2000FUN論壇

標題: del............... [打印本頁]

作者: cyw00112 時間: 12-10-8 10:27 PM 標題: del...............

本帖最後由 cyw00112 於 13-6-22 03:44 PM 編輯

del....................

作者: 花濺淚v3v 時間: 12-10-8 11:25 PM

本帖最後由花濺淚v3v 於 12-10-8 11:33 PM 編輯

問題1.　你愛她?
問題2.　你愛她?
問題3.　你愛她?

其實我想問你一個問題
你擇偶條件　係咪一定要一齊返工一齊放工?
分隔兩地只係小問題
因為相愛既話
無論地理相隔幾遠　心中距離不變

如果你一日吾話比佢知你鍾意佢
佢永遠都吾會知道

定係你想等到佢面書更新感情狀況先同表白?
定還是等佢發結婚請帖比你既時候先講比佢知你一直鍾意佢?

其實我好同情你　因為你企左係呢個關口度
鍾意左一個知己
怕表白之後發現自己會錯意
又怕會嚇親佢　最後連朋友都無得做

其實一開始我叫你問自己三次　你係咪真係愛佢
我都有試過鍾意左自己一個知己
但最後發現　只係好感
弄錯愛戀跟歡喜　已將關係處死

中學階段既時候
我暗戀左一個女仔好多年
因為我一直將呢件事收埋係心裡面
換黎左我宜家極大既後悔

的確　表白之後有可能連朋友都做吾成
但係一日吾表白、一直拖一直等
終有一日　你會好似我咁　後悔一世

每日只可以上面書
望到佢同另一半既合照
我自己就一個係電腦屏幕面前苦笑

比我揀多次
一定會把握時間表白
吾好比機會自己後悔
呢一點我永遠彌補吾返比自己
希望你吾好重蹈我覆徹

再講
你地有KEEP住腥message、傾計
其實你應該要知道佢鍾意咩類型男仔架

作者: cyw00112 時間: 12-10-9 01:04 AM

首先..多謝你禁認真答我...我諗你當年都係深同感受

我岩岩認真反省諗過..我可以答..我真係好愛佢...
無錯..我真係好愛佢!!
我唔甘心只係維持係呢個關係到..但係我又怕我地朋友都無得做...
我地傾開計...好小係講愛情既野..即使係講愛情既野..我地都係好快就閃過
佢曾經問過我中意邊個...我果陣就禁答佢個名..佢只係當我玩...:哈哈哈.好感動wo.係咪要笑
之後我就唔夠膽表白...係咪我信心唔夠..

作者: 花濺淚v3v 時間: 12-10-9 04:47 AM

本帖最後由花濺淚v3v 於 12-10-9 04:53 AM 編輯

cyw00112 發表於 12-10-9 01:04 AM
首先..多謝你禁認真答我...我諗你當年都係深同感受

我岩岩認真反省諗過..我可以答..我真係好愛佢...

心有不甘...

咁你可吾可以答我
你幾時發現自己鍾意左佢?

定還是你身邊一直都比較少異性朋友
所以你先會愛上你呢位女性知己呢?

如果你今次表白
佢同你講：「你吾好又拎呢D野黎玩啦」
咁你又會點答佢?
你會吾會因為緊張　同時驚表白衰左會連朋友都無得做
所以又答佢：「講笑之嘛。」　你會吾會係咁樣答?

如果要表白　絕不能兒戲
要切切實實比對方知道你既心意
同埋要令對方覺得自然

曾經有一位朋友　佢同我講過一句說話
佢同我講　當你鍾意一個人
自自然然腦海裡　會經常諗起佢
諗起同佢相處時發生既趣事、諗起一D關於佢既開心事
之後會一個人傻笑
呢D野好正常　大家都經歷過
暗戀明戀相戀失戀　都會有呢D經歷

