2000FUN論壇

標題: 時間踢不走的虫仔!?（新增Ｑ＆Ａ回答各位疑問） [打印本頁]
作者: hＯ    時間: 12-7-22 02:29 AM     標題: 時間踢不走的虫仔!?（新增Ｑ＆Ａ回答各位疑問）

本帖最後由 hＯ 於 12-7-22 06:12 PM 編輯

以下純粹個人經驗之談，唔係評論其他出裝方法有問題

歡迎大家提出疑問，大家當作交流，我會盡可能解答各位！不認同的可以按上頁而不用係度引起罵戰或不滿！善意的評論另外別論！


大家好, 在下玩LOL已經有一年半, 都可以話係一名老手吧? 係一開始, 我第一種係LOL玩的英就係ADC, 艾希同虫仔就係我當時簡的英雄, 原來接觸呢隻虫仔已經有一年半。係ADC當中虫仔算係比較特別, 曾經更係虫仔天下, 唔知大家有無經歷過? 場場見一次虫仔, 虫仔打遍天下無敵手的那段日子嗎?

雖然虫仔而家已經比大多數ADC取代左, 但係佢依然有佢的能力。佢的攻擊配上2技, 真係射程最遠的ADC, 佢的大技用得好的話, 配合起2技, 真係可以做成最大的騷擾。1技的攻速加乘同減防, 2 技的射程同魔法攻擊, 真係可以令到虫仔成就高輸出的稱號。

技能介紹:

講真, 心得呢樣野, 係講心得, 而唔係資料性的野, 想知道佢所有技能有咩用的, 不如直接去隻GAME個英雄介紹來睇啦, 係呢度我只會簡單介紹下佢D技能。



埃卡西亚的惊喜

死亡時發生連鎖反應, 移動速度加快，4秒後爆炸，對周圍敵人造成100 + (25 x 等级)的真實傷害

其天生技, 追殺專用, 但係好多時都無咩用, 或者可以話係....死左之後都要話比人知佢仲係度的技能? 不過好多時D人殺完你都走哂, 又或者分頭走, 你唔知追邊個...只可以話睇落好有用, 實際上其實就除左團戰幫隊友扣下人血, 汁下雞之外, 真係無咩用。

腐蚀毒液

被动：增加攻擊速度     
主动：喷射毒液造成魔法傷害, 並增加护甲穿透效果  

虫仔的前期不太需要的技, 如果主點, 虫仔的輸出會受影響, 所以會係副點的技能, 因為佢被動增加攻擊速度同护甲穿透係後期係非常有用。

生化弹幕

射程增加, 攻擊附加額外傷害

隨住呢個技的提升, 虫仔的射程會上升, 係最主要點的技, 虫仔無論輸出殺人還是騷擾人, 呢招技都係好重要, 配合腐蚀毒液, 真係一開始已經打到人怕。呢個技亦都係被人稱為溶坦的技, 點解? 就咁睇佢個額外傷害都知啦, 對面仲會出血裝?

虚空淤泥

射一道淤泥, 對敵人造成傷害並减速

虫仔唯一的慢人技, 唔可以話係控場, 因為除左慢人, 傷害真係好低, 所以除左開頭點一下之外, 一定係最後先會點。

生化巨炮

發射一枚射程極遠的生化炮弹，造成傷害並顯示該處目標視野。短時間内多次使用會額外消耗法力

虫仔的大技, 可以話, 騷擾加追殺專用, 可以用作探路。

符文:

有幾種符文出法, 我只係講兩種, 一種係大眾的出法, 同埋我而家一種用緊的

1. (大眾ADC出法)
紅: 物穿符
黃: 固定甲
藍: 成長魔拒/ 回魔
精華: 物穿/ 移速

2. (小弟的出法)
紅: 物穿符 (無得走)
黃: 攻速符
藍: 成長回魔/ 回魔 ( 選擇成長回魔而唔用回魔係因為佢平D, 當初小弟初玩, 無咁多錢, 緊係要小心用, 當然, 如果你有錢的, 用番固定回魔係會好好多, 因為虫仔用大技騷擾人, 係需要好多魔力, 回魔就幫到你)
精華: 移速符 (方便追殺用, 相信大家用過虫仔都會覺佢行得好慢, 唔知係咪心理作用, 見到佢腳短, 真係好想話...你可唔可以行快D? 差少少殺到人架啦...)

