2000FUN論壇

標題: 有感而發 (長文....注意) [打印本頁]

作者: abcdc7 時間: 12-1-12 06:22 PM 標題: 有感而發 (長文....注意)

尋晚睇完金スマ新春SP......本來相當感動滿足.....因為個節目基本上講出點解我會中意AKB ge原因....

但係之後咁岩比我無意中睇到一篇文章.....內容大概係「睇完金スマSP.....仲有無人會討厭AKB.....如果有....請提出客觀ge理由」
我睇完哂d理由之後.......就想提出自己對於lee d理由ge睇法.....我相信當中亦都有唔少係依家d人抗拒或者攻擊AKB ge理由

第一個理由係認為佢地係「整形」

大部份成員加入ge時候都係14, 5歲左右.......即係中二左右......老實講句......你中七個時對比番中一時候ge同學ge相.......基本上個個都唔同哂.......唔通你話佢整過容?再者......唔使話幾年時間咁長......你對比入大學前同入大學後........都已經唔同哂......因為入到大學......唔化妝ge女仔都會學識化妝......已經可以令佢成個樣唔同哂.........所以用成員「素人」(即係未接受過任何專業訓練或者形象改造)時黎比較現在係唔係太公平......而且從客觀現實黎睇.......當時成員ge收入係連基本生活費都未必support到......仲邊有閒錢去整形

第二個理由係認為佢地賣弄色情

意見提出者認為偶像係為左為下一代帶黎夢想.......但係現實卻係營運為左滿足有購買力ge中年年齡層.....於是經常推出水著或者其他露出度高ge寫真攝影......結果導致其他國家ge人對日本人有左誤解
雖然成員的確係不斷有水著或者其他露出度高ge相......但係如果單靠暴露就能夠成功......我林依家香港d靚模已經紅過陳奕迅, 容祖兒........何況對於大部份大叔級ge人黎講......大部份成員ge年齡就好似自己個女咁上下......唔通對自己個女都.........而且根據數據......AKB ge fans係年齡黎睇都係集中係10代, 20代.......所以如果質疑AKB係以賣弄色情針對擁有強大購買力ge中年層.......似乎數據上係背道而馳

第三個理由係認為佢地係單靠CD銷售法....例如握手會之類ge活動黎吸引人去購買CD

意見提出者認為AKB係單靠握手會黎呃人大量購買CD黎促進銷量.....從大量未開封CD被棄置就可以證明lee點.......
先從大量CD被棄置黎睇........如果你係中意個組合或者歌手ge話.....你係唔會做出咁ge事......就算送比人都唔會隨便就棄置........而如果你只係為左握手會而買CD.....起碼證明你係中意個組合或者歌手先會買CD去參加握手會......根據番前一點黎睇......你係無理由會棄置CD......而且大量CD被棄置ge事件亦唔係經常性發現.......如果係經常發生......我林係日本都會係一件大新聞.......由此可見......只係個別事件.......什至乎有人認為係Anti故意製造出黎ge假象......當然亦都可能純粹係一d激進父母唔想自己子女太過沉迷偶像而做ge事......基本上無從稽考
再者......就係銷售手法......首先我想先引用一d歷史.......係91, 92, 93年SMAP/ 2001年w-inds/ 2003年BoA/未走紅前ge Perfume已經舉辦過握手會.....當時仲發生過一件咁ge事.....當時Perfume成立無耐(2001年出道).....歌迷當然亦都好少.....一個歌迷係其中一個成員面前講「對不起....我有女朋友了.....所以不能再支持你們」......個個成員聽到之後捉實個歌迷講「請不要這樣.....你這樣我們真的很為難」.....由此可見........握手會lee個銷售手法並唔係由AKB開創.....而係早就係日本音樂界出現
之後就係一d數據...... 1st会いたかった累積銷量 53,934 / 2nd 制服が邪魔をする累積銷量 21,989 / 3rd 軽蔑していた愛情累積銷量 22,671......之後ge single ge數據就唔再提出la.....基本上都係大概22,000上下2, 3千左右......由1st開始.....AKB已經有舉行握手會.......係推出1st前......AKB為左提升人氣.......什至舉辦過學園祭....同遊「花屋敷」樂園之類ge活動......由此可見......握手會或者其他類型ge活動對CD銷售量並無存在如其他人所講倍化銷售之類ge有利影響.....CD銷售ge關鍵始終係歌手或者組合本身ge人氣
至於點解AKB CD銷售由大声ダイヤモンド開始會不斷上升.....有興趣ge人可以私下一齊討論下