但當你地兩個一齊之後
完全係另一回事
吾好因為眼前既景象
同你既想像有距離、有不同
而後悔係埋一齊

說地談天的知己　變身枕伴的你
合著眼睛先了解　難努力纏綿吃力迴避
我POST歌詞　希望你會有所領略

你話你真係好愛佢
咁你了解佢嗎?　愛佢同埋了解佢
絕對係兩回事

呢一刻　我希望你係心裡面默想
數一個佢鍾意既地方　數三套佢鍾意睇既戲
數五樣佢鍾意食既野　數十件佢同你講過既事

很無聊吧?　我當初就係數極都數吾出
即時大家成日傾計　但係原來自己一直都無將呢D野放上心
不上心　就是不上心
如果你真係好喜歡佢好愛佢
心裡面只有佢既話
那麼你剛才不會有疑惑

如果你好輕易就數到出黎
我相信你真係愛佢

但係　純粹愛佢是否足夠?
繼續睇落去

講左咁多野都彷彿潑緊你冷水...
真係吾好意思
BTW我地只可以比意見你參考
最終決定權係你手上
你吾一定要聽其他人既評頭品足
但至少你一定要對自己有自信心

拍拖　係一場馬拉松
你必須要有持久力同埋長跑既心理準備

長跑同短跑最不相同既地方
就係長跑跑速好平均　不快也不慢　不高也不低
要量力而為　睇清自己實力
切忌一開始就全速前進
只會加速你既失敗

有一個女仔同我訴苦
佢話
男仔同女仔拍拖　一開始一定會對女仔特別好
就好似買左一棵新植物返屋企開始養
每日頻頻淋水　好悉心栽種　覺得佢每一塊支葉都充滿美感

但久而久之　一個月、兩個月、三個月過後
日對夜對　開始失去當初果份神秘感同埋迷戀
因為你已經對呢棵植物相當了解　再無法從佢身上搵到新樂趣
同埋日以繼夜不斷淋水　你慢慢會覺得累
當你一累　你就吾想再栽種呢一棵植物

感情　也同樣
所以你必須要有一個覺悟
你愛佢　就要當佢家人一樣愛護
而吾係一首流行曲　
今日做左你不停Loop既歌
但明日就聽厭

最後　戀愛吾係紙上談兵
我地無攻略　亦都無得預知結果

如果你有信心　可以一直拖住佢隻手走落去
如果你係肯定　你愛佢並非一時三刻既事
如果你將我以上講既野都一一反駁既話
Then, go ahead, and no regret.

作者: cyw00112 時間: 12-10-9 01:39 PM

謝師兄認真的回答

我同佢高中3年都係同班..我係最後1年分開之後先開始愛上佢....
我思考過你給我既意見....我腦海中..真係會經常想起佢.我諗起我地高中kai果陣.諗起有時whatapps既好笑野
什至諗起佢個樣
對於了解佢....我雖然數唔到五樣佢鍾意食既野..但係我相信我可以數得出有邊幾樣佢唔中意食...!!
確實..戀愛係一場長跑...所以我想佢同我一齊跑..我唔想放棄好難得先撞到有愛既人...
最後...根據你既意見..我更加確定左..我真係好愛佢..好多謝你:)

作者: kkkk12345kk 時間: 12-10-9 05:01 PM

高中3年????SO?????
有幾愛呀????

作者: kkkk12345kk 時間: 12-10-9 05:03 PM

回覆 cyw00112 的帖子

分開先黎中意?????玩野牙???

作者: cyw00112 時間: 12-10-9 05:12 PM

kkkk12345kk 發表於 12-10-9 05:03 PM
回覆 cyw00112 的帖子

分開先黎中意?????玩野牙???

師兄...你連貼了

回答你既問題...
我相信分開左...唔代表唔中意..
分開既只係我地地方唔同...
根據上幾樓既師兄所講.我認為愛情係無距離...

作者: 花濺淚v3v 時間: 12-10-9 09:48 PM

cyw00112 發表於 12-10-9 05:12 PM
師兄...你連貼了

回答你既問題...

