2000FUN論壇

標題: 新場「致命交會」之全攻略 [打印本頁]

作者: BenL2418 時間: 12-10-4 08:32 PM 標題: 新場「致命交會」之全攻略

全新災厄之章「致命交會」出嘅新圖，相信各位都有係咁去刷為咗豐富獎品；而相信好多人都叫好難打，話boss太屈機開外掛，因此小弟今次就同大家分享一下「致命交會」致勝之路嘅細節吧。

以下係基本「致命交會」準備要點。

打好基礎

打任何災厄場，各位都係有必要升血升攻到MAX為止，當然有大把玩家都最好有5A或以上A上戰場，終極生死戰就係一個好例子；但係「致命交會」冇咩需要一定沖5A，因為第一關有好大空間你慢慢殺屍升MAX，而且唔似終極生死戰困獸鬥，因此係第一關玩家要做嘅基本功，就係升MAX。

由零開始

當然有好多玩家會中途入場，見打到咁慢就離場搵另一個打Boss場，喱個諗法係玩家一直都想混水摸魚，但係真真正正一場災厄最好由零開始，因為中途入場會令玩家失去沖MAX嘅機會，記住我地打災厄係「搶打」而唔係「挨打」，打好基礎，到咗Boss場就唔會好無癮咁俾Boss一下秒殺，不斷重覆復活、重生、復活、重生，咁樣打法小弟都會無癮吧。

當然，未做好萬全準備，係第二關你只會「挨打」。

萬全準備

所謂萬全準備，就係各位打「致命交會」嘅關鍵。任何災厄都講求團結合作，「致命交會」分為兩關，而中途加入嘅玩家自然係任何方面都比其他玩家輸蝕。第一關最後打安資器之前會有最後一個購買點，而果邊就絕對係沖MAX最佳之地。當有人未MAX，就係果度沖哂先好打Boss，請唔好太過注重時間，因為為咗時間而沖上終點，最後打Boss失去太多隊友，係一個非常愚昧之舉。因此各位玩家最好遷就一下中途玩家做萬全準備，升哂Max後就自然會打Boss打得得心應手。

若果未做好萬全準備沖MAX，就休想係第二關有多於5分鐘嘅戰鬥。

以下係基本「致命交會」戰略與戰術解說。

武器選擇

相信武器係各位打災厄必會注重嘅事項，小弟就認為由第一關開始最佳推薦震天龍砲，各位去打野團就知點解了，震天龍砲可以大範圍而且武力地清屍，不過換彈需時間，因此各位最好輪流交火而唔係齊射，因為齊射唔可以保証你有冇命中目標，而且當一位玩家換彈時，另一位玩家就射，咁樣可以保證各位冇時間有機會比屍進攻。當然要有咁多支震天龍砲絕對要有玩家有6A中嘅資金，越多玩家有震天龍砲&資金A就越好。當然震天龍砲之外，其他武器都好實用，例如赤獄魔龍、噬魂者、命運金鑰、貝西摩斯之爪等。
第二關開始相信都係究極彗星AT4CS當道，打過終極生死戰嘅玩家一定知道原因，因為AT4CS有效可以打Boss造成大傷害 ( 圍射果陣 ) ，而屍群又會造成問題，因為AT4CS要解屍群圍只會對自己造成傷害先解圍，而且爆破類武器又會有機會造成保羅船長自爆而今玩家受傷，因此小弟推薦一個或者兩個玩家用煉獄之怒負責清屍，反而機槍係第二關冇咩機會出到，除非真係冇槍果陣，因為困獸鬥切忌用機槍殺屍群，殺屍群就最好交由煉獄之怒。負責打Boss嘅，首選AT4CS，其次為貝西摩斯之爪、赤獄魔龍、噬魂者、命運金鑰。手槍係榻榻兩關入面冇咩要求，不過一定要高傷害及高射速；近戰武器就以大範圍為首，每人一定要有防彈背心+頭盔、至少一個手榴彈。

