2000FUN論壇

標題: K1真係好多玩家都好小學雞.. [打印本頁]

作者: st850477 時間: 12-1-19 01:37 PM 標題: K1真係好多玩家都好小學雞..

本帖最後由 st850477 於 12-1-19 01:39 PM 編輯

前幾日見到人放野 , 可能佢唔知價/有野想要急要錢 ,  個價放太高 , 即刻4,5個人出黎好似批鬥佢咁.

咩"呢樣野唔值呀"  , " 下? 值咁高咩 ? 笑 "  之類既說話 , 我想講你地真係好白痴.

人地新手唔知價 , 你可以密一密佢講句 : " 其實XXX唔值呢個價的 " 好人D可以再講埋 " 公價係XXX咁多 , 但普遍黎講D人就放XXX咁多"  , 其實係咪真係咁難?

仲有問人放唔放野  , 一黎就 : ?$  , 大佬你想問咩? 援交定係旺角買Nike波鞋既價錢 ?
呢樣都算 , 一唔應(我通常見到?$呢兩個字我都唔會應) , 就係到玩洗頻 ,  ?$?$?$?$?$?$?$ 係咁 "上+enter" 洗
"在嗎? " /  " 在嗎在的回回我 , 我想問xxxx " 識唔識講?

仲有拒絕人識唔識禮貌D ? (如果係對方都有禮貌的情形下問價)
我唔知咩事啦 , 我試過有禮貌咁問人放唔放野之類 , 佢又唔係掛機 , 得閒走下 ( 我見佢走果時我就會問多次 )
如是者3次左右 , 佢最尾一次都冇應過我 . "不了謝 " /  "不了sorry , 沒打算放" 又識唔識?我唔係話怪佢 , 不過我offer太低 / 佢冇打算放 / 再+小小錢先得/ 唔係本人,講完  . 一個回復都冇收到..我覺得自己晒緊時間.

仲有D可能講價講唔成 , 咁算喇 , 我通常都 :

同人買野的話：咁...先算吧 , 我有錢再搵你  .
                        ：再諗諗吧 , 其實呢個價都差唔多  , 要賣再搵我..
賣野比人的話    : 不了sorry..價太低..我睇如果真係要賣呢個價既先搵番你ok ?

我反而成日撞到D :  88  / 咁88  . 係咪真係Msn時代你地連打字都唔識?

其他行為 , 不能盡錄 .  我想講 , 試下有禮貌D吧 , 你買時我賣 , 大家開開心心唔係幾好 ??
我知我冇可能改變呢種 "新一代"的溝通方式 .不過尊重別人咁簡單都唔識?  同呢D人講野真係火都黎...

我知實有人覺得咁樣做冇咩所謂 , 可能係我衰 , 我玩開台灣game一時唔習慣D人咁無禮貌 , 無論如何 ,
對人好點是對自己無壞的 , 對不?

作者: koalan 時間: 12-1-19 02:21 PM

本帖最後由 koalan 於 12-1-19 02:55 PM 編輯

5錯5錯我都試下

作者: y12233322 時間: 12-1-19 03:00 PM

88呢D字呢就係我地中學呀小學呀ga字呢ga.....做咩唔可以呢?同埋人問你?$你又係到放野好明顯問你哥樣野係?錢啦......
同埋你話K1真係好多玩家都好小學雞.....點會好多?火紅王者哥d就又唔係啦........

作者: jerry194711 時間: 12-1-19 08:18 PM

遊戲是吸引小朋友小學雞不是問題

作者: marcoltw 時間: 12-1-19 10:18 PM

y12233322 發表於 12-1-19 03:00 PM
88呢D字呢就係我地中學呀小學呀ga字呢ga.....做咩唔可以呢?同埋人問你?$你又係到放野好明顯問你哥樣野係?錢 ...

1. 88呢兩個字用作拜拜係可以用, 但你明唔明樓主講緊既係好多中小學生而家所欠缺的禮貌?
你試下老師問你"x同學可唔可以幫拎一拎呢疊作業簿返課室"、又或者你親友拜年問你"今年行年宵有無買到乜野好野?" 你如果認為都可以齋講："88"

2. 另外,樓主第4段落起, 舉「是否放野」個例子, 我理解到既, 樓主唔係講那種"公頻開聲擺明放野", 而係更加似(希望我無理解錯)係：某A君著緊d外觀/好裝o係城寨裡, B君從其"詳細資料" / 可見造型見到, 就密佢"xxx 放唔放?" 或 "xxx $?" (xxx = 心儀的裝/物品) 甚至更無厘頭、好無解地直接問A君:"$?" 簡直令人連你想問乜野都不明不白...跟手B君仲要繼續以同一句洗頻.

