2000FUN論壇

標題: 着白衫撐國教市民批政府太弱勢 [打印本頁]

作者: c396437 時間: 12-9-8 05:22 PM 標題: 着白衫撐國教市民批政府太弱勢

10多名市民響應網上發起的支持國民教育活動，部份人身穿白衣，中午時在中環遮打花園參與討論國民教育。發起人盧先生認為，政府太弱勢，不應朝令夕改，又不認同國民教育有洗腦成份。

他批評，政府總部外的集會及絕食行動，是不和平及激動，認為或有一些組織在背後支撐。

另外，有參與討論的市民表示，政府總部外的部份人士逢中必反，認為應與政府一起商討，不應態度強硬。

吊...笑撚死我咩

吳克儉道理:700萬人-1X人支持=69999xx人反對國教?

作者: 雪龍神 時間: 12-9-8 05:25 PM

叫怇地睇睇黑衫團有幾多人先啦

作者: KennyCKL 時間: 12-9-8 05:27 PM

有啲咁既事我都唔知既

雖然就算我知都唔會去

作者: c396437 時間: 12-9-8 05:28 PM

雪龍神發表於 12-9-8 05:25 PM
叫怇地睇睇黑衫團有幾多人先啦

班黑衫團佢地去散步的...

作者: c396437 時間: 12-9-8 05:28 PM

本帖最後由 c396437 於 12-9-8 05:30 PM 編輯

KennyCKL 發表於 12-9-8 05:27 PM
有啲咁既事我都唔知既雖然就算我知都唔會去

https://www.facebook.com/SupportNationalEducation

THIS(?)

作者: gates 時間: 12-9-9 12:47 AM

屋企冇黑衫?......

作者: xo小馬ox 時間: 12-9-9 12:49 AM

本帖最後由 xo小馬ox 於 12-9-9 12:55 AM 編輯

撐國教著白衫
即管睇下有幾人!!!!!!!!!!!!!!!
好撚憎一堆一味話人激動冇家教要國教既人
睇怕d名人都係廢青

寧願斷米路
愛國唔係要盲目

作者: 惡魔獵鷹 時間: 12-9-9 01:11 AM 標題: 掟幾隻蕉你就話激動喇, 你點同共產黨對抗?

本帖最後由惡魔獵鷹於 12-9-9 01:19 AM 編輯

如果只係講道理就會聽...就唔會有打杖呢樣野啦....訓撚醒未呀?

倪匡　訪談
倪老大雖然預言香港之死是命中注定，但即使死，香港人也應該稍為掙扎一下，「生物自然反應嚟㗎嘛，魚呀、星斑呀都會跳幾跳啦，死亡之前都要反抗。今次選舉係香港人嘅最後機會，最後抗拒共產黨侵入嘅機會，雖然終於都係會死，但都要出番啖氣。」

「我三十幾年前已經講過啦，香港一定死㗎，（咁香港人唔想死可以點呀？）唔想死冇辦法㗎，不斷抗爭或者可以拖慢啲死嘅，但死係一定嘅，香港嘅精神已經死亡咗。」

要對付共產黨的統治，超出以寫科幻小說聞名的倪匡的思考範圍，「中國13億人都冇辦法，香港你幾百萬人憑乜呀？而且我對呢次選舉結果嘅睇法都好悲觀㗎，嗰啲少少激動行為呢，香港人又唔鍾意喇，又話佢太激動喇，掟幾隻蕉你就話激動喇，你點同共產黨對抗吖？」
評眼前的候選人，建制派他只是一句輕輕帶過，「陳婉嫻嗰啲共產黨嚟㗎啦，全部都係共產黨，或者共產黨嘅走卒啦。」他認為只有激進派能與共產黨抗衡。

在倪匡眼中，從中英談判至今，香港已經錯失多次抗共的機會，「如果嗰陣香港有百幾萬人上街遊行反對回歸嘅話，個局面又唔同㗎嘛，家你一次又一次錯失（機會），（五區）公投係好好機會畀你抗共㗎喇，你又反對，你香港人一次又一次機會錯過，有辦法都變咗冇辦法啦嘛。」

