2000FUN論壇

標題: 開紅態度研討會 [打印本頁]

作者: pomasato 時間: 12-11-6 02:39 AM 標題: 開紅態度研討會

對於遊戲開紅機制, 本人是持正面開放的態度
「人在江湖, 身不由己。」九陰作為一隻江湖遊戲,
開紅殺人是再正常不過的事。
在遊戲過程中, 經常發覺很多玩家會定下很多「規矩」禁止其他人開紅殺人
並視殺人為「搞事」, 最後甚至引申出連劫鏢、打綁匪都會觸發全城追捕、幫會仇殺的問題
組隊開紅、劫鏢、殺新手、刺探100% 殺掛機巡邏、搶點, 這些真的有問題嗎
弱肉強食, 是再正常不過的現象, 輸家只能怨自己實力未足
怕死的, 找個隱蔽角落躲起來掛機不就沒事嗎?
也可以選擇幾個人三五成群伏擊一個比你強的人
一個自由的遊戲, 大家何必要施加諸多限制, 扼殺其可玩性?
坦白說, 我是一個愛殺弱者的人, 也是一個經常被殺的弱者
這只是純粹討論, 歡迎大家發表意見

作者: 黑薔薇 時間: 12-11-6 08:03 AM

我剩係殺敵對幫會既人,初_門徑到登峰都照殺,其他唔係敵對既一概唔搞,就算你係綁匪路過我身邊都唔會搞
咁我呢種態度算唔算好?

作者: 卓大濕 時間: 12-11-6 08:25 AM

本帖最後由卓大濕於 12-11-6 08:26 AM 編輯

pomasato 發表於 12-11-6 02:39 AM
對於遊戲開紅機制, 本人是持正面開放的態度
「人在江湖, 身不由己。」九陰作為一隻江湖遊戲,
開紅殺人是再 ...

你有你既做法,我有我既堅持,我相信即使係一個真正既世界,江湖都唔應該會係你殺我我殺你既

除非惡意攻擊,挑釁,咀炮之外,一般我都唔會開紅打人

作者: tt重工業 時間: 12-11-6 08:29 AM

人唔搞我我唔搞人
唔理新手定咩
搞到我就殺

作者: 呀Kk~ 時間: 12-11-6 09:45 AM

只係打殺新手,同敵幫

作者: sam128 時間: 12-11-6 10:39 AM

咁叫研討會 ? 你傾斜哂一邊任何情況開紅都得

如果人人都似你咁咪一上線會自動死

仲打咩? 禁地坐牢時間仲多過去禁地啦

作者: 風小邪 時間: 12-11-6 10:46 AM

幾同意樓主既意見=,= 其實開唔開紅係你個人選擇~~入GAME已經有段野話係自由PK 你同意左入GAME...即係話你可以殺人亦可以俾人殺~~
我自己都間唔中俾人殺~~~但我覺得咁樣先似一隻PK GAME...一係走...一係搵人幫~~再唔係自己練習多D~~~
至於殺唔殺新手...又係你個人問題=,= 你覺得殺新手冇品? 你點知佢係新手0﹏0? 係老手既分身呢.﹏.?冇人知=,=
殺多左就會冇人玩0﹏0? 咁....隻GAME係咪應該開個和平服.....大家打下副本...做下生活技能...跟住慢慢D人覺得悶...冇野玩0﹏0 隻GAME又係玩完=,=
其實每隻GAME都有特點都有壽命...睇下佢吸唔吸引到你留底=,=
我自己都係新手=,= 被殺冇所謂~~因為人地比我強=,= 偷打都唔緊要=,= 呢D又係佢既戰術....如果咩都拉到人品去講....自己弱就賴人地唔就住你...好難生存喎~_~"

作者: v21235 時間: 12-11-6 10:53 AM

開紅殺新手一定最無聊同最無品
全因呢班人渣,先搞到遊戲少好多新血

作者: 卓大濕 時間: 12-11-6 11:19 AM

風小邪發表於 12-11-6 10:46 AM
幾同意樓主既意見=,= 其實開唔開紅係你個人選擇~~入GAME已經有段野話係自由PK 你同意左入GAME...即係話你可 ...

