2000FUN論壇

標題: 煩惱(2) [打印本頁]

作者: matthew124 時間: 12-8-10 09:18 PM 標題: 煩惱(2)

煩請了解小弟遇見既問題:
http://www.2000fun.com/thread-5040442-1-1.html

正因得出要在外另覓女子之見
所以有d識女子既野想知

鑑於今日搭車個陣見到一名
個樣睇落成熟既女子隻影形單
成程車就望住佢
望住佢斷斷續續望到落車
佢就只係直接望在我一眼
跟住分開

我唔係想話有冇可能(我冇咁弱智)
而係我突然諗
如果下次遇到咁既情況:
1)會唔會比人話性騷擾?
2)上前問佢拎facebook會點?
3)上前打招呼傾下計得唔得?

如果唔係女子隻影形單之時上前結識
可以有咩方法結識呢?

作者: c396437 時間: 12-8-11 01:57 PM

不如我問返呀.
你有冇咁既膽

如果唔係女子隻影形單之時上前結識<理解不能

作者: matthew124 時間: 12-8-11 02:35 PM

回覆 c396437 的帖子

我指個女仔,得佢一個係街

作者: c396437 時間: 12-8-11 02:39 PM

matthew124 發表於 12-8-11 02:35 PM
回覆 c396437 的帖子

我指個女仔,得佢一個係街

當條街得佢一個.又有個陌生男人行埋黎.比著我係個女仔我諗我會極速走佬-.-

作者: matthew124 時間: 12-8-11 02:43 PM

回覆 c396437 的帖子

咁姐係我係要係D外面既活動先識到女仔?

但係我份人好怕醜(因為試過比人hurt到痴線)

作者: matthew124 時間: 12-8-11 02:52 PM

其實我有D想知我係咪應該要靠成就黎識女仔?

人就成日話"男人係要有成就"
但係我又怕有成就之後識既女仔可能係為左釣金龜

所以我先有一種感覺,
覺得要係有成就之前,就識到個好女仔

作者: c396437 時間: 12-8-11 02:56 PM

matthew124 發表於 12-8-11 02:43 PM
回覆 c396437 的帖子

咁姐係我係要係D外面既活動先識到女仔?

咁姐係我係要係D外面既活動先識到女仔?<最好

作者: c396437 時間: 12-8-11 02:56 PM

matthew124 發表於 12-8-11 02:52 PM
其實我有D想知我係咪應該要靠成就黎識女仔?

人就成日話"男人係要有成就"

其實我有D想知我係咪應該要靠成就黎識女仔?<未必

作者: matthew124 時間: 12-8-11 03:13 PM

我岩岩又聽緊d電台
好似話要識女仔多數都要主動

見人地好多一主動就得米
自問冇咁既魅力
萬一個女仔唔likey
我成日都好驚佢地會話我性騷擾
係咁既前題下,點主動呢?

同埋我呢排都去開圖書館
有冇D計仔推薦下?

作者: Yukirin推 時間: 12-8-11 03:37 PM

性騷擾= =
你係條街係咁望住一個陌生女仔
唔係性唔性騷擾既問題
正常都會諗你做咩冇啦啦係咁望我
笫一時間驚左先LA = =

作者: Yukirin推 時間: 12-8-11 03:39 PM

回覆 matthew124 的帖子

想問下你...
你應該係少時飯?

作者: matthew124 時間: 12-8-11 05:34 PM

回覆 Yukirin推的帖子

係呀

最中意 seohyun @@
佢個形象我覺得係女性既典範

作者: Yukirin推 時間: 12-8-11 07:02 PM 標題: RE: 煩惱(2)

回覆 matthew124 的帖子

如果我係你的話
我會試下係少時飯當中搵下有冇適合你既
大家有共同話題
易入手

作者: matthew124 時間: 12-8-11 07:32 PM

回覆 Yukirin推的帖子

我都見我join個個香港fans club有時會搞d活動
但係正如我之前個post講
其實我學校d人係好唔成熟
點解我會講呢個point,
係因為佢地唔知點解會用人地偶像黎串人

例如我有個同學中意AKB48
就時唔時串佢,話中意大姐姐
(當然,我都有比人串埋)

姐係佢地個concept係中意明星就好似代表要溝佢地咁
所以我學校(除左女仔,但佢地就中意SJ個d男明星)冇咩邊個男仔中意少時
(係有1,2個咁大把,可惜唔熟)

變相得我一個去,
我份人既sociability又比較低
去到可能得一支公

而就算我搵到人去,
會唔會只係好似小圈子咁傾計?
話哂同唔識既人都好難開到口

作者: 不知不覺的 時間: 12-8-12 12:46 AM

matthew124 發表於 12-8-11 02:52 PM
其實我有D想知我係咪應該要靠成就黎識女仔?

人就成日話"男人係要有成就"

咁樣既話,就等你有成就之後先算啦

作者: 吞食貝貝 時間: 12-8-12 06:33 PM

你急什麼?

作者: matthew124 時間: 12-8-12 09:28 PM

回覆吞食貝貝的帖子

何出此言?

作者: hoyin2234 時間: 12-8-13 11:32 AM

matthew124 發表於 12-8-11 03:13 PM
我岩岩又聽緊d電台
好似話要識女仔多數都要主動

追女仔最緊要膽大、心細、面皮厚

請問樓主你去圖書館係做咩?如果係溫書既話就專心D喇..

