2000FUN論壇

標題: 辯論活動 - 三次元能否與二次元平衝 (評分完結 #131) [打印本頁]

---

作者: evaann    時間: 11-9-20 01:20 PM     標題: 辯論活動 - 三次元能否與二次元平衝 (評分完結 #131)



首先先感謝上層回應本人的訴求,衷心感謝
現在本版能夠使用發表辯論帖子功能,希望各位會員善用,令到更多人知道動漫身邊發生的事情

鑑於此版不涉及網上遊戲糾紛,但本人作為版主亦會留意所有辯論帖會否發生嚴重鬧戰情況
一經發現有關鬧戰帖子全部 關閉及下沉處理 / 屏蔽處理
希望會員見到以上情況使用 舉報功能 / 短信息(pm)功能 將有關帖子向我匯報
本人在線會首先處理

辯論由現在起為期一星期
只計算正方及反方(中立一方不計算勝出積分)
參加者請按 (加入)
發表帖子時,請按#4圖示發表
參與的勝方,而且個人有3個帖或以上作辯論者
所有合資格的辯者瓜分120分勝出積分
(小數點後出現0.幾,全部當+1,如有11人都是0.幾,應該會派出131分)

敗方沒有積分

另設有兩項獎項,勝方最佳辯論獎1名會獨得30分積分獎勵
敗方最佳辯論獎獨得30分積分獎勵

---

作者: 花穗    時間: 11-9-20 08:39 PM

第一次見咁既功能,請問點玩-0-?
我地都有得支持同加入?

---

作者: freedomfong1    時間: 11-9-20 08:51 PM

我都第一見到= =好得意@@

---

作者: evaann    時間: 11-9-20 09:18 PM

花穗 發表於 11-9-20 08:39 PM
第一次見咁既功能,請問點玩-0-?
我地都有得支持同加入?

是

於發表回復上面選擇立場

11-9-20 09:17 PM 上傳

下載附件 (80.61 KB)

11-9-20 09:17 PM 上傳

下載附件 (80.28 KB)

然後打上內容就可以

按加入即是參加辯論
(計算評分,最少發表3篇/回復)
而支持只是純碎性

圖片附件: b.JPG (11-9-20 09:17 PM, 80.28 KB) / 下載次數 102
https://www.2000fun.com/forum.php?mod=attachment&aid=NDA4MTQ3fDVhMjUwMmY3fDE3NTQzNjA3OTh8MA%3D%3D



圖片附件: a.JPG (11-9-20 09:17 PM, 80.61 KB) / 下載次數 105
https://www.2000fun.com/forum.php?mod=attachment&aid=NDA4MTQ4fGE3MWZlNzYyfDE3NTQzNjA3OTh8MA%3D%3D

---

作者: 花穗    時間: 11-9-20 09:27 PM

加入既人應該係之前報左名既人吧~?
正常我都係回既時候選擇立場者~
應該冇錯吧~
期待第一位人兄發表!!

---

作者: evaann    時間: 11-9-20 09:29 PM

freedomfong1 發表於 11-9-20 08:51 PM
我都第一見到= =好得意@@

這個功能用左好多例子說服上層爭取的

-----
而辯論功能無可能個個版出現,因為好容易發生鬧戰
尤其發生對人不對事,就會發生鬧戰
大家記得善用,謝謝

---

作者: evaann    時間: 11-9-20 09:35 PM

花穗 發表於 11-9-20 09:27 PM
加入既人應該係之前報左名既人吧~?
正常我都係回既時候選擇立場者~
應該冇錯吧~

不是
今次採用不限制加入,任何人襟個制,跟足條件就承認參加
之前果個無視把,因為都係咁岩批准新增此項功能

而獲勝一方亦採用瓜分積分制
隨多人靠的一方勝出時,勝出每人得到的積分會被瓜分得少
但隨少人靠的一方勝出,勝出時所得既積分就會更多
當然所發的帖,無立場無理據,只是兩字支持......etc 那些當然不計算在內

評分準則絕對公平
唔會因為多人而搖擺
我已經抱住必死既決心評這次活動
當然會參考部份人意見(其他版主/動漫迷)

---

作者: zxc102    時間: 11-9-20 10:04 PM

2次元既性格同3次元既性格已經唔可以平衡了
2次元的傲嬌..3次元只會叫虐待狂....

---

作者: 花穗    時間: 11-9-20 10:06 PM

估唔到而家又人人都參加得~
不過立場一樣,等第一個發下言~
而家咩都冇咁好難講...搵個人開場,開幕啦...XD

分都唔太care,care係過程者~
勝出真係...好難有準則~

公平公正公開嗎?
你想死者,未必有咁多死士陪葬~

---

作者: evaann    時間: 11-9-20 10:08 PM

花穗 發表於 11-9-20 10:06 PM
估唔到而家又人人都參加得~
不過立場一樣,等第一個發下言~
而家咩都冇咁好難講...搵個人開場,開幕啦...XD

絕對公平的
我都唔會比自已意見左右
作出最終決定都會聽下其他人意見,或者進行小投票作參考

---

作者: shion_rei    時間: 11-9-20 10:39 PM

我考慮左一陣都係決定用正方
因為好簡單：各取所需有何不妥

---

作者: 飛乂奧古    時間: 11-9-20 11:51 PM

2次元既性格同3次元既性格已經可以平衡了
根據8樓既話
我覺得該樓完全將傲嬌咁樣定義係正確
如果虐待狂
只可以說明該樓用左MM一族本身既定義既傲嬌
有傲嬌既角色係動漫上有宇佐美,三千院,洛蒂,丹特麗安等等全部都係表示上冇明確表示喜歡,經常口是心非,同時不知道用方法表示
這是其中一種傲嬌....特色
如果要將成個宅界既傲嬌角色講出黎既話 我相信有100%都唔係虐待狂

反覲3次元....如果將我既定義係虐待狂,那就說成犯罪的說法....我覺得如果我係3次元中既其中一個主角,有呢種該樓既傲嬌既話
我相信好快會上新聞

傲嬌唔係真的是虐待狂,現實既傲嬌和虐待狂最大既心別係心理上
傲嬌係心理上係表示一些東西而不得抒發,佢唔係真心想你死
而虐待狂只係單方面享受趣味而致死

回覆該主題...係因為桐乃講過2次元冇可能同3次元混來一談

---

作者: evaann    時間: 11-9-21 01:53 AM

shion_rei 發表於 11-9-20 10:39 PM
我考慮左一陣都係決定用正方
因為好簡單：各取所需有何不妥

這句我中意
但不是論點的說
期待閣下的演出

---

作者: 霉乂男    時間: 11-9-21 04:46 AM



二次元與三次元之間無法平衡，
即使作為愛好者可以盡量兩者兼顧，但較倚重的必然是三次元一方，
因為我地作為三次元人哩一點無法改變。

而且可以話二次元都屬於三次元既一部份。

無論係「京田邊事件」抑或近期大地震都有導致部份ACG作品停播或停售，而隨著三次元人口味改變，二次元世界亦會作出相應改變去迎合三次元人喜好；一名三次元作者病逝，往往就能讓一個二次元的世界崩壞。

