2000FUN論壇

標題: 無論是香港、台灣玩家的問題，都希望大家能嘗試一下！ [打印本頁]

作者: 零洛脩 時間: 12-8-28 08:46 PM 標題: 無論是香港、台灣玩家的問題，都希望大家能嘗試一下！

本帖最後由零洛脩於 12-8-29 12:32 AM 編輯

　　各位ＬＯＬ的玩家好。

　　相信在坐各位定位香港的玩家，相比也遇到過這一類的台服玩家。

特徵如下：

１.過度自我感覺。俗稱　‘’自high‘’　，會以全頻表示自己技術高超地位高尚。

２.死不認錯。即使責任全因他起，亦不會感到抱歉，你說他做得不好他還會跟你嘴炮。

３.歧視港人。這是一個在遊戲裡比較普遍的問題，起因不明，但一旦跟他們說純真的廣東話，他就會說我們是大陸人／不會說人話。

４.贏了還要嘴炮。即使沒有事前挑釁，但仍然會在最後給你一擊嘴炮，令你怒火中燒。

５.顯然贏不了的，卻死也不投降。這類也很令人氣憤，有些是認為仍然有勝算，但有些卻真的是為了賭氣，行為像一個小孩子般幼稚。

　　大致是的特徵就是這些，當然還有一些細節的沒有列出，但深信大家已經感同身受並且有過多次經歷。

　　我是一名已經30等的玩家，老實說，在封頂前遇到這些都狀況都是比較少的，但在這一兩個月之內，情況每況愈下。我實在是對此不死不得其解，莫非封頂了的玩家素質會更惡劣嗎，那這個遊戲哪還有高人的存在。

　　就在十多分鐘前，我跟四個港人朋友，組隊進行了一場匹配。

　　戰況是我們處於劣勢，再過不到十五分鐘我們就會被ＧＧ。

　　在這時我射了一支冰箭，但是由於目標想前移了一步，冰箭在他身後穿過，他就說一句：好歪哦。

　　然後我朋友看不過眼，以廣東話說一句粗口。

　　接下來，對話框瞬間佈滿敵方的訊息，內容整理後大致為：你說什麼？　會說人話嗎？　講中文啦！　你們這些大陸狗。　大陸的技術都這麼爛嗎？　我說人話怕你們不懂，因為你們是狗。

