2000FUN論壇

標題: 舊服,新玩家速成法 [打印本頁]

作者: 命運的羈絆 時間: 12-11-20 04:07 PM 標題: 舊服,新玩家速成法

我發覺大家都有個錯誤既心態就係覺得個伺服器開得越耐就越難追.
而事實係,只要你行一條正確既路,可以講,你同舊玩家可以講係同步前進...

而所謂正確既路,就係唔需要走冤枉路,直接同舊玩家跑同1條賽道.
直接d講 : 唔好浪費時間,直接學現時最高層次既門派內功
即係而家最高係2內,就直接學2內,最高係3內,就直接學3內.

(以下係假設無師門系統/唔想拜師.因為唔係個個server有)

首先要做d咩:
第1篇就梗係要買,公價:15塊牌既價錢.(華山30兩有找)
搵門派既人買/有心玩就主動搵公會入,搵公會既人買更易.
有錢,就買多2篇,接住黎學慳番d時間.

跟住要做d咩:
用錢買唔係辦法,所以要令自己直接換到內功.
要求: 2內要3萬聲望 , 3內要7萬聲望
升聲望要打禁地,你可以直接去禁地入口搵野團,有公會團當然更好.
唔洗驚自己打唔到,2內1級駕輕就熟打到普暮,3內1級爐火純青打到普青.
野團組隊睇實力無人知你底細,入左門口過左海就神仙.
武當坦王自己執生,比較易穿煲...少林控怪,君子御天,峨眉放波,錦衣吸血,等等.
醒醒定定做番自己份內跟住打,勤力d放虎,打到尾都未必會有人知,亦好少理.
夠聲望就可以自己換內功,走既路就同舊玩家一樣喇.

除左上面既野,有咩一定要做:
1,綁架. 最好買名俊,可以話係必需,拎到既錢差好遠.1個鐘1次唔好漏,有錢先可以買野.
2,刺探. 一日5次,唔好漏.換內功要牌.所以一定要做.
3,學歸元. 打禁地要站陣,放虎,歸元一定要學.
4,學輕功. 暮色無所謂,青雲就要學d基本輕功,最簡單3本"扶搖,穿雲,天梯",公會一般有人送.
5.入公會. 跟副本團易d.基本輕功唔洗買.買野平d.當然唔入都可以.

官銀應該用黎買咩升快d:
第1樣係最高層次門派內功第1篇.依樣走唔甩.有錢買多2篇.
另外係買牌,因為上面既野可能半日就做晒.咁牌既入手速度一定慢過修煉速度.
(華山150兩100塊,所以要keep住綁架),咁買牌自己換同直接同人買層數有咩分別?慳番手工平D lo...
當然,你可以響無牌既時候練套路,到刺探/巡鑼/奪書拎到牌再練番內功.咁係最化算喇.

點解我話可以同舊玩家同步前進?
假設今日開放3內,你今日開新人物.
你用2日時間做到可以自己換3內內功,你果1刻就已經同舊玩家2日前企響同1個起點.
當舊玩家3內20-25(左右)將運行內功由2內轉3內(因為整體屬性已經cover到).
而到你升到同等級果1刻,大家就已經真正係同等實力.
就當舊玩家都已經3內36,咁你只要將3內由1升到36,1,2內唔需要理.你就已經同佢地同等實力.

咁舊玩家響被新玩家追成同等實力之後有咩優勢?
經脈: 因為你1內,2內無學過,自然無得開穴位(師門系統直接開通另計),差距係百幾血/內,少少屬性,仲有1個武技點.
套路: 套路並唔影響角色本身實力,但提升套路等級有威力.所以舊玩家已經封頂左幾套,而新玩家就應該先升左門派入面1套自己想用既同打禁地需要用既幾招散招先.

簡單比較一下.
1個少林1內36,2內36,3內36,坐忘20,雙修25,通慧25,學左炎陽全6,魔心全3,長拳全7,達摩全7,韋陀全7既舊玩家
VS 1個少林1內1,2內1,3內36,長拳全7,達摩全1,韋陀全1既新玩家
同裝備之下,舊玩家多左d咩?
6個穴位,大約幾百血,百幾內,命中高d/暴擊高d/高攻d.(真係dd..自己睇番屬性,如果激活錯經脈係無助益)
多d招數變化.就以大家都用7級長拳對打,舊玩家可以用魔隨魔極遠攻幫手.長拳打到悶可以用炎陽同你打.
所以差距就係咁多.
至於金鼎隨行,天馬三環,離多反戈果d其他門派散招.要學的話,新舊玩家都唔會差在果一日半日啦....

希望以上既野對想轉陸服 / 華服 / 台服同想加入港服既新玩家有用.

作者: 命運的羈絆 時間: 12-11-20 04:31 PM

漏左總結番上面篇野,其實結論係: 新加入既玩家要追既,其實只係"最後開放最高門派內功到現在"既時間.