所以毫無疑問二次元位於三次元陰影之下，是僅為了三次元而存在的附屬品；
即使二次元作品為三次元人帶來治癒，那也是基於三次元人考慮而誕生的劇本。

說穿了，二次元其實就位於三次元。

---

作者: evaann    時間: 11-9-21 09:12 AM

問題:(辯者可選擇回答/不回答)(作答等同發表一次辯論帖)(這條問題本人不會作出回應及反問)
背景
我們發起今次黃絲帶行動,因為會場混入一些只為自身利益既人
佢地cosplay根本就無愛,純碎為自已宣傳,商業利益
我們作為一個動漫迷,應該守護二次元依條底線,明年我們會繼續
(以上引述當日一班黃絲帶曾經說過既對話)

問題
如果作為一個動漫迷,你會選擇下年綁番條黃絲帶支持,還是默不作聲,我甚麼都不知道?
(闡述時請留意自己立場)

---

作者: 花穗    時間: 11-9-21 09:49 AM

evaann 發表於 11-9-21 09:12 AM
問題:(辯者可選擇回答/不回答)(作答等同發表一次辯論帖)(這條問題本人不會作出回應及反問)
背景
我們發起今 ...

有問題就好討論~
冇問題唔想開場白呢~

首先睇睇漫節咁多年黎有咩改變~
一開始真係好簡單,去既人都係同好,愛好者~
慢慢因為漫節大起黎,所以就有更加多唔同既參展商~
所以有改變係正常~
又可以講做,因為大高調而開始引黎不滿~
我記憶中,YES係漫節都做左唔知幾多次~
創意地檔都好似有幾年歷史~
果d都係同漫節冇關,不過平安生存左好幾年~
其實可能一直有不滿,而冇人企出黎~
往往事件就要有導火線~
之後就要有人去引爆~
每個人既底線唔同,好多時人都係因為另他人決定而行動~
所以根本問題一直存在,有冇人去行動而已~

再講cosplay有冇愛既問題~
呢個更加要講cospaly 十幾年既歷史~
當年只係由cw開始既cosplay 看板娘~
一切都係由自己一手一腳做~
除著年代改變,由一開始自己整,去到上大陸做,之後有人幫手上大陸做/有人自己問店,有人接訂上去做~
何謂愛呢? 有人話cos得唔似,冇神髓就唔似~
有人往往忘記了最重要既事,就係管埋別人既野~
我自己都cos過SD...唔好話要我有阿誠既神髓XD
更加唔好話我出得唔似,因為我只係因為鍾意套作品先出黎玩下者~
當然另一個目的就係因為要同人合照~
當年係冇問題,大家都玩得好開心~因為有一班愛SD既影相人士~
不過而家就可以會被人話係衣架人~
冇計啦,時代進步,個個都要求多左,衫,假髮,道具都要齊~
唔係就係衣架,偽COS...

而cosplay為左宣傳,商業利益,都冇咩不可~
人地宣傳需要請人,有cosplayer 做就當然好,不過要知有人就覺得唔應該為錢而做~
咁就自然請其他人做~
市場就係咁,各取所需~
呢個就係現實~
不過現實確實係有真係cosplayer 係去幫某d公司做cosplay 宣傳~
一切都係睇公司有冇心請人,同埋咩價吧~
問題係佢地想要既係結果有冇宣傳作用~

當年一個小小既場就話吸唔到咁多人~
而家個場咁大,多一點東西都冇咩不可~
只要不是太份就好了~
反正呢幾年動漫節已經變哂了~
online 參展商~ 地檔~ 等等~
你覺得有可能回復番當年嗎?
呢個就係三次元既世界...現實呢~
如果只係想係二次元,根本唔應該管三次元既野~
所以二同三根本冇得分開討論~

(反對係指我不會支持綁番條黃絲帶)

---

作者: 霉乂男    時間: 11-9-21 10:10 AM

evaann 發表於 11-9-21 09:12 AM
問題:(辯者可選擇回答/不回答)(作答等同發表一次辯論帖)(這條問題本人不會作出回應及反問)
背景
我們發起今 ...

唔支持綁黃絲帶。

即使出發點動機不良，可以帶動二次元文化同增加個別作品知名度係事實，
而且有愛既cos不會因此而消失，僅僅是cos的整體人數增加了罷，
某種意義上更突顯左有愛cos既價值。

---

作者: evaann    時間: 11-9-21 03:32 PM

正方可以引用反方論點作出攻擊
同樣地,反方都可以攻擊正方論點
反駁成功比闡述成功更重要

記住對事不對人就是

---

作者: 飛乂奧古    時間: 11-9-21 09:22 PM

我都係唔支持黃絲帶行動
cosplay一切都係由自己一手一腳做出黎 呢點我係同意
等等我說明香港既動漫節咁廢...
首先基本動漫節本身由來係由一班同人誌既畫家結集而成作為開始
簡稱CXX(幾多屇)
之後好似香港咁樣有遊戲商加入啦
但係日本本身同人展用左2層樓做左場主...冇太多既空間
SO...我地宅界分開左2個 由GIRL GAME組成既展同同人誌動漫組成既展
另外宅界都有好多個人展

唔知香港動漫係唔係太廢 今年賣既野係日本上年既產品
得幾樣係今年出既 而且COSPLAY入面完全睇唔到有愛呢個成份...我只可以睇到肉

回應問題
我係什麼都不知道
因為我都見過咁多2次元同3次元肉....人地要COSPLAY既由佢啦
反正佢地有生意就有機打嫁啦
2次元既世界對香港黎講 我是但講一個畫家 都唔可以香港動漫出現
因為根本上香港冇教育過既意識同法律既成立

---

作者: 飛乂奧古    時間: 11-9-21 09:33 PM

霉乂男 發表於 11-9-21 04:46 AM
二次元與三次元之間無法平衡，
即使作為愛好者可以盡量兩者兼顧，但較倚重的必然是三次元一方，
因為我地作 ...

二次元其實就位於三次元
呢點我同意
但係反覲黎睇
其實好多宅男都歸屬返2次元
有部分人都認成2次元有愛 3次元係冇愛的說
三次元做出黎都係為左錢 好似初音咁樣 一個月一隻碟
加上2次元崩潰既話,日本全國書本係宅方面係出口係佔1/4的說
加上平時玩開既GIRL GAME,咩FF系列,王國之心系列應該不會存在的
那你認為如果3次元冇錢的話...你可以咁開心有大作係度玩嗎?

