2000FUN論壇

標題: 已更新龍珠受騙經歷(騙徒名字 KimuraTakuya)+天使翼抽法 [打印本頁]

作者: 笨小孩^^||| 時間: 11-9-27 12:44 AM 標題: 已更新龍珠受騙經歷(騙徒名字 KimuraTakuya)+天使翼抽法

本帖最後由笨小孩^^||| 於 11-9-29 08:10 AM 編輯

受害者黑閃(自己其中一個角色)
騙徒 KimuraTakuya(前身名字為 Misuki，所屬公會為ChaLaHeadChaLa，該會的副會長，會長為禪光)
共犯(個人意見) 禪光(分身為光禪，騙徒所鬆公會會長)
其他涉及人物龍珠客服接線員、悟飯布歐、噗通、奧迪公主Tiffy、人造人煙神

第一部份受騙經過
Misuki於交易頻喊著1500萬龍珠幣換1200點點數。聯絡上後，他將自己電話號碼給了我，我於尖沙咀金巴利道7-Eleven購入三張連號的點數卡，將其中一張序號為xxx的於電話內告訴他，他要求先點後錢，我覺得沒所謂，因為這樣的交易一定要有一方先踏出第一步，在一邊等他入網頁時，一邊也閒談著，我也在這次的電話通話中，教授了一點抽天使翼的方法給他，令他如何抽得精明一點，但當他成功入第一張點數後，電話就立即掛掉了，我已心知不妙了，回撥時電話經已不通，但在遊戲的他仍然活動著，我心知九成被騙了，這時，原來他還貪得無厭，因為整個交易是1200點，我只是給了他600點，他交易1500萬給我看，然後叫我在遊戲比埋另一帳號給他，他才全數給我(我當然不會傻下去)，跟他說先付750萬，作第一張點卡的等價交換，我們才繼續交易下去。當然，結果是拖拉十分鐘也沒結果。我立即撥號客服，他們檢查到點卡入了別的帳號，但就不能查下去了。

於是，我就當買個教訓(當然那晚也通3-4次電話給他，搵下佢啦，幸運的是，他給我的電話是他使用中的，現在的小朋友真狼死，不顧後果的炸騙)

作者: 笨小孩^^||| 時間: 11-9-27 12:45 AM

第二部份聯絡上ChaLaHeadChaLa禪光會長
約五至六天的時間內，眼看他中了至少四次天使翼，及數件杜拉格斯裝，心裡當然不是暢快，一來是抽天使翼技巧是我教的，二來他連600點都買不起，抽的點數可能也是騙回來的。

一個偶然的機會下，在街上看到ChaLaHeadChaLa會員悟飯布歐，於是我就得知了公會會長是禪光，聯絡上後，我將事情始末跟他說了，他聽下我數句後，就說了解並說要睡了，說明天會處理，當時11點45分左右。(當時感覺是才4-5句交流，就說需要睡覺，說實話，會長我在魔獸當過，應該不是這樣吧?誠意去了那?不過可能真的世代不同，現在玩遊戲可能真的虛假一點就已足夠。)，最後唯有是等了。

作者: 笨小孩^^||| 時間: 11-9-27 12:46 AM

本帖最後由笨小孩^^||| 於 11-9-27 01:05 AM 編輯

第三部份混入ChaLaHeadChaLa公會調查
事件過去2日多，ChaLaHeadChaLa會長禪光沒回覆，Misuki也改名了，名為KimuraTakuya，我就問禪光會長事情怎樣了，他回答不清楚不作回應，最後是Misuki已退會了(明明就是改名了)。我想知道究竟是會長也被蒙在鼓裡，還是同流合污、蛇鼠一窩，所以我用我較常用的劍士號-黑閃(已曝光)，及其他幾個大大小小的號混入他們的組織看個究竟。入會後，Misuki竟然是副會長(這個年頭搞公會真的兒戲，騙子竟是高級會員，笑)。後來，跟朋友總結了一下，唯有的就是等待網聚真人PK(對質才對)。