補充一句

只有韌性強勁的橡皮筋，才不易扯斷。

作者: 〞kIu﹑ 時間: 12-10-9 10:04 PM

以下純粹個人意見

其實我覺得一個女仔成日搵你WHATSAPP既
關心你既都會代表對你有好感

我覺得你地都有機會發展
佢問你係講緊邊個? 可能就係想你答係佢

所以,如果我係你
我就會慢慢暗示,試探下佢
之後就表白
咁樣成功率應該幾大

作者: 花濺淚v3v 時間: 12-10-9 10:10 PM

樓上女版主既意見都好有用
始終女仔易摸清女仔心理

作者: cyw00112 時間: 12-10-9 10:12 PM

....呢加既情況..變左..自從上個禮品我無答佢之後..呢2日佢好始變左第2個人禁...我whatapps佢.佢唔應我禁...
佢係咪嬲左....?但係我自己睇番D msg..又好始無咩野禁...

作者: 〞kIu﹑ 時間: 12-10-9 10:35 PM

問心果句我成日MSN/WHATSAPP搵男仔傾計
程度上都係對佢有好感

作者: cyw00112 時間: 12-10-9 11:02 PM

本帖最後由 cyw00112 於 12-10-9 11:20 PM 編輯

大家好..我終於示左愛啦....我唔知佢既回覆係點...但係我相信我既心意會去到佢到!

作者: K.Isos 時間: 12-10-10 04:21 PM

巴打, 你有無睇那些年?
你想好似個男主角咁人地結婚先表示出黎?
到時候只能送你一句 too late!
大家年青, 其實根本唔需要諗咁多, 只要你係真心鐘意個女仔
其實睇樓主你打既野, 我未係好感受到你對佢既愛
可能裡面有好多野我地唔知
所以, 建議一句, 真係真心鐘意就同人講, 哩個世界唔再分男追女女追男
我自己覺得為左自己既幸福無需要理會太多, 因為幸福永遠只屬於自己
而且無必要因為塵世間既種種, 咩住一大堆責任
千祈唔好以為同左個女仔一齊就要點點點
好多時比左咁多壓力自己到後來搞到分手
我聽好多人都話同個女仔/男仔一齊壓力幾大幾重
其實好多時都係自己比壓力自己
比你既建議係咁多加油啦巴打

作者: 花濺淚v3v 時間: 12-10-10 11:41 PM

cyw00112 發表於 12-10-9 11:02 PM
大家好..我終於示左愛啦....我唔知佢既回覆係點...但係我相信我既心意會去到佢到! ...

Through wtsapp?
表白一定要當面
令對方覺得你係真心
而吾係一時之氣

作者: cyw00112 時間: 12-10-10 11:58 PM

花濺淚v3v 發表於 12-10-10 11:41 PM
Through wtsapp?
表白一定要當面
令對方覺得你係真心

我同佢講左...你有答案先搵我...呢幾日個心好始唔知點禁....

作者: 花濺淚v3v 時間: 12-10-10 11:59 PM

cyw00112 發表於 12-10-10 11:58 PM
我同佢講左...你有答案先搵我...呢幾日個心好始唔知點禁....

咁你係wtsapp問佢
定係當面問佢

兩樣野完全吾可以相提並論

作者: K.Isos 時間: 12-10-11 01:14 AM

個人認為表白哩D一定要當面
咁樣先係誠意同認真既表現
因為好多時文字係表達唔到人既感情
就咁睇D字有可能比人地既感覺同自己真心諗既有差別
如果有人whatsapp或者sms/fb之類同我講哩d野
通常都覺得佢玩野多過認真
衰d講句, 真係彩佢都傻

作者: 花濺淚v3v 時間: 12-10-11 02:27 AM

K.Isos 發表於 12-10-11 01:14 AM
個人認為表白哩D一定要當面
咁樣先係誠意同認真既表現
因為好多時文字係表達唔到人既感情

我認同
用Wtsapp/msn/fb示愛其實只係細路仔玩泥沙既表現...

告別幼稚的戀愛觀吧....

