2000FUN論壇

標題: 暗戀了8年做了知己4年了...點解(好長) [打印本頁]

作者: 全職藥師 時間: 12-6-27 01:13 AM 標題: 暗戀了8年做了知己4年了...點解(好長)

本帖最後由全職藥師於 12-6-27 01:14 AM 編輯

係8年前我初中識左個唔同班既女仔,
當時我只係偷偷地望佢,點知原來佢住係我格離(係同一層)
慢慢我地就做左朋友
中4時我同佢日日都一齊番學~佢有時會打比我之後係窗邊望住我...
開始同佢一齊番學果時個個都笑我,因為我係大肥仔~佢係學校都有d人氣
所以我都有d逃避佢,但係佢竟然嬲我!嬲我好似怕佢咁...當時我真係有d開心
我下決心減肥~付出一齊努力,但係我減肥後都唔係好樣,中五果年我地一樣考唔上,
當時我心諗,校園遊戲要完了,但係出左社會2個月之後佢突然約我踩單車....
我陪佢搵工,陪佢出街,食野,聽佢講心事.......真係好開心....
1年後我比左個短信佢問佢可唔可以做我女朋友~ 結果佢話[你咁我會避開你] 我立即話當我冇講過
我當時好傷心諗住終於完了~差d忘記佢既時間~我做左人生最錯既事~就係搵番佢
佢當我既表白既事冇發生過.......2年內~我地成為好好知己~大家都話我地似情侶
佢有時對我忽冷忽熱我每星期都會拎一日假佢配合佢基本上呢2年 8成假期我地都一齊
但係我成日見到好多男仔問佢野,想約佢... 我有幾次想自動消失,但到最後佢都話唔可以冇左我....
我帶佢去奧門玩~年初一佢願意同我屋企人一齊去大奧拜神~佢放大假我部佢放~
佢想打咩game我買~想食咩我煮
我付出所有
有一日~我同一個朋友(男)出街見到佢成日係咁whatsapp 偷睇到係呢個女仔.....我冇出聲~
番到屋企係咁睇佢兩個既最後上線時間....到淩辰佢地都一直whatsapp 但係佢第二日番工番早...
當日我已經訓唔到,心好亂好驚~ 但係佢話個佢唔係太鐘意呢個男仔~因為佢太毒~又成日串佢,所以我冇理
第二日佢地都係一齊on 一齊下線.....突然~呢個女仔whatsapp我佢話我對佢好好~之後我問佢係唔係有事...

女:其實我有d野想同你講,我記得好耐之前你講過你鐘意我,但係我就當冇聽過而家我亦都好想好想知道,
我當你係我好知己,知你亦對我好好,我無以為報,但你而家對我好係因為你重鐘意我定當我係你朋友!?
我想知你當我係.如果我拍拖你會唔會唔理我,我好想知道,我唔想你唔彩我,亦當我係你知己,但我都想知你係點諗,諗清楚先好答我.

