2000FUN論壇

標題: TERA各職不負責任分析集合 [打印本頁]
作者: chui20032003    時間: 12-4-21 09:02 PM     標題: TERA各職不負責任分析集合

本帖最後由 chui20032003 於 12-12-12 03:40 PM 編輯

人物所在伺服器：爾雷曼西亞　角色名稱：木頭人

TERA 8個職業係PVP/係副本/單練既能力
同埋會簡單介紹每個職業同佢地既職能
雖然TERA 尼隻GAME同其他都有分" 盾 / 輸出 / 補助 系"
但因佢係非鎖定系統既原故
大家選擇職業必須考慮自己既個性/同能力
係開GAME之前好好選擇自己日後想玩既職業!!

盾系: 劍鬥士, 槍騎士


首先同大家分析劍鬥士
劍鬥士既職能係盾系,有仇恨技能黎吸怪,
但好可惜劍鬥士身穿既只係皮甲冇高防禦
同時無格擋技能所以只能避怪既攻擊
因為尼隻GAME係無回避值尼回事
回避動作都要靠玩家既即時反應同經驗
所以相對對技術同反應既要求係非常高

火力方面:
劍鬥士其實我個人覺得佢火力方面佢係非常弱雞
但因為佢有D技能可以壓低防禦增加攻擊力同埋血愈低(50%以下)攻愈高既優勢
係佢冇咩血果時攻擊力分分鐘係高過狂戰
但因為咁既原故你失手一次可能就咁玩完

副本需求方面:
因為佢係同槍騎職能相撞
往往可能只能擔當輸出角色,而係見到隊友出現OT情況 你去吸返隻怪
但以我火力分析既原故係台版好可能係冇人要,除非真係唔夠人用
而無槍騎既情況下,你既責任就超級大,因為你失手一次
全隊人就會失去唯一既TANK,無被你吸住既怪就會周圍打你既隊友
最先應該係補師, 尼個情況如果係打BOSS出現 全隊人正常都會XYZ你
所以自問無咁上下技術既劍鬥士就唔好做主TANK

SOLO方面:
單食精英其實問題不太大
但需要對果隻精英怪既一舉一動十分熟悉
但如係滿血情況,就會打得好慢(攻低)
如你特登壓低血量去谷攻
都係果句,你失手就係咁先 由頭打過
得不常失

PVP方面:
單P既話 有技術既劍鬥士 絕對有可能係各職最好打果個
不過都有各種情況
團P既話 比我既話第一隻就圍死劍鬥士,皮薄
如果刻意壓血量壓防去谷攻,對對手黎講係相當既阻礙
但相對黎講你會死得好快
如用技加防,你會減低攻擊力,打人唔痛=冇人會理你
但咁係唔係表示你會變左鐵人呢?答案NO
原故都係因為佢係皮甲 防本身就低

總結:
因為我相信大家都對雙劍士,同快攻速既享往都會被吸引選擇此職
但選擇此職前先考慮清楚自己是否合適
評分:
火力方面: 7/10
副本需求方面: 7.5/10(根據日版情況)
SOLO方面: 9/10
PVP方面: 7/10

附上SOLO影片:
[hdutube]LIuqscxl5BE&feature=relmfu[/hdutube]


槍騎士

槍騎士既職能係盾系,有大範圍仇恨技能黎吸怪,
身穿重甲,具有高防禦
同時無敵既格擋技能
係TERA 主TANK係非佢莫屬

火力方面:只可以咁講係近戰系係最雞
不過都正常,大部份遊戲職能係TANK既話,擁有高防既代價就係低攻
(如果高防又高攻咪姐係屈機:0?)

副本需求方面:眾所周知出團都至少有一盾打頭陣
所以槍騎絕對係出副本時最搶手既職業!!!
而且鐘意玩盾既人比較少 所以玩槍騎基本上係唔洗煩冇人組
能力愈大責任愈大,打副本果陣可唔可以順順利利咁打完
都好睇槍騎,例如 各種怪物既攻擊模式,有冇偷雞位可以行(帶路)

SOLO方面:打怪做任打精英 我諗你住相當辛苦
因為槍騎好似冇咩範圍技能,而且攻擊力頭先都提過 (低攻)
但如果你舍得係咁食補品 之類 其實都過得去既,因為佢既技能比較食魔
而高防高血既關係 失手都唔會係太大既致命傷

PVP方面:
單P既話...鬥長命...唔可以睇小佢高防低攻
分分鐘磨磨下磨死埋人地
團P既話主要都係輔助隊友殺對手
因為有技係捉敵人去自己身邊
好好合作既話團P都係一個不可缺少既人員

總結:
因為高防我諗係唔少比較保守/喜歡穩陣既玩家既至愛
比較合適新手玩,但出團/打D自己唔熟悉既怪時候
自己要先做功課 ,了解 怪既攻擊模式之類

評分:
火力方面: 5/10
副本需求方面: 9/10(根據日版情況)
SOLO方面: 6/10
PVP方面: 7/10
附上槍騎打精英片段
[hdutube]ssMznr-4Jlg&feature=relmfu[/hdutube]


輸出系: 屠殺者  , 狂戰士 , 魔法師 ,弓箭手


屠殺者
尼個職業比較萬用型,攻擊高,範圍技,同時擁有最短CD時間的"回避" 3秒
而且好多攻擊技能都係附帶移動,可達到 "攻擊同時回避"
所以都好受玩家選擇既對象
因為穿著皮甲關係,防禦與雙劍一樣低,同樣單純同回避黎閃怪既攻擊

火力方面:
高爆擊率而擁有強大既火力唔會輸蝕狂戰士
技能上會附帶擊倒的機會
但重點都係裝備同紋章
因為屠殺者主要靠暴擊黎提高火力輸出
如果唔好好自己配合合適既裝備同紋章
咁就大才小用 哂左

副本需求方面:
基於受玩家歡迎既關係
搵團都幾難下,人多自然競爭多
在副本主要擔當輸出角色

SOLO方面:
先前講過屠殺者係一個萬用型既職業
SOLO單練絕對唔係問題
而且攻擊高,單練都幾有效率
不過同樣因為穿著皮甲 低防既關係
如果唔好好熟識各精英怪既攻擊模式
一個失誤都可致命

PVP方面:
單P:由於技能附帶擊倒關係 而且有關技能都可以達到追擊效果
所以真係名副其實"追住黎打"
打到對手訓低就係你既天下XD
團P既話因為佢既範圍技都有唔錯既輸出
所以係對手中間放下技 都幾幫得手

總結:
萬用型,單練團練也可
攻擊高,爆擊高,同時擁有唔錯既機動性
但低防關係要自己注意下

評分:
火力方面: 8/10
副本需求方面: 6.5/10(根據日版情況)
SOLO方面: 8/10
PVP方面: 7.5/10
附上屠殺者打精英片段
[hdutube]Gbf31cYTlZk&feature=related[/hdutube]


狂戰士
瞬間最強物理輸出真係非狂戰士莫屬!!!
身穿重甲!
可以講係習高輸出高防禦於一身!!
雖然移動速度係所有職業中最慢
但係高攻高防配合"格擋"
咁既職你仲可以係邊到搵