　　我看著這些對話的確無名火起，但亦無話可說，因為跟這些人動氣實在是拿自己來犯賤。

　　然後我的朋友們每說一句廣東話就被他們說一句：講中文啦！

　　我當時以書面語說了一句：台灣人就是過於自我感覺良好。

　　但想不到有人回我這麼一句：我們自我感覺良好是因為我們有技術！不像你們這些大陸狗的廢物。

　　我看了自覺可笑。

　　全因我跟朋友們全以娛樂的心態去玩，完全沒有什麼一定要贏的心情，只要玩得好笑就好。就例如我射冰箭特意歪了給朋友笑。

　　我萬萬想不到這樣就助長了他們的歪風。

　　實則對於台灣人，印象實在不怎麼好，好勇鬥狠，死不肯服輸的樣子。

　　然而對於他們那份無名而起的自我感覺良好，我實在是不明白。

　　雖則我們香港的玩家人數是比台灣的玩家少很多，但我們也是遊戲的一分子，為何台灣人會自覺自己比較高尚？

　　雖然不能以一竹竿打一船人，有技術有量度，有禮貌的台灣玩家。但上述的惡劣玩家每天也會遇到，而且是越來越多，越來越囂張。

　　雖然不知道他們為什麼會這樣，而且不知道為何這股風氣會成長起來，但我只知道再這樣下去，香港玩家實在難以再愉快的遊戲。

　　或許幸好，在積分場上我還沒有怎麼見到這種情況，但我想應該再過不久就會肆虐。

　　此帖的目的，是希望大家可以討論一下何以會導致這情況如此惡化，並希望各位一起想辦法，不然每天在遊戲只有一直的打字與氣憤，沒有娛樂的成分。

題外話：

　　在剛才那場遊戲中，有名玩家說：台灣獨立啦！

　　（我心諗，你撚敢咩）

　　然後我朋友即刻說：搵飛彈炸９你地啊！

基於各位留言，我有一個想法，很不靠譜，很天真，但我亦希望透過人多的力量，去慢慢改變現在這個事實。

希望各位ＬＯＬ的香港玩家們，在每一場都能夠盡量忍耐被挑釁，就算是真的生氣了也不要把字句發送出來，並且去勸諭那些在罵人的玩家。

這樣的確可能不是什麼辦法，但我想逐點逐點去做，是可以令到ＬＯＬ的玩家理解吧？我們確實不能去根治問題，但希望也能去嘗試過才說不可以。

慢慢改善現在的環境，讓我們遊戲更開心。希望能夠支持！先去嘗試！

作者: 聾伯 時間: 12-8-28 08:53 PM

本帖最後由聾伯於 12-8-28 08:56 PM 編輯

在這時我射了一支冰箭，但是由於目標想前移了一步，冰箭在他身後穿過，他就說一句：好歪哦。

全因我跟朋友們全以娛樂的心態去玩，完全沒有什麼一定要贏的心情，只要玩得好笑就好。就例如我射冰箭特意歪了給朋友笑。

我萬萬想不到這樣就助長了他們的歪風。

意義不明
到底係真係射歪左定係人地避左
第一句就係目標話歪左
第2句就係朋友笑
到底係唔係同一單來- -??

作者: 零洛脩 時間: 12-8-28 08:55 PM

回覆聾伯的帖子

舉一個例子而已

在遊戲中目標在我正前方我特意地射歪，引發朋友去笑，表示為娛樂場。

作者: 聾伯 時間: 12-8-28 08:58 PM

既然講到係去娛樂
又理得人地講咩
人地都係講好歪,你朋友就用粗口回人
咁到底係你地娛樂緊定係去娛樂人地??

作者: 天使長 時間: 12-8-28 09:19 PM

本帖最後由天使長於 12-8-28 09:21 PM 編輯

台灣人輸贏好緊要
單單NG要輸打贏要
無野都可以搵野黎鬧
控兵線=比人壓
搞笑

冇玩差唔多三日LOL
走去玩dead island就係為左暫時唔想咁樣比人嘈

作者: 零洛脩 時間: 12-8-28 09:19 PM

聾伯發表於 12-8-28 08:58 PM
既然講到係去娛樂
又理得人地講咩
人地都係講好歪,你朋友就用粗口回人

請你唔好係依一點上執著
我朋友本身就比較容易暴躁個種　受唔起人地挑選
咁如果你再係執著要捉依點我一定奉陪到底

但如果唔係為左解決問題嘅　不喜自離　無謂浪費你我時間

作者: 零洛脩 時間: 12-8-28 09:26 PM

天使長發表於 12-8-28 09:19 PM
台灣人輸贏好緊要
單單NG要輸打贏要
無野都可以搵野黎鬧

可惜只要你還想繼續玩ＬＯＬ　那就是躲得一時不能躲一輩子

而且情況日益嚴重，很難想像日後...

作者: 天使長 時間: 12-8-28 09:29 PM

回覆零洛脩的帖子

開學上晝場同凌晨場正常好多
但係上晝場只限9點到1點
因為6點到8點59分莫名其妙有班屁孩現身

更不幸果陣未訓醒就開場隨時中招

作者: 幻之魂.澄 時間: 12-8-28 09:50 PM

唔系台灣人太良好
系香港人太串 5成應該系你地打個d台灣人上場or之前比香港人串
我d fd打win都話你們真垃圾:)
我都睇唔過眼= =

作者: 最輪回 時間: 12-8-28 10:01 PM

1500分後就唔會有

作者: 聾伯 時間: 12-8-28 10:13 PM

本帖最後由聾伯於 12-8-28 10:16 PM 編輯

零洛脩發表於 12-8-28 09:19 PM
請你唔好係依一點上執著
我朋友本身就比較容易暴躁個種　受唔起人地挑選
咁如果你再係執著要捉依點我一定 ...

