2000FUN論壇

標題: 香蕉日報---不定期更新(最近更新17/12/12:名門副幫主出幫之迷) [打印本頁]

作者: 香蕉報記者 時間: 12-12-13 07:29 AM 標題: 香蕉日報---不定期更新(最近更新17/12/12:名門副幫主出幫之迷)

本帖最後由香蕉報記者於 12-12-17 03:23 AM 編輯

昨日晚上九時左右，因為幫會名門犯眾憎故被六個幫會圍剿包括:煙雨閣，愛與恨，秒殺天下，醉意，俠武盟同唯愛(排名不分先後)，雖然戰事一開始由名門佔優，但消息傳開後，各武林人士均相繼出來助戰，形成聯盟---佐助。其後戰事開始一面倒。佐助聯盟由攻轉守，佔領名門幫地個多小時。(有人揚言:對手咁弱下次XX 吹雞唔到)。直至差不多十二時左右，因名門久攻不下，一眾盟軍大感無癮，相繼離去。只留下小部份人留在名門幫地竹林團練，此時，消失了的名門突然出現，做出各武林人士不齒既行為-----斷人團練。

其後盟軍退守鹽幫百草。名門亦出英雄貼表示已將盟軍打到出唔到百草。(殊不知其實大部份人都走哂，仲以為羸左囧)。其後盟軍用計洗紅，其間名門對愛與恨開追殺令(用意不明)，但不到5分鐘，盟軍展開大反攻，其後全韱名門。做出以少勝多既壯舉!

名門此時再度出英雄貼，表示打完，收隊。其實大部份人都坐哂係蘇州監獄。(死要面子，得把口)其後盟軍提議到蘇州探監，更將幫會名門名字改做監等門。本報也只能對名門幫會送上一個數字既慰問。(你懂的XD)

(真心膠，認真你就輸了，不喜勿插，謝謝!)

作者: 黃栗絲 時間: 12-12-13 08:50 AM

本帖最後由黃栗絲於 12-12-13 09:10 AM 編輯

期待佐助同名門有更多大戰

九陰名門滅幫簡史

作者: waijaii123456 時間: 12-12-13 10:45 AM

作者: 司馬二 時間: 12-12-13 11:14 AM

好波香蕉日報

作者: chitho 時間: 12-12-13 01:58 PM

名門呢，最中意等人地走曬之後就返黎攞尾彩。然後話佢地2團人去左打青雲啱啱返黎。我笑左咯

作者: alexsi721 時間: 12-12-13 02:10 PM

點解名門這麼不要臉

作者: 柒淚.^. 時間: 12-12-13 02:43 PM

香蕉報記者發表於 12-12-13 07:29 AM
昨日晚上九時左右，因為幫會名門犯眾憎故被六個幫會圍剿包括:煙雨閣，愛與恨，秒殺天下，醉意，俠武盟同 ...

人地斷你團練又有幾不齒.
你自己留係人地地頭團練就預左比人斷啦.
ps.本人中立.

作者: 香蕉報記者 時間: 12-12-13 03:27 PM

本報既意思係名門做出武林人士都認為不齒既事。並唔係話佢斷聯盟團練有幾不齒。同埋聯盟係個到團練明眼人一睇就知係玩野。請細閱及思考過後才回覆冇意嘴炮謝謝

作者: hkopene289686 時間: 12-12-13 04:29 PM

名門依d不忠不義既25仔幫會,俾人打散係遲早既事,如果唔係埋左神判堆佢神早俾人收左皮啦

作者: LUN001 時間: 12-12-13 05:51 PM

第2次啦肛門,呀唔係名門先岩....你班狗仔2次開追殺令追愛與恨,點x知真係追殺到天涯海角影都無埋

作者: LUN001 時間: 12-12-13 05:53 PM

chitho 發表於 12-12-13 01:58 PM
名門呢，最中意等人地走曬之後就返黎攞尾彩。然後話佢地2團人去左打青雲啱啱返黎。我笑左咯 ...

你錯啦施主名門尋日係全幫人去晒青雲堡

佢地24小時都係青雲堡架

唔駛埋你身都殺到我地仆晒x

作者: ts02322638 時間: 12-12-13 06:14 PM

其實清人場最好開追殺令...
開追殺唔洗紅名入獄...