天賦:

正常來講, 21/0/9

但係有人會中意 21/9/0

個人喜好, 因為前者可以提供多點的回魔, 後者就比你多一點防, 保障一下自身

召喚師技能:

flash 一定走唔到, flash 可用作追殺或者走佬。

治癒 係最近呢幾個月, 治癒已經成為下路adc必備的技能之一, 因為可保命, 當然如果support已經帶左, 身為adc的你, 緊係唔好帶啦, 不如帶傳送, 點燃, 或者净化會更好。

虫仔技能點法:

主點w技, 副點q技, 睇情況點e, 有r點r, 正常來講, 副點q技原因係因為副合綠爪或w技來用, 都係一絕。

但係我中意極端玩法, 我會點完1點r之後, 就唔再點住, 升滿左w技同q技先, 再視情況點e同r 。 (呢個係我個人玩法, 因為會隨情況而改動)

有人話, q技前期無用, 所以一定最後點, 無錯! 但係其實係我眼中, q 技的真正用處係隨著虫仔出到綠爪開始就會明顯上升, 所以我會選擇副點q技, 因為正常虫仔20分鐘應該會出到。

出裝:

出裝, 應該係最多人會留意的地方, 係呢度, 我唔見意你隨便改動虫仔的出裝。我見過虫仔出無盡, 或者出攻速裝(毒刀)。我唔係話咁出唔好, 但係我會覺得綠爪配合虫仔w技的輸出會係最好效果。當然, 無盡或者其他的出裝方法都有佢地存在的價值, 但係我呢篇的心得係會以綠爪為主的出裝, 其他的出裝方式我不會給意見。

出門, 虫仔可以帶+3紅水, 呢個係最安全的做法, 或者你可以直接出一把出門口

記住一定要尾刀汁兵, 呢樣唔洗提, 盡量唔好推得太過份, 有機會磨下人血, 有機會就提下jungler 來gank下。虫仔係一隻超後期英, 佢前期其實傷害不大, 所以除非真係有一定的把握, 如果唔係都係打得安全點會好d, 食下兵, 磨下血, 等人gank。

如果玩得好, 係線上打到2000蚊都可以, 當然, 咁如果你有2000蚊, 我唔洗教你啦xD"

正常番屋企, 買鞋, 如果之前買左的, 就買把, 正常來講, 如果我殺到人的, 我會出多把用來壓下線, 不過如果我番到屋企, 買完鞋, 已經有一千蚊的, 我會直出。

紅爪加防, 亦都增加左你的食兵能力, 不過番到線上, 都盡可能汁兵尾刀, 因為防止條線推得太過, 推得太過好易比人gank, 加上其實最理想係d兵近番自己塔底, 又唔會比塔射, 之後又磨下人血, 等佢唔夠膽行埋來食你的兵。

, 呢個一定係你下個出的裝備, 合成綠爪的裝備之一, 增加的擊速除左可以令你更有效食兵之外, 仲可以確保虫仔w技有一定的輸出, 如果配合q技, 對方adc同support都會好痛, 因為始終佢地已經係好軟。

最理想就係得到一d助攻或者殺人, 朋友, 如果你係度諗, 點解我仲未死到人, 千奇唔好灰心, 因為虫仔真係一隻真正的後期英, 係前期除非你打得好, 如果唔係正常來講都係以助攻多或者食兵為主。

殺到人當然好, 如果殺唔到, 最緊要確保自己有一定的兵數, 食兵才是王道。

當你升級到綠爪的時候, 虫仔就會開始強大起來。記住, 最理想的殺人係w技配合q技。

鞋可以升級做, 點解唔升做或者? 唔係仲好咩? 攻速鞋係好, 但係接落來我要出的裝, 已經係給虫仔提供足夠的攻速加乘, 咁點解我仲要去出攻速鞋? 仲有, 攻速基本上去到2.0打後已經係無咩分別, 應該話唔會好明顯, 如果係咁, 我不如增加移速, 方便追殺加走佬? 水銀鞋? 我只可以話...我唔係坦, 亦都唔會行上前, 基本上虫仔好易死, 咁不如我以殺到人為目標? 仲有, 你唔會行上太前的, 其實水銀鞋意義不大, 當然, 如果對面控場多的話, 你都可以升級為水銀鞋, 但係本人不太見意。

之後我會選擇出, 首先佢提供左增加血量, 仲有慢人, 相信係一個好幫手, 之後, 點解出三項? 好少見人咁出? 我明白, 因為始終出三項係需要好多金錢, 加上時間, 但係其實到左中後期來講, 你真係唔太怕無錢, 因為殺人, 清兵, 你都已經有一定能力, 所以會比前期的錢來得快, 加上, 三項配合虫仔的大技來用, 其實就等如你每1-2秒就有一次三項的特效, 再加上w技和綠爪, 輸出會低嗎? 加上其攻速加乘, 亦有慢人的特效, 會比你選擇出或者或者更好

當然, 如果對面坦較硬, 我會選擇出一把來溶了對面的坦, 之後才出三頂。

先出三項還是黑色切割者就視情況而定吧

其實如果出了以上我所說的裝備, 基本上都快要完場, 如果還沒有完場, 應該早已進入不分上下的場面, 那我會買一些防裝, 因為純攻裝可能已經意義不大, 很多時候對面也已經開始轉出一些防甲來保護自己。在這時, 有兩個方向, 如果對面攻勢不大, 即是不太常死的話, 我會選擇出, 在增加攻速的同時, 亦有增加魔防, 每一下攻擊亦增加了一定的魔法傷害。