作者: 〞kIu﹑ 時間: 12-10-11 08:43 PM

不過如果我真係好鐘意個男仔
理得佢點樣表白

講出口我就會即刻飛埋去-_-

作者: CHoK!麟=) 時間: 12-10-12 07:32 PM

聽你的形容(問你有無鍾意既人，問你fb寫緊邊個)，我都覺得佢在意你的!如果你要去馬，一定要有個好認真的態度啊，女仔同男仔一齊都驚男仔玩玩下架ma，anyway，ching加油，問左起碼知道答案。

作者: cyw00112 時間: 12-10-12 08:02 PM

大家好....多謝大家回應我...
我呢2日有D事做...上唔到2kf...
匯報番呢加既情況先...
話說我表白之後...我呢幾日都一直等....
我等緊佢回覆....但係我諗左一陣...
我要鼓起好大既勇氣先可以同佢講我愛你....
相反...我擔心佢無勇氣同我講佢既真心話....

作者: 花濺淚v3v 時間: 12-10-13 08:55 AM

〞kIu﹑ 發表於 12-10-11 08:43 PM
不過如果我真係好鐘意個男仔
理得佢點樣表白

One Direction

作者: 花濺淚v3v 時間: 12-10-13 08:57 AM

本帖最後由花濺淚v3v 於 12-10-13 08:58 AM 編輯

cyw00112 發表於 12-10-12 08:02 PM
大家好....多謝大家回應我...
我呢2日有D事做...上唔到2kf...
匯報番呢加既情況先...

老老實實
如果比佢知道你係電車男
上網受人鼓勵先去表白...

你覺得你地仲有無機

不過點都好啦
我見到你好似已經將對方想像成
一個早已對你芳心暗許既女仔 (喜歡你)
我怕你會跌得好痛

BTW希望你成功

作者: K.Isos 時間: 12-10-13 10:33 AM

既然都講左再多既建議都無用
我地哩班友仔只好係到衷心祝福樓主告白成功

作者: cyw00112 時間: 12-10-13 03:41 PM

我都想成功.....其實可能希望愈大..真係失敗愈大...
不過呢加都沖左出去:) 所以我想向好個方面諗....

雖然最後可能係失敗..但係我地都曾經擁有過一起玩樂既回憶....

第3日啦...佢未回我第3日...呢幾日諗左好多野....有時做project都會無意中想到佢...
想起佢既笑容.想起佢既溫柔....
但係...失敗之後...可能無得見....有點失洛..
只可以怪我自己唔夠好...

作者: 花濺淚v3v 時間: 12-10-14 12:32 AM

cyw00112 發表於 12-10-13 03:41 PM
我都想成功.....其實可能希望愈大..真係失敗愈大...
不過呢加都沖左出去:) 所以我想向好個方面諗....

3日都吾覆你
可能已經FAIL了

作者: cyw00112 時間: 12-10-14 10:24 PM

師兄...你講得岩....
金日...我問左佢....
佢拒絕左我...我呢加...真係好痛....
人地話男仔流血不流淚....但係真係好難唔流....
我無諗過拒絕既一刻...居然會係禁痛......我表白之前己經盡量聽多D開心既歌.稀望可以抒暖下...
但係呢一刻...咩都無哂....好痛....真係好痛...

作者: K.Isos 時間: 12-10-15 10:19 AM

其實你地本來係好朋友
我覺得想做返FD一定唔難
問題係樓主你得唔得?
如果唔甘心淨係做FD 而你又真係真心鐘意對方
就男人少少  試第2第3次
係失敗既過程當中吸取教訓同經驗
就彼如今次表白可能唔夠誠意  下次就應該比多錢誠意
或者嘗試做返朋友
慢慢一步步黎
特別係好朋友
講真哩D真係唔急得
嘗試慢慢等待一個機會既出現
再營造一個合適既環境同氣氛
再一次表白  成功率大好多

分享下個人經驗
我有幾個女仔朋友係真係FD到無可能係埋一齊
曾經有女仔同我表白過
但係拒絕左
因為實在係太FD
考慮得失過程當中
我選擇寧願做一世朋友但都唔想係未來既某日分手
雖則就話分左手都可以做朋友
但係一定會唔同
佢係我一個好好既朋友
但唔岩做我女朋友
所以無謂累人累己
之後佢就無乜聯絡我
我主動搵佢佢先話以為我會討厭佢B哩吧啦
之後我就好似完全無發生過件咁既事
同樣咁對佢
而家佢係我其中一個best fd
出街有時會拖住行攬頭攬頸  間唔鐘隔空錫返啖 (當然無女朋友情況底下同埋我自細係英國大, 好多野都好鬼仔, 哩d錫黎錫去攬黎攬去對我地好平常)
再之後大家諗返都覺得大家咁樣做best fd 仲好過做男女朋友
佢男朋友有咩會同我講  我女朋友有d咩我又會同佢講 (大家都唔會呷醋同埋自己身邊果個亦都知)

