2000FUN論壇

標題: 我想問akb48係日本同香港o既人氣問題 [打印本頁]

作者: aaaed123 時間: 12-1-10 10:14 PM 標題: 我想問akb48係日本同香港o既人氣問題

我平時有影開有關akb48 o既報紙放上fb,有次影左akb48細碟總銷量破morning娘,之後有個fd話K-ON專輯全日本銷量連續兩星期第1仲話串我問我怕未,跟住我話我睇開Oricon,akb48係2011年Oricon年度專輯第3,嵐係第1同2,唔知有冇睇錯果d,仲講埋三次元同二次元好難相比,諗住大家好似交留咁,之後佢好串咁講講下講到二次元,之後有兩個fd好串咁話初音好勁,有個仲話比起初音,AKB行開啦(唔知佢係唔係講笑)佢講左句野雖然個心好嬲,但認真諗下其實係akb紅d定初音紅d呢?有冇佢地講到人氣差咁遠呢?好少留意動漫o既野,雖然我講過三次元同二次元好難相比,但係如果要比,我想係到問下大家客觀咁睇邊個係香港同日本紅d同有咩數據可以咁講,我唔係想同個fd講d咩,同我都知初音係日本同香港好紅,但我只係想自己知下係唔係差好遠

作者: Alextojun 時間: 12-1-10 10:17 PM

下
AKB獨佔2011年Oricon單曲年榜頭5位
張張單曲都破百萬
連唱片大獎都拎埋
專輯年榜都第2位啦
初音 K-ON邊有百萬？
根本就天與地

作者: aaaed123 時間: 12-1-10 10:38 PM

佢地講到初音 K-ON好勁,同我講初音係日本當紅的虛擬歌手,之後講左句粗口比我,最憎係果句比起初音,AKB行開啦,聽到e句我覺得佢地人氣咁勁嫁咩???所以想係到問下大家

作者: Alextojun 時間: 12-1-10 10:44 PM

aaaed123 發表於 12-1-10 10:38 PM
佢地講到初音 K-ON好勁,同我講初音係日本當紅的虛擬歌手,之後講左句粗口比我,最憎係果句比起初音,AKB行開啦 ...

你同佢講初音拎到唱片大賞先出聲啦

作者: 希文一族 時間: 12-1-10 10:49 PM

回復 Alextojun 的帖子

咁二次元同三次元真係好難比既
二次元基本上係冇可能...

不過ching算啦由佢地點講
只要你自己心知就夠啦我都好明白點解你會咁嬲既

作者: aaaed123 時間: 12-1-10 10:58 PM

我係fb都好聲好氣,佢地句句都有骨,講明二次元同三次元好難比,有個fd仲要話‎2次元都勁過你,你算啦,睇完之後哇,都唔知咩事,比個台大家落仲要講e句,我就講‎2011年Oricon專輯只係差過嵐,咁又點會廢過K-ON

作者: MC樂 時間: 12-1-10 11:01 PM

本帖最後由 MC樂於 12-1-10 11:02 PM 編輯

比呢條片佢睇
乜都唔洗講

http://v.youku.com/v_show/id_XMzM1ODQ5OTky.html

作者: pcfgogo 時間: 12-1-10 11:05 PM

緊係AKB48勁D啦
2次元....一D興趣都冇.~~

作者: aaaed123 時間: 12-1-10 11:10 PM

如果唔計單曲方面,如果係人氣方面,例如演唱會果d/有活動果d,有akb48演唱會同初音演唱會,邊面d飛會貴d/快d冇曬?活動邊個會長龍d?姐係支持o既佢地人數邊面會多d?雖然我知二次元同三次元好難比,但係如果要比咁會點?

作者: kyochan200 時間: 12-1-10 11:10 PM

Alextojun 發表於 12-1-10 10:44 PM
你同佢講初音拎到唱片大賞先出聲啦

非常同意!!!!!

叫個條友仔睇下金スマ新春2小時SP啦...AKB努力左6年...一句就叫人走開??!!

我唔信所有鍾意初音,K-ON既人,都唔鍾意AKB囉.....

作者: aaaed123 時間: 12-1-10 11:15 PM

2次元我都冇興趣,但係我又唔知興趣d野賣到點,我又唔中意同人鬥,但係比佢地講到akb48好差,所以想問下人氣方面會點,廢事比人話番轉頭,比人講到akb48咁差雖然好火,但係我都要冷靜咁同佢地講番akb唔係咁差,同希望佢地尊重番akb48

作者: alan0804 時間: 12-1-10 11:55 PM

2011既日本樂壇,就算係exile同arashi呢2隊天團都比akb食住晒
更何況只係二次元既野呢...邊面紅d心照啦你同你個fd講..
不過如果係香港就大把野紅過akb了..