最後一個理由就係認為佢地過份賣弄「眼淚、努力」

意見提出者認為每個歌手、藝人、組合都係經過不斷努力先有依家ge成就......SMAP、Perfume由10歲開始就接受訓練.......好似AKB咁只有7個觀眾都竭力表演......一樣有其他藝人經歷過......例如Perfume係只係得兩個觀眾下都竭力表演 / E-girls係寒冬之下都係路邊進行live......由此可見.....每個藝人付出ge努力唔一定比AKB少.....流ge眼淚唔一定比AKB少......所以佢地對AKB賣弄「眼淚、努力」覺得反感
係第一期生選拔完之後......佢地就開始接受夏まゆみ(出名嚴厲)ge嚴格訓練.....而且當時距離初登場只有1個月時間.....大部份成員仲要係從未接受過歌唱、舞蹈訓練......當時ge訓練量可想而知......大部份fans中意AKB ge原因都係因為佢地面對點樣ge難關都努力不懈......做咩都全心全意....能夠比到佢地追求夢想、堅持自己ge路ge動力......反對者可能就會話lee個只係一個手段......賣弄努力同眼淚令到你地出現同情ge心理.......令你覺得「阿......咁樣ge弱質女子全力追求夢想.....點可以唔支持佢地」......但係如果個個人唔係真心真意.....又點樣可以打動到人.......好多青春劇都主打努力、眼淚.......但係點解唔似AKB咁能夠打動到咁多人.......原因好簡單......就係缺乏左一種真實性......所謂ge演技......其實都係靠人生經驗ge累積......無真實體驗過係做唔到打動人ge效果........如果成員ge努力、眼淚係演出黎........我林佢地唔使加入AKB都足以成功........因為個個都係影后級演技.......所以佢地依家拍劇多數都係做d配角.......因為人生經驗不足......觸動唔到觀眾......擔唔到正
真心真意ge努力同眼淚係唔需要賣弄都能夠打動到人.......佢地係面對鏡頭都係盡力展現偶像ge笑容.......就連得到日本唱片大賞之後雖然都難以忍住眼淚........但係亦都盡力忍到停機之後番到後台先爆發眼淚........如果真係有心賣弄努力、眼淚搏同情ge話......咁好ge機會點可以錯過

以上純屬個人意見.....發下「勞so」

作者: 卍金日香卍 時間: 12-1-12 06:54 PM

作為飯來説，這片文章絕對認同！
但世事重有例外，有些事不可否認，希望真相永遠收藏！
最後只想説：肥秋絕不是好人！

作者: kanono 時間: 12-1-12 07:10 PM

看化了
自己愛便可
不要強迫別人喜歡
否則握手會的等待時間會愈來愈長

作者: abcdc7 時間: 12-1-12 07:12 PM

回復卍金日香卍的帖子

真相就等佢永遠沉落大海

對於我地飯黎講......我地會心甘情願咁隻眼開隻眼閉

作者: xX幻影Xx 時間: 12-1-12 07:36 PM

只能說那金什麼十分感動-_-睇到眼有小小濕-_-

作者: pcfgogo 時間: 12-1-12 08:12 PM

今日睇左果套野~真係好感動!!
真係愈黎愈鐘意AKB!

作者: raay0911 時間: 12-1-12 08:32 PM

回復卍金日香卍的帖子

『肥秋絕不是好人！』
呢句真係絕對認同

作者: mankawal2003 時間: 12-1-12 09:40 PM

回復卍金日香卍的帖子

AKB是一個滿載住夢想玻璃櫃,
是少女們的踏腳石、展示夢想同決心既地方,
如果不懂欣賞,只可以當佢係路過的無名氏
但係如果係河西同亞美菜事件果種,
踐踏住其他人的夢想得快樂既人,根本死不足惜!!

作者: 喜愛吐糟@0@ 時間: 12-1-12 09:48 PM

非常認同!