真係笑左,話你朋友用粗口回都係#3
你叫定我唔好執著呢點,做咩?脾氣臭係死症來??
再者,成篇野睇完再根據你既答覆
脾氣暴燥唔係大哂架,你朋友唔回粗口根本就唔會有之後既野發生
香港人係其他服無挑釁過人咩?美服韓服咩服都有架啦
係睇比人挑釁果個會有咩反應咋麻,你朋友要開口還拖既,之後既野就係如你所見架啦
咁都仲係唔明呀?
你要根治個問題?得,你開番個港服咪唔會有問題囉
港台打機一堆小學雞係唔知幾多年前已經開始左啦
冷門到乜既GAME都成日會見到架啦
就等於中國同日本點解攪左咁多年都係咁,咪2邊都唔會低頭,結果又係一個死症囉
呢D野做好本份架姐,人地要做傻仔咪讓下人囉

作者: 小crowd 時間: 12-8-28 10:14 PM

吾投降叫有品完場,場場都20投, 玩起泥冇咁爽

作者: 零洛脩 時間: 12-8-28 10:30 PM

回覆聾伯的帖子

首先你要注意
我冇話暴躁係大曬
but因由並唔係因為我朋友用粗口鬧人　係因為佢講廣東話
咁而系因為佢講廣東話而引起嘅嘴炮咁係咪有啲講唔過？
台灣人肯定識得啲廣東話？佢地知道我朋友系串緊佢地？
問題始終係問題　唔正式就永遠都會有
冇錯的確冇可能完全解決　但我都冇希望話完全解決　但如果起碼可以去減少依啲情況出現嘅話大家都好過係咪？
咁如果你ＥＱ係高到人地鬧你全家你都忍到嘅，咁我就真係非常佩服，但係咁樣只係助長歪風，希望你明白。

作者: 小冰。S。姬子 時間: 12-8-28 10:36 PM

以上新手時全部做齊，而家已經改左好多，每場完左都會好似d高手咁，即刻走，唔會留係度，不過有時太極端，我都會忍唔住話人，不過我同fd打機都會吊人，話既唔係埋怨，而係指出錯處，我咁樣相信會有幫助，基本上我覺得遊戲緊教人係無謂，罵人更加無意思。至於第5點我唔認同你，除非去到好極端，如果唔係都唔會投降，可能有人會話哂時間，但係我角度，唔單只係骨氣問題，仲可能係學緊野，唔通場場逆風都投，不如學下點應付，我個人比較討厭易放棄既人，至於樓主所講既野我全部做齊，由期係接觸過信長既人

作者: 零洛脩 時間: 12-8-28 10:44 PM

小crowd 發表於 12-8-28 10:14 PM
吾投降叫有品完場,場場都20投, 玩起泥冇咁爽

請問閣下係咪以前成日玩信長？

而我嘅意見係唔同意你嘅講法

首先ＬＯＬ裡面之所以內置投降系統，大家都應該明白係用嚟視乎情況而使用，如果隊伍大部分人絕對冇機會贏就會選擇投降。

咁唔通明知贏唔到但係有得投降又唔投而去浪費時間？

咁當然，如果冇投降機制，玩家就好大可能選擇掛機、走場。相信如果你係信長嘅玩家咁你一定遇過唔少。

然而你都知道ＬＯＬ走場嘅話，如果唔等到遊戲結束，係冇可能開始另一場遊戲，咁就只有呆等。

如果係咁樣嘅話，遊戲機制就會睇上去好似差過信長咁，ＬＯＬ嘅玩家就有可能選擇唔再玩ＬＯＬ。

咁所以，廠商會給予遊戲擁有投降機制，即係想留住你口中所講嘅‘’冇品‘’玩家。

作者: 聾伯 時間: 12-8-28 10:46 PM

本帖最後由聾伯於 12-8-28 10:52 PM 編輯

零洛脩發表於 12-8-28 10:30 PM
回覆聾伯的帖子

首先你要注意

首先,我想講台灣人係除左英文同書面語或者台語之外
係好難接受其他語言,點解?因為你所講既唔明囉
同埋,你唔可以排除佢地識得D廣東話,呢個世界有樣野叫互聯網
我地打到既佢地都打到,相反,佢地打台語,注音,我地有邊個識得打番笑番佢地?
查一查有幾難?
如果你話要減少,呢樣都可以88,如果1分鐘有1個人想正視呢個問題,
同時呢1分鐘係出現緊10個同台灣人博緊火既人,咁你想搵D乜野去減少???
根本港台之爭唔係LOL呢刻先出現,係唔知幾多年前都出現緊,唔係正唔正視既問題
係你做唔做到本份既問題,我唔會期望係人地既地方希望用我既語言去答我,因為我知呢樣係無可能
你去美服打中文呀,人地都會叫你用番英文啦,美服又無歧視咩???
呢個世界唔係人就你,就你就人架啦
有D野可免則免,倒轉頭LOL有港服,台灣人來玩,你會唔會用番台語同人溝通呀?
你又可唔可以避免到其他香港人唔會屌班台灣人用台語?
講到底,大家都無權去管大家,要減少??咪又係自律,D人唔自律去學咩人講減少,
全部都係紙上談兵
再回埋你條問題,如果有人罵我全家?咁個起因係咩???空穴來風是必有因囉