作者: 小添 時間: 12-1-11 12:02 AM

只能說係你朋友人品問題.. 我都唔鐘意佢講野既語氣!
雖然兩樣野都係唔同次元.. 但邊樣係日本出名d. 我諗樓主都心中有數
無謂同佢地繼續爭論落去我本身都鐘意初音 k-on 之後就鐘意埋akb 兩樣野係可以共存

作者: 拉‧魯‧古魯謝 時間: 12-1-11 12:15 AM

單睇標題:
日本->高高在上的國民偶像
香港->受盡歧視的宅男偶像
18個字夠哂了

作者: genkigenie 時間: 12-1-11 12:34 AM

本帖最後由 genkigenie 於 12-1-11 12:35 AM 編輯

初音的演唱會投入同收入
AKB都係無得比

不過實質賺到幾多就難講
他們的開辦成本就已經係天文數字...

不過唔講本體各種銷量呢D細微野

AKB今年為日本政府帶來的總經濟效益可是超過一千億日圓...
連很多大企也做不到...

作者: aaaed123 時間: 12-1-11 09:01 AM

我都好憎我fd o既語氣,無lala係到講到二次元好勁之後就踩akb48,其實兩樣野都可以共存,但係都要踩akb48,不過我都只會同佢講番我唔認同akb48會好似佢地講到咁差

作者: killer523 時間: 12-1-11 09:18 AM

K-on 同初音只能一時....佢哋總銷量未及akb一半，有可能佢哋嘅fans都係akb fans ，所以只不過大家口味不同，唔需要同佢哋爭論，時間證明一切

作者: 喜愛吐糟@0@ 時間: 12-1-11 09:45 AM

回復拉‧魯‧古魯謝的帖子

認同你+1

作者: aaaed123 時間: 12-1-11 10:31 AM

我都好認同你地,但係搵黎搵去都唔知初音出過d cd銷量係幾多

作者: s2991012 時間: 12-1-11 10:33 AM

其實akb係香港真係冇咩人氣
而且仲要俾人標籤做毒撚偶像
成日係報紙見到好多負面新聞
講真我都幾唔開心下

作者: s2991012 時間: 12-1-11 10:52 AM

本帖最後由 s2991012 於 12-1-11 11:01 AM 編輯

1月19日『EXIT TUNES PRESENTS Vocalonexus feat.初音ミク』一星期賣出3萬1千隻
至6月20日賣出75,148

作者: aaaed123 時間: 12-1-11 10:59 AM

負面新聞好多但唔係太離譜我都會見怪不怪,因為報紙唔作下野就會冇人睇,我覺得自己心知就冇咩野,好似好多人都明akb48幾努力咁,心知就得,同埋果幾個fd講到初音好勁咁,睇下係唔係真係勁到咁姐

作者: ch_lycab 時間: 12-1-11 11:01 AM

二次元同三次元比?
舉個幾不文既例子

你係男人
你會想摸女朋友個真胸定想摸矽膠袋呢?

作者: 乂霸乂 時間: 12-1-11 11:02 AM

本帖最後由乂霸乂於 12-1-11 01:16 PM 編輯

上次我都係同fd講依個問題

佢又話cd點咩呀係歐美國家開過演唱會呀等
都廢時同佢嘈

作者: aaaed123 時間: 12-1-11 11:03 AM

我未有女朋友,果種心情我理解唔到

仲有初音果隻係唔係大碟黎?一星期賣3萬1千隻-.-

作者: aaaed123 時間: 12-1-11 11:15 AM

乂霸乂發表於 12-1-11 11:02 AM
上次我都係同fd講依個問題
佢又話初日cd咩呀係歐美國家開過演唱會呀等
都廢時同佢嘈

我同你一樣,fd都係二次元fans,但我fd又想同人講自己果d幾勁,又要踩人地中意o既野黎特出自己果d幾咁勁,仲有講d野太過份,所以我要澄清我地akb人氣係唔會差過初音

作者: s2991012 時間: 12-1-11 11:16 AM

可以咁講周間3萬1千已經唔錯
no3b大碟周間都只係5萬左右
只係我地既akb爆炸力強
3rd album周間60萬

作者: s2991012 時間: 12-1-11 11:25 AM

其實我原本都係2次元fans
遇到akb我先會變成2次元同3次玩fans
所以我對初音都有一定認識
如果講香港,akb同初音係香港人氣差唔多,甚至初音可能會多d添
但如果係講日本,初音同akb既人氣係冇得比,akb贏九條街

