2000FUN論壇

標題: 關於K1結束與否的跟進報道 by小牛 [6.9.2012更新] [打印本頁]

作者: marcoltw 時間: 12-8-29 01:44 AM 標題: 關於K1結束與否的跟進報道 by小牛 [6.9.2012更新]

本帖最後由 marcoltw 於 12-9-6 02:01 AM 編輯

以下內容為6.9.2012最新跟進內容

大家好：

經這星期我與霸天的一些跟進, 有以下的進一步建議和多一點具體內容，用點列方式好了：

1. 建議集合能"出錢又出力"玩家, 組成「K1救亡委員會」，如達理想中的足夠資源, 寫信直接試與開發csoft對話 (如果不行先退求與gameone對話).

2. 建議向csoft提議由委員會集資, 透過律師行作中間人及做合約(要付一些律師費估計幾千), 定期向csoft轉帳集資的錢作租server之用.

3. 建議所租server(租1個夠k1用)為美國機房, 一般hk$4,000/月已能租到流暢穩定兼能擋入侵的好server. 因為一年租金約5萬左右. (未計csoft的維護費)

4. csoft更新維護費需要真的"埋檯傾"才能知道. 但至少直接與開發傾會好一點. (免中間人). 如csoft不介意我們試試爭取較合理的維持費用. 任何更新或新人物則待對方願合作時再談(如購買套餐更新制)
5. 現時最重要兩步：
(a) 足夠集資 ==>成立委員會
找尋"有心有力"人士加入委員會, 並向csoft建議付出集資資金人士, 日後遊戲內將注資資金的3份之2 或一半 (或其他比例)轉成遊戲點數. 以回報付出人士.  當然付出超大比例(例如數萬港元)的人士, 會不會有特別權力要求或遊戲待遇則較為複雜, 這點需另議, 但如果是無夾雜特別慾望的付出, 是很歡迎.

初步有：霸天、黑龍哥(馬來西亞玩家)願意支持若干資金  [再有人支持將更新名單]

(b) 找律師行格價
關於找律師行做中間人, 雖然花一點費用, 但免去玩家注資時的安全問題, 同時由律師行做中間人向csoft定期過錢, 最為安全穩妥. 另外如果與csoft或gameone談不成, 撇除律師行政費外, 所有資金可全數退回玩家們.
   因此, 我們需要向不同律師行格格價(做上述合作形式的合約+定期過錢俾合作公司), 小牛會幫手問一下, 但亦請任何認識律師行或親朋戚友有做律師行的玩家, 都幫手問問大約價錢.

希望在這9月底前為限, 看看有沒有人出錢出力, 如果不能, 霸天說10月的比賽大家開心出來玩和食飯高興高興吧!!!!

以下內容為29.8.2012首發的內容

[註：本來想o係《龍虎亂舞Online》將於本年11月22日結束公測裡面回覆, 最後都係認為獨立開個post會易睇些! ]

各位朋友：

抱歉因今天有野做夜返, 首先對於某某話"霸天出手"一事, 我暫時無收到霸天電話亦未能證實.

至於救亡k1一事, 我向有關gm人員提出昨晚到今日很多玩家不願k1執笠既意願.

不過一切要視乎gameone方面(話事人係d高層, 唔係大家成日鬧或依賴既gm).

以下係一d一齊想像出黎比較可行的方法:

<想像方案一>

由有心的玩家/玩家團隊, 支付一筆約6位數(舉例10萬), 如果gameone同csoft(開發)願意, 可以有限度再支援一段時間(保守d計半年, 樂觀就1年), 主要只係支付兩邊公司基本營運同人工的費用而已. [好耐好耐之前已知道k1每月營運及人工大約2萬左右]

好處當然係俾大家玩耐d 兼且由原來公司支援返, 但第一個問題係有無人願意咁花一筆咁大既錢(記住, 而家筆錢只係估估下, gameone肯唔肯埋檯傾都係一個問題) 期間, 或者肯俾錢既玩家團隊可以有少少say(建議), 例如有無少少野可以新增或改, 但開發做唔做到同駛唔駛額外收費又係另一問題.  如果有猛人猛橋可以

<想像方案二 >
由有心既玩家團隊, 直接出幾萬~十萬(只係估計數, 但應該會比方案一平d), 買左隻game做私服(但實際其實唔算係買斷遊戲, 只係買左部份gm權力、營運權之類), (這裡所用的錢部份用作俾開發做收結金, 另一部份當係租gameone的server, 類似)....不過就唔會有更新...除非...[下面會講], 而且到左一年或最最最盡兩年後, 當作租server錢應該又要繼續計. 最慘係, 因為當作玩家買左隻遊戲(看成"私服"計), 龍虎門的人物(e.g.三王, 邪神,羅剎,伏虎那些)一係抽走晒, 一係要額外花可能過萬元大執圖像設定(即係要比而家看到的. 變成面目全非) 咁先唔會有任何被玉郎集團在法律上追究的可能. (而家大家玩緊既人物, 都係類似隻眼開隻眼閉地進行而已)

更新方面, 如果就咁買隻game既營運, 應該會變成一隻奄割左龍虎人物的私服遊戲. 但更新或加新人物(如城寨)或搞新意思係咪無可能呢? 可能都有, 就係買左之後, 直接同csoft開發那邊傾, 先俾錢來開新新人或新o野, 類似外判工程咁...但根據營運及人工的一般計算慣例, 做新人物一般1個月, 咁結果玩家 / 玩家們就要諗方法籌到約1萬~2萬不等包人地人工同技術去造隻新o野出黎...此外如果係一d物品設計, 都可以先收集玩家意願(例如先訂購, 夠人數同夠"那一舊錢"先俾開發做野!)

