2000FUN論壇

標題: 同舟人~誓相隨~~無畏更無懼 [打印本頁]

作者: Wow_Beauty 時間: 12-6-29 08:53 PM 標題: 同舟人~誓相隨~~無畏更無懼

起初聽到援交、CC呢d字眼，會覺得好負面，同埋會唔明白點解好地地一個人，要淪落到咁既地步。尤其我地中國人社會咁傳統，父母自小都會教要好好保護自己呀、性行為唔係個個都可以同佢做呀、為錢就更加唔得呀咁……直到之前上堂，討論援交呢個話題，至知道雖然絕大部份人都係為左錢先做援交，但佢地都有自己既原因同處境….例如有d人要賺錢養家呀、有d係為左交學費、有d其實係想搵人關心下自己呀、有d係自己搬左出黎住生活逼人呀咁………單純咁諗…我會覺得援交既人都係用自己既能力，為左自己認為重要既野而努力….或者方法係不被大眾認同，有人會話佢地唔自愛，為錢而出賣肉體…..

咁樣令我諗起，之前我阿叔有財政問題，係咁問我爸借錢，之後仲借落一筆街數著草走佬…d大耳窿係咁追數，又上門拍你門嘈你呀、貼你大字報呀、打電話爆粗叫你起身痾夜尿咁….基本上個時我個全個家族個個都受害…除左街數仲要幫阿叔還銀行數…..夾夾埋埋都要比成差不多百萬…..但無論日子幾難過，我都無諗過要點樣搵快錢幫屋企….最多都係死慳死抵，腳踏實地慢慢還……..

其實，墜落與否同家人支持係有好大關連….即係好似我個Case咁，雖然都係無錢，日子係難過，但會大家團結一致，同舟共濟……相反，好多選擇援交既人都同屋企關係唔好，或者同親戚之間關係疏離，得唔到充足既支持同關心，要靠自己搞掂件事，先會踏上援交既不歸路…….講真，係人都知洗濕左個頭就返唔到轉頭….但當水浸眼眉既時候，個頭唔濕都唔得……好多野都係針唔吉到肉唔知痛，唔係個0個處境就唔會明白箇中感受….下下都拎自己把尺黎度人，結果就只有爭拗….相反，嘗試下了解對方，易地而處，成件事會好好多…..(打8號波前忽發奇想，共勉之)

歡迎光臨 2000FUN論壇 (https://www.2000fun.com/)