作者: aaaed123 時間: 12-1-11 11:35 AM

其實人氣高唔高唔係一個問題,只係想同d fd講尊重番akb,其實冇諗過要鬥d咩,大家中意自己o既野唔好搞到大家咪得,但係d fd係都要踩akb黎特出自己中意o既初音,搞到要同佢地澄清,好煩

作者: Alextojun 時間: 12-1-11 11:57 AM

aaaed123 發表於 12-1-11 11:35 AM
其實人氣高唔高唔係一個問題,只係想同d fd講尊重番akb,其實冇諗過要鬥d咩,大家中意自己o既野唔好搞到大家咪 ...

大把d咁既人啦
講一次唔聽既都無謂哂時間再講啦

作者: aaaed123 時間: 12-1-11 12:03 PM

所以我都冇理佢地,個心知道算

作者: xd我是靚仔 時間: 12-1-11 12:51 PM

你同佢講有冇見過初音上勁歌金曲阿?

其實如果可以咁比咁男人都可以參加香港小姐喇

作者: LoVeLeSS、_羽 時間: 12-1-11 12:55 PM

aaaed123 發表於 12-1-10 10:38 PM
佢地講到初音 K-ON好勁,同我講初音係日本當紅的虛擬歌手,之後講左句粗口比我,最憎係果句比起初音,AKB行開啦 ...

你不如叫佢叫初音唱歌;P

其實初音一個電腦程式黎,比起佢話個D講,我怕佢已經.....洗唔洗幫佢打去青山...

作者: 牙菇 時間: 12-1-11 01:12 PM

本帖最後由牙菇於 12-1-11 01:18 PM 編輯

我個人覺得~
你唔好理你個FD講咩啦!!...忍：<

因為...你搵D野黎講番佢
咁你同佢有咩分別...
你同佢一樣都係惡意中傷?
其實二次元同三次元既野...各有好處...
點解一定要分邊個好邊個唔好呢?
AKB都可以入左2次元啦
MIYUKI都係三次元開過好多次演唱會啦...
多D睇好處方面...
你個FD....目光短...你大人有大量‧...‧
唔好理佢啦...?!

互相有自己既立場...
有一個聰明D既...
事情就簡單好多
怨怨相報何時了

因為我一方面係AKB既FAN
但係另一方面又係二次元既愛好者
MAYUYU都係啦....
真係唔想因為D咁小既事就另到雙方受到攻擊

作者: xDsTaTe 時間: 12-1-11 01:12 PM

你f叫d fd行開la

作者: aaaed123 時間: 12-1-11 01:23 PM

我開頭都同佢地講二次元同三次元好難比,佢地仲要死撐初音好紅,我都講埋akb oricon2011年度專輯第3,第1,2係嵐,佢地就話算吧,二次元都勁過akb,好似唔識睇字咁,我都知初音係一個電腦程式,雖然初音唔識自己唱歌,但係有人用果個程式出歌出碟,所以初音都可以叫做虛擬歌手

作者: aaaed123 時間: 12-1-11 01:32 PM

牙菇發表於 12-1-11 01:12 PM
我個人覺得~
你唔好理你個FD講咩啦!!...忍：<

我都知唔可以同佢一樣,所以我都講左幾句之後冇同佢講,仲有次次我都只會講akb o既好處,唔會講初音點唔好,佢地就係到講初音幾好我都明,但係又要踩akb,又要鬥人氣,煩到死

作者: 卍金日香卍 時間: 12-1-11 01:55 PM

你叫佢找初音出來同我握手呀。笨！

作者: aaaed123 時間: 12-1-11 02:41 PM

佢地話叫AKB唱一次初音未來的消失,AKB應該會斷哂氣

作者: ppufo007 時間: 12-1-11 02:48 PM

初音死開一邊喇...係二次元佢就真係出名，
但真係計人氣的話，AKB多過佢多多聲喇~~~

作者: 牙菇 時間: 12-1-11 03:12 PM

初音未來的消失?你問返佢咁你呢...