他最看不起的，是吹噓堅定不移的民主黨，「公民黨嗰班人呢，雖然有時有啲天真同埋儍，但本身都係有良知㗎嘛，唔似得民主黨班人咁無恥吖嘛！」

說到底，他對香港的前景始終悲觀，「泛民大敗有咩後果？冇㗎，香港終究都會死㗎，泛民就算大勝有乜鬼用呢？佢（中共）一定有辦法使你變成少數㗎，你嘈咩呀有乜鬼用啫，出番啖氣之嘛。」
那2017年選舉又如何？「咪同家超級（區議會）差唔多嘅情形，（例如）佢畀六個，你揀五個，或者最多到時畀四個，你咪自己揀一個囉，一定係控制住㗎，唔會有普選。」（完）
《蘋果》記者　張嘉雯

作者: 〒狂龍〒 時間: 12-9-9 01:44 AM

本帖最後由〒狂龍〒於 12-9-9 01:46 AM 編輯

都係果句，香港人作為中國既一部分，了解中國既國情我覺得合理，
而且知多D中國既國情，我認為對自己將來既前途亦可能有利，
國民教育不單單教你愛國，當中要教既野其實有好多(經濟、民生、文化、政制等).......
至於教邊一部分，用咩事例，就需要進一步既討論，
請唔好用咁片面既切入點去看待國民教育。
今次要反既，係洗腦既共產黨式國民教育，希望大家唔好覺得國民教育係洪水猛獸。

作者: 啊諺 時間: 12-9-9 01:48 AM

如果我著黑白色衫會點

作者: KA2837 時間: 12-9-9 02:50 AM

〒狂龍〒發表於 12-9-9 01:44 AM
都係果句，香港人作為中國既一部分，了解中國既國情我覺得合理，
而且知多D中國既國情，我認為對自己將來既 ...

睇嚟你只係被神洗咗腦~!

作者: 金髮色魔 時間: 12-9-9 02:52 AM

又話50人家陣仲少左成3十幾件

作者: KA2837 時間: 12-9-9 02:56 AM

普通人或者正常人係唔會攪事嘅~!

作者: 〒狂龍〒 時間: 12-9-9 03:30 AM

本帖最後由〒狂龍〒於 12-9-9 03:35 AM 編輯

POON2701：
或者我表達得唔好，我唔係話國民教育應該教你愛國。
而係我想指出香港人既睇法好片面，好多人會覺得「國民教育=愛國教育」，
其實好多先進國家都有類似教育(如美國)，只係今次特區政府諮詢差(不排除阿公做手腳)+恐共，
做左一份好差既國民教育指引，以致大家視國民教育為洪水猛獸。
香港回歸中國已經15年，同大陸接軌係無可避面既事，如果拒絕認識中國，
競爭力只會不斷下降。(我只係從功利主義分析，而唔係講愛國)

或許大家覺得呢個議題極具爭議性，如點教，教乜，政府會唔會插手，
但我地唔應該覺得麻煩，難處理，於是輕言放棄，
正正因為呢個議題具爭議性，我地更應該積極參與其中，
因為我相信如果國民搞得好，對本土市民係利多於弊。

作者: winnieyimyim 時間: 12-9-9 05:00 AM

〒狂龍〒發表於 12-9-9 03:30 AM
POON2701：
或者我表達得唔好，我唔係話國民教育應該教你愛國。
而係我想指出香港人既睇法好片面，好多人會 ...

其實講緊外國果d, 係叫國情教育

張所有歷史, 不分好壞, 展示晒俾學生, 只作歷史陳述唔引導學生認同與否, 學生會自行判斷...

加拿大既國情教育, 講國家做既衰野仲多過好野...
咁結果加拿大人有幾認同國家? 佢有個省好似係奎北克定安大略, 大數人係講法文...已經搞左幾次公投話想從加拿大獨立出黎...結果幾次d人都話唔制......

作者: 〒狂龍〒 時間: 12-9-9 12:00 PM

本帖最後由〒狂龍〒於 12-9-9 12:03 PM 編輯

winnieyimyim 發表於 12-9-9 05:00 AM
其實講緊外國果d, 係叫國情教育

張所有歷史, 不分好壞, 展示晒俾學生, 只作歷史陳述唔引導學生認同與否 ...

國情教育呢個名聽落的確較好，因為國民教育一詞的確會令人想入非非，

以致大家將國民教育等同愛國教育，有時侯就係呢D細微既地方做得唔好，引致一D大問題出黎，

我想討論既，正正就係你呢D，依家香港既問題就係將國民教育=愛國教育，

主流言論並沒有討論國民教育既好壞，只係一面倒要推倒，

以致支持國民教育既人亦都未必敢出聲，因為會招來一群人話你係共狗.......土共。

作者: 李洛克~ 時間: 12-9-9 12:34 PM

不認同你們的就是敵人
不認同你們的就是無知
因為你們是正確而且偉大的

作者: ivan1138 時間: 12-9-9 12:37 PM

10多名 sosad

作者: poon2701 時間: 12-9-9 01:22 PM

〒狂龍〒發表於 12-9-9 12:00 PM
國情教育呢個名聽落的確較好，因為國民教育一詞的確會令人想入非非，

以致大家將國民教育等同愛國教育， ...