之後我知我同佢已經冇可能~但係我最後一口氣打左我8年前係點開始愛上佢

之後我問佢男仔係邊個..佢話我應該知,我都識!!!我知!!!就係佢!!!!!果個成日串佢果個男仔!!!!!!點解啊
當時我好亂
我:得喇我知喇你放過我!!我想死啊
女:你唔好啊~唔係死既係我
我:停喇你唔好問喇!!你明唔明我鐘意左你8年!!!
女:唉,你可唔可以唔好咁
我:點解唔係我
女:我想搞清楚,唔想不明不白咁同你咁樣我當你係我最要好既~你知嫁
我:點解唔試下同我一齊
女:點解一定要做情侶呢
我:夠喇!停!!
女:散左冇朋友做~唔得!!我要你睇,做朋友知己可以一世
我:我希望你有一日會選擇我
女:冇可能,因為我當你如家人般看待做唔到情侶就連朋友都冇得做!?
我:珍重
女:我對你好失望
我:我咩都冇晒!!!
女:唉........好唔開心你會咁
我:連嘗試既機會都唔比我~!!!!點解我而家真係好驚
女:都冇果種feel,點試
我:明喇得喇
女:唉,估唔到你都係果種人,算啦
我:我真係好痛,我控制唔到啊
女:我就係當你係最好,先唔想暪你,唔想有一日拍拖俾你撞到諗住同你坦白,諗唔到傷害你咁深
我:好~~就當我冇事~我要你講名我知
女:對唔住,廢事你地反面,唔講啦
我:xxx啊麻~唔緊要我會等
女:希望你明白,鐘意一個人唔一定要擁有
我:我明
女:唉,你重會唔理我嗎
我:祝你地幸福快樂,但我會等
女:如果你開到聲我唔會每日放假都煩住你
我:冇事,你只要記得有個人等緊你
女:你等我既同時,有個人重等緊你
我:冇囉(因為係我地共同識既人入面會同我傾計呢女仔得佢)
女:等落去都唔會有結果你還會等嗎
我:你理我~我其實想係下個月問你同我拍拖之後結婚好唔好! 不過而家~哈哈哈哈哈哈哈哈哈哈
女:(好驚既公仔)
我:人生!哈哈哈哈哈哈哈哈哈哈!
女:白痴
我:果然兩年前....
女:兩年前what?
我:如果我早d放棄就好!, 算喇
女:(失望公仔)
我:我要時間,但係我真係唔明點解會咁,求命啊,,好煩啊
女:ok,唔煩你,你平復完再搵我,冇左你我會好悶
當晚我真係好痛痛到成晚冇訓過~之後一日
我:放幾點
女;做咩
我:你放工有野問你
女:係而家問啦
我:我想親口問
女:唔可以,哈
我:點解
女:我唔知~係電話講一樣,怕咩姐
我:做咩要避我先,我問清楚就會自己消失
女:冇避你,你講咩消失,你講清楚d.我話你知,你唔好做d傷害自己既野,我死俾你睇
我:死?我就真係就死!!!你會為我死??哈!!!放心我唔用自殘呢種手段令你注意我
女:喂啊!
我:成晚訓唔到.一諗到你同第二個一齊我就心如刀割
女:唉
我:我十萬個唔知點解會咁,完全唔明白,我控制唔到!!!
女:我之前都拍過這幾次(雖然呢2年佢冇親口同我講,但我都係估估下)
我:我就係知先想避你!!!!!
女:唉
我:我好努力咁放鬆自己,好易嫁做朋友傘!!但係唔得啊!!!!!!!!!
女:如果可以令你冇咁痛,我以後都唔會搵你,你咁搞到我勁唔開心
我:好!我問你識左你咁耐真係小小feel都冇?我真係願意放棄一齊去陪你!點鮮你唔回應我!!
女:真係冇!我可以好決絕咁同你講
我:如果你唔搵我你一d心痛都冇既話~好多謝你曾經比過希望我,煩既人係我先岩
女:我唔會比希望你,因為咁會沒完沒了,我唔想傷害你咁多,我有心痛,心痛你咁樣
我:感情真係唔可以陪養?
女:我唔夠大方
我:我都希望你真係搵到你想要既野,如果可以我真係想比一世幸福你.不過真係對唔住啊.........
女:真係唔可以做朋友?
我:我都好想,不過而家真係唔得私心太多,見到你真係忍唔到好似想爆咁,已後既事我真係唔知

好喇而家我真係比死更難受......呢兩年雖然冇拖手~不過真係好幸福....佢唔開心我會傷心~見到佢我地會傻笑
有冇過來人可以教我點做~點先可以醒啊有冇人可以打醒我,成個人冇晒力..咩都做唔到..成日反胃....好痛苦啊...
我應該同佢做朋友定係放底佢!!!!!我只要諗到佢地兩個我就好空虛連喊都喊唔出~!!!人人都話時間沖淡~我真係1日都好似過成年~點解會變成咁啊!!!!!!!!

作者: 陳手跛 時間: 12-6-27 01:44 AM

首先過唔過來人好難定斷...我好肯定每個人既經歷都不一樣...因為人係一個個體
我唔會評論個女仔岩定錯好與壞因為我都唔識佢
如果你真係想放低佢我可以好肯定同你講唔係唔諗佢就得咁樣叫逃避
反而你要諗多d佢但唔係掛住佢
平常心去面對呢個女仔而唔係諗住付出過姆多希望與失望之類
忘記一個人並唔係係腦海del呢個人
忘記一個人係當你再面對佢想起佢同佢傾計既時侯再冇曖昧既感覺

