2000FUN論壇

標題: 九陰幫會大戰簡史 [打印本頁]

作者: wiwyzz 時間: 12-11-19 06:46 AM 標題: 九陰幫會大戰簡史

本帖最後由 wiwyzz 於 12-11-19 08:16 AM 編輯

戴頭盔先,我係前高登幫主藍大人,所以呢篇野有少少勢力傾向都唔出奇
呢篇野係我整理左由九月開服到宜家我身為高登幫主對一直以黎港服九陰大型幫戰既了解,所以同高登冇乜關係既幫就容許我無視你先

-------------開服至二內初期----------------
呢段時間,大型既幫會戰主要係發生係蘇州同成都
因為呢段時間比較大既幫係分兩邊陣營
左方                   右方
飄雨同門高登樂遊 VS 紫魅邪神刀劍煙雨 (我唔記得係咪煙雨,不過應該係)
首先講講當時實力先
當時紫魅活人好多,每次打交都好多人出黎 ,甚至後來既惡人谷淺水遊龍,有好多成員都係紫魅散出黎
基本上當時同紫魅1V1 左方四個幫會既嬴面都唔樂觀,不過好彩幫會戰係可以比同盟過黎幫拖
咁既情況,右方當時幫戰刀劍同煙雨既人參加唔算積極,最少我未見過佢地幫主出現
所以右方基本上係靠紫魅+邪神打,而邪神既實力基本同左方四個公會比都係有一段距離,所以右方基本係紫魅頂起個場
而左方當時既戰術樂遊守,飄雨同門高登攻左方既人數安排其實充裕好多
而且咁既情況下,紫魅既大本營蘇州墜仙崖竟然開左中庭犯左幫戰大忌
解釋一下點解咁講先,因為駐地分3個地域,一開波買地只有前面果忽,之後幫主要比錢先會開放埋中庭同後山,但其實中庭同後山既設施係平時其實未實裝,升左都冇用。而開左之後反而係幫戰既時候會依番你開到幾多而有幾多個設施可以傳送落下面地宮普通駐地為1,開中庭為2
咁既情況下,已經人少既右方仲要分兩批人守咁就定下佢地第一次墜仙崖大戰戰敗既結果
呢戰之後,紫魅就被追擊,D人都開始走,特別之後左方乘勝追擊嬴埋第二次既時候,紫魅既人數起馬已經少左一半
而且為左避免冇駐地既困境,仲係丐幫拎左顧傭兵塊地落黎
呢個情況就持續到二內開放初期,魔塚冒起

----------------二內初期至二內中後期------------
呢段時間幫戰既影響範圍已經去到各個門派,係爭惡人谷果D偏遠地方冇人搞
當時既兩大陣營分別係
左方                            右方
飄雨同門高登樂遊 VS 魔塚紫魅邪神淺水(前期)惡人谷(後期)
實力方面左方人員基本保持不變,而右方主力加入魔塚淺水(前期)惡人谷(後期)
以我身為左方既立場,我係覺得呢個階段雖然敵人既陣營變化幾大,但其實實力變化唔大
因為右方紫魅既人員流失得太嚴重,而新加入既淺水其實交唔到太多人出黎,基本上同邪神門係差唔多
魔塚其實只係岩岩補番紫魅流失左既戰力
所以幫會戰其實一樣係右方比左方禁住黎打,右方當時主要既戰術係比人打一塊地就打班唔關事既人塊地落黎保住自己有駐地,所以當時左方同門同飄雨既駐地數大增,更加因為打到淺水冇駐地而令淺水走一班人,令魔塚轉同惡人谷同盟,不過情況冇乜改變,都係單方面壓住打,除左某幾場左方部份幫主(包括我)冇禁助戰而令戰局55波之外