作者: matthew124 時間: 12-8-13 08:38 PM

回覆 hoyin2234 的帖子

溫書個陣好專心
話說岩岩都約到個女仔出黎同我一齊溫

不過唔係為左溝佢
只係試下同異性相處
(當然相處落可以既,希望有得發展la XP)

不過我咁肯定,我係真係溫緊書既

作者: sukiyaya 時間: 12-8-13 09:04 PM

回覆 matthew124 的帖子

人就成日話"男人係要有成就"
但係我又怕有成就之後識既女仔可能係為左釣金龜

nono~~千祈唔好咁想. 唔係個個女仔都睇成就.
如果你好令仔, 有成就, 有錢, 但超花心 <-------我一定唔會揀

話比你聽, 男仔最重要有咩: 細心, 專一, 體貼, 溫柔, 耐性,有少少幽默, 有少少錢(養得起自己) <----其實咁樣已經得
次要: 樣貌, 學歷(當然唔係溝通唔到就得), 成就,

其實都係睇個個女仔的擇偶條件.

男仔最重要係有內涵.

學歷高, 成就高又點?? 而家又唔係叫你拋書包, 你講埋d咩哲學, 我都係唔識ga喇, 咁不如唔好講.

性格問題:
e個有d難~~~除非你本人願意放開d, 試下同女仔相處時放輕鬆d, 唔係邊個都幫你唔到

最重要是有自信!!!
自信可以衝破好多難關~~~

作者: matthew124 時間: 12-8-14 01:11 AM

回覆 sukiyaya 的帖子

點為之有內涵?

如果話自信既話
我成日覺得會比人型住係曬命或者自大
個人事例有2個

第一個係小學
我係咁問一D中學先教既問題(當然當時唔知中學會教)
跟住就比人話曬命

第2次就係中學
因為參加左D個比賽拎左second honor
可以去大學上堂
就發現中學教既野原來有d係錯
當然我會去challenge佢
跟住就比人標籤係毒_

咁我點自信,人叻既地方先有自信嫁ma
但係當我係每一個新階段發現新事物同朋友分享既時候
就會好似當左我係第2個人咁
相處變得困難

作者: loveyoujj520 時間: 12-8-14 07:43 AM

本帖最後由 loveyoujj520 於 12-8-14 08:50 AM 編輯

matthew124 發表於 12-8-14 01:11 AM
回覆 sukiyaya 的帖子

點為之有內涵?

正常
自信可以變成自大/自負
係唔同既時候應該做唔同既野
讀小學應該學小學既野中學教咩咪學咩真係錯既自己知咪得lo
如果你真係咁既話  以經唔叫自信以經算自大

你話你學校d人唔成熟  串人就係睇佢係玩定係認真
如果玩你抱住呢種心態  咁你好難同人相處
成熟係知道自己咩時間做咩事  認真既時候認真  玩既時間就玩  都可以係成熟既表現
如果玩既時候都抱住認真既話咁你好難識到朋友/有人想同你玩

作者: matthew124 時間: 12-8-14 11:57 AM

本帖最後由 matthew124 於 12-8-14 11:59 AM 編輯

回覆 loveyoujj520 的帖子

咁我相信係上堂個陣應該係讀書lo
但係佢地就用d時間係度玩

咁大佬,我當上堂既時候係認真
佢地就係度玩,咁我明知佢地有問題
咁唔通仲佢同地玩玩下呀
如果你有讀過/識讀A-Level既人/有睇新聞
都知道依家既學習氣氛同以前差太多

我識A-Level d人個陣
我發覺佢地好中意用學術上既不可能黎講笑
聽出黎都覺得專業d
但係唔會有人覺得係曬命
反而係我個班(甚至係我個級)
就會有人咁諗
姐係對於學術上既concept已經唔同左

咁夠竟係邊d人唔成熟呢?(我自己答唔到)

同埋我諗你有樣野有小小天真(唔係串

)
有好多人中學已經學緊大學既野
當然前題係佢地有興趣
讀小學應該學小學既野中學教咩咪學咩
呢種concept依家社會好多人都有
成個學習既態度都已經唔同哂
其實作為人類,應該要尋求知識
但係係香港,不論係教育制度定學習氣氛都冇可能做到
呢個都係點解香港人有呢種concept
當然背後有好多原因點解香港地會搞到咁
但係唔方便係度講太多

但係總之讀小學應該學小學既野中學教咩咪學咩
呢個concept其實已經係中左香港教育局既"陷阱"
因為外國其實都冇點分中小學
基本上你幾時都學得
只在乎你去唔去學,同肯唔肯曬時間

不過有樣你岩既,
我唔應該型住佢地係唔成熟而好似反哂面咁
我都有盡能力去了解佢地
只不過因為大家價值觀唔同
(只係得1-2個人係腳踏實地知道要讀大學就要努力)
溝通變得困難
就好似你明明係男人
個個都話佢係女人咁
大家既定義都唔同

作者: sukiyaya 時間: 12-8-14 03:49 PM

回覆 matthew124 的帖子

樓主, 冷靜d先.

我承認而家個學習氣氛係唔同左,
三三四制已經係個好例子:
小學會學中學的數.
中學學的通識, 仲難過大學學的野.

不過e個都唔係重點.
重點係: 如果你學左d新的野同朋友/同學分享. 你d同學話你自大呢. 你就要認清e個人. 佢唔係真正的朋友.
真正的朋友係唔會踩你, 係會聽完你講再分析.

不過呢, 中學生同大學生, 甚至大人都好少有人可以做到聽完再分析.
要開始成熟及會care身邊的人先會做到. <-----唔係誇大, 事實真係咁

自信, 稍微偏差, 會變自大<-----要小心D哦
自信分2種:
1.表面上
2.談吐上

先講表面, 係一行出黎比人感覺有自信, 企直唔會縮沙的感覺
至於談吐, 第一次見面的朋友, 講野要望眼(基本禮貌), 無論男女, 講野有point. 唔好空說.