---

作者: 花穗    時間: 11-9-21 09:51 PM



由同人誌人既畫家結集果個唔係CW咩?
COMIC WORLD,一開始係旺角開始~
好似同動漫節冇關~
日本果個係COMIC MARKET 吧?
用日本同香港比既就真係算了~
因為我覺得根本冇得比~
就好似用信和/旺角同秋葉原比一樣=0="

唔太明白你指太廢係咩...
如果講宇宙船,cospa 等檔,好正常係賣舊野~
而好似其他...bc等,應該有d新野,不過都係打算係漫節清舊貨者~
不得不講就係老翻啦,今年都係一樣有不少~
而其他,好似木棉花(有冇記錯名),角川,都有新既產品~
不過岩唔岩買又係另一件事了~

而cosplay 方面~
今年漫節為左控制人流,所以要入場既即興都要一早登記~
引黎左好多cosplayer 既不滿~
所以明顯cosplayer 會少左/唔去/唔入場~
我唔知你見到既cosplayer 係邊度啦~
不過正常真正cos,玩既人都會係d比較神秘既地方~
會場入面根本唔係一個好既影相地點~
你去d大既cosplayer相薄就會見到d相大約會係邊度~
又可以知道果個影相人士同邊幾個cosplayer 特別熟咁~
當然有人可能只係著重二次元而唔會睇任何既cosplay既~
而cosplay有冇愛呢一點,根本唔可以因為睇到肉而決定~
有好多角色都係賣肉~ 賣肉先係原著,笑~
就正如我之前所講,有冇愛根本就唔係一般可以決定到既事~
呢個會係另一個討論完都未必有結果既問題~

日本的都曾經有幾個輕小說作家畫家黎過簽名會~
而歌手都有出現過~
JAM project今年都會有演唱會~
其實香港既ACG 係慢慢地進步緊~
如果咁有愛,就應該去日本行下~
熱血一下~唔係應該只係抱怨香港咩都冇~

試問CM既限定物,香港有幾多店會入到番黎?
大家都係自己一早去預訂/BID番者~

(原來一開始做左反方就冇得改架喇?攪到好我似覺得不能平衡咁-.-)

---

作者: 霉乂男    時間: 11-9-21 09:59 PM

飛乂奧古 發表於 11-9-21 09:33 PM
二次元其實就位於三次元
呢點我同意
但係反覲黎睇

三次元無錢就無二次元大作玩正正係二次元必須依附三次元的體現，
無可否認二次元崩潰會對三次元構成一定影響，三次元本身卻會如常運作，
僅僅是少了很多樂趣﹑或是經濟上出現部份損失；
相反三次元世界滅亡的話二次元世界將不復存在，
可以話二次元對三次元黎講只係一段小插曲，但三次元對二次元黎講就係一切；

即使有偏愛二次元既宅男存在，要佢響二次元同三次元之間作生死抉擇時選擇既往往亦係後者，
畢竟二次元吸引之處在於擁有三次元難以擁有既事物﹑角色﹑世界觀，
但咁亦反映出二次元吸引之處其實係愛好者對三次元所抱有無法具現既幻想及憧憬，
所以二次元擁有既一切其實都建基於三次元之上，係彌補三次元缺憾既一項補完計劃。

既然係補完計劃，正如上面某樓所言，各取所需並無不妥，
只係將兩者放響天坪上衡量，較重的一面往往是三次元一方，
故本人不認同可以平衡對待。

---

作者: 飛乂奧古    時間: 11-9-21 10:02 PM

原來你不知道有宅男會同2次元人物結婚這回事

---

作者: 霉乂男    時間: 11-9-21 10:06 PM

對二次元有愛而對三次元無愛，
個人認為只係因愛成恨；

何況只對二次元有愛而對三次元無愛，
也不能稱之為平衡。

---

作者: evaann    時間: 11-9-22 06:42 AM

花穗 發表於 11-9-21 09:51 PM
由同人誌人既畫家結集果個唔係CW咩?
COMIC WORLD,一開始係旺角開始~
好似同動漫節冇關~

這個就是辯論功能好處
一旦確定立場,不能更改
只有用盡方法去辯解
「如果個個加入變成中立,就無左這個功能特色,這就是失敗品,我亦都會向上層取消這功能」

其實都是好事,以前中文會話會考,尾後幾年都係用辯論方式,而且係成功
你可能會經過人地既論點而產生改變
但這個都是事後的事情
到你尋找攻擊方法時,你會了解更多好處及壞處
這個就是我向上層推薦新增此功能的目的,想你地自己及更多睇過依個帖既人了解更多

-----------------
同埋大家應該都可以開辯論帖
9月前我唔會過份干擾
之後主力check無關動漫的主題或有鬧戰的帖子

感謝各位支持此版!

---

作者: evaann    時間: 11-9-22 07:28 AM



現在在本人角度只是55波(遲幾日會找些版主,動漫迷對現在比些意見)
大家多些攻擊我加分的帖子
攻擊完是可以還擊或反擊

同埋反方一名辯者,個個post都不偏離主題,嘗試一針見血
(是比會員攻擊多,反射神經,還是參加過類似活動._.")
唔洗因為佢版主淆底的,嘿嘿

d立場隨少受到攻擊,邊面保留對自已論點多,會係這場辯論勝出關鍵(這個會是我最大評分準則)
完左辯論,過唔到自己果關,改變立場,係無問題,辯論之後你地都係一個人/動漫迷
出發點好is ok

---

作者: evaann    時間: 11-9-22 07:52 AM

現時合資格
飛乂奧古 霉乂男 花穗

---

作者: 花穗    時間: 11-9-22 09:42 AM

evaann 發表於 11-9-22 06:42 AM
這個就是辯論功能好處
一旦確定立場,不能更改
只有用盡方法去辯解

問題在於你一開始冇將動漫節呢個主題帶出黎~
簡單講即係冇左開場白~

"三次元能否與二次元平衝"呢一個主題~
三次元同二次元相信大家都明白~
不過灰地色帶係...
cosplayer/聲傻/畫家 呢d介乎係兩隻之間既野~
因為一樣有人係太愛一套野,覺得有人cos就係沾污了~
而另一個問題在於可謂平衡~

上面有人講"只對二次元有愛而對三次元無愛，
也不能稱之為平衡"
我好明顯係生活係二次元同三次元之間~
兩方面都有愛,咁所以我好平衡~ 係咪可以咁講?
咁呢一個平衡就變左每個人既準則~

要知道二次元係好大~ACG~
最大既就係Game~
你睇下d PS3,360等大作大賣幾多隻~
再拉既拉到apps 既都係二次元既野黎吧~
請不要誤會,將宅同二次元混為一談~

而上面所講既"宅男會同2次元人物結婚"
只要不被承認,也只不過係個人喜好吧~
只係活在自己既空間~ 只不過將行為比大家睇~
如果你話屋企人,親戚等承認~
而又係合法,咁先算真正結婚吧~

