2000FUN論壇

標題: [寫個服字] 馬國明直認愛上鹹網 [打印本頁]

作者: 風在隨空飄舞 時間: 12-2-23 07:17 PM 標題: [寫個服字] 馬國明直認愛上鹹網

本帖最後由風在隨空飄舞於 12-2-23 07:30 PM 編輯

驚多字睇紅字果段就夠

以醫護人員為題的無綫新劇《on call 36小時》上周推出，最高收視高達31點。馬國明（馬明）孭到飛，「升呢」無綫一線小生。食住個勢，馬明揚言唔要愛情要麵包：「我想有多啲廣告、登台，甚至返內地拍劇搵真錢，盡快可以置業。」咁又係，有名又有利嘅鑽石王老五個個都係搶手貨，只要有籌碼，唔怕冇老婆。

現年38歲，人到中年的馬明難怪恨「脫貧」，2007年出入仍然坐地鐵，直至2008年才駕駛價值30多萬的「掃把佬」，但論名與利，跟無綫小生鄭嘉穎、陳豪相比，委實差得太遠了。還幸首部由他擔正的無綫新劇《on call 36小時》叫好叫座，這天馬國明「落區」到人氣旺點銅鑼灣時代廣場，實地視察觀眾反應，結果不夠五分鐘經已成為人肉佈景板，師奶、學生妹興奮將他團團圍住，甚至有師奶按捺不住，高呼：「靚仔馬國明呀嘛，你（部戲）做得好好呀！」到馬明心花怒放，他細細聲說：「我仲擔心會冇人理！」

馬國明和陳豪出名係無綫唔「媾女」小生，多年來馬明緋聞少之極少，他坦言：「我唔係唔談戀愛，而係遇唔到啫，尤其是年紀愈大，愈難遇到，我承認性格係有問題，最慘係唔怕悶，唔介意一個人生活，而且生活圈子又窄，由朝到晚到踎響錄影廠，點會搵到呀？更加識唔到圈外人，原先黃智雯同李詩韻拍心口話介紹女仔畀我識，但得個講字，事實上我哋都好難見到面啦，何況係相睇約會？都係算數啦！感情事都係隨緣好了。」

記者：「冇whatsapp、冇facebook，連自己微博都冇，得個TVB微博講公事，悶得你！」馬明：「我係咁悶啦，電腦對我嚟講，只係用嚟上網睇新聞，睇波同埋上鹹網囉！」記者：「話自己上鹹網咁招積，信唔信我寫埋出黎？」馬明：「你咪寫囉...我咁大個人同你講冇上過鹹網，你都唔信啦。」

圖片附件: f_6050933_1.jpg (12-2-23 07:30 PM, 16.86 KB) / 下載次數 27
https://www.2000fun.com/forum.php?mod=attachment&aid=NDQwNzczfGQxOGJmODEwfDE3NzgwMTUxNTd8MA%3D%3D

作者: 風在隨空飄舞 時間: 12-2-23 07:18 PM

本帖最後由風在隨空飄舞於 12-2-23 07:44 PM 編輯

馬國明認冧敏之：我養你

20110731

馬國明算是公仔箱中數一數二的乖乖仔，不愛夜蒲，實屬宅男一名，最愛的卡通人物是唐老鴨。第一個帶返家「見家長」的圈中異性為陳敏之，嚇得雙親以為囝囝墮愛河，馬國明直言曾心動過，惟當時事業未成不敢發動攻勢，可惜現時敏之已名花有主，自嘲難與對方男友鬥！
陳敏之：陳馬國明：馬
陳：喺劇集《下一站彩虹》你做我男友，當時我嘅螢幕初吻畀咗你。
馬：不過我唔係喎！呢套劇之前已經冇咗……你畀我感覺係靚囉！因為我鍾意長腿，講真架！
陳：乜你唔係鍾意細粒女仔咩？
馬：都唔係嘅，我都鍾意長腿，（緋聞女友胡定欣條腿好靚？）定欣條腿唔靚，哈哈！咁你份人好有義氣，咪靚囉！又肯幫朋友，幫過我添！
陳：你講邊次先？
馬：好多時一齊做嘢，你會幫對手安排晒啲嘢，記得有次返內地登台，我本身電話冇漫遊，你就即刻幫我打電話搞好晒，以前我返內地冇人搵到我，你成日鬧我……你咁細心，絕對係一個好老婆。

