2000FUN論壇

標題: 關於 TERA 裝綁或不裝綁!!! [打印本頁]

作者: kacky 時間: 12-11-15 11:42 AM 標題: 關於 TERA 裝綁或不裝綁!!!

如題!!
大家認為打副本的傳說裝應不應該裝綁呢??
我個人就認為裝綁可以令到遊戲壽命更長!!
起碼我都要打下副本去刷裝啊!!
如果唔係..我封頂左就可以用錢來買傳說裝...連打都唔洗打..
可能有人話..我賣傳說裝可以賺錢喎....
但係..你諗下..比你賺幾多錢都無用..
隻Game..玩唔長,,玩唔耐..你只會賣帳號收埸...
大家講下自己意見啊!!

請勿筆戰!!純粹討論!!

作者: 帳號已被刪除 時間: 12-11-15 11:54 AM

我覺得金裝應該綁定，因為要自己打到先有成功感，買返黎唔會有果種感覺
唔綁只會益左D工作室

作者: Roberto 時間: 12-11-15 11:58 AM

我都覺得應該打到到就馬上綁定, 我寧願有G團入副本刷裝都好過就咁係拍賣場買返黎!

作者: 笑わない猫 時間: 12-11-15 12:24 PM

金裝一定要la=]
金裝都唔綁無得玩~.~

作者: abb3164 時間: 12-11-15 12:31 PM

綁啦緊係
話哂都係金裝吾應該人人咁易得到

作者: 雪龍神 時間: 12-11-15 12:34 PM

金裝最好娜定!!!
而且永久無得解綁

作者: 火天使 時間: 12-11-15 02:10 PM

玩過歐版後普通金裝其實唔太值錢
反而d 同等垃圾裝值錢d

因為呢隻game係玩強化裝備
到60lv 個時應該唔會問綁定唔綁好

作者: kevin1468 時間: 12-11-15 02:24 PM

~_~ 所有意見都有一班人話好~有一班人話唔好~
我覺得~ ~~~~~~~~~~~~~~~~~
1)如果無綁定,對所有人黎講就會有兩個選擇, 1.買裝~ 2.自己打裝~
2)如果永久綁定~ 就只有一種選擇~ 1.打副本~
3)仲有第3種如果~就係可以解綁~ 咁樣就要買解綁嘅道具...到時又要掉多小小錢...
...就咁睇落~ 無綁係最公平~_~ 睇返上面d post ~多數人要求綁定係因為自己打有成就感~
同埋唔會咁易就得到.,." 但係唔代表~每個人都係咁諗.. 如果有人想買裝~..唔想打副本....咁點算?
個陣時就會有人出黎話~ 食自己.. 去打副本... 咁咪變左強逼性? 就等於我逼你買裝==...
所以如果無綁定~而你又要有成就感...可以選擇自己打而唔去買~完全無任何強逼性.
但如果用呢個理由~而要永久綁定裝備..令到另一部份人冇左一個選擇權... 咁好似唔係咁公平~
如果你覺得人人都要自己打到裝先岩~ 人地買裝就唔岩~ 咁好似自私左d..
你唔想比錢人搵~而選擇自己打.呢個係自己選擇的..
於是你覺得人地都要同你一樣自己打先公平..... 點解你唔做賣裝個位~ 做人唔好做得太自私...
滿足自己的同時...留個機會比人唔好咩?

作者: wrtootiu 時間: 12-11-15 02:36 PM

我認為一隻GAME要長久綁裝是需要

我未玩過TERA
但我個人認為可以半綁~

一汁左已綁定~ 但可以解綁一次 (解綁費好貴)
一汁左已綁定~ 但可以解綁三次 (解綁費一般)
用次數~去介定~

其實如果一打出就唔可以交易係對成個市場都會做成左好大影響= =
打得唔易得姐係我40武+9 (就算唔夠攻又唔可以放俾人用留到個倉到又唔知做咩= =)
已經我覺得一隻好GAME 多多少少都要有同現金交易~
否則幾好的遊戲都只是遊戲跟生活沒有一絲聯繫~

作者: 樂福 時間: 12-11-15 02:39 PM

金裝係最高品質既裝備，支持綁定，不要讓什麼什麼XX工作室有機可乘...