---

作者: evaann    時間: 11-9-22 11:12 AM

花穗 發表於 11-9-22 09:42 AM
問題在於你一開始冇將動漫節呢個主題帶出黎~
簡單講即係冇左開場白~

no no
動漫節那條只是問題
可以選擇答/不答
開放題黎,有人用依條開放題,就係要加強自己立場,理據

如果無灰色地帶,就唔會有辯論
同埋依個辯論最後只會有得著,係唔會有結果
如果這樣都有結果,只是強弱懸殊
#22,23,24就係一個正反方亙相反駁攻擊的辯論

你加入了反方,就係要將人地所說的平衝,用你的分析能力,資料去將佢反駁說成不平衝
你覺得人地離題或鑼輯有問題係可以攻擊的,這個反駁係計分的

我只會做旁觀者角式去評分

所有例子,例証,或者純碎個人的思維分析
全部都唔一定係岩或者錯
你地就係要將佢認為岩既野,反駁成錯
就係正正你說中的「灰色地帶」

---------------------
唔用動漫做例子,就用雀館麻將(我唔知你入過未),明眼人都知係賭博,賭博係世人價值觀都係認為壞果邊
但可以有人話消磨時間,防止老人痴呆証
如何死都講番生,這個就是辯論(當然你可以覺得佢係死雞撐飯蓋)

再用菲庸囉香港居民身份(近期應該好hit)(利益申報:本人係有個人立場的,投票果日係一定唔會投公民黨)
反對果班係用自身香港利益(綜援,福利)
但唔好忘記,香港係一個國際城市,同埋佢地服務左香港人7年以上,這個是事實
國際人權係偏係維護弱勢果一方(前身當然是無犯罪記錄)
以其他國家人眼中(example英國)佢地會覺得我地自私,但亦體諒我們現在社會經濟處境

以免令到主題離題
有關以上都唔會作出任何回應

唔岩聽,無視我這個活動
聽得入耳,希望你繼續玩落去

---

作者: evaann    時間: 11-9-22 11:36 AM



同埋有一樣野
點解你淨係對我先用引用-.-"
我易恰d ?.?

我唔介意你地連帖去回應每一個回覆
因應論壇引用唔同以前可以quote編輯,這個我放寬大家

話說我都開始疲勞轟炸
琴晚又比人捉生日唱通宵k-.-

---

作者: 花穗    時間: 11-9-22 01:09 PM

evaann 發表於 11-9-22 11:12 AM
no no
動漫節那條只是問題
可以選擇答/不答

笑,冇果一條我就唔會開始答到~

睇黎我一開始就做錯左,我應該加入中立=0=
因為我係一個冇立場的人,笑~

一直都係以自己既觀點同角度出發者~
你就當我連最基本既問題
"三次元能否與二次元平衝"
都唔知道點解吧~
平衡係唔同既角度有唔同既解釋~

主要因為冇得多重引用?
我都係見到你話叫我引用,我先引用~
而咁岩第一個想回你先,咁咪引左你囉~
完全同恰你冇關~
對事唔對人架ma~
你見我都唔係追住你黎打XD

有時打開野就停唔到,所以唔太想出完post之後又引多個咁~

---

作者: 水錢    時間: 11-9-22 05:05 PM

平衡定義係乜先= =

---

作者: betaching123    時間: 11-9-22 05:36 PM

根本都無混埋...兩樣野都各自各...何來不平衡

---

作者: 小天使小小    時間: 11-9-22 05:39 PM



我想問個衝量標準係咩
無天平點榜野?

請雙方會員能否為此著墨?
因為我始終唔明白究竟係講緊
"二次元和三次元之間能否取得平衡"
定係
"二次元和三次元之間人能否取得平衡"

---

作者: 水錢    時間: 11-9-22 05:55 PM

小天使小小 發表於 11-9-22 05:39 PM
我想問個衝量標準係咩
無天平點榜野?

根本二次元就係建築於三次元之上= =
簡單點就是三次元無法做到的事就用二次元表達出來orz

---

作者: 小天使小小    時間: 11-9-22 06:06 PM



回復 水錢 的帖子
要討論今日條辯題..就必先要為辯題中的重要字眼作出定義同衝量標準
否則只是各執一詞

建立之上係唔係代表不能"平衡"?
平衡既定義係咩?
係唔係一定要50:50先叫平衝呢?
去到咩程度先叫平衡?

"二次元和三次元之間能否取得平衡"
咁你既理論就可能成立

"二次元和三次元之間人能否取得平衡"
咁就係講下人係2次元同3次元中既選擇方面既野,價值觀丫等等

---

作者: 月之淚o_o    時間: 11-9-22 06:11 PM

咩叫做平衡?有冇更詳盡既解釋 題目都睇唔明既情況下 如何討論落去?

---

作者: 水錢    時間: 11-9-22 06:17 PM

小天使小小 發表於 11-9-22 06:06 PM
回復 水錢 的帖子
要討論今日條辯題..就必先要為辯題中的重要字眼作出定義同衝量標準
否則只是各執一詞

....平衡
結婚也跟psp結
生仔也要跟psp生
嘛  即是跟二次元活在一起

所以    我決定了!!我要當正方!

---

作者: 水錢    時間: 11-9-22 06:22 PM

好吧...
首先談談最基本的
衣食住行甚至你想接觸二次元都必須要以三次元方式
有種你就跳進mon

如果以日常生活作基準
而非以日常行為作基準的話
根本就沒有平衡的存在
因為根本你活在三次元orz

---

作者: okpkandfk    時間: 11-9-22 06:32 PM

來試新功能的我是...

---

作者: 雪龍神    時間: 11-9-22 06:46 PM

是指那方面的平衡呢???
不明是那方面平衡~
界定立場不能
先暫且觀望
--------------------------------
沒有三次元人的努力,
那來二次元的世界
但二次元世界~
卻會為部份三次元人帶來歡樂
(平衡?!)

又些一知半解~眼光窄淺人
不知二次元世界的廣大
把二次元設定為小朋友的東西
(平衡?!)

而部份二次元作品帶來的問題
因部份內容又引起爭議,
而生出<青少年保護育成條例>一事

---

作者: dennishk001    時間: 11-9-22 06:50 PM

題外:
中文會話會考尾幾年,小組討論,無限制一定做辯論,
不過一向係辯論的方式多野講d
多數人一開始就以自己意見自定一個正或反的立場
其實可以用自己的方式改變成探討的題目

以哩個post黎講,三次元能否與二次元平衡
我地又需要探討平衡點在哪?何謂三次元同二次元的平衡
大家搵到共識之後,先再去討論兩者如何或能否達至平衡

哩d方式都可以係會話考試用較少人用的方式去爭取高分

---

作者: zyfzero    時間: 11-9-22 06:59 PM

如果可以清楚講一講「平衡」是咩,我立即加入

---

作者: 錐影    時間: 11-9-22 07:19 PM

能否平衡,睇你自己調唔調整到
可能岩岩睇完某套動漫,有人可以好快抽身,而有人就不斷係到l沉思
自己都有4 5年漫力,就好似我妹咁:是但少左一樣都唔係真正既我
只要抽離得到,個個都可以好似桐乃咁

---

作者: 飛乂奧古    時間: 11-9-22 07:20 PM

今日我唔講啦 今日出新歌同埋聽日出新game仲有睇埋1月果d新番小說
唔得閒 898

---

作者: ★惡魔≠小瘋★    時間: 11-9-22 07:56 PM

兩者不能夠平衝:smilie_:):

