2000FUN論壇

標題: 其實兩大球會搞到咁,官方係唔係要出黎講D野呢? [打印本頁]

作者: mraz08 時間: 13-2-2 08:11 PM 標題: 其實兩大球會搞到咁,官方係唔係要出黎講D野呢?

全民兩間大球會而家猛烈開火
其中一個主要問題就"一隊獨大",追根究底,其實係遊戲內投資球會升級用黎加人數既制度有問題
以SUMMER為例,往往領先第二名幾百分甚至更多
咁我想問聯賽仲有咩意義?除左實力外,已經係純粹鬥人多
小球會永無發圍機會, 心灰意冷而相繼離開球場形成惡性循環
長久落去對遊戲既發展肯定呈負面影響
官方係唔係要作出D針對性措施,,解決當前既地域矛盾同制度問題呢?

作者: 霸權者 時間: 13-2-2 08:17 PM

本帖最後由霸權者於 13-2-2 08:20 PM 編輯

呢個帖有正面討論價值,但係我覺得都幾難設定囉,你俱樂部改收人數少既或者改一個俱練部只出一隊既都係死嫁0.0,我果時玩果隻fs(籃球game都係有呢d聯賽)冇記錯的話其實全民都係咁上下俱樂部愈大就派愈多隊出去打，打完拎最多分就係冠軍。
當然俱樂部同俱樂部之間有時會嘈幾句啦,但係就唔似全民呢到咁囉,嘈足一兩個星期都嘈唔完

作者: jason861 時間: 13-2-2 08:27 PM

其實只要沒有了summer,summer中的港人也會到
supreme中,繼續''一會獨大'',要解決這個問題
要del曬d公會,重新讓人進入不同公會
而可能需要封ip,令大陸玩家不能夠靠經驗多而拉更多人入會
從而解決這些問題..

(以上係個人睇法,唔係專業意見,只想討論問題,唔係為插而插)

作者: mraz08 時間: 13-2-2 08:29 PM

霸權者發表於 13-2-2 08:17 PM
呢個帖有正面討論價值,但係我覺得都幾難設定囉,你俱樂部改收人數少既或者改一個俱練部只出一隊既都係死嫁 ...

官方可以設出隊限制,例如一隊只可以出3-5隊
當有人無得玩,自然會另組球會,咁聯賽就會壯大,新手同小球會都有機會上位
可能會有人話分左會會無咁熱鬧
咁官方都可以整個"電台"頻道,可能要用二百點買一個月,一個會30個每人10點有突
個"電台"可以用黎聯合幾個球會一齊吹水
咁咪又熱鬧又可以掠水囉

作者: mraz08 時間: 13-2-2 08:31 PM

jason861 發表於 13-2-2 08:27 PM
其實只要沒有了summer,summer中的港人也會到
supreme中,繼續''一會獨大'',要解決這個問題
要del曬d公會,重 ...

其實我認為封禁大陸玩家IP唔係好事
佢地係有實力同經驗,亦都係好多新玩家既挑戰對象
一味趕走D有實力既人係本未倒置同治標不治本
反而應該諗下點留住D新手廣納客源先係正路

作者: 霸權者 時間: 13-2-2 08:33 PM

mraz08 發表於 13-2-2 08:29 PM
官方可以設出隊限制,例如一隊只可以出3-5隊
當有人無得玩,自然會另組球會,咁聯賽就會壯大,新手同小球會都 ...

幫官方諗埋用點買頻道a_a你係咪官方人黎嫁 (純講下笑)

限隊其實都ok既 ,比你講一講,fs好似都有限左幾多隊的,原來家下全民無限出隊的啊@@?我呢d新手來來去去都係打下野團,冇打過聯賽唔知咁多,如果係既你呢個提議都唔錯既,不過win左既團唔係成個俱樂部都有點劵拎咩@@?咁可能都只係減少左分數既差距,唔一定可以完全解決問題...不過世事又點可能完滿解決人人開心嫁xd只可以盡量覺得公平既姐,你呢個建議我buy!