作者: Kｕsｏ-小光 時間: 12-11-15 02:41 PM

綁定唔該= =
唔綁隻game實有工作室狂打裝

作者: ToFuJoe 時間: 12-11-15 02:43 PM

綁啦副本生態唔應該唔綁量產裝
你又唔同天堂2 開放式+難打難做到PK

作者: kacky 時間: 12-11-15 02:46 PM

kevin1468 發表於 12-11-15 02:24 PM
~_~ 所有意見都有一班人話好~有一班人話唔好~
我覺得~ ~~~~~~~~~~~~~~~~~
1)如果無綁定,對所有人黎講就會有 ...

你有係道理既..
就好似依家玩OLG 唔洗自己升 Lv 搵代升一樣~~
不過依家問題係..你認為不綁定可以令到遊戲壽命長定短~~~
副本打唔打其實好死...你可以選擇唔打~~不過你miss 遊戲內容之一
我再問你一個問題~~
你認為PvP 戰埸點數裝綁唔綁好?
另外~~到時玩家都升晒 40lv...唔打副本刷裝...有咩做?
每個人都叫悶..點解?我都買晒金裝~~有咩做?刷戰埸?買咪得囉...洗鬼刷咩~~
咁..我玩遊戲來做什麼??

作者: kacky 時間: 12-11-15 02:47 PM

火天使發表於 12-11-15 02:10 PM
玩過歐版後普通金裝其實唔太值錢
反而d 同等垃圾裝值錢d

60 lv 太遙遠啦...
台版都唔知半年內會唔會開60~~

作者: wrtootiu 時間: 12-11-15 02:59 PM

一隻連最強武器都不能交易的遊戲?真的會長久?
我40LV神武+9 到左60LV 因為冇得交易~所以雞肋? 結果放係倉?

我諗好多人打E隻GAME 係因為佢背後所需要的技術

我認為打機之所以好玩係因為佢做到現實做唔到的事(唔洗老豆有錢唔洗令仔只要你付出就可以為王~)
一隻GAME 最貴的物品都不能夠換現金那那隻GAME 幾大制作幾好畫質~ 他的影響都是虛假的~
就算你技術高超全SER最高攻~ 你OFF LINE 個下~ 你都只係一個平凡人~

只有現金交易才能令虛假的世界變真實
你辛苦打王令你現實得到金錢~

當然我唔支持可以無限交易~
例子~金武只可易一次~ 仲要好貴解綁費

作者: 火天使 時間: 12-11-15 03:04 PM

本帖最後由火天使於 12-11-15 03:08 PM 編輯

kacky 發表於 12-11-15 02:47 PM
60 lv 太遙遠啦...
台版都唔知半年內會唔會開60~~

有幾遙遠

隻game 歐服開收費第一日已經係60lv

60lv係起點黎...
人地ob 跟40lv 係比人測試
呢次係刪檔OB...

唔清楚唔好危言聳聽

============================

同埋呢隻game d金裝
基本上唔同你所認識既裝備

呢隻game 基本上金裝周街都係
唔好講到d金裝係好稀有...
你到60lv 刷幾場副本都差不多成身金裝

隻game最重要既衝裝打白裝黎衝
白裝仲值錢過金裝呀 (白裝你放人上係比人掃)

作者: ToFuJoe 時間: 12-11-15 03:18 PM

本帖最後由 ToFuJoe 於 12-11-15 03:19 PM 編輯

wrtootiu 發表於 12-11-15 02:59 PM
一隻連最強武器都不能交易的遊戲?真的會長久?
我40LV神武+9 到左60LV 因為冇得交易~所以雞肋? 結果放係倉?
...

魔獸世界

裝分黑<白<綠<藍<紫<橙等級
而副本裝戰場裝藍等以上都係捨取後綁定

2005年11月8日開始收費
玩到
2012年都仲有人玩緊

或者你既長久意思係 ? 10年以上 ?

作者: kacky 時間: 12-11-15 03:21 PM

火天使發表於 12-11-15 03:04 PM
有幾遙遠

隻game 歐服開收費第一日已經係60lv

危言聳聽??
CEO 自己話40係原廠設定...
我都希望佢第一日就開 60 啊...

作者: yin-3- 時間: 12-11-15 03:25 PM

緊係半綁啦!!