火力方面:剛才介紹過狂戰士可以話係擁有瞬間最強物理輸出
點解我會話"瞬間"呢?
因為基本上狂戰士既攻擊模式都係以"蓄力"攻擊為主
所以佢蓄力後既單下攻擊係最強咁制
不論單體/範圍技能都有具備
但係問題在於每次蓄力都需要時間
移速/攻速都幾慢下
所以平均輸出只能算係中上

副本需求方面:由於單發輸出高而且高防禦既關係
好多人都會選擇尼個職業
同樣多人多競爭,可能搵團方面就要手快D
而且最大問題,係狂戰士穿著既係重甲,與槍騎相撞
由於槍騎係不可缺少既要員,槍騎整體都係睇佢既防禦
在情在理,狂戰點都要讓裝比人(尼點就要睇下台服玩家如何署理)
所以可能就要棄裝入團
當然你可以選擇雙劍當主坦既團,但相對風險高左

SOLO方面:
高攻高防係打精英都唔會有咩大問題
有單體/有範圍技能
但係要注意既事係佢移速係超級咁慢
而且格擋同槍騎相比會弱雞DD
雖然一次失手不足致死
但係單練打精英時都要熟悉每隻精英既攻擊模式
先會練得更有效率

PVP方面:
單P:蓄力一擊打落去對手方咪話唔痛!
但要注意既係,果下威力雖然大
但打唔中就冇意思
所以要靠玩家既反應同洞察力
預計對手下一步既行動
而且一野打落去 KO!
團P既話因為佢既蓄力範圍技而且高防禦
所以係對手中間放下轉幾個圈 可能都殺唔少
但移速慢都係一個致命性既弱點
所以要驚奇不意咁發動攻勢
先係一個稱職既狂戰!!!

總結:
同樣單練團練也可
攻擊高,防禦高,係解任時比其他職更有效率
但係都係行得好慢....

評分:
火力方面: 9.5/10
副本需求方面: 7/10(根據日版情況)
SOLO方面: 9.5/10
PVP方面: 8/10
附上狂戰士打精英片段
[hdutube]HK6legZ7XDs&feature=relmfu[/hdutube]


弓箭手
同好多OLG一樣,弓箭手通常都係處於後方作輸出
TERA都係一樣.唯一不同之處就係TERA係無鎖定設計
同回避一樣係無所謂既 "命中率"
玩家需利用遊戲內既"準心"作人手瞄準
大家可以理解為TPS(third-personal shotting)
所以都係好考玩家既反應同集中力!!!

火力方面:同狂戰士既攻擊模式都係以"蓄力"攻擊為主
當然無狂戰輸出咁高,但係隊友既掩護下
安心咁作遠距離輸出 絕對係懶人佳選!!!
但可惜既係範圍技既火力就比較弱
而且同狂戰一樣每次蓄力都需要時間
同樣"蓄力"時移動速度減低
不得不提既係弓箭手距離愈遠攻擊力相對降低
換句話說愈近就會相對提升

副本需求方面:
其實弓手同魔師都係後方主要火力
所以其實搵團都唔會係好難
而且主要都係負責輸出
無咩特別野要搞
追住大隊衝衝衝射射射 就係咁
在我印象中都唔會經常出現OT情況

SOLO方面:弓箭手都係離唔開拉打
但如何有效咁令用弓箭手既技能 例如:陷阱,風車(唔知果個技叫咩名,當佢風車啦-.-)
尼個都係一個重要既課題
同其他穿著皮甲職業一樣
弓箭手都係低防禦果類
一下失手都係香咁制
所以都係果句"熟悉精英怪物既攻擊模式"
同時每次"蓄力"射擊之後都會有一段幾長下既硬值時間
如果因為判斷錯誤就會成為致命傷

PVP方面:
單P:同狂戰一樣蓄力都成為弓箭手主要攻擊模式
而且弓箭手有距離既優勢
如果你拉打 好好預算對手既距離再用最有效既攻勢
你可以唔洗點減血就可以KO 近戰
但要注意既係,果下威力雖然大
但打唔中就冇意思
所以要靠玩家既反應同洞察力
預計對手下一步既行動
而且一野射落去 KO!
團P既話弓箭手好多時都係被圍既對象
因為如果無視弓箭手既存在去打前方近戰
你未行到去對方近戰身可能已經冇咁好多血
所以弓箭手係團P要好好走位
大大力咁掩護自己隊友

總結:
雖然好多GAME弓箭手既打法都係邊行邊射
但係TERA 就係定點射擊
雖然冇得咁,但好好走位
拉打始終係弓箭手既優勢
由於無鎖定關係 都係對玩家既技術同集中力有一定既要求!!
評分:
火力方面: 8.5/10
副本需求方面: 7.5/10(根據日版情況)
SOLO方面: 8/10
PVP方面: 9/10
附上弓箭手打精英片段
[hdutube]lPdGEMZJZjQ&feature=relmfu[/hdutube]


終於黎到輸出系職業最後一個
魔法師
魔師其實同其他GAME一樣職能都係後方輸出
TERA都唔例外,
華麗既魔法令唔少人著迷!
同弓手一樣魔法都係無所謂既 "魔法命中"
玩家需利用遊戲內既"準心"作人手瞄準
所以都係好考玩家既反應同集中力!!!

火力方面:魔法師強大既單體同範圍魔法輸出
係隊友既掩護下安心咁全力輸出
話佢係TERA火力輸出之冠也不失為過!
但係要注意既係魔師既技能都幾食魔
另外魔師唔同弓手既係某D"技能既移動速度"係幾慢下
如果隻怪久唔久周圍走既話 就要預返佢既距離再放
OR等隻怪企定定再放啦

(另外有CHING話魔法師係同弓手一樣
同怪既距離愈近攻擊力就愈高,尼點我就唔係好肯定,因為無咩印象
先SAY SORRY,有待大家驗證!!!)

副本需求方面:
同樣魔師都係後方主要火力
所以其實搵團都唔會係好難
無咩特別野要搞
追住大隊係咁放技 就係咁
但有兩點要注意既係
1:係全力輸出既同時 你既魔力消耗都非常西利
如果隊中無元素師既話,就請好好善用吸魔技能同時帶定D魔水之類
免得招來偷懶等閒言閒語><
2:由於魔師全力輸出,係會經常出現OT情況
所以自己要控制下,當出現OT時 好自己醒水停手 等TANK拉返好隻怪先再出輸
唔係就好易令怪轉向打你而補師幫你補就變相打補師

SOLO方面:
魔師係SOLO方面對新手都幾惡搞下
起初既話解任打精英都要搵人幫下手
由於大部份技能都係要LOAD
點樣善用技能附帶既牽制效果去幫助自己走位之類
都係主宰你既生死
同其他GAME一樣 TERA 既魔法師都係穿著法袍
比皮甲仲要低防
失手都隨時可能係致命傷
所以都係果句"熟悉精英怪物既攻擊模式"

PVP方面:
單P:雖然火力輸出好夠
但比人埋身都得比人任打架啦
所以點走位點善用附有牽制性既技能
都係好重要
不過都好彩本身都有D近身技能
而且係近距離放技都可以減少唔中既機會
有得有失
團P:因為輸出驚人既關係
對手都好大機會打你先
所以都係好好走位,放附有牽制性既技能
再放範圍技 隨時死一堆

總結:
華麗既魔法技能
強大單體/範圍既輸出
打複數敵人都任何無問題
缺點都係同好多GAME一樣
低防,而且魔力消耗高
提防組隊時OT情況

評分:
火力方面: 10/10
副本需求方面: 7.5/10(根據日版情況)
SOLO方面: 8/10
PVP方面: 8/10
附上魔法師打精英片段
[hdutube]fp9P9I0nt_s&feature=relmfu[/hdutube]
補助系: 牧師 , 元素師

牧師
補師係OLG通常都比人叫奶媽
由於TERA補助系上有兩職
牧師大概算係大奶XD
(好爛既開場.....我個人黎講覺得幾好笑)

火力方面:
牧師係玩家眼中都係幫下人補下血,復下活呀之類
但係TERA既牧師擁有唔少既攻擊技能
雖然有唔少攻擊技能
但係火力方面都會比輸出系職業弱勢D
但係都唔可以睇少!
因為分分鐘可以為隊友提供額外既火力支援!!!