勉強冇幸福人生就係有好多你現在覺得好重要既人但係原來佢只係過客你要接受呢個現實

舉個例好多人結婚個刻都係真心但係若干年後先發覺真正鐘意既並唔係身邊個個

唔開心難過一定會有因為人係有七情六慾

但係你自己一定要面對同人傾訴係正確但係千其唔好做1d傷害別人既事去發洩

再見亦是朋友大方d 做返個朋友啦唔好令自己後悔或者20年後你回想起你會回味

以上全部所屬主觀性言論樓主請三思

作者: 全職藥師 時間: 12-6-27 03:32 AM

回覆陳手跛的帖子

受教了~
睇完之後諗左1個鐘我好似放開左d~
係放開左鐘意佢呢個身分
不過後遺症真係要慢慢先好得番
已經冇咁心痛~

作者: c396437 時間: 12-6-27 07:21 AM

本帖最後由 c396437 於 12-6-27 07:38 AM 編輯

全職藥師發表於 12-6-27 01:13 AM
係8年前我初中識左個唔同班既女仔,
當時我只係偷偷地望佢,點知原來佢住係我格離(係同一層)
慢慢我地就做左 ...

首先介紹幾首歌你聽(尤其好好戀愛細心留意下啲歌詞)
[hdutube]bl_rKC1Ny7Y&feature=related[/hdutube]
[hdutube]mmxiZPWqXZM[/hdutube]
[hdutube]Dn-gRaEP-bg&feature=related[/hdutube]
[hdutube]I9PaDQKGAuY&feature=related[/hdutube]

令外想先講既係
女仔既心冇咁易比人觸摸到的

入正題
睇得出個女仔係想同你保持一個曖昧關係
佢話對你咁耐以黎冇FEEL就假既
試問如果完全冇感覺點會忍受得到人地不停話你地2個係情侶咁多年?
相反呢家佢可能就係拍拖呢啲野要避忌下
如果話對你曾經有過FEEL既你一定去馬
到時2邊一齊追咪出事
4年咁長呢種女仔黎講我覺得你係衰太遲講
由初初可能有FEEL到見你冇出聲到中5既1年後
已經完全轉為純友情
不過2樓講得岩
"人生就係有好多你現在覺得好重要既人但係原來佢只係過客"
假如你真係忘記唔到佢既
可以試方用其他方法黎陶醉自己(EX 加重工作量)

PS可能有錯字...岩岩訓醒

作者: 全職藥師 時間: 12-6-27 02:04 PM

c396437 發表於 12-6-27 07:21 AM
首先介紹幾首歌你聽(尤其好好戀愛細心留意下啲歌詞)

的確我心痛係因為太遲同有遺憾
但係我已經同一個人表白左2次~
聽講如果比同一個人傷既話一次比一次傷~
我唔想有第三次
我一時次間真係諗唔到有咩歌可以幫到我~多謝你首好好戀愛
種有冇一d廣東話歌係咁嫁........

作者: sukiyaya 時間: 12-6-27 02:29 PM

回覆全職藥師的帖子

樓主，不要太傷心。
無論感情有沒有花開結果，這種痛都是每個曾經失戀的人都必須經過的。

入正題，相識8年，又怎會真是一點點感覺都沒有?
首2年，或者會有好感，甚至轉變為喜歡；但第3年開始，如果沒有進一步的關係，就會變為友情。
當踏入第4、5年，個感覺就會變為依賴、習慣。