作者: cyber627 時間: 12-11-15 03:27 PM

不綁定,
A.金裝易出,打場27副成地5~6件
B.因沖裝唔會爆唔會降,基本上有一件已經搞掂
C.就算綁定,OMG都好大機會80%,會出解綁等道具

金裝一日易出,綁定根本睇唔到意義係邊..

作者: kacky 時間: 12-11-15 03:51 PM

cyber627 發表於 12-11-15 03:27 PM
不綁定,
A.金裝易出,打場27副成地5~6件
B.因沖裝唔會爆唔會降,基本上有一件已經搞掂

佢出解綁仲大鑊......

作者: kevin1468 時間: 12-11-15 04:09 PM

kacky 發表於 12-11-15 02:46 PM
你有係道理既..
就好似依家玩OLG 唔洗自己升 Lv 搵代升一樣~~
不過依家問題係..你認為不綁定可以令到遊戲 ...

遊戲壽命長定短? 我覺得係由玩家選擇.
pvp 戰場點數裝.. 不如咁睇.. 我諗大部人都覺得呢隻game係技術流作品
而你所講嘅點數裝係靠一班pvp強人靠自己打返黎~  咁佢可以選擇賣左佢或者自己用(總點係自己可以選擇)
於是有一班技術唔係咁好嘅人(你唔能夠覺得所有人都係遊戲達人)~ 就好辛苦都打唔到返黎...
如果佢唔能夠由第二種途徑得到佢想要嘅裝~於是佢選擇唔玩呢隻game~ 因為唔岩自己玩...
咁就流失其中一部份人~同遊戲壽命有關..
到時玩家都升晒 40lv...唔打副本刷裝...有咩做?? (呢個係你個人覺得打機應該做嘅野)
有人會係咁搵人玩pvp~ 亦有人打機為左識人吹水~  或其他種種唔同原因 ...有d原因你諗都諗唔到--
有可能佢開個艾琳周圍走已經係原因..
可能係商城遊戲嘅出現造就左港幣/台幣戰士.... 對一個代理黎講搵錢係佢地代理遊戲嘅目的..
出d商城裝鬼死咁屈=0= 冇錢你就唔駛同佢地玩.... 唉..
在於呢隻game黎講~ 如果佢出d咁嘅屈裝...唔駛技術已經輕鬆搞掂你...咁你唔需要諗綁唔綁定...
遊戲代理已經出招.,. 唔趕走你..你點會去玩佢代理嘅新game~ 當有比較你就緊係選擇比較好個個..人之常情
同樣道理~ 如果你自己打一套pvp點數裝返黎整明你有技術~ 但係..當你一路打一路打~ 多出黎嘅裝...你掉左佢??
其實送比你d朋友又得~(我唔信你身邊d 朋友~全部係達人....) 賣左佢搵錢又得~
你有技術...就算同裝你都會贏佢.... 咁點解你要介意佢套裝點黎...?? 你贏左佢就得啦....
如果因為佢用錢買返黎.. 而你又輸左... 你會覺得佢唔駛技術打贏? 你唔好唔記得套裝係靠你自己打返黎
佢只係買返~咁都贏你.....只能說佢已經勁過你.... 好啦..你話我打唔到裝又唔很買裝阿..人地買裝打贏你...
呢個係好現實嘅問題...唔通搵人養你...(呢一部份人..我覺得可以無視)
我只能希望隻game出嘅裝唔係屈到爆~ 而令隻game失去技術game嘅原意就得啦~
最後你講個句<每個人都叫悶..點解?我都買晒金裝~~有咩做?刷戰埸?買咪得囉...洗鬼刷咩~~>
冇人逼你買...你選擇買裝~ 之後出黎同人講悶...?你自己揀架wo~~ 仲有d裝點出黎..係人地打出黎.. 人地唔覺悶點解?
因為佢玩緊.... 而你只係等緊佢放....  刷戰埸...樂趣在於殺人過程定係人件裝?? 拎LOL呢隻GAME黎講...場場都係咁嘅裝仲咁多人玩~
搞埋世界比賽.... 因為人地享受遊戲過程~ 點樣用技術單殺~ 點樣團隊合作去贏...
點解TERA隻GAME唔可以咁?? 公會戰~ 個人PVP 我見TERA拍D片係比人睇佢點樣殺人...唔係拍D片比人睇佢有咩裝..你揀左買裝跟住係到叫悶
..人地揀左打裝賣比你...之後睇你係到叫悶... 你想做邊個????
(我見有人拍片放圖比人睇自己咩裝..個D全部係商城GAME...我唔想TERA變成咁..)
(我嘅論點係要比人有選擇...唔係得一條路比人行........)