如果對方的攻勢有點大, 我會選擇出或者

先說說天使甲, 雖然它可保你一定復活機會, 但係其實好多時候, 都會好快比人圍死, 但係最重要的其實係, 確保我唔會犯錯一次而令到比人ace, 因為講真, 到左後期, 好多時候都會因為行錯一步就比人ace到, 所以天使甲可以比多一次機會我, 亦都可以增加物防加魔防, 一個不錯的選擇。

女妖的作用就不用說吧? 雖然很容易被騙了那一次的保護, 但其實係混亂中始終都有一點少少的保護, 起碼如果比人拉或者用暈技, 都起碼可以幫你擋到, 不過我唔太會選擇女妖。(個人喜好, 同埋真係好易騙)

不見意出, 因為其實出左頭先講的三樣攻擊裝備, 虫仔的傷害已經好足夠, 基本上對其他adc來講, 已經可以令到佢地一下無左1/3血, 加上虫仔的最高射程, 其實你唔太洗怕, 吸血當然好, 但係如果發起團戰時, 其實嗜血者對虫仔來講意義不大

Ｑ＆Ａ：
１．點解唔出?

係我呢篇心得到, 係唔見意大家出完綠爪之後出無盡, 因為無盡雖然會有一定的價值, 但係始終, 無盡要配合先會出到最大的功能, 但係, 如果同時無盡加綠爪, 會令到虫仔有好大的負擔, 有少少浪費左, 因為佢去唔到最大的功效同應有的輸出, 加上金錢上的負擔都增加左好多, 咁不如我用番呢d時間來快d出完我其他的裝備。加上虫仔其實有一把綠爪, 已經係好op, 已經夠哂玩, 雖然你係主攻手, 但呢隻係一隻團體game, 而唔係一個你solo sm哂所有人的game, 所以更應該係配合到團隊, 以大局著想的裝備為主!

２．回應番有人的留言，　點解我會覺得綠爪好過無盡？

首先要講的係，可能其他英雄來講，佢地成日會出無盡先（順風），問題係，呢種情況其實唔岩虫仔，因為有無人諗過，雖然虫仔Ｗ技已經等如一把綠爪，但係如果我再出綠爪，已經等如加乘，兩把綠爪，本身人地總血量２０００的話，其實你已經扣緊人地１０％（２００血），咁計番，虫仔的攻速本身其實係快，比起其他英來講佢係比較偏向殺人，其實佢加一把綠爪，已經有好高攻，加上佢招Ｑ技，其實已經令到對方扣左防，配合起黑色切割者，　同三項，其實已經係你地口中的混傷，仲會有埋特效，所以相對來講會比出無盡加雙紅好

加上虫仔的攻速如果照我出法，基本上都已經接近２．０或有多，比很多的ＡＤＣ高得多，高攻速配上綠爪同三項，基本上已經係溶人一流，唔洗擔心輸出

當然，每種玩法都有佢存在的價值，我只係比一下意見

３．點解唔出無盡先，最後先出綠爪呢？

原因其實好簡單，如果係其他ＡＤＣ，我一定會話出無盡先，綠爪？你都唔夠力，出來做咩？可以咁講，綠爪唔係隻隻英岩玩，姐係唔係唔出，而唔係一定要出做主要裝備！點解虫仔要出綠爪先？其實最主要係因為偷佢的特效加埋攻速加乘

你可能會諗，加乘又有幾多？但係本身虫仔已經有攻速加乘同埋Ｗ技，所以佢地加起上來，其實比起出無盡係輸出好好，加上無盡本身無加攻速，爆擊得無盡一把個時唔太明顯，但係出綠爪先就可以確保有一定的輸出當佢殺到人的時候，你又洗咩怕？

４．我的符的問題

多謝大大提出的疑問，我的符令到你食兵有問題，首先，食兵一定係尾刀，加上虫仔係超後期英，你想佢一開始就高輸出？有的，除非你見到傻仔，就算你用女警，你都無可能一開始就輸出高吧？佢的強行係Ｗ技的遠程，配合起Ｑ技，一下其實打落ＡＤＣ身上，已經係好痛，如果你話有ＳＵＰＰＯＲＴ，咁我只可以話，你所有英都係一樣，但係虫仔唔似ＥＺ，唔似汎，唔似ＡＳＨＥ，有機會走，只可以話，虫仔的定向係後期，而唔係前期

我的玩法係有Ｄ極端，因為我覺得虫仔係殺人方向，首先就係你的意識問題，走位問題，如果你係差的，就算我比你全物防符都無用，更何況我已經係文中講左，唔好推得太過，就係防止比人推，加上虫仔前期係騷擾型英，而唔係強行壓線的英

５．點解唔出嗜血？

係我角度，虫仔已經夠攻，你話有保障，其實可以話，嗜血係好，但係其實虫仔最理想唔係行前，如果你遇上好似趙信，阿卡莉的英，其實你出咩都係一樣，如果你出嗜血，真係可以殺到佢地？所以我不如用天使甲，加上拉打的戰法，反而會更加有效，當然所有裝備都可以更改，正如你玩艾希順風會出無盡，沒錢出嗜血先一樣