你這樣說現在那個指引連課程宗旨也要改...........= =
最終會怎樣?四不像?...........
撤回再咨詢亦不失是一重整的方法~~

作者: winnieyimyim 時間: 12-9-9 03:19 PM

〒狂龍〒發表於 12-9-9 12:00 PM
國情教育呢個名聽落的確較好，因為國民教育一詞的確會令人想入非非，

以致大家將國民教育等同愛國教育， ...

但係而家政府想推既唔係我講既國情教育(只作所有史實陳述), 而真係國民教育(有價值引導在內), 可以幾乎話係愛國教育啦...因為佢對學生嘗試價值引導...而且係引導學生認同國民身份.

社會主流一睇就拍案而起一d都唔奇...第一, 唔只因為課程有價值引導...而且大獲既係, 嘗試引導學生認同國民身份...依點實在唔反對到底都唔係人.

作者: KennyCKL 時間: 12-9-9 03:25 PM

winnieyimyim 發表於 12-9-9 03:19 PM
但係而家政府想推既唔係我講既國情教育(只作所有史實陳述), 而真係國民教育(有價值引導在內), 可以幾乎話 ...

愛國與孝唔係一直都係傳統美德黎既咩

作者: pksmlo 時間: 12-9-9 03:27 PM

李洛克~ 發表於 12-9-9 12:34 PM
不認同你們的就是敵人
不認同你們的就是無知
因為你們是正確而且偉大的

別這樣=.=這討論不了

作者: 乂操你媽個B乂 時間: 12-9-9 03:27 PM

KennyCKL 發表於 12-9-9 03:25 PM
愛國與孝唔係一直都係傳統美德黎既咩

愛一個腐敗既國家算唔算傳統美德

作者: winnieyimyim 時間: 12-9-9 03:36 PM

KennyCKL 發表於 12-9-9 03:25 PM
愛國與孝唔係一直都係傳統美德黎既咩

嘩...要講依兩個, 打字都有排打呀...
大概, 係. 而處身現世代既我地又可以反思一下依兩樣野...

但係愛一個中華人民共和國或者認同依個國民身份, 就算用百幾年以前既價值觀都唔掂...何況現代價值觀?...

作者: 小洋少 時間: 12-9-9 03:45 PM

條友黑白衫係咪無間道

作者: KennyCKL 時間: 12-9-9 03:49 PM

本帖最後由 KennyCKL 於 12-9-9 03:58 PM 編輯

winnieyimyim 發表於 12-9-9 03:36 PM
嘩...要講依兩個, 打字都有排打呀...
大概, 係. 而處身現世代既我地又可以反思一下依兩樣野...

唔好偷換概念

正因為愛國, 正因為想國家更好, 先至會對現況不滿
無論你有幾不滿, 你都係要認中國人呢個身份, 你可以做既只係令佢改變得更好
因為國家唔好就唔想認? 咁你成世都只會做叛國者, 無一個國家係完美
而國教科入面, 當代中國只係其中一個範疇, 並唔係唯一

作者: winnieyimyim 時間: 12-9-9 03:56 PM

KennyCKL 發表於 12-9-9 03:49 PM
唔好偷換概念
正因為愛國, 正因為想國家更好, 先至會對現況不滿
而國教科入面, 當代中國只係其中 ...

下?...我咩偷換左咩?

作者: poon2701 時間: 12-9-9 04:08 PM

本帖最後由 poon2701 於 12-9-9 04:11 PM 編輯

KennyCKL 發表於 12-9-9 03:49 PM
唔好偷換概念
正因為愛國, 正因為想國家更好, 先至會對現況不滿
無論你有幾不滿, 你都係要認中國 ...

= =你唔好歪曲人意思啦.....
佢只係反對"愛國教育"和叫人反思"愛國"的國字代表什麼....唔係反對"愛國"
你將人地反對愛國教育說成反對愛國
這算是偷換概念嗎

作者: winnieyimyim 時間: 12-9-9 04:30 PM

KennyCKL 發表於 12-9-9 03:49 PM
唔好偷換概念
正因為愛國, 正因為想國家更好, 先至會對現況不滿
無論你有幾不滿, 你都係要認中國 ...

