2000FUN論壇

標題: Bonta 吉吉熊大冒險 (11/2 更新至Vol.4) [打印本頁]

作者: Bonta 時間: 12-2-2 03:30 AM 標題: Bonta 吉吉熊大冒險 (11/2 更新至Vol.4)

本帖最後由 Bonta 於 12-2-11 01:51 PM 編輯

Bonta 吉吉熊大冒險簡介:這是一個熱血的故事，講述一名玩家成為擊劍士的奇幻旅程。

編輯記事:11/2
Bonta 吉吉熊大冒險 Vol.4 已經推出，講述完成新手任後打怪同系統調整雜項。下集黎緊打國戰，雖然暫時無咩頭緒點寫，但我諗到落筆既時候應該無問題既！
6/2
因為第一次寫呢種故事，所以編排上有啲亂，依家參考左上海．既意見，集中係呢個貼更新！
希望大家繼續支持，同埋俾多啲意見！

6/2
Bonta 吉吉熊大冒險 Vol.3 已經出左咗啦！

文章集合:Bonta 吉吉熊大冒險 Vol.1
Bonta 吉吉熊大冒險 Vol.2
Bonta 吉吉熊大冒險 Vol.3
Bonta 吉吉熊大冒險 Vol.4

作者: 夜:) 時間: 12-2-2 03:33 AM

留名睇故仔

作者: 徐子平 時間: 12-2-2 03:50 AM

個頭要2-3粒堅石、身要5-6粒先強到頂防。加埋成7-9粒…大約1600A-2080A，差唔多$80-$100了

你如果一次過換7080石(3000gash)會抵好多

作者: Ｋiss☆ 時間: 12-2-2 03:52 AM

留名睇下集

隻熊仔真系好得意，可惜未夠分俾Good你

作者: 手手11 時間: 12-2-2 07:48 AM

留名睇下集有創意

作者: 端木鏡夜 時間: 12-2-2 07:50 AM

很令人期待下一集

作者: leolau10360 時間: 12-2-2 08:55 AM

下集加油

作者: band626 時間: 12-2-2 09:29 AM

好值得人期待呢......
但做咩望到套熊仔裝......
有種今日太陽好哂既感覺既呢......

作者: 『阿細』 時間: 12-2-2 09:40 AM

2000FUN少有既日記文..
不過整得好有心機!
支持

作者: mahoro 時間: 12-2-2 09:49 AM

唔好玩啦...蹦太君得意好多
套熊熊裝個表情好惡...
話係邪惡熊仔獸會順耳D?

作者: 96090297 時間: 12-2-2 10:24 AM

加油加油

作者: 青檸‧喵 時間: 12-2-2 10:43 AM

表示心機值得人佩服:)
加油!

作者: Polar@fez 時間: 12-2-2 10:53 AM

已死晒圖~~~~

作者: 願此刻永恆 時間: 12-2-2 02:13 PM

可能個故仔已經完左

作者: 地上之龍 時間: 12-2-2 02:57 PM

新手任內容請飛掉
坐水升級內容都請飛掉
直入35lv齊技後內容吧

作者: him723 時間: 12-2-2 03:02 PM

幾時再出下集

作者: sharahaeLucas 時間: 12-2-2 03:17 PM

睇唔明- -?

作者: zxzxc123 時間: 12-2-2 04:03 PM

波太君我記得黃色是隊長灰色是隊員
好像記錯了...

作者: 唔知呀你呢? 時間: 12-2-2 04:11 PM

加油!
期待下集

作者: 染血薔薇 時間: 12-2-2 04:16 PM

好qq啊

期待~

作者: leungleungcheng 時間: 12-2-2 04:52 PM

等下集.....

作者: fiy 時間: 12-2-2 04:59 PM

留名睇下集

作者: 遊俠王子 時間: 12-2-2 05:16 PM

很令人期待下一集
留名先ωoω

作者: 樂人一個 時間: 12-2-2 05:24 PM

支持!好耐都冇係fez版睇過呢d日記

作者: lkc951123 時間: 12-2-2 05:29 PM

我見到把劍...

作者: edmund623 時間: 12-2-2 05:59 PM

隻熊仔真係萌爆了

作者: VirusLoren 時間: 12-2-2 06:23 PM

留名睇故事。

作者: hihi12312 時間: 12-2-2 06:33 PM

傻仔............

