2000FUN論壇

標題: 【新手入門攻略】　新手教學 - 一內大圓 (二內新手入門篇 / 創造屬於自己的團隊) [打印本頁]

作者: 火天使 時間: 12-9-28 02:44 PM 標題: 【新手入門攻略】　新手教學 - 一內大圓 (二內新手入門篇 / 創造屬於自己的團隊)

本帖最後由火天使於 12-11-5 04:30 PM 編輯

前言: 只幫新手,不牽涉江湖爭執

未玩隻GAME前, 先講一講解,同埋 D用語先

(貨幣) - 分為2種 1種叫碎銀 , 1種叫銀子[官銀]
－碎銀,限於同npc 交易例如買工具 / 種子 / 搭車 / npc所用
   (不能跟玩家交易 , 每天限使用360兩)

一官銀,玩家流通之貨幣, 無限制使用數量 (需要勾選才會使用)

基本上, 官銀係唔會花在npc身上。

(等級) - 以往既遊戲等級換取成為內功等級 (而內功等級係用時間維持上去)
就假設每100秒就會用1點歷練換成 380exp 注入去你選擇既武學入面 ,
而當中都會有部份 exp 係會換成修為。 (每個任務都有歷練)
即 100秒會將1歷練分裂  換成 380 exp 入你武學同埋有 X exp 會入修為。
當中注入武學既exp 係固定 , 而入修為既 exp 係可以食藥/求簽..etc 去大幅增加。

－修為exp 就等同一個銀行exp , 幫你儲起左, 修為exp就係用黎注入武學exp。
注入武學exp 有2個方法, 就係左上角既演武同團練。
演武 : 就係用碎銀黎,將修為換為武學點。 (碎銀上限:50兩 , 官銀上限:100兩)
團練 : 形式仿照勁舞團玩法, 人數愈多轉換愈多。 (疲勞值100% 不能再轉化)

(武學) - 俗稱武功, 內功不同武功 , 內功就如等級 , 而武功就如技能等級。
而武功同內功升等級係重疊,即不能同時進行 ,每次只能選1種。
遊戲中有好多種武功 , 而每一種武功都有一套招式。 (你可以將成隻GAME既武功全部學齊)
例如 A 武功有5招 ,即A1,A2,A3,A4,A5。
例如 B 武功有7招 ,即B1,B2,B3,B4,B5,B6,B7。
每一套武功互換既時間係 7秒。
大多數武功其中一招為大招, 需要怒氣點才能使用 , 攻擊/被攻擊都會增加。

(名駿) - 簡稱vip ,包月30日為240點即60HKD, 3日24點。(新手可以小試一下)
http://www.gameone.com/sales.php  此為GAMEONE提供最低價為$20HKD

(經脈) - 係頭像對下小小有得開啟,選返對應既經脈黎開就ok, 其餘2條自己喜歡
經脈即係固定實力,唔會因為內功心法轉換而變弱

最大用途: 能夠離線歷練轉換武學/修為 (數值跟上線轉換一樣)
名駿轉換武學為380點  /  非名駿轉換武學為266點
打工額外有官銀贈送最高為 50兩。 (8點=1金 1金=10兩金即為買點數商品是貨幣)
倉庫增加一半。
綁架賺取官銀多十倍。
可離線擺檔。

============================================

用TXT 作草 , 再貼上 , 預留2POST。

此為討論POST, 有各問題唔明都可以回覆詢問。
(本人未必全部識)

作者: 火天使 時間: 12-9-28 02:45 PM

本帖最後由火天使於 12-9-29 10:13 AM 編輯

七日內立足於江湖 -

建議先選擇鳳凰 / 天子劇本 , 出生點近成都
原因: 因為比較近金針 / 徐家 (踢館)

必備皆品 - 名駿

新手教學唔介紹 , 門派大約開始有一套內功心法同一套武學。(只升門派內功即可)
(中間會教埋你團練 / 記住個團練地點係邊,人群通常係個到聚集)
一起手記住就要SET 定係升門派內功心法 [呢到已經可以開定名駿]
完成晒支線既門派任務先後,就可以跟隨主線返去原來既村鎮。
有多餘既碎銀就用演武谷到門派心法去到2層。 [ 當然要有修為,可食修為藥]