P.S. 樓主如我理解錯請指正, 謝謝~

作者: ziYU×佑 時間: 12-1-19 10:20 PM

回復 jerry194711 的帖子

小朋友講野正常的話不是問題但係講野小學雞就係問題

作者: st850477 時間: 12-1-20 11:59 PM

本帖最後由 st850477 於 12-1-21 12:24 AM 編輯

marcoltw 發表於 12-1-19 10:18 PM
1. 88呢兩個字用作拜拜係可以用, 但你明唔明樓主講緊既係好多中小學生而家所欠缺的禮貌?
你試下老師 ...

小牛你講得啱. 段4也解得正好

其實交易係一種好有用既技能 , 但E+好多人覺得有錢大晒 , 就變到冇咩禮貌 ,

覺得自己係"賣家/買家" , 地位比較高 , 要人就佢地 . 但交易係雙方的~ 今日你幫到人 , 人第日都可能幫到你
再講 , 你要賣人要買 , 人拎貨品你拎錢 , 各有所求 , 禮貌點 , 你得到的會更多 . 例如我舊時玩台灣game就成日因為台灣仔/妹口才得講到我心甘情願咁平小小賣野比佢地 . 同佢地交易就好似去高級百貨公司買野咁~好有禮貌咁同你傾價 , 講野 .

有禮貌有咩好處 ? 例如你買左新手機唔識用
你當然可以同朋友講 : 喂 , 識唔識用呢隻機?
但同時你也可以咁講 : 嗨 , 我尋日買左新手機但唔係幾識用 , 我想問下xxx , xxx 係咩黎?? 可唔可以教教我 , 我身邊冇咩人識用呢D電子野.

大家可以比較下邊種講法會令你朋友比心機D教你 .

作者: st850477 時間: 12-1-21 12:19 AM

本帖最後由 st850477 於 12-1-21 12:31 AM 編輯

88當然可以用 , 但要睇情形 , 例如
A: 你係咪放緊xxx ?? 我想用800n收
B: 我想放900
A: 800N高過市價好多了..900真係貴左小小 , 再諗諗佢吧 .
B: 咁88~

咁就好無禮貌 , 而同時如果你遲下有野差800n左右急收 , 想放番xxx , 你搵番佢佢也未必會理你 . 但係如果

A: 你係咪放緊xxx ?? 我想用800n收
B: 我想放900
A: 800N高過市價好多了..900真係貴左小小 , 再諗諗佢吧 .
B: 800..其實我都知900係貴左小小 , 但係我有野急收 , um...呢樣野E排都比較少人放 , 我都見你收左好耐都冇 ,
咁吧 , 850放比你吧~諗諗佢.

咁就唔同 , 大家都知K1有時D野 , 你唔想賣時就大把人收 , 你想賣果時就冇人收 , 要把握時機有機差幾十萬難免
例如我之前咁 , 火焚特別版有一段時間炒到好貴 , 差唔多700N , 但果時我想放800 , 無理到個買家 , 最後500都放唔到啦~
最近300/400都冇見有人收了~
而如果你想放一樣野 , 想收800 , 人地放900 , 而最後你850買到 , 可以講係你賺左50n了 , 因為有時你有錢都冇貨~ 而信我 , 過多幾個鍾 / 耐性好最多幾日 , 連1000n你都會收~

所以同"客人"搞好關係係一定要的~ 而88可以怎用呢 , 正常向友人說再見 , 有時我打緊關唔得閒回應也會說88
但交易就最好唔好了.

作者: marcoltw 時間: 12-1-21 01:31 AM

st850477 發表於 12-1-21 12:19 AM
88當然可以用 , 但要睇情形 , 例如
A: 你係咪放緊xxx ?? 我想用800n收
B: 我想放900

的確係非常好既延伸教育,
不止k1, 好多玩遊戲既朋友仔都應該學習下呢d禮貌&相處之道

所謂: 禮多人不怪, 他朝好世界. 今日客氣d, 第日計平d

作者: sss061152 時間: 12-1-23 06:11 PM

回覆 st850477 的帖子

88沒咩問題我一直都唔會講88 但係我講唔放啦咁講佢地就係咁講放啦放啦好鬼煩 so我就一定會講8 佢叫我放比佢我都唔會理

作者: s1001007 時間: 12-1-24 12:19 AM

[88]其實我之前都系甘只因我5識打字
d人打88都可能有d原因
5好應某d人..把全陪人講到..
不過e+我都5會甘講
因為甘講可能仲煩_-

見議大家講5收野可以甘eg:
5洗la...thx
e+5洗收住thx..
no la sor....
覺得太貴可以:
貴左d bo -_-no la thx -,-
正常甘樣都得ga la
打多幾個字5會死ga><

歡迎光臨 2000FUN論壇 (https://www.2000fun.com/)