另外，天使甲係用作比多次機會你，加上你係團戰，而唔係單挑，所以我會簡天使甲同黑色切割，首先呢兩樣更岩團戰，二來方便三項的輸出（你要記住，三項的特效係＋１５０％的基本攻，其實已經有左一定的物攻）

６．輸出不大？溶唔到坦？一遇硬就死？

呢個問題仲簡單，你係ＡＤＣ，無人叫你同人硬來，你的工作係殺人，而唔係坦，你所有ＡＤＣ都唔夠人坦架啦，同坦硬對硬－．－？我諗新手先會做，你係一個ＡＤＣ，團隊係講合作，唔止你一個打人你的目的係殺人（最佳緊係殺到對方的輸出先），咁你的射程其實已經可以對你本身有一定的安全，就好似如果你有Ｄ樹係你前面，人地係樹後面打緊，你用Ｗ技打，其實可以話好安全，基本上一見人想打你，你就走啦，當人地追唔到你，其實佢地都打少左一個，加上你見人唔追你，你咪又回頭幫手，呢個係正常ＡＤＣ做法，如果隻坦唔理你或者因為你唔幫就死左，咁就唔係你問題啦，佢的作用係幫你地頂，最理想係沖入到去對方隊伍中ＳＭ人地的輸出，佢基本上係預左會死同保護你（預姐，唔一定死的，所以唔好係度搵位入我），所以基本上坦死左，除非你話佢地全部就死，如果唔係最好都係走先，唔通仲沖？送人頭？

７．無盡加嗜血的問題

點解我會話無盡要配雙紅先好？因為無盡雖然係高攻，但係如果係咁，我出多把嗜血都夠哂啦，加１００攻又有吸血，因為無盡最強的地方其實係佢２５０％（無記錯）的爆擊加乘，如果單單一把無盡，雖然有佢的價值，但係一定去唔到最大的價值，姐係你一部電腦，如果你用ＷＩＮＤＯＷ　ＸＰ，ＲＡＭ就用夠５ＧＢ，佢係快，但係仲有好大的改善空間，姐係你唔可以話無用，但係受到一定的限制

加上吸血的功能係可用來保命，咁但係我頭先都講啦，我唔見意你同人硬對硬，你呢個係團戰，我會以係團戰的實用來為主，嗜血令你單挑有保障，團戰都會有，但係唔係你一個殺到人就係會打ＷＩＮ，其實最重要都係睇番成隊，唔通你ＬＯＬ一個出哂全攻裝就可以１打５？你單挑ＷＩＮ到又點？成隊呢？你需要的係殺人，但係更需要的係配合團隊需要，如果你話得番你同一個打，咁緊係嗜血好，但係而家你唔係，如果你比人一開始圍你的，出３把嗜血都無用啦，同埋虫仔企位都好重要，最好唔好只係企係坦後面，更應該係善用佢的射程

８．你可能會話人地一個魔防裝咪ＫＯ你？

但係有無諗過？就係咁我先會話出三項同黑色，就係防止咁的情況同埋確保有一定輸出，加上你開頭係要殺人地的輸出先，我相信人地的輸出唔會好硬吧？佢地都係得咁多位，就算出防裝，都會同你唔差得太遠，加上對面的坦正常來講係最後先合力打死，你自家的坦幫你地增取左最大的時間同機會，如果你咁都殺唔到人，只可以話一係就係你的坦捉錯機會，一係就你自己的技術問題

就好似龍女ＪＵＮＧＬＥ或者狗頭人一樣，點解人地殺到人，只係單單要一把攻裝就殺到人？

團戰更多睇的係合作同捉唔捉到對方犯錯的機會！




作者: kkiitt9988    時間: 12-7-22 02:33 AM

綠爪+kog = op
作者: lowkeykop    時間: 12-7-22 04:51 AM

回覆 kkiitt9988 的帖子

係 我都試過好勁
作者: 獨眼巨人    時間: 12-7-22 08:04 AM

提示: 作者被禁止或刪除 內容自動屏蔽
作者: lamwong28    時間: 12-7-22 08:27 AM

對面多坦咪6爪LO
唔多咪無盡LO
作者: a539323152    時間: 12-7-22 09:38 AM

符文那邊...物穿好難汁兵說-_-
而且你D符文 如果同對手硬碰就輸了
作者: 獨眼巨人    時間: 12-7-22 09:59 AM

提示: 作者被禁止或刪除 內容自動屏蔽
作者: 扑野大王    時間: 12-7-22 12:21 PM

綠爪頂多係最後先出既裝 都係果句 冇ad唔洗爆擊
作者: alan0804    時間: 12-7-22 03:18 PM

虫虫唔係話唔好出綠爪...
但先無盡紅雙會比較好...
作者: 暴走使徒EX    時間: 12-7-22 03:38 PM

虫虫本身開W已經有綠手效果
基本上出綠手對ADC黎講真係哂錢
$3800.......
正常人都加多$30
出IE仲實際
作者: hＯ    時間: 12-7-22 05:44 PM