未到2層就住D普通任務先同去學採集技能(遊戲中採集技能可全學)。
當2層後就可以去學制造技能。
(不建議鐵匠 / 如想賺錢就選裁縫, 補給品可選藥師或煮飯)
[此款遊戲必須要吃食物,以免飢餓] [如有需要可用1金換10兩向玩家買包大約70文=1個)
新手可以種田/採礦/伐木/養蠶/打獵去賺銀子。 (打怪出既布要留住)

呢個地步只要一直順住主線任務就會去到學習陣法三才陣。 (猛虎下山初期最強既招式)
玩到呢到應該就內功心法係三,四層
(記住歷練係必須要有 , 無歷練轉唔到點數)
修為大約應該有2-3萬左右, 就可以返去寶地團練啦
就應該差吾多可以上到第五層。 [上唔到只係時間問題,可以做住任務/生活技能等武學轉換)

重點: 如果要訓覺的話,最好招內功心法係計到岩岩好用最長時間,唔係會浪費左。
(即如果1小時之後先升，　可以用演武黎提升,再訓覺,
咁下一個等級可能4,5小時就可以直接跳過咁既效益係最好)

開啟新手保護- [因為去到5層之後就會無左新手保護]
所以作為新手可以按G制 , 左上角祈福 , 搵祈求工藝 -> 世外桃源比15碎銀就可以換回 1小時安全
(1日可以換6次)
基本上玩呢隻GAME 唔係全日打都夠晒保護再加上佢比既係碎銀
你有做下任務 d 碎銀跟本係用唔晒

當你到6,7層內功心法,就可以去做綁架賺取官銀,只要向離線玩家用迷藥(雜貨店買),就可以帶走。
當然你可以係N制江湖黑心綁架, 選擇返自己地方名會有邊個NPC收人。(有時候去到會冇講野)
PS: 小心你一綁架就會任何人都打得
如果有名駿識搵人綁可以有10兩官銀左右同埋一小小碎銀。

順便可以入幫會,運鏢(唔記得左得5得), 踢館 (金針/徐家) , 返門派好似有第二套武學。
踢館係必須,因為需要 2本輕功 , 扶搖同飛雲(必定), 飛雲可以穿刺飛行, 任何情況都好有用。
同埋仲會有碎銀,歷練。

當刷完做晒所有必定要做既事,演&練你差不多就10層。
原則上呢個級數就係江湖上既小混混。

==================================================================================

本人用24點3日名駿測試
(補充: 我前幾日用左3日既名駿去內修一隻分身,只食歷練丹(運鏢直接加歷練個隻藥,
演武去衝一D 要訓覺升新一層,冇食歷練藥冇團練, 大約可以升到內功心法16層,
如果有食歷練藥配團練 , 差不多可以 3日內18 - 20層內功心法。)

==================================================================================

而去到10層既時候就可以去做門派既刺探任務, (必做因為有門牌拎 , 同埋有歷練),
再者就係去做返一部份既生活技同埋將歷練提高到500以上
初期,呢段時間就係去打好原來既基礎。(生活技/踢館/綁架/任務/運鏢)

大約到14層時候就可以去返門派學埋第三套武學。 [基本除左團練/刺探都好小返門派)

呢個層數就可以去蘇州行一行, 去右面船夫可以進入到慕色呢個副本,
基本上可以6個人分助理 2個三才陣就過到,
去到三王個到就會有3個江湖殺手(即其他玩家參戰),
如果實力比較強的可以一個打江湖殺手其他五個打王
實在唔得先至2個人去打江湖殺手 (只要擊倒唔好擊殺就可以減低佢地重生時間)
[25層左右就可以三人通關 1人擋殺手 ]
往後都唔多講啦。