作者: 笨小孩^^||| 時間: 11-9-27 12:46 AM

本帖最後由笨小孩^^||| 於 11-9-27 01:19 AM 編輯

第四部份我EQ低了一點
入會後，一天凌晨有一人在頻叫囂KimuraTakuya是騙子並說著其電話，跟我有的匹配，KimuraTakuya就在會頻中說什麼天使翼交易、什麼入數不清的(我不懂)，我就知有另一人被他天使翼騙入數了，還是我教他抽的天使翼=_=”他還沾沾自喜的說什麼自己有5對天使翼7件杜拉裝，還有盟友想跟他交易天使翼，我看到後按不住出現了(笑)。將他所作的在會頻和盤拓出，他當然在搞辨(最慘的是，他是小朋友，他其實有點詞不達意，另一方面，騙徒是他，他理虧也不好辨)有數人幫他，也有數人不幫他密我說(我深信受害人才會這麼清閒)，我感動，因有成效，被騙的財是小，條氣唔順是大(我唔想有另一個我)。(有人說好彩沒跟他交易，但其實我想跟他說，他可能會交易成功，他現在在遊戲中有頭有面，加上他真的有多了出來的天使翼，他又特地改名了，看的出他想抹去昨天的他，所以”可能”交易成功呢。但算了都係，唔怕一萬至怕萬一。)對論多時後，他說去睡不理我了，我當然不厭其煩地打比佢叫佢痾夜尿呢。

作者: 笨小孩^^||| 時間: 11-9-27 12:47 AM

本帖最後由笨小孩^^||| 於 11-9-27 01:39 AM 編輯

第五部份公會常駐會員也無恥，笑。
翌日下午，盟中人比較多了，那人又在頻叫囂宣傳KimuraTakuya了，我就回黑閃號看他有沒偉論發表，及查看自己有沒還在公會中。上線後，跟4-5人對上了，分別為會長禪光、噗通、xxxTiffy、xxx，當看到他們說話後，就知他們是幫KimuraTakuya的。當中少部份(為何得3-4個=_=)有在密頻支持，整個對話得出以下結論：
一、史上最煩的莫怕於就是跟幾個不同立場但又討論同一件事的人同時地討論著，重要係o係港服線上遊戲上。
二、禪光會長可能根本是Misuki是真實朋友(若是的話，對不起我錯了，哈)，因為他一點也不像一公會會長，說話最無賴只有他了

以下是我總結下的對答(詳細可看圖)
噗通:你有沒有圖，什麼有圖有真相等說話。
我回應:圖就一定可信嗎?Photoshop不能嗎?我也大可以開一個叫Misuki的號自己做場大龍鳳不能嗎?反正Misuki已沒使用)
禪光:不斷在說什麼你真可憐了，沒了點數，很慘的什麼什麼…
我回應:公會會長!?笑
奧迪公主Tiffy:問我其實你想公會幫你怎樣處理?
我回應:公會怎樣處理不是我一個人說的，但一定不是Misuki已退會的廢話。包庇、不能接受。
人造人煙神:一直在說幾十蚊之ma，咪煩啦。
我回應:哦。

作者: 笨小孩^^||| 時間: 11-9-27 12:50 AM

最後，我決定用其他號靜待著他們網聚，然後跟KimuraTakuya及禪光真人說聲hello，笑。另一方面，用我所能宣傳他們，至少他們600點換來的是沒面子沒朋友。提醒大家小心此公會的人。在此也跟甜心小豬說聲對不起，我退會就是要處理這事情了。

