2000FUN論壇

標題: 點解d人咁鐘意玩熊呢? [打印本頁]

作者: 緋櫻靜 時間: 11-12-26 06:39 PM 標題: 點解d人咁鐘意玩熊呢?

本帖最後由緋櫻靜於 11-12-26 06:39 PM 編輯

我真係火滾

10隻熊9隻都係廢既,淨番一隻勁既係對面

根本熊呢隻英就係廢英,唔好同我講咩玩家實力問題,數值上係垃圾就係垃圾

隻隻熊都鐘意單機,gank又gank唔到,會戰又唔知做乜野

點解仲有咁多人鐘意玩呢?

真係唔明

(唔好有人白痴到問我邊隻係熊下)

作者: 幻想~軒 時間: 11-12-26 07:21 PM

本帖最後由幻想~軒於 11-12-26 07:23 PM 編輯

我唔覺得呢隻英廢
對一隻坦黎講,佢2技既輸出已經可以話係op
數值上我唔知點樣先為之垃圾
隻英又拋又慢,gank唔到係人既問題唔係英既問題
場場都遇到廢人玩熊就只可以怪你唔好彩
加上今次熊免費用,大把人會試英,遲d應該會小好多

作者: policet007 時間: 11-12-26 07:53 PM

樓上講得岩
我都係熊的FANS
用熊玩5場羸4場的(積分)
我覺得好好用 RANK的問題-0-我2LV都殺到人
團戰更加GOOD 問大尻打分散攻擊

作者: 我係人你唔係 時間: 11-12-26 08:16 PM

真係玩家問題囉識玩真係可以好勁嫁

作者: 魔王月光 時間: 11-12-26 08:19 PM

本帖最後由魔王月光於 11-12-26 08:20 PM 編輯

點解咁多人玩同隻英勁唔勁係兩個問題

多人玩=因為今個星期免費英之一

可能個個想玩下熊

就好多新手熊的- -

作者: 緋櫻靜 時間: 11-12-26 08:53 PM

回復幻想~軒的帖子

有冇試過去到中期

我連jungle既果隻大狼,都打得慢過人

d攻低到我想死

作者: ggxmen 時間: 11-12-26 09:14 PM

隻英其實唔廢只係谷血都痛到媽媽聲
可能free week既關係加上出左唔係好耐所以多人試玩

作者: 小洋少 時間: 11-12-26 09:18 PM

被動技op。其他技就真係麻麻

佢d技=小型singed- -

作者: 幻想~軒 時間: 11-12-26 09:34 PM

魔王月光發表於 11-12-26 08:19 PM
點解咁多人玩同隻英勁唔勁係兩個問題

多人玩=因為今個星期免費英之一

你可以用技打既姐...

作者: Ｃ拉 時間: 11-12-27 12:27 AM

我玩熊都係打開單上
暫時只有打遠程既會難打
其他既CHAMPION都好易壓
熊清兵慢我覺得係好事
一來我壓人可以令人吸唔到EXP
二來我尾刀同埋清兵慢,未清完堆兵又黎新一堆
唔係控制果個問題我真係唔知仲有咩問題

另外多數我都玩到後期
好坦得
差唔多5000血
有290AD左右
完全唔覺得細力

作者: 櫻花失影 時間: 11-12-27 12:53 AM

上路可壓死90%既英雄
後期無咩力
前中期單殺團戰都好勁
睇下你出咩裝咖姐

作者: 霖@o@ 時間: 11-12-27 12:58 AM

我有諗過買唔買依隻英@_@
不過樓主...其實唔可以怪英雄..
樓上唔知幾樓佢講得,係因為今期free先多人用姐~

作者: 緋櫻靜 時間: 11-12-27 02:08 AM

回復櫻花失影的帖子

佢唔係比90%英雄壓死咩?

作者: 辣椒王 時間: 11-12-27 10:04 AM

我覺得隻英需要buff 依家隻英只會出現normal for fun

作者: 櫻花失影 時間: 11-12-27 11:49 AM

回復緋櫻靜的帖子

我自己玩禁多次都係比Garen同埋雙路壓死
不過佢比人壓住既話真係好難打好易死
肥唔起就更加無用

作者: chiu0255 時間: 11-12-27 02:46 PM

熊OP到爆-.-...
Q技你打幾下再W技就KO

作者: 那些年 時間: 11-12-27 03:04 PM

呢隻Gank能力都OK呀

作者: LiveEvil 時間: 11-12-27 05:40 PM

本帖最後由 LiveEvil 於 11-12-27 05:40 PM 編輯

隻野都唔岩將狗...無招技係食AD...前期清得慢單上谷血好過啦 :O)