作者: 我冇名你叫 時間: 12-1-12 09:53 PM

黑子只要唔好傷害到member我唔care佢地的存在

作者: mankawal2003 時間: 12-1-12 10:19 PM

回復我冇名你叫的帖子

但係d member出左d咩事,想信佢地都唔會有得好過

作者: a2334590 時間: 12-1-12 10:39 PM

睇左先
多謝分享

作者: 遙想 時間: 12-1-12 10:45 PM

部份Anti的出現多少都跟營運扯上關係的..- -
我先排除眼紅、支持自己的偶像、認為AKB只是宅男所好等Anti

客觀而言
因為AKB比其他偶像也接近飯  相對飯變更容易了解AKB(或者所推的)
因為知道多所以反而更容易清楚缺點
以我國盜版行為為例  其實美國、英國等「已發展國家」亦有其問題
甚至有盜版街之說
然而  國民覺得自己國家問題「最」嚴重  只不過是對世界不認識而已
退而重新審視日本演藝  有什麼偶像/團體會把缺點公開?
相信只有AKB會把妹子們不足的地方公開  讓飯了解他們的進步
而一般的做法大都是隱惡揚善  只是營運把偶像的缺點收好放大優點
以致其他人感覺到「AKB憑什麼勝過某某之感」

以上只是我個人發言  如有任何觸犯之處望包涵

作者: angusmvp 時間: 12-1-12 10:53 PM

本帖最後由 angusmvp 於 12-1-12 10:57 PM 編輯

絕對同意樓主所言~!@@
同以長文回復
在很多人的眼中,她們像雜草!
不但多,而且毫不起眼!
不過,
五年了,
她們經歷了...
無間斷的公演,
眾多的批評與漫罵,
跟汗水一樣多的淚水,
不足為外人道的的辛酸,
她們出道三年也沒有一張單曲上過oricon年度銷量百強!
但... ...
她們從來沒有怠慢和放棄過對夢想的執著和熱情!

她們的努力絕對不會比任何一個大明星少,
她們不是天生的一類天才,
可是,她們最少是努力的天才!

雖然有很多的成員,因不同的原因而離開,
但在茫茫人海中,大家偶遇之下,
她們在成員和支持者間,心中留下的痕跡,
是永遠不會消失的!

成員也不一定能成就自己的理想!
但她們多年後, 或許會想:
我當年,與一群滿懷理想和熱情的人,
做了人生中最棒的事!
成員間,相親相愛也相爭,
一起感受無盡的歡與笑, 哭與歎!
一些事情當時很苦,
但回想起來也是甜美燦爛而又繽紛的回憶!
或許其他的選擇可以有更好的結果,
不過最重要的是:我曾經活在理想之中!

有追尋，有起跌，醉過一場，也清醒地看過人間色相，
人生才不是空中鳥跡，飛過不留痕。
到了離去的那一天，
才可以笑說：「我活過」
而不是：「我生存過」

謝謝妳們! 陪我活過!

也許48家族不會是世界上最長壽和成功的組合,
不過48家族一定是世界上盛載最多夢想和熱情的組合!

作者: PUSS 時間: 12-1-12 11:17 PM

樓主詳盡分析有理° 好! 但無可否認, 她們都是秋元康的賺錢工具, 紅不了, 就要像奧真奈美般無奈卒業°

作者: killer523 時間: 12-1-13 12:12 AM

樓主論點正確，希望時間會證明佢哋嘅努力無白費...

作者: 私名前Terry 時間: 12-1-13 12:47 AM

本帖最後由私名前Terry 於 12-1-14 08:01 PM 編輯

我覺得問題是哪些討厭akb的人正是用主觀角度來看akb48...

他們提出的論點很多自己解釋唔到...或者佢地係另外有自己喜歡的組合...覺得自己喜歡的組合先最高就把其他打壓下去

舉個例佢地可能會話akb唱歌難聽...你問佢點解難聽?你問佢點為之難聽?佢地一係亂答一通或者可能會答非所問...再唔係無言以對

不過我個人覺得佢地鐘意抹黑/講akb壞話都無太大問題...如果不是事實...也沒有證據的話就像陳志雲說的某句「假的真不了，真的假不了」

始終你控制唔到人們的發言...嘴巴生在他身上...他要說什麼你控制不了...世事無咁理想...像是以往的活動看到...akb飯裹也是會有點不太規矩...像是什麼喪屍行為,什麼襲擊

作者: didi20222 時間: 12-1-13 01:57 AM

人地點講我唔理,
我在意GE係呢班妹妹(對我黎講大部份都係妹妹)係點樣努力地一步一步向前行,
做到自己GE夢想,而我就係遙遠GE一方默默地支持佢地,咁就足夠了

作者: gundambird 時間: 12-1-13 06:30 AM

全看了,樓主好有心機喔~~~~

作者: danielnba 時間: 12-1-13 10:12 AM

睇晒...好認同w

作者: a2334590 時間: 12-1-13 10:51 AM

AKB成員所付出的努力係有目共睹
支持AKB!