副本需求方面:
我相信每隻OLG都一樣出副本
至少有一奶!!!
而且補師既需求係超高
所以基本唔係團選你!係你選團!
有留意個POST既CHING/SIS都可能會有個疑惑
TERA係無鎖定既咁幫人補血放補助咪要追要個人瞄住黎補?
咁咪好易失手?!
其實各位可以放心,大部份補助技能都係範圍性
而且個範圍都算幾大下,某部份係比埋距離你
同時 你既隊友冇理由笨到有個範圍技係地下都唔識走埋去瓜?XD
另外有兩點要注意既係
1.野團可能會組著個傻姦姦既TANK
咁你發現自己已OT就好識得自己保護自己啦(LV去到咁上下會有減仇恨既技)
2.由於有不少既攻擊技能,但要注意果D技能唔少都係近身用
所以幫還幫唔好愈幫愈忙就好啦
要注意隊友血量唔好掛住自己打(因為我試過真係有人掛住打 唔理我T_T)

SOLO方面:
由於牧師有唔少既攻擊技能既關係
單練解任問題都不太大
豐富補助技能
某個情度可能比打手更加安全咁完成各種難關
不過SOLO精英都離唔開果句"熟悉果種精英攻擊模式"

PVP方面:
單P:---(無印象同牧師單打過)
團P:因為到左後期
幫隊友幫血之類隨時可以摟轉形勢既關係
(因為有隻補係後面係咁補,基本上好難打得死對手,由其係TANK)
所以好大機會係會被圍

總結:
打得又補得~
適合對補師有愛既玩家
而且尼個職業對裝備冇咩要求
有冇好裝都係咁補咁出團
和平愛好者可能鐘意玩
我自問冇愛
所以無咩結論

評分:
火力方面: 6.5/10
副本需求方面: 8.5/10(根據日版情況)
SOLO方面: 7.5/10
PVP方面: 6.5/10

附上牧師打精英片段:
[hdutube]t08Y4lVvJQ8[/hdutube]


元素師
等到頸都長
終於黎到講TERA第二隻補助系職業
有鑑於牧師被專稱為大奶
元素師唯有屈居做二奶啦~XDDD
(我都係覺得好好笑)

火力方面:同樣係補助系職業
火力方面係完全不及牧師
可以用弱黎形容
另外不得不提既係佢可以召喚精靈幫下自己手
唔同召喚技能可以召出不同型式既精靈(E.G.補助,火力支援等)
不過都係得個擺字,實際幫助唔太大
(你喜歡可以當寵物咁既)

副本需求方面:
由於大奶需求超高
在供不應求既情況底下
大家都尼隻二奶都唔會抗拒
不過可能有D人係要牧師既咁冇計
雖然補助技能不及牧師(不論拖法時間及效果)
但二奶可以生蛋,紅色係補血/藍色係補魔
唔好睇少尼D蛋
係牧師分心/補唔切既情況底下尼D蛋蛋絕對可以HELP你一命
同時二奶有增加暴擊率,範圍回MP之類既補助技能
對打手簡直係恩物(不論物理/魔法輸出)
絕對可以提高刷副本既效率
要注意既係-
補血之類既技能真係唔夠牧師黎
所以每次打BOSS 小BOSS之類好生定蛋蛋
可以放好耐唔洗擔心耐左會生雞仔
(爛哂)

SOLO方面:
火力天生唔夠
所以打精英,做任都幾辛苦下
但可以召喚精靈出黎幫下手
雖然同裝飾品無分別
但都好過冇召左出黎幫下手先 死左就由佢


PVP方面:
單P:雖然火力唔係好夠
但係單P既話
元素真係奇奇怪怪咁玩死你:0
慢慢磨你血 放負面干擾技能 又走佬走得快 重點係識補血
同佢單P真係會比佢玩死
團P:主要幫隊友加野
務求更高輸出
同埋干擾敵人
非常討厭既存在


總結:
雖然火力冇咩
精靈又得個擺字

評分:
火力方面: 5/10
副本需求方面: 8/10(根據日版情況)
SOLO方面: 6.5/10
PVP方面: 7.5/10
附上元素打精英片段:
[utube]Pos2VY8yCH8&feature=relmfu[/utube]


終於完哂所有職務既分析分享
咁耐以黎多謝大家追POST
希望可以比大家一個參考去選擇一個適合自己既職業
都係果句
可能同其他GAME評有分別
只作參考

如果有咩問題/就算冇都可以留言以表支持XDDDD

======================================
最後總結:
各職有各職既長處短處
不過可能好多人都會想問一樣野
邊個職業PK最堅先?!
我個人黎講
隻GAME既設計係團體戰
係同LV既情況係冇咩可能1打幾
而職與職之間有個微妙既關係
講白D就係有相克
而且好多因素決定去勝敗
我係尼到唔一一咁解釋啦
不過如果想問邊隻職最難玩
我一定會答你係劍鬥士
所以如果係第一次接觸尼類遊戲既話
唔太建議你選擇佢
係咪叫你唔好玩劍鬥士?唔係~
只係
你可以考慮玩左其他職先再去玩劍鬥士
熟習左尼隻GAME玩法 操作之類 先再去玩都未遲!:)
順帶一提
可能大家都會問
TERA有6大種族
會唔會有咩族配咩職會發揮得最好呢?
我自己覺得各種族既主動/被動技能影響唔太大
而且CD時間超長
所以你自己玩返你鐘意既種族就好啦
睇唔順眼 你都唔會有心機去玩
尼樣係真既

特別謝嗚:
YOUTUBE用家riddle0214既影片上傳分享
(雖然我冇問過佢XD但我諗佢SHARE得出黎UTUBE應該唔會介意瓜)
作者: chui20032003    時間: 12-4-22 10:03 AM