自由pk唔代表叫你將人性放底, 素質何在? 殺一個小號唔理佢係分身定係新手,只會令我覺得一個人,只可以係d新手上面找自信,悲哀
就樓主所講"組隊開紅、劫鏢、殺新手、刺探100% 殺掛機巡邏、搶點"
里面其他我冇意見,但係殺新手真係唔diu唔得 , 人地岩岩入黎玩,咩都唔識,仲可以劈得咁開心,我只能講樓主人品k形

作者: pomasato 時間: 12-11-6 01:25 PM

卓大濕發表於 12-11-6 11:19 AM
自由pk唔代表叫你將人性放底, 素質何在? 殺一個小號唔理佢係分身定係新手,只會令我覺得一個人,只可以係d ...

我覺得呢個又唔係自信唔自信既問題~
有時為無聊, 有時為刷惡, 各有原因
咁有時開得紅殺人, 緊係搵比自己弱既人下手
唔通單槍匹馬果陣搵個同自己咁上下既殺?
當然, 我上面殺新手既意思並唔係指日日顛Q左咁淨掃新手
我只係想指出一個PK遊戲緊係人殺我、我殺你架啦~
唔通真係日日團練生活踢館刷禁地咩-_-
更何況, 殺新手解任又唔會阻到佢地升內
問題何在?

雖然係咁, 我仍然反對開紅為搞事果d, i.e 係人寶地阻人團練

作者: 5535269 時間: 12-11-6 01:32 PM

全部都係偽君子扮哂野

作者: 卓大濕 時間: 12-11-6 02:01 PM

pomasato 發表於 12-11-6 01:25 PM
我覺得呢個又唔係自信唔自信既問題~
有時為無聊, 有時為刷惡, 各有原因
咁有時開得紅殺人, 緊係搵比自己 ...

你以為殺左佢唔阻到佢升內功就OK了?

新手唔係機械人,你當人地冇感情既,唔洗話癲啦,你去刷惡洗佢百草,D新手會覺得點

我一D都唔覺得得閒開紅就要去殺新手,新手入黎唔係為左比你殺
單純既屠殺我完全唔覺得有意義,或者你生活壓力大到要咁樣發洩
而且你唔好針對pk遊戲呢個字眼,官方只係話自由,唔係主張,人地冇迫你去打,你唔好話奉旨殺人

最後,我相信你比人阻團練既心情會同新手出黎比人洗百草一樣

作者: Ｔaｉ 時間: 12-11-6 02:20 PM

隻game講到明係自由pk

人地鍾意點玩係佢既事

可以周圍殺人都係隻game既特色黎-

新手怕比人打到咪去祈福囉

隻game唔係冇系統去保護新手, 係d新手識唔識去認識隻game既系統姐

玩自由開紅既game都要睇人黎殺, 咁點解要玩九陰...去玩返d pve game仲好

作者: 卓大濕 時間: 12-11-6 02:28 PM

如果一入黎就知道祈福可以開pk保護既話戈d仲點算係新手,戈d叫分身

無錯佢講明自由pk,但係殺人同殺新手已經係兩個情況,毫無反抗能力,強姦心理?

作者: 樂思 時間: 12-11-6 05:24 PM

本帖最後由樂思於 12-11-6 05:25 PM 編輯

其實咁講....
我覺得你講的開紅殺人論點係無錯,隻game講到明係自由PK都無錯
唔通俾支搶你就出街殺人俾你言論自由就粗口罵街 ???

作者: 古烈 時間: 12-11-6 05:27 PM

本帖最後由古烈於 12-11-6 05:27 PM 編輯

當你團練比人清團,果種感覺就係新手比人屠殺ga感覺

作者: ︽．︽ 時間: 12-11-6 08:31 PM

我基本上係長開紅的(幫會/良民)
因為我本身係捕,一見犯可以打
加上你開左紅,之後再轉地圖個身D紅色氣冇晒,,根本冇人知你開左紅~.~

作者: PCL 時間: 12-11-7 01:11 AM

討論都晒氣,我只想信事實
人流反應事實吖,要繼續無視都冇辦法
你地係到玩死自己之嘛,唔好再話官方剩係識得炒短線遊戲,話冇隻玩得長

作者: 卓大濕 時間: 12-11-7 10:16 AM

咪就係,成日話港服冇人玩啦又咩又七咁,自己搞衰隻GAME仲係度開研討會,圍插會就有你份

作者: 牙丁仔 時間: 12-11-7 11:25 AM

樓主憑你講既野
如果你開名/知你名我就追梗你黎殺

作者: ray199292 時間: 12-11-7 12:54 PM

其實舊時江湖世界就係咁架啦e_e"
d人殺哂人地全家都係咁...
bb=新手?
趙子_ (p.s.詳見暮色禁地故事)

不過我長期掛住捕快個名...
-只係追殺綁匪,同埋阻止人劫獄
-p.s.我新手都比人狂殺...殺完未復活囉....