最後，若有人能幫我將消息傳達到不同討論區，短訊我已建立的連結，我也會將天使翼抽法技巧教他以作補償，謝。

作者: 笨小孩^^||| 時間: 11-9-27 12:53 AM

沒圖沒真相，圖晚點補上。笑

作者: cheuk2130 時間: 11-9-27 01:02 AM

明白樓主感受,而家D小朋友真係好大膽
其實呢D事好易令到一個真心既人對交易失去信心..
係咪要以後都要面交先可以交易到呢..
小朋友們真係要諗真諗下呢個問題

作者: 永和 時間: 11-9-27 01:46 AM

我轉貼咗3個論壇

作者: ←璿●璿→ 時間: 11-9-27 02:51 AM

本帖最後由 ←璿●璿→ 於 11-9-27 02:51 AM 編輯

呢個公會琴日星期日重想挑我地機(道館賽)，可惜佢地失敗

不過依家d小朋友真係咁鍾意呃呃呃，重要冇諗後果

作者: kk1346 時間: 11-9-27 03:02 AM

但係我同佢交易過..佢正常架bo..!!佢改名的時候係幾時?

作者: ←璿●璿→ 時間: 11-9-27 03:06 AM

本帖最後由 ←璿●璿→ 於 11-9-27 03:14 AM 編輯

kk1346 發表於 11-9-27 03:02 AM
但係我同佢交易過..佢正常架bo..!!佢改名的時候係幾時?

如果係面交緊係正常

d小朋友一唔面交話知你係咪總統，三七廿一昆住你先(本人以前都被小朋友呃過-0-)

另外，為左方便比大家知道呢名騙子昆人過程，我已放係【港服】『龍珠Online』《攻略教學索引集》此帖

(我都好憎呢庭人)

作者: fung9799649 時間: 11-9-27 05:14 AM

有證據就打去客服問下佢地幫唔幫你攪,唔幫就報警!
你打出黎邊個幫到你,比人笑就有份!

作者: zxcar 時間: 11-9-27 07:30 AM

1500W收1200點..你太唔知價啦呱..
幣商100$唔洗都有成1000萬..咁都比人呃...恭喜晒

作者: 祭神KING 時間: 11-9-27 07:38 AM

本帖最後由祭神KING 於 11-9-27 07:39 AM 編輯

作為旁聽者，只能說下次小心

四處宣傳根本係治標不治本
老玩家當然會謹防，難保新玩家會中招
唔通一開始玩龍珠online，佢地會先搵騙子名單嗎...
比著我晒時間上網都係搵攻略搵心得啦
當時樓主遊戲宣傳騙子行為，我記得對方公會仲張揚收人，好明顯對方唔放你地在眼內，當你地係傻仔咁玩

另外建議其他受害者嘗試集結一起
至目前為止，有冇人告佢真係「冇圖冇真相」
依兩星期倒是見到有人話「我要打999/我有對話記錄」
但係咪真係報左？無人知。
官方最多係搜集相關資料，唔會因為你比人呃點數而封帳號
點數交易官方係不容許，一切損失自己負責
相反關於呃game錢，呃遊戲範圍內的物件，咁官方的權力就係最大

作為被騙受害者，自問想件事如何解決，但多數係當係一場教訓，不要煩不用管了，錢就由得佢。
講真~嚇對方話報左警依一招已經用唔著了

作者: BEYOU1112 時間: 11-9-27 10:10 AM

樓主一定寫左好耐先比個讚

同好似係到睇緊間諜故事

作者: yclam 時間: 11-9-27 10:28 AM

而家果d小朋友真係..........

作者: squall1221 時間: 11-9-27 11:58 AM

一係你用另一個ACC叫佢出黎面交多一次,之後就...........................哈哈哈!!!!!!

作者: 菲菲雅.西方木頭 時間: 11-9-27 12:24 PM

本帖最後由菲菲雅.西方木頭於 11-9-27 12:28 PM 編輯

樓主有冇影低當時佢同你講~叫你俾埋淨低個600點先俾 1500w 錢你 o既對話?
有的話~去報警啦
警察會要求遊戲公司俾遊戲歷程
到時就知對方根本冇俾錢...
同埋你保留返張點數卡
有明確理據對方acc 入面o既 600點係由你賣出
你決定報警的話~最好就問紅椒拎你個人o既遊戲歷程(證明你冇收過錢~)
因為有d 公司唔會 keep d record 太耐

http://www.police.gov.hk/ppp_tc/04_crime_matters/tcd/smart.html
網上遊戲盜竊

事例
a)網絡遊戲帳戶被他人非法使用
b)網絡遊戲帳戶被他人非法轉移予其他「角色」
c)在買賣「帳戶」、「角色」、「道具」或「工具」時出現詐騙情況
d)以不誠實手法，出售屬於第三者的「帳戶」或「角色」予受害人
e)投訴人在進行網絡遊戲時曾借出「道具」或「工具」予他人但不能收回