---

作者: 〝Ex喵﹑    時間: 11-9-22 07:57 PM

三次元根本萌不起
雖然小唯很可愛

---

作者: chan20008    時間: 11-9-22 07:58 PM


二次元世界　就是　三次元所創造
就算　二次元世界毀滅　對三次元來說也只是少了樂趣。


但是二次元能帶給三次元無盡的歡樂　可以令人擁有夢想（暇想）或者透過作品思想改變。
二次元的確為現實生活帶來很多轉變　假如你有接觸的話，不管如何否認都會為日常帶來少少變更吧？

當然身為二次元世界的創造者「三次元世界」也是功不可沒。無可否認，沒了三次元的人去創作，二次元世界就不會存在。
沒了二次元世界，三次元世界的也會少了一份樂趣，或許打從一開始不存在。宅男仍會誕生，只是形式不同而已。

說那麼久，結論呢？

「二次元與三次元，對現在來說是一種互相依賴、互惠互利的親密關係。
　當某一天，二次元再沒有出產作品的時候，三次元仍會轉動，但對某些人來說
　，是缺少了一種動力的支持。但是他們仍會生活，仍會工作。」

（我在說什麼！？

---

作者: Mr.文仔    時間: 11-9-22 08:05 PM

當然不能
為什麼社會上有那麼多「電車男」「御宅族」?
就是因為他們在三次元社會得不到平衝,才要到二次元世界逃避
因為二次元世界都是美好的

---

作者: 你的滑鼠點到我    時間: 11-9-22 08:09 PM



絕對不能
先不要說樣子了  那是無法相比    << 二次元勝
再談性格方面 三次元大多都是不能令男孩喜歡  eg. 熱心不助人 ... 傲驕!?少數吧  ...  天然呆?  是弱智的還可以
但是二次元 那我說是完美  例如聖誕之吻個森島遙 已經令我鍾意左佢1年半了吧


我都唔太明這post平衡的意義
我先假定係 三次元人對二次元動漫角色的傾慕吧

---

作者: 水錢    時間: 11-9-22 08:19 PM

先搞清平衡的定義好不好
你說專注方面
就算你長時間接受二次元資訊
但你始終要上床
那來不平衡  LOL

---

作者: tanpo96    時間: 11-9-22 08:28 PM

這個功能用左好多例子說服上層爭取的

---

作者: 冥月/幻色\楓色    時間: 11-9-22 08:29 PM

在價值觀上,已經不能平衡了
何況是在其他方面。
兩方是2個民族,不能理解對方
就算開了裸聊室,也確保不能

---

作者: tanpo96    時間: 11-9-22 08:30 PM

當然不能, 兩者不能夠平衝

---

作者: adrian0918    時間: 11-9-22 08:58 PM

小弟第一次發文 :P
個人認為....三次元能與二次元 平行
理由:二次元係由三次元中所產出既世界, 而 二次元世界並有反映三次元世界, 生活中的點滴

---

作者: 天音    時間: 11-9-22 08:58 PM

三次元是現實
二次元是幻想世界
先有三次元才有二次元  
平衝係冇可能
不過兩個次元可以都可以影響大家

---

作者: 濠仔xT    時間: 11-9-22 08:59 PM

兩者不能夠平衝._./

---

作者: 殺刃    時間: 11-9-22 09:01 PM

如果身邊有另一半
但對住二次元既時間係多過三次元
三次元個位一定會覺得比人冷落
反觀除非二次元個位有feel比人冷落.....我諗世上都有幾多個人渣誠出現XDDD

---

作者: 冰心冷刃    時間: 11-9-22 09:09 PM

二次元 = 幻想
三次元 = 現實

現實係要有幻想先能得到平衡0,0

---

作者: 小霞    時間: 11-9-22 09:10 PM

我覺得2次元和3次元平衝根本是不可能的

因為..2次元是一種可愛,善良的

而3次元是一重兇殘.虐待狂的人

岩2次元和3次元平衝是不可能的事

因為3次元會經常打2次元的會打到2次元的哭

所以......總結而言2次元和3次元平衝根本是不可能的

---

作者: 低低…    時間: 11-9-22 09:23 PM

請問如何界定平衡??

---

作者: qwwqw777    時間: 11-9-22 09:30 PM



二次元係唔可以同三次元平衡
之不過三次元係創造二次元....
如果話平衡既話我諗無咩可能會平衡到

---

作者: 龍仔(G)    時間: 11-9-22 09:33 PM

二次元實在有太多太多不現實的成份,根本沒可能完全套入三次元
例如世界觀,人的各種能力這類元素也不可能
說老套點,動漫中的美男根本不可能出現在現實,就算出現形像也會很怪
就好像現在的COSPLAY,COS得不好也會很怪
人也不可能似二次元的角色有各種變態能力
契約,飛空,機甲,魔法大多違反科學通通不能以簡單形式出現在現實世界

---

作者: amp5d15    時間: 11-9-22 09:40 PM

個人認為不能平衡。

二次元很多元化-
二次元的女角有很多萌屬性
讓不少ACG迷傾倒
單以服裝為例:運動服、校園泳裝、水手服

相反三次元,現實的確也有,可是又真的是"萌"嗎?
三次元太殘酷了,現實生活比起二次元主人公的生活完全不同,
二次元充滿男性所需的精神食糧,幾乎是三次元的夢想。
實際上是沒可能都在二次元出現
e.g 淫風吹過露褲褲(裙會短到這樣?)、
後宮(現實一夫一妻)、
青梅竹馬(時間一逝不留人)、
妹妹屬性(看你的家長..)。

可是只要到二次元,二次元只少會給你幻想(妄想),讓你成為世界的主人公
不像現實那樣(以下是朋友例子)。

e.g1:妹妹可能是只有傲,沒有嬌 ,更別說有情,她只會說你死豬,你說誰會像吾妹的桐乃....
e.g2:午膳想像主人公到天台躺在睡(看到褲褲)、有女孩做便當給你吃? 屈在課室跪牆角就有....
e.g3:有朋友是母親控..(別想歪,只是希望如動畫一樣有個萬年不老的漂亮母親..)現實可是...0
單是萌屬性,三次元,萌也不能萌,就算能萌,你接觸的機會又是多少呢?(看過日本cos寫真,能看到真人的機會是...)
若是真的能平衡的話...我想那個人就是台灣的阿爽哥了...

