2000FUN論壇

標題: 【小教學】致一些港澳和國內有興趣玩美服和使用現金拍賣場的玩家 [打印本頁]

作者: BarbieXDisney 時間: 12-5-3 12:27 PM 標題: 【小教學】致一些港澳和國內有興趣玩美服和使用現金拍賣場的玩家

本帖最後由 BarbieXDisney 於 12-5-3 07:58 PM 編輯

致一些港澳和國內有興趣玩美服和使用現金拍賣場的玩家

1) 遊戲版本

不論你的遊戲光碟是那一個版本都不會影響你可選擇的伺服器
版本不同只會在可選擇的語言和介面做成影響

中文繁體版只可以選擇中文介面和國語語音
在台灣Battle.net官網購買的數位版亦會是中文繁體版
包括遊戲內所有角色對話和語音檔等等，全都是中文
《注意:》中文繁體版僅適合WINDOW作業系统玩家，用MAC作業系统的玩家不能用這版本安裝遊戲！

國際全語系版可選擇所有語系(典藏版也是國際全語系版)
在美國Battle.net官網購買的數位版亦會是國際全語系版
《注意:》國際全語系版適合WINDOW和MAC作業系统玩家，用MAC作業系统的玩家亦只能使用這版本安裝遊戲！

如德文字幕+德文語音
如中文字幕+中文語音
如韓文字幕+韓文語音

但是語音和字幕必須是同系
所以不能中文字幕+英文語音，僅能英字+英音或中字+中音

數位版就是直接從網路下載遊戲程式(客戶端)
你不會拿到遊戲光碟或是任何實體物品
也不會拿到遊戲序號(直接綁定戰網帳號)

所以語系版本沒有限制你只能去哪個伺服器！
你玩美服一樣可以選擇用中文介面+中文語音字幕

【小意見】選擇伺服器問題

另外，我看到很多玩家對應選擇哪一個伺服器都抱好大疑問
以下是我個人的小小看法:

各伺服器的差異也就是速度 Ping (Lag不Lag)，和玩家互相溝通的差異

各伺服器位置，以我只知道的大概區域
亞洲伺服器位於韓國
北美伺服器在美國
歐洲伺服器不確定在哪個國家，反正就歐洲
伺服器沒有特定包含什麼國家，重點是速度！
所以伺服器當地國家的玩家會較多，因為玩家通常會選擇較近，速度快的，Ping也不會太Lag
當然也會有一些玩家特別偏愛美國伺服器或亞洲伺服器，而相繼投向他們偏愛的伺服器。

《補充》但亦有資料說 BZ有新的連線方法:
如果是打算同返香港人玩，個Ping就唔會有分別，因為都係連去伺服器的
美服同亞服既Delay會係一樣，250Ping以下,，全部動作都會是一志
所有動作會係玩家部電腦做左先，Data先再傳過去伺服器，所以Ping係冇問題既，除非300以上！
但以玩過封測既玩家就知道，
和記對外係有問題，和記會有1000幾以上Ping，
但其他公司既線係冇問題的，唔係用和記既人玩過封測就知道係冇Delay的！

而關於玩家互相溝通的差異問題，
BZ公布了隨機組隊的配對方式是第一個看遊戲語系，第二看距離IP
所以擔心在亞服碰到韓國玩家的朋友不用再擔心了！
和擔心在美服碰到美國玩家的朋友亦不用再擔心了！

2) 官網登記户口

如你是打算玩美服和使用現金拍賣場的玩家

千萬不要在台灣Battle.net官網登記户口
你只能在美國Battle.net官網登記户口 (下方LINK)

us.battle.net/login/zh/?ref=https%3A%2F%2Fus.battle.net%2Faccount%2Fmanagement%2Findex.xml&app=bam&cr=true