壓倒性既局面直到當時官方出交袋換太極拳活動既時候先開始改變

--------------二內中期至二內後期----------------
呢段時間幫會戰已經變成世界性,野戰/幫戰差唔多邊到都有
因為交袋期間既事件令同門,飄雨同門徒幫會間不和  因為咁,門徒同左魔塚同盟
左方                         右方
飄雨同門高登樂遊 VS 門徒魔塚邪神紫魅 /淺水惡人谷 (呢兩個多數由淺水宣戰去拖左方戰力配合另一條線)
實力方面右方因為門徒加入,實力大增,幫會戰終於唔係比人壓住打,叫做可以打到46 甚至55波
所以呢段時期既幫會戰係最精彩都係最黑暗
精彩在於人數同幫會戰戰術都有左新突破,
例如特登比對面入地宮然後救上面建築封佢門 (呢招係高登副幫南宮夕常用招式)
不過呢個招比人破過三次,兩次係比人用BUG穿牆,一次係比門徒監生打爆門
黑暗在於某幫會開始玩BUG  例如係正廳地底救火,地宮穿牆等  而呢D情況回報GAMEONE,GAMEONE都係唔做野,就好似10月頭同宜家既盜號潮咁
同一個不明BUG,就係燒左相應建築,但佢地宮照關門,呢個情況我做攻方試過唔少次,但係做守方好似冇遇過? 不過唔敢肯定

----------------二內末期至前幾日-----------
宜家幫會戰開始有幾條同盟線,主戰既幫會都多左唔少同盟間未必好FD,但最少唔會互打會幫拖
左方:  神判無雙無極高登 / 飄雨同門高登名門(前期)煙雨(後期)
VS
右方: 門徒魔塚邪神紫魅 / 血色樂遊魔塚 / 惡人谷淺水 (幫主已換人,陣營可能有變)

呢個時期兩邊人數實力可以話接近均等
冇咩大戰發生
幫會戰兩邊都拎唔到咩著數
而左方其實R緊門徒轉陣營,當門徒幫主都話好,等解魔塚同盟既前一日(同盟後14日先解得同盟),佢就被爆A/C了
之後門徒開始轉戰台服

咁計落其實冇左門徒呢個右方最強照計佢地應該係劣勢,
但係大規模爆A/C 令兩邊損失慘重,我自己幫都有十幾個比人爆A/C 之後我見到咁我都冇心玩落去
所以宜家邊面佔優其實唔清楚
---------------開服到宜家幫戰簡史完----------------

之後我想呻下做幫主既辛酸野
其實做幫主真係好煩,又要搞幫戰又要理你果幫有邊條旦散亂殺人,搞事
你幫會內人事又要理,有時連隔離幫搞內亂你都要理
幫戰D人又成日唔上水,升個駐地唔講粗口班人直接唔理你,唔叫運鏢唔運
無論以前敵對又好同盟又好,大家幫主有苦自己知
做幫主真係冇著數架,
門派戰比人優先針殺掛你係碌柱到影相,係街比敵對優先追斬,奪書比人優先殺
開幫錢買駐地錢又係你比,但冇得拎番,幫會資金係冇得拎番出黎比自己袋
幫主全部係義工係M黎
請大家愛惜自己幫主,如果你活躍度過2百,但貢獻唔過5萬我真係想你檢討下你做過D乜
愛自己幫主有好多方法
1.參加幫戰,
唔洗人逼唔洗人叫啦喂,你係到唔該你參戰,停晒你D禁地啦大佬。
你唔係唔知今晚要幫戰掛,就算係,你全隊離開禁地佢都唔會計時,停一陣姐,打完幫戰/食完飯再打lo。
你話時間唔岩咁冇計姐,有D真係人係到都唔出席
幫戰講人數架咋,理得你幾勁,一個打你唔嬴兩個上,兩個唔掂我三個上,三個一齊上打唔嬴一個?唔好玩啦
而且你真係覺得自己廢到一PAT既,你咪去偷野燒/救火LO
2.運鏢
幫會宣戰升建築都關佢事,
升個3級正廳圖紙成14D,你唔係諗住你幫主單扯搞掂掛?
點解邪神門燕京塊地比人打剩58佔有都可以7X錠宣魔塚同魔塚換地? 佢地內部D人肯運鏢lo
運一次鏢唔洗十分鍾,每日運一次唔過份掛? 如果連10分鍾都冇我建議你轉GAME啦不如
運一次普通鏢22兩,一日一個幫可運150次,一日就3.3錠仲未計特殊鏢黃金鏢,運一次一大舊錢既
你班人肯運,個幫根本唔缺錢,積少成多丫
3.捐材料
升建築圖紙同埋升建築
捐材料呢樣又係,可能D材料真係賣到百幾文但係每日捐百幾文既材料都OK掛
但係全個幫會幾百人,當你一半活人每日捐一舊,幾日已經升好啦
仲有唔該記住,升建築升完圖紙要再升真果果
圖紙就咁禁H就升到,真果果要行埋去建築前面點個NPC捐,唔好搞錯