陳敏之已名花有主，馬國明唔敢發動攻勢。

敏之笑言若甩拖，會投向馬國明懷抱。
冇潮物太老套
陳：都幾架！我唔係對個個都係咁，多謝晒喎！
馬：同你都係合作過兩三套劇，咁私下都係好朋友，有時你架車有問題，有嘢唔識又會問我，我就請教你女仔嘢，自己本身比較粗心大意，雖然唔係成日見，但大家都有共同話題，有時我睇到你做啲戲，都會同你講做成點。
陳：嗰次喺去機場嘅45分鐘車程整好晒，中間都多波折，你話地球人點解會有漫遊，話冇人搵喎，真係好好笑，咁我都開心幫你整咗，放心，你對得我多會愈來愈似我。
馬：我份人真係太老套，連被喻為潮物嘅iPhone都冇。
陳：唉，算啦！唔可以一步登天，咁喺你心目中，我係咪好女仔先？
馬：絕對係啦！你一個人撐起成頭家，之前拍《公主嫁到》又整親條頸，咁辛苦做又冇咩怨言，見到你咁我都好心痛，又要一個女仔買樓，叫咗你唔好做，話我養你架！
陳：你同好多女仔都咁講，咁先慘呢！
馬：冤枉，我真係冇同女仔講過，嚴格來講只得你咋。
義氣仔超筍盤陳：係咩？咁你都好有義氣，你記唔記得有次我話冇錢買車，問你可唔可以借錢畀我，咁你話養我嘛，都要買畀我架啦！點知你真係好認真，其實我講笑玩吓，話我冇錢，叫你借幾十萬畀我買車，你初時仲叫我唔好玩，後來以為係真就想即刻畀錢我，聽到真係好窩心，好想喊，絕對係最勁筍盤，（打低陳豪？）分分鐘有得揮，你有車都搭港鐵，可能慳油啩！
馬：我屋企落銅鑼灣，搭港鐵方便好多，我個人好實際，所以係好老公一名。
陳：以前我成日屈你送嘢，好似生日咁，唔係物質問題，我記得你送好多Winnie the Pooh畀我，我到今時今日都包得好好，好珍貴架！咁我都有送過嘢畀你，好似你架車嗰隻老虎吊飾。
馬：哈哈，嗰時你同我講，話黑色車好蝦人揸，隻老虎紅紅橙橙，放喺車上面鎮住佢，咁so far到依家一直冇事吖！仲有我返內地拍劇，你驚我悶，就送咗隻老虎公仔畀我，依家都仲放喺我床頭。
揀女友要過阿媽嗰關陳：其實想問你好耐，點解你仲唔拍拖？
馬：未遇到嘛！太忙嘞！呢套劇啲時間好緊，每日瞓得兩個鐘。
陳：係咪未搵到一個女仔可以令你付出，我發覺你都應該唔係好識拍拖嗰類人！
馬：都可以咁講，咁耐以嚟我只拍過3、4次，真係好悶，淨係識踢波。
陳：我就好活躍，所以唔可以同你一齊。
馬：我都好鍾意喺屋企。
陳：你喺屋企要同我玩，要扮低能喎！
馬：我都玩公仔架！鍾意唐老鴨，你咪玩Winnie the Pooh囉，都OK架！其實我有對你心動過，真係……因為你真係好好，只不過嗰時唔敢追，因為自己未搞掂，賺幾多錢大家知，屋企都未有，爸爸退咗休，仲點諗拍拖，我係嗰種拍拖會諗將來嘅人。
陳：要到結得婚先會追我？
馬：依家好難鬥啦！你都有男朋友。
陳：我分手就打畀你，我驚我分手時你已經拍拖，你對感情太慢熱，又唔可以逼，所以你要一個樂天女友，最大問題一定要你媽咪鍾意。
馬：你咪都係一樣。
陳：因為你放媽咪第一位，我係愛咗先算，比較反叛，如果媽咪覺得麻麻地，我就會叫佢唔好理，但你唔係囉！
馬：都係嘅，最老套嗰句啦！老婆有得揀，阿媽冇得揀，我阿媽本身好開通，如果我阿媽都覺得唔得，就真係有問題嘞！