作者: 邦`﹏=] 時間: 12-2-2 07:51 PM

有冇下文

作者: poorjason 時間: 12-2-2 07:58 PM

樓主加油.....(得一個good...唔捨得俾)
難得有故事睇

期待下集

作者: fez無名小卒 時間: 12-2-2 09:32 PM

表示支持

作者: CHunG:D 時間: 12-2-3 12:19 AM

留名睇故a.a

作者: Bonta 時間: 12-2-3 12:55 AM

本帖最後由 Bonta 於 12-2-11 01:18 PM 編輯

Bonta 吉吉熊大冒險 Vol.1
話說昨天借咗朋友係吉劍黎玩，咁耐以黎第一次用齊技既吉劍黎打國戰，加上改左版之後都完全無玩過吉劍，初頭真係唔識點用，不過打咗陣用落又好機動性，輸出又大！真係無得頂，而且近職又可以用反，遠攻又可以後跳一下避…總之就係愛上左用吉吉啦。但係個ac係人地正身，無理由成日霸住黎玩架…我諗都係自己練一隻好啲。為左擁有一隻35lv齊技既吉劍，我揾左個之前買番黎比較少用既ac，而且之前仲好好彩抽中左熊仔共通裝，熊仔吉劍既樣係我腦海諗左陣：「掂!無得輸！」就係咁，我就開始左我既熊仔吉劍既修練旅程啦。

我好簡單咁計劃左一下，因為隻人本身係好耐之前開落，無做過新手任務(當初沒有新手任務)，可以轉左做吉劍之後做新手任務升到16lv之後打怪升到20lv。
標目由1/35到35/35！

第一步轉職成為擊劍士 1/35

簡單介紹下：
原本人物 - 33lv弓遊，有套翔龍裝。

重點元素：熊仔裝
當年輸盤出呢套裝，我就將身上所有星介攞去博一博，點知真係中左，不過偏偏就中係隻分身度，個陣玩緊正身同埋隻人個人名唔係咁順眼，就無咩特別去玩呢隻。不過到依家終於有用啦！

一早就預備好10條鳥毛去揾駐紮地個npc轉職！

但原來要去揾npc合成先…白行左…

一路行一路諗，我套熊仔裝未強頂，計一計個頭要2-3粒堅石、身要5-6粒先強到頂防。加埋成7-9粒…大約1600A-2080A，差唔多$80-$100了。

終於揾到個npc，羽毛得手了。

點知轉職之前仲要買把新手細劍…

終於開始旅程啦！

作者: Bonta 時間: 12-2-3 12:56 AM

回覆 zxzxc123 的帖子

黃色係主角黎!!

作者: Bonta 時間: 12-2-3 12:57 AM

已經出左第二集，多謝大家支持！
http://www.2000fun.com/forum.php ... =4741630&extra=

作者: mikafar 時間: 12-2-3 12:58 AM

加油 support

作者: Bonta 時間: 12-2-6 03:12 PM

本帖最後由 Bonta 於 12-2-6 03:48 PM 編輯

集中寫係度，方便大家追~~
好睇的話，記得俾good呀!!

任務板顯示我真係一個新手任都無做過:$

雖然熊仔裝要15lv先可以着得，但接住落黎打既怪應該唔好勁…掛…

我決定光豬上陣…
接過朱之書簡之後我就出發了！

記得新手任係一次重大改板既更新，個時好似係09年？合左server？唔記得了…只記得當初1lv要去打蜘蛛升、有次仲打到個四葉草(瞬間回pw的道具)番黎，之後夠20lv先上得戰場，唔夠20lv上戰場會俾人小爆或姐直接被大團踢出戰場…有次仲打到個四葉草(瞬間回pw道具)番黎，個時仲有人用幾百萬收一個。仲有一個好大唔同就係五個國家既城都係舊版本，無得跳同un人的-.-v

(回憶空想圖)

新手任頭兩個書簡都主要係行路，打4隻怪過水晶關卡，係超級輕鬆…有啲onnine game有時要儲唔知咩道具100/100個=.=有時又要指定時辰打指定既怪，好彩我玩緊FEZ…仲有一樣成日做就係同npc傾計。

第一隻被我打既怪

第一個要講野既npc，幾可愛=]

過左兩個關卡我己經4lv啦！即刻學左個微波凌步趕下路。
習得：

跟住到左奇怪npc問答任務

Bonta版本

呢題真係唔講唔覺。

呢題因為新手任務出個陣未有魔導具，所以要答佢一種。

好彩我係重玩…做新玩家真係唔容易…
呢個npc雖然樣衰又流料，但係又好鬼重要，曾經借助佢好多次黎免費轉職/洗技，因為可以先用拳鬥士或吉劍的任務轉一次職,不足20lv的話就可以幫你轉職了。