作者: cyw00112 時間: 12-10-15 01:54 PM

K.Isos 發表於 12-10-15 10:19 AM
其實你地本來係好朋友
我覺得想做返FD一定唔難
問題係樓主你得唔得?

多謝師兄既關心:)
嗯....佢拒絕我果時..就係話"大家都係朋友"
我地呢加既關係...可能只係1個普通既朋友....

我唔認為表白衰左係一件柒事.....至小為自己講得出口而開心...
雖然拒絕果刻...真係好痛...好痛...
但係我琴晚己經諗通左...我打算再試下....我唔想放棄....
好難得先遇到一個我愛既人....我唔想一次失敗就放棄...
古語有講..."能在俗世中遇見愛既人是天上給予我們的恩典"

作者: 花濺淚v3v 時間: 12-10-16 02:01 AM

本帖最後由花濺淚v3v 於 12-10-16 02:01 AM 編輯

cyw00112 發表於 12-10-15 01:54 PM
多謝師兄既關心:)
嗯....佢拒絕我果時..就係話"大家都係朋友"
我地呢加既關係...可能只係1個普通既朋友.. ...

如果你仍然鍾意佢
就反白睇下我既建議

係佢身邊繼續關心佢
比佢知道你一直守候住佢
但係又吾好做得太刻意
默默地守護佢

終有一日你會打動佢
亦都有可能比佢徹底拒絕
一切盡看天意了

作者: K.Isos 時間: 12-10-16 09:21 AM

cyw00112 發表於 12-10-15 01:54 PM
多謝師兄既關心:)
嗯....佢拒絕我果時..就係話"大家都係朋友"
我地呢加既關係...可能只係1個普通既朋友.. ...

講得岩丫
男人老狗怕咩衰
而家係尋求自己既幸福
就好似打機咁 (唔係咁好既例子唔好見怪

)
無人擔保一次就打爆機
緊係死幾次累積到經驗自然打得爆
當然, 緊係要睇下你打緊咩機啦

唯一既意見係
樓主你一定唔可以急!
所謂日久見人心
係你既始終係你既
暫時黎講最好做返好似以前咁好既朋友先
慢慢對佢好終有一日佢會感受到+感動
時機成熟再表白都未遲

作者: cyw00112 時間: 12-10-16 01:27 PM

多謝師兄們既關心:) 小弟好感動你地禁認真回答:)

雖然我地口講...係話做番好朋友..但係我知道我地都有層格膜
我唔知有無信心可以打破佢..
呢幾日我約左個女性FD 出去傾下計..佢都勸我不如放棄...
原因就係話:佢都拒絕左你..你禁樣做佢會好煩...
我都明白...我可能再追佢..會令到佢不便...
但係我唔想放棄佢...我想打動佢..但係一方面又怕妨礙佢....
有無師兄可以教下我點做...

作者: kkkk12345kk 時間: 12-10-16 02:00 PM

cyw00112 發表於 12-10-16 01:27 PM
多謝師兄們既關心:) 小弟好感動你地禁認真回答:)

雖然我地口講...係話做番好朋友..但係我知道我地都有層 ...

C弟
你要繼續加油~~唔好放棄呀!!!!!
真心愛一個人唔係一時話停就停可能依家佢未覺得你好的地方~
現在你要KEEP住同佢來往~ 唔要令到大家變為陌生!!

作者: K.Isos 時間: 12-10-16 04:22 PM

本帖最後由 K.Isos 於 12-10-16 04:23 PM 編輯

cyw00112 發表於 12-10-16 01:27 PM
多謝師兄們既關心:) 小弟好感動你地禁認真回答:)

雖然我地口講...係話做番好朋友..但係我知道我地都有層 ...