作者: 零洛脩 時間: 12-8-28 11:04 PM

聾伯發表於 12-8-28 10:46 PM
首先,我想講台灣人係除左英文同書面語或者台語之外
係好難接受其他語言,點解?因為你所講既唔明囉
同埋,你 ...

既然你講到咁我都冇嘢好講

你係覺得世界就真係有一個定理，即係一個地方唔同一個地方咁樣

老實講我係香港都會用大陸語法同香港人講嘢　咁我係咪要比佢地歧視/_\

唔明so what？

香港人台灣人都係講中文啫　用正常書面語溝通唔得？

咁既然你要諗到：嘩，人地點做你點管到啊，佢要吊唔通唔比佢吊。

咁樣我都冇嘢好講啦～ｙｏｕ　ｗｉｎ；Ｄ

但係，如果真係有心唔想再有依種事發生嘅，自律之外我諗都起碼會阻止港人做繼續鬧係嘛？

我的確做唔到啲乜架，我係整個ＬＯＬ遊戲中只係一個極之普通嘅玩家。

so what？

我起碼可以係２ＫＦ　ＬＯＬ版依到呼籲各位真心希望會有些少改善嘅玩家要自律，並且勸諭、阻止繼續鬧台灣人嘅香港玩家。

問題冇錯冇可能根治呀，但係我從些少些少做起都唔得？

有人肯走出嚟你地要打壓，冇人走出嚟你地又唔肯面對，咁真係中意一個充滿嘴炮味嘅遊戲？

老實講遊戲裡面嘅花生我好少食，因為見到都煩，咁我係咪因為咁樣而要離開一隻我中意玩嘅遊戲？

我宜家只係為左我中意玩嘅ＬＯＬ而出一點暫時嚟講係完全微不足道嘅事，但係如果真係有人參與，咁樣慢慢變好係冇可能嘅事咩？

冇錯你講得非常之現實亦都係事實，但係事實係可以靠人去改變，而唔係任由事實沉淪。

如果你唔支持唔緊要，但希望作為ＬＯＬ嘅一名玩家你可以出少少力，閒時見到有依種事發生都可以去一兩句勸諭下。

作者: 岸邊有條狗 時間: 12-8-28 11:07 PM

轉美服啦朋友!呢到無排斥又學到英文

作者: 聾伯 時間: 12-8-28 11:26 PM

本帖最後由聾伯於 12-8-28 11:27 PM 編輯

零洛脩發表於 12-8-28 11:04 PM
既然你講到咁我都冇嘢好講

你係覺得世界就真係有一個定理，即係一個地方唔同一個地方咁樣

我想講你例子都舉錯囉,D人係歧視一個有口音既人而唔係歧視緊佢用咩語法囉
你愈講愈站不住立場,香港人台灣人都係講中文啫　用正常書面語溝通唔得？
絕大部份既廣東話都係不屬於書面語,例如你朋友果句野,
我唔斷定句野係粗口定係乜野,但照你話佢地因廣東話屌人,咁好明顯就已經超出左上面紅左果句野
我真係未試過用書面語比台灣人發現我係香港人,所有既對話係屬於正常,亦無任何歧視成份
你想去做就即管去做,因為你做既野我以前係其他GAME都做過
但係發覺係極之無聊既事情,就算成為香港人特別的一個,台灣都會有極端份子挑得起戰火
因為呢個就係群眾既壓力同埋要多謝果D做野唔諗後果既仆街小學雞:)
唔係佢地係第2隻GAME做埋果D仆街野,我唔洗默默離開

作者: curapica 時間: 12-8-28 11:27 PM

post上巴哈啦

作者: 零洛脩 時間: 12-8-28 11:32 PM

聾伯發表於 12-8-28 11:26 PM
我想講你例子都舉錯囉,D人係歧視一個有口音既人而唔係歧視緊佢用咩語法囉
你愈講愈站不住立場,香港人台灣 ...