題外話
嚇對方話報警 or 報左警梗係冇用啦
做咩要嚇o者
有證據梗係實牙實齒報啦
俾著我
我理得你咩有圖有真相~信唔信隨得你
警察上門拉你個陣你咪知囉

如果樓主有證據就報警啦
有時我唔明 d 人~嫌麻煩唔報警 (但係有幾多真係報過?真係知麻煩程度?咪又係聽d 路人講)
我就報過啦~=.=唔覺煩喎
都係去差館~錄口供~俾證據~攪掂
2個鐘都唔駛
拉到個人就會通知你

又唔明 d 人點解會話報警冇用
只要你有交易對話紀錄~證明是次買賣
到最後收唔到應有o既野..就係詐騙
冇可能你有證據而警察唔受理囉
我自從俾人呃過之後~無論事無大小都愛用print screen

不過話說
呃樓主條友也未免太廢
拎左600點~俾返750萬 o者
隻game 咁易搵錢都俾唔起..

作者: wing3590 時間: 11-9-27 12:47 PM

已轉貼

作者: cliffhou1997 時間: 11-9-27 05:34 PM

樓主好似打小說......

作者: saskue122 時間: 11-9-27 07:30 PM

幫你轉貼左幾個論壇.......

作者: Calvin05 時間: 11-9-28 03:43 AM

菲菲雅.西方木頭發表於 11-9-27 12:24 PM
樓主有冇影低當時佢同你講~叫你俾埋淨低個600點先俾 1500w 錢你 o既對話?
有的話~去報警啦
警察會要求遊戲 ...

咁最尾拉唔拉到條仆st ?!

作者: Calvin05 時間: 11-9-28 03:44 AM

真係要報既 ~
唔報等佢再呃 ~
我都好憎人呃我總要咁多點可以買好多野 sai哂 ~
題外話
有咩方法可以抽天翼既機會大d hahaha

作者: 菲菲雅.西方木頭 時間: 11-9-28 10:04 AM

Calvin05 發表於 11-9-28 03:43 AM
咁最尾拉唔拉到條仆st ?!

拉到呀
個時俾人呃左 $600
報警後半年搵到條友
警察就同我講對方o既藉口~話願意還返600俾我
問我和唔和解
個陣冇咁嬲=.=所以揀左和解
宜家見到有人俾人呃...又火火地..
有d 後悔當初和解左=.=

作者: eggtee 時間: 11-9-28 02:34 PM

其實有無諗過要報警? 定係純粹想人知道佢係呃人架?
中立d睇, 都唔知你講既係咪全部真話, 又唔知佢係咪無呃你.
所以都係當一個故事咁睇, 所有野都要自己小心d. 小心小心

作者: kcirtap99 時間: 11-9-28 03:07 PM

已轉貼 ~~^^

作者: kevin1468 時間: 11-9-28 03:19 PM

從來都唔信~先點後錢~ 先錢後點呢D 白痴交易.........." 一係面交~ 一係唔好鬼交~ 就係咁簡單.,." 唔會比個機會人呃9自己~

作者: technoboy 時間: 11-9-28 05:08 PM

你唔知手電都可以即時錄音嗎 ? 所有對話可以作記錄

作者: 1779235 時間: 11-9-28 05:37 PM

打死都唔好放過佢...
有證據就報警啦...
最憎d小學雞昆人...一定要俾個教訓佢..