重覆多次啦, 隻game係要用時間黎去慢慢提升武學,快則都要3,4日先上到20層。

假如去到第21層既時候, 就先到洛陽學龜元陣 (城內npc 解任後可學成) ,
黎到呢一到有2種玩法 - 先升武功 / 或升到 25,26層先再升武功

修練武功-
記住係升常用既一套就足夠 , 將1招常用升到3層其他可以選修2層大招都先升到2層。

修練內功-
原因: 因為25,26層可以將經脈打通到36回,經脈封頂就要盡早打通到36回。

以上大約會用1日時間左右。
完成以上流程大約係第5,6日。

有左龜元陣可以繼續刷慕色或挑戰青雲。

第七日既時候我相信你應該去到22~24層 (依照你熱誠團練/修為藥/演武/求簽/巡邏/寶地)
繼續去磨練到26層。

26層即爐火純青差不多有2000血。
就可以轉升返技能將你認為要升既武學達至 5層。
因為你已經有足夠既保命條件,同埋掌握左基本要應對要求。
呢個級數足夠令你去應對比你高幾個階級既對手,不至於內功不足。(當然係要靠技術)

恭喜您! 爐火純青已經足夠令你成為一個武林中人。
成大俠還是入魔或者係為利益而殺人? 一切你都有得選擇

作者: 火天使 時間: 12-9-28 02:46 PM

本帖最後由火天使於 12-10-17 03:24 PM 編輯

踏進二內旅程

當你凝煉好個人既武學同心法 (有用大招/小技先升到5等)
就開始教你踏足江湖

預計10日左右就能將武學大成同埋升為2內境界

武學呢一段千萬唔可以馬虎因為2內境界你所遇既對手就係另一種層次
[就如小學稱霸稱王 , 係中學只係剛有入場資格)

所以欲速則不達, 需要慢慢穩固好實力先去繼續提升上去

補充: 2內15層先等如 1內30層

好多新手往往想提升等級而忽略左武學
即使遇到只有1內2X層既玩家

就如2500血每招打100 對 1500血每招打300 既分別
(同埋每一招都係連住下一招 , 所以一套既連招 , 基上可以打出千幾傷害)

當你係2內層次, 你所遇既敵人都會係你之上
例如 MS困 / 青雲所遇到既通常都係實力高一班既玩家

----------------------------------------------------------

裝備方面: 銀裝往後再打算,因為你仲係剛起步上

先預備100兩係身 , 係攤檔用60兩汁返一套銅防裝
(不用加工,耐久為0可以分解,用完即棄)

另外20-30兩就係收一把武器 - (如果長用就4開, 傷或者靚招)

一套銅裝聽聞係有加成防力
----------------------------------------------------------

藥物方面: 用10兩收返 2分鐘HP藥 , 因為一場禁地基本上都用5粒以上
同埋實力達到2內水平, 一般都會被徵召作戰。
----------------------------------------------------------
基本上爐火純青已經會被捲入江湖 ,二內實力就係完全踏進江湖。

即使突然被襲擊, 都已經無法避免。[1內未大圓時候都可以話係新手]

============================================================

二內呢段時間基本上都係用時間黎提升要想快提升只能用官銀演武

呢一到大約要用10日左右先能夠修煉到 2內25層
(因為武學已提升,所以可以只專精內功心法)

但不等如沒事做...因為基本刺探/門派戰/ 要取門派牌先可以換到2層31層
仲有打禁地去打材/配方賺取官銀

主要事項:

需要組織自己勢力, 雖則有幫會,但係江湖之間幫會未必會插手,而且方便自己。

例如
追截擾亂 , 有唐門,錦衣。
輸出需求 , 有娥媚,武當,君子,丐幫。
團戰控場 , 有極樂,少林。

再利害既玩家,都好難以一敵十,所以擁有自己團隊都好重要。

當你有真正自己既團隊, 幫派戰,門派戰,師門戰,都能夠成為其中一路人馬。

而且禁地 / 踢館 / 世王都可以隨時打, 唔需要為找人而頭痕。

作者: kenlam_2204 時間: 12-9-28 09:20 PM

一個好帖就咁沈左,sad...
樓主可唔可以做我師父/FD?
我新手,好多野都唔明
問下
做完第1章任務之後可以做咩
第2章做唔到

作者: Hacker2 時間: 12-9-28 09:46 PM

kenlam_2204 發表於 12-9-28 09:20 PM
一個好帖就咁沈左,sad...
樓主可唔可以做我師父/FD?
我新手,好多野都唔明

第二章需要3內20 香服貌似未開放到呢部分內容

作者: kenlam_2204 時間: 12-9-29 06:37 AM

回覆 Hacker2 的帖子

唔係話到內功10層?
咁呢段時間有咩做

作者: 火天使 時間: 12-9-29 10:16 AM

已更新埋晒 7日上手江湖

作者: 話你知我都傻 時間: 12-9-29 01:01 PM

好好丫呢個post 岩岩去到15lv內功唔知要做咩好~唔該哂

作者: 紫菜豆腐湯 時間: 12-9-29 01:09 PM

樓主好有心機, 支持一下

作者: 〤啤少〤 時間: 12-9-29 01:34 PM

最大用途: 能夠離線歷練轉換武學/修為 (數值跟上線轉換一樣)
名駿轉換武學為380點 / 非名駿轉換武學為266點
打工額外有官銀贈送最高為 50兩。 (8點=1金 1金=10兩金即為買點數商品是貨幣)
倉庫增加一半。
綁架賺取官銀多十倍。
可離線擺檔。

所謂既打工即係咩黎?

作者: 令狐小龍 時間: 12-9-29 01:36 PM

〤啤少〤發表於 12-9-29 01:34 PM
最大用途: 能夠離線歷練轉換武學/修為 (數值跟上線轉換一樣)
名駿轉換武學為380點 / 非名駿轉換武 ...

離線後系統有機率分配工作比你
名俊先打工有官銀

作者: 火天使 時間: 12-9-30 10:48 AM

本帖最後由火天使於 12-9-30 10:48 AM 編輯

小推一下~~~~~~~~~~~~~~~~~~

等實力再提升再介紹@@
後補返d 遊戲介面

作者: fanfan65 時間: 12-10-14 10:39 AM

實在感激簡直是我的明燈

作者: 魂泣: 時間: 12-10-18 04:41 PM

好難吾支持好堅！

作者: winniepark 時間: 12-10-19 12:38 AM

感謝~~~頂!!!!!!!

作者: Roberto 時間: 12-10-21 05:19 AM

樓主, 你依篇野勝過我睇足幾日國內攻略!! 萬分感激!

作者: 火天使 時間: 12-10-21 08:49 AM

有時候簡單講述再自己去慢慢領悟會好玩好多

作者: wfeel100 時間: 12-10-29 01:55 PM

勁野！！！多謝指教！！！

作者: 火天使 時間: 12-11-5 04:30 PM

呢幾日會出埋 2內36 登峰篇

作者: Ivan3336 時間: 12-11-10 01:59 AM

回覆火天使的帖子

大大,我已完成主線一,而二章玩不到
還有亂雲澗有一個勁NPC,又做唔到任
是不是要打副本,又未夠實力.
門派內功三層,套路用不用學埋

作者: 火天使 時間: 12-11-10 09:09 AM

Ivan3336 發表於 12-11-10 01:59 AM
回覆火天使的帖子

大大,我已完成主線一,而二章玩不到

主線二需要三內20層先學到 -

基本上門派送的套路都會全學

但通常只會常用其2套

作者: Ivan3336 時間: 12-11-13 05:19 AM

回覆火天使的帖子

THX!!我現在一內五層

而套路用不用升層數

作者: 火天使 時間: 12-11-13 09:04 AM

Ivan3336 發表於 12-11-13 05:19 AM
回覆火天使的帖子

THX!!我現在一內五層

先將心法提升到25層或30層先去升返套路

作者: Blueoneone 時間: 13-1-5 09:39 AM

Very useful. Thank you

作者: badmanfavour 時間: 13-6-15 06:18 PM

小推一下, 多謝指教

作者: roy444 時間: 14-1-15 04:53 AM

為甚麼新手村的生活指導例如採礦和捕魚
未採集成功便會工具損壞
1點生活經驗也拿不了
試了多次也是同一種令我花了幾両碎銀

作者: yunghiesn 時間: 14-9-5 11:43 PM

多謝分享

作者: hellopippen 時間: 17-5-20 05:29 AM

Good Good Good

作者: gn01190033 時間: 17-6-7 02:34 PM

樓主新手入門攻略好實用, 多謝分享

歡迎光臨 2000FUN論壇 (https://www.2000fun.com/)