作者: jason321456 時間: 12-12-13 06:32 PM

回覆香蕉報記者的帖子

成篇文章完全偏坦一方
以為係中立記者  奈何又係一名無名小卒亂咁寫
完全自我審查  不失實報導誤導大眾

小弟只係認為  如果寫得中立會好睇好多

作者: realhmy 時間: 12-12-13 07:22 PM

名門成個幫衰係慕容不義身上
日日英雄貼到串串貢
再加上幫會的立場太搖擺,沒有原則
上樑不正下樑歪,所以落得如此下場
公道自在人心

作者: boffin 時間: 12-12-13 07:32 PM

香蕉報記者發表於 12-12-13 03:27 PM
本報既意思係名門做出武林人士都認為不齒既事。並唔係話佢斷聯盟團練有幾不齒。同埋聯盟係個到團練明眼 ...

此時，消失了的名門突然出現，做出各武林人士不齒既行為-----斷人團練。
-------------------------------------
你斷人團練果4隻字放到咁鬼大重要轉色, 果一句點睇都係想話俾人聽佢斷聯盟團練有幾不齒

作者: waijaii123456 時間: 12-12-13 08:28 PM

收到風不義話同彭葬龍君河好熟

作者: matthew20008 時間: 12-12-13 08:29 PM

名門副幫主:慕容不義面皮厚到你吾信,同人講我同你好熟?你訓醒味....只係識得借人地個名??真係厚顏無恥

BY彭葬龍

作者: 香蕉報記者 時間: 12-12-13 08:39 PM

江湖傳聞:慕容不義即赫連跳制曾召集江湖人士企圖開新幫會打低飄雨，可惜事後失敗，無人響應。其後投入名門摩下為其效力，並召集了一班反飄雨既江湖人士。但其後名門幫主透露和飄雨前幫主墨淺屬真人朋友。現在又與無雙同盟。無雙又同飄雨同盟。咁到底名門與飄雨關係係點?呢一班反飄雨人士又係唔係入錯幫?

作者: varimax 時間: 12-12-14 10:14 AM

我支持樓主既，因為江湖真係好多事，好多人都唔知，樓主花左自己既時間講比更多人知
好似d大幫魔塚，神判，飄雨，無雙等有d乜野事態發現，佢地打跟邊個?誰守誰攻？誰贏誰負?邊d係同盟?邊d係敵對?
為左d乜野原因而打?
我想好多人都想知道，講真咁樣有趣好多~

作者: 司馬二 時間: 12-12-14 11:39 AM

回覆 waijaii123456 的帖子

係呀我都聽過佢仲話有計傾

作者: 黃栗絲 時間: 12-12-14 12:20 PM

琴晚又見到佐助聯盟係蘇州同名門打交
飄雨都有人食花生。

作者: chengex147 時間: 12-12-14 12:48 PM

GOOD LA做得好

作者: 賣帳號133 時間: 12-12-14 12:54 PM

但我琴晚淨係見聯盟比名門封係百草到囉

利申: 花生友

作者: test000 時間: 12-12-14 01:17 PM

名門蘇州監獄觀光團

作者: 司馬二 時間: 12-12-14 02:35 PM

佢地幫地轉左去蘇州監獄呀唔係咩

作者: 淡蘭 時間: 12-12-14 03:06 PM

雖然退出左九陰不過我都想知下近期九陰發生咩大事支持樓主但立場中立的話會更好

作者: ALVINKAN 時間: 12-12-15 05:38 AM

我覺得呢隻所為既香蕉日報咪又係佐助既狗仔一名~~~正一9仔,第一6個幫圍一個幫都攻唔入,做唔到野,實力真係有眼睇,第二6個幫貢多人圍一個幫,都唔係好光榮既事
重好意思報導~哈哈~~笑大人個口~~~~~重有LOW你地佐助幫主好似係大蛇丸果件~~我個小號長掛團練都見到佢,紅惡名同長期紅字LOW~~唔知咩事,好人極有限,重有好多幫員都係惡字專殺人同專攪事~~~一隻手指指住人3隻對住自己LOW~~~反省下啦好事多為~~~~