作者: bryanlook1996 時間: 12-1-13 02:16 PM

本帖最後由 bryanlook1996 於 12-1-13 02:19 PM 編輯

卍金日香卍發表於 12-1-12 06:54 PM
作為飯來説，這片文章絕對認同！
但世事重有例外，有些事不可否認，希望真相永遠收藏！
最後只想説：肥秋絕 ...

無錯!
肥秋是個生意人,而大部份成功的生意人也不會有良心......
ANYWAY大家對她們的努力都明白,都有目共睹.....

作者: vickikids 時間: 12-1-13 03:49 PM

看了樓主的感言，大致上都同意，
唯獨第三點有點補充！
真心覺得大多數飯們購買CD的著眼處，並不是歌曲質素本身！而是那些「XX劵」「XX真」，嚴重轉變購買CD本身的意義！(這絕對是吸引人買更多CD的原因，我們並不能否認)
試想想一位FANS購買同一張CD，200張甚至500張..的動機何在？(並不是說妹子們的曲子不好聽，只是好聽都沒可能入手相同的CD那麼多隻吧？)
每隔兩個多月就有500張放在家裹><哪來的空間？朋友也沒那麼多吧....><！(所以我絕對相信是有CD棄置問題)
所以我覺得單看CD銷售量，根本不能完全反映AKB的受歡迎程度，更不能拿來作飯OR不飯AKB的原因吧？(極其量只是優子口中所說的，FANS對她們的愛有多深吧了！)
我們唔能夠話AKB銷售CD手法坑爹，而討厭OR作為不飯的理由，因為銷售法哩D野根本都唔關妹子事！
我們只能佩服康師傅有這個生意頭腦！引用小香說的「肥秋絕不是好人！」

作者: LoVeLeSS、_羽 時間: 12-1-13 08:38 PM

第一個理由都痴線-,- 叫條友換左隻睇佢,個個D面型就係到,真係化妝而已

最後個個仲痴線,問心個演員唔努力,你仲去追就叫盲目啦

作者: 卍金日香卍 時間: 12-1-13 10:48 PM

看来不少人回覆我的句子！

但我對肥秋没有恨意，反而對他有感激之心！

作者: long6707 時間: 12-1-14 11:57 PM

雖然肥秋係生意人...
但換個角度諗...冇佢既...就帶唔出E+既AKB...
肥秋衰唔晒...但又好唔晒

作者: genkigenie 時間: 12-1-15 12:47 AM

本帖最後由 genkigenie 於 12-1-15 12:48 AM 編輯

再說一次.....
肥秋絕不是做生意的人......他做過的商營推廣可是災難性失敗

肥秋改變AKB命運的其實完全只在他'人脈'強大這一點

沒有榎本善紀捱義氣燒巨款投資AKB在08年已經破產解散...
也不會有現在吉本興業加入協助發展和軟銀集團大幅贊助

如果肥秋沒有收過磯野久美子這位藝能界貴族女徒弟...
就不會出現分開組合,成員個人事務所....AKB內部更不會有現在的太田盛世

09年沒有肥秋放棄自己的一部份應有印稅
送給電通和講談社[包括KR]等等巨無霸伙伴去換取他們澈底地全力支持...
還讓他們的運作精英加入AKB團隊....
AKB也肯定沒有今天這種爆發

肥秋在AKB成立那年只交一億稅
絕對係日本10大作詞家最窮的一個....

作者: kathy9607 時間: 12-1-15 04:58 PM

睇完嗰個節目會令更多人入坑+令飯更飯AKB

AKB成日俾人話都好..我鍾意就係鍾意

我鍾意AKB又唔係犯法.又影響唔到人..咁鍾意AKB又有咩問題

就算AKB著bikini賣萌..都一樣唔會影響到人..
您唔鍾意就唔睇..咁AKB要點又關您咩事

歡迎光臨 2000FUN論壇 (https://www.2000fun.com/)