多謝各位的意見，我已經係Ｑ＆Ａ度回答各位的疑問，如果仲有的可以再次提出
作者: 獨眼巨人    時間: 12-7-22 05:52 PM

提示: 作者被禁止或刪除 內容自動屏蔽
作者: hＯ    時間: 12-7-22 06:14 PM

本帖最後由 hＯ 於 12-7-22 06:25 PM 編輯

已經回答了大大的疑問，當然，呢種係各有各立場同睇法，我以前都好似你咁用無盡同嗜血配綠爪，但係我會覺得唔太岩，我地都係提供心得比其他新手同交流，你的講法有你的道理，我唔係話錯，姐係我唔係話唔可以出無盡為主或者嗜血，只係我講出我的立場，你可以提出疑問作交流，我會盡可能解答，因為始終ＬＯＬ有好多變數，唔係我地講得明話一定要咁出裝，呢個係我意見，不過都多謝大大的意見，可以幫我解答同完善心得
作者: sasa2121    時間: 12-7-22 06:31 PM

本帖最後由 sasa2121 於 12-7-22 07:30 PM 編輯

我睇開d高端玩家玩扣格魔都係 攻速鞋 燈籠 再幻影之舞再上無盡

我想問下甘出有咩吾好？？  可吾可以講解下。同埋點解要物穿符文。黃色仲要用攻速。吾用物防？

吾該老手哥
作者: hＯ    時間: 12-7-22 08:14 PM

本帖最後由 hＯ 於 12-7-22 08:21 PM 編輯
sasa2121 發表於 12-7-22 06:31 PM
我睇開d高端玩家玩扣格魔都係 攻速鞋 燈籠 再幻影之舞再上無盡

我想問下甘出有咩吾好？？  可吾可以講解下 ...


咁呢個解答我就唔加入去Q&A

其實無話唔好, 講真, 好多時候去到高階, 佢地出裝好多時候都係睇情況同埋一時喜好

我見過曾經係美服好出名的一位玩家, 佢係高階, 同irelia 唔出三項, 走來出嗜血, 佢個時仲要係打到咁岩就出, 其實你可以睇得出好多時佢地都係隨機應變咁出

所以係呢件事上面我地可以知, 其實出裝無一定限制

出無盡無話唔好, 其實不如咁講, 因為對面打adc, 好多時佢地都怕行錯一步就會死, 所以好多時候, 高階的adc會出提燈(小弟曾經有一段時間都係玩隻隻adc打下路, 出提燈) 提燈係增加左你的食兵能力, 加上對番開頭個時的adc有一定的物防, 人地打你無咁痛, 又有吸血, 可以確保你有一段時間留係線上

咁如果我出左提燈的情況下, 我唔會再出紅爪來升綠爪掛? 咁不如我出無盡? 呢個就係佢最主要的原因, 當然仲有其他原因, 同埋, 如果我無get錯, 你個幻影之舞應該就係我之前提到的雙紅, 如果出無盡的, 我緊係要出把雙紅, 加強佢的爆擊同攻速, 呢點我文中有提過

我要講的就係, 咁出唔係唔好, 可以話各有特色, 因為好多時打ranking, 係要隨機應變, 好多時我唔會諗自己會出咩先, 係睇情況, 所以我只可以咁講, 我的出裝方式係其中一種, 而你所講的就係另一種

講真, 如果你唔係打ranking的, 就唔洗咁高要求, 你可以c下唔同的出法, 咁方便你上ranking個時, 見咩情況就知出咩裝點對應, 因為就算係我, 如果上到ranking, 我都唔會單單就咁直出我而家講緊的裝, 而家的裝只係一個參考, 就好似如果你肥得起, 打唔入對面的, 就要出多把攻裝, 而如果你已經夠攻, 咁不如出多把防裝一樣

我就唔講佢呢種出法有咩問題, 因為佢咁玩係保守一點, 呢個都係比新接觸虫仔的玩家參考一下!


