2000FUN論壇

標題: 成日淨係諗住洗腦洗腦，有無諗過務實d！？ [打印本頁]

作者: Wow_Beauty 時間: 12-7-26 09:55 PM 標題: 成日淨係諗住洗腦洗腦，有無諗過務實d！？

最近打開電視睇新聞，幾乎晚晚都見到有關國民教育既報導。就連頭先去麵鋪食個Tea，都聽到電台播放緊「政府應否硬推國民教育」既新聞。咁樣令我諗起，回歸第二年推行既母語教學，已經累得一班年青人雞毛鴨血…咁都仲未夠，仲整多劑染紅洗腦增加愛國情緒既國民教育科…….

好難想像，係教材偏頗，極左既思想控制下接受所謂既國民教育，我地既下一代會變成點….淨係睇而家都已經慘不忍睹…..香港地社會民生問題一筐筐，政府淨係識頭痛醫頭、腳痛醫腳….例如沙士時經濟唔好，就放寬內地人黎香港配額，又大大聲歡迎佢地來港產子，但醫療配套又做得唔好，搞到而家唔夠床位生仔呀，又話唔比人地黎香港生BB…..完全係自相矛盾亂咁黎…..

係一個咁既政府管治下既香港，好明顯都唔可能好得去邊….房屋問題、教育問題、青少年問題等等…….起樓賣地呢d大單野唔講，淨係青少年吸毒呢個問題已經僵持多年都未見成效，唔同既毒品一浪接一浪咁湧出市面，吸毒年齡仲愈來愈細，而且仲愈來愈隱蔽…鬼咩，政客們為左討好中央而唔聽市民講野，父母為口奔馳又唔得閒聽仔女講野，所以d青少年先會咁受朋輩影響…朋友話咩咪咩囉！卒之咪演變成有福齊齊享，有毒齊齊take囉！

香港政府應做又唔做，咩係當務之急、輕重緩急都唔識分，搞到香港百病叢生，最年輕力壯個批就迷上癮咁，真係想風生水起都難啦…！

作者: 太陽花兒 時間: 12-7-28 01:50 AM

講真high野既細路係有福齊齊齊，有毒齊齊take，但有難卻唔會齊齊當。

好多時我都見到既就係當一班fd一齊玩，被警察捉到，結果將所有既罪都推落其中一個人度，其他人就會不了了之。

什麼是損友，一目了然

作者: Wow_Beauty 時間: 12-8-2 06:24 PM

所以話，好多時因為屋企無王管，d細路周街玩，識到d街童身同感受就當人地係朋友，到人地做左猶大出賣你時先知咩事......所以話，社會大氣候有問題，最受影響既往往係最底層既青年人

作者: 胡唸塗 時間: 12-8-3 12:58 PM

班官d仔女一個二個讀國際學校又去外國讀書
緊係唔關佢地事啦

作者: Wow_Beauty 時間: 12-8-3 07:15 PM

假若高官仔女日後回流返黎處理香港問題，到時就知咩係熱廚房

作者: victor04144 時間: 12-8-15 01:14 AM

我真係好鄧d小學雞慘....
要讀埋d咁既野

作者: DeviKer 時間: 12-9-5 11:09 PM

最簡單一樣野

咨詢都唔肯做，你要人地接受？無可能！
話你唔係洗腦？搵鬼信啦！

歡迎光臨 2000FUN論壇 (https://www.2000fun.com/)