當一段感情沒有花開的時間，女孩就會另覓新對象、新戀情。
或者因為依賴、習慣的關係，女孩會直接把你當成知己，所以她會有什麼事都告訴你。

一個有少少人氣的女孩子，會想尋找一個異性知己。(心理問題)
誰說男女不能成為朋友? -> 不過真是好難，好多時接近自己的男孩都是對自己有感覺。

樓主，要放下你對她的感情，是要選擇直接面對，不要逃避。
細想一下、回味一下，你們的回憶，好快你就可以跳出來，重新開始。
最重要的是，時間可以幫到你。

作者: c396437 時間: 12-6-27 07:26 PM

全職藥師發表於 12-6-27 02:04 PM
的確我心痛係因為太遲同有遺憾
但係我已經同一個人表白左2次~
聽講如果比同一個人傷既話一次比一次傷~

我的最愛-方力申／鄧麗欣都應該岩你@@

作者: loveyoujj520 時間: 12-6-27 08:23 PM

感情害人不淺唉
感情都搞到我要睇心理醫生

作者: soldat24 時間: 12-6-28 12:17 AM

係8年前我初中識左個唔同班既女仔,
當時我只係偷偷地望佢,點知原來佢住係我格離(係同一層)
慢慢我地就做左朋友
中4時我同佢日日都一齊番學~佢有時會打比我之後係窗邊望住我...
開始同佢一齊番學果時個個都笑我,因為我係大肥仔~佢係學校都有d人氣
所以我都有d逃避佢,但係佢竟然嬲我!嬲我好似怕佢咁...當時我真係有d開心
我下決心減肥~付出一齊努力,但係我減肥後都唔係好樣,中五果年我地一樣考唔上,
當時我心諗,校園遊戲要完了,但係出左社會2個月之後佢突然約我踩單車....
我陪佢搵工,陪佢出街,食野,聽佢講心事.......真係好開心....
1年後我比左個短信佢問佢可唔可以做我女朋友~ 結果佢話[你咁我會避開你] 我立即話當我冇講過
我當時好傷心諗住終於完了~差d忘記佢既時間~我做左人生最錯既事~就係搵番佢
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
樓主你做得最錯的確係搵返佢
既然女仔到唔再搵你而且明確向你講明唔鐘意你
呢個時候係應該要放手
感情就好似一把刀咁
係你鐘意佢既同時
把刀就愈插自己個心愈多
你個陣傷口未咁深既時候就一早要放手
但係你搵返個女仔
個女仔就會以為大家可以做返正常朋友或知己既時候
同時也比左個假希望你
而感情最慘就係比左假希望自己
你比左個假希望自己就會再次
將把刀插深
希望愈大失望就愈大
點解有D人會為情自殺
就係把刀插穿左佢成個心
樓主我希望你唔好跳樓住
因為我想講就算你跳左樓到冇人可憐你
為情自殺唔係叫勇敢
係你自己控制唔到姐
當然你自己個假希望冇左既時候
換來既痛苦就係雙重咁打擊啦
我會係下面教你點樣把刀拎走
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
佢當我既表白既事冇發生過.......2年內~我地成為好好知己~大家都話我地似情侶
佢有時對我忽冷忽熱我每星期都會拎一日假佢配合佢基本上呢2年 8成假期我地都一齊
但係我成日見到好多男仔問佢野,想約佢... 我有幾次想自動消失,但到最後佢都話唔可以冇左我....
我帶佢去奧門玩~年初一佢願意同我屋企人一齊去大奧拜神~佢放大假我部佢放~
佢想打咩game我買~想食咩我煮
我付出所有有一日~我同一個朋友(男)出街見到佢成日係咁whatsapp 偷睇到係呢個女仔.....我冇出聲~
番到屋企係咁睇佢兩個既最後上線時間....到淩辰佢地都一直whatsapp 但係佢第二日番工番早...
當日我已經訓唔到,心好亂好驚~ 但係佢話個佢唔係太鐘意呢個男仔~因為佢太毒~又成日串佢,所以我冇理
第二日佢地都係一齊on 一齊下線.....突然~呢個女仔whatsapp我佢話我對佢好好~之後我問佢係唔係有事...
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
就係因為你自己付出所有野比佢
先令自己痛苦雙倍
我成日到話感情唔可以用付出=收穫
呢條公式
因為有時係
付出=痛苦
付出大過收穫
付出小過收穫
呢D野我地到係唔知道既時
深入既我就冇謂講太多
我入番正題
當個女仔話你知佢鍾意個個男仔既時候
你係覺得自己付出左既野係一定多過個男仔?
咁你係唔係覺得明明自己付出咁多點解個女仔重要鐘意佢?
你會唔會問自己係唔係付出未夠多?
你係唔係覺得自己好過個男仔?
定係你覺得自己勝任?
你會覺得係個女仔冇比機會你?
以上既問題我可以幫你解答晒佢
因為到係3個字
假希望
樓主你睇完我篇野我希望你唔好屌我
因為我係幫你分析同埋令你回想自己係唔係做錯左
你覺得個女仔冇比機會你
係男仔追女仔到覺得女仔冇比機會試起一齊
但係要個女仔對你有FEEL先得
你選擇人
人選擇你
同一道理
你自己個假希望
係覺得你付出左咁多
而個女仔冇比機會你你覺得好唔公平
但係個女仔一早講明唔鐘意你
又可以怨得邊個?
感情既野冇話邊個岩邊個唔岩
你自己諗清楚
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
好喇而家我真係比死更難受......呢兩年雖然冇拖手~不過真係好幸福....佢唔開心我會傷心~見到佢我地會傻笑
有冇過來人可以教我點做~點先可以醒啊有冇人可以打醒我,成個人冇晒力..咩都做唔到..成日反胃....好痛苦啊...
我應該同佢做朋友定係放底佢!!!!!我只要諗到佢地兩個我就好空虛連喊都喊唔出~!!!人人都話時間沖淡~我真係1日都好似過成年~點解會變成咁啊!!!!!!!!
你呢D情況我建議你最好搵D野去學下玩下
一係就做運動
你自己可以去搵其他野做寄託
重之唔好諗
開開心心過日子
你可能覺得呢D野係人到比到建議你
但係改變係在乎你自己
情傷有邊個未試過
一直係情傷爬唔到出黎既叫做弱者
能夠慢慢令情傷消除既叫強者
一念之差就睇你想點
重之你一定要活得比個女仔好
你活得比佢好姐係等於自己係經得起風浪既人
一個人有咩起趺到唔緊要
爬到起身先係成長
你換個想法去諗
你當呢個係一堂好漫長既課程
失敗就等於上左一堂
上完堂就唔會再傷過
就算再傷到識應付
我可以同你講我個經歷比你慘一百倍
咁我咪又係正常過日子
我建議你放低佢先啦
把佢個D舊信息DEL埋佢
代表自己既決心
咁先可以好返+
你自己加油啦
有咩就係個帖到留言
我可以幫你既一定幫