始終.....戰場永遠在變, 你要的係出唔同的裝去對應番各種情況, 如果有咩唔明, 可以再問我, 我會再比下一點意見你

ps:始終人力有限, 我講唔哂所有情況, 所以有唔明的就最好問下

而你最後個問題,

點解用物穿, 其實重點係比你一開始食兵, 加上你後期虫仔始終都係偏向混攻, 就如ez一樣, 佢的天次點都要點一下魔穿一樣, 物穿可以幫下佢打人爽, 因為始終虫仔唔係只係得魔攻, 佢主要都係物攻為主, 魔攻係副(綠爪加w技的效果)

另外, 點解用攻速, 係因為我個人覺得, 虫仔始終係有點極端, 物防同攻速簡, 我會簡攻速, 一來攻速對虫仔來講真係好重要, 二來其實虫仔無咩甩身技, 如果你話e技係可以的話, 你就錯, 用多的人始終都知, 如果真係比人圍的時候, e技的限制太大, 所以其實可以話, 好易死, 所以要控制得好, 如果控制得好的話, 咁不如我唔洗多少少的物防而去攻速, 溶人又快d, 係咪先!? 當然, 呢個係有少少極端, 所以你可以簡番正常的符裝, 所以我提供左正常adc的符比各位大大參考, 就係比多個選擇大家, 我知大家的立場會不同, 最緊要係搵岩自己的玩法, 而唔係死跟住人地來玩
作者: 獨眼巨人    時間: 12-7-22 08:17 PM

提示: 作者被禁止或刪除 內容自動屏蔽
作者: hＯ    時間: 12-7-22 08:27 PM

本帖最後由 hＯ 於 12-7-22 08:30 PM 編輯
獨眼巨人 發表於 12-7-22 08:17 PM
不如直接睇下比賽kog maw 點出 睇情況?我真系味見過比賽kog 出緣爪

有邊個ad唔會出吸血


咁我想問一下, 你的kog係行邊? 你會點走位? 當然. 如果你係要一路咁堅持住你的睇法, 我只可以話, 每個人立場不同, 我說服唔到你, 我都係交流下心得, 如果你真係要拎番呢d情況來講, 我答唔到你, 因為我唔係佢地, 我唔會控制到佢地點出裝

加上我呢個係心得, 比人參考, 我唔見意人地死根人地的野來出裝

如果真係要唔同意呢篇心得的, 我唔會講任何野

不過可唔可以真係試一次先? 或者如果你覺得呢篇心得對你來講係真係唔直得參考的, 你可以唔睇, 因為我知每個人諗法唔一樣, 我只係講出我一直的玩法同經驗, 只係比新接觸的人參考下, 到頭來佢地可能會簡其他的玩法我真係控制唔到

仲有, 如果唔同意其實真係唔洗講咁多, 因為我唔想引起罵戰, 我只係一個老手, 一個經驗之談

另外我會覺得虫仔出左綠爪已經開始有佢中期的輸出, 好過無盡要加上雙紅先有一種高窮出

要提的係, 比賽的多數都係保守玩法, 因為佢地知道一失足成千古恨, 所以佢地先會咁出裝, 更多的時候會出提燈, 如果你有睇開高rank, 你會發現出名個班人玩, 係會成日唔同裝(ps: 唔係而家system出個隻觀眾, 因為佢係隨機出高rank的人比你睇)
作者: 獨眼巨人    時間: 12-7-22 08:29 PM

提示: 作者被禁止或刪除 內容自動屏蔽
作者: hＯ    時間: 12-7-22 08:35 PM

本帖最後由 hＯ 於 12-7-22 08:38 PM 編輯

問題係-.-"我知我講唔服你, 因為你已經有你的立場, 如果你真係認同唔到的, 其實可以唔洗係度講咁多, 你唔似係交流, 你似係講到我教壞人咁, 我只會話如果你咁都唔叫引起罵戰可以係咩?

同時, 我已經講左好多次, 呢個係我個人經驗, 你唔認同的就唔好係度倒米, 咁唔會係你覺得一定要跟足高rank的人打掛?

你係交流, 但係你只係堅持住你的睇法-.-" 咁你唔試下接受下呢種打法, 呢d唔係叫交流-.-" 係叫反對, 交流係提出疑問, 我又會解答你, 用來幫大家改變自己的玩法, 我講出我的解釋之後, 你可以再提出新的疑問, 咁先係正式的交流

我要off了-.-" 你有咩真係的疑問就留言啦, 如果只係講話唔認同, 仲要堅持係高rank無見過的, 就唔洗留言啦-.-"

因為呢d已經唔係叫交流, 同埋你的疑問我已經係q&a答哂, 如果你仲係唔認同的我都無法~_~"

如果你有新的疑問, 就提出吧, 我會online個時答番你
作者: 獨眼巨人    時間: 12-7-22 08:38 PM

提示: 作者被禁止或刪除 內容自動屏蔽
作者: sasa2121    時間: 12-7-22 10:00 PM

黃色為攻速符文。天賦為21/0/9。企線會吾會好辛苦？同埋配合邊個supp好？
作者: yeebbb    時間: 12-7-22 11:02 PM

被動好勁
被動死後有+跑速
加上紅雙一定追到人
被動真係好致命
作者: hＯ    時間: 12-7-23 07:04 PM

回覆 獨眼巨人 的帖子

首先-.-"我唔會講咩邊個SER勁D邊個SER D人廢D-.-"
咁台服都有勁的人, 美服都有一樣
我唔想有D咩罵戰係度引起話邊度勁D,

另外, 點解你唔試下先呢?
如果你真係驚會引起你的RANKING排名的
咁咪係NORMAL度試一次
雖然你可能話都唔同, 一個係RANK一個係NORMAL
但係我諗你都係試下佢的性能姐,
姐係SOFTWARE同GAME都有封測同公測之分啦

仲有, 可能你唔認同, 但係點都要講, 高RANK有高RANK的玩法
可能十分鐘都死唔到一次(比賽)
咁佢地的錢企一次線都比平時多啦
佢地番到屋企要點買?
好多時都要睇番個時的情況同金錢,
姐係正常咁講
有D人點解會疊
點解有D人又會出提燈一樣

點解有D人會出嗜血先, 點解有D人會出無盡先

你唔通想講, 一隻英只有一種出裝方法?
唔咁出就一定會死?

