2000FUN論壇

標題: 今時今日,所謂既就業輔導員就係甘既質素。 [打印本頁]

作者: c04352001    時間: 12-12-22 06:43 AM     標題: 今時今日,所謂既就業輔導員就係甘既質素。

本帖最後由 c04352001 於 12-12-22 07:02 AM 編輯

前幾日,本人係長沙灣港青中心上第一個為期二十日(十二天全日,8天半日)既職業技能訓練課程,一個名為張小姐既,都唔知點講佢好,佢仲敢自稱班主任喎,但有個甘既老師都喊三聲。


雖然條女唔係囉住份資料跟稿讀,係講powerpoint既形式,但最大問題係佢既語氣,比我地呢班"學生"仲唔耐煩,可能係上課既時間太長(連續4小時)既原因,時不時就彈句無關重要,時不時又借題發揮埋怨下今時今日搵工幾難,返工又幾痛苦等等。盡講埋d母親是個女人般既廢話,講真,呢班學生,除左一兩個年紀介乎2x-3x,其他都4x-6x都有。但人生經歷會唔會少過你呢?要放棄既話,你根本直頭唔會見到佢地上你堂添。

仲有極之記仇,皆因有數名學員提早囉左份timetable黎睇,佢就發哂爛渣,完全就係潑婦罵街級數,唔止,仲時不時(成堂我數過至少提左四五次)又提下d人偷佢野(timetable)啦,又借題發揮埋怨今年既學員有幾甘仆街啦之類。至於學員投入程度?你講得好既,或者有地方俾學員發揮既,學員自然會參與,最緊要係咩,就唔好批評,唔好直接否定,呢d野作為一個輔助員(直頭唔需要係就業)最起碼都應該做到既程度。

仲唔止,當佢講到部分佢自己都唔係太清楚既時候,全部都剩係話:遲d第二個導師會解釋返俾你地聽!講地你準備甘唔夠既話,麻煩你就跳左佢,又或者上網即時search返一d資料,反正四個鐘甘長,仲唔夠你搵資料?講到呢到,好明顯一點,備課不足,講真就算有部分專業用語,你可以照稿讀,,至於個意思學員明唔明,就睇學員既領悟力啦!

我唔知佢係咪好不滿作為港青既就業輔助員呢份工啦,剩係講左自己做左三年幾。上佢第一堂我就至少睇左個鐘十幾次廿次,最後呢?當然就同佢交待左,閃人啦,因為睇返個timetable,至少有三四堂(加加埋埋差唔多成20個鐘都要對住佢)。


最後,真係唔好以為有著數囉,表面上呢d課程仲有資助,每日約7x$-15x$(由面試員判斷)不等,但一堂成4個鐘,由朝9:15-1:15,lunch1:15-2:15,下午2:15-6:15。個導師講野太悶,真係求生不得囉!好處?開課都算快囉,10月報讀,最遲兩個月後開課。
作者: ║~丫健~║    時間: 12-12-22 11:01 AM

sor...字海加行距太密
不能盡閱
作者: hok55555    時間: 12-12-22 11:02 AM

做人當然要積極
教都教人地積極d
發放正能量
作者: 〞kIu﹑    時間: 12-12-22 11:03 AM

又真係幾慘
作者: wyz1301c2920    時間: 12-12-22 11:06 AM

可能佢依D人工都好低
作者: 〞kIu﹑    時間: 12-12-22 11:10 AM

上左年紀 係燥少少架啦
作者: 凸唯而出    時間: 12-12-22 11:15 AM

工作壓力,嗯嗯
作者: 如龍╭    時間: 12-12-22 12:15 PM

提示: 作者被禁止或刪除 內容自動屏蔽
作者: 雪龍神    時間: 12-12-22 12:35 PM

佢係咪更年期
作者: ngoh    時間: 12-12-22 12:51 PM

壓力太大
作者: c04352001    時間: 12-12-22 05:23 PM

本帖最後由 c04352001 於 12-12-22 05:28 PM 編輯
ngoh 發表於 12-12-22 12:51 PM
壓力太大


仲時不時提4個鐘,你地又唔肯講野,點過啊之類。一堂課至少提左又四五次。仿佛佢唔係黎教書,純粹係耗時間來賺薪金。

弊就弊在條女又驚時間過得慢會悶,我覺得係驚佢自己悶,因為佢約模講左兩個鐘到,就已經係語氣上更加唔耐煩,講野又係鬼食泥甘,純粹有枝無線咪令佢大聲d,但都唔知佢講乜。

成班學員,那怕最年輕果兩個2x-3x歲都比你呢個導師有耐性,起埋你真係要學員答問題未至於唔理你,當你透明。而比較老果幾個,第一被你強行屈佢(因為被審問邊個偷野第一個笑左出黎)係第一個偷野(timetable)。好彩人地老人家唔在意者,唔係既話,有個類似你甘既潑婦級學員,仲唔同你對罵?


作者: ngoh    時間: 12-12-22 05:27 PM

c04352001 發表於 12-12-22 05:23 PM
仲時不時提4個鐘,你地又唔肯講野,點過啊之類。一堂課至少提左又四五次。仿佛佢唔係黎教書,純粹係耗時間來 ...

做自己鍾意既野啦,個個香港人都好似鬼上身咁。




歡迎光臨 2000FUN論壇 (https://www.2000fun.com/) Powered by Discuz! X1.5.1