作者: 黑薔薇 時間: 12-11-19 08:09 AM

唔洗玩啦,都未打到D敵幫解散就已經比爆AC既人打散左

作者: wiwyzz 時間: 12-11-19 08:20 AM

黑薔薇發表於 12-11-19 08:09 AM
唔洗玩啦,都未打到D敵幫解散就已經比爆AC既人打散左

呢單野真係,10月已經有一次,仲屈D玩家用不明程式
宜家11月又黎,仲要咩都冇,夠薑仲去SELL佢既風物誌

我就對間代理冇晒信心喇
帶左幾條友去玩TERA算

作者: laimengfei 時間: 12-11-19 08:51 AM

支持下半段d野,做幫主真係好煩

作者: 火云邪神 時間: 12-11-19 09:07 AM

好帖 ~撐~

作者: princealvin0623 時間: 12-11-19 10:43 AM

精彩，你講起開頭令我諗起開ser果陣真係堅好玩，人又多架又打得多，而且好多勁人，依家ser少左好多人，打架叫人上rc都懶，話無咪無rc ac，我都試過比人爆ac，好彩只爆左170兩，我知好快好多人轉tera，但我想留多陣係個幫會。

作者: 被偷號 時間: 12-11-19 11:14 AM

都無講飄雨比人吸曬人,,大阿哥變左細路

作者: dbj 時間: 12-11-19 11:37 AM

試下玩tera-.-..

玩9陰真係焗9氣~

作者: 令狐小龍 時間: 12-11-19 11:49 AM

tera 1 ser見啦

眼見星期六門派戰
唐門打君子

君子有埋丐幫錦衣援助一開波個陣都入唔夠300人
唔知係d人覺得門派戰冇野吸引定係唔玩

作者: laiyinghoa 時間: 12-11-19 12:06 PM

搵玩tera算。。。每日都驚比人爆ac長痛不如短痛、五想玩到後期先咩都無

作者: kingslion 時間: 12-11-19 02:25 PM

以我淺見，左方某幫派野心勃勃，已開始失控，左方陣營隨時內訌

作者: adream510 時間: 12-11-19 04:14 PM

寫得幾好....

作者: MasWish 時間: 12-11-19 04:42 PM

讚好, 寫得好中立!
隻game已經無晒人玩Lu

我係紫魅既, 但係其實果陣人流大量流失,
唔止係幫戰既問題, 其實係發生左人事上既問題,
其實係有人搞內亂, 不過呢d都係過去左既事

作者: coffee_shan 時間: 12-11-19 05:01 PM

身受同感, 開幫用左既銀子, 買地用左既銀子, 全部都係買點得黎, 無左全部無得拎番, 就係諗住, 有幫地大家一班人有地方玩有地方掛機, 用少少錢無所謂

守城守得好辛苦, 3日就一次比人攻城, 會唔會密左D呢???比人攻完無時間我升番D佔有度, 根本買個地返黎係要預左比人拎, 起建築既物資, 得3幾個人去挖, 我地用人手採都有排採, 仲要預留番做裝既材料, 真係陰公...