作者: ssas2008a 時間: 11-12-27 06:47 PM

我覺得樓主太單方面
可能你未見過勁既熊啦@@
佢招2技真係好易first blood
前期可以煩人後期可以做坦
係一隻好好既英:D

作者: hohoktp 時間: 11-12-27 07:20 PM

我在寫一篇他的攻略當然也有個人影片玩出一隻6500血的熊到時支持一下吧。

作者: 緋櫻靜 時間: 11-12-27 08:21 PM

回復 hohoktp 的帖子

好的好的...

但我所見過厲害的熊都是基於他隊友厲害...

所以我覺得這是一隻廢英

作者: hohoktp 時間: 11-12-27 08:29 PM

本帖最後由 hohoktp 於 11-12-27 08:37 PM 編輯

回復緋櫻靜的帖子

已出了是我CARRY了隊友看看吧希望你會改觀
試過對線悟空 / 夜魔 / YI 都嬴了只是對中路很肥的吸血比較吃力。

作者: 白雲天使 時間: 11-12-31 03:15 PM

回復緋櫻靜的帖子

雖然我不太識玩,不過我覺得熊真係一隻好得意既担

作者: OHOHYA 時間: 11-12-31 07:59 PM

真係差D想問你係邊隻熊
多數免費用GE英個排一定成日見

作者: Reimumoe 時間: 11-12-31 09:24 PM

我覺得LOL無一隻係廢英
只不過係有啲稍為強/弱勢既英雄
但距離唔遠

(強) - - (中等) - - (弱)
65% 50% 40%

作者: biuce123 時間: 11-12-31 09:36 PM

熊系咩來

作者: dickielam16 時間: 12-1-1 05:54 PM

5係好多人玩佢姐....
打左成個星期都冇見到有人用佢

作者: 天魔轉生 時間: 12-1-1 06:06 PM

本帖最後由天魔轉生於 12-1-1 06:07 PM 編輯

點解覺得佢廢呢?
1技已經可以幫人又可以幫到自己.
2技根本就傻既打3野加攻速仲要
3技可以慢人俾你快速上3野出2技
大技更加係勁又係3野之後 2技攻速加成左先見到效果

坦本來就吾需要太個華麗夠耐力就好用九尾果d英黎比比什麼呢?
硬要說他跟龍女之間既分別龍女就比較直接囉而熊就比較慢慢黎

作者: 擊劍@雷系 時間: 12-1-1 07:18 PM

熊係隻坦, 5可以用dps ge 角度評論. 以一隻坦黎講, 熊有誤錯ge CC, 個passive 無ignite 難殺到死, 招w 坦黎講算超高攻. R 又有aoe damage.

作者: 夜月ArIes 時間: 12-1-1 08:57 PM

熊算係Tank.. 只不過輸出都算高咁解-_-

Jungle同Solotop都不成問題除非top 1打2

否則應該farm到+壓到佢加移速果招其實好好gank

差在玩家識唔識用 W技又高傷...

一句到尾操控者問題

作者: k5123648 時間: 12-1-1 11:44 PM

不如我同樓主玩返場好唔好

,我就用隻熊同你玩

作者: k5123648 時間: 12-1-2 02:26 PM

樓主自己唔識玩熊就話隻熊廢,真係好笑

作者: angellucifer 時間: 12-1-2 03:34 PM

腿太短...

要抓人只有四秒加速
配上鬼步除非對面都不用技能
不然抓人比抓鬼還難

作者: 緋櫻靜 時間: 12-1-2 07:03 PM

本帖最後由緋櫻靜於 12-1-2 07:04 PM 編輯

回復 k5123648 的帖子

你要打咪打囉

不過日日都有你呢d咁既人又真係幾忙下...

作者: kuso鬼塚 時間: 12-1-2 11:25 PM

老實講一黎就話隻英廢,我都笑左~

我之前睇過你LOL 果D個人信息啦~

講到自己幾勁~ 又話咩唔洗懷疑我好勁之類既野~

但一睇到你RANK D分~ 886啦~咁都叫勁?唔怪得你話熊廢

作者: 緋櫻靜 時間: 12-1-2 11:39 PM

本帖最後由緋櫻靜於 12-1-2 11:45 PM 編輯

回復 kuso鬼塚的帖子

rank分等於一切?