AT4CS係打Boss首選。

貝西摩斯之爪打Boss唔錯。

第一關要點

第一關係一定要沖哂MAX準備第二關，係到第二關之前有幾個要點要注意 :
●留意一切情況。打災厄一定要做嘅事情，小心雷比亞、保羅船長、達叔陷阱、地獄犬。
●當務之急。要知道打災厄一定要分清楚咩係重要，咩係唔重要。例如有好多保羅船長果陣，最好拉距離而唔係用槍。
●切勿等Shortcut。等Shortcut雖然可以省時間而唔受傷害，但係會失去一切沖MAX嘅機會，咁樣不但要多花時間等其他玩家等你沖MAX，而且時間又會花耐一點。
●勿做負戰力。當然每一位玩家唔會歡迎低戰力嘅玩家。
●勿掛機。只會令其他玩家踢你冇好處吧。
●集火雷比亞。雷比亞絕對係大家花多時間嘅原因，因此好多玩家掛住闖關冇理會落後玩家，結果落後玩家就俾雷比亞虐殺，不但花時間，又會發生短暫卡關嘅情況。
●團體精神。緊記唔係只係得你一個人闖關，見有人要幫手就好幫。
●第二關前沖MAX。已經係上文解釋，做好準備，最好機會沖MAX就係第二關前嘅最後購買站或者隔門打屍。
●通風口唔係避屍之地。通風口雖然令你可以升上空中，但係落黎果下會受傷，而且地獄犬又可以沖上黎打你，倒不如最好唔好上通風口。
●運用地形、廳指示。基本上第一關冇咩地形好用，不過當諾門大動肝火叫「該死 ! 基地怎會有人養狗狗 ? 」果陣，一切地形就可以運用，如通風口 ( 不建議 ) 、天花板開始有地獄犬跳下果度嘅機關位 ( 需一位玩家幫手上 ) ；而諾門俾你嘅指示就一定要廳。

第二關要點

第二關為困獸鬥，絕對要緊記 :
●留意一切情況。打災厄一定要做嘅事情，小心保羅船長、達叔陷阱、地獄犬及屍群圍揪之危。
●當務之急。要知道打災厄一定要分清楚咩係重要，咩係唔重要。例如俾Boss盯上係走定係開槍。
●勿做負戰力。當然每一位玩家唔會歡迎低戰力嘅玩家。
●勿掛機。只會令其他玩家踢你冇好處吧。
●團體精神。緊記唔係只係得你一個人闖關，見有人要幫手就好幫。
●良好玩家通訊。要知道玩家嘅通訊都可以改變戰局，一下加油都可以激勵士氣。
●留意走位。當然困獸鬥絕對要睇走位，要一面面對屍群，一面面對Boss攻擊。

只要避得開，就可以反擊。
●利用道具之時機。困獸鬥絕對要用上治療卷及復活卷，抓緊時機先好用。
●留意Boss之分身。當諾門叫有分身果陣，首要任務係打分身。第二關有一大難題就係玩家唔打分身引致3隻Boss殺身之禍。Boss嘅分身為近戰及砲戰，最大問題就係玩家想打分身又分唔出邊隻係分身，若果係咁就最好由分身一出果一刻緊盯分身集火。
●留意諾門指示。諾門係第二關之中全都係重點 ( 雖然第一關太多廢話，不過第二關就一定要留意 ) ，因此唔好太投入而忽略諾門，因為諾門會講幾時Boss有分身、幾時會聯合攻擊。
●士氣保持高昂。若果士氣低落，就會影響整個戰果。

基本上最後階段有咁多人都可以講係勝算在握。
●解圍。屍群為困獸鬥之難題，若果有玩家被困，一定要解救。
●買槍及派槍。要知道，第二關嘅情況大多都係缺錢買槍而用把MP5死頂，咁樣一定唔得，有錢嘅玩家最好派槍俾其他冇錢玩家，好俾機會集火。

咁著頂法，1分鐘都冇就死。
●集火Boss。當然困獸鬥唔好打時間戰，玩家唔打Boss就唔會有意義。打Boss最好方法係集火，AT4CS係第二關嘅好幫手。
●最後一點，亦係最重要嘅一點 : 有勝利嘅信念。若果你冇勝利嘅信念，就唔會有心打落去。保持勝利嘅信念，當Boss倒下果一刻將會苦盡甘來，美好獎勵亦會出現。