本帖最後由 chui20032003 於 12-7-2 04:28 PM 編輯

留位 怕#1有爆字問題
對不起，你的帖子超過 20000 個字符的限制，請返回修改。
作者: 花濺淚v3v    時間: 12-4-22 12:03 PM

本帖最後由 花濺淚v3v 於 12-4-22 12:04 PM 編輯

頭香當然要由我搶啦xd
繼續努力　一齊迎接TERA
另外應該是OT不是OP吧?
作者: chui20032003    時間: 12-4-22 01:55 PM

回覆 花濺淚v3v 的帖子

終於有人回
THX
改返先
作者: 花濺淚v3v    時間: 12-4-22 02:47 PM

chui20032003 發表於 12-4-22 01:55 PM
回覆 花濺淚v3v 的帖子

終於有人回

下次更新左弓箭手先得吾得
好期待弓手果種近乎槍Game既攻擊模式
作者: chui20032003    時間: 12-4-22 03:12 PM

本帖最後由 chui20032003 於 12-4-22 03:13 PM 編輯

回覆 花濺淚v3v 的帖子

哈哈~ 早D講麻
打左狂戰啦岩岩

今晚OR 一陣既時間打埋弓手佢

話時話2KF冇字數限制既咩?
我打左咁多都未爆字既
作者: 花濺淚v3v    時間: 12-4-22 04:53 PM

本帖最後由 花濺淚v3v 於 12-4-22 04:53 PM 編輯
chui20032003 發表於 12-4-22 03:12 PM
回覆 花濺淚v3v 的帖子

哈哈~ 早D講麻


呢方面吾呀知
自己未試過爆字爆圖

等你隻弓箭手架喇
作者: chui20032003    時間: 12-4-22 07:33 PM

回覆 花濺淚v3v 的帖子

哈哈~
你有興趣既弓箭手呀

岩岩COPY 放入WORD COUNT 到 3K幾字
作者: fai13579    時間: 12-4-22 07:38 PM

多謝樓主 @@弓手一流
作者: chui20032003    時間: 12-4-22 07:41 PM

本帖最後由 chui20032003 於 12-4-22 07:41 PM 編輯

回覆 fai13579 的帖子

唔洗客氣
古語有云
唔怕生壞命 最怕改壞名

係OLG到就係
唔怕生壞命 最怕選錯職

弓手的確唔錯
係PVP方面都有一個唔錯既表現
當然要睇玩家既身手啦.
作者: fai13579    時間: 12-4-22 11:49 PM

等睇埋法師個分析再決定玩邊個職
作者: chui20032003    時間: 12-4-22 11:53 PM

回覆 fai13579 的帖子

唔錯唔錯 原來有人睇既
仲怕D字太多 冇人敢睇
法師可能今晚OR聽晚會出
敬請期待期待
作者: 焯螢=]    時間: 12-4-23 12:13 AM

0.0 我想快D睇下祭司kaka~
雖然知道技術要好_高. 不過講真 唔練又點會有技術~"~...
如果得自己1個人單機. 打副要招人 咁就真係未必會玩祭司 我好怕我描唔準-.-
但如果係同班fd 1齊玩. 我諗大家都冇所謂~"~
我同班fd都算係新手多. 得某幾個係玩開描準ge
我就幾年前到玩過下描準game咁啦...
而且我識ge人...冇乜人好似我咁補師控-_-
作者: chui20032003    時間: 12-4-23 12:20 AM

本帖最後由 chui20032003 於 12-4-23 12:24 AM 編輯
焯螢=] 發表於 12-4-23 12:13 AM
0.0 我想快D睇下祭司kaka~
雖然知道技術要好_高. 不過講真 唔練又點會有技術~"~...
如果得自己1個人單機.  ...


哈哈~見你咁想睇就法師之後就寫祭司啦

你講得岩架~每個人都有新手既時候
慢慢熟悉個玩法自然玩得心應手~!

其實我上個POST 已經想GROUP埋大家同一個SERVER一齊玩
但可能歐版冇咩人留意:(所以冇咩人SHOW我)
開個RC FB 之類咩都好(最好咩都唔洗開 大家有咩係2KF傾)
大家香港人講廣東話都親切D啦係咪
日後有機會既係台服一齊玩
作者: fai13579    時間: 12-4-23 12:33 AM

我都係同班fd一齊玩台版 @@睇下有冇機會撞到 XD
作者: chui20032003    時間: 12-4-23 12:36 AM

回覆 fai13579 的帖子

有心撞一定撞到既
遲下我想開個POST
令大家盡量係同一個SERVER
當然有人鐘意玩PVP /PVE SERVER
咁都希望GROUP 返係同一個PVP /PVE SERVER啦
作者: fai13579    時間: 12-4-23 12:41 AM

PVP is the best
只希望佢係7月頭就出 唔好過左暑假先出 ~_~
作者: chui20032003    時間: 12-4-23 12:45 AM

回覆 fai13579 的帖子

我都係咁話
最好6月左右封公測一獲過搞掂哂7月正式營運

等我再構思下詳細係點先
遲下你都留意下2KF TERA個版啦
因為我都想大家可以詳盡同SERVER 唔洗分到散哂
作者: 灰灰灰    時間: 12-4-23 12:50 AM

本帖最後由 灰灰灰 於 12-4-23 12:51 AM 編輯

祭司冇認真練唔知實際係點...
但係個人有樣同樣係遠攻系既弓手
我只想講描唔準完全冇問題XD
TERA既怪大多數係你遠距離既時候會用超追超痛既撞擊"
再加上遠攻系既攻擊都係越近越痛..
所以打時多數都係貼住打 描準... 貼住點重要描=x=?　　(法師同上

另外祭司單補時唔洗直接描人去補~ 唔洗咁擔心
而範圍補就如其名  範圍大好易描
SO唔洗怕描唔到.. 想玩咩職就玩~

我文筆唔好唔識表達.. 詳細介紹就交比chui20032003先生m(_ _)m
作者: fai13579    時間: 12-4-23 12:55 AM

我想問下個組隊係咪得5個位的?.?
作者: 焯螢=]    時間: 12-4-23 01:12 AM

chui20032003 發表於 12-4-23 12:20 AM
哈哈~見你咁想睇就法師之後就寫祭司啦

你講得岩架~每個人都有新手既時候

  好丫kakaka thank you
不過我有台灣fd 亦都有香港fd 不過香港ge唔知多唔多@@
有D仲未問.~ 我諗遲D都會有人開RC.
打副果D我諗開RC/SPYKE傾會方便D(?)
作者: chui20032003    時間: 12-4-23 01:33 AM

本帖最後由 chui20032003 於 12-4-23 01:34 AM 編輯

回覆 灰灰灰 的帖子

ching見笑見笑
我文筆都唔係好
我唔係D咩資深玩家只係個個職業掂過下咁姐
所以唔稱得上係咩詳細介紹既
怪既瞄準方便的確唔係太大問題
瞄人就有趣D姐

話說 CHING你劇透

回返FAI HING 上限係5人冇錯
作者: chui20032003    時間: 12-4-23 01:37 AM

焯螢=] 發表於 12-4-23 01:12 AM
好丫kakaka thank you
不過我有台灣fd 亦都有香港fd 不過香港ge唔知多唔多@@
有D仲未問.~ 我諗 ...