如果你淨係識睇rank既分數

你也不過如此

不過話時話,某人有口話人無口話自己

作者: 卍淚葬卍 時間: 12-1-3 12:11 AM

緋櫻靜發表於 12-1-2 11:39 PM
回復 kuso鬼塚的帖子

rank分等於一切?

咁又伍可以睇得咁單方面既~.~
熊依隻英的確要好睇玩家出裝同玩法,
如果真系咁多場預到隻熊淞的話,
只可講,樓主你伍好彩~
只問覺得熊依隻野一啲都伍廢~

作者: kuso鬼塚 時間: 12-1-3 10:13 AM

緋櫻靜發表於 12-1-2 11:39 PM
回復 kuso鬼塚的帖子

rank分等於一切?

學你姐~一入黎就話隻熊廢^^

作者: 緋櫻靜 時間: 12-1-3 05:52 PM

回復 kuso鬼塚的帖子

我話熊廢係我地觀點

你唔同意都無需去否定我既想法

你無理由強逼人地接受你果套架

我話熊廢有人話勁我都唔會話佢亂up架

根本個個人既感覺同觀點都唔同

係你咁得閒來搞事姐

作者: 緋櫻靜 時間: 12-1-3 05:54 PM

回復天魔轉生的帖子

有時有d野...

唔慢得架嗎^v^"....

正好似gank咁,慢慢行過去人地都走嚕....

作者: 幻想~軒 時間: 12-1-3 06:09 PM

angellucifer 發表於 12-1-2 03:34 PM
腿太短...
要抓人只有四秒加速
配上鬼步除非對面都不用技能

點解我多數都追到?
加埋鬼步成5百幾速,除非差得太遠,如果唔係都幾易追

作者: 猩猩大隻佬 時間: 12-1-3 07:47 PM

出5個好戰者加爆野 2技好爽嫁...

作者: alec12345 時間: 12-1-5 08:47 PM

負皮是我給的...LOL冇一隻英係完全垃圾,邊隻都可以玩得好勁,識唔識玩係另一個問題,隻熊本身招PASSIVE已經O撚P,仲要有大把控技,但係樓主你場場都遇到廢人玩熊就只可以怪你唔好彩...

作者: alec12345 時間: 12-1-5 08:48 PM

回復白雲天使的帖子

點解咁都可以輸既...

作者: kuso鬼塚 時間: 12-1-5 10:22 PM

10隻熊9隻都係廢既,淨番一隻勁既係對面 <---我諗你一定係其中一位~ (廢果面)

作者: 緋櫻靜 時間: 12-1-5 10:49 PM

回復 kuso鬼塚的帖子

sor我唔玩熊的^v^

白痴有個限度丫大哥

作者: tonyccc 時間: 12-1-11 05:55 PM

本帖最後由 tonyccc 於 12-1-11 06:02 PM 編輯

回復緋櫻靜的帖子

其實，我本人以及正常人都會很認同 "我話X廢係我地觀點，你唔同意都無需去否定我既想法，你無理由強逼人地接受你果套架"，因為這番說法可以通用於任何一種比人質疑既情況。

例︰
有個人殺左人，之後上法庭佢同法官講  "你唔同意都無需去否定我既想法，你無理由強逼人地接受你果套架"
然後法官無聲出，係判詞入面加句，"我增加犯人多十年刑罰，是因為你唔同意都無需去否定我既想法，你無理由強逼人地接受你果套架""

老兄，你會唔會咁搞笑呀= =??
你唔覺得你咁講野好廢??
你咁講雖然大義凜凜，但係於香港，備受教育，講野要理據好不好??
你被人閙就是活該，盛氣凌"熊"就更白痴......

再看老兄你講野有冇理據︰

原文︰根本熊呢隻英就係廢英,唔好同我講咩玩家實力問題,數值上係垃圾就係垃圾
意見︰首先，數值上係垃圾未指出理由，比人質疑時就詭辯  "你唔同意都無需去否定我既想法，你無理由強逼人地接受你果套架"，於理不合，於情不憐。

原文︰點解仲有咁多人鐘意玩呢?  真係唔明
意見︰正所謂"你唔同意都無需去否定我既想法，你無理由強逼人地接受你果套架"，己所不欲，就勿施於人，前後不一，矛盾相戰，把人看笑。

原文︰我話熊廢，有人話勁，我都唔會話佢亂up架
意見︰樓主說  「佢唔係比90%英雄壓死咩?」，正在回應「櫻花失影」的「上路可壓死90%既英雄，後期無咩力前，中期單殺團戰都好勁」。加上「?」作一句之尾，在語法運用上表示質疑、駁斥，意即暗示櫻花失影之說辭錯誤，亦可理解為「亂up」之意。顯示樓主又一前後不一之態，可見一斑。