呢個方案估計成立機會大d, 而且玩家們付出的成本較低, 想玩新人物或新野, 就直接同開發傾合作(視乎物品,內容、需要的設計費同人工來傾)

不過!!!! 以上一切, 都係很初步想出來、可能有一定可行性的方法, 但實際上得唔得, 就取決於：

1.) 有無玩家/玩家團隊願意付出 最少幾萬, 多則6位數(如十萬)的金錢, 去救亡或買隻game呢?

2.) 承接上面, 如果真係有玩家肯, 咁樣我地先向gm正式提出, 由gm代為反映俾高層, 然後等Gameone高層考慮同唔同我地去傾&點樣計d費用/合作型式. (未計開發那邊肯唔肯)

3.) 假設以上都達成的話, 唔願意k1執笠的玩家們, 願唔願意留在一個可能無得/很慢地發展、很難吸引新人的server玩呢? (未計可能需要奄割龍虎人物以及就算籌到錢去整新人物或一些更新內容, 最最最快都只能1個月左右一次)  [未計開發肯唔肯接玩家的Job]

4.) 仲有, 1年後或 2年後, 仲有無足夠玩家繼續留在這遊戲!? 呢半年/一年裡面收支平唔平衡度? 會唔會半年左右就乜玩家都差唔多走晒? 咁救亡玩家團隊的心血又如何善後呢？

如果作為睇完呢篇想像方案同埋一些最基本考慮問題既您, 仍然願意出力 / 出錢甚至一齊上gameone傾(如果這公司考慮的話...)，歡迎您在此表態(例如我出力因為我識server同online game技術 / 我出$5000夾錢 / 我出4萬夾錢又可以出力同埋上去傾......etc), 亦請您短消息給我您的稱呼姓名以及聯絡, 如果在未來一兩星期(截止未定)收集到"可能足夠的人力物力財力&大家的聯絡資料"後, 我會正式向gm或寄信到gameone提出我地既要求同建議.

相反, 如果在合理時間內收不到足夠的資源力量, 我們便只能盡量在未來兩個多月陪k1直到11月22日了. 而我作為板主之一亦搞一些論壇上的告別/紀念活動. 甚至有機會在10月gm搞的活動順道搞一次網聚party之類.

  或者有人會認為"寧為玉碎，不作瓦全"，亦有人不介意"大灑千金，一求心頭好"，
亦好可能出現一些如古惑仔灰狗之子所說"講就兇狠，做就碌能" (超板可以扣我分)的人,
又或者呢個香港真係會出現遊戲界第一個奇蹟---"熱心玩家出力夾錢過萬救未路漫畫網途"

無論如何, 作為熱愛k1的我, 財力極有限、但勞力是願意付出的. 那麼，您呢？
謝謝大家看我的字海~ 更歡迎大家在此post表態~
(請注意：為使討論更集中, 我會將一些不關事的言論或強烈情緒回覆排除和delete, 謝謝!!)

帶著疲倦又沉重心情的小牛謹啟

作者: ziYU×佑 時間: 12-8-29 02:13 AM

買左隻game既話點解仲要額外花可能過萬元大執圖像設定既 ?

作者: marcoltw 時間: 12-8-29 04:09 AM

ziYU×佑發表於 12-8-29 02:13 AM
買左隻game既話點解仲要額外花可能過萬元大執圖像設定既 ?

因為而家既大家見到的角色, 唔用漫畫原圖兼改名等等...
都只係一種"掩飾"手法.

一來一大早玉皇朝是同gameone有過版權合約關係, gameone無得扮傻話呢d唔係龍虎門o野
而且太容易認出了.

而家仲未有事都只係玉皇朝無為意或隻眼開隻眼閉(可能因k1唔係咁響當當, 其他有龍虎版權既新game唔投訴之類)

但絕對唔代表如果真係俾街外人(e.g.玩家救亡團隊) 或其他代理/公司買左之後, 仍繼續可以咁樣事無忌旦咁去用.
玉皇朝點估計轉手後d人會點樣搞那些"疑似龍虎角色", 又會唔會整臭 / 影響龍虎門漫畫或玉皇朝個朵架!?
淨係玉皇朝同某某新online game簽左龍虎人物專利版權合約, 而k1無繼續俾錢續約, 法律上都死得啦~