作者: kacky 時間: 12-11-15 05:47 PM

kevin1468 發表於 12-11-15 04:09 PM
遊戲壽命長定短? 我覺得係由玩家選擇.
pvp 戰場點數裝.. 不如咁睇.. 我諗大部人都覺得呢隻game係技術流 ...

遊戲壽命長定短? 我覺得係由玩家選擇
(((((所以我覺得唔裝綁..會令到玩家對隻game 好快悶..咁樣只會令遊戲壽命變短~~

我見有人拍片放圖比人睇自己咩裝..個D全部係商城GAME...我唔想TERA變成咁
(((((如果不裝綁...大家玩上做以上動作...

作者: 雪龍神 時間: 12-11-15 06:18 PM

肯打多D副~~就算冇時間~~一日打一兩場26副~總有一兩件岩洗~~
尾王起碼噴4件金裝

作者: 0o亞斯蘭o0 時間: 12-11-15 06:26 PM

本帖最後由 0o亞斯蘭o0 於 12-11-15 06:27 PM 編輯

我覺得應該好似wow咁 , 打王出既裝要拾取綁定
而打小怪出既就裝備綁定~ (我冇玩過其他版本-_- 我唔知打小怪會唔會出藍裝或以上-_-"不過我諗應該有既 0.0)
如果冇綁定既話 , 真係只會去哂d 工作室賣真錢....咁隻game就玩完架啦.....
就算有解綁既結果都係一樣-_-"

作者: 火天使 時間: 12-11-15 06:55 PM

本帖最後由火天使於 12-11-15 06:59 PM 編輯

WOW 同TERA 裝備都唔同點混為一談?

TERA講衝裝 WOW 冇衝裝

TERA要衝裝先拎到裝既特效

都唔知留上個班講乜野金裝幣商拎去賣
有冇真係試過玩其他版玩到60LV先

有你就知道隻GAME 金裝係片地都係
綁唔綁裝有關係?
我只想比個貼士你聽
你刷1日副本你成身金有凸

咁你覺得有冇必要綁?
加移速加暴擊呢D 係要再衝先有效果

(D裝唔係1LV 就用到呀老細...係要同等級先用唔到,
唔好講到1LV 渣住把60LV武器, 仲有金裝同藍裝相差唔太大
攻擊力,防 ... 藍裝係有機會高過金裝

作者: 0o亞斯蘭o0 時間: 12-11-15 07:16 PM

本帖最後由 0o亞斯蘭o0 於 12-11-15 07:21 PM 編輯

回覆 kevin1468 的帖子

我諗呢位師兄 , 睇少左國內既工作室啦....呢d工作室只要隻game有利可圖 , 佢地就會由如蝗蟲一樣快速咁鯨吞呢隻game , 佢地可以短時間咁控制全隻game既交易市場
就好似黑暗破壞神3咁 , 初初比較好少少既裝 , 都要成千幾萬金先買到件 , 層經有位師兄係討論區開過一個post係話
佢用左成個月時間 , 終於儲到千幾萬金黎買一件裝,當佢高高興興咁去拍賣場去買既時候 ,佢發現...差唔多同一樣既裝,已經升到成5千萬金啦 , 5千萬金當時係要500hkd 以上 , 到最後佢係放棄左啦
當時,一件靚裝要成約 1000 HKD -_-"
如果真係好似師兄咁講 , 冇綁定既話 ,呢d工作室就會控制哂個交易市場 , 會拎到普通玩家同d 唔想打副本 , 又唔想拎真錢買裝既玩家走哂架啦 (唔好話用似黑暗破壞神3咁高價啦 , 一件+9既靚裝要成500 hkd 咁 , 你又會唔會買...當然 ,買唔買呢d野 ,都係你講既自己選擇啦 )
到時就算你話可以用game錢買架 , 但係到時一件裝要成3000~5000 金咁 , 你又叫呢d人唔用真錢買又點買到呢....
所以我覺得wow 個綁定方式真係幾好既 , 野外怪比較少出藍同金既裝 , 個d就裝備綁定 ,呢d可以交易買賣
打副本王出個d就拾取綁定 , 冇得賣 , 等d人唔駛去副本亂咁拎裝如果唔係去副本打裝 , 好多人一定唔會理自己啱唔啱用,都會自己拎左先 , 就算出布甲 ,槍騎都會同d 魔祭搶裝
所以我個人覺得 , 綁定係須要既

作者: 0o亞斯蘭o0 時間: 12-11-15 07:21 PM

回覆火天使的帖子

師兄 , 我都只係打個比喻姐....

