2000FUN論壇

標題: 想睇下大家睇完會講d咩,純分享 [打印本頁]

作者: -迪天奴- 時間: 12-3-29 01:29 PM 標題: 想睇下大家睇完會講d咩,純分享

自從有facebook後既世界, 個電話幾耐無響過？係呢個科技發達既年代，就連背後操縱世界既組織，都好似俾人偷睇佢沖涼咁，咩都比你睇哂。呢個時候，自己反而最唔清楚自己想要咩。從前，人同人之間既關係建立係溝通，我笑下你，你笑下我。嬲你，我會鬧你，喜歡，我會讚你。去到而家，所有野取決於幾多個like，朋友(friend)按一個制就可以擁有。因為有icon , 文字同語言變得無謂。愛，應該係溫暖，而唔係一個紅色心心。傷心，淚水應該係濕既，而唔係一個黃面人係隻眼到流水。而家呢個年頭，病到死都要上網同人講病了。喊到豬頭咁都要自拍話痛哭了。為既係like同comment所帶黎既安慰! 但現實？可能一個電話既問候都無。所謂既關心，只係用輸入法所形成既一句句子。成班人食飯，無預我，我問點解? 「咪invite左你去個event囉！」

朋友同女友散左，識埋新女，我問佢: 「乜分左手？」 ⋯⋯「你無...睇我fb咩」越容易得到，就越唔識珍惜，唔需要去了解對方。係而家既世界，真實存在既你係點唔緊要，只要你張頭像夠令，唔理你高炒，揾野遮，用photoshop，總之你張相，決定你有幾多朋友! 大家同樣飲starbucks，同樣比咁既價值錢買黎飲，同樣影張相放上網，點解佢飲代表有品味？我飲就無人理？無人理你係咪放鬆，無人理你係咪好嘆......係呢個世界，你既價值仿似係零。因為你唔係d咩令仔令女，你唔識photoshop，你無事業線，you got nothing!你只係一個被社會網站牽住鼻走既人。每個人開始係現實同網絡分裂出兩種性格，fb過千朋友，現實你已經好耐無朋友打過比你。你咩都無做過，但有人會憎你，佢唔識你，只係見到你張相chok左少少。你影完張相，比人話你發姣。你著黑絲，d人當你av，點解？事實上，你只係普通打工仔，只係普通學生，中意素顏，中意係屋企著住牙伯褲，但係網上面，你唔可以，因為你同我係呢到都有個形象，有個定位。你有幾千個fd，狗公，收兵，想識既女仔，女神，娘娘，係到睇住你。就算有時明明無人想理佢，但有d人總覺得自己係fb有好多人注意。問下自己，幾耐無揾你個fd，問下自己，見到朋友講完一番偉論，明明好想講d野，但最後like完就算，心諗「like左咪得囉！」問下自己，成幾千個朋友自己識邊個?

作者: 中華丸子 時間: 12-3-29 02:51 PM

請寫返。。轉貼。。。‵

作者: 珍珠鑽石 時間: 12-3-29 03:01 PM

大家約好左出街既,問佢出得門口味緊係打電話啦,唔通仲FB咩等佢慢慢回丫><

最緊要自己分到 FB 同電話點樣用法

作者: CHoK!麟=) 時間: 12-3-29 03:11 PM

''訊息''表面上好似越來越易傳達，但實際上是傳漏左好多野!!如人的態度，感受、情緒、反應好難全部由文字表達晒出來，所以越倚賴這些工具，很容易越疏遠身邊的人!

作者: 珍珠鑽石 時間: 12-3-29 03:21 PM

本帖最後由珍珠鑽石於 12-3-29 03:22 PM 編輯

CHoK!麟=) 發表於 12-3-29 03:11 PM
''訊息''表面上好似越來越易傳達，但實際上是傳漏左好多野!!如人的態度，感受、情緒、反應好難全部由文字表 ...

之前就SMS ICQ MSN

依家就WHATSAPP FB

歡迎光臨 2000FUN論壇 (https://www.2000fun.com/)