如果想將新的野分享比人, 先探清對方的喜好再講.
例如:對方中意時尚潮流的野, 你講哲學, 對方好大機會會覺得你自大.

最緊要係對題~~~

內涵好空泛, 好難解釋, 好睇個人點睇
內涵包含知識,個性,談吐.

作者: loveyoujj520 時間: 12-8-14 05:10 PM

本帖最後由 loveyoujj520 於 12-8-14 05:15 PM 編輯

做人唔好太過食苦不化人要識變通
你拎外國同外國教育比係冇可能  香港係死板教學  外國係講自由既  你點比都冇用
你話中學想學大學野係冇問題但你要知道既係如果你只係讀緊中學  有幾多人想聽你講大學野如果你連自己既本份都未做好  咁你又點跳級去做第d野如果你連自己中學既野都未讀晒  你就想學大學既野人係要按部就班

上堂玩呢我都冇咩意見  你要知唔係人人都喜歡返學  佢地冇得話唔返  只要唔好玩得太過份都冇咩野

如果你一直用自己既價值觀去睇人  咁你好難識到朋友  因為你一直都只係自己既立場  唔去人地既立場諗下返學唔係單單係要你學智識都要學埋與人相處

你朋友話你呢  又唔可以話佢唔岩  但佢又唔係岩晒人人既興趣都唔同既如果人唔喜歡但你又講  佢就會覺得你好討厭事情係相向既  錯唔一定係一個人錯晒

同埋如果學校教d野係有錯既就課後同老師講返係唔係有錯而唔係去challenge
如果有錯你問下老師係咪錯左呢種學習態度係正常

多聽唔同人既意見放低自己既價值觀  對你識朋友有好處唔同既朋友有唔同既好唔好因為佢話過你/唔成熟就唔同佢做朋友

作者: matthew124 時間: 12-8-14 10:02 PM

本帖最後由 matthew124 於 12-8-14 10:42 PM 編輯

回覆 loveyoujj520 的帖子

你拎外國同外國教育比係冇可能  香港係死板教學  外國係講自由既  你點比都冇用
香港教育無疑係比外國差
但係唔係有問題,
你地成日話填鴨
其實係因為大學學位不足
d人急住要拎好成績(唔似外國,唔洗好高分都有大學)
先搞到學野學到填鴨咁
而事實上,好多為興趣而讀書既人
佢地都可以拎到好成績,所以跟本唔係制度本身既問題
係d人學習態度同方法既問題

而且人地教得唔好,我地唔係冇可能學到野
你要學既,講真大把途徑比你學,(例:圖書館)
跟本係d人懶,
然後就咩都賴哂比教育制度
跟住就大安旨意咁話,跟本個教育制度有問題

你話中學想學大學野係冇問題但你要知道既係如果你只係讀緊中學  有幾多人想聽你講大學野
咁你正常一個人讀得個科,
咁緊係有興趣先讀嫁la,
當然有d人係選科個陣唔好采入左
咁我又唔通會搵d冇興趣讀既人黎講咩
但係個問題係佢地成日話有興趣,
咁我梗係做下朋友la,做下學術交流
但係又怕麻煩,唔想知
講真,你係有興趣,就應該把握機會了解更多新野
根本又係個句:懶

上堂玩呢我都冇咩意見  你要知唔係人人都喜歡返學  佢地冇得話唔返  只要唔好玩得太過份都冇咩野
我諗你聽過d老師成日講一句:
你唔聽還唔聽,唔好嘈到聽個d人
我唔知嘈到其他人算唔算係太過份
我自己就覺得係有問題
同埋可能你唔知,
依家讀到中3之後(姐係中4),你係可以選擇退學,
姐係冇人逼你讀嫁其實
我一直講既野都係針對個d有得退學又唔退學
番學又唔係做番學要做既野既人

同埋如果學校教d野係有錯既就課後同老師講返係唔係有錯而唔係去challenge
我諗你誤會左,
我意思係,有d野係中學既時候話你知岩
去到大學就唔岩嫁la
我challenge既意思係指出其問題所在
因為你要明白,我聽左大學野先
咁我就會唔知道邊樣岩,邊樣錯
咁我聽番中學既時候
咪會以為佢錯
咪challenge lo,不過沒有攻擊成份

如果你一直用自己既價值觀去睇人  咁你好難識到朋友
我唔否認,而且我由F.1去到F.4都係咁樣識FD
仲玩得好埋
只係我踏入F.5(呢個人人都應該變得成熟既年齡個陣)
我發覺佢地個觀念,
同我既有太大分別
甚至有可能影響到我行唔到我條路,
我先咁refuse佢地

講真,佢地有d唔成熟既例子好多
例如成日話:要溫書嫁la,唔好玩咁多
最後又去左玩
又例如話(同個老師講):我聽唔明呀,講多次la,
跟住就同側邊d friend傾計
又例如話:到時做就得嫁la,依家洗咩做
到最後當然做唔到,因為都冇試過

但係到我睇到有咁多問題既時候
我又唔可以講,因為咁好似係度扮大人咁(係佢地既角度)
到時都係比人排斥(講真排斥呢樣野成熟既人都唔好做la)

我想講,其實我唔係冇放低自己價值觀
但係無奈佢地就覺得佢地個價值觀好正確(因為佢地班人個個都係咁)
咁令我好唔舒服
又加上佢地有錢,唔洗努力都可以去外國讀書
就咁變得目中無人

作者: matthew124 時間: 12-8-14 10:15 PM

回覆 sukiyaya 的帖子

如果想將新的野分享比人, 先探清對方的喜好再講
其實唔係我冇了解對方的喜好
而係佢地成日得個講字就係話
我好有興趣嫁
但係到頭黎就冇心機去聽

姐係佢地係做好多門面功夫
但係入到門口你就會發現係空嫁間屋

作者: loveyoujj520 時間: 12-8-14 10:48 PM

本帖最後由 loveyoujj520 於 12-8-14 11:03 PM 編輯

matthew124 發表於 12-8-14 10:02 PM
回覆 loveyoujj520 的帖子

你拎外國同外國教育比係冇可能香港係死板教學外國係講自由既你點比都冇用 ...