作者: 小小魚@O@ 時間: 12-11-7 01:19 PM

本帖最後由小小魚@O@ 於 12-11-7 02:07 PM 編輯

ray199292 發表於 12-11-7 12:54 PM
其實舊時江湖世界就係咁架啦e_e"
d人殺哂人地全家都係咁...
bb=新手?

舊時江湖都係有官府有法治

明朝更加係刑罰超重

如果斬頭嗰陣係真係成個AC DEL左你
我估到時真係會少啲人開紅亂殺

其實我都唔明點解會有人以為以前啲人真係可以亂殺人無人理
如果啲NPC有AI識報官,啲士兵同NPC捕快勁少少,咁先係似真正江湖

即使係武俠小說
我都唔見得有橋段係亂殺人
好多故事裏面既殺手都係接到任務先殺人
GAME入面亂殺人嗰班根本就唔係當依度係江湖,而係當自己係德洲殺人狂

作者: Ｔaｉ 時間: 12-11-7 02:52 PM

本帖最後由Ｔaｉ於 12-11-7 02:53 PM 編輯

其實有乜好討論, 係到講完都唔會有人理同改善,

雖然我自己唔會亂殺人, 但殺新手唔覺有咩咁錯,

係有心玩, 有心學既新手就會去練技術同認識呢隻game

我唔信冇人未比人殺過, 咁殺完咪復活囉

我初初玩個幾日係新手鎮都冇啦啦比人殺啦, 咁又點? 咪又係用時間去玩熟隻game

唔好當左殺新手就係罪人,

如果2個幫打緊個陣d人會唔會睇條友係咪新手, 會唔殺先

我自己都見唔小 d駕輕同略有小成行出百草就即比人秒啦

咁唔通可以話因為2幫會打緊可以唔計??

就算唔開紅, 夠有好多情況可以殺到d新手架, 劫鏢, 奪書, 刺探

咁你可以光明正大話呢d係活動, 係game既系統

咁轉個諗法, 開紅夠係game既系統, 點解咁就錯???

回樓上: 就算武俠小說, 都有d叫兇手, 邪派, 呢d夠會亂殺人, 我真係想知你睇緊咩小說

作者: ray199292 時間: 12-11-7 03:27 PM

回覆小小魚@O@ 的帖子

其實我都唔明點解會有人以為以前啲人真係可以亂殺人無人理
如果啲NPC有AI識報官,啲士兵同NPC捕快勁少少,咁先係似真正江湖

拎返遊戲故事黎講~
-趙子_(暮色禁地)係殺手最後佢係未比官府捉?"
-未又係人地報仇...
-好多玩家都係捕快之名
-我識個d朋友都成日係官府睇通緝名單去追殺人拎官銀
-我又5系話亂殺人係沒人理我未講左玩家捕快會捉囉..
咁有正緊有邪嫁啦...舊時江湖都係有官府有法治

即使係武俠小說
我都唔見得有橋段係亂殺人
好多故事裏面既殺手都係接到任務先殺人
GAME入面亂殺人嗰班根本就唔係當依度係江湖,而係當自己係德洲殺人狂

-趙子_: 慢慢覺得殺人先可以快樂

5系想鬧戰~只係故事背景分開有俠,狂,邪,惡定位5同姐..

作者: 卓大濕 時間: 12-11-7 04:33 PM

Ｔaｉ發表於 12-11-7 02:52 PM
其實有乜好討論, 係到講完都唔會有人理同改善,

雖然我自己唔會亂殺人, 但殺新手唔覺有咩咁錯,

我只係想針對樓主其中一項,佢覺得殺新手冇咩問題,係,遊戲角度上係無問題,自由PK

但係,對於一個未清楚九陰遊戲本質,以及新手保護方案既玩家,第一個印象究竟有幾重要

或者你話有心玩就會研究,但有幾多個係真係一入黎就一心想玩,多數都係抱住試試或者觀望既態度入黎

淨係睇有幾多人係度發貼吐苦水就知,所以回歸問題,掃新手絕對係玩殘自己SER既重要原因

PS:惡人,邪派殺人係咪郁D都屠村先? 好明顯係利益至上,為利益屠村就見,但係話為開心為快樂而屠村既,睇咁多年武俠小說真係冇幾多個囉,我無法理解樓主同某部份人講殺新手可以講得咁理所當然!