有好幾個合理原因會使我對現況不滿.
係無論我有幾不滿我都認係中國人因為中華文化有好多我都覺得好正, 而且包括而家我打緊既字, 都係中文字(雖然有好多口語同扮口語); 而現在我亦係中華人民共和國香港特別行政區人民. 我講既唔認同, 係對中華人民共和國香港特別行政區人民既身份同後面代表既政權既價值批判, 為極討厭. 想依個國家變好, 而家得番一兩個方法.....不問自明...
判國既吉屎我唔知有冇, 到時再算, 但依個中華人民共和國, 離完美依個概念之遠, 怕有數十萬光年...

而講課程, 有當代中國而唔係唯一, 依個當然唔係問題, 而且史實應該越全面越好, 但一有對佢有好既價值批判, 就係問題.

作者: 天帝之音 時間: 12-9-9 07:32 PM

香港政府的確軟弱無能

作者: qcuqcuqcu 時間: 12-9-9 09:32 PM

垃圾科哂時間

作者: 〒狂龍〒 時間: 12-9-9 10:37 PM

本帖最後由〒狂龍〒於 12-9-9 10:40 PM 編輯

winnieyimyim 發表於 12-9-9 03:19 PM
但係而家政府想推既唔係我講既國情教育(只作所有史實陳述), 而真係國民教育(有價值引導在內), 可以幾乎話 ...

所以我一直強調今次共產黨式國民教育一定要推倒，

但呢個只係一個開始，而唔係完結，接住落黎政府應該作出全面既諮詢，

如檢討點解舊有方案咁失民心，點樣先可以做到一套對大家有好處既國民教育。

縱使呢條路唔簡單，可能要花幾年既時間，但我認為唔緊要，

因為有願景既話，總有一天有利大家既國民教育係能夠出爐。

我再次強調，就現階段我認為不妥既地方係社會主流只有推倒方案既聲音，

搞社運嘛！好似好熱血，好浪漫，咁推倒完之後點呢？

似乎只會番番起點，大家依然恐共排共，唔願意了解中國。

作者: CHoK!麟=) 時間: 12-9-10 04:12 PM

雖然我反國教，但我地呢個社會更加要容納到唔同人既聲音，既人地持相反意見就推到，這樣永遠都達唔到共識，反而另更多未消化既人為反而反，即使佢地支持國民教育，我地都要尊重佢地同理解佢地點解支持先再作評論!

作者: xo小馬ox 時間: 12-9-11 01:31 PM

〒狂龍〒發表於 12-9-9 10:37 PM
所以我一直強調今次共產黨式國民教育一定要推倒，

但呢個只係一個開始，而唔係完結，接住落黎政府應該作 ...

因為有願景既話，總有一天有利大家既國民教育係能夠出爐。

係內地唔知幾時先有咁既一日

作者: ☆魔鬼皇☆ 時間: 12-9-11 01:59 PM

屌...........又係一班自說自話既人反國民又好支持國民都好各有各做野啦

點解要講人絕食唔岩宜家支持國民既人都有人絕食依兩班人係唔係為減肥新增籍口辦法

我要學杜先生一樣理9得你地支持定反對我坐在家中大魚大肉睇電視睇你地班仆街絕食餓到暈有幾咁得意

作者: 〒狂龍〒 時間: 12-9-11 08:45 PM

本帖最後由〒狂龍〒於 12-9-11 08:47 PM 編輯

xo小馬ox 發表於 12-9-11 01:31 PM
因為有願景既話，總有一天有利大家既國民教育係能夠出爐。

係內地唔知幾時先有咁既一日 ...

內地唔知啦,始終內地國情我唔太熟悉，但我有感香港真係要做番D野，自回歸而來，

吵吵鬧鬧絡繹不絕，錯既野當然要插要否定，

但撥亂之後更重要既係反正，香港最缺乏既就係有建設性、長遠既發展計劃。

我翻查過一D資料，回歸後呢十幾年，大多政策都係頭痛醫頭，腳痛醫腳，

香港基本上都係維持現狀，相反，周邊城市卻一直追趕香港，

如果香港只係諗住繼續靠自由既經濟體系、完善既法律制度等食老本，

只會固步自封。

歡迎光臨 2000FUN論壇 (https://www.2000fun.com/)