我嘅立場就係搵方法　去呼籲　有咩問題

就算只係小圈子　我都要去嘗試　玩緊個時搵個時間打幾隻字又唔會即係搞到你ＧＧ

依個只係一個極普通嘅方法　為何嘗試都唔肯？

只係見到人鬧就打句：喂，唔好再鬧啦，遊戲啫。

咁樣打句話都唔肯？咁既然你係之前有過經歷嘅，我都唔執著要你幫忙啦。

不過真係非常多謝你嘅意見，我真係獲益良多。

作者: sasa2121 時間: 12-8-28 11:34 PM

香港扮勁既人比台灣多至於邊區既人禮貌較好我真係吾多清楚

同埋我自己玩甘耐都冇俾台灣人串過吾知咩原因可能運氣好掛

作者: curapica 時間: 12-8-28 11:45 PM

post得出黎實有人撐有人踩, post咪post~會少忽肉?

作者: jason321019 時間: 12-8-29 12:01 AM

樓主咪同他地哂氣-.-
你講個d情況成日撞到
你開個poz係為抱怨我明 (我都開過-.-)
你講個d suggestion 我理解 (though好難做到-.-)
你開個poz我覺得冇問題
本身我都唔想回應-.-
but見到d人o既回應我真係忍唔到-.-

個聾伯開poz就係講d無關痛癢o既野
個小crowd 話咩場場20投-.-笑左頭十幾分鐘就大約知道會輸定唔輸架啦
差距太大就緊係投降啦大佬-.- 比人chok戰績咩
場場20投!?人地係話顯然贏不了的，卻死也不投降
吾投降叫有品完場? 咁都唔投降叫傻仔完場啦

個聾伯都唔知咩事-,-等我直接回應先-.-

都係個句,玩game咩人都有,冇品都係唔分咩人
我琴日就同完台灣佬嘈,今日就同自己香港人嘈

琴日個條就係度串隊友廢,累他輸
我睇唔過眼咪同他嘈
勁去打積分啦大佬-,-game唔係win就輸架啦
唔通每次完場. win個邊就係度哈哈笑 lose個邊係度串隊友咩
何況條友打中廢-.- 我真係唔知他咩勁-,-
勁咩?就係識講腦障腦障同埋打d我唔識睇的字囉-,-

今日個hk人,見到下路被人殺,就話0/3 rubbish
跟住話自己6/0有幾勁-,-
明顯係上路對面係肥料-,-見住對面幾次沖入塔-.-
殺肥料都好串人-.-
一叫他去下路,他就真係肥料啦-.-
一直被我地串-.-
他一直應:rubbish suck hahaha so wt all ashe
大佬-.-明明香港人你同我地講英文扮勁-,-
沒讀小學都識你ed英文啦大佬-.-

sorry-,-打打下講左自己野,總之你個poz我覺得冇咩問題

我都係咁-.-睇唔過眼就要講,我覺得唔洗特別話要收埋收埋,
玩game為開心我係咁諗
唔開心上泥抱怨下.no problem wo-.-
我真係唔知點解有d人係要特登抽下水呀講下廢話

作者: qwer2272002 時間: 12-8-29 12:14 AM

係2000fun 開咩post都會變花生post

作者: jason321019 時間: 12-8-29 12:17 AM

聾伯發表於 12-8-28 10:13 PM
真係笑左,話你朋友用粗口回都係#3
你叫定我唔好執著呢點,做咩?脾氣臭係死症來??
再者,成篇野睇完再根據你 ...

1)脾氣暴燥唔係大哂架,你朋友唔回粗口根本就唔會有之後既野發生

比我都會出聲,支箭唔中咪唔中冇問題
人地咁講明串你,扮冇野唔出聲--?
sorry,我都做唔到

2)係睇比人挑釁果個會有咩反應咋麻,你朋友要開口還拖既,之後既野就係如你所見架啦

人地開全頻明串你啦扮冇野唔講野咩大佬

3)咁都仲係唔明呀?

