2000FUN論壇

標題: 點解過左成個月都仲係得咁少人玩? [打印本頁]

作者: shiki888 時間: 13-1-20 05:34 PM 標題: 點解過左成個月都仲係得咁少人玩?

本帖最後由 shiki888 於 13-1-20 05:35 PM 編輯

日日我都會玩全民足球，但等開波既時間多過玩既時間，有時想要踢一場團戰要等成 15MINS至整人，完全唔同其他ONLINE GAME咁唔先花時間等

到了深夜或朝早時間時就人更少唉

隻GAME其實都唔錯呀就係唔明點解咁少人玩?

作者: andy哥哥 時間: 13-1-20 07:34 PM

本帖最後由 andy哥哥於 13-1-20 07:37 PM 編輯

D人怕失敗，唔肯付出練波的時間，只系想自己點勁，一旦唔夠人打，就離開。
其實回想現實，咪一樣？
昨晚先看完巴塞，如果你系對手，唔通輸左波就唔玩？

作者: shiki888 時間: 13-1-20 08:07 PM

andy哥哥發表於 13-1-20 07:34 PM
D人怕失敗，唔肯付出練波的時間，只系想自己點勁，一旦唔夠人打，就離開。
其實回想現實，咪一樣？
昨晚先 ...

係喎好多玩家一輸到兩粒就中離遊戲

但佢地又唔知佢地中離電腦會代打點之仲勁贏返轉頭

作者: andy哥哥 時間: 13-1-20 09:13 PM

回樓主，呢個game深夜至朝早係人少的，要睡覺啊。基本玩3個锺都好夠皮。就好似維園球場下午梗係人多架，你半夜落去邊有人踢？想約人一齊玩，梗係搵人多果時啦。全民最多人係晚上9-11點。

作者: 你好-6呀! 時間: 13-1-20 10:58 PM

講真好悶,技少都算特效整到好馬虎就快唔挽

作者: 霸權者 時間: 13-1-22 07:18 PM

shiki888 發表於 13-1-20 05:34 PM
日日我都會玩全民足球，但等開波既時間多過玩既時間，有時想要踢一場團戰要等成 15MINS至整人，完全唔同其 ...

因為好多香港人既精神就係冇精神，輸打贏要遇到有買時裝既贏左就話人點數狗，遇到大陸人贏左就大陸狗，到點裝輸左或者大陸人輸左呢就話人廢大陸玩咁耐都輸波，買點數都輸波。

個人猜測部份大陸人/點數人maybe咁樣比d人激走左唔玩，因而流失左部份人士。而有d就因為輸波，輸多兩場就覺得有點裝玩哂或者大陸人地開服早勁哂，所以唔玩。我都唔係咩勁人都係開左港服一排先接觸呢隻Game，但係我就唔怕輸既，真係連輸幾場既咪換第隊打下都係輸既我會去單人訓練打下電腦練下過人同射門。

我以前玩開隻籃球online game叫 freexxyle( 唔講全名了@@) 都好似全民咁係團隊合作同埋技術第一，能力其次的，港人有一段時間好旺好多人但慢慢就冇咩港人，但係個服一樣好多人(台灣人xd) 大部份台人都係唔多怕輸，係輸波既過程中學習由輸打到變贏，而我以前玩果時合作既港人好多都係輸打到唔會輸 (因為立即唔玩放棄)，其實玩家係咪應該諗下到底係隻遊戲唔好玩?定係港人太要面子輸得幾場就接受唔到情願唔玩呢?

現時既大陸玩家對於新加入既香港玩家絕對係好強好難贏，但係就我遇過既大陸玩家都係好有禮貌而且都唔介意同大家分享應該怎樣玩比較好，如何可以提升個人技術。打過一場兩場都贏不了的大可以換別隊，跟實力差不多的玩家切磋，玩得多自然就會有自己心得同提升到個人技術。我冇無意引發香港人罵戰，只係討論下點解隻game好似人流唔太夠。

作者: 可歌可泣 時間: 13-1-22 08:04 PM

回覆霸權者的帖子

真係好比心機回帖

作者: andy哥哥 時間: 13-1-22 09:44 PM

本帖最後由 andy哥哥於 13-1-22 09:45 PM 編輯

今日我地就系玩game姐，玩晤玩都晤緊要，但系在社會上，系晤得晤玩。現今個社會全球化，自己晤掂，就系自己的損失。所以個足球game教會我地一D做人道理。
支持#6樓，晤怕輸，自己練，再打過。呢D先至系香港精神！

作者: bom 時間: 13-1-23 02:44 AM

其實我見到有唔少場係有位架..
只係D人見新手開既場.低LV開既場,怪陣(3F/3D)場.唔入咁姐
其實入果少場.都幾好玩..可以練下自己既EQ同個人技術

作者: powerbank4 時間: 13-1-23 11:35 AM

回覆霸權者的帖子

freestyle d技正好多wo=.=

作者: aa2828 時間: 13-1-23 12:16 PM

沒有最少只有更少
依家咁多online game選擇
好多人一唔岩心水就轉game 唔怕冇野玩

作者: 霸權者 時間: 13-1-23 01:01 PM

本帖最後由霸權者於 13-1-23 01:04 PM 編輯

powerbank4 發表於 13-1-23 11:35 AM
回覆霸權者的帖子

freestyle d技正好多wo=.=

呢樣就真係唔怪得隻game@@籃球本身就好多花式反之足球本身...其實就冇咩花式可言，除非呢隻係足球小將online啦，咁就好多花式射波

我反而希望官方可以修正遠射呢個問題，家下既遠射想入係一定要係果一兩個位置到射我覺得似係bug位多個技術性入球，人人去練遠射係咁射既真係冇團隊精神可言‧當然都有d人會話你識守既就會包左佢d位等佢起唔到腳,但係我覺得既然係指定係先射到既就似bug多d不如修正左佢好過，遲d先改良下隻game係遠射都有一定機會入(唔係指定位)

歡迎光臨 2000FUN論壇 (https://www.2000fun.com/)