緊接住係蒼之書簡
就喺對面山

遇到問題了...
去到要麵包的小鬼個陣，我發現我係一個身上無麵包既新手…唔似新創既人身上己經有麵包…本來我諗住博下蒙，身上無麵包都話俾佢…

點知…

獲得稱號"小氣鬼"
話說同競技場隻小基講野都可以有個稱號…點解唔俾野npc唔可以有稱呢…
因為係大拿拿2支高級hp藥水，我決定番去買幾個麵包番黎同佢換。

跟住見到回收阿伯，佢話無見個仔好耐。

之後又連續過關升級了，今次學埋突刺繼續趕路！

習得：

一講小基就見小基，咁耐無見一野打落我度扣200血…無着衫姐，唔洗咁。

打死左小基之後見到國家總管，
原來就係佢唔番去見回收伯伯…

做完兩個書簡了...話說其他職明明有好多獎賞，吉劍只得頂帽…
獲得：

進度:10lv吉劍士,新手任進行中!
待續

作者: Bonta 時間: 12-2-6 03:17 PM

Bonta 吉吉熊大冒險 Vol.3

前言：上一篇完成左朱之書簡同蒼之書簡，終於到左新手任務最後一個書簡任務-黃之書卷啦

目前進度:

10lv擊劍士，新手任務進行中

已修技能:

近照:

暫時仲係光豬擊劍士…

到左比較有趣但比較花時間既任務，接住落黎主要都係坐水出召，模擬下國戰會做啲咩，記得之前第一代新手任務係可以簡做邊個書簡先，個陣次次都會簡做完黃書先，做完就14lv了，再諗下做唔做埋其餘兩個書簡or直接去打怪。

我諗一陣無野做可以計劃下點咩技，同埋睇下資料。

第一關起ob

首先坐水，因為只得10lv，只可以坐10水，坐水數量是隨lv遞增直至20lv的，最後36lv-40又會增至能坐21-25粒水，坐完10粒當然起唔到個塔啦，要同坐係格離個npc傾計，問佢拎多5水之後就可以起塔了，起完第一支就唔洗再坐水了，直接問水晶附近既npc拎15水就起得。因為我當初第一次做呢個任係起v字型，咁起感覺幾順，所以做左好多次新手任都係咁起。起左5-6支度就扣完敵人主城了，之後有豐富獎品：攻r石、星水等等等，但係其中一樣我竟然拎唔到…原來係我身上已經有99粒攻r…無辨法再攞了…結果個寶箱只會隨住回合結束、場地關閉時一齊消失。雖然身上已經有99粒，但係攻r都係樣珍貴道具，轉輪盤、抽大小、玩小遊戲先拎到，有時活動都送出，總知係有用既野啦。之後下場都好似有攻r做獎品，所以決定襯分幾鐘既完場時間按個alt+f4，重新登入去銀行儲起身上啲野先。

花左多啲時間儲左身上既野，之後又開始第二關，出騎打巨人。之前講過新手任務係用緊舊版既setting，所以坐完十水之後npc俾你的係30水，加埋你身上個10水共有40水，因為以前出騎係比依家多10水的。

感覺上以前啲騎好似多血啲無咁快死。

出騎打巨人了，呢個任務修正過一次，以前啲巨人唔係行係飄的！

順利打完，仲影到好多靚相。

呢張無ps過，本身係咁白架。

領奬，終於拎到攻R了。

完場需要兩分鐘既時間先可以進行下一個任務，我會等到佢自動關閉場地先做下一關，好讓自己唔洗估估下夠鐘未又有啲時間做其他野。2分鐘到左就做第三關出巨人炸OB了，出巨人之前首先要起個巨人之營20水，這裡有個BUG的，如果你未起好個巨營又坐好第二轉10粒水的話，再同NPC講野佢只會俾10粒水你的而出巨人要30粒…所以太早同NPC拎水的話就出唔到巨人了，只好步兵徒手拆吧…(ps.我係擊劍士)…拆唔曬又要再黎過了…

石頭爆出黎的巨人…

順利拆完。

到最後一關召喚飛龍~~~

炸呀

任務逹成，今次直接離開不用等了。

飛龍任務也有修正過的，以前除了打塔還要打蜥蜴，有次試過企係幾隻蜥蜴旁邊慢慢噴死佢地，點知打死曬佢地解體個陣咁岩仲有下火蜥蜴既火球係身邊爆開…就係咁燒焦…

番到去條村，個任務板終於完成曬！

任務完成！呵呵有獎品。

終於15lv着起套熊仔衫了

雖然未到16lv，但買左把玫瑰紡織者獎勵下自己先

畢業照

進度:15lv擊劍士，完成新手任務。

待續

作者: Sh!nG2 時間: 12-2-6 03:28 PM

加油....雖然唔知有咩咁好睇-__- 但係我都係咁追黎睇...