守幫地留守到最後一刻, 我已經覺得我已經盡左力, 失敗左無左幫地, 我心已經好難過, 但我亦都有種解脫既感覺, 但你見到D人因為你無左個幫地而一個個出幫, 個心仲難受...現實係殘酷的

做幫主要負責個幫既人事, 仲要攪好外交關係, 仲要顧及幫員既感受, 仲要分配佢地組團打副本團練, 但真係無人諗過幫主一人之力, 真係好辛苦, 有時真係諗, 打機打到咁辛苦為咩呢?

作者: MasWish 時間: 12-11-19 05:40 PM

搵錯同盟我個人都覺得岩既,
係呢個江湖我地都見過晒見高拜見低踩既呢d野~_~

不過隻game一路無新血加入..其實都好大問題..
就算有新血加入, 都無人會禁上去升架啦..
所以都幾難再去改寫呢d歷史

作者: realhmy 時間: 12-11-19 05:47 PM

我入過淺水及門徒
等我講下
淺水聽魔虫號令攻守其他幫會,就是戰略上的錯誤,導致樹敵太多,最終更被魔虫出賣而沒去攻高登.

另外門徒
是一個組織力很強的幫,每次打交,幫戰都很給力,如果沒盜號事件,有機取代魔虫的地位....可惜由幫主至下面一大班主力被盜,轉戰華服

作者: adream510 時間: 12-11-19 06:01 PM

門徒很強的其實... 幫主打理得非常好

作者: realhmy 時間: 12-11-19 06:16 PM

adream510 發表於 12-11-19 06:01 PM
門徒很強的其實... 幫主打理得非常好

我認為幫會1VS1,應該門徒最強

作者: 火天使 時間: 12-11-19 06:20 PM

realhmy 發表於 12-11-19 06:16 PM
我認為幫會1VS1,應該門徒最強

門派比較平均極樂 / 少林呢一類控場真係比較多~

作者: chilamau 時間: 12-11-19 08:36 PM

我答你用左75定....我低估了神判飄雨唔用大數炸我幫地.....第2用左10定囉- -
我都係因為比人爆ACC+身邊太多好友比人爆都冇咩心機玩~留番2X重武功插下旗上黎玩算
轉了TERA SER2 希望有機會再同大家火拼=]
ID:上官子霖

作者: 令狐小龍 時間: 12-11-19 08:50 PM

chilamau 發表於 12-11-19 08:36 PM
我答你用左75定....我低估了神判飄雨唔用大數炸我幫地.....第2用左10定囉- -
我都係因為比人爆ACC+身邊太多 ...

ser 1好似多香港人bo

小龍字

作者: nthl93723 時間: 12-11-19 10:11 PM

例如特登比對面入地宮然後救上面建築封佢門 (呢招係高登副幫南宮夕常用招式)

我就黎笑死

好戰術啊!!!!

作者: sylvcy 時間: 12-11-20 06:31 AM

而左方其實R緊門徒轉陣營,當門徒幫主都話好,等解魔塚同盟既前一日(同盟後14日先解得同盟),佢就被爆A/C了
之後門徒開始轉戰台服哇哇哇 = =邊個幫封門徙唔比海皇拎太極拳? 門徙幫主會話好囉吹到勁野仲有=.= 打架個陣幾多個幫打幾多個幫心照

作者: 火天使 時間: 12-11-20 09:20 AM

sylvcy 發表於 12-11-20 06:31 AM
而左方其實R緊門徒轉陣營,當門徒幫主都話好,等解魔塚同盟既前一日(同盟後14日先解得同盟),佢就被爆A/C了
之 ...

