2000FUN論壇

標題: 鬼哭神嚎、慘不忍睹的誇國組閣制，實乃絕妙的一步棋！ [打印本頁]

作者: hokevinho 時間: 12-8-26 10:56 AM 標題: 鬼哭神嚎、慘不忍睹的誇國組閣制，實乃絕妙的一步棋！

鬼哭神嚎、慘不忍睹的誇國組閣制，實乃絕妙的一步棋！

對於巨蛋初日發表的組閣制，本人表示難以接受，但就未來發展而言，不得不讚嘆肥秋乃舉世奇葩。。。

維持鼎立
AKB最光輝期每隊都有各自嘅ACE，前田大島渡邊，前田一走，Team A ACE一位縣空，廢宅唔被世人接受，女王等老一輩里程將盡，第四次總選告訴世人麻友係最理想人選，大洗牌將次世代ACE洗去Team A係天命所歸，但其餘兩Team分別巧合出現大家熟悉嘅名字，松井珠理奈、島崎遙香。由此次大洗牌可以改變勢力日漸失衡局面，維持各隊續戰力。

以老帶新
將各隊最具人氣成員作為隊長栽培次世代，要令飯們繼承本命嘅意志。從來只有前田同優子可以擊敗Sado，但若然第三個係Mayu，相信女王大人亦沒有意見。前田因讓位而退出，大島因傳承而留下，計體格氣魄小珠理應早就係Team K一員，但人氣王仍在隊內，小珠暫時兼任最為理想，但早晚回歸，接捧係遲早嘅事。最尷尬嘅情況出現在Team B，計能力計人氣計狀況，大小姐始終係隊長嘅最佳人選，但其餘兩隊相繼換人，柏木嘅留任會讓人揣測難道秋元嘅鐵血隊長係名不乎實？南妹就更讓人無話可說！女王優叔相對強氣，到底呢個係咪梅田彩佳勝過其他成員成為隊長嘅原因，就要拭目以待。

戰線更有彈性
莫講話成立Team 8，若只計現時四隊，AKB4，人腳已經有所緊絀，若維持三隊，而每隊超過20人，對兼顧巡迴演出、劇場公演更有利，為了不帶來過分大影響，每隊表演人數應會維持原狀，16人左右。舉個例子，優子、虎牙可能係大型表演嘅必然正選，但劇場公演等小型節日就退居後備，讓後輩上，一來可保留TOP們體力，亦可以讓研究生或人氣較低成員多參與番組或公開場合，增加曝光率。

淡化早期兼任移籍
大規模嘅兼任、移籍、大洗牌，可以令小珠美優紀嘅兼任留學更理所當然。廢宅先殺退不可侵犯嘅神之七人，成為Team A最高票數成員，後又爆出咸豐年前醜聞，再有HKT內部嚴正肅清，先勿論背後有何乾坤，愛醬移籍旨在淡化上述事件，為廢宅回歸鋪路。

提升姊妹團名氣
以人氣而言，撇除阿醬在內八位神七，AKB常連選拔大致有以下幾位：指原、北原、宮澤、河西、峰岸、橫山、高城。假設初代成員不列入考慮，就只剩指原、北原、橫山、高城。以SKE W松井作為指標，以上四人，在隊內有大TOP們嘅情況下，仍然能同雙松井有不相上下嘅人氣，證明佢地有能力到任何姊妹團作為ACE看待，而且，她們年青。神七動不了，以上四人先後以唔同方式外借到其他姊妹團，有一個例外，Sae醬，或者同佢喺大中華地區有超強人氣有關。雖然外借到其他團，不過飯們放心，除神七外，以上幾個正係AKB嘅重要骨幹，營運唔可能放棄，佢地亦唔見得要移居海外發展，說不定番組照上，29、30單照慣例入選，只是所屬變成SKE, NMB, HKT, JKT, SNH罷了。

收回珠理奈，接收迷路姫
早在大聲鑽石時期，肥秋發現十年難得一遇嘅逸材，可惜當時不動Center動不得，秋兄只好將原石放在名古屋。但現在絕對ACE已走，SKE又取得空前成功，原石順理成章放回本身位置。歷史又不斷重複，營運強推前田，但飯們表示更愛優叔，SKE有小松井，但飯們支持劍道少女，到現在NMB早有山本彩，又偏殺出個迷路姫，但肥秋今次學聰明了，唔會再同衣食父母對著幹，索性順勢將迷路姫收為己用，因為NMB是吉本的，也是山本的。叫你飯們支持NMB之餘，也請多加留意Team B。

如無意外，48系在未來兩年最有人氣成員除了本隊Mayuyu, 小珠, Paruru，仲會有幾位姊妹團嘅Ace, Sashi, 鰻魚, Yui, Akicha，甚至彩姐, Miruki

作者: long6707 時間: 12-8-26 11:28 AM

大部分係商業手法的說...
商手的良心呢...
上海團會點我都唔評價喇
不過JKT紅極咪都係咁...D人又幾可會買咁多CD...
對一般生活水平唔高既國家黎講...係咪真係有用都難講

作者: genkigenie 時間: 12-8-26 11:43 AM

亞樹是有被放棄跡象...或者係被事務所賣了?

SAE直情o係半年前已經開始被雪...
單曲不明不白的落選拔....

作者: 櫻sAkUrA蜜柑 時間: 12-8-26 11:47 AM

好冷靜又清晰既分析 ^^
本來我聽完消息好迷茫, 不過睇完你分析有點安心了. THX!!
贊好~!!