---

作者: wl0250619702    時間: 11-9-22 09:56 PM

新手一問咩係2次元同3次元

---

作者: hixo001    時間: 11-9-22 10:01 PM     標題: 正方



我按了正方!!!個人觀點
煩事都是有可能的!!
可以遲d有科學家,好似某動漫咁可以進入電腦既區域
本人比較仲意動漫界!!因為女仔比較可愛

---

作者: 〝ANIKI﹑    時間: 11-9-22 10:25 PM

絕對不可能平衡
二次元就是有人覺得現實太可悲才產生出來的

---

作者: joepun29    時間: 11-9-22 10:50 PM

根本就不可能平衡
二次元中的一些元素~於三次元出現絕對會引起各種問題
例如以後宮為例
後宮基本上乃由現實中的不可能所產生
現實中,女性往往會為得到心儀的男性的歡心
而算盡機關,謀求取得勝利
在沒有競爭對手情況下還好
如果有的話,問題更嚴重
例如2女性會互相設計,務求陷對手於不仁、不義
該種手段還可能影響到該男性之日常生活,甚或其心理狀況
計其後果,可以非常嚴重
以school days作例,男主角總不免出現偏心之狀
一旦出現該種情況,2名女主角便互相指責、猜忌
現實中後果絕對有可能不堪設想
男女雙方同樣受傷
所以二次元中之元素
就如後宮
絕不能出現於三次元之中
亦即謂,從二次元與三次元中取捨平衝根本是天方夜譚

---

作者: woodylo    時間: 11-9-22 11:06 PM

沒有二次元存在，
人類一樣正常地生存。

二次元是人類幻想出來，
投入幻想會改變事物這是正確，
懂得抽離則不影響。

=============

其實我看到這標題就覺得可笑，
幻想與現實還能有平衡的麼？
說能平衡只是不能抽離的人吧？

簡化標題:現實的食物能否與幻想的食物平衡？

---

作者: cool5201314    時間: 11-9-22 11:08 PM

2次元的係傲嬌
3次元只會叫虐待

---

作者: 雨乂月    時間: 11-9-22 11:52 PM

沒有二次元沒有逃避的地方!

---

作者: ~SE~    時間: 11-9-23 12:24 AM



其實不如大家係發表論點前
先講一下自己對於題目字眼上ge定義
例如咩叫平衡 係邊方面作出平衡?

如果唔係可能只會各有各講

---

作者: pingu142857    時間: 11-9-23 12:28 AM

一見標題就揀左反方了

同意以上各關於二次元係幻想既觀點,
二次元係由三次元(人)所創造,三次元的滅亡等於二次元的滅亡這是無容置疑
但三次元做到既野二次元請個畫家一畫就做到了,
二次元做到既三次元就未必做到,至少現在未做到
二次元既世界觀完全取決於個作者,
佢喜歡現實既,將三次元情景放在二次元中(多數係純愛故事)
佢中意幻想既,二次元作到天馬行空都得(魔法,超能力,etc...
所以二次元根本係三次元幻想出黎既世界,三次元有什麼不足,就搬到二次元發生出來,用幻想力填補空缺
所以兩者不能重疊,亦不能平衡,人既慾望永無止境,二次元就係實現慾望既空間

至於cosplay,
coser扮得似唔似就不予置評喇,因為個個審美觀都不一,(對我泥講,幾高還原度都做不了二元次人物)
佢地對人物既愛,都係個句,個個觀點不一,佢可能覺得有件衫就足夠,你就認為無全套裝備就只是衣架,
所以唔能夠用cosplay有冇愛黎衡量二三次元的平衡
我就話cosplay係打通二三次元世界既途徑之一
coser覺得個果人物跟自己很似,好想幻想/代入個果角色,所以透過cosplay表達

PS.說不定這題目他朝一日成為通識科議題之一

以上純屬個人意見.

---

作者: 花穗    時間: 11-9-23 12:54 AM

〝ANIKI﹑ 發表於 11-9-22 10:25 PM
絕對不可能平衡
二次元就是有人覺得現實太可悲才產生出來的

請先諗好咩係二次元~
唔好覺得每日都睇緊既動漫先算~
你覺得現實可悲先產生即係代表第一隻遊戲,第一部遊戲機,都係因為個人覺得可悲先做~
如果有呢一方面既理據,歡迎提出~

坐商言商,我覺得係因為有利可圖/有夢想,所以先會慢慢產生~
而唔係因為作家,畫家,遊戲制作人因為覺得可悲而去創造~
覺得可悲既只係因為避免現實既人令到二次元世界出現扭曲~
當然,三次元一樣有人扭曲,唔係就唔會有咁多不同既新聞/案件吧~

---

作者: a02ymy    時間: 11-9-23 01:55 AM



我個人都覺得係平衡到既....事關我自己已經係..我係1個動漫迷來差唔多每季既新番都有追(除左BL之外)同埋妹系GAL GAME係最鐘意..雖然現實得個細路....我不知幾想佢變做妹..但係對於3次元都有關注由其係日本同台灣既1D綜藝節目更加同動既熱情漫差唔多(如果各位有興趣可以去本壇既BT綜藝節目區都睇睇)..而且3次元中我既學業同社交都係正常(姐係放學同同學打下波吹下水咁過節出來玩咁)..所以我係支持2次元同3次元係可以平衡的.

---

作者: 世若    時間: 11-9-23 02:30 AM

可以
-.-講白d就係,世界咁大,平衡到唔出奇.
就算唔係百分百,都有佢存在空間.

---

作者: 不知不覺的    時間: 11-9-23 03:16 AM

平衡?指生活中帶二次元?標題指平衡既意思係咩?指毒男世界咁?

---

作者: gundambird    時間: 11-9-23 04:54 AM

2次元係FF?
3次元係真實?

咁1次元 *.* 係乜

---

作者: 囧神乂    時間: 11-9-23 07:29 AM

3次元係實體
2次元係虛假

---

作者: 霉乂男    時間: 11-9-23 07:36 AM



另一個無法平衡既主因正如#53所言係價值觀，
就以#15版主既引述為例，可見動漫迷中存在對三次元利用二次元謀取商機感到不滿既人士；
而#41第三段回覆說明了社會上有一知半解既人將二次元設定成小朋友玩意；
最後#47的一句「三次元根本萌不起」則是二次元愛好者對三次元既感想。

三次元中討厭二次元亦大有人在，近近地就講下我地２ＫＦ討論區，
聊版經常會出現敵視二次元既回覆（比如某高比拜仁幕尼黑，雖然主因係二次元無差別貼圖騎劫），
誤解亦為二次元愛好者灌上無數代名詞，相信唔需要我逐一列出大家都知有邊Ｄ。

單看本帖回覆，有幾多個人係完全平等看待二次元同三次元？

「並存是可以，但平衡，不可能。」

---

作者: evaann    時間: 11-9-23 09:39 AM

低低… 發表於 11-9-22 09:23 PM
請問如何界定平衡??

部份人說主題唔清析,應該都係集中這一點「平衝」
界定我最後答你地係無,只有於下次辯題聽下大家意見再做好些

這個係無限制
你能說到不平衝或者平衝都可以

不過反而感謝你地去攻擊這個point
唔係我帶唔出「灰色地帶」

最後,是否加入大家就從中作決定
以免再叉開主題,主題已經開左,上層亦都加左個公佈@@

--------------------------------------------------------
辯論功能大家都可以發帖使用
本人係用左好多例子爭取回來
在檢查線內,#2有如何發帖既方法
歡迎各位使用

---

作者: evaann    時間: 11-9-23 09:45 AM

okpkandfk 發表於 11-9-22 06:32 PM
來試新功能的我是...