作者: mraz08 時間: 13-2-2 08:37 PM

睇我個簽名都知我曾經係另一個足球ONLINE GAME既玩家
呢隻遊戲由公測(07年)我就開始玩,見證住由最高峰爆SER到一個SER得幾間房
我想俾全民足球官方既忠告就係,賺錢可以賺得聰明D,諗得長遠D
我知道單單一個遊戲係你地眼中係不值一提,我地呢D玩家意見你地當然係可以當唱歌
但掠水手法高明D,吸引多D人玩,錢又賺多左,年尾分花紅都分多D啦
短視,追求蠅頭小利,永遠係一件事終結既開始

作者: ORAN 時間: 13-2-2 08:48 PM

收人既數目只要减少 1級會只可收15人 3級就20人已經可以解決哂

作者: ORAN 時間: 13-2-2 08:51 PM

收人既數目只要减少 1級會只可收15人 3級就20人已經可以解決哂

作者: ORAN 時間: 13-2-2 09:03 PM

重會當然要嘔番哂d點數比捐點者

作者: jason861 時間: 13-2-2 09:46 PM

回覆 mraz08 的帖子

其實就係有大陸玩家
令到香港玩家打''個人比賽''點打都打唔到上冠軍
所以先令到佢地唔想玩
因為永遠唔到佢地拎獎
如果想寄望於''公會聯賽''
又係大陸玩家ge天下
點解咁多人會入summer?
就係因為佢地係大陸玩家
經驗高於正常香港玩家
令佢地入會係為左得到點卷
而其他細公會(大部份都係香港人開)
又係無法得獎,咁樣都會令人冇左奪冠ge心態
因為點打都打唔上,佢地就會走
重覆咁樣,人流都係會少

作者: Detinho 時間: 13-2-2 10:04 PM

jason861 發表於 13-2-2 09:46 PM
回覆 mraz08 的帖子

其實就係有大陸玩家

個人賽點樣打唔上冠軍

作者: 霸權者 時間: 13-2-2 10:15 PM

本帖最後由霸權者於 13-2-2 10:19 PM 編輯

jason861 發表於 13-2-2 09:46 PM
回覆 mraz08 的帖子

其實就係有大陸玩家

你咁講姐就算再玩落去香港玩家點都係唔會進步win大陸玩家=.=?當家下封左大陸ip,人地要玩既一樣可以用代理ip照玩,咁又要點呢?有d遊戲封左對外ip玩家想玩既就嘈人互聯網應該係世界大同互通既,點解要封ip搞到我地玩唔到,或者搞東搞西用代理先玩到? 呢面又話點解港服有大陸玩家...好矛盾

玩港服唔可以有其他玩家,但係就算當時岩岩開唔係太耐hk既玩家人數到底係有幾咁多呢...香港打輸比香港就會甘心唔會走而留底磨技術0.0?我覺得唔會囉.本身好多(唔係所有丫)香港玩家本質接受唔到輸,輸左就一定有其他問題.但唔會係個人問題係隊友,係對方有問題. 我本身都唔係勁成日輸,但係就我個人黎講,我有遇到因為個人技術較強而獨食既大陸玩家,但係印像中冇遇過串咀既大陸玩家. 相反地未打就串定你先,我要數你幾多粒快d開波,淆底唔敢開波丫? 或者win左你之後串既香港玩家我就經常遇到...咁平心而論..到底係高技術打贏你唔出聲既趕客定係不論高底技術就串定你先既人比較趕客呢?

