2000FUN論壇

標題: D6個人感想第五集：進步 [打印本頁]

作者: HKPoorGuy 時間: 12-3-11 04:50 AM 標題: D6個人感想第五集：進步

本帖最後由 HKPoorGuy 於 12-3-11 04:53 AM 編輯

過多一天便是D6在香港登陸一周年。(2011年3月12日晚上新之城第一間裝好D6)
適逢周年記念，同時清舊數，一口氣出3篇文（不過一個禮拜一篇）。篇文會短Ｄ，唔使大家睇咁耐。

其實去到呢一刻，有好多有玩開D6既，基本上都會明基本D6既原理同技巧，
就算話唔熟條路，頂多都係過彎有保留，速度同金既長度未必去到盡，呢個可以理解。
但平時去唔同機鋪睇人打對戰，發覺好多人打對戰好「和善」，
或從另一個角度講，就係冇一種對戰應有既「火」。
比如說，好多人打對戰個陣，唔好話對於對手有正面攻擊或傷害，
就算只係顧掂自己，好多人都唔太注重自己撞左幾多野，又或者D金長唔長等等。
好多時都係，去到最後段，唔知點解系統判定左自己火箭，跟著就求其咁贏到人就算。

好多人都會問我，點樣硬係做唔到某種效果，點樣令自己進步，等等。
我通常既答案，都係叫番佢留意番自己個場對戰，有D咩地方做得唔好或者漏左。
一場對戰輸左，固然有唔同既原因，但最為人忽略既就係細節。
情況就等同TA一樣，可能你條線差D，出彎速度差D，又或者撞左少少，時間已經可以差好遠。

一般人既思維係，會諗到對手好天馬行空，諗到對手好勁，跟著用黎安撫自己，覺得自己輸係正常。
跟著贏人個陣，就諗到對手實力低過自己，甚至廢，黎抬高自己。
正正就係呢種思維，窒礙到大多數人應有既進步空間。
因為思維已經固定左「贏就係勁，輸就係正常」既層面，又何來需要進步？

其實只要識得將呢種思維調番轉，就會得知自己其實仲有好大既進步空間。
有睇開我YOUTUBE CHANNEL既巴打，都會知我放既片大多數都係輸既片。
動機有好多，但其中一個重要原因係想警戒自己，下次唔可以或盡量避免犯同一錯誤。
好多日本仔以為自己靠睇條片就知道哂我容易犯既錯係乜，
但佢地唔知道，佢地一有呢種心態，就係佢地輸既開端。

對戰真係有體會既人，就會知道呢個世界係學海無涯，就會知道自己其實係好渺少，
呢個世界永遠天外有天人外有人，而井底之蛙就係自以為自己真係人外之人。
如果真係想自己進步，真係唔需要D咩大改變，
首要既係留意下自己平時對戰個陣經常犯咩錯，
有D咩位蛇日出事，跟著就慢慢一個個針對性解決，
一個彎解決到，就自然可以慢慢解決到一部分路，跟著就係成條路，以至係唔同賽道等等。
首要既係，你要有想進步既心，放底一套自以為自己係人外之人既壞習慣。

作者: yuko! 時間: 12-3-11 10:47 PM

like~ ! 絕對係一段好文章 ~!!

歡迎光臨 2000FUN論壇 (https://www.2000fun.com/)