2000FUN論壇

標題: SUN熱辣：愛滋鳳姐靠害逾百嫖客嚇餐飽 [打印本頁]

作者: 秋本明晃 時間: 12-4-2 03:02 AM 標題: SUN熱辣：愛滋鳳姐靠害逾百嫖客嚇餐飽

「條褲都未着番，佢就話自己有愛滋，嗰一刻我真係嬲到想一巴掌扯埋佢塊面度。」任職經紀的阿成（化名），每隔一兩個星期，就會忙裏偷閒，到鳳樓「撳鐘仔」實行「鬆一鬆」，未料卻令他近日飽受愛滋疑雲困擾。「依家要等足三個月先知係咪惹到（愛滋病），就算好彩唔中，都畀佢嚇餐飽。」

東方電視更多新聞短片

本港感染愛滋病病毒個案持續上升，性接觸成為主要感染途徑。不過，阿成未想到這股愛滋疑雲，竟然籠罩他與一班「戰友」身上。阿成與多名「志同道合」的老友閒時聚會，除了品評鳳姐質素外，更會互相推介鳳姐。「呢個鳳姐係我老友試過之後，話服務唔錯介紹畀我，自己又貪新鮮，咪得閒走過去試一試囉！」

鳳巢人去樓空

一個多星期前，他工作後途經灣仔，就決定光顧一下該鳳姐。「一開門見到個囡囡二十零歲，講嘢有啲鄉音，不過身材好好，穿着粉紅色喱士，短裙女僕打扮，個樣都算幾索，咪用五百蚊幫襯佢。」「嫖齡」超過十年的阿成為了安全起見，已做足安全措施，豈料交易後，坐在床邊的鳳姐突然露出一個怪異的表情說：「嘿嘿，你中招喇，我有愛滋病㗎。」阿成即時被嚇得心都一離，第一個反應就想一巴摑向對方。「佢個樣驚都唔驚，仲話啱啱連我戴嗰個套都拮穿，個樣仲好似好心涼咁。」

事後阿成向介紹該鳳姐的老友投訴，未料對方竟說原來他並非第一個，之前數天曾幫襯該鳳姐的多名老友都有同一遭遇。他們發現該鳳姐雖然三個多月前開始在上址做生意，但直至三月初才向客人自稱有病，懷疑是該段時間證實感染愛滋，以她每日接七至八名客人計，受害人估計超過一百人。「我覺得佢特登咁講都係想報復，我依家將件事公開，就係唔想佢周圍傳播愛滋去害人，就算佢無（愛滋），都唔應該去嚇人！」阿成形容現時被該鳳姐玩殘：「又唔可以同屋企人講，更加唔敢同老婆做（愛）。」

記者一連兩日到去上述鳳樓視察，發現該幢堪稱「鳳姐大樓」的大廈，近二十層樓大部分都被劏成一樓一鳳單位，平日已十分旺場，每日下午四、五時更是繁忙時間，大批男士排隊登樓。至於愛滋鳳姐連日來卻未有開工做生意，門外則擺放了由洗衣店送來的毛巾。據了解，該大廈內接客的鳳姐不少來自內地，留港一段時間便會離去，不排除愛滋鳳姐已離港。

僅可控「傷人」

紫藤發言人李小姐表示，暫時未收到區內有鳳姐感染愛滋病事件。李直言會聯絡區內性工作者了解，而一般情況鳳姐染上性病都會停工，不會刻意感染他人；她不排除有嫖客因不滿服務而刻意中傷，她們會勸鳳姐以平常心處理，謠言會不攻自破。

「咁搞法即係謀殺。」阿成直斥鳳姐此舉是「攞命」，但法律界人士梁永鏗指，就算證實鳳姐刻意將病毒傳染他人，僅可構成傷人或嚴重傷人等罪名，並不屬謀殺及企圖謀殺。「染愛滋病唔係一定會死，只可以按病情嚴重性，控以傷人或嚴重傷人。」倘鳳姐只是靠嚇，梁更指並不屬刑事罪行，因為對方沒有任何勒索行為。

愛滋鳳姐

特　徵：二十多歲，五呎四吋高，說話有鄉音，開工時愛粉紅色短裙女僕打扮

時　間：今年三月初至今

地　點：灣仔一鳳樓大廈

事　件：每次性交易後自稱染有愛滋，並事先拮穿供客用避孕套

受害人：估計超過一百名嫖客

作者: Midas 時間: 12-4-2 03:34 AM

只能說抵死＝＝”
有老婆　仲要要偷食．．．真係自己攞黎

作者: KA2837 時間: 12-4-2 03:50 AM

要賴嘢唔叫雞都會賴~ 當然唔去嘅話機會就少啲啦~

作者: 真龍太大 時間: 12-4-2 08:43 AM