2000FUN論壇

標題: 有男友但係又鐘意第個男仔 [打印本頁]

作者: 細蚊× 時間: 12-4-20 10:00 PM 標題: 有男友但係又鐘意第個男仔

本帖最後由細蚊× 於 12-4-20 10:02 PM 編輯

我係澳門人同一個香港既男仔異地戀左一年
我地只係見過三次但係我地日日都會whatsapp 佢有時放工/休息就會add我
我以前成日想打電話比佢但係打十次十次佢都會cut我線  我記得我地只傾過兩次電話
第一次5分鐘..第二次3秒  我問佢佢以前話因為貴
而我整左個plan之後佢話如果同我傾左我就會日日打比佢

有一排我想寄信比佢但係佢話麻煩有咩可以whatsapp講
我覺得佢性格好好講d野又搞笑  成日同佢whatsapp我都會笑唔停
有時我會懷疑..懷疑佢有幾鐘意我..但係我次次都會好快就說服自己
有時我又覺得自己似係同部手機拍拖多d
佢話佢唔介意我同其他男仔正常社交

幾個月前我去學結他  同結他呀sir幾好傾我地有時又會出下去食飯
佢最近追我 ..我又對佢有好感  但係我有男朋友..

我唔想失戀唔想改變..唔想受傷..
但係我又鐘意第個 ..我應該點做?

作者: soldat24 時間: 12-4-21 12:37 AM

我係澳門人同一個香港既男仔異地戀左一年
我地只係見過三次但係我地日日都會whatsapp 佢有時放工/休息就會add我
我以前成日想打電話比佢但係打十次十次佢都會cut我線  我記得我地只傾過兩次電話
第一次5分鐘..第二次3秒  我問佢佢以前話因為貴
而我整左個plan之後佢話如果同我傾左我就會日日打比佢
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
我個人覺得啊
個男仔好似冇咩點對你上心
點解拍拖1年見3次.....
我識D朋友
個女仔住天水圍我個朋友就住南區
佢到日日放工就入天水圍同佢女朋友食下野
我當佢1程車入天水圍要2個鍾
來回坐底到4個鍾
諗深一層
1個月去澳門見下你到只係一程來回船票姐
1年到最小有12次見下面
買船票又唔係真係咁貴
1個月搵錢只係用300蚊左右黎同你行下食下飯
咁到唔得...
呢個男仔好明顯個心冇你存在
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

有一排我想寄信比佢但係佢話麻煩有咩可以whatsapp講
我覺得佢性格好好講d野又搞笑  成日同佢whatsapp我都會笑唔停
有時我會懷疑..懷疑佢有幾鐘意我..但係我次次都會好快就說服自己
有時我又覺得自己似係同部手機拍拖多d
佢話佢唔介意我同其他男仔正常社交
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
的確你係同緊你個電話拍拖
我個人主張電話同埋FB到係工具
拍拖就應該真真實實咁拖住女仔隻手
大大方方咁行出黎
下下到WHATSAPP
其實就同對方冇左個種互動
有D野係WHATSAPP唔一定會表達到出黎
例如錫男仔塊面
點可能用WHATSAPP表現到出黎
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

幾個月前我去學結他  同結他呀sir幾好傾我地有時又會出下去食飯
佢最近追我 ..我又對佢有好感  但係我有男朋友..
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
我唔係話指定要你去選擇
我只係比意見你個腦去諗下
我可以講比你知
你試下回想個男朋友做過D咩野係令你心動過
之後你再諗下個啊SIR又做過D咩野令你心動
兩者總有分別
又或者你同你男朋友有冇咩特別經驗
如果你諗完你同你男朋友既野係0或者幾乎咩到冇既時候
你係可以對佢放手
不過老實講句真心說話
你係要實在咁同對方拖手行街
定係拎住個電話日日WHATSAPP
自己諗下係幻想類定係實在類
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

我唔想失戀唔想改變..唔想受傷..
但係我又鐘意第個 ..我應該點做?

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
好多時就係呢種想法就令到你傷得愈重
你試下唔好由失戀呢個想法去諗
你要覺得自己係自由唔係失戀
失戀唔係大晒係人到會有分手既階段
冇咩可能遇到第一個情人就係你既最終情人
改變唔一定係壞事
但係你唔改變就一定唔係好事
你覺得受傷你就做一D自己喜歡既事
例如我唔開心我就會去機鋪打機(只限唔開心個陣)
玩下地主玩下灣岸之類既野
係入去玩個陣就要放底D唔開心既野係個到
到我出左機鋪門口就直頭係放底心頭大石
你鍾意左第2個男仔姐係表現出你對E家個男仔既不滿
既然自己心動鍾意點解唔去試一試
當然唔好亂咁同人發生關係啦
正常咁去同佢行街食飯
對自己有多個選擇
總好過冇得選擇
以上就係我既分享

作者: ＭＡＮＤＹ 時間: 12-4-21 01:44 AM

本帖最後由ＭＡＮＤＹ於 12-4-21 01:44 AM 編輯

睇定d先好...比個時間自己

我覺得真心愛一個人就要好好保護佢,

唔好咁易就分開

如未見過面就另計啦.

