2000FUN論壇

標題: 小弟第一次上依個版._.因為真係諗唔到仲有咩地方發洩到情緒 [打印本頁]

作者: 帥鬼xd 時間: 11-10-29 09:34 AM 標題: 小弟第一次上依個版._.因為真係諗唔到仲有咩地方發洩到情緒

嗯;就話說係咁既.小弟就同一個女仔一齊2個幾月啦(如果未散下個月7號就3個月..嗯.) 我同佢係係GAME入面識當初只係網戀.後來發展到真係出黎拖手.真係拍拖.嗯嗯佢都見過我屋企人.我真係覺得自己搵到真愛可能小弟性格問題我個人好少既事都會好緊張對住自己鍾意既人更加唔洗講. 咁自信心都好低.成日向差果面諗同埋好痴身. 咁上星期佢要考試.咁我都面對緊見工既壓力因為咁我地就少左傾計.少左講野. 到左星期日..咁我就唔記得因咩事嘈..之後我講左句話佢成日唔陪我咁上下. 咁嘈左一輪到左夜晚sms 佢話不如分手.佢話我唔識去點體諒佢我都知我今次做錯左.可能我性格真係太痴身. 又緊張我驚失去佢.成日都講埋啲傷感情既野.應該係話我用錯左愛佢既方式到左今日星期6啦. 分手就黎一個星期.我都仲好掛住佢冇淡過有佢陪變左我既習慣我每日繼續朝早6點起身打電話比佢叫佢起身..每日佢照cut線.但係我冇放棄可能咁做好煩.但係我想比佢知道我仲緊張佢. 依幾日我都一直同其他人sms 打電話.但係都抵消唔到對佢既思念一路同其他人傾計.個心就一路諗住佢. 我地當初果陣好恩愛:( 點解會搞到咁既地步

作者: 草摩風 時間: 11-12-1 03:11 AM

你女友要考試,,要溫書架嘛..咁少左見面都好正常..
我覺得現階段最好就唔好逼佢同俾壓力佢,咁做會令佢更加討厭你!
最好俾少少時間對方冷靜下...之後再心平氣和咁溝通下

作者: 恨愛霸 時間: 11-12-1 09:35 PM

既然做錯左;有冇諗過挽救呢?用你既方法用你既努力追返佢@@

作者: 隨風.. 時間: 11-12-2 01:52 PM

緣盡啦施主 , 你都係2個幾月 , 我六年話玩完就玩完都係咁啦

作者: C鐸 時間: 11-12-30 04:33 PM

這感情....可以找回的....

作者: veralu 時間: 12-1-17 01:11 AM

兩個人一齊唔係你就距；就係距就你嘎啦~
如果距真係忙既你都無理由要距陪你嘎嘛..
有時太緊張太著緊反而會令距覺得辛苦

作者: nearkit 時間: 12-2-6 12:08 PM

樓主加油.......

作者: SLOVEM 時間: 12-3-23 12:40 PM

每日繼續朝早6點起身打電話比佢叫佢起身..每日佢照cut線-.-
睇到E句笑左-.-"無心SOR..慢慢會習慣..

作者: horace0105 時間: 13-4-5 09:00 PM

加油`` 另尋更好的!!
支持你

歡迎光臨 2000FUN論壇 (https://www.2000fun.com/)