香港一向係讀到中3係可以唔讀/你夠16歲都可以唔讀書去就業你話有得退學佢地係可以退丫  但佢地既家長比唔比佢地退? 唔比佢地退咁佢地要點做  有時d野唔係佢地唔去做  係佢地冇權力去做好多家長都一味覺得學歷等於前途  一味叫d仔女讀上大學  有好多孩子都係比迫有d事唔係自己覺得點就應該點
你話上堂玩  我返學時上堂係玩  老師都唔會理我地因為我地唔會玩得過火佢都明有人喜歡讀書  有d人唔喜歡讀書  唔會迫我地

一個人上堂玩但唔等於佢唔上心佢可以係用第種方法  我有好多朋友上堂都係玩同埋傾計但個成績都好好只係佢地用第種方法黎學習

你既性格會害左你出現問題係同老師去討論  唔係去挑戰如果一有錯你就去挑戰  呢種性格冇咩人喜歡  出到黎社會更加令人討厭你覺得教錯左就用第種方法  唔一定要用挑戰呢種方法你話上完大學知道係錯既你返去中學都唔好去挑戰你咁做比人既感覺係去完大學上堂  返到黎過份自大  目中無人
你要知道返學有某d野係好似社會  如果你唔快d改左問題所在  你出到黎社會會死得好快你咁做姐係學生挑戰老師  同一個打工仔挑戰老細冇分別老細係冇傷  但你就成身傷

你唔係冇放低  係根本冇放唔低好簡單  你做人唔好成日拎自己心中既尺去度人地  如果你係咁你只會一直唔喜歡佢地  因為你都冇放低過

年齡同成熟係冇關既我架下二十幾歲出到黎做野  有時都好幼稚  講埋d kai野只要識均量就得

你最好放低自己把尺去睇人咁你睇既野會美好  如果唔係你睇既野係  同你一樣思想既人先做到你朋友思想唔一樣就做唔成
人人都有自己既思想  你一直咁睇人  你既朋友永遠都係得同你思想一樣既人而你就鎖死左自己既朋友係咩類型  咁你有冇好處
我有好兄弟  有好朋友  但同時都有一d壞朋友我唔理得佢性格係點  只係做朋友  冇咩唔喜歡因為唔同既朋友有唔同既好處 d人成日話唔好同壞人做朋友  但我就唔會理我係人都可以做朋友當然你唔好話壞朋友可能會教壞你  我只可以講你有定力唔學壞既冇人迫到你如果你想變壞  唔洗人迫你都會壞

唔好只識自己圈子既人圈外既人都要識  朋友越多對你自己越好  唔同既朋友都有唔同既好處朋友係冇分成熟與年齡既 40幾50歲既丫姐都可以同我地班後生仔做朋友  但佢地唔會話唔喜歡我地班後生仔因為佢知道我地有自己既思想  唔可以再用佢個思想諗我地  就算我地有時做d白痴野佢都唔會唔喜歡

放低自己把尺啦  唔係做人好辛苦價值觀就係你心中把尺唔好將自己心中把尺set得太高  咁只係對你有害無利

我以前都覺得  點解要同d思想咁唔成熟既朋友一齊  但後黎諗清楚  佢地對我冇壞  同佢地一齊玩係幾開心  因為少左煩惱

作者: matthew124 時間: 12-8-15 12:24 PM

回覆 loveyoujj520 的帖子

我有小小懷疑你有冇睇哂我打既野-.-
同埋d邏輯好怪

首先,
你自己都講左
玩得唔過份就得
但係我講左,
佢地玩得好離譜
不單只嘈到人,
仲要話唔明要求講多次
但係跟住又唔聽
跟住就係咁捉字"室"
個老師有咩講錯就串
份部都係上堂個陣發生
咁你話過唔過份?

但我明白,你自己都係玩個種人
你唔會係唔玩個種人既立場到諗都好正常
我自己都只係諗佢地點樣阻到我
而我自己就諗唔到佢地可以對個課堂或我既人生
有咩幫助

第二
其實你唔應該講話你朋友成績點好
你同band 1頭個D比可能會好廢
你同band 3比可能會好勁
根本係同你個人標準既比較
如果講係學術上要講好唔好
咁既然係學術上
就緊係拎番入大學標準la(起碼)
唔係3322 wo
係4444(起碼),因為3322大把人拎到
(不過可能你唔係新學制,我都係只係比個例子)
唔通我係band 3拎到第一,就等於我好勁?

我唔係想標籤band1,band3
而係你睇野既角度仲係由自己覺得佢勁wo,
咁佢就勁,
可能你唔係,但係你冇具體證明佢地點好

第三
一個人上堂玩但唔等於佢唔上心佢可以係用第種方法
但唔代表佢地可以唔尊重個老師
唔代表佢地可以騷擾到人
我唔知你學校點,
可能你學校d人唔會騷擾到人
但係我都講左
係佢地騷擾到人我先會話有問題

傾計既話我都會
但係唔係傾傾下就大笑
笑到個個都聽到咁lo(然而,佢地班人係咁)

第四
你challenge既定義同我唔同
而我指既只係challenge個個學術
唔係個老師
個語氣係唔同,
我亦都講左,係冇攻擊性既

第五
年齡同成熟係冇關既
係呀,所以我咪會話應該成熟lo
因為事實上過往既中五生(想讀書既)
都會變得成熟(至少係比以前成熟)
但係我個班d人係口中話想讀書(其實我打左次嫁la)
但係又唔願努力
由呢點睇得出佢地有幾唔成熟

第六
你唔係冇放低係根本冇放唔低
我講左la又
係我以前放低過
發現唔拎番上黎會阻礙我既發展

個情況係
當你發現社會有好多人都比人努力得到一d野
而你又唔夠人地努力,但係你既朋友又個個叫你去玩
咁你覺得呢D朋友係幫到你定害左你?