不想看英文的可以在頁面右下角選擇美國地區 -> 繁體中文

請確定它右下面是顯示美國-繁體中文，而不是台灣-繁體中文或中國大陸-繁體中文

《注意:》 登記時國家/居住地區：需選擇美國
而全名最好是你護照的真實姓名
因帳號出現問題時 BZ需要核對你的身份
到時候美國客服人員只接受護照的 FAX 證明文件
不會接受香港身分證作為證明文件

登記並開通帳號後在帳號首頁可按概要
將會顯示你的帳號詳細資料，帳號安全和將來用序號開通BZ其下的遊戲都需要到此頁開通！

你亦可設立一個你專屬的 BattleTag

你的 BattleTag 將會在聊天、組隊、或與其他在《暗黑破壞神III》遊戲中玩家互動時，成為你的公開身分。
一旦兩位玩家同意成為 BattleTag 好友，你會自動看到好友正在玩的《暗黑破壞神III》每位角色，
也可與其直接互動，不需要重覆各別加入朋友的多個角色名稱。
BattleTag 後面的 # 的4位數編號  (自改名稱) # 1234
每一個戰網帳號, 就算自改名稱一樣，但是每個人 # 後的編號不一樣
所以BattleTag名稱可以無限重複 (即其他人可以同名)

《注意:》 設立BattleTag時請三思，因設立後你只會擁有一次再更改BattleTag的機會
欲玩美服的朋友最好將BattleTag設立成英文，
因中文BattleTag很多時侯在遊戲中顯示不了，會變成一堆空格或奇怪的符號

3) 使用現金拍賣場

在帳號詳細資料下方有一項帳號安全
你如欲使用現金拍賣場必須開通驗證器和簡訊通知

很多人都知道簡訊通知需要你提示一個美國手機號碼來作第一次開通
和使用 PayPal充值戰網幣或提領由拍賣場匯入PayPal的金額時
必須使用 Battle.Net 所提供之手機簡訊認證服務

第一次使用此服務需進行開通
未來每次使用PayPal服務 BZ亦會將手機認證碼發放致你所登記的美國手機號碼
如果使用者想要用PayPal把錢存進battlenet帳戶或把現金拍賣場賺到的錢轉存回PayPal
將會需要註冊使用"Mobile Alerts SMS authentication service"(綁手機的簡訊認證)
當有上述的交易行動，官方會寄簡訊碼給使用者，而使用者要提供這些簡訊碼來完成交易。

如想了解多些關於現金拍賣場區域的使用權，可前往以下LINK
tw.battle.net/support/zh/article/diablo-iii-realmoney-auction-house-regional-access

對此～很多港澳和國內的玩家將無法使用現金拍賣場了

但有好心的網友提供了和實驗了以下方法
這是一個可取的方法來將你的手機連接到一個真的美國手機號碼
APPS是免費下載的但購買一個美國手機號碼需收取$2美金費用

已成功申請美版簡訊通知！！(步驟教學)
timetotrolldiablo3.blogspot.com/2012/05/blog-post_03.html

大陆普通用户绑定美服BN攻略
bbs.game.163.com/thread-171940695-1-1.html

《注意:》它是一個合法的APPS，能保證你的簡訊通知能開通和成功接收簡訊
但不知道BZ將來會否有辨法追查和發現你人並不在美國
和當然誰也不能保證將來你的BZ帳號或遊戲帳號會否因此而被鎖或出現其他問題！

最後，你需要一個認證了的PAYPAL帳號來接收拍賣後的金額
PayPal教學我相信不會多說，
PayPal網址: paypal.com.hk  (右上角可選擇語言和所在地區)
申請帳號後和輸入你的銀行户口/信用卡資料
等待認證後便可以安全使用

4) 現金拍賣場將收取的手續費用

裝備手續費每件 $1 美金 (拍賣成功時才收取，失敗不收費用)
材料手續費(可堆疊物品：金幣、製作材料、鐵匠製作書)
15% 最後拍賣成功金額 (拍賣成功時收取，失敗不收費用)
(意即：上架不需任何費用)