我冇玩過其他版本 , 冇玩過高lv

咁如果d裝強化到+9 又冇綁定 , 咁多係比d 工作室拎黎賺錢既工具

作者: cyber627 時間: 12-11-15 07:43 PM

0o亞斯蘭o0 發表於 12-11-15 07:16 PM
回覆 kevin1468 的帖子

我諗呢位師兄 , 睇少左國內既工作室啦....呢d工作室只要隻game有利可圖 , 佢地就會 ...

副本有個設定係職業優先,邊到你見裝就汁架,

作者: 由乃 時間: 12-11-15 08:12 PM

本帖最後由由乃於 12-11-15 09:15 PM 編輯

我支持金裝綁定,

個個囉鬼哂去賣- -隻GAME好快完..
可能買件裝仲貴過月費..到時真係揾鬼同你玩

金裝又唔係難出 CB完結都有3件係身 2件係包包=.=
沒金裝藍都OK夠用

作者: ken456654 時間: 12-11-15 08:42 PM

火天使發表於 12-11-15 06:55 PM
WOW 同TERA 裝備都唔同點混為一談?

TERA講衝裝 WOW 冇衝裝

其實佢地都唔係無道理

海外既TERA都開左一段時間,所以金裝會比較氾濫,但係頂裝依然係有價有市

而且台服初開,副本拓荒團都幾難打(我諗用套60任務金裝真係好難過到BT...),所以頂級金裝唔會太多

所以台服有幣商賣裝都唔出奇,加上綁定係原廠決定,應該都經過考慮

另外我個人認為綁裝都可以增加挑戰性,係其他服副本唔夠打,通常就去刷錢再係拍賣場拉套頂裝,但如果綁定左,就唔會出現咁既情況.大家都要練好技術去打~.~

作者: 0o亞斯蘭o0 時間: 12-11-15 10:31 PM

本帖最後由 0o亞斯蘭o0 於 12-11-15 10:33 PM 編輯

cyber627 發表於 12-11-15 07:43 PM
副本有個設定係職業優先,邊到你見裝就汁架,

我絶對相信到時D野團唔會全部都用呢個設定....
以利益黎計...仲要係真金白銀既利害關係下....我諗有一半會用已經算好啦~_~"

作者: wai1993123 時間: 12-11-16 12:20 AM

回覆火天使的帖子

ob係不删檔你幾時會見過會删檔既ob ??? 知唔知咩係ob???

作者: 火天使 時間: 12-11-16 01:00 AM

本帖最後由火天使於 12-11-16 01:00 AM 編輯

wai1993123 發表於 12-11-16 12:20 AM
回覆火天使的帖子

ob係不删檔你幾時會見過會删檔既ob ??? 知唔知咩係ob??? ...

打錯係cb

作者: 落花狼藉 時間: 12-11-16 01:07 AM

如果用其他版本比較

係唔好綁定會好D

後期副本裝
冇你地想像中咁易打

打得過上級之後
50%左右出一件金裝
仲要未必係T12.可能係T11

12個鐘副本CD

作者: 落花狼藉 時間: 12-11-16 01:09 AM

其實唔好綁哂就得,T12綁,T11唔好綁

等D人都買到打副本最基本既入場卷
唔洗打都打唔過

副本最終裝綁,次等金裝唔好綁,原廠設定

作者: BODY2211 時間: 12-11-20 02:12 AM

緊係唔綁LA 打到金裝緊係拎去分解架LA 分解左拎去賣丫MA

作者: 吁吁 時間: 12-11-20 02:25 AM

不是針對樓上任何的人發言，只是你們不知道國強工作室實力非凡，最後補一句，好彩沒買天長地久＠Ｏ＠有咩事都可以閃人

歡迎光臨 2000FUN論壇 (https://www.2000fun.com/)