港人也好台人也好
最好就全部人同一個SERVER 哈哈
齊齊玩
作者: 花濺淚v3v    時間: 12-4-23 08:41 PM

chui20032003 發表於 12-4-23 01:37 AM
港人也好台人也好
最好就全部人同一個SERVER 哈哈
齊齊玩

已經愛上左弓箭手
感覺上弓箭手應該娛樂性好高
法師會吾會都系玩遠攻瞄準?
作者: 糖不甩o.o    時間: 12-4-23 08:47 PM

我想問種族 係咪D技唔同嫁?
有沒D攻略網咁呢?
我想玩雙劍/大劍 咁用咩種族
作者: chui20032003    時間: 12-4-23 08:48 PM

本帖最後由 chui20032003 於 12-4-23 08:58 PM 編輯

今睌自有分曉
因為我行日比較忙
可能晚D先返到去打

種族我今晚作簡單介紹下
網我都有個幾齊
我返到去補上一樓

因為我電話打字會打死我：（
請見諒＞＜
作者: 無奈小偉    時間: 12-4-24 12:13 AM

加油...等你打埋個種族..HAHA...歐服今日好LAG...搞到我試唔到雙劍\   /
作者: chui20032003    時間: 12-4-24 12:41 AM

回覆 無奈小偉 的帖子

終於同大家同我唔專業分享左哂"坦系"同"輸出系"
接住落黎會再同大家分析下補助系-牧師

先同糖不甩SAY句SORRY 先
因為行日比較忙
今晚我11點幾先返到屋企
所以只能打左法師篇文
種族既話可能要遲D先出到文

佳因今晚我仲未食DINNER
明天仲有大野要搞要PREPARE

SORRY><
不過說好的網址
http://tera.[此內容已被過濾].com/index.php
尼個網係比較齊
同埋有各種資料
個網我都會放係1#當眼位

同埋多謝大家支持睇我分享
希望大家鐘意啦

如果有犯版規請告知及原諒
作者: 花濺淚v3v    時間: 12-4-24 12:57 AM

chui20032003 發表於 12-4-24 12:41 AM
回覆 無奈小偉 的帖子

終於同大家同我唔專業分享左哂"坦系"同"輸出系"

笑聲論壇的連結就盡量避免貼了
作者: chui20032003    時間: 12-4-24 09:36 AM

回覆 花濺淚v3v 的帖子

Sor ar 我冇留意果個係論壇黎-.-
一直以為係資源網

好彩system block jor -.-
作者: 焯螢=]    時間: 12-4-24 10:38 AM

chui20032003 發表於 12-4-23 01:37 AM
港人也好台人也好
最好就全部人同一個SERVER 哈哈
齊齊玩

嗯 我自己係冇所謂:)
不過有D香港人唔中意台灣人~ 又有D台灣人唔中意香港人咁~"~
多多少少實有0.0. 就好似我細佬..(喂
作者: 花濺淚v3v    時間: 12-4-24 03:40 PM

本帖最後由 花濺淚v3v 於 12-4-24 03:42 PM 編輯
chui20032003 發表於 12-4-24 09:36 AM
回覆 花濺淚v3v 的帖子

Sor ar 我冇留意果個係論壇黎-.-


如果想轉帖資料
試下自己整理過先帖出黎
但系無需要加上原址
但記得內文吾好有笑聲字眼
作者: 花濺淚v3v    時間: 12-4-24 05:02 PM

回覆 chui20032003 的帖子

魔導師條片同埋評價已經睇左
感覺上法師需要好高既控制技術
作者: fai13579    時間: 12-4-24 06:01 PM

都係弓手好玩d a_a
作者: chui20032003    時間: 12-4-24 06:21 PM

回覆 花濺淚v3v 的帖子

轉帖資料仲要預先整理過 太大工程

不過睇下遲下有咩話題係自己有興趣去寫啦
有既話就好似今次職業分析感想咁寫架啦

果個網我自己一直都冇為意係論壇黎:0""
今次真係經一事長一智

講返正題
其實魔師控制技術要求都唔係好高
硬要講中上
初期會吃力D
由期係獨行獨往既人
後期"可能"比較輕鬆

都係果句 只作參考
同埋個分析我可能有D打得誇左D XD
作者: chui20032003    時間: 12-4-24 06:26 PM

本帖最後由 chui20032003 於 12-4-24 06:27 PM 編輯

回覆 焯螢=] 的帖子

唔緊要~鐘唔鐘意控制唔到
但暫時黎睇上2KF 同時又玩TERA 既人可能比較少

所以我都想大家係可以一齊玩
到時我再睇下點
可能搵下D有號召力既人開個POST
叫D人盡量入返邊個邊個SERVER咁
作者: 花濺淚v3v    時間: 12-4-24 06:40 PM

本帖最後由 花濺淚v3v 於 12-4-24 06:40 PM 編輯
chui20032003 發表於 12-4-24 06:21 PM
回覆 花濺淚v3v 的帖子

轉帖資料仲要預先整理過 太大工程


吾該晒你先
岩岩醒起一樣個問題
TERA支吾支援手制操作?
作者: chui20032003    時間: 12-4-24 07:00 PM

回覆 花濺淚v3v 的帖子

我見歐版有手制既ICON
所以應該支援
作者: 糖不甩o.o    時間: 12-4-24 08:12 PM

歐服公測到幾時?? 定係永久
作者: chui20032003    時間: 12-4-24 08:24 PM

回覆 糖不甩o.o 的帖子

至到香港時間25號早上6點

有關歐服資訊係我發既另一個POST到已經有詳細既解說
可以先去果個POST睇睇先
作者: chui20032003    時間: 12-4-24 10:49 PM

回覆 焯螢=] 的帖子

唔經唔覺已經出埋牧師

可能今晚/明天就出埋元素使,成篇野就完成
作者: 灰灰灰    時間: 12-4-24 11:27 PM

回覆 chui20032003 的帖子

冇記錯補師可以幫怪補血....?
同單補好似可以對名補...
3個月冇玩有D印象模糊 orz
作者: chui20032003    時間: 12-4-25 12:14 AM

回覆 灰灰灰 的帖子

補師我都唔係好清楚
實際我都冇自己升過一隻
借人AC玩過下

我冇玩仲耐過你:-0
作者: 焯螢=]    時間: 12-4-25 02:00 AM

本帖最後由 焯螢=] 於 12-4-25 02:15 AM 編輯
chui20032003 發表於 12-4-24 10:49 PM
回覆 焯螢=] 的帖子

唔經唔覺已經出埋牧師


0k!~ 即刻睇= =++
--------------------------------
睇完. 我感覺上真係同AION治星有D似.
我個人對打交興趣不大 但如果D fd都去想玩下
我都會跟大隊ge~ 其實都預左會比人圍嫁啦0.0
差唔多隻隻有團p ge都係咁xD
作者: chui20032003    時間: 12-4-25 02:44 AM

本帖最後由 chui20032003 於 12-4-25 02:44 AM 編輯

回覆 焯螢=] 的帖子
哈哈好似得你地幾個咁神心追文炸
希望有多D人留CM啦

AION只係玩過弓同殺
唔知治星係點 但應該AION補師硬皮D0.0
日服野外PK 我都係打弓手補師先
雖然沖埋去都係9死一生
但好過打斧,槍先-_-

之前我主玩雙劍
我諗台服都係玩雙劍
作者: KanadE奏    時間: 12-4-25 02:55 AM

我1定玩劍鬥 都有玩開依類ge game 但對走位無咩信心~.~
作者: 焯螢=]    時間: 12-4-25 02:56 AM

本帖最後由 焯螢=] 於 12-4-25 02:58 AM 編輯
chui20032003 發表於 12-4-25 02:44 AM
回覆 焯螢=] 的帖子
哈哈好似得你地幾個咁神心追文炸
希望有多D人留CM啦


嗯 不過我AION都係玩私服咋.
而且係比較"特別" ge魔增霹靂治0.0... 但自問冇乜打交技術xDD
打王打怪都識D走位咁啦...不過始終唔同人
唔好話硬定軟. 正常見到補. 團p ge話都會打補師先
如果唔係 隻補不停係到幫人回血. 果個人就好似不死身咁制.....