每樣商品拍賣時間為48小時，最多能同時拍賣10樣商品
正在拍賣的商品可以隨時取消，並不收取任何費用

拍賣每樣物品時，必須事先選取入帳方式為戰網幣 or PayPal帳戶
若選取Paypal帳戶，額外扣取 15% 最後拍賣成功金額作為轉換費用
(上架後即無法更改入帳方式)
(已入帳之戰網幣，無法再轉換到Paypal帳戶；即戰網幣無法轉成現金)

Battle.Net帳戶的戰網幣上限美金250元，若BN帳戶戰網幣超過此額
入帳方式只能選擇PayPal帳戶，否則不得再使用現金拍賣場

使用現金拍賣場必須綁定 Battle.Net驗證器、免費Battle.Net手機驗證器或通訊安全鎖，Battle.Net帳戶戰網幣方可允許超過美金100元
(意即：不使用安全認證功能的話，Battle.Net帳戶戰網幣上限100元)

簡單來說:
若一個材料成功售出 $100美金
拍賣場將首先收取手續費 15% = 剩下 $85美金
如你選取了Paypal帳戶想將金額轉為現金，PayPal再收取手續費作為轉換費用 15% = 剩下 $70美金

如你人在美國無須再將$70美金轉為港幣幣值或人民幣幣值
但若你是港澳和國內玩家，你便需要使用PayPal的貨幣轉換系统將這$70美金換成港幣幣值或人民幣幣值
這時，PayPal需要再收取一定的貨幣轉換系统手續費按當時的匯率
所以如你想省一點手續費可以選擇把金額累積到一個數目再一次領。

當然，如你選擇把拍賣後所得金額轉換成Battle.Net帳戶戰網幣，便不用收取PayPal的15%手續費

到這裡很多人都會想這麼複雜，又要收取這麼多額外的手續費
到最後都所剩無幾了！但畢竟想想這不是一隻月費遊戲，不是一隻免費商城遊戲
而是一隻可一次買斷的遊戲
它的公司當然也要收取一些手續費來賺$，不然怎麼賺回開發這遊戲的成本和維持的費用丫

P.S

這篇文的用意是希望以我所知道的資料分享給大家來幫助一些對美服有疑問的玩家
遊戲是應該抱開心輕鬆的去玩去享受玩遊戲的樂趣，每人都有權選擇自己喜歡的方式去玩
有些人可能只想單純娛樂和朋友一起打打寶聊天耍樂，
有些人卻想使用拍賣場做生意，沒有交涉的。

另外，有心玩亞洲伺服器的玩家一樣會繼續選擇留在亞洲伺服器
這篇文的忠止並不是為了要影響玩家對伺服器的選擇
所以希望不要看到任何嘴炮的留言，謝謝

衷心希望這些資料能幫到一些對美服或現金拍賣場有疑問的玩家
在此亦希望藉此機會結識一些將來開服後有意在美服發展和玩樂的玩家
可以一齊聊天打寶！

有意一齊玩或有任何問題請加我ＲＣ:  ｂａｒｂｉｅｘｄｉｓｎｅｙ
或加入我所屬ＲＣ群組，房間號:  ２３４４４０３５

我的BattleTag: NANAxBAMBI#1670

謝謝

娜娜致上

作者: 『浩～哥仔』 時間: 12-5-3 02:01 PM

禁攪法...
係咪現金真係禁煩先...

係既唔玩現金算....

禁樣可以一條心玩亞服...