作者: ch_lycab 時間: 12-8-26 11:49 AM

genkigenie 發表於 12-8-26 11:43 AM
亞樹是有被放棄跡象...或者係被事務所賣了?

應該話，aki好佔唔佔就佔左17位
一個副center位置，如果係彩姐、由依之類營運大推既成員
下場絕對不一樣

作者: genkigenie 時間: 12-8-26 11:53 AM

本帖最後由 genkigenie 於 12-8-26 11:58 AM 編輯

ch_lycab 發表於 12-8-26 11:49 AM
應該話，aki好佔唔佔就佔左17位
一個副center位置，如果係彩姐、由依之類營運大推既成員
下場絕對不一樣 ...

運營都一樣係超推AKI....而且推左幾年

不過運營對AKI的要求最低限度最起瑪要保到13..甚至係要上到12以上....
結果今年出晒事

而且無記錯的話...
AKI今年可是比上年少左成萬票...

作者: namnam 時間: 12-8-26 12:19 PM

樓主分析得好詳細

幾有打機攻略feel
大部分我都幾同意
不過亞樹茶果筆無論係點我都好反感

畢業都還好D, 流放外國真係好慘

作者: hokevinho 時間: 12-8-26 12:27 PM

得罪都要講句，其實aki係受營運所推，如果唔係佢又點會係最早升格研究生？就算遲遲唔升你都唔需要咩理由。就商業而言其實每個成員都係親生女，總選只係個遊戲，常連選拔先係證明，高人氣成員亦唔代表必入單曲，但入選就係俾機會嘅證明。或者亞樹性格太率直，佢攞17嘅時候唔開心嘅即時反應太負面。。。可能營運想俾個懲罰，但亦係一個好好機會，佢依家假假地都係JKT最有人氣成員，若然把握得好，話唔定係一場翻身戰！

如果都係唔放心，就睇下同時期有幾個成員被類似外借，難道全部都係被放棄？至於形式，大家都未知道外借嘅細節，未必如想象中差

作者: MC樂 時間: 12-8-26 12:49 PM

樓主我同你既想法近乎一樣
肥秋係為左keep住成個48系先會行呢一步
日本既演藝生涯係好短應該好多人都知
如果肥秋唔搞下d新意既話好快就會沒落
所以要以不同既方法去衝擊自己
為既就只有不斷俾新鮮感我地令48系keep住現狀
以上只係小弟既愚見不喜勿插

作者: 咫噯龍 時間: 12-8-26 04:11 PM

亞樹移去JKT 已經好難改變到
e家目前唯有等亞樹番返黎akb
陰公.我首推3名全部五系AKB入面

作者: satricky 時間: 12-8-27 12:02 AM

本帖最後由 satricky 於 12-8-27 12:03 AM 編輯

阿樹茶得票的大幅回落，或許與營運推橫山有關係。
不過無論如何，把阿樹茶調去印度，這真的有所爭議。

梅田彩佳調做T B 的隊長，其實也是看準了她的實力。
而且AK兩隊也換了，不換埋B又說不過去，也減輕了大小姐的壓力。

SHN48的成立是一個重要的嘗試，而且神州大地民風強悍，不找一些有能力的去領軍不行。
找Sae醬去當ACE，也不太算是流放。

最不爽的是肥秋借把T4大升格為名，把光宗耀祖升格。
因為光宗耀祖要升格，當然要走T4這條路，否則置T4於何地。
但又要花很長的時間，
結果肥秋用了這絕招，皆大歡喜，各取所需。

作者: genkigenie 時間: 12-8-27 12:40 AM

satricky 發表於 12-8-27 12:02 AM
阿樹茶得票的大幅回落，或許與營運推橫山有關係。
不過無論如何，把阿樹茶調去印度，這真的有所爭議。

不要想太多....

將柏木由紀的隊長撤了...
純粹是柏木由紀絕對不適合當隊長.....

作者: love_taka 時間: 12-8-27 01:18 AM

看了你的文章令我對組閣一事安心了

作者: hokevinho 時間: 12-8-27 05:07 PM

genkigenie 發表於 12-8-27 12:40 AM
不要想太多....

將柏木由紀的隊長撤了...

其實你既意見我同意, 柏木絕對唔係做隊長既材料 (若然有更好人選的話, 但奈何佢已經係現有人腳入面最佳人選)

先講返佢做隊長既原因, 小夏海, SANDY等等歷史唔多講,
但其實隊入面有河西, 有華, 但仲要搵柏木係因為佢係3期生...
高橋係一期才加係二期, 相信大家明白, 如果要搵同期去做隊長, 我相信三期應該無人比佢更適合

至於今次, 先唔好討論烏梅醫既能力
女王優叔有無能力都係未知之數 (當然佢地唔適合既機會好微)
但呢兩位計人氣地位等等等都係隊內一等一
新TEAM B有呢個級數既只有大小姐同白菜, 當然白菜比人既感覺更自我步調...
要記住女王本身係TEAM A, 優子係TEAM K, 而烏梅係空降到TEAM B既隊長

我認為今次搵柏木比上次更合理

作者: 光明之翼 時間: 12-8-27 08:56 PM

本帖最後由光明之翼於 12-8-27 09:02 PM 編輯

論TB現在隊長人選，我覺得應該係峯岸みなみ，一期生有地位，性格上佢so so能力強能服眾，有囗才，MC時唔會好似柏木咁無野講，非常o岩做隊長。

作者: barretto 時間: 12-8-27 09:08 PM

阿婆走得快！一定有古怪

歡迎光臨 2000FUN論壇 (https://www.2000fun.com/)