你掉轉左黎講係門徒封人地唔比人交公測袋

當活動完左仲話 xx 好威wo 收左幾萬個袋有咩用? 咪又係交唔到

作者: 星夜緋雨 時間: 12-11-20 11:20 AM

很好的文章，支持一下

作者: spacelaw 時間: 12-11-20 02:38 PM

回覆火天使的帖子

人地幫主都講到出黎邊個阻人你都仲要癲到是非，你真係好野

樓主睇下你啲過氣同盟

作者: spacelaw 時間: 12-11-20 02:42 PM

回覆 sylvcy 的帖子

樓主冇講錯。只要係打同門同不落日。就會同盟！

作者: 火天使 時間: 12-11-20 04:43 PM

本帖最後由火天使於 12-11-20 04:56 PM 編輯

spacelaw 發表於 12-11-20 02:38 PM
回覆火天使的帖子

人地幫主都講到出黎邊個阻人你都仲要癲到是非，你真係好野

你知整件事真相嗎? 本身六道同海皇鬥交袋
六道計策係儲住黎後追等海皇後繼冇力

當然總袋數就唔知邊個嬴因為都完左
但係門徒最後個邊係到反串返  :六道有萬個袋未交wo 收黎煲醋

而且最後一日下午突然會一堆魔塚追打六道
去到幫會之爭就雙方都出暴力
最神奇就來了主力比人用幾百兩海捕

雙方請人繼續開戰。  後續就係雙方玩密頻。
[當然到公測袋後用密頻已經唔理係咪局內人都屈左對方先]
========================================

邊個幫玩開高調一直用世頻, 英雄自己知
但唔係用親就係岩

我唔知你講邊個幫主自述

但係想你知道門徒開英雄貼串話六道仲有成萬個公測收黎煲醋

咁你仲唔明白邊個先邊個後?

你有信心公測袋多過對方, 只係交就嬴有必要去搞小動作?
小動作只係無信心個一方先會搞
仲有D要玩到出卧底

清者自清

作者: spacelaw 時間: 12-11-20 05:12 PM

你又真係搞笑！
難道我盲左？
邊個出英雄貼阻海皇交袋？
一個幫十几錠咁叫人打！
出盡辦法阻人阻唔到仲要話返阻佢？
你係得既！
做埋影帝佢啦！
你地連自己同盟幫都洗可見你有几正義！

作者: 火天使 時間: 12-11-20 05:48 PM

本帖最後由火天使於 12-11-20 06:06 PM 編輯

spacelaw 發表於 12-11-20 05:12 PM
你又真係搞笑！
難道我盲左？
邊個出英雄貼阻海皇交袋？

仲記得同門值300錠呢個典故

你自己周圍問下人啦
係佢話出300錠打同門
每個比幾十錠  你記得先好講啦唔好再亂吹啦

你唔會下個post話
你搞笑? 係同門出300錠打海皇
======================================

後補多幾句

係就講埋邊個幫主自述  如果係洛遊就笑了

樓主已經好人唔講洛遊d笑料  係到向同盟乞野

作者: jyun09123 時間: 12-11-20 07:45 PM

火天使發表於 12-11-20 04:43 PM
你知整件事真相嗎? 本身六道同海皇鬥交袋
六道計策係儲住黎後追等海皇後繼冇力

在君子堂的師門大會，
第一輪大混戰的時候，有╴╴的君子堂已被╴╴的人炸密語，數量不止一個。
而到長老-掌門戰的時候，樂遊的前任君子掌門也受到╴╴的人炸密語頻。

最後交袋子一天。
海皇明明超過╴╴六道三千餘袋子，
世頻開始有一個叫"╴二╴神"的小號在叫用錠去叫別公會追殺海皇。
13錠對吧？
我公會收到錢後還在分錢呢！
呵呵。

