2000FUN論壇

標題: 他打開水龍頭想要洗手卻看見流到手上的不是水而是彩虹 [打印本頁]

作者: Wow_Beauty 時間: 12-7-12 09:46 PM 標題: 他打開水龍頭想要洗手卻看見流到手上的不是水而是彩虹

曾經係張小嫻寫既小說，睇到一段咁既野︰「朋友告訴我吸完大麻後他打開水龍頭想要洗手卻看見流到手上的不是水而是彩虹那一刻他覺得自己是上帝他創造了彩虹」 … 我無試過吸毒，所以唔知道吸毒之後係咪真係會有呢D幻覺出現…反而以前就有試過身邊有朋友take野…

我仲記得十幾歲仲係中學鴨既時候，有個同學仔佢父母係傳統福建人，重男輕女，屋企三個仔得佢一粒女，佢完全比媽媽無視…佢係屋企一向都好似隱形人咁…..所以佢就成日落街玩，群埋D街童吹下水又過一日….有次佢同我講，佢地成班人係體育館天台開索K派對…take左野之後佢就high曬咁起勢跳舞….. 佢話個下成個人都飄飄然，行路時腳又唔掂地咁….感覺好新奇…..

散場後佢地各自返歸，我朋友返到去仲係high下high下，但係佢父母都無發現佢有咩異樣…反而係佢其中一個阿哥察覺到，就一手捉住佢問發生左咩事….佢唔識應，淨係識傻笑….之後佢見到佢阿哥搣佢手臂，搣到都紅曬，佢都仲係無感覺…...由個日起，佢阿哥多左關心佢，感情仲變得好好，又會成日一齊出去玩….之後我都無再聽過佢take野啦~~

眼見而家好多年青人take野，往往都係因為壓力…例如家庭、學業……一提到呢D原因，大人們或者置身事外既花生友就會起哄，覺得係呢D後生仔女唔自愛、唔識諗…其實當初佢地之所以take野，係因為佢地遇上願意理解佢地既人都有take野，咁埋左堆自然就會一齊飲下酒、食下煙、索下K…老老實實，係人都做過後生，諗法不知天高地厚但其實又好單純，做咁多野都只係想得到別人既了解同關心…..調返轉頭諗，如果願意理解同關心佢地既係同學、朋友、家人，咁佢地會一齊做既又會唔會係唱下K、行下街、買下衫同埋食下自助餐呢？？

作者: strongstorm 時間: 12-7-13 06:23 PM

有頭髮邊個想做'lart'喱啊……

作者: Wow_Beauty 時間: 12-7-13 09:49 PM

凡事多面睇

作者: 太陽花兒 時間: 12-7-27 10:11 PM

回覆 Wow_Beauty 的帖子

每個人都好需要別人關心，特別是重要的人，例如：家人及朋友，所以我們都要關心多D身邊的人

歡迎光臨 2000FUN論壇 (https://www.2000fun.com/)