作者: mahoro 時間: 12-2-6 04:06 PM

抱歉...ボン太くん唔係拎散彈槍咩...
遊俠會唔會適合d?

作者: 紅螞蟻 時間: 12-2-6 04:12 PM

｜花恨月｜hi

作者: Bonta 時間: 12-2-6 05:35 PM

回覆紅螞蟻的帖子

出現了!

少年，你太年輕了。你以為這個論壇上真的有那麼多人回覆你的帖子？其實都是我一個人回的，不然我再換個ID發同樣的話給你看。

作者: 唔知呀你呢? 時間: 12-2-6 05:55 PM

講真,人地係用個心打出黎,
點解要理人地叫咩名

作者: 紅螞蟻 時間: 12-2-6 05:59 PM

唔知呀你呢? 發表於 12-2-6 05:55 PM
講真,人地係用個心打出黎,
點解要理人地叫咩名

純粹提下佢改漏左個名啫…
如果佢係有心fake人先貼出黎既話我唯有大叫一聲中伏!

作者: 邦`﹏=] 時間: 12-2-6 06:29 PM

樓主加油

作者: 傻K!nG 時間: 12-2-6 06:43 PM

雖然未有好多內容不過希望有更精彩的:)

作者: delaynomo 時間: 12-2-6 07:12 PM

好少有樓主呢黎日記(?)的post鳥

作者: ■綠茶蛋糕■ 時間: 12-2-6 07:16 PM

樓主加油:) 熊仔裝真係好可愛,只可惜係男裝

作者: 二瓏 時間: 12-2-6 07:45 PM

支持下，好耐無見過咁有心機既玩家啦

作者: roseyan123 時間: 12-2-6 07:55 PM

the bear so cute and kawai!!
期待~

作者: 白夜之神 時間: 12-2-10 10:51 PM

幾時有得睇打交

作者: 小唉唉 時間: 12-2-10 11:03 PM

遲d借ac嚟玩ok?

作者: gslc9413 時間: 12-2-10 11:08 PM

支持加鼓勵新手>W<
加油唷~!
你好快就會變得好強>W<

作者: Bonta 時間: 12-2-11 01:18 AM

vol4.怪物大作戰

進度：

15lv擊劍士，完成新手任轉為以打怪升級至20lv。

已修技能：

近照：

上回講到做緊新手任務黃之書簡，其中入面既坐水時間其實我已經好好利用左，做左少少技能計劃，同洗機準備。

先講講技能：
35lv個陣我希望練到咁的

以下利用左呢個好好既工具:
feskill.omiki.com/fen.html

目前技能就係咁既：

我諗住17LV加到咁，有突刺趕下路，同多招閃光打下怪(後記：當時完全無考慮反擊可以打怪…其實可以唔學閃光個行學反擊都係同樣咁多技能點)。因為19LV前都可以重點，所以呢套都唔係最終方案，當係打怪用技能先。

19LV後中期，主要係三個大技能可以簡兩個：

三簡二

原本我比較鐘意突刺加大吉，簡單易突入吉死人，但係要28LV先滿到技…28LV有啲遠…
所以我暫時簡左兩套技能做後選
一套係大吉反擊，輸出高但機動性低

另一套係突刺反擊，機動性高但輸出低

呀…擊劍真係令又愛又恨既職業，無辨法可以其他職咁25LV度就可以快樂國戰…例如拳鬥士，我23LV就可以上戰場快樂取6-7個人頭了…21LV的弓遊配支國商裝國商弓也可以打個S傷…唔知吉吉得唔得呢。

技能配置就咁決定兩套後選先，因為我都唔係可以日日玩同埋每日玩時間都好短下，做個明確計劃會好啲！

因為20LV後上戰場打國戰，唔會咁輕易可以影到相，我諗都係拍片方便，可以係影片截圖OR直接POST國戰片出黎。
為左部電腦可以順啲，我決定洗一次機，即係重早安裝過個WINDOW，不過重新安完之後我部電腦依然都係一部九流電腦、順極有限…所以有啲FEZ既優化我都要安番，想同大家分享下。