作者: 迪路. 時間: 12-12-15 06:09 AM

有戰報睇十分好，但我認為樓主欠中肯，有小許偏幫佐助聯盟

請如實報導

作者: kong55 時間: 12-12-15 11:14 AM

花生花生

作者: cchhaakk 時間: 12-12-15 12:07 PM

佢地幫地易守難攻相信大家都知道 6個幫圍名門1個幫係佢地得罪人多稱呼人少所至的名門以不光彩既途徑奪取煙雨閣幫地唔通名門打呢場仗好光彩咩？佢地做出不仁不義既事難道我地聯盟要俾面佢地咩？

作者: 香蕉報記者 時間: 12-12-15 01:13 PM

本帖最後由香蕉報記者於 12-12-15 01:37 PM 編輯

ALVINKAN 發表於 12-12-15 05:38 AM
我覺得呢隻所為既香蕉日報咪又係佐助既狗仔一名~~~正一9仔,第一6個幫圍一個幫都攻唔入,做唔到野,實力真係有 ...

你話我係佐助狗仔唔通你又係名門狗仔?第一你講緊邊日?如果你係講我報導既個日盟軍係攻入左亦都估領左呢個係事實第二點解俾名門俾人圍就叫唔光彩?唔同名門人多洽人就叫光彩? 人地圍佢就唔得?第三點解咁多幫派一齊圍佢? 如果唔係佢太多仇家得罪太多人既話相信呢件事唔會發生到佐助聯盟亦唔會成立  第四你話:你地佐助幫主好似係大蛇丸果件~~我個小號長掛團練都見到佢,紅惡名同長期紅字LOW~~唔知咩事,好人極有限,重有好多幫員都係惡字專殺人同專攪事個個大蛇丸冇幫架喎據我所知聯盟係由唔同幫組成係冇幫主所以個大蛇丸應該同聯盟無關既同埋咩長期紅字可能人地殺掛機呢?不過我唔清楚可能你岩
最後唔該你睇清楚我份野先同埋搵下資料先再講要幫名門既  我唔阻止    但你吹水都吹好D啦

BTW 江湖傳閒:昨晚飄雨VS 名門
據知情人士透露昨晚成都飄雨同名門開戰  因本記者不在場就唔寫太多但場交就飄雨贏左其間有幾個幫派旁邊抽水幫飄雨打名門  打到咁上下名門被封百草一陣之後飄雨就停戰同名門傾    飄雨仲係英雄貼問邊個錯先名門就回應我知錯但我唔改  之後名門幫地又俾佐助聯盟洗地名門透過堆屍清左聯盟出去

如有進一步消息會再公告

歡迎各武林人士將知道既都放上黎講俾大家知俾大家花生下吸引返多D人玩9陰

如有錯歡迎飄雨名門出來澄清事實

作者: 司馬二 時間: 12-12-15 01:22 PM

本帖最後由司馬二於 12-12-15 01:22 PM 編輯

回覆 ALVINKAN 的帖子

我地咁做唔係話有風光...係要話比人知佢得罪多人先有D咁既後果!!

作者: 賣帳號133 時間: 12-12-15 01:33 PM

我都好想知名門點唔光彩拿幫地, 定係你地自己唔守就話人拿左幫地唔光彩

琴晚見住名門比人封係百草都不知花生得幾爽, 不過晚晚都咁夜先打交, 好Q眼訓囉

作者: kkcat 時間: 12-12-15 06:33 PM

好好睇！支持樓主継續報導〜

作者: 超級列車 時間: 12-12-15 07:18 PM

頂! 開個post都要開個分身先敢出

作者: cchhaakk 時間: 12-12-15 07:32 PM

其實樓主好勇敢這樣的戰地記者十分危險好易死在戰火中真的不易做樓主加油

作者: varimax 時間: 12-12-15 08:12 PM

名門佔幫地,唔係因為我地幫幫佢打,佢可德可能占到領地,佢地仲要打完齋唔要和尚,話我地未盡全力幫佢,真係西到無人有!!

