2000FUN論壇

標題: 作為國服玩家，對港服有幾樣野擔憂 [打印本頁]

作者: remese12 時間: 12-9-7 06:49 PM 標題: 作為國服玩家，對港服有幾樣野擔憂

本帖最後由 remese12 於 12-9-7 06:51 PM 編輯

知道下星期港服公測，借機同將會玩九陰既人講Ｄ野
門派強弱，九陰玩法，你地自己去體會

港服九陰既經濟：
我可以好肯定話你知，九陰市場必須要靠少部份高富帥去推動，有玩過國服都知道，官銀系統其實就係活生生既RMB係GAME入面流通。

如果港服冇一班願意不停充值或願意不停投放大量HKD去換取官銀既人，官銀於市場流量會好少，甚至早期大家都拎唔出官銀同其他玩家交易。

九陰入面只綁架系統可以賺官銀，其他都係碎銀。所謂碎銀只限玩家與ＮＰＣ之間既交易，而玩家與玩家之間必須靠官銀，你想靠綁架賺到一定身家或至富，需要一段長時。除非你開１００個ＡＣ專門每日每夜去綁架。國服為例，開服必定有一班高富帥充值一定既銀子去收大量寒鴉草，最早期係平民玩家可以係玩家身上賺取官銀既途徑。

簡單Ｄ講，冇ＨＫＤ戰士係九陰一直生存，九陰經濟更容易死寂一片

九陰真經傳統：
九陰系統及內容玩既係"時間"，玩既係＂刷＂，ＧＡＭＥＯＮＥ推出港服版本係最新，連經脈系統都有，結果玩家１內階段都要刷真氣，雖然刷不刷由你的。

九陰不論國服華服，首個月人數最高，第２個月人數大量流少，主要都怪佢內容系統玩得夠累，更新進度太慢。呢種大型３ＤＧＡＭＥ好講玩家人數，港服可唔可以持續到幾千人在線，值得擔憂。加上現在玩國服華服既玩家大部份都不會轉去港服，或尚處於猶疑階段，作為玩家都唔想，禁地人數組唔夠，門派戰只有幾十人。我覺得ＧＡＭＥＯＮＥ不應該封海外ＩＰ，只封大陸就夠。

較早國服公開賣武學，雙人馬鞍等等，傳言寵物系統都拎出黎賣。我相信港服會跟隨，到時大家請不要驚訝。更不要相信＂真武俠，最江湖＂　ＯＲ　石海不會賣影響遊戲平衡既道具。
國服江湖區盛大已經賣過一次，更唔清楚ＧＡＭＥＯＮＥ會唔會。

九陰後期玩法：
見到各大幫會收人，好多幫規都話不可亂開紅殺人，可惜我估計好多人都唔會理，九陰開服已經一段時間，最大主流玩不是門派戰，不是奪書，不是禁地，而是幫會仇殺，野外開拖。加上開紅奪書係國服係常見既事，有人做惡人做兇犯到處殺人，種種開紅殺人，你阻止唔到。總有人好戰，總有人愛搞事，發生咩問題，各幫主就用你方法解決了。

本人希望ＧＡＭＥＯＮＥ買賣點數，黃金售價唔好太高，特別唔好高過國妥標準，否則九陰半年內可以係香港消失

作者: ts02322638 時間: 12-9-7 06:55 PM

香港大把HKD戰士-.-只不過唔夠大陸果班高富帥強姐...

作者: tomkan39 時間: 12-9-7 07:01 PM

如果計國服的話
我覺得佢反而更新得太快
一個月出新内功
對呢d 休閒型遊戲我覺得係快左d

作者: sam128 時間: 12-9-7 07:46 PM

ts02322638 發表於 12-9-7 06:55 PM
香港大把HKD戰士-.-只不過唔夠大陸果班高富帥強姐...

港幣戰士大戰大陸外掛大盜有大陸一日搞事

"bug 銀" 可能今日100蚊對100官銀聽日會變左100蚊戰500官銀

咁你就有冇心機玩呢?

作者: ts02322638 時間: 12-9-7 08:18 PM

本帖最後由 ts02322638 於 12-9-7 08:18 PM 編輯

sam128 發表於 12-9-7 07:46 PM
港幣戰士大戰大陸外掛大盜有大陸一日搞事

"bug 銀" 可能今日100蚊對100官銀聽日會變左100蚊戰500官銀

志在玩...對官銀唔太執著...

作者: GeeGeeGee 時間: 12-9-7 08:27 PM

一定做唔到上面門派戰幾百個對幾百個架la=.=

作者: C月 時間: 12-9-7 08:55 PM

樓主既然咁多擔憂..唔好玩港服

作者: gary912 時間: 12-9-7 09:37 PM

remese12 發表於 12-9-7 06:49 PM
知道下星期港服公測，借機同將會玩九陰既人講Ｄ野
門派強弱，九陰玩法，你地自己去體會

有道理~聽得出係資深玩家

作者: Samal 時間: 12-9-7 10:04 PM

要是真有亂開紅殺人的’牠’，我就開一個專殺’牠’的幫會～　

作者: 復仇小淚 時間: 12-9-11 01:09 PM

Samal 發表於 12-9-7 10:04 PM
要是真有亂開紅殺人的’牠’，我就開一個專殺’牠’的幫會～　

亂殺人咪亂殺人

牠乜野?

呢隻GAME唔殺人好快悶到你暈

歡迎光臨 2000FUN論壇 (https://www.2000fun.com/)