更何況, 玩LOL係要識變通
如果你真係要講的, 你不如睇下外國D人點玩
佢地成日出裝都唔一樣

不過你就唔好同我講比賽
因為比賽一定係打保守或者唔會亂來

加上呢度係交流-.-我無話迫你一定要用我呢隻出法,
你的問題基本上我都解釋左,
但係你依然係要食住個POINT話高RANK無人咁出的話
我都講唔到D咩=.=
只可以話你唔中意的就唔好係度
如果真係有疑問提出的
我會解釋
作者: 新手=    時間: 12-7-23 07:17 PM

物穿幫食兵?
你幾多ELO?
唔好誤人子弟
THX
作者: 獨眼巨人    時間: 12-7-23 07:20 PM

提示: 作者被禁止或刪除 內容自動屏蔽
作者: hＯ    時間: 12-7-23 07:22 PM

另外兩個問題我就係度答啦

黃色為攻速符文。天賦為21/0/9。企線會吾會好辛苦？同埋配合邊個supp好？

其實話辛苦? 一定會, 因為始終ADC都唔係硬的英, 點都會痛, 加上一開始我都講呢個玩法有D極端, 所以我先會提供多一個方式玩

21/0/9的目的其實係比你增加輸出, 講真你係ADC, 唔係坦, 亦唔係SOLO, 如果你點其他方式, 我反而會覺得有少少唔夠力, 通用點9, 其實係比你有多D魔, 回魔快D, 配合你的R技來磨血, 當然, 如果你已經熟手, 話控魔控得好, 咁緊係21/9/0都會OK啦

其實21/0/9係adc通常的點法, 當然有d偏門的點法啦, 就好似咩14/7/9咁呢d, 但係我唔見意岩岩接觸虫仔的人用, 如果你係高手, 有一定實力的, 當然可以一試

有咩support最好? 你話想安全d的, 緊係奶媽, 咁就可以好易咁實行你頭先所講的21/9/0, 因為有得回魔, 寶石騎士同牛牛有暈技, 又有保血, 都係係唔錯的選擇, 其實最好的選擇係可以幫你磨到對面血的support, 因為始終虫仔前期其實真係好無力加上好硬

回番yeebb

佢被動其實真係勁, 但係限制都真係有點大

點解? 因為佢始終扣血有一定的傷害, 又有時間限制(我知, 如果無的就一定比人當bug咁用啦), 其實有呢d限制, 加上你係咪確保佢一定就死? 一定炸得死對方? 好啦, 有得磨血, 幫到自己友, 係一件好事, 但係如果對面走得散呢? 你而人地隻就死的又唔近你呢, 姐係我唔係話呢招無用, 佢真係幾勁, 但係限制真係幾多, 所以多數係用係磨血或者汁雞, 當然最理想緊係用唔到呢招啦, 因為咁姐係你死左一次, haha, 不過用呢招個時, 你要記住係得到最大的得益, 唔好掛住追殺人, 反而磨人血可能有時會更好(ps:睇情況, 如果已經有人會殺到一隻英的, 你仲走去汁人雞咩? 而唔係磨下其他英?)
作者: hＯ    時間: 12-7-23 07:27 PM

獨眼巨人 發表於 12-7-23 07:20 PM
都話試過 新手個陣時

咁個時還個時, 你都識講新手-.-" 咁你係咪真係個時已經夠能力去覺得咁出唔好?
作者: 獨眼巨人    時間: 12-7-23 07:28 PM

提示: 作者被禁止或刪除 內容自動屏蔽
作者: 緋櫻靜    時間: 12-7-23 07:31 PM

睇到21/0/9

黃攻速

我已經笑

好想你做我對手

下路又free win
作者: hＯ    時間: 12-7-23 07:32 PM

咁我只可以話-.-" 我打到上ranking都係咁出, 我覺得好過無盡

都係個句, 我同你的立場不同, 你覺得無盡好, 我覺得我咁出無問題,

咁你又說服唔到我, 我又說服唔到你, 咁你又一定要講我咁出係錯?

你唔認同的, 可以唔出聲, 如果係疑問的我一定答-.-"

如果你真係唔認同的, 不如唔好再回
作者: hＯ    時間: 12-7-23 07:39 PM

緋櫻靜 發表於 12-7-23 07:31 PM
睇到21/0/9

黃攻速

唔一定的-.-"

咁如果真係咁玩, 我唔識守塔?