敏之曾上馬國明屋企，被其家人誤為女友。
「甩拖就同你結婚」
陳：咁耐以嚟應該得我見過你阿媽，因為我上過你屋企，嗰次係活動之後一齊去睇戲。
馬：咁你嗰時做完活動個妝好濃，咪上我度落妝先去睇囉！
陳：記得上到去，當時你阿媽、阿爸同家姐表現得好驚訝，我話我嚟借洗手間，但有樣嘢好笑，就係我出番廁所，見到你阿爸睇緊報紙，但份報紙就掉轉咗，好明顯係扮睇，我真係想笑，但死忍。單憑咁樣就證明你唔係成日帶女仔返屋企啦！
馬：咁講真，你應該都係第一個，我都唔帶女仔返屋企嘅。
陳：可能你阿媽以為我同你拍拖，哈哈！你阿媽喺你心目中真係好重要，拍《下》劇時你個散紙包係隻龜，我話好肉酸，問你可唔可以換過第二個，你好緊張話唔得，因為係媽咪買畀你，你當隻龜係真咁養，點知幾年後你仲用緊，手錶又係一樣，孝順到呢……如果我下次分手，要盡快同你結婚，因為我已經冇時間生，點幫你生啲唐老鴨出嚟！
唔做呢行去踢波陳：你最近畀我感覺係成日撩女仔，係咪個人豁達咗？
馬：咁我同前輩拍劇，佢哋教我唔只淨係演好自己角色，係要令現場拍攝氣氛都要開心，出嚟嘅嘢先會好，所以依家我會讚啲女演員係靚女囉！
陳：我有時拍劇諗唔到點做，會帶埋劇本叫你幫我睇，公司裏面冇第二個可以咁。
馬：掉轉頭我遇到同樣問題，你都會幫我，好似我演花弗角色，都會問你有冇呢啲朋友，大家互相幫助。
陳：起碼大家有經歷，做到朋友好難得。
馬：有感覺我哋係永遠嘅朋友。
陳：依家你又做男主角，我覺得好開心。當年你攞獎（飛躍進步男藝員）嗰陣時我差啲喊，癲咗咁！眼淚係咁流，我嗰刻都好想攬住你大嗌，但驚畀人打，相信掉轉頭你都會，大家叫做捱咗咁耐，你都係早我一年半載，睇住你咁勁，我好開心，好多人鍾意你。
陳：你做呢行會唔會一世，有冇諗過唔做呢行做咩？
馬：又未試過好心灰意冷，我都算係幸運嗰類，做過「路人甲乙丙」3年，到今時今日都好鍾意做戲，唔做咪去踢波囉！不過搵唔到食，可能娶咗你呢！
文：影視組攝：沈建程

作者: 〝Ex喵﹑ 時間: 12-2-23 07:19 PM

上咸網

作者: h36818 時間: 12-2-23 07:19 PM

甘我覺得無問題

作者: 吳受坤 時間: 12-2-23 07:19 PM

你上唔上, 我唔上.

作者: 風在隨空飄舞 時間: 12-2-23 07:21 PM

其實呢一句真係一石二鳥

首先講出黎大家都比個服字佢
第二可以免去外界認為佢係GAY既諗法

作者: wwke063 時間: 12-2-23 07:21 PM

你咪寫囉...我咁大個人同你講冇上過鹹網，你都唔信啦。

作者: 乂含你爸條J乂 時間: 12-2-23 07:23 PM

你咪寫囉...我咁大個人同你講冇上過鹹網，你都唔信啦。

作者: 〞kIu﹑ 時間: 12-2-23 07:23 PM

支持一件頭

作者: 斬．天．砍．地 時間: 12-2-23 07:26 PM

講得岩，冇上過講都冇人信

作者: d14232 時間: 12-2-23 07:29 PM

這天馬國明
睇左做天馬國明

作者: 雪龍神 時間: 12-2-23 07:30 PM

馬明幾好野wo

\
我笑左

作者: 風在隨空飄舞 時間: 12-2-23 07:30 PM

d14232 發表於 12-2-23 07:29 PM
這天馬國明
睇左做天馬國明

我又係

作者: 盟主 時間: 12-2-23 07:34 PM

有咩問題,我有時都上tubex,thisax啦

作者: 風在隨空飄舞 時間: 12-2-23 07:34 PM

盟主發表於 12-2-23 07:34 PM
有咩問題,我有時都上tubex,thisax啦

咩黎架
我唔識既

作者: 無雙仔25 時間: 12-2-23 07:39 PM

本帖最後由無雙仔25 於 12-2-23 07:39 PM 編輯

男人上咸網是常識吧

作者: 風在隨空飄舞 時間: 12-2-23 07:40 PM

記者問佢同曾華倩有冇可能撻著

曾華倩大佢成9年喎==

作者: TDEA 時間: 12-2-23 07:43 PM

宜我不知道陳偉x是誰後又一金句

作者: 風在隨空飄舞 時間: 12-2-23 07:44 PM

2樓加左資料

link唔貼了 ,論壇黎
想要pm我

作者: 風在隨空飄舞 時間: 12-2-23 07:52 PM

陳：記得上到去，當時你阿媽、阿爸同家姐表現得好驚訝，我話我嚟借洗手間，但有樣嘢好笑，就係我出番廁所，見到你阿爸睇緊報紙，但份報紙就掉轉咗，好明顯係扮睇，我真係想笑，但死忍。單憑咁樣就證明你唔係成日帶女仔返屋企啦！

好柒下

作者: 緋月〥心 時間: 12-2-23 08:15 PM

本帖最後由緋月〥心於 12-2-23 08:15 PM 編輯

坦白