作者: 041207 時間: 11-9-28 06:45 PM

報警最穩陣
唔好等d小學雞成日以為玩online game昆人冇事

作者: j78mqd 時間: 11-9-28 07:30 PM

買幣就搵d出名既幣商公司啦…搵玩家交易係最危險。

作者: kozen9933 時間: 11-9-28 11:11 PM

本帖最後由 kozen9933 於 11-9-29 12:18 AM 編輯

當時我都係CHALA公會入面旁觀你地既內容,其實個個都想搵出真相,問你拿出證據,會長都有跟你說明拿出證據先可以幫到你.唔可以因為你一個人講佢騙你而踢走1個人.不過你一直都無回應應該回應既問題,只係不停話人地無品(真係有D 9唔搭8).會長都親自問你想會長點做,你只回應[成熟地處理問題],會長再有禮貌地問,可唔可以具體一d.你都無再作回應?會長又唔可以封佢ac,又唔可以叫佢俾返錢你.而你又無證據,只係口up.真係幫你唔到喎.而且你li個post都係無證據指證人地呃左你.你又係咁話人地個會.就係有d問題.希望可以和平解決.謝!

作者: 希索嘉 時間: 11-9-29 12:01 AM

樓主, 下次電交錄埋音穩陣

作者: Calvin05 時間: 11-9-29 02:08 AM

菲菲雅.西方木頭發表於 11-9-28 10:04 AM
拉到呀
個時俾人呃左 $600
報警後半年搵到條友

唔可以原諒架
呢d陷家x

作者: ICE_MarS 時間: 11-9-29 03:04 AM

kozen9933 發表於 11-9-28 11:11 PM
當時我都係CHALA公會入面旁觀你地既內容,其實個個都想搵出真相,問你拿出證據,會長都有跟你說明拿出證據先可 ...

註冊時間11-9-28

作者: 笨小孩^^||| 時間: 11-9-29 07:53 AM

現在補上最後對話

作者: 笨小孩^^||| 時間: 11-9-29 07:55 AM

作者: 笨小孩^^||| 時間: 11-9-29 07:56 AM

作者: 笨小孩^^||| 時間: 11-9-29 08:03 AM

本帖最後由笨小孩^^||| 於 11-9-29 08:09 AM 編輯

最後，因為太多人密我轉貼了，我直接在這寫了抽天使翼一類物品的小技巧，可使大家點數用得較精明。
首先，大家一定要知道，一部機內有1000隻蛋(天使機)，及一隻天使(即一等獎)，當你抽中天使翼後，強機就會發生10秒後重置，
將蛋填滿為1000。

天使翼，可以是第5隻(即剩995隻蛋)就出，也可以是第905隻(剩95隻蛋)才出，一部機要抽晒1000隻蛋要港幣5400多元。
那何謂抽得精明呢?就是等蛋的數目愈少的時候。

當機剩返 150隻蛋，即意味著150個幣之內一定中天使翼(若只有你抽的話)，好運的話,可以是149(即抽一隻就中)...詳細就會顯示
第xxx次 851次你的名字

那當然，有人也會24隻(即剩下976隻蛋)就抽中，那就一定是運氣十分好了，這種運氣我留來買六合彩=_="v

我就是教了他這小技巧加上那騙子的小運氣，中了像是5隻翼及數件杜拉裝~

作者: 祭神KING 時間: 11-9-29 08:33 AM

睇完張圖我會企起公會果邊
有件事假設係確定:「KimuraTakuya 係 M字頭果件蛋散」

至於點解決依件事,希望樓主重看一直以來「在本文章回覆的網友」,都係叫你去警局備案
到目前為止,只係知道樓主目的係「宣揚騙子行為/唱衰佢」而不是「舉報佢」

有冇足夠證據控告當日KimuraTakuya真係呃左你張點數,然後入自己帳號內
好簡單,比張code向官方回報,官方確定左之後,會配合警方
問題就係依到,如果受害者沒有備案,官方當然沒法採取行動
因為「遊戲世界內點數交易係不容許」