香港真係好似比較少D人留意到TERA 0.0
不過你話想盡量同1個服 如果佢都係有分pvp同pve(雖然唔知佢分係點樣)
咁就實難D.... 除非我D fd都玩pvp 如果唔係我實pve@@
作者: chui20032003    時間: 12-4-25 03:00 AM

回覆 KanadE奏 的帖子

雙劍既話要預左有錯敗感先XD
我起初玩都係

後期開始熟練打到精英
成功感返返黎!
哈哈

但PK既話我個人覺得遠攻始終著數
作者: chui20032003    時間: 12-4-25 03:06 AM

本帖最後由 chui20032003 於 12-4-25 03:07 AM 編輯

回覆 焯螢=] 的帖子

AION私服我都接觸過幾個鐘
因為太LAG 頂唔順 而且冇咩人玩
我玩弓果時打D比較夠裝治 ,我出齊技都殺佢唔到,佢只係咁回HP等人HELP-__-

講返TERA
相信台版都會有PVP PVE之分
到目前為止我都未有決定玩邊種
同埋開POST我都想等D有號召力既人做(唔係開左冇人理 就真係哂氣*0*)

如果真係冇既我先再開
PVP PVE 各有各喜好
我只係想GROUP返唔同喜好既人同一個SERVER
換句話說
兩邊都搞下啦 反正都係打多幾隻字姐  
作者: 焯螢=]    時間: 12-4-25 03:25 AM

chui20032003 發表於 12-4-25 03:06 AM
回覆 焯螢=] 的帖子

AION私服我都接觸過幾個鐘

嗯, 我都其實多D香港人玩 雖然邊到ge玩家都有唔夾.
不過大家香港人會再開心D 始終有D台灣人 我都會覺得思想唔同0.0
但好彩我識ge. 都夾得幾好~

AION因為我玩私服 雖然佢係半自力 但都易儲過官服好多
所以我有2套裝 1套爐鏈+錘盾魔抗 1套精千+爐炮手.肩+龍杖魔增0.0
多數團p我著魔抗 但少人會著下魔增玩~
講真我見到弓/殺(可能係我玩果個私服識玩ge人唔多 好多同我1樣係新手)
佢秒我唔到我就會還手0.0 當然首要係解buff自補. 避左弓/殺1開始D技先(其實我遇殺多. 唔多人玩弓)
會鬥磨 都有殺過下人.....感覺幾好xDDD
好啦xD 講到e到 仲要傾ge我諗要私聊 咁樣落去我會離哂題.- -''
作者: 灰灰灰    時間: 12-4-25 05:33 AM

本帖最後由 灰灰灰 於 12-4-25 05:37 AM 編輯

離題既話我拉一拉返去...?

分享小小個人心得——玩雙劍(劍鬥士)會有挫敗感既原因(?)

首先雙劍官方定位係坦...
但係只要認真睇一下介紹就會發現身皮甲血少防低冇殺傷力...
有既只有"型"同快 天生完全唔係做坦既料=x=　　(嘛~ 雖然一個"型"字就足夠自high XD

除左天生缺憾之外 後天都不良ww
雙劍因為攻低 靠攻擊加仇恨拉怪就非常難
何況打副本時一拉就要拉一大堆 攻擊既機會唔多
咁一般黎講就會用挑引技去增加仇恨值..
問題就出現啦... 雙劍只有1(定2= =?)個挑引技 重要係CD時間長到可以泡杯茶...
結果隊友好易就OT www

就算真係拉得到時...
會因為先天不足而需要打帶跑
隊友打起黎會好唔方便
而且(再一次強調)天生血少低防 一個唔小心就會噴血.. 增加補師負擔...

嘛~ 咁講可能就唔係好清楚問題所在..
因為要拉始終係拉到 最多係麻煩啲..
所以~ 再講講同為坦既槍

槍天生血多防高 重點係有盾!!
盾 可以無損防衛一定值以下既攻擊(按武器而異)
而一般打同級副本 一般同級武器既防衛值以經足夠防衛雜兵既攻擊..　
更什至精英怪既大部分攻擊都可以防衛..
再加上初期就有挑引技 重要CD時候快..
即係話槍只要一拉到怪之後長開盾 就可以企定定比隊友清怪 效率高好多　(打精英時既感覺就好似係MH食左強走既槍咁 最多打得慢 但係冇可能死..
一比之下就睇得出有幾大分別= ="



話說...



玩弓都好有挫敗感..



如果張裝備既石都洗打背加攻..



之後只要3級儲力打背






十之八九會OT www
作者: 灰灰灰    時間: 12-4-25 05:50 AM

本帖最後由 灰灰灰 於 12-4-25 05:55 AM 編輯

嘛~
始終都要幫劍鬥士講返少少好說話　　(話晒我本尊都係劍鬥士= =
劍鬥士雖然打副本時可以打醬油~
但係打精英時要SOLO真係最佳選擇
劍鬥士先天不足——血少
所以官方都好好人比左機動性佢
劍鬥士除左通用技"回避"以外
重有 左回避攻擊 右回避攻擊 重有一個過身技
打精英怪時會好有快感XD

因為快.. 所以睇劍鬥士打加個配合既BGM會好似睇緊電影咁ww

反觀槍.. 開盾 檔.. 打一下 檔.. 打一下 loop 悶好多=x=
作者: dkycheung    時間: 12-4-25 06:12 AM

劍鬥打副本睇下你係乜位置啦
做主盾既都幾有挑戰性!
你講既左/右回避同過身 其實只係方向鍵+"回避"
不過劍鬥都有幾招攻擊係有減傷或者無敵
只係唔似槍盾可以HOLD住黎擋, 所以要睇時機用回避或者無敵攻擊, 難度高好多
作者: 灰灰灰    時間: 12-4-25 06:51 AM

我記錯咩=口=!?
回避係直跳
左/右回避攻擊係多左下攻加有連技..?　(老人痴呆...!?
作者: KanadE奏    時間: 12-4-25 07:43 AM