作者: BarbieXDisney 時間: 12-5-3 02:11 PM

回覆『浩～哥仔』的帖子

多謝你的+3先
如果唔打算玩現金拍賣場
真係可以一條心玩亞洲服，o甘樣就唔需要o甘煩喇

其實自己打裝備俾自己用或只用佢既金幣拍賣場一樣可以好好玩！
最重要都係享受遊戲內容

作者: 『浩～哥仔』 時間: 12-5-3 02:22 PM

BarbieXDisney 發表於 12-5-3 02:11 PM
回覆『浩～哥仔』的帖子

多謝你的+3先

唔使客氣...
好post當然要支持..
上面都解答左我好多疑問...
返正題...
你最後個句先係重點

要搵錢不如努力打工好過...
不過其實本身都諗住玩美服既...一黎英文國際化溝通到...二黎有現金拍賣...三黎好多fd都話玩美服...
不過我對亞服都唔係話本身無興趣..
一黎我覺得亞服有中文溝通..二黎比較親切...三黎連線質素應該好d...(我本身上網廢)

作者: gn00046553 時間: 12-5-3 02:24 PM

感謝大大的分享喔

作者: ngai 時間: 12-5-3 02:34 PM

好文，好詳細

想用現金買賣既玩家應該可以係到解答晒疑難！

另外前2日係遊戲基地既b社官方訪問中，有提及亞洲地區既現金拍賣情況，講到亞洲地區現金拍賣不會同步推出，而從官口描述，亞洲地區的現金拍賣只係不同步推出，而非不推出，所以並唔係不推出呢，唔係太住用現金拍賣既玩家可以等等都無問題。

作者: BarbieXDisney 時間: 12-5-3 02:54 PM

回覆『浩～哥仔』的帖子

嗯，如希望賺真錢，真的努力返工會比較快
打機只是休閒娛樂，正常生活還是要過的，不要為了打機影響了正常的生活
因為掉寶真的是運氣問題！
如你人在香港，亞服一定Ping少d，唔會o甘Lag

作者: BarbieXDisney 時間: 12-5-3 03:00 PM

回覆 ngai 的帖子

謝謝你
我相信BZ正在研究亞服如果在將來使用現金拍賣場
不能同步推出是因為韓國有法例規定用現金交易虛擬物品是不合法的，
希望將來亞服的玩家亦有機會可以使用到現金拍賣場！

作者: 『浩～哥仔』 時間: 12-5-3 03:04 PM

BarbieXDisney 發表於 12-5-3 02:54 PM
回覆『浩～哥仔』的帖子

嗯，如希望賺真錢，真的努力返工會比較快

亞服d ping一定好低

另外我想問埋...
如果我玩亞服..
個battletag改中文名...
入到game入面show唔show到?
因為上面你話英文版就show唔到中文...又變左格仔格仔..
所以想知中文版會唔會禁

作者: BarbieXDisney 時間: 12-5-3 03:15 PM

回覆『浩～哥仔』的帖子

以我所知道
如果你是打算在亞服玩，
中文的BattleTag是可以正常顯示在遊戲中，沒有問題的
但如果是美服，就有很大機會會顯示為空格或亂碼！

作者: 『浩～哥仔』 時間: 12-5-3 03:28 PM

BarbieXDisney 發表於 12-5-3 03:15 PM
回覆『浩～哥仔』的帖子

以我所知道

係咪真架??
係既我就改名.....
因為剩係可以改一次...

作者: BarbieXDisney 時間: 12-5-3 03:44 PM

回覆『浩～哥仔』的帖子

係，不用擔心
在亞服玩是沒有問題的！
但如有意外，你第一次設定BattleTag後，
BZ仍然會給你一次更改的機會，在帳號主頁的BattleTag旁邊按變更再輸入新的BattleTag便可
(但這將來是你的最後一次機會)
所以不用太擔心