上面的第1頁好像都打過一次,KimuraTakuya都叫你報警處理
唔通果位會長踢走佢,樓主就滿足嗎,但這幾天一直關心事件的網友就會抱怨
「踢佢出會有kai用!」 , 因為佢係副會長,地位超卓?
相反為了這位副會長而窮追猛打 , 洗頻事少,影響公會d人事大
公會為了你而總動員相量解決,甚至希望盡快了結佢
但成件事d會員真係有「包庇」副會長嗎?我真係睇唔出

或者樓主認為「唔踢佢=包庇佢」,咁我沒說話好講,人地踢唔踢佢地決定
話唔定做副會長一職要做牛做馬?起學校做呀四執頭執尾?
凡事都有多面,不要堅定認為「副會長」係好高class

另外,世界上的賊又怎會說自己係賊
既然遊戲又有人叫你報警,網上又有人叫你報警
報警啦...你繼續點圖加圖解都於事無保

真係睇唔明??再用依件事做個例子
如果屯門色魔入左你個公會
而你係受害者,曾經比佢侵犯,你又知佢起遊戲內的人物名稱
你會點做?

照樣在遊戲宣揚佢係色魔,公會唔踢佢包庇佢
冇人會可憐你,回應都係果句「報警啦」

作者: 鬼＊蠍 時間: 11-9-29 09:10 AM

call 999 la fu_k He

作者: benny20031006 時間: 11-9-29 09:30 AM

已幫忙轉貼

作者: monkey981090 時間: 11-9-29 09:51 AM

我都試過比人昆,我用MSN紀錄+遊戲對話記錄報警,之後條友比警察查到,最後比番2倍錢我TIM= =+有時間報警同佢磨落去,當然入數紀錄都要番低!!

作者: 路過的雲 時間: 11-9-29 10:07 AM

打999,999一定幫到你

作者: 2340028 時間: 11-9-29 11:18 AM

已轉貼~

作者: 2340028 時間: 11-9-29 11:19 AM

已轉貼
http://www.[此內容已被過濾].com/viewthread.php?tid=12761243&extra=page%3D1&frombbs=1

作者: kozen9933 時間: 11-9-29 11:25 AM

樓上既抽翼技巧,game書一早出左,精明既玩家都會一旱發現.並無出奇.
而你post出黎既內容,最重要最重要都係你無證據證明人地呃你點數呀...你明唔明白?
公會內又無人受佢騙過.亦有多人同佢交易都無問題.所以完離騙子不成立.
呃你點都係你自己1個人係度講.
你話到我地點樣話你,會長點樣無能都無用嫁?無證據警察都唔會做野.
做得會長應該辨是非,我覺得會長做得好好.
而kimura都唔係咩副會長,個位成日都轉既.有人收朋友就轉俾佢.li個係我知道既.
因為我收朋友時,佢係轉kimura個位轉左過來.li d野好自由者.
我只知道你派ac入黎大吵大鬧,又係世界頻度大叫我地chalaheadchala公會既不是.
好影響我地公會囉.
就好似大家所講[有相有真相].再多講都無用.
真係唔好再咁大怨恨啦.你就黎變林峰啦.

作者: roscky34 時間: 11-9-29 12:05 PM

幫你轉貼左去幾個論壇了，希望幫到你啦，因為我都唔鍾意D人黎玩遊戲輕鬆下都要呃呃騙騙，為咩

作者: kennykenshiro 時間: 11-9-29 01:13 PM

樓主報警拉人啦

作者: lawsc01 時間: 11-9-29 01:33 PM

扮野約佢出黎交收打佢一鍋 0v0''