一開始你約佢出黎既時候
一定會有少少尷尬
建議既係, 千祈唔好過火唔好對佢太好
有少少避諱係哩個時候反而有好效果
因為係哩個時候女仔會好敏感亦會好怕你
你要比到一種感覺比佢就係件事已經過去左
但你你亦唔可以比佢覺得你好似怕左佢
盡量保持自然, 就好似件事根本無發生過咁 (我知道好難, 但請努力!)
唔好比佢以為你仲想對佢點
行為上面唔得你可以直接同佢講
例如: 其實件事已經過去左我而家唔係抱住d咩心態對你只係想大家仲係朋友因為我好珍惜你唔想咁樣無左個好朋友之類.....
慢慢令佢放下戒心
咁樣就係成功既第一步

作者: cyw00112 時間: 12-10-16 09:06 PM

我呢加係咪要減小同佢whatapps既次數好...
我驚妨礙佢...

作者: 〞kIu﹑ 時間: 12-10-16 10:56 PM

本帖最後由〞kIu﹑ 於 12-10-16 10:56 PM 編輯

cyw00112 發表於 12-10-16 09:06 PM
我呢加係咪要減小同佢whatapps既次數好...
我驚妨礙佢...

唔好太過頻密

連續搵下佢之後佢搵你又扮下潛水咁

作者: cyw00112 時間: 12-10-16 11:08 PM

〞kIu﹑ 發表於 12-10-16 10:56 PM
唔好太過頻密

連續搵下佢之後佢搵你又扮下潛水咁

我驚佢唔搵我...
唔知點解呢加好始無哂信心禁....

作者: 〞kIu﹑ 時間: 12-10-16 11:09 PM

cyw00112 發表於 12-10-16 11:08 PM
我驚佢唔搵我...
唔知點解呢加好始無哂信心禁....

呢D野真係冇得急架...

作者: cyw00112 時間: 12-10-16 11:14 PM

〞kIu﹑ 發表於 12-10-16 11:09 PM
呢D野真係冇得急架...

我打算1日格1日禁樣搵佢一次.....稀望唔會妨礙到佢同厭我煩啦...

作者: 花濺淚v3v 時間: 12-10-17 03:38 AM

cyw00112 發表於 12-10-16 11:14 PM
我打算1日格1日禁樣搵佢一次.....稀望唔會妨礙到佢同厭我煩啦...

你日日搵佢/隔日搵佢
佢都會覺得你煩　長遠黎講只會怕左你/對你反感

你失蹤一段時間唔好搵佢
大約一個禮拜、但唔好長過兩個禮拜
你再Whatsapp佢問佢近況、傾閒計　就好似你地以前傾Whatsapp咁
(千祈唔好提起返表白既事、或者講關於愛情既野)
佢肯同返你Whatsapp即係有朋友做

作者: K.Isos 時間: 12-10-17 09:50 AM

我覺得係哩件事上面
頻率唔係最大問題
相反 msg內容先係
如果只不過一般傾計
你隔日隔日咁人地反而唔知你想點
就正如klu所講
唔好太頻密就得
留意返內容
唔知點sd睇返你地以前d history
最好係早期少少既
咁樣你自然知道點sd

第一次衰左信心大減係一定會
最緊要係清楚知道你對佢既感覺
愛自然會比你勇氣
仍然無信心意味你鐘意佢既程度唔夠
樓主如果想抱得美人歸就要盡快克服哩個問題
有自信既男人會散發一種獨特既魅力
哩個係幾個女仔fd話我知

作者: CHoK!麟=) 時間: 12-10-17 11:21 AM

雖然見到樓主表態想繼續追佢，但比小小意見，做返fd建立返關係就慢慢追固之然係一個策略，但我覺得戀愛始終是雙方面的，真的愛她的話你都想佢好，應該要尊重佢的選擇，話就話將來既野無人知，但係如果ching假設左將來一定追到既話，到時佢同第2個開始時你會仲傷!加油!ching，純粹比多個想法的參考~^^

作者: cyw00112 時間: 12-10-17 04:22 PM

多謝大家既意見....