作者: 『浩～哥仔』 時間: 12-5-3 03:49 PM

BarbieXDisney 發表於 12-5-3 03:44 PM
回覆『浩～哥仔』的帖子

係，不用擔心

問題就係我已經改左一次

作者: BarbieXDisney 時間: 12-5-3 05:12 PM

回覆『浩～哥仔』的帖子

那麼你真的要考慮清楚了，
因為沒有再更改的機會了！

作者: 『浩～哥仔』 時間: 12-5-3 05:13 PM

BarbieXDisney 發表於 12-5-3 05:12 PM
回覆『浩～哥仔』的帖子

那麼你真的要考慮清楚了，

再唔係我到時開多個新ac

作者: waynvin 時間: 12-5-3 07:49 PM

回覆 BarbieXDisney 的帖子

而加都5知自己玩美服好定亞服

作者: 沖靈係衰人-.- 時間: 12-5-3 07:50 PM

好詳細
但係睇完都心大心細好難揀

作者: BarbieXDisney 時間: 12-5-3 08:27 PM

回覆沖靈係衰人-.- 的帖子

其實是看哪一個服你可以玩得舒服些
和希望和哪一個國的玩家有互動
希望我以上寫的【小意見】選擇伺服器問題
可以幫到你選擇喇

作者: 亞拉丁 時間: 12-5-3 09:11 PM

咁我咪要等亞服出現金拍賣...

作者: ☆BB仔☆ 時間: 12-5-3 09:18 PM

亞拉丁發表於 12-5-3 09:11 PM
咁我咪要等亞服出現金拍賣...

咁咪等 030 又唔係唔出

亞服現金拍賣場將在日後以更新方式加入
　　至於亞服現金拍賣場的部分，並不會在上市時同步推出，將在未來以更新的方式加入；就目前已知的訊息來看，每筆現金交易最小金額為新台幣 50 元、最高為 7500 元，至於超過此金額的交易，就得看未來的第三方管道是否支援（尚未公佈）。

　　玩家若想知道更多有關於「現金拍賣場」的細節，請參閱暴雪公佈的拍賣場相關訊息公佈。

作者: 傻仔之人 時間: 12-5-3 09:55 PM

waynvin 發表於 12-5-3 07:49 PM
回覆 BarbieXDisney 的帖子

而加都5知自己玩美服好定亞服

美亞都真係幾難簡
英文都識睇DD 韓文對我黎講係外星文
亞洲相對黎講點都順過美服
現金拍賣呢? 依家又話手機認證... 而且話亞洲都開
諗諗下點解我當初買國際版

PS:有人話可以買澳洲SIMS 卡玩現金拍賣

作者: waynvin 時間: 12-5-3 10:03 PM

回覆傻仔之人的帖子

..........
我都係買左國際..
但係感覺美服好過亞服..

作者: 細水^^ 時間: 12-5-3 10:28 PM

本帖最後由細水^^ 於 12-5-3 10:35 PM 編輯

亞洲 - 屬於此地區的玩家包括南韓，台灣，香港，及澳門地區。請注意，在《暗黑破壞神III》上市時，此遊戲區域的玩家僅能使用金幣拍賣場。

OMG

作者: 細水^^ 時間: 12-5-3 10:31 PM

香港ACC 唔可以用拍賣???

作者: stevenchak 時間: 12-5-4 01:07 AM

我同班fd都想去美服玩
但係...我用緊和記 !!!!!!!!!!!!
希望破滅

作者: lth927 時間: 12-5-4 01:23 AM

美服用現金拍賣場咁麻煩
真係要考慮下
如果剔除現金拍賣場E個因素
兩個服對我冇咩分別
都係睇下D fd點揀

作者: 雲志 時間: 12-5-4 01:40 AM

現金拍賣場只有美服先有...咁亞洲服會唔會有拍賣場(非現金)?

作者: ☆BB仔☆ 時間: 12-5-4 01:47 AM

雲志發表於 12-5-4 01:40 AM
現金拍賣場只有美服先有...咁亞洲服會唔會有拍賣場(非現金)?