作者: jason861 時間: 13-2-2 11:06 PM

回覆霸權者的帖子

我講緊ge係活動比賽,唔係普通遊戲
香港玩家係因為覺得冇可能贏到summer,拎唔到聯賽冠軍,
而離開,其實呢個係次問題,
主要問題係遊戲本身lag到人地走,
佢地改善完之後,令到本身冇事ge人都lag埋一份,
我身邊d朋友都係咁而唔玩..所以都想佢地正視問題

作者: jason861 時間: 13-2-2 11:15 PM

回覆霸權者的帖子

同埋我覺得玩呢隻game,
d人最主要係睇聯賽冠軍,
因為贏左係為自己公會打得榮耀,增加歸屬感
但係就係咁樣,冠軍永遠係summer
冠軍同亞軍ge分數係差成200分
可見呢個距離都係好遠,
你想我地努力去練波,
我都覺得你岩,但係練極,個差距只會慢慢減少
我唔知道要練到幾時先可以追上佢地ge實力
同埋佢地ge公會會因為升級,而入公會人數愈來愈多
人ge選擇係用咩黎定義?勁
如果真係咁多次ge聯賽都係佢地贏
新/舊ge玩家,都係會因為呢個定義而入佢地會
而佢地人數愈來愈多,聯賽個參與人數就會愈高
可能我地ge進步會追唔上佢地人數愈來愈多ge成果
我地就追唔上呢個通脹,差距就會愈來愈大
更加會造成反效果

作者: 你好-6呀! 時間: 13-2-2 11:50 PM

直情刪9　ＳＵＭＭＥＲ個團　咁咪平均番囉　唔洗煩

作者: Detinho 時間: 13-2-2 11:52 PM

你好-6呀! 發表於 13-2-2 11:50 PM
直情刪9　ＳＵＭＭＥＲ個團　咁咪平均番囉　唔洗煩

一於除左SUPREME既人
其他全部刪晒
到時咪唔駛嘈囉

作者: mraz08 時間: 13-2-2 11:57 PM

jason861 發表於 13-2-2 11:06 PM
回覆霸權者的帖子

我講緊ge係活動比賽,唔係普通遊戲

所以其實一路講緊將球會既規模縮細
或者聯賽限制出賽隊數等等
而家既模式完全握殺曬小球會同新手既生存空間
堅持玩落去既大部分都被吸納,然後去大球會做D可有可無既角色
貧者就愈貧,富者就愈富
如果官方係有心解,呢個問題真係好逼切要解決

作者: Addoil123 時間: 13-2-3 12:37 AM

建議: 聯賽限制同時間的出賽隊數=eg.5隊
聯賽以隨機方式分配自己同公會的隊友, 情況如個人排位賽般, 避免某20人hold住個出賽位置, 讓公會每個玩家都有機會參與
咁可以避免到每個公會出賽賽事次數既差距, 同埋公會入面小圈子的問題, 加速公會融洽!

作者: passerbya 時間: 13-2-3 02:18 PM

我陰謀論d咁講，當真係縮人數 ( 但實際情況 = 依舊個班人，只不過分成唔同隊 ) 你估到時佢地唔會夾埋一排到就踢假波？ ( 我相信SUMMER同SUPERME都會做囉 )

限制出賽隊數呢個比較實際，只可惜原本少人踢既聯賽，會變得更少人，去到最後就會變成拆會，之後重演上面既惡行

作者: kokopo 時間: 13-2-3 02:28 PM

passerbya 發表於 13-2-3 02:18 PM
我陰謀論d咁講，當真係縮人數 ( 但實際情況 = 依舊個班人，只不過分成唔同隊 ) 你估到時佢地唔會夾埋一排到 ...

你串錯字

作者: mraz08 時間: 13-2-3 08:41 PM

本帖最後由 mraz08 於 13-2-3 08:45 PM 編輯

passerbya 發表於 13-2-3 02:18 PM
我陰謀論d咁講，當真係縮人數 ( 但實際情況 = 依舊個班人，只不過分成唔同隊 ) 你估到時佢地唔會夾埋一排到 ...

呢樣真係完全靠玩家自律
同埋官方要有投訴機制
而家又有錄片,係唔係可以開放聯賽錄片免費呢?

作者: passerbya 時間: 13-2-3 09:04 PM

kokopo 發表於 13-2-3 02:28 PM
你串錯字

原來一直都睇錯，真係唔清楚

歡迎光臨 2000FUN論壇 (https://www.2000fun.com/)