實不相們..因為我地下個星期中學會有D活動係要我地畢業同學去幫手...
我就禁岩係果個活動既(符)責人...我呢加搵左佢同幾個FD一齊去幫手..佢地都答應左..
我係咪要珍惜呢次機會...做番平時既我?

多謝樓上師兄既意見
愛情係要二方都有感覺先得..我好清楚呢樣野...
雖然我呢加既決定係...再一次試下....
我唔想我自己後悔...即使受傷...我都想試下..!

作者: 花濺淚v3v 時間: 12-10-17 05:13 PM

本帖最後由花濺淚v3v 於 12-10-17 05:17 PM 編輯

cyw00112 發表於 12-10-17 04:22 PM
多謝大家既意見....

實不相們..因為我地下個星期中學會有D活動係要我地畢業同學去幫手...

好多人都曾犯下一個同樣錯誤
就係當你行錯一步棋既時候
就會自亂陣腳　將其餘全部棋都行錯
導致全盤棋輸晒

你想令對方對你改觀
吾係日日逼佢聽你表白/聽你講你鍾意佢之類既說話
我怕你慢慢變得執迷不悟

就好似一個人佢唔鍾意食魚
因為魚比佢既固有印象令到佢討厭
如果你令到佢覺得你煩
就好似討厭食魚咁　慢慢變得討厭你

作者: 〞kIu﹑ 時間: 12-10-17 06:11 PM

女冇話100%實追到

不過如果佢係對你冇FEEL
無論你做咩都會FAIL

作者: cyw00112 時間: 12-10-17 08:59 PM

...........

作者: K.Isos 時間: 12-10-18 09:53 AM

試, 我絕對支持
女的確唔係100%追到
但係唔試就100%追唔到
衰左一次算d咩? 再接再勵更加睇得出誠意

而樓主肯踏出第一步去表白
雖然唔成功, 但都算係踏出左一步丫
我唔夠膽講樓主既表白係岩定錯
但係既然已經做左
而樓主再三講過佢唔想放棄想再試
我100%支持
副版講得岩
唔好逼得咁緊
正如我之前講過
而家最重要既係做返朋友
消除隔膜
再慢慢期待個時機
哩d野之前我覆過
就唔再講喇

反正一句
樓主我十卜你!

作者: 花濺淚v3v 時間: 12-10-18 06:11 PM

cyw00112 發表於 12-10-17 08:59 PM
...........

因為90、甚至千禧後出世既人
太容易得到佢地想要既野

結果
一旦得唔到自己想要既野
就抓狂了

世界上無必然
有時候都要識得放手

再次慢慢走近
由個天去做決定啦

唔好逼對方鍾意你
因為勉強無幸福

作者: cyw00112 時間: 12-10-18 10:04 PM

謝禁多位ching既回答!

岩...唱歌都有得唱..逼得太緊
可能我真係逼得太緊....我會試下好始之前禁對佢...再從好朋友開始做起!
但係我係認真...我唔會放棄!雖然最後結果可能係好痛苦...
不過我唔想未戰先輸...放手就等我第二次失敗果陣先諗吧!

作者: 花濺淚v3v 時間: 12-10-19 09:00 AM

cyw00112 發表於 12-10-18 10:04 PM
謝禁多位ching既回答!

岩...唱歌都有得唱..逼得太緊

你由一開始就對雙方期望太高
你自己單方面覺得你地兩個有可能走埋一齊
你地兩個whatsapp好傾　所以你覺得對方都對你有好感

你whatsapp表白失敗
但你堅信只係對方一時未考慮清楚
我反而覺得係因為對方怕左你既相處方式

我相信你已經whatsapp返佢
但你咁快想由好朋友開始做返起
側面說明左你同你自己尚有好大信心
即係仲未諗通自己今次有邊一part做錯左

我最近有個朋友同我講
同佢一齊左唔夠1星期既前度搵返佢
因為佢前度相信對方仍然愛自己　只係相方timing唔岩
好老實講　正正係因為果1個星期既相處
先知道對方完全唔適合自己