原文︰rank分等於一切?如果你淨係識睇rank既分數，你也不過如此。
意見︰樓主正回應「kuso鬼塚」的「但一睇到你RANK D分~ 886啦~咁都叫勁?唔怪得你話熊廢」。其實樓主正正犯了「稻草人謬誤」，意即kuso鬼塚根本沒說過「rank分等於一切」，又或者暗示前者一說，但卻樓主針對「rank分等於一切」作回應，可見樓主並未理解鬼塚之意，對空氣放炮，過癮十分??再者，鬼塚只是以一項準則對樓主加以評價，在論證上言之有物，合情合理，准論說不嚴而已。但你卻因此一口咬定鬼塚是「淨係識睇rank既分數」，則是武斷。

原文︰不過話時話,某人有口話人無口話自己
意見︰算啦，講到悶。大家心照

總言而之，樓主你是沒有資格講
「我話熊廢係我地觀點，你唔同意都無需去否定我既想法，你無理由強逼人地接受你果套架，...根本個個人既感覺同觀點都唔同，...」之類的說話，因為你講野就是未經腦袋處理思考，被人圍插是無可厚非。

但樓主請勿插，因為「我話熊廢係我地觀點，你唔同意都無需去否定我既想法，你無理由強逼人地接受你果套架，...根本個個人既感覺同觀點都唔同，...」

P.S.  本人之acc是兩人共用，有時另一位使用者會在壇中留下與樓主一樣白痴的東西，請各位見諒。

作者: 緋櫻靜 時間: 12-1-11 09:11 PM

回復 tonyccc 的帖子

首先,我睇到去法官果度就無睇落去

因為我覺得你係回文的前段已經寫左一D咁白痴既野,後面都唔方好得去邊

回應下你既白痴法官吧

你無寫你口中既果位犯人係講果句"你唔同意都無需去否定我既想法，你無理由強逼人地接受你果套架"前後有冇講野,我姑且當無,跟住你又無寫你口中果位法官係講果句"我增加犯人多十年刑罰，是因為你唔同意都無需去否定我既想法，你無理由強逼人地接受你果套架"前後有冇講野,我又姑且當無

重點來了,當犯人講"你唔同意都無需去否定我既想法，你無理由強逼人地接受你果套架"之後,正常既法官都唔會無聲出,如果法官一開始已經發現犯人無悔意,就會講番犯人做過d乜野然後問認唔認罪,點會無聲出呢?然而如果法官以"因為你唔同意都無需去否定我既想法，你無理由強逼人地接受你果套架"而去加重果個人既刑罰,咁呢個法官好有問題,香港係一個法治社會,所有野都係依法律進行,包括加刑,如果果個法官用呢個以個人觀點作理由而加刑,你覺得會成功咩?

所以話,單睇你呢位咁既戇鳩法官,後面果d已經無睇既價值

不過相信你又會話我因為唔識回應後面果D言論而扮無睇過

由你囉

作者: tonyccc 時間: 12-1-11 10:23 PM

回復緋櫻靜的帖子

睇黎老兄學到野，個法官就係指緊你呀樓主^_^
連你都覺得自己白痴呢??

不過開始用下腦已經值得讚~~

作者: 緋櫻靜 時間: 12-1-11 10:31 PM

回復 tonyccc 的帖子

理據呢?

你唔係滿口垃圾理據咩?

e+發覺自己作出來既白痴法官白痴左就賴我?

真可愛

作者: tonyccc 時間: 12-1-11 11:18 PM

本帖最後由 tonyccc 於 12-1-12 11:53 AM 編輯

回復緋櫻靜的帖子

第一，整到個犯人咁可笑，係因為你一開post就白痴，故用白痴犯人演出你的內涵。
第二，整到個法官咁可笑，係因為你之後既回覆同樣白痴，故用白痴法官演出你的內涵。
以上兩點理據已盡錄最先的文章

不過，根據回覆，可見樓主又開始退化，因為樓主未能理解文意，又或者不可能理解，故又一再演出「白痴法官」一角，本人心感悲痛。

未知樓主可否先看看全文，加以理解文中大意，再加以用腦筋思考呢?
出言粗鄙，又據不及言，豈不是遺笑大方?
斷章取意，領不及要旨，還出口理直氣壯，錯誤成篇，樓主實天下第一人也!