有

金幣拍賣場

作者: 雲志 時間: 12-5-4 01:49 AM

☆BB仔☆ 發表於 12-5-4 01:47 AM
有

金幣拍賣場

那就好了...期待期待

作者: BarbieXDisney 時間: 12-5-4 02:14 AM

回覆細水^^ 的帖子

台灣Battle.net的帳户是不可以使用美服的現金拍賣場
如你是打算玩亞服的，那便沒有問題

作者: Sonycat53 時間: 12-5-4 05:47 AM

本帖最後由 Sonycat53 於 12-5-4 05:48 AM 編輯

簡單D黎講...睇下邊邊多朋友玩就去邊個服. 呢D野可以比大家參考一下~

美服 : 英文可能難明D, 玩家比較多, 人品質數較好(咀炮比較少), 有RMAH(現金拍賣場), 美國市場價值比較穩定(農夫比較少), ping是高一點 (160-200)

亞服 : 中文玩家比較多, 帳號比較容易管理, 暫時冇RMAH (可能遲D有, 機會很細...因為亞服在韓國, 而韓國既法律係ban左RMAH的) , ping比較低 (80-120)

以我所知, 除左和記之外... 其他連線只要250ping以下, 都是不會有delay的

因為D3既新連線系統.

作者: NGSON123 時間: 12-5-4 07:58 AM

本帖最後由 NGSON123 於 12-5-4 08:04 AM 編輯

如果用美服bnet acc...到時用唔到美版現金ah,或者搞到好複雜同唔安全先用到,咁就無謂,已經無左現金ah既安全又快捷既意義

之後如果亞服會開現金ah,你轉去玩亞服, 你又係用美服bnet acc入左條key, 你就同亞服現金ah 講bye bye la...咁豈不是陪了夫人又折兵...除非你話用幾舊水開個acc,你豪得起, 或者你唔用現金ah,你淨係想玩game,再或者你繼續玩美服...我就吹唔脹

作者: 閃ＫＡＮＥ閃 時間: 12-5-4 10:26 AM

Sonycat53 發表於 12-5-4 05:47 AM
簡單D黎講...睇下邊邊多朋友玩就去邊個服. 呢D野可以比大家參考一下~

美服 : 英文可能難明D, 玩家比較多, ...

又一誤導.....日日巴哈見唔少=.=

點解咁多人認為亞服嘴炮一定多 (或者美服嘴炮點解比較少=.=?)

呢隻GAME要比錢架仲要~400蚊小學雞一定好少好少.......

作者: 斐仔 時間: 12-5-4 02:35 PM

其實有冇現金拍賣又點- -佢手續費咁貴只係方便D...
而家隻隻GAME都有人賣裝架啦- -唔代表冇現金拍賣就賺唔到錢~.~..只係要小心D je

作者: A-T-F 時間: 12-5-4 04:12 PM

閃ＫＡＮＥ閃發表於 12-5-4 10:26 AM
又一誤導.....日日巴哈見唔少=.=

點解咁多人認為亞服嘴炮一定多 (或者美服嘴炮點解比較少=.=?)

可能我太窮，我見過好多小學雞重有米過我。

亞洲 - 屬於此地區的玩家包括南韓，台灣，香港，及澳門地區。

歐洲，美洲見表：
tw.battle.net/support/zh/article/diablo-iii-realmoney-auction-house-regional-access

作者: asdffa 時間: 12-5-4 05:00 PM

其實咀炮個個服都有

但係美服FARMER唔一定少
因為大陸打手見對面有錢賺好有可能會過去做

而美服暫時要收到SMS先可以RMAH提現
如果唔係會有入冇出

作者: 斐仔 時間: 12-5-5 10:44 AM

本帖最後由斐仔於 12-5-5 10:50 AM 編輯

就算當亞洲係多嘴炮..
最重要一點...就算去美SER玩...一樣係絕大機會配對返亞洲既人...
所以話美服少D所謂嘴炮人呢個POINT係冇乜意思...
而家公佈左配對方式(先以語言(中文)>再到地區(亞洲)..呢2個為優先..)

P.S.嘴炮呢樣我個人認為度度都係差唔多..同埋呢隻唔係MMO..只有4人遊戲..唔岩玩未換場- -..

作者: asdffa 時間: 12-5-5 12:34 PM

其實亞服都有現金拍賣
不過要過一排先開
我記得官方好似講過上市後幾星期公怖
但係要預左提唔到現
想提現既話可以賣金幣同神裝俾人

作者: ABMFVAEVA911 時間: 12-5-5 11:37 PM

亞服為何不開放美金比較好留通?