作者: ipsiuwah 時間: 11-9-29 01:55 PM

樓主
看了你的經歷我覺得你已有足夠理撿去報案了
呢個係屬於網上行騙
好多小朋友覺得呢d只係細路仔野話報警都唔會有人理
所以都大膽的一直去騙取小小的點數
但依家裝上騙案增加了很多
而香港亦已有不小玩家或給人網上騙了錢或其他物品的人 (有game或其他交易平臺)
其實香港警方是絕對會受理的
我之前亦是其中一個受害人
我當時真的有去尖沙咀警局報案
本來我都真係有小小怕"魚" 因我本身都年絕唔細
怕比人笑及警方當我傻仔
但之後發現佢地真係受理的
而且一星期已幫我搵到騙我的人
佢係一個14歲的小朋友
當時係直接上佢屋企 "請"佢及他媽媽回警局查問的
因為我地的任何物品同遊戲錢的交易係遊戲供應商都是有交易紀錄
而佢地係可由對方的登記紀錄或登入時的ip地址查到當時是在什麼地方上線
而且你有對方的電話更加容易提供資料比警方做野
老實之後個小朋友我都沒追究因為佢太細警方亦只係比左佢一個
警司警介
但我覺得你的比人騙的經過比我可提供的資料更加詳細
所以你去報警的話我絕對相信佢地好快可找到騙你點的人出來
你回報客服一般佢地唔多理你的
一來佢地都係打份工跟本就係小做小錯唔做唔錯的心態
二來沒警方的介入佢地跟本就懶得同你查及追究

所以我覺得你係絕對要去報警的因為呢d行為不論對方係大人或細路都係絕不能助長的
所謂殺一警百只要有人行出第一步
我覺得騙人者先會知道
打機騙案都係犯罪唔再係小朋友玩意

ps 如你有咩問題什至如你有須要或想搵人陪你去報案的話
你可 pm 我或反下聯絡你的方法星期一至五我都可陪你一起去警局的
千萬唔好怕煩亦沒咩"魚"的!!

作者: 路過的雲 時間: 11-9-29 02:02 PM

回復 ipsiuwah 的帖子

講得好岩

D小朋友好多時昆人GAME野

之後仲要係D FD面前晒命

D人覺得,細路仔野冇人理

其實係可以報警

樓主用電話同佢用電話傾

電話公司一定會有記錄

對話你都CUT左落黎

仲有入點數記錄

便利店閉路電視影低左你買過張點數

有單

如果警察咁都話冇證據,可以同一哥投訴

作者: 帥得狠 時間: 11-9-29 02:03 PM

報案 +1
否則沒完沒了.

您的帖子長度不符合要求。當前長度: 9 字節系統限制: 10 到 20000 字節

作者: 846548037 時間: 11-9-29 02:18 PM

已轉貼

作者: τszξ 時間: 11-9-29 02:56 PM

笨小孩^^||| 發表於 11-9-29 08:03 AM
最後，因為太多人密我轉貼了，我直接在這寫了抽天使翼一類物品的小技巧，可使大家點數用得較精明。
首先， ...

=.=我在台服的日子已懂了

作者: PCL 時間: 11-9-29 03:08 PM

講左3頁,究竟報左警未

-唔會又係吹水貼呀-

作者: 奕劍 時間: 11-9-29 05:03 PM

玩遊戲姐,何必呢~

作者: kaystz 時間: 11-9-29 05:50 PM

報警，根本就係詐騙

作者: Calvin05 時間: 11-9-30 03:05 AM

其實我都想你報警
睇下條友遲d會唔會向你跪低認錯 ~

作者: andrew92725 時間: 11-9-30 03:18 AM

笨小孩^^||| 發表於 11-9-27 12:44 AM
受害者黑閃(自己其中一個角色)
騙徒 KimuraTakuya(前身名字為 Misuki，所屬公會為ChaLaHeadChaLa，該會的 ...

我有相同比人受騙經歷~
我想知多d騙人手法~
有冇facebook交換可以交流下!