主要係呢個網入面都有曬，好好用：
mmfez.co.cc

1.TcpAckFreq

未改150PING，改左30-50PING，對我黎講好有需要，而且自己改左年幾兩年，部電腦都無咩野，所以都放心改。

2.改走個天啲雲同啲水

有時睇日本啲國戰片，有天仲要開反射水面真係好靚，但自己部電腦屎而呢兩樣野又唔係必需，所以都係熄左佢。

3.改滑鼠靈敏度

必改，未慢的速度實在太慢了…

4.改遊戲視窗調整

改寛啲視野好啲，我用開1400X700
我曾經見過有條片有人改到好寛好寛:
gavie.net/play/movie.php?t=85633
而且實力都幾勁，我既拳手打法主要都係睇佢黎學。

5.鍵盤修改

我個技能同快捷鍵比較特別
技能係1-5,R,T,TAB
快捷鍵係F1,F2,6-8
為左就上面啲制，自動跑就由R改做F3，道具欄就I同X對調左，主要一隻右手範圍禁得番，而左手只控制MOUSE。
主要係自己手掌唔係太大,主要想啲技能鍵同方向鍵近啲所以咁編排，都用左一段時間，自己覺得好好用的。

改視野同鍵野都係FEZ特色(不過官方唔會公開做賣點@@)啲制同視窗點改係要同玩家自己配合，試下先知點樣改合適自己打國戰=]

好啦打怪！
我見大陸地圖，地精岔口係我國領土連接的，所以就走左入去。
入得黎地精，梗係打地精…而15LV既我只好用新手細劍打
普攻一下一下都幾悶…而且地精打我好痛…我套裝雖然係型英帥靚正，但就係未強頂…好鬼痛

打左一陣升左16lv，道具都滿左，我都決定強一強套熊仔裝。
由舊AC送禮得到5粒堅固的石，希望5粒強得曬個身！
結果係5粒剛好強得曬=]

升16LV用得玫瑰紡織者，雖然唔係頂攻，但好過新手細劍好多，簡單得黎又好睇，遲啲可能強左佢！

個頭留番下次了，舊AC啲寶石都用曬。

目性耐性112，滿防的話係120，唔係差好多姐！

之後去左道具睇下
一套寶石裝要成3180A，我暫時用左1120A強個身。

頂攻吉劍1500，都幾抵而且25LV就用得。

到40lv一定買呢個A.A

地精怪出得最多既係地精之書，無咩令人驚喜既寶物，補給一下啲中水就再去打了。

不過打左唔夠10分鐘，有個好高LV既人經過我身邊。
我打個/sea睇下

嘩，好多人。我諗個場會俾人宣戰了。
黑畫面被彈出場地。

唯有番本土繼續，但係各國本土啲怪改完又改，其實我都唔知去邊度打怪好。
求其簡左個3星既地圖

入到去，離主城無幾遠有一班鷹人，大約6-7隻，lv就高左啲17-19lv，不過鷹人會出謎之箱同鷹人羽毛。唔，就打呢度。

打鷹人既節奏要係佢開始起跳之後打橫行閃避，行到佢啄你為止，你係佢啄個完就安全，可以打佢4-5下直到佢就再跳起啄你，之後打死佢為止。而我就係一隻一隻咁普攻打死等佢逐隻重生，易控制啲，因為佢地lv比較高啄中一下都100…多幾隻混亂中啄幾下就無一半血。

打左無耐17lv，可以用閃光打怪了，閃光出得比較快，一下閃光差唔多等於出兩普攻，叫做係打快啲。

無幾耐之後打滿左道具欄，番去補給先。

謎之箱換到兩粒龍魂，唔錯。
諗住去換埋粒銀靈礦，係國劍任務既材料，我玩左好多隻新人過20隻度都打到好多國武材料，但都只係上個星期中左把國刃，我本來諗都係唔會中架啦…點知

中左，杜枷一把！

不過最近有改版有新任務，國武好似平左好多。
(ps:誠意國劍杜枷換堅固之石code=])

抽中國劍咁好彩，心諗再下一城，用新npc直接去左賭場大廳。
248星介可以抽兩次！
抽兩次都無彈珠，而且

抽中左呢個

可能係個天知我唔鐘意個角色個髮型，被個抽中左呢個有型假髮，正！

戴上去同真髮一樣，最緊要係有型左好多。
去回收伯伯度睇下，個假髮值成96r不過回收唔到，只要先在道具欄點一下個道具之後再同回收阿伯傾計就會顯示個樣野回收價值幾錢，不過現在好多野都俾官方改不能回收了=[

臨走去左玩戰牌，我既玩法係戰士→遊俠&→法師，順住出曬啲牌佢，通常玩完5鋪都有賺，只係依家最多玩得5鋪，無得再多，以前1小時賺個50星介也可以的，不過npc出左無幾耐就被官方收起左，現在有時運氣好的話5鋪會賺到10星介左右=]