個個都有自己o既反應,唔洗你教人,你自己鐘意死忍你事
你係想叫樓主個fd忍讓d唔係咁叫囉
你ed明挑釁 ,之後既野就係如你所見架啦?(路過都要駁

4)你要根治個問題?得,你開番個港服咪唔會有問題囉
港台打機一堆小學雞係唔知幾多年前已經開始左啦
冷門到乜既GAME都成日會見到架啦

你開番個港服比我睇囉,冇意義o既野講完扮pt

5) 就等於中國同日本點解攪左咁多年都係咁,咪2邊都唔會低頭,結果又係一個死症囉
呢D野做好本份架姐,人地要做傻仔咪讓下人囉

你e個類比好有問題囉我想講,兩樣野根本唔可以混為一談
做好本份係人都識-,- 人地要做傻仔當然比他做-,- but冇理由要自己做埋傻仔係度忍囉

道理係自己個邊,講咩都理直氣壯我覺得唔洗自己唔順氣都要忍囉

人地樓主一心上泥抱怨下,比d意見大家
你係度講d咁o既野,點叫人服?
我路過都睇唔順眼啦大佬

作者: jason321019 時間: 12-8-29 12:40 AM

我只係覺得大家要明樓主o既感受,我都係過來人 http://www.2000fun.com/forum.php ... =5076163&extra=
我都開過poz抱怨跟住d人狂講廢話抽水
我個陣真係愈睇愈火
講得有pt我真係會接受,but我真係頂唔到d無聊poz

我真係唔明點解唔可以用第2種方式去表達意見,而係用小小抽水的方式

聾伯真係想講d咩,我明,but我覺得express得唔太好
小crowd 講d野分明博打

如果我講錯d咩,大家可以提點下
我真係希望回應人d poz個陣係有heart , 明白事情先囉

作者: 細峰XD 時間: 12-8-29 01:30 AM

本帖最後由細峰XD 於 12-8-29 01:30 AM 編輯

歧視港人呢個先係重點= =
反而我有好多台灣玩家加我好友！
知我是港人還想想跟我說廢話吃了飯沒有等等

作者: 清新點 時間: 12-8-29 02:14 AM

本帖最後由清新點於 12-8-29 02:15 AM 編輯

我有幾個真人fd又係明明佢理虧都可以炮人技術又唔係好自己戈場敗點就賴對面勁/隊友廢羸左又話自己神之類= =
我都唔明有時打下機點解都要搵架嘈= =

作者: 無敵打工仔 時間: 12-8-29 03:55 AM

依家改版可以唔開全頻已經好好
只係打完先嘈

比著係以前? 對面邊個搞串個party就全場針佢一個黎殺
針到佢走場

作者: 芒果核 時間: 12-8-29 06:04 AM

本帖最後由芒果核於 12-8-29 06:06 AM 編輯

其實最大問題係台灣人接受唔到台語同普通話以外既所有語言
親身經歷:
我部筆電黎  Game入面開唔到速成於是打英文
玩左二千幾三千場九成既台灣人一見人打英文都會用台語吊晒鬼語句中可以見到佢地唔識同抗拒英文嗰種自卑心作崇
明明叫Mid care ,唔關上路事居然可以打成篇夾雜台語既論文出黎挑我機
我個FD見狀就用書面語翻譯比佢睇
D台灣人見有人識睇英文就開始發癲
我FD同佢嘈  由語言開始嘈到兩岸問題再去時事然後又獨立又核彈咁
都唔知為乜  就係因為打左句英文

嗰場完出Chatroom之後
我就問佢 : 英文是國際語言, 你自己看不懂是否應該問個明白？
佢話 : 林北就是要看國語北七陸狗
我答: 為何我們香港人看得懂國語、台語、廣東語、英文、日文, 而你們甚麼都不懂, 還能怨我？
      你自己不也是打台語注音文一大堆誰又怪你？

我唔打英文佢地咪又係台語注音一大堆, 就算我唔打英文, 改打廣東話都唔係錯架下話
點銀解會只係我地學識睇台語用書面語, 而唔係互相學習？

再睇下點銀解人地成日用, 台灣一個國家黎同香港一個城市比較咁Q離譜
香港同台灣居然有得揮喎
你地咪唔好咁執著囉台灣某些玩家鐘意故步自封排外夜郎自大,  你同佢嘈,  盞拉低自己身份
一群蛇鼠狗佢地咬你因為你係異類  你唔係蛇鼠狗  你又何必同佢地斤斤計較?