樓主詭辯成篇，又未能直接回應本人之觀點，誰是誰非，已一眼觀破。
口出狂言，言執虛空之詞，轉移焦點，混淆視聽，實小人之作為。

言盡於此，樓主再有指教，可以email box我。
樓主無謂在此丟人現眼。
有所謂︰貴人事忙^_^

作者: 緋櫻靜 時間: 12-1-11 11:53 PM

本帖最後由緋櫻靜於 12-1-11 11:56 PM 編輯

回復 tonyccc 的帖子

嗯哼

例=演出?乜都你講既?厲害

理解文意?我理解呀,廢文一篇^v^

看全文?你篇文有邊樣值得我睇曬佢呢?

出言粗鄙?你又活該又白痴唔知邊個出言粗鄙先呢?

斷章取意?我認呀~因為我睇左少少已經覺得唔值得再曬時間睇落去=]

詭辯成篇?我提出你舉既例子很白痴你就順水推舟咁賴落我度,邊個詭辯呀?

口出狂言，言執虛空之詞，轉移焦點，混淆視聽?你何嘗不是口出狂言，言執虛空之詞，轉移焦點，混淆視聽呢?

其實有邊個白痴會覺得自己白痴呀?我知你又一定會想用句來反擊我

你繼續係度"很有道理"吧

不過算啦,抄下你:貴人事忙^_^

作者: LiveEvil 時間: 12-1-12 12:56 AM

wa LF2

作者: tonyccc 時間: 12-1-12 11:50 AM

本帖最後由 tonyccc 於 12-1-12 11:58 AM 編輯

回復緋櫻靜的帖子

例=演出?乜都你講既?厲害

原文︰發表於 11-12-26 06:39 PM，樓1，根本熊呢隻英就係廢英,唔好同我講咩玩家實力問題,數值上係垃圾就係垃圾
意見︰例=廢英?也都你講既?厲害

理解文意?我理解呀,廢文一篇^v^

原文︰發表於 12-1-2 11:39 PM，樓34，rank分等於一切?如果你淨係識睇rank既分數你也不過如此
意見︰理解文意?我理解呀，廢人一個^v^

看全文?你篇文有邊樣值得我睇曬佢呢?

原文︰標題︰淺談開戰觀念，發表於 11-12-18 01:05 AM，樓1，如果大家有乜野意見or唔同意的話可以提出來
意見︰提意見? 未睇就話冇價值睇，以前的文就口口聲聲話唔同意可以提出，前後不一，不是偽君子真小人之矛盾蹩足之為?

原文︰標題︰淺談開戰觀念，發表於 11-12-18 01:05 AM，樓1，大家一齊討論(絕不接受咀炮=])
意見︰己所不欲，勿施於熊。

出言粗鄙?你又活該又白痴唔知邊個出言粗鄙先呢?

原文︰發表於 11-12-26 06:39 PM，樓1，(唔好有人白痴到問我邊隻係熊下)
意見︰出言粗鄙?你先白痴，自不認，不是小人嗎? 你不尊重熊，又不尊重不知你講的熊的人，又不尊重整熊出黎的作家，用白痴罵你，我已經太過尊重你了。

斷章取意?我認呀~因為我睇左少少已經覺得唔值得再曬時間睇落去=]

原文︰標題︰淺談開戰觀念，發表於 11-12-18 01:05 AM，樓1，如果大家有乜野意見or唔同意的話可以提出來
意見︰這樣是一個勁人出攻略的心態?不接受他人批評的人，出來的攻略會有多強?
給新手意見︰請多去LOL英雄中文網，內含多元攻略，推薦新手多看地國意識那一部份。

詭辯成篇?我提出你舉既例子很白痴你就順水推舟咁賴落我度,邊個詭辯呀?

原文︰發表於昨天 10:31 PM，樓50，理據呢?你唔係滿口垃圾理據咩?e+發覺自己作出來既白痴法官白痴左就賴我?真可愛
意見︰四字，斷章取意。敝樓主不明白就不明白，就以為貴人是順水推舟，可悲也。e+敝樓主一點斑由都沒有就說貴人是順水推舟，邊個詭辯呀? 真可愛

口出狂言，言執虛空之詞，轉移焦點，混淆視聽?你何嘗不是口出狂言，言執虛空之詞，轉移焦點，混淆視聽呢?