作者: 5535269 時間: 12-12-15 11:36 PM

雖然我都好恨憎名門同漂雨但係你都唔中立成篇野變左取笑

作者: gn00739328 時間: 12-12-16 01:32 AM

cchhaakk 發表於 12-12-15 07:32 PM
其實樓主好勇敢這樣的戰地記者十分危險好易死在戰火中真的不易做樓主加油 ...

你唔講, 我以為樓主係聯盟成員

作者: 香蕉報記者 時間: 12-12-16 02:12 AM

好老實如果你地知我咩幫邊個我講既你仲會唔會信?
BTW 個日原來神判幫主有到仲同名門講如果再唔收隊就解同盟

作者: 香蕉報記者 時間: 12-12-16 02:46 AM

據線人透露:是次飄雨vs名門開戰原因
名門副幫主打飄雨某成員仲密飄雨副/幫主話係私人恩怨跟住飄雨副/幫主就同佢D幫眾講你地都可以打名門副幫主因為呢D都係私人恩怨就係咁開戰lu

作者: 香蕉報記者 時間: 12-12-17 03:21 AM

本帖最後由香蕉報記者於 12-12-17 03:27 AM 編輯

江湖傳閒:相信大家尋晚如果有玩九陰既話都知道尋晚十點左右發生左d咩事。無錯喇就係名門副幫主慕xx義出左幫喇咁到底件事既起因係點呢?本記者今次就搵到兩個版本信邊個就睇大家點諗喇。

傳閒一:話說尋日神判叫左名門副幫主x容不x 幫手開追殺令封門口點知名門既幫主就好似唔願意咁冇去組人最後係副幫主組人去既就係咁嘈係上黎最後就走左幫喇話要入神判幫手原因係佢覺得名門叫人幫手就得人地要佢幫就唔去仲話名門變左質。

傳閒二:名門幫主想同仇幫和解副幫主唔想所以就意見不合\可能係想交人出黎所以就踢左副幫喇。

有錯可提出歡迎各武林人士向我爆料

作者: chilamau 時間: 12-12-17 10:38 AM

過街老鼠姐..打機冇話一世都留係同一個幫既..搵著數既人咪會周圍走囉..利益自在人心..貪多D咪搵方法/機會跳黎跳去..現實社會都發生緊好多呢D野嫁啦..見怪不怪

作者: v21235 時間: 12-12-17 11:01 AM

支持遊戲實況報導~

作者: yktcarson 時間: 12-12-17 07:42 PM

義退出名門江楓醜性盡顯

江傲楓 = 口一套心一套狗公 21歲人學人溝 14歲妹妹仔仲話咩等16歲開戰? 對往日幫友毫不留情面串得就串比人串番但係又成隻狗咁本人深感慨嘆點解以前會入左淫門呢個廢幫

作者: Sintin123 時間: 12-12-18 02:15 AM

香蕉報記者發表於 12-12-15 01:13 PM
你話我係佐助狗仔唔通你又係名門狗仔?第一你講緊邊日?如果你係講我報導既個日盟軍係攻入左亦都估 ...

自己睇不解釋

作者: 黃栗絲 時間: 12-12-18 07:58 AM

佐助對名門
每日唔同平台刷出火花

作者: 黑薔薇 時間: 12-12-18 08:54 AM

燕子文咪姐係同門果件
又有幫會加入戰團?

作者: aaron2089 時間: 12-12-18 11:17 AM

回覆香蕉報記者的帖子

傳聞一的確是真的

作者: 一笑而過81 時間: 12-12-18 11:41 AM

其實我們該感謝名門，特別鳴謝江傲楓慕容不義！沒有他們，九陰真的失色不少這才是江湖嘛，比個like佢

作者: 5535269 時間: 12-12-18 08:32 PM

煩膠不義去到邊衰到邊

作者: 小戎道 時間: 12-12-18 09:23 PM

狗公不義入名門衰入左同門琴日搞到同門比高登滅幫

作者: 黃栗絲 時間: 13-1-16 08:38 AM

睇黎你又要繼續報導喇

歡迎光臨 2000FUN論壇 (https://www.2000fun.com/)