仲有, 唔係我一個玩-.-"

你推得前我更開心, 有得gank, 你確保你真係可以令到條線唔推得前?

我最緊要後期, 而唔係前期

一隻adc正常都會係21/0/9, 咁你想保守d, 緊係可以唔咁-.-"呢樣我之前已經提左

因為有高手係會唔咁玩, 而係分到14/7/9 呢d咁, 呢樣我係知-.-"

但係呢篇野係比新手參考, 我唔會要求佢有技術去做到14/7/9呢種掛? 定係你想9/21/0?-.-"?
作者: hＯ    時間: 12-7-23 07:40 PM

新手= 發表於 12-7-23 07:17 PM
物穿幫食兵?
你幾多ELO?
唔好誤人子弟

你唔會覺得物穿係對食兵無幫助掛?

仲有你打人都痛d,

你唔會想講虫仔唔應該出物穿?
作者: 緋櫻靜    時間: 12-7-23 07:51 PM

回覆 hＯ 的帖子

姐係咁

你當你識龜人地係傻系?

一來,你龜塔都可以poke到你,poke多兩野call JG直接入塔收你皮

二來,你覺得除左你之外個個都唔識控兵線?

三來,即使對手唔控兵線,推爆佢,插曬眼,一見到你JG來掉頭走,咁你無理由場場都有noc,shen同TF架嗎,然後就點算呢?

其實21/0/9唔係問題

你黃攻速再加上21/0/9就好大問題

你都話呢篇文係比新手參考

出裝方面我姑且唔去評論(其實都好撚on9)

既然佢係新手,你仲比一個容錯率極低既符文同天賦比佢地去"參考"

誤人子弟

如果真係有新手照你呢個玩法去玩就仆街啦

又多一個地雷
作者: 新手=    時間: 12-7-23 08:02 PM

hＯ 發表於 12-7-23 07:40 PM
你唔會覺得物穿係對食兵無幫助掛?

仲有你打人都痛d,

物穿對食兵0幫助
我話既:)
作者: poonkawa1    時間: 12-7-24 10:00 AM

先出綠手太浪費  當你每隻小兵都食到 比你25分鐘前出到你GA第一件大件綠手 人地有幾多HP??25分鐘估計對面最多血果個先得2000+左右 你綠手加W 打人痛定係 無盡加W痛?? 第2  ADC係一個走位要求好高GA位置 對面冇可能可以企定定比你係咁打 綠手有移速加成?所以出完無盡 應該出紅雙 第3 符文係用泥前期幫你取得優勢 你用護甲穿透 但係你出綠手加W係魔法傷害 你物理只係得個綠手個小小傷害 你符文浪費了 出3相更加唔合理  你覺得嗜血 無盡 紅雙 耳語 攻速鞋 复活甲 輸出高定係 3相 綠手 魔抗刀 3速鞋 黑色 复活甲高?? 黑色同魔抗刀基本上冇咩ADC會出黑色 減護甲裝備一般都第3OR第4件出 但係你出得泥對面個肉都150+護甲 150+護甲你話耳語好定黑色好??  你可以睇下一D外國比賽高手GA REPLAY   3相除左EZ同飛機冇基他ADC會出 黑色更加唔洗講 完全冇咩ADC會出 除非大順風
作者: hohoktp    時間: 12-7-24 11:59 AM

本帖最後由 hohoktp 於 12-7-24 12:00 PM 編輯

http://www.2000fun.com/thread-4705546-1-1.html
小弟寫既心得 可以交流下

其實綠手係對面多坦先出的
無盡平均輸出會比較多
作者: billy2466    時間: 12-7-24 02:40 PM

本帖最後由 billy2466 於 12-7-24 02:40 PM 編輯

Kog 2技 = 綠爪 (所以係哂錢)
直接上ie 雙紅 已經足夠
ie 上唔到 燈龍+雙紅都夠哂力
作者: 緋櫻靜    時間: 12-7-24 02:43 PM

樓主已經潛左水唔敢出來面對了

佢接受唔到自己認認真真寫左篇文出來

點知原來係誤導文
作者: ｋａｉ魂”    時間: 12-7-24 02:52 PM

其實樓主知唔知kog玩ap一樣咁屈機.??..
作者: zu38125781    時間: 12-8-9 12:00 AM

謝謝大大的提供~感謝妳   ㄏㄏ  不過我不太會玩
作者: zu38125781    時間: 12-8-9 12:01 AM

謝謝大大的提供~感謝妳   ㄏㄏ  不過我不太會玩
作者: ZU00883064    時間: 12-8-9 12:08 AM

感謝大大的提供
作者: zu38125782    時間: 12-8-9 12:28 AM

謝謝大家我愛妳們



歡迎光臨 2000FUN論壇 (https://www.2000fun.com/) Powered by Discuz! X1.5.1