2000FUN論壇

標題: (志同道合)有無人想過澳洲做野 [打印本頁]

作者: 樂生 時間: 13-1-24 12:43 AM 標題: (志同道合)有無人想過澳洲做野

講講先...小弟出黎做野有4-5年了....一直尋尋覓覓係度.好似困住左係個小圈子入面
想跳出去見識下....有無朋友去左做野緊/已經返黎....
想知袋鼠國果邊D野.....咩都好....
小弟可能最快今年3月出發/年尾

作者: ║～丫健～║ 時間: 13-1-24 12:54 AM

WORKING HOLIDAY?

作者: 樂生 時間: 13-1-24 12:57 AM

回覆 ║～丫健～║ 的帖子

YES

作者: ║～丫健～║ 時間: 13-1-24 12:58 AM

樂生發表於 13-1-24 12:57 AM
回覆 ║～丫健～║ 的帖子

YES

做到會發達

一日隨時搵到7-800

BUT要捱得...

作者: 【夜空】 時間: 13-1-24 12:59 AM

小弟都PLAN緊今年內..但VISA都未整

作者: 樂生 時間: 13-1-24 01:03 AM

回覆【夜空】的帖子

諗住預幾多錢去??

作者: 薄餅仔 時間: 13-1-24 01:05 AM

我fd都去左working holiday~不過唔知咩country- -

作者: 樂生 時間: 13-1-24 01:08 AM

回覆 ║～丫健～║ 的帖子

係香港做都有呢個價...但係......生活唔似生活~~

作者: 【夜空】 時間: 13-1-24 10:01 AM

回覆樂生的帖子

其實冇特別預算..自己本身有儲D錢..玩得開心玩耐D..冇野玩早D返香港
有幾雞野係銀行夠你玩啦..-_-"

作者: 莉迪亞 時間: 13-1-24 10:06 AM

提示: 作者被禁止或刪除內容自動屏蔽

作者: 『浩～哥仔』 時間: 13-1-24 10:16 AM

去澳洲做野人工好高...
去一年就搵差唔多10萬...
但前提係去到真係做野...唔係本著玩下做下野既心態去...
因為澳洲個邊d人...唔_係做野的...
所以...基本上你只要肯做...大把錢你搵...由其是假期..佢地更加唔會開工...你肯做~~大把錢比你~~~
工作類型有汁屎....剪下草...係農場做野...就算cheap如m記肯德基都好高人工...
以上資訊係聽我朋友去完返黎話我知..

作者: 樂生 時間: 13-1-24 12:26 PM

回覆『浩～哥仔』的帖子

講多D!!!@@~~

作者: 冰羽毛 時間: 13-1-24 12:50 PM

果邊物價高過香港

作者: 『浩～哥仔』 時間: 13-1-24 02:11 PM

樂生發表於 13-1-24 12:26 PM
回覆『浩～哥仔』的帖子

講多D!!!@@~~

仲想知d咩??

作者: 『想』 時間: 13-1-24 02:29 PM

我而家系澳洲..你有咩可以問下我

作者: 樂生 時間: 13-1-24 02:54 PM

回覆『浩～哥仔』的帖子

係度諗緊自己英文唔好都唔知可以做D咩

作者: 樂生 時間: 13-1-24 02:55 PM

回覆『想』的帖子

果邊做緊咩/?

作者: 『想』 時間: 13-1-24 03:20 PM

本身我系hk做面包..黎到都系自己去搵黎做..
你想知d咩?

作者: 樂生 時間: 13-1-24 03:24 PM

回覆『想』的帖子

生活點呀~~工作辛苦?
係咪過去最好買車?
過去次前洗唔洗考定車牌先
如果做左一年時間野...想留低係度有咩方法..(除左假結婚外)
你幾歲過去?同果邊D人相處點?

作者: 『想』 時間: 13-1-24 03:58 PM

我都系whv..
可能你開頭會覺得悶囉...慣左又冇咩野...玩既野同香港吾同..呢邊玩大自然
d錢易來易去...吾系勁大洗的話都一定有錢淨...
呢邊系一定要有車..吾似你香港一落樓咩都有行2步食乜都得...
車牌你香港有的話你申請個國際牌呢邊都可以用..
如果夠25歲系度考路試有埋au牌更加方便囉

通常第2年叫做2簽...好多人都系留2年...
但方法就系要去農場做90日野..個農場就會比個証明你..你再上網申請就ok..
當然有黑市..你可以買...$1000~$2000aud不等

作者: 樂生 時間: 13-1-24 04:16 PM

回覆『想』的帖子

你初頭帶左幾錢過去?自己一個去定組團?
會唔會開始溝通唔到?

作者: 『想』 時間: 13-1-24 04:17 PM

首先你要知自己去邊個地方..東澳果d就繁榮d..打唐人工人工會低d
我呢邊就西澳..唐人工比東澳高d..不過就冇甘繁榮..1個city半日已經行晒..
第2
你要知自己想做咩..一心想做農場就吾好去西澳..因為好多仆街農場..
去昆士蘭果邊會好d..詳情你可以上背包客棧睇下資料...當然要辛苦d爬文..