作者: band626 時間: 12-11-7 04:46 PM

其實個問題唔係在於"被殺者係咪新手",
而係在於"行凶動機"......
假如個新手自己口賤,咁就真係無野好講,自古有云:一言以興邦,一言以喪國,
可見一句野威力係幾咁大,而因為一句野行凶係過往都唔少,
因為新手口賤而殺新手個人認為合理囉......江湖就係咁,你得罪人,
人地可以即刻斬左你,或者君子報仇十年未晚咁等你玩得最高興時先狂斬你都得.

但無源無故殺新手就真係奇怪左少少,粗俗少少講就係KAI KAI地,
講真咁都幾心理變態,唔通你望到有個新手個樣太樣衰唔岩你,
你又斬到佢變免治牛肉咩......唔得架嘛,咁根本就唔MAKE SENSE
你又唔識人人又唔識你,你無啦啦斬佢做咩,江湖都唔見得係成日亂斬人架囉
再唔係你想刷惡你咪去大城礦點到囉,一大堆腳本任你斬唔嬲,
蘇州呀,有個腳本刷礦大陸工作室玩家叫伍三我日日斬添,
你想刷既不如你都去刷下佢,佢係蘇州左上角個百草堂個邊個鉛礦點,
殺完係旁邊百草堂復活,又好快自動行出黎架啦

作者: Ｔaｉ 時間: 12-11-7 05:16 PM

卓大濕發表於 12-11-7 04:33 PM
我只係想針對樓主其中一項,佢覺得殺新手冇咩問題,係,遊戲角度上係無問題,自由PK

但係,對於一個未清楚九 ...

打機鍾意點玩就點玩, 講真又唔洗下下要理人地咩感受架wo

而家係你控制角色係game入面玩, 唔係隻game控制你囉

人地想試game係佢既事, 唔通下下殺人個陣要問你係咪黎試game?

講真個個而家可能係到講就扮晒正義

但如果當你自己挖緊礦, 有個 "新手" 埋黎同你一齊挖, 9成人咪又係開紅殺左佢

我唔多信你地會同佢一齊share個礦囉

作者: 卓大濕 時間: 12-11-7 05:40 PM

本帖最後由卓大濕於 12-11-7 05:42 PM 編輯

Ｔaｉ發表於 12-11-7 05:16 PM
打機鍾意點玩就點玩, 講真又唔洗下下要理人地咩感受架wo

而家係你控制角色係game入面玩, 唔係隻game控制 ...

咁你又誤會左我意思,係既...你係做咩都可以

但係真心真切咁想一D殺新手,掃新手既人可以諗深一層

越係殺,黎玩既人就越少,到頭黎,老手走左,冇新手入,到時真係玩自己

PS: (採集)除非人地郁手搞我採野,唔係頂多同佢鬥搶,當然呢個只係我既做法

作者: 火天使 時間: 12-11-7 06:03 PM

本帖最後由火天使於 12-11-7 06:06 PM 編輯

無事只會去殺新手個類只不過都係以等級壓制沒技術可言的玩家
一直只能潛在於二三流高手
要能當上一流高手就當然去挑戰不同實力高既玩家
打機除左技術之外人品修為都好重要 -

想玩得勁有時候將呢一類睇開反而會對自身技術有所提升

而研討會贊成與否又有何意思相反真正想做正幫新手的

倒不如正接開個江湖新手保護組

倒可以比你地做下大俠去救 D平民而唔需要得個講字

補充: 不主張殺新手 , 因為只會變得更弱

作者: ◤灰◢ 時間: 12-11-8 12:32 AM

只係想講
如果大家都咁愛殺新手
又邊會有新手順氣玩落去
最後唔好講每隻game都無新手加入

歡迎光臨 2000FUN論壇 (https://www.2000fun.com/)