作者: andrew92725 時間: 11-9-30 03:19 AM

可以小心d ma

作者: ladyjackie 時間: 11-9-30 05:17 AM

我系小豬阿,親愛的
阿>< 你should一早話比我知道架>< 我一定會明白架,我重會幫你添><
無啦啦又發生左呢D事我會support你打999架果個女仔說得對架.....911不一定人想像一樣呢家最重要呢就系你開心D 然後看你要不要給這班小朋友一點colour啦~~~ 打999吧
你會回來嗎?????? 我4ever愛你架 =[

作者: 希索嘉 時間: 11-9-30 10:28 AM

笨小孩^^||| 發表於 11-9-29 08:03 AM
最後，因為太多人密我轉貼了，我直接在這寫了抽天使翼一類物品的小技巧，可使大家點數用得較精明。
首先， ...

通常去到4XX-3XX就已經會比人抽左,
用你呢個方法唔洗指意抽得到

作者: 黃米奇 時間: 11-9-30 12:16 PM

................
雖然唔關我事
但係睇完幾頁
見到幾個人叫打999

大佬,999唔係咁樣用架
要報警就去附近警局啦...
唔好乜都話打999,OK?小朋友

作者: gvgchina 時間: 11-9-30 12:28 PM

我已轉貼

作者: angel2002 時間: 11-9-30 01:42 PM

本帖最後由 angel2002 於 11-9-30 01:43 PM 編輯

今日我到被人盜竊在d錢2百萬冇在好灰!!!!
到唔知玩唔玩下去= =+
今晚先放到圖片比你地睇睇
因為e嫁係公司!!!!

作者: Jefftang1995 時間: 11-10-1 01:52 AM

想問下樓主有無更確實既證據

作者: dxnte666 時間: 11-10-4 12:40 AM

樓主唔好放棄呀; 唔可以比D小學雞昆完當冇事,要諗辦法告到佢地甩褲呀!
.
.
.
話說我都比人昆過好多次... 但係因為年紀太細...報警又唔覺得幾好...次次比人昆左都當冇事...比人昆完嘅戈隻GAME我唔會挽番...

作者: 瞳。 時間: 11-10-11 11:13 AM

電話交易點數

先拿對方電話/固網電話仲好

通電後要同對佢講開始電話錄音再講  日期時間咩game 角色名交易數量...一定要保留單據

事先講明  收錢不給貨就一定報警.....(呢個唔係吹水..講得出就一定要報) 一係你就覺得..比人都係厄左幾十蚊算啦

當成功報警後  之後捉到班小朋友  1(警方會話對方要求和解比返個幾十/百蚊你算)(你可以直接要求對方電話要求通電親自和解自己要求幾多..當然自己要睇人地家境啦)

2(就當改良下現今既小朋友要比佢地知做事後會有代價就會對真正既社會有貢)

   大家希望~咁做

作者: coolchi 時間: 11-10-19 04:46 AM

我仲以為呢條木村係我以前盜我帳號既西人朋友tim~
原來西人有西人既共同改名興趣~

作者: coolchi 時間: 11-10-19 04:51 AM

我記得未拉
我之前見過佢洗龍珠

作者: 無仔送終? 時間: 11-10-19 10:31 AM

好明顯佢講個電話係佢既
咁姐係佢啦

比我就報驚
之後轉會一路打龍珠
一邊等電話話拉到佢

作者: ben1226 時間: 11-10-19 12:20 PM

好唔明點解唔報警，俾唔俾機會等警方拉左佢先算啦。
你整圖d時間，同佢理論d時間報，夠晒你報完警飲埋個tea喇。

而且我唔明你想佢公會會長點處理，踢佢出公會？
1，如果佢地係現實朋友就一定唔會
2，就算踢左，條友改完名又入返你都唔知啦，唔通以後唔收人？

作者: Gotentrunks 時間: 11-10-19 01:02 PM

其實我都幾憎呢d人
打機都要呃人,真係好不知所謂

作者: 小魔鬼Tony 時間: 11-10-19 06:24 PM

岩岩先睇到呢個post,我用現金銀行過戶收佢天使翼,ok架喎..我仲先錢,佢都無呃我,係咪樓主你認錯人呀？

歡迎光臨 2000FUN論壇 (https://www.2000fun.com/)