回覆 chui20032003 的帖子

嗯岩岩玩唔知隻王點郁 1定會系咁死haha
作者: KanadE奏    時間: 12-4-25 07:45 AM

灰灰灰 發表於 12-4-25 05:50 AM
嘛~
始終都要幫劍鬥士講返少少好說話　　(話晒我本尊都係劍鬥士= =
劍鬥士雖然打副本時可以打醬油~

1個走位 1個企系到打 隻feel差好遠-﹏-
作者: 惡魔獵鷹    時間: 12-4-25 10:54 AM

歐版只係試左屠殺同弓手，，，
作者: chui20032003    時間: 12-4-25 10:59 AM

回覆 灰灰灰 的帖子

可能佢係指按唔同既方向回避有唔同既方向跳出去?
作者: chui20032003    時間: 12-4-25 11:08 AM

本帖最後由 chui20032003 於 12-4-25 11:18 AM 編輯

回覆 惡魔獵鷹 的帖子

我覺得始終都係要睇自己本身鐘意玩咩型既職業
鐘意死沖爛沖?--->近戰
鐘意安安全全?--->TANK
鐘意後方輸出?--->遠攻
鐘意純粹補助?--->補助

其實因為我自己之前都比魔法師D技能吸引左去玩
但玩到30幾LV就發現自己唔岩玩
始終都係鐘意D有快感既職業
所以後來主玩都係玩雙劍

雖然灰灰都講過 起初真係型同有快感而玩
(因為點睇佢個型都係 速攻既輸出)
但好可惜佢定點始終係TANK
火力不足始終令我玩到幾灰

雖然係咁
每次去挑精英我都係將血壓低去提高火力
每次打死一隻精英 又冇失手 個成功感真係非筆默能形容
但要付出既就係時間,打隻精英 AROUND 10分鐘


=========================

開始多人傾TERA 真係興奮!
作者: fai13579    時間: 12-4-25 04:16 PM

弓手儲技係咪會減移速的?
作者: chui20032003    時間: 12-4-25 06:17 PM

回覆 fai13579 的帖子

係，某D技係定點蓄力
作者: 焯螢=]    時間: 12-4-25 06:27 PM

chui20032003 發表於 12-4-25 11:08 AM
回覆 惡魔獵鷹 的帖子

我覺得始終都係要睇自己本身鐘意玩咩型既職業

鐘意純粹補助?--->補助 <<< kakaka 我笑左xDDDD
好似有D講左=冇講(不喜無視)
睇黎真係幾少人想玩祭司/0\ 定係玩ge都冇玩2kf?
我1直同打手都冇乜興趣~"~ 坦更加唔洗講~~
想搵個都想玩補ge傾都難xD
作者: chui20032003    時間: 12-4-25 06:31 PM

焯螢=] 發表於 12-4-25 06:27 PM
鐘意純粹補助?--->補助

其實我打完都覚XD so don't mind!
不過補助果句係for you gaXD!!!
作者: 焯螢=]    時間: 12-4-25 06:39 PM

chui20032003 發表於 12-4-25 06:31 PM
其實我打完都覚XD so don't mind!
不過補助果句係for you gaXD!!!

kakaka for我ge.......
真係咁少人玩...........點解咁嫁..
作者: chui20032003    時間: 12-4-25 10:02 PM

本帖最後由 chui20032003 於 12-4-25 10:03 PM 編輯

回覆 焯螢=] 的帖子

因為香港人衝動瓜?
英雄主意瓜?
生活節奏快瓜?

可能係啦XD
而且玩GAME都係男仔多
殺戮係男人既浪漫
男仔係鐘意刺激D架啦
可能講緊我自己
作者: 惡魔獵鷹    時間: 12-4-25 11:22 PM

chui20032003 發表於 12-4-25 11:08 AM
回覆 惡魔獵鷹 的帖子

我覺得始終都係要睇自己本身鐘意玩咩型既職業

我又喜歡沖前
但我又喜歡遠距離睇住敵人死
我自己都好矛盾

我諗到時都可能會玩兩隻人
一隻弓, 另一隻封測再試
作者: chui20032003    時間: 12-4-26 12:25 AM

本帖最後由 chui20032003 於 12-4-26 12:37 AM 編輯

回覆 惡魔獵鷹 的帖子

其實弓手絕對滿足到你XD
為左打出得高數字 近身放技
遠距離既話 又得 得左!
其實可以試下斧戰
又高攻又檔得

========================
元素既文要可能到星期六先出到
尼幾日有d節目 唔係好得閒:(
sorry呀各位
作者: 焯螢=]    時間: 12-4-26 12:46 AM

chui20032003 發表於 12-4-25 10:02 PM
回覆 焯螢=] 的帖子

因為香港人衝動瓜?

- -! 雖然我係女仔 但不嬲比人話男仔頭嫁b0..
作者: chui20032003    時間: 12-4-26 12:53 AM

回覆 焯螢=] 的帖子

哈哈~可能你平時太yo
返到屋企平靜返
女仔既天性返返哂黎
哈哈哈
jsut for fun

不過唔少女仔都鐘意殺黎殺去既
所以都好睇個人喜好既
作者: 焯螢=]    時間: 12-4-26 01:47 AM

回覆 chui20032003 的帖子

ka 都係ge.
希望快D搵到中意玩補ge人傾 :(
作者: chui20032003    時間: 12-4-26 01:58 AM

回覆 焯螢=] 的帖子

你其實想傾咩a.a
點解要鐘意玩補先傾得
作者: 灰灰灰    時間: 12-4-26 03:28 AM

冇咩人玩補係有原因
話係補 不過係TERA主要定位係放BUFF用..
補師補人會加仇恨 加上補師不能夠補魔..
相對元素既補法係放個元素球出黎比人食
即係唔會加仇恨值 而且元素球除左有補血重有補魔既...
因為係用完素球佢唔似補 放技時即時補..
元素球可以先放定 使用上方便好多..　(唯一就係要自行去食... 可能食到之前就.."
作者: dkycheung    時間: 12-4-26 06:10 AM

回覆 灰灰灰 的帖子

雙劍係MT黎架, 只係要求技術比槍盾高:
Defensive Stance被動+45%仇恨
Torrent of Blows 係範圍仇恨主力, 7秒CD
Charging Slash 開場仇恨
Battle Cry 傳統範圍"挑釁"
拉仇恨能力唔會差槍盾幾多, 至少未聽過識坦既雙劍有仇恨問題...

幾招免傷技可以閃大招:
Evasive Roll ~0.5秒無敵, 5秒CD (唔加方向就向前跳, 加方向就向果個方向咷跳)
Death from above ~3秒無敵, 10秒CD 原地垂直跳攻擊
Smoke Aggressor 放堆煙出黎幫你打20秒, 仇恨同你一樣

仲有幾招減傷攻擊可以打小怪或者捱小招:
Rain of Blows -30%
Rising Fury -20%
Torrent of Blows -50%
Pounce -50%

雙劍唯一既問題係唔似槍盾咁可以預先擋同Keep住擋, 所以一定要對王既攻擊同自己既招式好熟先坦得好
所以一個新槍盾最多仇恨拉得唔好(因為大部份時間都係擋緊)但係都會擋到
但係一個差既雙劍會完全坦唔到

所以DLG先會唔俾雙劍排坦職, 因為太多雙劍唔夠技術去坦, 累人累物...
唔係點解雙劍難度係5星呢~~

牧師有團體回魔技
元素D補血球唔受裝備加乘影響, 補血球後期會唔夠補
所以最後牧師同元素都係靠LOCK補
牧師仲有範圍補添~~
元素就有加爆擊BUFF
所以牧師較安全, 元素較快

仇恨方面, 雖然冇人有好肯定既答案, 但係有人測試過
齋補血同走位其他乜都唔做既會OT
補向既同時有幫手打下既反而唔會OT
所以有可能仇恨係只計最近幾次
補血當爆擊計, 純補就係次次爆擊, 仇恨極大!
但係當有普攻響中間, 同次數之下爆擊數比例大減, 所以反而唔易OT
似乎係想鼓勵全隊都響攻擊上有貢獻
作者: 焯螢=]    時間: 12-4-26 01:37 PM