作者: james147147 時間: 12-8-29 06:14 AM

打LOL有時真係著X埋 .0. 打機求開心停幾日LOL升GW2算

作者: 芒果核 時間: 12-8-29 06:15 AM

岩岩又中招
打rank1600上路到Lv6眼都唔插加埋隻JG雙炒比中路阿璃鬼步衝上去gank死晒
怨我中路淨係打0 callmia唔黎幫
又話我廢物隊友又英文狗咁咩道理

作者: 禧尐 時間: 12-8-29 10:16 AM

本帖最後由禧尐於 12-8-29 10:29 AM 編輯

有時有d場合會遇到大家可能想開玩笑傾個計而已
好似樓主咁有次我玩ashe 射幾次冰箭都唔中跟住對面全頻話艾希你也太歪吧- -
如果唔係挑起罵戰既我都回句沒辦法啦還在練習中XD 當兩邊講下笑咁
但有心挑起罵戰我班fd都會反駁但唔會用到粗口因為粗口我覺得幾反感
反而同對面嘈用番唔中咪唔中有問題嗎? 呢種懶理心態回對面激到對面嬲嬲仲開心

歧視港人呢部分係港台服真係好常見見你講廣東話就話用番書面語又話你狗
好多台灣人覺得我地玩港台服要用書面語溝通黎遷就佢地好似佢地大哂咁
不過係LOL呢個問題更加嚴重

我未夠30lv 但經常撞到呢d人有次同四個FD打初期我fd中路master yi 壓住隻飛斯
但後期團戰我adc比人針殺輸出唔夠所以輸番完場時隻飛斯就開始自high :我們就是開始讓你們壓讓你們放鬆之後再團戰贏你們
但完場隻飛斯死16次肥係靠隊友仲死得多過我地後來對面既人居然密番我原來都係5個fd
黎同我地道歉話個條友經常都係咁贏就發癲鬧對面輸就發癲鬧隊友笑死我地

但並唔係個個香港玩家都去鬧台灣人反而挑起罵戰都係我地經常提係口邊既小學雞嘴砲小屁孩
港台都有忍住唔開聲真係試過但有人的確做到自high如入無人之境-____-"

作者: 零洛脩 時間: 12-8-29 10:17 AM

芒果核發表於 12-8-29 06:15 AM
岩岩又中招
打rank1600上路到Lv6眼都唔插加埋隻JG雙炒比中路阿璃鬼步衝上去gank死晒
怨我中路淨係打0 c ...

可惜存在這種人是當今的現實
我們沒有什麼可以做的
只能寬容忍耐讓他知難而退

作者: 聾伯 時間: 12-8-29 10:26 AM

本帖最後由聾伯於 12-8-29 11:26 AM 編輯

jason321019 發表於 12-8-29 12:17 AM
1)脾氣暴燥唔係大哂架,你朋友唔回粗口根本就唔會有之後既野發生

比我都會出聲,支箭唔中咪唔中冇問題

咁點解要用廣東話回人??書面語唔得??
正常書面語溝通又係佢講
依家就講一套做一套??
唔關忍唔忍既事囉,亦都無話出唔出得聲
係佢用咩方式去答人囉
如佢所見係因為明知台灣人對廣東話無好感都仲要用廣東話
我就唔信用書面語同佢地嘈,佢地又會罵香港狗呢D說話囉

做好本份係人都識-,- 人地要做傻仔當然比他做-,- but冇理由要自己做埋傻仔係度忍囉
呢句好好笑,人地做馬騮戲,你唔入戲又點會做埋馬騮戲又點樣做埋傻仔?
一隻手掌係拍唔響架
比人抽一句水就講到咁大獲,唔怪得之港台咁多問題啦:)

作者: 閃ＫＡＮＥ閃 時間: 12-8-29 10:52 AM

樓主你講GE野  應該都係係NG場發生= =

當然呢個問題主要原因係大量三國信長玩家湧入所以只能盡量避免去打RANK吧

NG場我一個月打一場(可能冇TIM)  不過場場都遇到同樣情況

RANK當然都有不過機率會因分數高低而逐漸減少

心態問題黎贏=有充足感同時好多人嘈都係因為自己輸唔起

小屁孩嘛不理也罷~  多善用黑名單

作者: yeekwai 時間: 12-8-29 10:53 AM

算吧拉樓主,省番淡氣好過,次次我見d人係2kf開post小d台灣仔都會比人串番,話咩我從未遇過呢d敢pk既台灣人,頂...因住開口中呀...真係火都黎

作者: 無敵打工仔 時間: 12-8-29 11:09 AM

本帖最後由無敵打工仔於 12-8-29 11:10 AM 編輯

回覆零洛脩的帖子

你唔明我意思? 唔係話唔識開全頻

係故意唔開
(利申我1700)
唔想對罵不如唔好睇佢D對話, 咁簡單GE道理你都唔明?