作者: 全職藥師 時間: 12-6-28 01:40 AM

回覆 soldat24 的帖子

好多謝你~ 的確佢係我唯一方向
但都只係我個人意思
我最怕唔係佢想離開我.....係好驚見到佢拖住果個男仔.......要克服真係好難..
雖然可以克服了心如刀割的感覺..
但係都係冇胃口食野,明知肚餓都唔想食野...
訓幾個鐘就會比種絕望感叫醒
新的方向我己打到~我會已事業為先...因為真的放棄太多了

作者: soldat24 時間: 12-6-29 12:59 AM

好多時有失必有得
今時今日你失去左D咩
個天就會比返D咩野你
你今日失去左良緣
但係你第時擁有既可能係金錢,名利
或者係另一段更好既姻緣
絕望好多人到會有
壓力人人到有
好似新聞個個大學生就係比自己既壓力壓死
只要放開自己心態
多D上2000F分享
自然有好多人會正面回應你既問題
做人要BE HAPPY
你當失去既野係一種學習
咁做人先會正真學到野
同埋成長
祝你早日脫苦海啦

作者: 戀軒 時間: 12-6-29 11:27 AM

其實您地系一對百份百份情侶,指不過系冇拖手仔咁解. 努力吧.

作者: karyyip 時間: 12-7-1 12:59 AM

放低佢啦兄弟,佢明玩你姐,你唔想放棄就行動啦,等條毛咩

作者: 明。鏡。止水 時間: 12-7-10 01:33 AM

喂老友
幾個問題
你係咪中意佢先?
係丫嘛
你係咪想佢幸福先?
係丫嘛
姐係都係想佢開心姐??
係丫嘛下話
咁搞掂哂啦
e+個女仔做佢想做既野
d人物關係比佢控制哂啦
姐係都係佢想要既野啦,同佢想係埋一齊既人一齊啦
好
完成,,你已經可以全身而退了
留低張卡片比佢,,有咩事可以搵我.

有時候作為男性是要付出的
而且是沒有回報的付出
其實中意一個人可以好簡單
一齊唔一齊??? 唔重要
只要佢開心,,你就開心...雖然有時代價也太大了
不過我地都要去面對的

我地一生人中意既人太多了
總不能都要係埋一齊一生一世掛
所以我地要學會默默付出,,不求回報
是的. 代價太大了
支持不住的話,
就在2kfun說出來吧
有很多人都會幫到你的 (玩宣傳咁過癮@@ 我都模仿下先xddd)