作者: 細蚊× 時間: 12-4-21 07:32 PM

回覆ＭＡＮＤＹ的帖子

其實我係以前對自己許左一個成諾..就係唔會去傷害佢因為佢以前個女朋友對佢好衰

但係反而係我受重傷 ..我岩岩同佢一齊果陣  佢好似好唔想人地知道我同佢一齊
  佢前女友恰我鬧我佢都係幫住佢前女友種種原因..我對佢既感情真係淡左好多
或姐有時我諗番我都會喊  但係我說服自己都係以前既事了

我好疑惑....佢其實心入面點諗架...

作者: 細蚊× 時間: 12-4-21 07:34 PM

回覆 soldat24 的帖子

多謝你 ..睇到你咁有心機同我分析我覺得呢度好warm~
我會再認真考慮..

作者: ＭＡＮＤＹ 時間: 12-4-22 08:12 PM

細蚊× 發表於 12-4-21 07:32 PM
回覆ＭＡＮＤＹ的帖子

其實我係以前對自己許左一個成諾..就係唔會去傷害佢因為佢以前個女朋友對佢好衰: ...

做返真正既自己就可以...

唔洗克意做得好,因為每個人性格都唔一樣

克意做到最好會令到自己好辛苦的,

希望妳可以得到真正既幸福

作者: Black_Cast 時間: 12-4-24 08:26 AM

回覆細蚊× 的帖子

其實鐘意,大家都有呢種情感
但係我覺得既然係咁不如放手喇
因為佢都唔愛你。

作者: 吞食貝貝 時間: 12-4-25 07:55 AM

本帖最後由吞食貝貝於 12-4-25 07:56 AM 編輯

變心吾係罪，一腳踏兩船先係死罪呀，知道嗎?
如果你拍拖求開心，就揀一個可以令你開心既人
如果你拍拖求將來，就揀一個可以同你有將來既人
視乎你係呢段關係想得到ｄ咩，就選擇啦
我幫吾到你決定，但你必需要自己選擇一條吾令自己後悔既路

我唔想失戀，唔想改變，唔想受傷．．．（睇得出你都幾＿自私．．．）

作者: south36912 時間: 12-6-26 07:03 AM

樓主..有邊個仆街唔話前女友點衰點衰架...
睇唔出佢真係愛你囉,
真係愛你既話個電話費幾貴都照樣同你傾啦(自己工作緊有收入,連個小小錢都唔肯付出..)
佢唔想比人知你地拍拖最大既可能性就係你係第三者..
..都有可能唔知有幾多個第三者受害。
你係咪比人呃左呀?
話唔定佢一腳幾船囉,成日睇到D女仔咁講,通常到最後個結果都係比人呃左~
女人又係犯賤情願比人呃..我都試過比類似情況D衰人呃左~.~
係隻GAME識架?放棄啦..

作者: 乂死神 時間: 12-6-27 12:46 AM

好坦白
你地會有將來咩?我真系睇吾出會有乜
1年見得3次
你仲記得佢個樣咩?你仲記得第1次同佢出街咩FEEL咩?
有句說話叫珍惜眼前人
錯過良機就系MISS左架喇點解甘多時間曬吾用系現實度呢?
家下分手會有幾傷?
你都鐘意左第2個男仔落話吾定你男友聽完你講分手仲會祝福你

作者: 陳手跛 時間: 12-6-27 01:24 AM

t_t
樓主其實你心裡面唔夠信心姐
好多野一定係透過 "傷害別人" "受傷害" 先會學識
並唔係叫你玩弄感情
你咁樣拖拖拉拉浪費大家青春更加唔好呢自己諗啦
你同你講電話個個只講衰既野好野得兩句
我覺得你要諗得全面d喇
我深信實有d好野既唔係既話點維持呢段關係一年呢
勇敢d面對感情既野諗清楚就去做就唔會令自己後悔
因為你都諗清諗楚=)

『古語有話寧教人打仔, 莫教人分妻』

以上所有發言所屬個人主觀性言論請三思

作者: 戀軒 時間: 12-6-29 10:53 AM

自己諗下邊個您愛邊個多d,邊個對您最好

作者: karyyip 時間: 12-7-1 01:04 AM

你咪暪住條現任,同第三者玩下囉,唔鍚鍚唔上床都ok既

作者: ☆可兒☆ 時間: 12-7-2 09:33 AM

賭仔最忌係磨爛蓆!!

愛情都係........!!

作者: 胡唸塗 時間: 12-8-3 02:30 PM

你果個算唔算係男朋友黎咖....見禁小...

作者: supersp 時間: 12-8-27 08:05 PM

考慮後果,,可能會好嚴重

作者: skhlmc681 時間: 12-8-29 01:42 PM

樓上個分析好堅

歡迎光臨 2000FUN論壇 (https://www.2000fun.com/)