊副本中的合作性,能夠激發玩家自身職業的潛能,而且不會令遊戲的平衡度出現問題,此外,讓玩家專精自身的職業,到世界各地比賽
-長遠的歷史,加上配合完美的遊戲故事,很多玩家都是看完小說故事而去玩

亞洲遊戲的簡介:
亞洲的遊戲大部分出自於日本或韓國,而且這些開發商開發的目的主要是賺錢,而欠缺自身的遊戲質素,只會令玩家投入去花錢,而不會享受遊,有人云:「亞洲的遊戲只會令遊戲玩你,而不是你玩遊戲」,可是他也有自己的好處,就是配合亞洲玩家的口味,令玩家有意去玩,而亞洲遊戲的利與弊:
-遊戲商目的為賺錢,大部分的遊戲自設商城,而且商城所賣的都是玩家所需的物品,令玩家投入去花錢
-為配合玩家的口味,不斷以古代的文代融入遊戲,令人更加深刻印象在歷史方面
-遊戲的更新快,證明開發商人員的努力和創意,可是代理將創意化為賺錢的工具,令遊戲變得木獨
-相關的遊戲欠缺新意,遊戲商互相抄襲,成為俗稱的山寨版

總括而言,亞洲遊戲開發商和代理應該仿傚暴雪,好讓玩家投入去享受遊戲,而不是投入去亂花金錢,到頭來得不償失,而且更可以給玩家一個好的印象,成為美好的回憶!

作者: 坦妃 時間: 11-9-19 10:15 AM

這文有點來得太晚魔獸世界現在也是有減無增了

作者: RECALL．凌 時間: 11-9-19 12:02 PM

本帖最後由 RECALL．凌於 11-9-19 12:16 PM 編輯

支持樓主`

雖然魔獸現在人流不如以現但是人氣還是一直保持第一位
遊戲要成功之處, 真的很地方暴雪做得不錯
就如樓主所說,
- 基本外掛在某ONLINE是橫行處處可見那呢隻ONLINE GAME 唔洗問一定死足99% 玩家失去信心人流一定流失
暴雪絕不留手這是正確的做法 (因為小妹宜家玩緊隻GAME就係甘, 外掛人人都會用,已經唔想再上…變左外掛ONLINE T_T)
- 雖然畫面是玩家著重但玩家更著重是遊戲質素…基本上唔係差到眼耳口鼻怪怪地既話XD 大家都會睇遊戲質素a-a
- 月費GAME 比免費GAME長久係一個不爭的事實太多免費GAME炒短線 (最近月費GAME都係大作)
- 更新 !! 我覺得魔獸做得最好就係呢到.. 真係成日更新, 而更新D野又真係唔係廢野 !~ 令人對魔獸世界玩落去既慾望不斷上升..唔洗成日封完頂就無野做.. 一隻好既GAME ~ 【封頂唔應該係完結~ 應該係新既開始】
- 團隊合作性也是促進玩家互動蠻重要的關鍵因為副本困難很多時候需要用語音( 用語音容易讓大家了解對方, 認識朋友)
而且佢ai不錯 ~ 有時候真係要大家用下腦唔係一味1個坦1ec 2打手係甘禁鍵盤1-5順住落d怪就死哂…
- 故事性這個… 小妹就係傻傻每次也會看對話的人經常看對話,自己對住個mon笑 XD

至於亞洲遊戲真的令我有點心灰…甚至心死
宜家D遊戲保鮮期基本係1-2個月… 全部炒短線賺錢,其實我覺得代理都有心知肚明
一開波首先出哂D大眾野先…梗住過左1星期左右就出D貴價野…(因為玩家多數1星期封頂沖裝,及1星期左右人流暫時穩定)
就大量吸錢.. 吸呀吸.. 由其係武俠GAME 最吸錢.. 淨係裝備普遍都差唔多12格以上..
仲有D坐騎[多數出老虎] ..一堆時裝..即回藥水[太一] 等等全部都是$$$$$$
不是說其他GAME不是這樣~~ 只是感覺上亞洲GAME大部分都是這樣(不是打沉成架船帶定頭盔先)
總之愈玩愈心死T_T 但偏偏就是比較喜歡玩較古代FELL 既GAME (自相矛盾ING)

新既ONLINEGAME~ 應該仿傚暴雪+自己創新[ 這是主要目的] ~
不竟暴雪經已運行多年,再好既野玩家都有機會覺得無味~`1味仿傚也是不會進步的:)

現在有隻新古代GAME令我看到希望, 就係九陰真經 !! (其實主要目的係宣傳九陰真經…(偷笑)(逃跑)

作者: CSB54042 時間: 11-10-1 01:19 AM

家陣都OK啦..雖然係人數係減左，但下個月好似出4.3,,一大堆老玩家就會番番泥玩.

作者: ngai 時間: 11-10-3 02:36 PM

暴雪真係做game既公司，亞洲遊戲係以商業角度為先。

魔獸世界內，高級裝備綁定主要原因係希望每位玩家都親身參與副本體驗。

征途online，買了商城裝備就會綁定，係想令你換裝時賣唔出去。

作者: xggenal 時間: 11-10-22 09:29 PM

魔獸人數有減冇增暴雪都要搞D3來支撐大陸仔多到數唔曬外掛/賣金/扼AC樣樣有
更新抄舊飯越出越離奇大把人打完副本AFK等星期4 如果你E篇野係幾年前出絕對正確但E家？

作者: lung123321 時間: 11-10-28 08:42 AM

韓國絕對係ONLINE GAME盛產國,有很多成功的ONLINE GAME都是泡菜做的.
好像瑪奇,瑪奇英雄傳,彩虹冒險,龍之谷...等等

作者: cyw1999 時間: 11-11-4 03:10 PM

RECALL．凌發表於 11-9-19 12:02 PM
支持樓主`

雖然魔獸現在人流不如以現但是人氣還是一直保持第一位

好似黃易2一樣,我首一星期都有試玩,物價通脹百倍,完全玩到無"癮"

歡迎光臨 2000FUN論壇 (https://www.2000fun.com/)