感謝進來
中立的都可以說說意見
好也好,壞也好,完左係某d位都要作出改善

---

作者: 低低…    時間: 11-9-23 10:02 AM

不可能有平衡
二次元和三次元是完全不同的東西
二次元的誕生是由三次元所造的
三次元的世界觀是來治療三次元的人的心靈
只能說是互為因果 並不至於平衡

---

作者: 鬼整你    時間: 11-9-23 10:05 AM

3次元有天也有地,上有飛鳥,下有游魚
2次元沒有天只有地,沒有飛行鳥,沒有忿怒鳥,只有陸行鳥,而且沒法釣魚,只有戳魚......

---

作者: 全職學生三世    時間: 11-9-23 11:13 AM



三次元  的現實  和  二次元是可以互補的

二次元  的人和事  都是由三次元的人去決定

無論是多麼好的作品,也會有一個作者群和   讀者群

用上帝的角度宏觀整個世界

二次元的 人  和  事  身為三次元的我們  基本上是全知的
萌角們的特徵  缺陷 我們也知道得一清二楚
甚至可以隨意決定他們的過去  現在  和 未來


喜歡傲嬌的  可以弄一個女王特性的女主角   再搭一個  受虐狂男主角
喜歡百合的  可以弄一個女子同學的背景出來
喜歡後宮的  可以弄一堆  無論如何最後也會喜歡主角的女角出來   
喜歡黑暗的  可以弄一些悲劇給主角  自已在後面吃花生

這些一切一切  都在我們控制之內
全部都是自已喜歡的事  全部都是自已知道的事  全部都是甘甜的味道
由於沒有未知數  所以一切事情都可以推敲出來   沒有驚喜可言
就算是再好的樂章  終有一天會覺沉悶

因此我們需要三次元的現實作為平衡
三次元的本質就是未知
我們沒有神祉的全知   因此不清楚其他人的心  更不知道自已  或者其他人的未來
因此我們的努力  可以使別人得到意想不到的效果
雖然 人生如意事十常八九  但卻是和二次元完全不同的味道
因為你不知道何時會遇到挫折  更不知道何時會收成正果
雖然付出未必和回報成正比   但這些未知數卻使三次元更刺激
這是二次元給不到我們的

當我們  在三次元遇到挫折時  我們可以投進二次元尋找慰藉
當我們  厭倦全知的世界 想尋找刺激感的時候  就需要三次元作為平衡

---

作者: 花穗    時間: 11-9-23 11:31 AM

回復 全職學生三世 的帖子

萌角們的特徵,缺陷只係所謂既人設~
人設定既野就可以改變~
所以可以有不同既故事(同人誌)
要改變唔係話想就得~唔係妳想某人作畫,某人配音,就可以有一套咁既作品出黎~
一個人既能力有限,二次元既野都唔係完全可以合乎所有人既要求~

可以控制既,唔係我地一兩個人~
一套作品,所需要既人有幾多~
我同意二次元係由人造出黎~
不過就唔認同一切都係自己想點就點~

二次元不只有所謂既慰藉,更加係大家娛樂既工具~
再一次重伸,不要只把二次元放在動畫新番,漫畫~
遊戲都係二次元~ 而諗遊戲唔好淨係集中係gal game/h game~
睇一睇一個月係不同既機種入面有幾多遊戲~
再諗一諗二次元既世界~
要知道,hello kitty呢d都係二次元,都係虛幻既東西~

---

作者: potterfan    時間: 11-9-23 11:38 AM

我反而覺得二次元比較多幻想空間...例如幻想與 塞巴斯醬跟Grell 在....... (((((噴鼻中..
三次元我倒是覺得太過真實....我反而會幻想不到呢...

---

作者: 全職學生三世    時間: 11-9-23 12:45 PM



回復 花穗 的帖子

也許我對動漫  的制作過程認知不足
不過自已喜歡的事物  不必強求所有人都喜歡
能夠令到自已喜歡就足夠

不過你亦承認了   

1. 二次元的角色是由三次元的人創造出來的
2. 我們可以透過同人誌  創造一個自己喜歡的世界給他們

就算在其他人的作品中,我們和作者都是類近全知的存在
餘下未知的部分  可以根據作者的思緖推敲出來
既然全知  還有甚麼未知數可以刺激我們呢?

這個時候  我們就需要其他三次元的人給我們刺激

你下面提到遊戲  gal game
被遊戲娛樂不正正就是慰藉的一種嗎?

---

作者: oO十三妹Oo    時間: 11-9-23 12:52 PM

很簡單的一句說話:「2次元不能幫你成家立室生兒育女。」

---

作者: 世若    時間: 11-9-23 12:53 PM

用有神的存在,同無神的存在(我指鬼呀神仙呀果類野)
就知係點
無左ed野平衡住,就大把病人.

---

作者: 全職學生三世    時間: 11-9-23 12:55 PM



回復 oO十三妹Oo 的帖子
oO十三妹Oo 發表於 11-9-23 12:52 PM
很簡單的一句說話:「2次元不能幫你成家立室生兒育女。」


正因如此  我們需要三次元的老婆  和  二次元的萌角
兩者互相平衡

你是正方還是反方...

=============================
還未有人就平衡做一個定義

我覺得平衡  就是「兩者都同樣被需要」

---

作者: 花穗    時間: 11-9-23 02:23 PM

回復 全職學生三世 的帖子

以漫畫為例,有時好明顯係迎合大眾既喜好而決定~
睇爆漫都知,人氣下降既,就會被人腰斬~
係呢個三次元既世界,唔係成日都想點就點~
特別當你已經決定左呢一樣係終身既工作~
我地所見到既漫畫,動畫,遊戲,都係由大部份正職既人黎做出黎~
我諗到可以自由發揮既就係同人誌,音樂~

所謂既全知係指咩?
背後可能有好多野,大家都唔會深究~
如果真係可以咩都推敲,咩都知道,咁新遊戲出時,大家都唔會咁興奮同期待~
我只可以認同"再好的樂章  終有一天會覺沉悶"
而唔認同所有野都一早知道,二次元係冇野可以刺激我們~

引用呢一句"這個時候  我們就需要其他三次元的人給我們刺激"
轉換造
"這個時候  我們就需要其他三次元的人制做的東西給我們刺激"

如果娛樂=慰藉
咁...
"三次元遇到挫折時,我們可以投進二次元尋找慰藉"
呢一句說話就等於...
"三次元遇到挫折時,我們可以投進二次元尋找娛樂"
第一個問題出自...
三次元遇到挫折時,不一定係二次元先尋找到娛樂~
而係二次元尋找娛樂既時候,不一係係遇到挫折時~
慰藉呢一個詞語,我認為係因為失意之後先會需要~
而我找娛樂,不一定係因為失意~

---

作者: sytak    時間: 11-9-23 04:00 PM

平衡,其實何謂平衡?
你講例如好似二次元咁,係一名蘿莉控
就連現實既,只要係蘿莉都控埋一份?甚至有d犯罪行為都出埋黎?