出到黎社會做野,人際關係好重要,
但係讀書個陣,你既朋友唔覺意咁害一害你,可能影響你一世
你怪得邊個?佢冇錯嫁wo
你只可以做既就係小d來往
唔通你發現條友根本害緊你(無意地)
都由佢害你咩?

第7
唔好將自己心中把尺set得太高
要講既話,
我把尺set得太低就真
都係個句
你係你既立場當然會講得我高
但係要比既(都係個句)
緊係搵d達到你既目標既人個把尺做標準
同埋,由於能力既高低
往往你把既標準都唔同

人人都應該為自己想要既野而努力
點努力,點樣有效你自己先知

第八
佢地唔成熟唔係最表面既原因
而係佢地唔成熟
導致唔識分輕重
導致到可能害左我
我先選擇避之則吉

(總結黎講)
我唔知你有冇睇哂我打個堆野
而你講話
d人成日話唔好同壞人做朋友但我就唔會理
呢句說話對唔同既人
對錯都不一定
有遠大目標既,唔會希望有人害/阻到佢
只係希望人生過得快樂d既
就唔介意朋友係邊個,玩得就玩

諗野唔好單方面咁諗
雖然香港好多同你有同樣人生觀既人有好多
但係唔好忽略其他人生觀
(好多人既人生觀都係覺得快樂就夠,但我唔係呢種)
有人(姐係我)會想有番d成就
無疑你講既野
對你個種人生觀黎講係岩
但係落到我到
我會覺得係害左我
或者唔好講到咁嚴重
可能係阻住我

可能你會覺得我好天真
但係我想講,係讀書時期
你每一個決定(你讀咩科/識咩人/比幾多時間讀書)
對你一生既影響大過你讀完書之後個大半生
我唔希望係呢一個咁大變數既時期,
受到任何唔覺得有變數既人影響到

我希望你明白

作者: sukiyaya 時間: 12-8-15 03:18 PM

回覆 matthew124 的帖子

2位冷靜d先, 其實2位講的野各有理據, 大家執著的點都唔同.

不過, 我承認一點就是, 識朋友需要放低尺度.
可能高深左d, 換個說法:
原本每個人都是一隻裝滿水的杯, 如果你想學新事物或識新朋友, 你就要把你杯入面的水倒左, 咁先可以接納新事物.
即係要放低舊有的觀念, 先可以學到新事物或識到新朋友.

第2樣, 關於學習態度, 每個人都唔同, 你唔可以強迫別人接受你的一套.
假如, 你的同學是會串老師不專心學習的, 你大可無需理會, 只要做好自己一套就可.

真是受騷擾, 你可以提出, 但是, 提出太多次都是會受人討厭.
不過請放心, 中學你所遇到的人或事都不等於將來都是如此.
所以不用害怕你將來會識唔到朋友.

舉個例子, 我中學時成日管制別人, 都有令一班人討厭, 但都有一班好朋友.
但係畢業後, 中學班同學慢慢冇聯絡.
但我轉左讀設計學院時, 識到另一班新朋友, 畢業後到而家都keep到聯絡

唔同學習環境你會遇到唔同的人, 當中會有適合你的, 都有唔適合你.
所以唔洗太擔心

我同朋友的相處方法無論男女, 我本身係女, 你可以聽下:
1.如果你想知自己有咩缺點或別人不滿意你咩地方.
最直接係問, 記住一點:虛心求答, 唔好聽完人講你即刻反面,
聽完之後自己分析下, 嘗試企係對方個角度想, 如果發現原來唔岩的, 就改. 唔洗即刻改晒, 可以一d一d改.

2. 同朋友互分享大家的缺點, 再商量, 要平心靜氣搞唔好會fd都冇得做.

其實朋友相處同戀人相處的道理一樣, 始終2個人是獨立固體, 要相處融洽係需要時間了解同溝通.

作者: loveyoujj520 時間: 12-8-15 04:04 PM

本帖最後由 loveyoujj520 於 12-8-15 04:16 PM 編輯

matthew124 發表於 12-8-15 12:24 PM
回覆 loveyoujj520 的帖子

我有小小懷疑你有冇睇哂我打既野-.-

如果講學校  我e前間學校係成日次電視既
我都講左我返學時  玩係唔會過火同埋如果d同學有心上堂既老師可以叫佢地坐前邊  玩既咪坐後邊lo 再唔係咪叫佢地去第到自修lo 呢d野十做到既只係你個d老師唔去做姐

如果你一直用人比人  學校比學校成意成績好與壞  咁係冇用  如果你用呢種方法比既話  我可以講你輸晒  你咁比既話可以去外國讀名校  而你地只可以係香港讀  咁你地係咪等於廢?  你要知道搵學校唔係搵最好個間  係搵一間岩自己既學校    學校係冇分band幾既成績先會分

