2000FUN論壇

標題: 其實我係咪一早已經要放棄..? [打印本頁]

作者: ~海闊天空 時間: 11-11-28 09:39 PM 標題: 其實我係咪一早已經要放棄..?

本帖最後由 ~海闊天空於 11-11-28 09:56 PM 編輯

我上一次同鐘意既女仔表白失敗左, 佢話我地係朋友關係.
之後我再搵佢佢都冇咩點抗拒，但係我地唔同班，真係冇咩機會見面..
因為今年我地2個都要中學畢業，所以我準備第二次表白.

但正當我岩岩計劃好哂，就傳來佢剛剛拍拖既消息...
當時我完全絕望，一星期冇訓過，日日係屋企冇人既時候先可以喊...
我諗盡一切方法，嘗試去忘記佢，包括雙方以後見到面當唔識對方，但最後我都忍唔住搵番佢..

我上一次表白失敗之後，佢一見到我就會露出一個怕怕醜醜同尷尬既表情，然後扮見唔到我咁，但過左一排就變番平時咁.
自從我知佢拍拖之後，我都盡量唔俾自己去行佢有機會出現既地方，唔想一見佢又再傷心、痛心..
但係今日我係學校見到佢，當時我冇留意佢經過，我一抬起頭就見到佢望住我, 佢個表情就同我表白失敗之後佢露出既表情一模一樣，怕醜同尷尬既表情，只不過佢當時望實我，眼神並冇迴避...

其實點解佢仲要咁望住我? 我當時都冇察覺到佢..點解佢唔扮唔識我直接走左去?.. 我好肯定佢係當時望住我, 因為條路除左佢同佢旁邊既同學，就剩我一個..
可能只係我多餘既幻想，一個眼神並唔代表d咩.. 但我真係冇辦法抽身，我唔想放棄...因為佢對我好重要，佢改變左我好多...有時我甚至有衝動去搶佢番來，即使成功機會唔大..
我好想親口問+講清楚，可惜我試過打電話比佢, 每一次佢都好似唔敢出聲.. 我都敢唔再問佢e d問題..

可能我打得好長，我依家好亂可能打d野會一舊舊..不過都希望有人可以理下我...

作者: freedomfong1 時間: 11-12-3 07:24 PM

唔好做會令自已後悔的事情

作者: 乂死神 時間: 11-12-4 10:50 AM

搶人呢都要講求誠意好多野...
一步一步黎

作者: ＭＡＮＤＹ 時間: 11-12-4 08:11 PM

最緊要唔好心急

作者: 艾莉沙 時間: 11-12-12 02:24 AM

感情係要慢慢黎
一心急就會嚇走人架啦

作者: kk0908120699 時間: 11-12-12 10:52 AM

你年級都仲細,不過我覺得你咁都唔係你既錯,如果你認為值得為佢付出咁多,咁你就去做,不過我係信佢就算拍拖都係一陣時間姐,點都好人生係要經過磨練先會長大既

作者: 多路乄比 時間: 11-12-16 05:59 PM

唉，搞咩呢度一堆冇咩作用既意見架?
------------------------
首先，你第一次既表白之所以失敗，有一句可以解釋到—「你冇吸引到佢」。

簡單黎講就係你電佢唔到，佢對你冇feel。

點解呢?

你平時係點對佢呢?

對佢好好?
好到佢有咩就第一時間幫佢、佢想要咩都係第一時間比佢。

咁樣冇錯，你係一個好人，將來有機會做到個女仔既「朋友」。但抱歉說，被發了「好人卡」既男仔同個女仔係好難有進入既發展，而個女仔只會當你係「朋友」，低下d 什至係「工人」。

(由於唔知你之前對佢係點，所以唔多講。)

然後，佢拍左拖身等於d咩?

等於佢係已經完完全全唔可以同其他男仔傾計，唔可以同其他男仔玩?

我想你都知唔係啦。

我會勸你暫時放開她一下，先係其他女仔身上練習一下你的技巧，只係幽默、戲弄女仔等等，是需要透過練習才可以控制自如的，到你練成了，再以全新面目「挑戰」你中意既女仔，到時她根本已一段時間沒見你，再加上你既變化，她可能會重新評價你，你既機會就大大提高。

點解要戲弄女仔?

試想像下你係個好多人追既靚女，男仔們用盡方法討好你，你要他們做咩送咩，他們都會聽曬你話。

沒錯，一開始可能你會很享受，

但時間長左，你會覺得好悶，

因為他們就好似木偶，冇自我意識，咩都聽曬你話。

這時候，另一個男仔出現，佢根本不當你既美貌係咩。
佢我行我素，永遠不受你的支配，
在你以為他對你沒興趣的時候，他卻突然送你一點小禮物 ; 在你以為已征服他時，他卻毫不留情地戲弄、取笑你。
於是你平淡的生活被打亂了，你完全搞不清楚這男仔係度想咩，這是你有生以來第一次感到被挑戰！

有句說話好有道理:「女仔愈摸唔透你，就愈會愛上你。」
佢地根本無法自拔，就同我地比女仔吸引一樣。

咁宜家你有冇明d?

作者: 護髮 時間: 11-12-29 02:07 PM

不要心急慢慢來

作者: 鄰家男孩 時間: 12-1-2 04:07 AM

7樓高手 = =

作者: ☆可兒☆ 時間: 12-1-2 01:13 PM

本帖最後由 ☆可兒☆ 於 12-1-2 01:14 PM 編輯

我猜你應是第一次喜歡人呢~~~~
就不如當是[學習戀愛]或是[學習如何令人喜歡]吧~~!!

你說她為什麼不當你透明...
可有想過  對方的想法多是[如果當你透明,你會更難堪]  畢竟你們都是年紀小..沒有那種[假裝絕情]的能力或eq!

當是學習吧~!  [假如你想得通的話..同樣是需要eq] (如下)

請你誠意的走過去...跟她主動交朋友,還要是好朋友
(可以跟她說: 你已有男朋友..我不會再作他想..我還是想跟你交朋友)
[註:  道理跟有人問你借錢  你唔借對方唔再搵你  同樣的現實.  你會如何想
[其實eq高大方的男性也很有吸引力的]]

在跟她交朋友的過程中..你可聽她訴說一切喜與樂 . (我知這是一份痛苦..但同樣是一種eq歷練與學習)
這過程中.. 你可學到如何令一位女性產生喜與悲,
另一方面你會得悉她的喜惡....

你的幸運(她的不幸)  可能她會選擇你..
即使你繼續不幸  得不到她的垂青.... 你仍能學習....等待一位愛你的女性出現
或是假以時日  你會發現她的缺點或是你對她的感覺淡了
繼而離去..........

再會...

作者: 浮雲x 時間: 12-1-3 07:06 PM

放棄啦..你選擇佢唔代表佢要選擇你

作者: lovetomas520 時間: 12-1-17 06:01 PM

放棄,就應該既...
個女仔都咁對你la
愛情係2個人既..個人既付出會令人好生苦
希望你可以認真唸下

歡迎光臨 2000FUN論壇 (https://www.2000fun.com/)