作者: ngtszleung 時間: 12-7-10 02:48 PM

八年之就唔應該開始呢一段咁奇怪既關係,你鍾意拖泥帶水,依加搞出大頭佛喇,係咪仲未醒悟?四個字:壯士斷臂

作者: CHoK!麟=) 時間: 12-7-10 04:45 PM

講真佢講d野我覺得真係為你好，真正為你好當你係重要既人先會同你咁認真搞清楚d關係。

你真係鍾意佢，就應該讓他選擇自己的幸福，咁先係對佢好。

比你佔有左佢又點，你地一齊都唔會開心，勉強無幸福。

作者: forever99 時間: 12-7-11 04:38 PM

提示: 作者被禁止或刪除內容自動屏蔽

作者: 炎︱︴闍 時間: 12-7-11 11:00 PM

係愛情世界裡唔好覺得為對方付出好多等待好耐就一定有回報

作者: matthew124 時間: 12-7-14 08:20 PM

論理性,個位女仔似乎將朋友同男朋友分得好清楚

無何否認呢位女仔係好難得,係值得追求
所以我好明白你既感受

其實如果睇番你地最後既對話
我反而個覺得你地對對方既了解唔係真係咁多
事實上樓主你只係比哂最好個一面佢睇
而女個方面就一直比你個個好既一面...(我唔敢講話係蒙蔽)
因為佢仲可以當你係朋友,應該都係相信你冇中意佢,
又或者係相信你分得清朋友關係
可惜到最後發現你其實係抱住追求既心情去相處
可能就係因為你對佢太好,佢可能有好多野唔放心
需知女人都有個共識就係"男人結左婚後就會變"
佢未必有心理準備面對你衰個一面

相反,另外一個男仔(可能)本身冇追求之意
反而令女方了解佢既性格,又或者(你話你肥仔)可能係加上外表因素
先令佢有咁既感覺

所以,戀愛係由朋友開始發展
但如果朋友階段已經有私心,真正既感覺反而會成長唔到
亦解釋"男人唔壞,女人唔愛"
唔係真係要男人壞,而係唔好咩都收收埋埋,好既壞既都show哂出黎
只有冇添加劑既行為表現,先令女人有安全感

(p.s. 以上為個人睇法,無意冒犯)

作者: alan1976000 時間: 12-7-23 02:56 AM

我覺得樓主你果種係逼個女仔去鐘意你囉
姐係簡單D來講
溝女既過程差唔多完全由你做主動
咁點得牙

你諗下點解成日串佢果個男仔會溝到佢先
就係因為佢識講野
個女仔係知佢衰牙知佢毒牙
但都仲揀佢明唔明
我從來唔用追女既字眼係因為我覺得追求既過程係雙方都有主動
而唔係單方面
溝女唔係一味死追架
況且你去到呢個地步根本就無得番轉頭
你Dchatlog度睇點都似係你逼緊佢同你一齊多D囉

你最好去RELAX一下喇

作者: 胡唸塗 時間: 12-8-3 02:18 PM

你地對左太耐已冇左果個火花串佢個男仔唔同有火花

作者: paulpk000 時間: 12-8-22 11:02 PM

加油加油加油加油加油

作者: 不知不覺的 時間: 12-8-26 01:39 PM

e到好多人都大條道理.....其實個女仔唔同你一齊,都只不過因為你肥,樣衰.....
如果你靚仔,佢就鐘意你啦.......
係未好膚淺?其實就係咁膚淺.....

作者: ★風之少年☆ 時間: 12-9-4 12:18 AM

樓主
我明白你既心情
八年啦
呢八年  你一直呵護佢照護佢
無疑  你地已經比一般既情侶關係仲要好
互相依靠  互相扶守

但係你們之間突然出現左一個人  即係你既朋友
你唔怪佢(你朋友)

最令你無法接受既係
八年黎  女方對你一D感覺都冇
你一直對佢係侶伴般看待
但係佢只係當你知已

我猜樓主覺得女方好自私
點解呢八年黎
要一直比假希望自己
更矛盾既係
明知如此  呢八年黎自己都係冇辦法面對現實

不過現實始於係殘酷既
依家樓主你無辦法面對呢件事
不如比少少時間大家冷靜一下
你可以同女方約定1~3個月後再見

我明白比起安慰
樓主更加想要一個令女方接受自己既方法
不過好遺憾  短期內根本冇可能
我想樓主都係先冷靜一下
調整一下自己既心態先
女方要既唔係感動  而係心動

其實睇完樓主既故事之後
我真係有少少鼻酸
可以既話想同樓主傾下
如果樓主願意既話就PM我啦

作者: Ka~家 時間: 12-9-5 02:09 AM

全職藥師發表於 12-6-27 02:04 PM
的確我心痛係因為太遲同有遺憾
但係我已經同一個人表白左2次~
聽講如果比同一個人傷既話一次比一次傷~

http://www.youtube.com/watch?v=-lB9Z4IeTDc 個女仔想咁=/

歡迎光臨 2000FUN論壇 (https://www.2000fun.com/)