定係二次元同三次元既活動時間?
有人要番工番學,跟住玩online game,打機睇動漫
可能有d人完全放棄所有其他活動專注打機之類?

根據個定義唔同,我都唔知應該贊成定反對好
老實講,時間上黎講,真係好難平衡
ACG,動,漫,遊
日日都有新野,尤其遊戲,扣除番工番學食飯訓覺
要完成1隻遊戲要幾耐呢?
PSP,NDS呢類手提係等巴士等火車時玩都由你
ps3,xbox360,wii果d家用機game點算?
新game都不在話下,有時有d經典game,後期先加入既動漫迷可以點?
再花時間追囉
講真,你估日日咁得閒俾你追咩
動畫又係
單單動畫半個鐘1集
有時連新番都追唔切何來仲有得追舊番?
仲講同時要玩game?
只能分配,壞打算就要放棄平日既某d活動,有人可以甚至唔訓覺通宵打機
就時間呢方面,我會講除非你係neet,否則唔容易平衡
時間方面投反方票

in case今次係講行為果d方面
稍微有理性既人相信都好清楚
有咩係做得,咩係唔做得
而且好重點既一點
如果d人就係混淆二次元同三次元
我想提提你:
你唔會係二次元故事中既主角
無特別能力,無主力威能,無劇本令你強運/不幸,你亦唔會好似galgame成堆異性圍住你等你慢慢攻略
呢d野,應該理性少少就會明白啦
呢方面,正常既人應該平衡到既
行為方面投正方票

因為只係路過發言...我唔知大家傾到邊個程度,只能咁樣表達吧

---

作者: evaann    時間: 11-9-23 04:08 PM

岩岩收到一位會員的短信息回復
會員名我唔公開了

----------------------------------------------
其實辯題的定義是由開辯(即是第一個發言的辯手)定出的
另一方不同意的話亦要在辯論的開頭討論

找到雙方都同意的定義才有論好辯
---------------------------------------------
之後的辯論,都是這樣,大家如何?

---

作者: 全職學生三世    時間: 11-9-23 04:55 PM

回復 evaann 的帖子

下次注意吧  
現在已經討論到這個層次

---

作者: 花穗    時間: 11-9-23 05:06 PM

回復 evaann 的帖子

笑,所以我一開始就話唔要做第一個發言果個~
而且呢個題目更加係十分灰色~
在乎平衝二字如何使用

三次元世界能否與二次元世界平衝
人是否可以在三次元世界與二次元世界取得平衝
就已經唔太同了~
老實講,呢一個話題我自己都冇咩立場,哈哈~
純粹係睇下大家發言而睇下覺得有咩唔認同~
從而討論一下大家既價值觀/觀點者~

---

作者: wongkits1998    時間: 11-9-23 05:24 PM

二次元是人作的
三次元能與二次元平衝

---

作者: evaann    時間: 11-9-23 05:29 PM

回應點評 霉乂男  FEZ版乃是非之地。

話說我都有個3轉40acc的,只是兒家無咩玩了
自f團細路果單野,就知,嘿嘿
fez重視第3身即時競技(簡單d應該叫pvp)
係依d版,未開波就已經火藥味燶

話說,我係某大game壇做過巨商主版版主,之後決定再做都唔會做game版版主
你試過比會員凶你遼出去隻抽嗎?
嘿嘿,我果陣水貼無犯版規,都係隻眼開隻眼閉
之後跟足版規扣一個人,跟住佢唔份氣捉到我無扣人(果陣太多帖用左抽查)話我無做野,唔盡版主職責
投訴區即刻打左成編論文(當然緊係我羸,果陣仲想打,扣你就扣你,洗比面你)

大家版主當傾下閒計,話說你「毒男」形象係果度幾深入民心

---

作者: 全職學生三世    時間: 11-9-23 05:43 PM



回復 花穗 的帖子

亦因為三次元未必事事如意  我們才有新的創意  新的東西誕生
事事順讀者意思的二次元世界   只是把舊有事物重新拚貼

當這些事物組合的可能性大部份已經變成了不同的作品  二次元的世界就會變得陳舊
這時候就需要三次元的一些挫折  一些由三次元的困難中產生的創意  融合在二次元中
(例如是綠霸 和  綠霸娘)

特意回應你這一句:
「如果真係可以咩都推敲,咩都知道,咁新遊戲出時,大家都唔會咁興奮同期待~」

如果是單單由二次元的角度去觀看作品
代入單一角色  或者  主角   去經歷作者預設了的事情
那你已經知道了他的一切  
再美好的故事,也只會變成了一個個畫面  看完就沒有了  
也許可以回帶觀看  不過所看到的  
也只是畫面上的顏色  它們的組合還是有限的


君不見到現在的二次元一堆廢萌嗎?
當二次元只顧把受喜歡的元素組合  而不再加入新元素
新作品就會變得空洞  只有聲色畫  而沒有內涵

優秀的作家懂得將他們的作品,變成電話  變成電腦 變成書信
透過他們的作品作為媒介  去告訴讀者作者想要告訴他們的事情
作者所經歷的事情是三次元的  他要告訴我們的事也是三次元的
雖然當中的媒介都是所謂  二次元  但亦因為不只於二次元  所以才值得各位讀者期待

就像不同的新番作品  作者和觀眾的互動
不同的舊番作品  評論家和觀眾的互動

我們不知道其他人的反應,所以需要猜想
由我們在不同作品猜想  餘下來的劇情  
其實已經和作者本人 做了一次三次元的互動  
就像我們收到了作者的書信  或者 一個電話一樣


作者究竟在這個人的背後  要告訴大家甚麼呢?
為什麼要這樣寫他呢,而不是另一種可能性呢?
當然,如果最後的答案是「我要賣萌  我要混飯吃」  
這個作者的作品無論如何也震撼不了人心  也沒有人會特意等待他的作品  因為市面上有太多萌作

所以  我們期待新作品 是因為我們渴望和作者交流  
透過二次元,做一次三次元的交流
亦因如此  二次元和三次元是平衡的  是互相需要的


===============================
題外話:
回復 花穗 的帖子

千萬要爭做第一發言  因為你定了一個有利於自已的定義  以後就好打很多

例如正方可以把平衡定做「兩者都同樣被人需要」
接著就可以舉出二次元  和三次元  可以共存的例子

反方可以定為「兩者互補,重要性相等」
然後  舉出  二次元和三次元予盾的地方

當然定義下得太離譜也會有人反對你的  

---

作者: evaann    時間: 11-9-23 06:07 PM

本日問題(回答等同發表一次辯論帖)
背景:
神:三次元的不確定因素太多了,沒有旗可以插,
又一堆不確定的參數,不能重來。
(紅色這句請千萬別想歪野,依篇copy的,唔刪係唔想失去完整色彩)

閣下同意嗎?(請留意自己立場作答)

---

歡迎光臨 2000FUN論壇 (https://www.2000fun.com/)

Powered by Discuz! X1.5.1