原文︰發表於昨天 09:11 PM，樓48，因為我覺得你係回文的前段已經寫左一D咁白痴既野,後面都唔方好得去邊，回應下你既白痴法官吧。
意見︰未直接回應貴人前5點所指出，用以上理由回避，轉移焦點，邊個詭辯呀? 出言相惡在先，轉移視線在後，你何嘗不是口出狂言?

其實有邊個白痴會覺得自己白痴呀?我知你又一定會想用句來反擊我
意見︰我不一定會用這句反駁你，因為「其實有邊個白痴會覺得自己白痴」，心照不宣啦。

總合以上，從發表於昨天 11:53 PM，樓52，全文……敝樓主依然未有直接回應貴人之5項對敝樓主之指責，嘗試混淆視聽，以力保在新手中的名聲，實趨炎附利之徒，真小人之作為。
深一步分析，敝樓主的回應方式可分為以下兩大類。

第一，反問反駁句。

例︰口出狂言，言執虛空之詞，轉移焦點，混淆視聽?你何嘗不是口出狂言，言執虛空之詞，轉移焦點，混淆視聽呢?
釋︰「論點」，因為「何嘗不是論點」?
設一例︰口出狂言，因為你何嘗不是口出狂言呢?

舉一例︰發表於昨天 11:53 PM，原文︰看全文?你篇文有邊樣值得我睇曬佢呢?
釋︰你的全文很廢，因為你的全文不是很廢嗎??

解決方式︰言之有物即可，避免誤闖真小人之禁區，以防功力不足，思維被污染。

第二，觀點加強於人，又即觀點強姦。

例︰詭辯成篇?我提出你舉既例子很白痴你就順水推舟咁賴落我度,邊個詭辯呀?
釋︰未有理據，一味以為自己是對的，一廂情願覺得事情就是這樣。

舉一例︰根本熊呢隻英就係廢英,唔好同我講咩玩家實力問題,數值上係垃圾就係垃圾
釋︰有玩家不是玩得很強的嗎? 觀點強姦也。

解決方法︰引敝樓主一名言「我話熊廢係我地觀點，你唔同意都無需去否定我既想法，你無理由強逼人地接受你果套架，...根本個個人既感覺同觀點都唔同，...」

回應以下︰

原文︰笑,你覺得我既思維方式你接受唔到仲抄,呵.......下面果d,唔洗我講啦?
意見︰貴人所指的思維方式是指，反問反駁句式之可笑。但未有說過你的思維方式不可接受，只不過想向世人告示樓主之思考宛如單細胞生物一樣簡單。再者，接受不到並不代表不可以用。概念混淆，唯心觀，可見一斑。

真的是最後︰

由於敝樓主的腦部進步能力太低，在此爭辯實毫無意思。
貴人只可以希望讓敝樓主有一下台階，如果敝樓主一日不直接回應貴人之5觀點，貴人不會在此post回應的了，因為敝樓主已盡小人之技，混淆新手視聽之極。

新手有任何技術的問題，可歡迎向我提出問題，亦歡迎前往lol.uuu9.com，以獲更好更精的攻略。

作者: 緋櫻靜 時間: 12-1-12 12:39 PM

本帖最後由緋櫻靜於 12-1-12 12:40 PM 編輯

回復 tonyccc 的帖子

你唔係貴人事忙咩?

我今次連你篇文既一隻字都無睇到

因為我都貴人事忙^v^

作者: anson-leung 時間: 12-1-12 12:45 PM

熊真係太廢, 要BUFF 下

作者: 泥月翏 時間: 12-1-12 12:59 PM

咁岩你唔好彩遇到廢姐-.-

作者: 幻想~軒 時間: 12-1-12 01:28 PM

大家咁認真討論....
其實都係各有各意見姐
我都會覺得炮妹好廢,但係可能又會有人覺得好勁

作者: ~冰冰糖★瑩~ 時間: 12-1-12 01:38 PM

收皮啦一開波就話呢隻英果隻英廢
跟本就係低能仔既說法
未親身用過未去試過就話唔得
你呢d碌撚咪臭係果d 未見工就知份工唔請你
完全無自信心

作者: 緋櫻靜 時間: 12-1-12 01:57 PM

本帖最後由緋櫻靜於 12-1-12 02:04 PM 編輯

回復 ~冰冰糖★瑩~ 的帖子

今日食左藥未呀?

你又知我未玩過?

你又知我連工都未見就唔請我?

仲有,唔通你碌撚係香既?

真係智障無極限

小學咁快放年假咩?

歡迎光臨 2000FUN論壇 (https://www.2000fun.com/)