好朋友→戀人關係　呢種改變唔容易
愛情唔係想像　你想像到一片好風景
唔代表你地會擁有果一片好風景

同埋　呢個真係好有可能只係屬於你單方面所想
異性朋友太少　一旦有一、兩個好傾
就以為對方對你有好感　呢個伏相信好多人都中過

更有D時候　有人會追求單純曖昧關係
搵個人解悶SD Whatsapp
如果你地兩個既關係單純只係建立於whatsapp上面
可能連FD搭FD出街都好少既話 (1年只有1至2次=沒有)
你反思下對方當你係D咩先

Sorry 其實我只係擔心會係你諗錯隔離

作者: cyw00112 時間: 12-10-19 01:11 PM

多謝師兄回答!!唔緊要:) 難得有人擔心我.求之不得xD

嗯...我同佢己經whatapps番..相反.我估唔到佢都有時會搵番我...
不過唔敢想太多了...我自問未表白之前個腦成日諗左一齊之後既幸福畫面= =""

我同佢年中都出去唔小...因為大家都係fd底.好多時都會大家一齊出黎玩....
我同佢單對單出街都有...
所以我覺得佢可能只係當我係知己.....

作者: 花濺淚v3v 時間: 12-10-20 02:24 AM

cyw00112 發表於 12-10-19 01:11 PM
多謝師兄回答!!唔緊要:) 難得有人擔心我.求之不得xD

嗯...我同佢己經whatapps番..相反.我估唔到佢都有時會 ...

都係老土一句
我地只係同你傾同你share
參考係okay　但係千祈唔好死跟我地既做法

如果對方真係鍾意你
我諗佢鍾意real既你
而唔係比我地改造左既你

分隔線

自問都係感情失敗既人
只係唔想見到有人重蹈自己覆徹

[utube]h9lzzCvW28k[/utube]

每個人　都想明白
誰是自己生命　不該錯過的真愛
特別在午夜醒來　更是會感慨
心動埋怨還有不能釋懷
都是因為你觸碰了愛

如果這就是愛
在轉身就該勇敢留下來
就算受傷　就算流淚
都是生命裡溫柔灌溉

喔愛　在回憶裡總是那麼明白
困惑的心　流過的淚
還有數不盡黑夜等待
如果這就是愛

如果你　當時明白
後來的生命裡　是快樂還是悲哀
特別在夜深人靜時　想起未來
是否能平靜不會像現在
只是因為你擁有了愛
如果這就是愛

作者: cyw00112 時間: 12-11-10 01:47 AM

大家...對唔住*我潛左水一個月....
因為呢個月搞緊唔同既project:) 無咩時間上線.

正題*
果件事格了一個月...我地呢加既關係.不知不覺又變番當初禁...
有時我又搵下佢.佢又搵下我....
大家好始當無事發生過禁.....
自從果次幫老師手之後..我地都好小會出街了..可能大家都有大家既野亡*

但係點樣先可以再發展多步....

作者: sukiyaya 時間: 12-11-10 05:06 PM

回覆 cyw00112 的帖子

感情是自然發展的, 冇話你想點佢就會照你的想法,意思去發展.
你只可以創造機會.

另外, 想講女仔對一個人有好感是唔代表中意一個人!! e個一定要搞清楚.
如果樓主真係想同個女仔一齊, 就要抱住一個就算將來會失去都唔後悔的心態.

有幾多對由好朋友變為戀人的情侶在分手後, 依然是好朋友?!
不敢講冇, 但要再培養成好朋友, 是好難的事.

好朋友相處同戀人相處是2個模式.
真係諗清諗楚先去決定追個女仔了.

有時唔好諗得太美好, 當幻想與現實併埋時, 你會跌得好傷.
唔係叫你唔好去試, 係諗清楚先去試.
第時後悔就唔好了, 係米?

作者: 花濺淚v3v 時間: 12-11-12 01:05 PM

cyw00112 發表於 12-11-10 01:47 AM
大家...對唔住*我潛左水一個月....
因為呢個月搞緊唔同既project:) 無咩時間上線.

忘記背後
唔好再固執落去

你只執意眼前既女仔
你好容易忽略身邊其他女仔
呢種感覺我試過

歡迎光臨 2000FUN論壇 (https://www.2000fun.com/)