我唔理人讀書有幾勁讀書勁唔等於一定好只識讀書唔洗去運用都係冇用

挑戰係挑戰自己  唔係去挑戰學術

我唔覺讀書既人思想有幾成熟啦因為佢地接觸到既事情係有限既正如你讀緊書時可能覺得自己思想好成熟  但出到黎社會  你又會笑自己讀書時講到自己有幾成熟咁

講想讀書但又唔努力呢同成熟係冇關既我都講左唔同人都有唔同既努力    佢地就算唔努力都唔關你既事  佢地唔努力只係唔上進姐

我以前覺得自己放低左把尺但事實係未  我成日都會我做緊點人地都一定要做成點你要知唔同人都有唔同既讀書理由你唔好將你讀書既理由放係他人身上  你講會阻礙你  但所有野都係你自己既認為唔好成日將自己認為既事情當做事實

朋友叫你出去玩呢  唔係害你  讀書可以學5  但玩都可以讀到野書唔係咩都教到你  但與人相處可以教到你更多既野你話會害左你一世世上除左你4肢不全  吸毒  都唔會害左你一世你又點知會害左你一世? 又係你自己覺得都係個句  唔係成日將自己認為既野  當做事實

你話尺set得好低  但又要搵d達到你既目標既人個把尺做標準  你講野真係幾搞野下你set低左把尺  就唔好要d人達到你既目標你講得出呢句說話  咪姐係未放低過你自己想點係你既事  但唔好將自己既事代入係人地身上    我想d人做野認真d  我放低左把尺  但又搵d認真既人做標準  咁我放低左d咩?  咪口講話放左左  事實一直咪係到

你成日將自己認為既野當係事情同我丫媽一樣佢認為就係真  一定唔會係假你話分輕重我就唔知點講冇人識分何重何輕你覺得讀書重  但人地可能覺得友情重

朋友呢  我係咩人都會識  唔係我想開心咁過係天生我才必有用  人生出黎一定有佢既用處  朋友都係唔同既朋友都有唔同既好處

你話有遠大目標既,唔會希望有人害/阻到佢我遲下去日本學完師再去法國咁我係咪應該同佢地絕交
  如果你有定力佢地害唔到你都阻唔到你呢個唔係你選擇朋友既理由朋友唔係只識害你  仲會幫助你  但你把尺就講左比人知  同你一樣思想既人就幫到你  唔努力唔認真就係害左你除非你係先知  唔係所有野都係未知之數唔好用自己既諗法去分別佢係咩人

諗野唔好單方面咁諗
雖然香港好多同你有同樣人生觀既人有好多
但係唔好忽略其他人生觀
(好多人既人生觀都係覺得快樂就夠,但我唔係呢種)
有人(姐係我)會想有番d成就
無疑你講既野
對你個種人生觀黎講係岩
但係落到我到
我會覺得係害左我
或者唔好講到咁嚴重
可能係阻住我

上邊咪又係你既主觀何為成就  人想開心咁過就一定冇成就? 你個d叫成就  人地個d就唔叫??  人人心中既成就都唔一樣唔好講到自己既成就好偉大  思想同你唔一樣既人就會害左你

你話讀書時(你讀咩科/識咩人/比幾多時間讀書)  呢個可能係都可能唔係    但現今社會學歷係唔等於下半生如果你覺得一張成績好好既入場卷  可以改變到下半生就錯啦    入場卷只係入場用入左場係睇你自己

樓主你用平常心去識朋友去對朋友  對你有好處唔好再用尺去度朋友啦只係令你既朋友越黎越少

作者: matthew124 時間: 12-8-17 02:38 PM

本帖最後由 matthew124 於 12-8-17 02:55 PM 編輯

回覆 loveyoujj520 的帖子

我認我好火
我會嘗試冷靜

我好火,因為你完全誤解我既意思
但我又唔知點解解唔到比你知

我諗你同我傾左咁耐
你應該feel到我個人生觀同你唔同(記住,我冇話你錯,亦都冇話我岩)
我亦都冇話過人一定要有成就先開心(我唔知你睇到邊句有咁既感覺)
只係我希望我既人生可以有成就
讀書時期最開心既就係可以有夢想(另一角度睇係發夢)
而讀書時期點解可以咁?
就因為冇社會壓力
學歷同知識都可以靠努力(而出到黎做野就唔可能)
所以讀緊書既時候,你將來既變數係好大
如果你做緊野應該明白
香港既社會流動性,姐係晉升機會係好低
姐係話你既一生就係受學歷影響

你話讀書時(你讀咩科/識咩人/比幾多時間讀書)  呢個可能係都可能唔係
我就咁解釋點解我會咁講
正如我講到,香港既社會流動性(姐係晉升機會)係好低
香港主流都只係得金融
你入到大學讀得好,係可以去下外國做交流生
亦有D機會接觸下外地既唔同工種
咁你發展好間咪大d lo
而我知係(好難x99999)
所以先要比心機
總好過因為難而試都唔試
有機會自己唔爭取,就冇資格嘈(係我自己咁諗)

我唔係話你條路係錯
我都冇話我條路係岩(事唔係得對錯)
只係大家想走既路唔同

如果你一直用人比人  學校比學校成意成績好與壞
姐係我就冇話要咁比lo
係你自己話
你覺得你d朋友上堂都係玩同埋傾計,但成績都好好
我只係話成績好唔好係你既角度睇既野
你同我講係冇意思,因為唔係我既角度
最中肯就入大學
你都係想證明玩都可以好勁姐
你應該同我講有邊d人入左大學