初音係個程式...佢唱歌唔會無氣係理所當然
仲有要歌初音未來的消失姐...
一定唔會無氣...
只不過係個KEY唔同姐...
初音唱既係高8度既歌
低番8度...人人都唱到...
我自己本身都好鐘意
初音...
鏡音...
巡音....
但係佢地都唔知世界...
你叫佢自己去唱番爐心融解出黎?...佢都唔知佢自己唱緊D咩啦...
同樣...初音唱AKB歌都完完全全唔同...
唔一定唔好聽...但係...個FEEL一定唔會好好

作者: kathy9607 時間: 12-1-11 04:03 PM

2樣都好..但我鍾意AKB多過K-ON好多..

作者: Minami1125 時間: 12-1-11 05:59 PM

初音係程式
你個fd 點解可以咁白痴
叫一隊樂隊去唱d 冇可能做到既野唱乜野初野未來消失
程式做到既人未必人做到
程式係方便人類做野而唔係同人類做比較 2樣野根本冇得比
如果有得比較個d程式叫人工智能(AI) 而唔係乜野初音未來

作者: 荒士 時間: 12-1-11 06:14 PM

晒氣啦....
係香港.....無論AKB,K-ON/初音...都咪係毒...就算K-POP都係咁話.....= ="
佢地聽歐美+華語...
講日本....只會得AV...J-POP佢地好抗拒..
J POP係日本流行音樂 =香港廣東歌....
反而動漫歌先係兩頭唔到岸...

作者: s20071137 時間: 12-1-11 06:36 PM

但係2000fun唯一可以有個專版
證明人氣都幾高

作者: aaaed123 時間: 12-1-12 10:54 AM

我都冇講野,個fd仲係到講,真係忍唔到喇,我copy曬佢打d野比你地睇,佢話確實AKB係唱唔到初音未來的消失,因為呢首歌超越人体極限,而且呢個世界未到末日,初音可以唱落去,人係會老的,akb遲早成班大嬸團or阿婆團,初音可以青春常駐,就算接觸唔到,我地個心都可以感受到初音果份歌聲,而且呢個世界本來就真實不虛,虛而不真實,真真假假,都唔知呢個世界係真定係假,所以梗係選最好的2D啦,因為個D就係代表Dream啦!!!

作者: Alextojun 時間: 12-1-12 01:04 PM

aaaed123 發表於 12-1-12 10:54 AM
我都冇講野,個fd仲係到講,真係忍唔到喇,我copy曬佢打d野比你地睇,佢話確實AKB係唱唔到初音未來的消失,因為 ...

咁你叫佢揀老婆都揀個2D啦
還掂係佢既世界都係真假不分架啦~

作者: aaaed123 時間: 12-1-12 01:11 PM

咁咪係lo,佢o既世界都唔分真假,老婆咁勁搵個2d睇下搵唔搵到

作者: aaaed123 時間: 12-1-12 10:21 PM

我個fd話偶像呢D野只不過係釣你地班傻仔吸錢,偶像都只不過係做份工,本來就冇得同初音比(初音勁),如果初音變AI,初音都係初音,我再用相對論方式反駁,你覺得3D係最好姐,但係有好多人唔會咁覺得,佢話我地傻仔,e肚氣點都落唔到,大家比下d意見黎回番佢好唔好?

作者: Alextojun 時間: 12-1-12 11:04 PM

aaaed123 發表於 12-1-12 10:21 PM
我個fd話偶像呢D野只不過係釣你地班傻仔吸錢,偶像都只不過係做份工,本來就冇得同初音比(初音勁),如果初音變 ...

笑了
初音咪又係當偶像咁sell~
佢無出single無出album既~？
你個fd鐘意初音就一d錢都唔花係佢身上既？
本來無得同初音比？
咁又拎黎同akb比咁搞笑既？
仲話咩相對論
咁我係咪可以話你覺得2D好
但係有好多人唔會咁覺得囉？
根本就係謬論

作者: alex5825 時間: 12-1-12 11:04 PM

拉‧魯‧古魯謝發表於 12-1-11 12:15 AM
單睇標題:
日本->高高在上的國民偶像
香港->受盡歧視的宅男偶像

我到好同意`

作者: fsdghrtftyt 時間: 12-1-12 11:13 PM

兩個世界的人!比不到的!

作者: 荒士 時間: 12-1-12 11:14 PM

本帖最後由荒士於 12-1-12 11:31 PM 編輯

初音咪都係吸錢......周邊都唔少.....特別都同人物
(但係有好多人唔會咁覺得呢句)....咁好多人都話初音係毒....
各持自見......佢咪佢鐘意初音...你咪你鐘意AKB...勸唔到就算了....

歡迎光臨 2000FUN論壇 (https://www.2000fun.com/)