本帖最後由 焯螢=] 於 12-4-26 02:36 PM 編輯
灰灰灰 發表於 12-4-26 03:28 AM
冇咩人玩補係有原因
話係補 不過係TERA主要定位係放BUFF用..
補師補人會加仇恨 加上補師不能夠補魔..


eD我大概都知@@
補師補血會加仇恨. 其實我玩好多隻都有e個問題.
真係要坦同個補自己好好配合. 不過應該有1招降仇技 雖然我覺得效果唔算好大- -''''' 而且唔知幾時有 CD幾耐
我玩aion都有e個問題. 最後除左我自己本身都要留意 其實坦裝唔勁ge話都要不停出仇恨技(TERA有冇我唔知啦~)
補魔. 元素有得補 掉返轉黎睇 都可以元素掉出黎補食咁xDDDD
我暫時都未玩過 唔清楚有咩技. 玩落又係點.
但佢出得元素同補師 緊有1D分別ge~
元素掉出黎比人汁 真係未必個個得閒汁... 而且如果大家都新手黎講
雙劍坦緊已經好忙=_= 仲要走去汁都驚佢走唔切~"~
----------------------------------------------------------
岩岩係巴哈睇左技能
大概都知道元素同祭司分別係邊
而且.... 祭司有回mp技丫:D  雖然好似唔算補好多
作者: KanadE奏    時間: 12-4-26 01:55 PM

灰灰灰 發表於 12-4-26 03:28 AM
冇咩人玩補係有原因
話係補 不過係TERA主要定位係放BUFF用..
補師補人會加仇恨 加上補師不能夠補魔..

僕無有怕 我僕隻隻game都會有長期醫師跟住(僕家姐
作者: 焯螢=]    時間: 12-4-26 02:02 PM

回覆 KanadE奏 的帖子

- -++ 呵

噗. 巴哈果個唔係全部技.
朋友比左第2個網我 技能去到60lv ge~~
應該都有排先升到嫁啦0.0
作者: 灰灰灰    時間: 12-4-26 08:20 PM

本帖最後由 灰灰灰 於 12-4-26 08:21 PM 編輯

Smoke Aggressor 依招我有用過..   (正確黎既係叫隻由黑煙組成既分身出黎
開依招要時間.. 所以打打下開係冇咩可能
而且有一個問題係佢有血量
初期冇問題 但係後期有可能比怪打死
加上MP食好多"
作者: dkycheung    時間: 12-4-26 09:59 PM

回覆 灰灰灰 的帖子

呢招唔係用黎閃招
而係當你知道王會出大招(連技之類長時間又難閃果D)
預先叫出黎代你捱招, 自己就走去安全位打
都係要預判
作者: 焯螢=]    時間: 12-4-27 07:47 AM

0.0 點都好啦 仇恨對我黎講應該唔算最大問題~
因為唔係得e隻game會補血都計仇恨
而且樓上都講左 補血中間出幾下普攻就唔會點OT~ 玩熟左就0k吧?!
作者: KanadE奏    時間: 12-4-27 12:55 PM

大家我送您地一句真理   (廢話)     (無隱字
    技術就是一切
作者: chui20032003    時間: 12-4-27 09:17 PM

回覆 焯螢=] 的帖子

的確玩得熟就唔係好洗刻意理OT果D野
因為話明玩熟!
已經自動波
仲洗咩擔心XD
作者: 焯螢=]    時間: 12-4-27 10:06 PM

回覆 chui20032003 的帖子

OT e樣野我真係覺得還好啦0.0
反正好多game都有e個問題係真ge~"~
我最驚都係瞄唔準咁.......
又或者係出錯技-_-..

係啦 TERA你覺得難唔難升?!
作者: chui20032003    時間: 12-4-27 10:20 PM

回覆 焯螢=] 的帖子

其實黎黎去去都係果D野
玩熟咩事都冇
-------
日版真係唔太難
我唔係痴左線咁玩都好快封頂
作者: chui20032003    時間: 12-4-27 10:22 PM

終於完哂所有職務既分析分享
咁耐以黎多謝大家追POST
希望可以比大家一個參考去選擇一個適合自己既職業
都係果句
可能同其他GAME評有分別
只作參考
如果有咩問題/就算冇都可以留言以表支持XDDDD
作者: fai13579    時間: 12-4-27 10:34 PM

辛苦了 @_@
作者: 焯螢=]    時間: 12-4-27 10:38 PM

回覆 chui20032003 的帖子

辛苦哂xD

唔太難升咁就好0.0
我出名升得慢= =
作者: karat111    時間: 12-4-27 11:07 PM

我等緊5月3號先再買個cd key玩
諗住玩補 xd
作者: 高b慈    時間: 12-4-27 11:23 PM

快d有得玩啦=3=
作者: chui20032003    時間: 12-4-27 11:41 PM

本帖最後由 chui20032003 於 12-4-27 11:41 PM 編輯

回覆 焯螢=] 的帖子
THX 各位
升得慢咪慢慢玩=D
解任 如果多D人一齊解會有效率好多好多倍
作者: chui20032003    時間: 12-4-27 11:42 PM

回覆 karat111 的帖子

第二個POST好似都有CHING準備進軍歐服BOR
你可以留意下
作者: chui20032003    時間: 12-4-27 11:42 PM

回覆 高b慈 的帖子

我都想:(
台灣果邊都仲未有消息
作者: 焯螢=]    時間: 12-4-29 09:16 AM

karat111 發表於 12-4-27 11:07 PM
我等緊5月3號先再買個cd key玩
諗住玩補 xd

有人玩補啦!! ya~
你玩元素定祭司?

個個都玩其他服=~=
作者: 願此刻永恆    時間: 12-4-29 03:10 PM

最初玩大劍 之後試玩狂戰 一試愛上左=_=

作者: karat111    時間: 12-4-29 09:01 PM

焯螢=] 發表於 12-4-29 09:16 AM
有人玩補啦!! ya~
你玩元素定祭司?

祭司
玩緊SERVER -(EN)ESSENIA
作者: 焯螢=]    時間: 12-4-30 10:23 PM

karat111 發表於 12-4-29 09:01 PM
祭司
玩緊SERVER -(EN)ESSENIA

噗噗 可惜我等台服丫~"~
作者: karat111    時間: 12-4-30 10:44 PM

我都可能玩台版，但唔知等到幾時
玩歐版，人物出技有1秒delay -_- 搞到唔係咁想玩歐服
作者: chui20032003    時間: 12-4-30 10:59 PM

我相信尼到好多人都等緊台服
我自己都係為左整人仔先入歐服
作者: 焯螢=]    時間: 12-5-1 09:56 PM

我想急都唔得 我要換電腦..
作者: 願此刻永恆    時間: 12-5-1 10:18 PM

本帖最後由 願此刻永恆 於 12-5-1 10:20 PM 編輯

玩住其他版等台服中 其他服唔夠順唔夠好玩
不過熟習定
我本身部腦玩tera都疾 轉左張gtx560即順左勁多
作者: chui20032003    時間: 12-5-1 10:49 PM

回覆 願此刻永恆 的帖子

我想賣左張570 換680
到時就外開埋反鋸都無壓力



歡迎光臨 2000FUN論壇 (https://www.2000fun.com/) Powered by Discuz! X1.5.1