朋友叫你出去玩呢  唔係害你
可能我講得唔清楚
因為大部份人都應該溫書既時候
佢叫你出去玩
咁我咪覺得有問題lo

講想讀書但又唔努力呢同成熟係冇關既我都講左唔同人都有唔同既努力    佢地就算唔努力都唔關你既事  佢地唔努力只係唔上進姐
佢既然係我朋友,
咁又點會唔關我事呀
你對朋友係點,我真係有d質疑
同埋點會同成熟冇關
你知唔知咩係責任感?
你試下同你boss講
"份data聽日比到你
跟住過幾個禮拜先做起"
呢d咪冇責任感lo
好la,你係人地面前講,讀有幾好,自己幾有興趣
到頭黎原來得個講字既
呢d咪就係對講既野唔負責任

對唔住,我d火又出番黎
我會試下再冷靜d

我唔覺讀書既人思想有幾成熟啦
我認同,
但都唔代表唔讀書既人思想有幾成熟
因為讀唔讀書只係其中一個因素去話比人知佢地成唔成熟
例如我所講既責任感

樓主你用平常心去識朋友
我認同
的確我依家要學既就係呢樣
我讀讀下書開始對時下年青人有好深既成見
所以我一直講既都係我既成見
而我都識1,2個朋友係用平常心去識朋友
我會好好向佢地學習

作者: matthew124 時間: 12-8-17 02:48 PM

回覆 sukiyaya 的帖子

我同朋友的相處方法無論男女, 我本身係女, 你可以聽下:
1.如果你想知自己有咩缺點或別人不滿意你咩地方.
最直接係問, 記住一點:虛心求答, 唔好聽完人講你即刻反面,
聽完之後自己分析下, 嘗試企係對方個角度想, 如果發現原來唔岩的, 就改. 唔洗即刻改晒, 可以一d一d改.

2. 同朋友互分享大家的缺點, 再商量, 要平心靜氣搞唔好會fd都冇得做.

我都試過
係同之前講過既女仔試過傾計
試過係茶餐廳傾左幾個中
但係我發覺個女仔多數都係講自己多過聽我講
姐係心事呢家野,
似乎係女仔岩過男仔
男仔係咪只能夠做listener?
(p.s. 我係冇所謂既)

作者: loveyoujj520 時間: 12-8-17 04:28 PM

本帖最後由 loveyoujj520 於 12-8-18 09:33 AM 編輯

matthew124 發表於 12-8-17 02:38 PM
回覆 loveyoujj520 的帖子

我認我好火

你話讀書時(你讀咩科/識咩人/比幾多時間讀書)  呢個可能係都可能唔係
我就咁解釋點解我會咁講
正如我講到,香港既社會流動性(姐係晉升機會)係好低
香港主流都只係得金融
你入到大學讀得好,係可以去下外國做交流生
亦有D機會接觸下外地既唔同工種
咁你發展好間咪大d lo
而我知係(好難x99999)
所以先要比心機
總好過因為難而試都唔試
有機會自己唔爭取,就冇資格嘈(係我自己咁諗)

我要講既係  香港除左你打政府工  行政管理  同埋專科  教師只要大學
你唔返呢幾種  你讀到大學係冇咩用武之地
你自己留意下  大學生好多要做清潔工人有d衰到要拎政府錢唔係佢地學歷唔得  係佢地學歷太高搞到冇用武之地晉升機會朋友都可以幫到你你學歷幾高都好  但冇人緣你叻到識飛都冇用  學歷係唔足夠令你下半生玩完

如果你要用入大學黎比既話  係咪學到書一定要入大學? 可以有第d出路  同樣唔入大學唔等於佢讀書唔好  人人既出路都唔同  如果你要咁比既話  一個人得中5學歷  但月入10萬  你大學學歷得萬幾蚊  咁係咪你讀書冇用有d野唔係咁比我唔係話玩都可以好勁  佢地係學校可能係玩  但你可唔可以保護佢地返到屋企係會拎d時間黎溫書你唔係佢屋企人你一世唔會知佢地有冇溫過書

你返學係要溫書  但都要去玩下玩係可以放鬆自己既身理同心理如果一個人長期咁心理同身理都會好累係呢個世界你做咩野  都要有良好既身理同心理如果太累既話  你做咩野都唔成功

做人係要有責任感
但你既比喻係2樣野黎
份data聽日比到你
跟住過幾個禮拜先做起"  佢呢個係講比你知幾時做起份野比你  係比明確既時間  但你朋友只係話想讀好d書但佢讀唔讀都係佢既野唔讀最多佢咪唔上進你做咩事都要有個動力係到  講係好易  但做唔做到我唔會理佢我當佢吹水

但都唔代表唔讀書既人思想有幾成熟  呢個係事實
但出到黎社會既人思想都會變左因為接觸既野多左自然思想都會成熟過係返學時期

因為讀唔讀書只係其中一個因素去話比人知佢地成唔成熟你呢點錯左
唔讀書唔係唔成熟如果佢只想做個廚師做個裝修工人  咁佢有冇必要讀上大學? 呢個你唔洗答我  你答自己
唔讀書唔一定唔成熟但讀書就唔一定成熟人人既道路唔同所以你唔好將自己既思想放係人地身上呢句係我第4次提你呢樣野就係你把尺

你問我我對朋友係點我會尊重佢地既決定  我唔係佢地既邊個  只係朋友  我只可以提醒佢係咪諗清楚  如果佢真諗清楚  我會支持佢尊重佢  有時d野屋企人都理唔到  朋友更難

你去尊重佢地既決定  佢唔想讀咪唔想讀lo 都係個句不同人都不同既路  佢決定左路係咁行就尊重佢因為人係唔跌過  唔知痛人係30歲前都係學習 30歲後先係事業

同埋你要學下控制情緒  就算幾唔開心都唔好比人知道
你要學既就係控制情緒放低尺尊重別人既意見你做到呢3件事就得  對你事業  學業  友情  愛情都好大幫助朋友最基本既就係尊重唔單單係尊重對方  仲要尊重決定

作者: sukiyaya 時間: 12-8-17 04:44 PM

回覆 matthew124 的帖子

唔係的, 睇下係咩人.
如果你想搵人傾心事的, 可以一開始標明係傾心事, 想搵人訴苦.