我諗最要注意呢2樣...錢方面我建議多少少..大約$3000aud
除非你黎到已經諗住乜都吾理咩工都反..甘的話$1500都夠

你如果想系au有居留權有幾個方法..投資移民你一定冇嫁啦..
>學生簽証...如果你讀到某d科..系可以留系au既!
>工作簽証...呢邊叫做457..working visa..要有老闆肯幫你搞..你自己都要有d相關行業既証書..au政府會叫你交錢去學english..最少捱4年..你就可以拎到個身份

作者: 『浩～哥仔』 時間: 13-1-24 05:11 PM

樂生發表於 13-1-24 02:54 PM
回覆『浩～哥仔』的帖子

係度諗緊自己英文唔好都唔知可以做D咩

去到想唔好都變好...
慢慢適應...
不過我個fd佢就好d...
佢去之前佢已經有fd係個到做緊野~~
所以佢一去到就知邊到搵野做..~~
一齊住之類~~有個照應

作者: benny 時間: 13-1-24 08:57 PM

我宜家係澳洲悉尼。。帶左1000蚊澳幣黎。。到步2個月。。去左墨爾本。。阿德來德。。之後就係悉尼。。當然如果你基本英文溝通到。。係city入面好易搵到工。。如果唔得既。。係city只可以做下侍應/kitcen hand。housekeeping and cleaner need english.如果無車都好難搵到野做。有車人工就高d。農場跟住個season走會賺到錢。可以當體驗。但住既地方定無咁好。同埋唔穩定。有人一日賺得40到50。有人賺200。考技術體力。天氣過40度就唔會比你開工。落大雨都無工開。磨姑工廠夠穩定。室內工作。牛肉羊肉工廠人工高。相對地體力有一定要求。矮過170既男仔都比較吃香係工廠。因為d機械工作台比較高。工廠最小18蚊粒鐘。但入面勁血腥同核凸。女仔好好多。因為多數做packing涷肉。男仔就大多數去屠宰部拉羊皮排羊等工作。。玩埋洗牛胃你就知辛苦。。。同玩屎無異。。華人廚房10蚊到11蚊一粒鐘落場1個半鐘。。做死你如果係city..city外面就好d。。無咁忙。。包食住。。終之。。澳洲打華人工你預左辛苦時間長。。。西人工人工高但大前提你a level起碼要有b。。見工最好有cv。。係香港有乜履歷表帶哂過黎見西人工。。呢面做清潔仲高人工過做餐館。。大前提你要識渣車。。未夠25歲係香港考完牌先好過黎。。夠25歲係呢面考牌平過香港。。買部車唔貴。。800到1000澳幣都有。。

作者: qcuqcuqcu 時間: 13-1-24 09:07 PM

搵到工先過去?

作者: benny 時間: 13-1-24 09:20 PM

qcuqcuqcu 發表於 2013-1-24 21:07
搵到工先過去?

你先確定自己想做咩類型既工先。。之後睇下邊區多。。。先再出發。。。就算你搵定都無用。。去到實際情況唔同網上所講。。。所以最好去d多工作機會既地區。。咁一份唔得都可以有機會搵到第2份。。好似我係阿德來德咁。。。工作機會勁小。無車都唔會請。。除左工廠有中介外。。

作者: 不知不覺的 時間: 13-1-24 09:22 PM

本帖最後由不知不覺的於 13-1-24 09:23 PM 編輯

樂生發表於 13-1-24 12:43 AM
講講先...小弟出黎做野有4-5年了....一直尋尋覓覓係度.好似困住左係個小圈子入面
想跳出去見識下....有無朋 ...

你尋唔到路....只係唔知點先搵到路.....你圈子細,因為你無諗過點樣去擴闊

你過到去果邊,都一樣係做返ed工,不過果面天空大d,視野可以放遠d,因為大城市唔多,出左大城市,真係建築物都唔多座

如果你鐘意大自然,鐘意見到多d花草樹木,唔怕蟲咬蛇咬手掌咁大既蜘蛛咬蜜峰針,你可以試下去果邊感受下香港無既涼風....

作者: 不知不覺的 時間: 13-1-24 09:28 PM

benny 發表於 13-1-24 08:57 PM
我宜家係澳洲悉尼。。帶左1000蚊澳幣黎。。到步2個月。。去左墨爾本。。阿德來德。。之後就係悉尼。。當然 ...

勁,夠曬詳細,做農場,好彩就有瓦遮頭,唔好彩住帳篷......同埋e+天氣問題成日失收

作者: 常山趙子龍 時間: 13-1-24 10:41 PM

去澳洲做野好
去做返幾年已經都有幾十萬

作者: benny 時間: 13-1-24 11:11 PM

回覆不知不覺的的帖子

最慘係10個人一間房or室。廁所得1個。法國佬又唔鐘意沖涼。好臭

作者: benny 時間: 13-1-24 11:12 PM

回覆常山趙子龍的帖子

有雇主擔保就係。。。唔係你得2年時間。。要搵錢打2份工先得

作者: TTISWHO? 時間: 13-1-26 09:24 PM

提示: 作者被禁止或刪除內容自動屏蔽

作者: TDEA 時間: 13-1-27 07:42 PM

去完澳洲生活包你唔想返hk,
你會發覺hk唔係人住,壓力大到on9
個邊正係清潔都高過晒呢邊寫字樓=.=又hea生活質數又高

歡迎光臨 2000FUN論壇 (https://www.2000fun.com/)