作者: 扑野大王 時間: 12-8-29 11:13 AM

明明就係樓主個fd罵人先

你講書面語根本冇人知你係香港人

作者: ng207315 時間: 12-8-29 11:24 AM

輸左就係輸左比人串都冇計

作者: 0o震o0 時間: 12-8-29 01:20 PM

佢話大陸人唔識講人話姐,都唔關我地事

作者: 原來係咁既 時間: 12-8-29 05:43 PM

請樓主自重
自己睇下呢個post
http://www.2000fun.com/forum-vie ... ight-%E6%92%9A.html
就會知到呢個版有幾多人盲目咁支持台灣人
講多兩句比人插死就無謂

請樓主多多忍耐,因為呢個版有一部份既香港人,係絕對祟外既
就算道理係你度,都千其唔好黎抱怨,一抱怨,果部份人就會唔理三七二人都插左你先
開抱怨文抱怨台灣玩家只會令自己更加難受

作者: 獄犬 時間: 12-8-29 06:43 PM

成班都on尻尻既
樓主都係想我地唔好亂同人嘈姐
d仆街又串人d例子明就搵交嘈
好心你地啦冇野搵野嘈屌真係on撚9
唔撚鍾意咪走lor 咁都好嘈即使個事例可能有問題
但大家又知唔知樓主既開post既意思係咩
唔係決定件事對與錯係解決港台問題
雖然冇咩可能根治唔支持就算
咪撚咁多嗲啦收收水好不

作者: 聾伯 時間: 12-8-29 08:41 PM

本帖最後由聾伯於 12-8-29 08:42 PM 編輯

獄犬 發表於 12-8-29 06:43 PM
成班都on尻尻既
樓主都係想我地唔好亂同人嘈姐
d仆街又串人d例子明就搵交嘈

柒少陣當幫忙啦,好多人回果時係未有佢所謂既想法:)
唔好知少少係度扮代表啦

作者: 獄犬 時間: 12-8-29 09:29 PM

聾伯發表於 12-8-29 08:41 PM
柒少陣當幫忙啦,好多人回果時係未有佢所謂既想法:)
唔好知少少係度扮代表啦 ...

此帖的目的，是希望大家可以討論一下何以會導致這情況如此惡化，並希望各位一起想辦法，不然每天在遊戲只有一直的打字與氣憤，沒有娛樂的成分。

e句係咪後尾加???

作者: 聾伯 時間: 12-8-29 09:36 PM

本帖最後由聾伯於 12-8-29 09:37 PM 編輯

獄犬 發表於 12-8-29 09:29 PM
此帖的目的，是希望大家可以討論一下何以會導致這情況如此惡化，並希望各位一起想辦法，不然每天在遊戲只 ...

樓主都係想我地唔好亂同人嘈姐

請問你呢句既義思係從

此帖的目的，是希望大家可以討論一下何以會導致這情況如此惡化，並希望各位一起想辦法，不然每天在遊戲只有一直的打字與氣憤，沒有娛樂的成分。

定

希望各位ＬＯＬ的香港玩家們，在每一場都能夠盡量忍耐被挑釁，就算是真的生氣了也不要把字句發送出來，並且去勸諭那些在罵人的玩家

所取得?

作者: 獄犬 時間: 12-8-29 09:39 PM

聾伯發表於 12-8-29 09:36 PM
樓主都係想我地唔好亂同人嘈姐

請問你呢句既義思係從

2樣~喎
好心你啦冇野搵野嘈真係多舊魚=.=

作者: 聾伯 時間: 12-8-29 09:44 PM

獄犬 發表於 12-8-29 09:39 PM
2樣~喎
好心你啦冇野搵野嘈真係多舊魚=.=

係嘈定係問呀

作者: zero0409 時間: 12-8-29 11:25 PM

犬哥俾人串!?
不得了...!!!

作者: framchicken 時間: 12-8-30 11:57 AM

其實全世界都有呢D人架啦

歡迎光臨 2000FUN論壇 (https://www.2000fun.com/)