作者: ben200962657 時間: 12-8-29 08:06 AM

小牛我都好想幫手:(但我無咁多錢,屋企人又唔比我洗咁多錢:(不過我可以收集各位玩家既簽名以及心聲然後再寄信同埋打電話去gameone傾傾。

作者: ~黑色鳩想~ 時間: 12-8-29 04:24 PM

佢改樣唔得咩…

作者: antony071325 時間: 12-8-29 09:30 PM

如果有人買左隻game既話,這個人番到k1,一定個個人都同佢講thx~

作者: s1001007 時間: 12-8-29 09:34 PM

小牛甘我地e+可以做到咩

作者: ~黑色鳩想~ 時間: 12-8-29 09:34 PM

…感改技名lor

作者: ☆魔鬼皇☆ 時間: 12-8-29 11:28 PM

ziYU×佑發表於 12-8-29 02:13 AM
買左隻game既話點解仲要額外花可能過萬元大執圖像設定既 ?

唔係買GAME 係俾錢加長營運明未??

作者: louisewny 時間: 12-8-30 01:42 PM

on99999999999

作者: ziYU×佑 時間: 12-8-30 07:21 PM

本帖最後由 ziYU×佑於 12-8-30 07:24 PM 編輯

回覆 ☆魔鬼皇☆ 的帖子

見唔見有兩個方案

作者: ☆魔鬼皇☆ 時間: 12-8-30 07:31 PM

ziYU×佑發表於 12-8-30 07:21 PM
回覆 ☆魔鬼皇☆ 的帖子

見唔見有兩個方案

睇清楚的應該係你都講左冇得買斷勒你自己睇清楚啦

作者: marcoltw 時間: 12-8-30 08:15 PM

ziYU×佑發表於 12-8-30 07:21 PM
回覆 ☆魔鬼皇☆ 的帖子

見唔見有兩個方案

兩個方案都唔會有 "真正買斷"的可能

從來唔會有一間開發或代理會俾隻遊戲伺服端(server 那邊)的檔案交俾外人或玩家接手的.

作者: pl6564 時間: 12-8-30 11:24 PM

回覆 marcoltw 的帖子

其實有計仔。。。霸天爺係風水師la，咁叫霸天爺同gameone講，你地汁左k1會有一場破財之禍，依2年尼都係靠k1先擋到2年，gameone5信的話，就話到時有破財之禍的時候不要怪我冇提醒你地XD，掂5掂？

作者: ben200962657 時間: 12-8-31 07:39 AM

哈哈,但係都唔可以咁呃人啦- -

作者: LAUKAILAM 時間: 12-8-31 09:28 AM

pl6564 發表於 12-8-30 11:24 PM
回覆 marcoltw 的帖子

其實有計仔。。。霸天爺係風水師la，咁叫霸天爺同gameone講，你地汁左k1會有一場破 ...

你呢個大話公布左gameone個d人咪知lor...

作者: pl6564 時間: 12-8-31 12:04 PM

回覆 LAUKAILAM 的帖子

你覺得gameone會睇?

作者: ziYU×佑 時間: 12-8-31 11:36 PM

回覆 pl6564 的帖子

但係龍霸天會甘做咩?

作者: 奉陪 時間: 12-9-2 04:56 AM

咪撚on9啦你地想帶埋個game入官材咩
人地商人冇錢賺仲唔執左佢咩 (我街外人)

作者: marcoltw 時間: 12-9-3 12:08 AM

奉陪發表於 12-9-2 04:56 AM
咪撚on9啦你地想帶埋個game入官材咩
人地商人冇錢賺仲唔執左佢咩 (我街外人) ...

致pl6564:

"奉陪"是2000fun會員就有權在任何版區進行討論, 雖然他第一句說話認為希望救亡k1的玩家是很傻,
而且用上了粗言助詞是十分不尊重他人. (扣分便是對他這種態度言行的制裁)

可是他後面兩句的發言, 在其觀點與角色上也是沒有錯的.

至於pl6564你的點評回應, 雖則有捍衛本遊戲支持救亡k1玩家的意願,
但你,
第一：意圖抹殺他人討論的自由
第二：明知版規不能說粗言, 仍大放闕詞, 這樣的態度跟"奉陪"會員的言行如出一轍
第三：別人犯錯被扣分, 便"好應該"落井下石加上粗言來踩多一句嗎? 絕非君子行為!

因此重扣你40分. 望閣下好好改過, 支持版內的良好討論風氣.

作者: s1001007 時間: 12-9-6 04:35 PM

marcoltw 發表於 12-8-29 01:44 AM
以下內容為6.9.2012最新跟進內容

大家好：

新既更新令我感覺k1有番d希望

作者: pl6564 時間: 12-9-6 04:49 PM

回覆 marcoltw 的帖子

你同黑龍傾左？？

作者: ziYU×佑 時間: 12-9-24 01:48 AM

皮已收?

作者: 乂洛.神乂 時間: 12-9-24 07:34 PM

k1點都會汁嫁喇,唉

作者: 紅螞蟻 時間: 12-9-24 09:08 PM

睇黎都係大勢已去, 無謂哂心機喇

歡迎光臨 2000FUN論壇 (https://www.2000fun.com/)