開小號城管拉人卡千燈屋子卡太極劍舞你們有沒有做過哦？╴？
還有。
交完袋子後。
╴╴有個別幾個人士在世頻說拿了工作室的貨不給錢。
我倒想問下那個工作室會接一個大客戶單子時先會給貨然後再錢。
怎麼每次世頻那一名小號說完你們又不說了？而是去找別的理由去再推塘下去。

作者: spacelaw 時間: 12-11-20 08:03 PM

300錠好似係完左之後海皇話要報仇喎！

你唔好係度本未倒置！
你唔好再死雞撐飯蓋！

作者: 123451 時間: 12-11-20 08:12 PM

做幫主的確辛酸

作者: facg_chan 時間: 12-11-20 08:40 PM

我仲記得係阿六道好似係下午到比人開紅打阻住交袋
海皇用乜交袋自己心照一秒交四個袋
無圖你話有人比左1000錠你地分都得啦最慘係仲要完全無人知邊個比左13錠你
我只係知道海皇洗英雄帖話300錠打殘同門姐
再講一單還一單
講緊門徒打六道無啦啦拉去師門戰
9唔_搭8

作者: 火天使 時間: 12-11-20 08:51 PM

本帖最後由火天使於 12-11-20 08:52 PM 編輯

jyun09123 發表於 12-11-20 07:45 PM
在君子堂的師門大會，
第一輪大混戰的時候，有╴╴的君子堂已被╴╴的人炸密語，數量不止一個。
而到長老 ...

少林派, 武當派沒有? 別傻了同一日
少林7個人對打的時候有2,3個副幫堂主被一直密頻數量也是不止一個

說到相差4000的時候已經是下午開始一直追殺六道
但是六道一直在增加數目縮短至3000 然後事件就來

到後繼世頻英雄貼已經亂入手
甚麼海皇收 100L 一個公測袋六道收 100L一個公測袋

你收了錢? 據我所知一開始時候魔塚已經是了
而且一開始開紅就追打六道了幫會開紅反被海捕幾百L
誰給誰先數錢? 誰先出黑手?

別跟我說你可以不出

然後一堆小號問題開世頻問題
本人從發貼到現在都沒去驗正哪一方一直刷小號看到雙方都有英雄貼對戰
但現在發現最海皇那邊是最正義

正義的可以說六道有萬多個交不到? 真可惜

=============================================================
300錠係當日9~10點鐘講的

作者: 令狐小龍 時間: 12-11-20 10:23 PM

一切已過去
只望有人為港服九陰寫低下一頁

作者: spacelaw 時間: 12-11-20 10:43 PM

比日本仔仲恐怖！
改完歷史仲要自編自導自演！
影帝非你莫屬！

作者: 火天使 時間: 12-11-20 11:11 PM

總好比魔塚之前每次打輸都會開英雄貼講到打到人係百草堂

作者: alanhmau2001 時間: 12-11-21 12:11 PM

[皇朝] 曾經做過第一幫幾日之後就變左中立幫咁制....浮浮沉沉被忽略了...

作者: sylvcy 時間: 12-11-21 12:45 PM

總好比魔塚之前每次打輸都會開英雄貼講到打到人係百草堂魔塚係打輸不過打輸之前邊幾個幫企係百草堂自己知啦

幾個幫企百草堂唔通仲等你地咩?_? 我都走啦

作者: ku5145 時間: 12-11-21 01:18 PM

如果唔係代理問題九陰應該玩到幾年最尾估唔到係唔係3個月就死仲衰過隻天龍八部講番幫會見到頭一個月幫會有百幾2百個活人到而家活人得番十幾廿個都無咩心機玩

而家剩係上去掛內功

BTW TERA SER1 SER2開角色係咪爆左LOL?OB果日唔知仲開唔開到角色呢

作者: manutdgary 時間: 12-11-21 01:22 PM

建議樓主去各大天橋底講返幾年
吾係呢d老作出黎既野
係吾會變成真架

歡迎光臨 2000FUN論壇 (https://www.2000fun.com/)