作者: BarbieXDisney 時間: 12-5-6 10:24 AM

回覆 ABMFVAEVA911 的帖子

因為韓國有法例監管交易虛擬物品是不合法的
皆因韓國是納入亞洲伺服器地區
所以亞洲伺服器暫時不能有現金拍賣場！

作者: asdffa 時間: 12-5-6 11:04 AM

HEYWIRE這個APP已經被BZ封鎖

仲有 BZ話亞服好快會推出RMAH
所以我覺得唔係韓國問題而係戰網點問題令到而家冇得用住
我諗到時應該都係提唔到現

作者: tailookgull 時間: 12-5-7 12:14 AM

其實我一直打算用美服RMAH
可惜前幾日消息一出.......基本放棄了,實在太煩
不過還有一星期, 觀望一下

作者: kit365 時間: 12-5-7 04:03 PM

希望BLIZZARD唔好老點.

作者: BarbieXDisney 時間: 12-5-8 02:11 PM

ＲＣ群因Ｄ３仲未玩得暫未有專區
但有心一齊玩一齊交流既朋友可加我ＲＣ好友: barbiexdisney
謝謝

作者: aaa12321hk 時間: 12-5-8 09:52 PM

留明慢慢睇

作者: 花無缺! 時間: 12-5-13 01:58 PM

如果之後有台服有現金拍賣場
到時可唔可以轉返個地址?

作者: 花無缺! 時間: 12-5-13 01:59 PM

回覆 BarbieXDisney 的帖子

那如果我玩台服...用英文名字作TAG..去玩美服
那會亂碼嗎?

作者: 豈几示申 時間: 12-5-13 02:04 PM

之前美服ob時我tag果名係中文入到game顯示係冇問題

作者: 藍卍龍小彥 時間: 12-5-13 02:36 PM

其實放裝唔一定要現金拍賣場,重有好多地放<各大論壇> 放到,E.G 2000FUN交易區.好多online game都是呢個放法(重唔冼比手續費同比佢扣15%稅)

作者: ～傑仔～ 時間: 12-5-13 05:38 PM

2) 官網登記户口
《注意:》登記時國家/居住地區：需選擇美國
我選佐香港...請問仲用唔用到現金拍賣場?同埋會有咩影響

我右下角係美國地區 -> 繁體中文....我係玩美服的

作者: vinsonyang 時間: 12-5-13 05:53 PM

THANK FOR U SHARE

作者: ～傑仔～ 時間: 12-5-14 11:16 AM

有沒人可以答我問題。。。如果唔得要開新ACC 用現金拍賣場

作者: 花無缺! 時間: 12-5-14 10:33 PM

地址係咪可以隨時轉...?
就黎開波,,,諗緊填邊度...

作者: BarbieXDisney 時間: 12-5-15 01:26 AM

回覆～傑仔～的帖子

唔得～如要用現金拍賣場一定要係美國

作者: ryo1418 時間: 12-5-16 09:27 AM

精品文章,支持

作者: cheukhim43 時間: 12-5-16 07:08 PM

咁假如遲D亞服都出左現金拍賣
咁地址填香港用唔用到?

作者: Ｓuede 時間: 12-5-16 07:42 PM

如果用信用卡係us到買左game 咁入ser果陣點set 台定美

作者: BarbieXDisney 時間: 12-5-19 06:46 AM

回覆Ｓuede 的帖子

係美服有心一齊玩既朋友請加我BattleTag: NANAxBAMBI#1670
目前地獄中！

作者: 大爆 時間: 12-5-19 07:42 AM

到時唔知會唔會有港幣戰士出現呢

作者: alexlau1510 時間: 12-5-19 10:04 AM

我依定開左台灣battle net ac
但係係美ser玩
係米只係用唔到現金拍賣場(其實唔用都ok
玩方面是沒問題?

歡迎光臨 2000FUN論壇 (https://www.2000fun.com/)