我想咁樣會易D搵到一個會專心聽你講野的聆聽者.

作者: sukiyaya 時間: 12-8-17 04:59 PM

回覆 loveyoujj520 的帖子

我有一點點應同你所講的野.

讀書唔係唔好, 高學歷不=高人工 / 搵好工
高學歷=入場卷.
但好多公司只拎入場卷望下就算, 真正需要的是工作經驗

同埋入到公司最可靠的是自己, 將來的路點行都係需要自己.
不過決定E家野, 都係自己決定, 別人阻撓唔到

另外, 成熟唔係口講咁易, 係需要經歷過唔同的人和事先可以變得更成熟, 獨當一面.

無論求學, 反工, 識朋友, 如果你識控制情緒, 係有利好多
識得將情緒隱藏係可以避過好多麻煩.

反工, 識朋友黎講, 有邊個老板/朋友係中意一個計時炸彈呢?

以上只係見議

作者: loveyoujj520 時間: 12-8-17 07:39 PM

本帖最後由 loveyoujj520 於 12-8-17 07:41 PM 編輯

sukiyaya 發表於 12-8-17 04:59 PM
回覆 loveyoujj520 的帖子

我有一點點應同你所講的野.

佢做到呢三件事  就幫到佢好多不過係易講唔易做要做要係改變性格先得

同埋架下學校好喜歡用洗腦教學  話你架下唔比心機讀書  你出到去社會  你冇前途架搵唔到食架世上唔會有無前途既工  只有你唔去努力做份工裝修你比心機一個月賺3-4萬都冇問題  髮型你上進既  5萬都唔係問題  唔好睇小唔讀書既人佢地打工都可以好有前途

成熟與不成熟我就唔講啦  因為唔同人有唔同既定意

做人控制到自己既情緒  你做咩事都可以成功比人既感覺係大方得體就算真係唔開心人地都唔知

作者: sukiyaya 時間: 12-8-17 08:04 PM

回覆 loveyoujj520 的帖子

同埋架下學校好喜歡用洗腦教學話你架下唔比心機讀書你出到去社會你冇前途架搵唔到食架

呵呵呵~~~e句野好熟, 我以前的中學老師有講, 我以前牙媽都有講.
不過我牙媽而家見我搵到錢養得起自己, 又比到少少錢屋企就冇聲出^^

題外話:
我讀到f.5, 係設計學院混左3年, 拎住張高級文憑證書.
但而家做文職=3=好似唔相干哦可,,,不過而家反工好開心^^

作者: loveyoujj520 時間: 12-8-17 08:12 PM

sukiyaya 發表於 12-8-17 08:04 PM
回覆 loveyoujj520 的帖子

同埋架下學校好喜歡用洗腦教學話你架下唔比心機讀書你出到去社會你冇前途 ...

我讀到中三就冇讀但架下唔覺無前途份工
養得起自己又開心

作者: sukiyaya 時間: 12-8-17 08:34 PM

回覆 loveyoujj520 的帖子

嘿嘿認同!!!
最重要係開心, 同養得起自己.
如果搵到份好高人工的工, 但唔開心的, 我寧願唔做-3-
我d朋友成日話我冇志氣...
但我覺得反工最緊要自己覺得開心, 人地講咩都唔係最重要^^

作者: 明。鏡。止水 時間: 12-8-18 12:33 AM

其實我愈睇愈扯扯地火...
有咩理由戀愛區會講左一大堆學術野
入到黎都係想聽感情野,,有咩分享有咩感受咁架嘛
算.

樓主,想識女仔,想同朋友相處(當然包括異性朋友)
最緊要都係投其所好姐
講埋d對方都聽唔明既野,人地好難會同你傾到計。
一輪嘴講一堆野出黎拋書包咁款,人地真係只會覺得你係演講而唔係傾計,,最終變成-->煩。
當有意見不合既時候,讓一讓,比少少風度可以嗎？
有爭執果陣,收一收自己果份執著,退一步海闊天空可以嗎？

講既野係咁多
off topic.

作者: matthew124 時間: 12-8-20 11:45 AM

回覆明。鏡。止水的帖子

我依家明白你地講咩
我唔否認我之前真係覺得自己個套先係岩
我的確冇去容納其他人既價值觀

但係我講過
即使我放低
我都係要識出邊既女仔
我學校個d根本就唔會同男仔friend
只會當你係同學

所以我想試下上大學識下d
又中意玩,又中意傾學術計既女仔
對我而言,咁先係人生

作者: ★Ringo. 時間: 12-9-6 07:38 PM

其實只能說你太吾明白異性.
可能應該要話你太過主觀。雖然我吾係同你同一班
又可能你個間學校既人真係好比心機讀書，讀到吾洗識朋友
如果係咁既話我諗樓主你根本吾洗打呢炸野出黎
因為你既問題根本吾係一個煩惱（因為你明知冇可能）
呢個Ｅ經吾係一個煩惱黎　你只係想呻下　你間學校係識吾到女仔
因為人地好比心機讀書。同埋比我既感覺你只係一個想哂命話會努力讀書去大學識女仔既人
吾知我講得岩吾岩啦　
ＰＳ　如果你講到你真係咁勁　升到大學先再識女仔吧　人最緊要都係活得自在　吾好下下人比人　會好辛苦

歡迎光臨 2000FUN論壇 (https://www.2000fun.com/)