2000FUN論壇

標題: 蘋機會：免3D眼鏡　貓頭鷹飛埋身 [打印本頁]

作者: civiclau 時間: 12-6-14 07:51 PM 標題: 蘋機會：免3D眼鏡　貓頭鷹飛埋身

本帖最後由 civiclau 於 12-6-14 07:51 PM 編輯

儘管3D眼鏡進步到有幾輕巧，於我般四眼人士而言，要戴住兩副眼鏡睇齣戲，始終唔係一件好過癮嘅事。3DTV玩咗幾年，終於進入裸眼世代，全球首部55吋3DTV，不單將4K高科技民用化，更免眼鏡即睇3D，畫面上隻貓頭鷹更生猛到似飛撲埋身！

3D自動臉部追蹤
睇3D電影係好過癮，但麻煩之處亦唔少，且不提四眼仔會嫌麻煩，亦好難想像屋企一家四口，戴晒眼鏡坐定定咁睇，而且最正嘅「皇帝位」喺電視正中間約兩米距離，如果搶唔到靚位，唔止3D效果無咁靚，衰啲仲會產生鬼影，真係唔睇好過睇。
Toshiba新出嘅 REGZA55X3000H，不單將裸眼3D屏幕尺寸勁升至55"，將家中客廳化身成 IMAX影院，其3D技術更能實時產生九組唔同視差嘅影像，即係乜位置都變成「皇帝位」，加埋臉部追蹤鏡頭，就算成班 Friend排排坐，亦可為每人調出最靚嘅3D景深，根本唔使霸住中間位，都有無殘影兼真實嘅3D影像，抵讚！

藍光升頻4K畫面
另一首創玩法，係將天價超高清4K高畫質技術，首度民用化。近年開始成熟嘅4K規格，其解像度高達3,840×2,160，足足係1080p全高清嘅四倍！可能你會擔心4K軟件尚未入屋，唔通買部電視返嚟齋播數碼相？唔使驚，55X3000H就以 Upscale方法，令1080p畫質升呢上4K。現場試播藍光《鐵甲鋼拳》，比較原有畫質，本來稍為矇查查嘅衣服物料、甚至人臉上嘅細紋同鬚根，亦因為升上4K而變得更加 Sharp，唔會得物無所用。

部機唔洗7萬蚊落樓.....好可能係下年既目標