諗到個更簡單無聊既方法....
只要你有名俊,keep住個個鐘綁架,夠錢就買1級內功.
響某d 物價低既server黎講,用響3內上面係行得通.
以黑仔到平均綁架1次得5兩,而3內1級好似已經要4個幾鐘....
以咁既速度,正常買內功既速度一定會快過練內功既速度,仲有錢剩.
仲唔需要衝聲望,唔需要做任何野.咁可以留番d時間做自己野,亦唔洗急住衝7萬聲望.
當然,31級打後就難d喇.(因為要次方合成)

作者: nthl93723 時間: 12-11-20 05:57 PM

呢位手足好有心

E家江湖服/華人服都開左師兄系統
基本上拜個師兄就可以拎到3內1-9層,然後無視 3內任務既前置條件

歡迎各位加入我地桃花島架

作者: 命運的羈絆 時間: 12-11-23 09:44 AM

nthl93723 發表於 12-11-20 05:57 PM
呢位手足好有心

E家江湖服/華人服都開左師兄系統

出左師門系統,新手真係好屈機....
入左門派1內1級就可以拜師.
拜個3內師兄就送3內1-9.可以開5條經,師弟另加250血...
跟住出去踢個館就叫解左週任.
(如果醒水唔食本3內入門,接左任先,就直頭係打街邊野怪...)
半個鐘唔洗就幾十萬修為,2萬2聲望,100萬真氣...
以上係講緊個師兄唔Q理你,自已去解....
如果個師兄組埋你踢果個館就再多100萬真氣同唔知d咩....
(100粒真氣珠係keep住送,解幾多次週任就有幾多...)

星期日接1鑊,星期一又新一週.解2次+本身5千聲望,打場普青就7萬...
懶得打/打唔到就擺多個星期,一樣夠7萬.
仲要係....1-9係直接送,唔洗解任果下先堅....

作者: 令狐小龍 時間: 12-11-24 11:10 AM

命運的羈絆發表於 12-11-23 09:44 AM
出左師門系統,新手真係好屈機....
入左門派1內1級就可以拜師.
拜個3內師兄就送3內1-9.可以開5條經,師弟另 ...

舊玩家=食得屎
個幾個月白玩?

作者: ts02322638 時間: 12-11-24 12:42 PM

令狐小龍發表於 12-11-24 11:10 AM
舊玩家=食得屎
個幾個月白玩?

幾個月技術lo=.=
真係食得屎

作者: ~kwok~ 時間: 12-11-24 12:59 PM

如果要保持有新血就要咁做，唔係既話新手永遠追唔到老手

作者: 令狐小龍 時間: 12-11-24 07:14 PM

ts02322638 發表於 12-11-24 12:42 PM
幾個月技術lo=.=
真係食得屎

技術天生的

利申屎已食

作者: 令狐小龍 時間: 12-11-24 07:19 PM

~kwok~ 發表於 12-11-24 12:59 PM
如果要保持有新血就要咁做，唔係既話新手永遠追唔到老手

點解要追到先...?
照佢咁講真武俠
擺明愈練得耐就愈勁做乜無啦啦初學武林既人可以同練左有一段日子既人差唔多可以平起平坐
定係原廠想趕客走?
另外一個問題
個陣官討有人問國服(江湖服)點解開新ser開得咁快
版主就話為左比方便新手追
咁既然出左師兄系統咁易追既系統
又點解唔合哂所有ser做一個呢?

作者: yoyoyo6666 時間: 12-11-24 08:56 PM

老手太勁新手冇得追會冇動力，一隻GAME 要長久唔可以食老本，都要吸新血丫，新手冇機會追唔玩佢點賺錢- -

作者: 令狐小龍 時間: 12-11-24 09:10 PM

yoyoyo6666 發表於 12-11-24 08:56 PM
老手太勁新手冇得追會冇動力，一隻GAME 要長久唔可以食老本，都要吸新血丫，新手冇機會追唔玩佢點賺錢- - ...

按照之後官方版主既講法,開新ser便解決問題

作者: porterlove19 時間: 12-11-25 05:36 AM

回覆命運的羈絆的帖子

宜家好難玩............用錢

作者: tfsoul 時間: 12-11-25 06:53 AM

真係未試過

作者: 命運的羈絆 時間: 12-11-28 01:00 PM

令狐小龍發表於 12-11-24 11:10 AM
舊玩家=食得屎
個幾個月白玩?

開服玩果批始終都有半個月左右既優勢既.
始終新手要升3內30都要2,3個星期.
出左師送1,2內,經脈開齊6條,打通本門3條.仲有幾百粒真氣珠保證108.
咁佢都係本門30加幾套套路ja.開服已經煲果批點都贏少少既.
反而中途入黎玩,而家升緊2內果d先慘...
2頭唔到岸,自己實力高得滯,師又無得拜,但新加入果d 2下手就同自己平頭..

其實隻game設定得無等級就預左會咁...
而家仲未有任何內功/武學有學習限制.
就算6內又好,100內又好,依樣野唔變,新手入黎R到篇入門食左就可以拍得住你.

所以我就話最緊要利益行頭,套路優先!!
佢要吸引新手玩,內功可以skip晒都得,但套路點都要追喇掛~xD

作者: 令狐小龍 時間: 12-11-28 04:15 PM

命運的羈絆發表於 12-11-28 01:00 PM
開服玩果批始終都有半個月左右既優勢既.
始終新手要升3內30都要2,3個星期.
出左師送1,2內,經脈開齊6條,打 ...

以前 R篇入門
就話經脈冇效
E家經脈有效埋

歡迎光臨 2000FUN論壇 (https://www.2000fun.com/)